هل انتهى عصر الشهامة فى مصر

[masraweya]

نعم لابد أن تكون عندنا الآن إرادة التغيير , ولكن تغيير هذا النظام الفاسد والفاشي الذي يسعي في الأرض فساداً , وتعديل الدستور والقانون وإقامة العدل , لو قدرنا نعمل ده , أقدر أقولك يبقي إحنا عملنا اللى علينا ومهدنا الطريق لأولادنا وأحفادنا ممن يمتلكوا الكفاءات والأحلام أن يصلوا إلي ما يريدون في ظل نظام عادل يعطي كل مجتهد حقه.

سعيد بهذه المناقشة وتحياتي لك

أتفق معك أن التغيير أسهل من القمة التي تستطيع وضع السياسات و اتخاذ القرارات

لكن كيف تتغير "القمة"؟ و

كيف نتجنب أن تضل هذه القمة (كما حدث من قبل كثيرا)؟

نحن من ينبغي أن يجيب على هاتين المشكلتين

لا بد أن نكون الحل و ليس المشكلة

[se_ Elsyed]

مش صحيح

يمكن الإعلام بس بقى يجيب الشاردة والواردة

ويمكن حالة الإحباط اللي عندنا بقت تصور لنا الدنيا سودا

لكن دعوني أذكركم بمثال بسيط على الشهامة والرجولة والتضحية كمان المتمثلة في شباب المعارضة من 6 إبريل لكفاية للجمعية الوطنية للتغيير وشباب الاخوان كمان لا ننساهم ...

هل كل هؤلاء من بيدافعوا عننا كلنا في منتهى الشهامة وهم يقفون بطولهم أمام جحافل التتار المتمثل في ذراع الحكم الأمنية الباطشة هل هؤلاء منا ولا من كوكب أخر ؟

أيوه أعترف إن الحياة الصعبة طحنتنا كلنا وخلت الواحد ينسى جيرانه ويمكن أخوته كمان ....

لكن الإستسلام لليأس يولد مزيداً من اليأس ويُعمي عين الإنسان عن اي إيجابيات

[abdulmuttaleb]

كلام حضرتك لاغبار عليه بس جمال عبد الناصر والسادات كانوا من عامة الشعب وعشان كده

الناس حبتهم واقتدت بيهم لكن بص على 30 سنة اشغال شاقة وحصل فيهم ايه اسوا سنين

عمرنا شفناها من فساد ورشاوى واستعباد وطوارئ وبلطجة وارهاب وبذاءة وانحلال

زمان مشاكل الحكومة كانت مع السياسيين والشيوