يادي الفضيحة أم جلاجل ...

[شريف مان]

ماشى يا nightmare

خلى الاعداء يشمتوا فينا

دا انا كنت بفكر أعمل رابطة الزملكاوية فى المحاورات .... تقوم تقولى أنتى زمالك mfb:

[nightmare]

ماشى يا nightmare

خلى الاعداء يشمتوا فينا

دا انا كنت بفكر أعمل رابطة الزملكاوية فى المحاورات .... تقوم تقولى أنتى زمالك mfb:

اعمل ايه بس يا شريف يا اخويا , خلاص جسمي ما بقاش يستحمل زي الأول

6 سنين ودي السابعة , ومش عارفين الحال هيتصلح امتى:sad:

ربنا ييسر اعمل بس انتا وانا وراك على طول , والأعداء شمتانيين على طول, لو خسرنا يشتموا ولو كسبنا يقولولنا من نفسكوا.

مع تحياتي

[engmido]

والله يا عمنا كان بودى

لكن العين بصيرة وخاصية التقييم قصيرة

انا محروم من خاصية التقييم :sad:

أتوسطلى عن السيد عادل يمكن قلبه يحن :D

اعمل يا شريف يا اخى مانت اللى طايش ومتهور .يا شريف

اه ...شريف يار اجل...

هههههه

[se_ Elsyed]

إحنا هانتأهل بإذن الله لإن لسه فاضل 4 مباريات منها إتنين على ارضنا مع فريق المعيز بتاع النيجر وجنوب أفريقيا ... وسيراليون بره وجنوب أفريقيا بره

لكن المشكلة إن حسن شحاته ساعات بيهيس وياخده الغرور زي ما حصل أخر ماتشين قدام سيراليون وقدام النيجر ...

ومش عيب أبداً إني استغنى عن الأسماء الكبيرة زي أبو تريكة وما أبدأش به أو أركنه شويه وأستغل حماس الشباب المنطلق بسرعة الصاروخ زي وليد سليمان لاعب أنبي ....

ومش عيب أبداً إني ألغي حسام غالي من الدنيا كلها وأضم حسام عاشور ذو المستوى الثابت واللي يعتبر وتد في نص الملعب أو محمد شعبان لاعب أنبي وبتروجيت السابق ..

ومش عيب أبداً إني أحتوي شيكابالا وأعامله زي الطفل الصغير وأعدل دماغه طالما هايكسبني ...

ومش عيب أبداًً إني أضم فلته من الفلتات واللي انطلق مؤخراً زي أيمن حفني لاعب المقاصة

ومش عيب أبداً إني أسافر وأركب البحار عشان أتفرج على فرق كنا نحسبها ضعيفة .. لكنها لسعتنا على قفانا وعلمت علينا زي سيراليون والنيجر ...

لكن الكبر وِحش .. والغرور على الكرة المدورة ... يبؤدي إلى الدحرجة والوقوع على بوزنا ... وده حصل بالظبط

وأتحدى حسن شحاته يكون إتفرج على حاجه لسيراليون أو النيجر ....

ياريت نفوق بقى ... لإن كرة القدم من قديم الأزل معروف إنها لا تعترف بأسماء ولا بتاريخ ولا ببطولات سابقة ... وهي دي حلاوتها

لكن خلونا نعترف إننا مازلنا نبكي على الأطلال ... وغياب زيدان وحسني عبد ربه ارق معانا قووووووي قووووووي

[engmido]

الامل قائم بس بررررده

نقعد نحسب حسبة البرمة اللى حالفة ماهى مفارقانا فى اى تصفيات

اكسب ال4 ماتشات بس العقبة تكيب جنوب افريقيا هناك

جنوب افريقيا ما تخوفش ومستواها عادى

بس المشكلة فينا احنا..اللى نبقى كويسين

واحمد المحمدى يبطل يخاف على رجله...وبقية الفرقة تفوق..وشكرااااا

[Ahmed Anwer]

شحاته بيهدد منتقديه بالمتوارب بشكواهم لرئيس الجمهورية

يا ديي النيلة حتي بتوع الكورة مستنين الريس يحطلهم التشكيل

و كله مش عارف غير كلمة أنتا متعرفشي أنتا بتكلم مين

http://www.youtube.com/watch?feature=player_embedded&v=4H92EcS6O1Q

http://www.youtube.com/watch?v=xMP-pVJOxtE&feature=player_embedded

[ozoozo]

يارب يارب ارحمنا من حسن شحاته وافتكساته

ووائل جمعه واهدافه

هي اللعيبه كلها بترجع الكوره ليه لورا

حد يشاورلهم ان الجون الناحيه التانيه

وخصوصا وائل جمعه

وياريت البركه ابو تريكه اللي بيتمنظر وهو بيشوط يريحنا ويعتزل بقي

اوف مليتو البلد:blink:

تم تعديل 16 ديسمبر 2010 بواسطة ozoozo

[se_ Elsyed]

يارب يارب ارحمنا من حسن شحاته وافتكساته

ووائل جمعه واهدافه

هي اللعيبه كلها بترجع الكوره ليه لورا

حد يشاورلهم ان الجون الناحيه التانيه

وخصوصا وائل جمعه

وياريت البركه ابو تريكه اللي بيتمنظر وهو بيشوط يريحنا ويعتزل بقي

اوف مليتو البلد:blink:

إنت بتلوم اللعيبة وكأن ما عندهمش مدير فني بيحركهم وبيختارهم ويستدعيهم رسمياً

خلينا نقول إن المباريات ودية هي مباريات تجريبية

لكن أنا هاقتبس مداخلتي اللي من كام شهر

المشكلة إن حسن شحاته ساعات بيهيس وياخده الغرور زي ما حصل أخر ماتشين قدام سيراليون وقدام النيجر ...

ومش عيب أبداً إني استغنى عن الأسماء الكبيرة زي أبو تريكة وما أبدأش به أو أركنه شويه وأستغل حماس الشباب المنطلق بسرعة الصاروخ زي وليد سليمان لاعب أنبي ....

ومش عيب أبداً إني ألغي حسام غالي من الدنيا كلها وأضم حسام عاشور ذو المستوى الثابت واللي يعتبر وتد في نص الملعب أو محمد شعبان لاعب أنبي وبتروجيت السابق ..

ومش عيب أبداً إني أحتوي شيكابالا وأعامله زي الطفل الصغير وأعدل دماغه طالما هايكسبني ...

ومش عيب أبداًً إني أضم فلته من الفلتات واللي انطلق مؤخراً زي أيمن حفني لاعب المقاصة

ومش عيب أبداً إني أسافر وأركب البحار عشان أتفرج على فرق كنا نحسبها ضعيفة .. لكنها لسعتنا على قفانا وعلمت علينا زي سيراليون والنيجر ...

لكن الكبر وِحش .. والغرور على الكرة المدورة ... يبؤدي إلى الدحرجة والوقوع على بوزنا ... وده حصل بالظبط

على فكرة ... جماهير الأهلي اللي بتفهم كوره بحق وحقيق قرات الفاتحه على روح المرحوم أبو تريكه .. واخوه الشهيد محمد بركات ... لأنهم مش هايدوا بربع جنيه كوره مره أخرى ..

وحتى وائل جمعه ... أنبوبته فاضل فيها نفسين فقط وتخلص ...

وياخدوا في إيدهم احمد جسن

كفايه بقى حرام

سؤال مهم : هي مصر عدمت المهاجمين الحقيقيين ؟

ده البيه ما كانش بيلعب براس حربه واضح النهاردة وحاجع تجيب الضغط

[محمد عبدالعزيز]

كل ماتشات المنتخب من أول 2006 حتى الآن بتؤكد إن المنتخب كان منتخب بجد لما الأهلى كان فريق قوى.

عاوزين نشوف بقى فترة فوقان الزمالك حتعمل إيه للمنتخب.

[مصطفى يونس]

من الواضح اننا مش هننوصل لكاس افريقيا الدوره دى

[سكر]

المنتخب هو حصاد الانديه وخاصه ناد الاهلى

شوف مستوى الاهلى تعرف مستوى المنتخب

لازم الاهلى والمنتخب يدخل مرحله بيات شتوى قبل كاس العالم 2014 وربنا يدينا ويديكم طول العمر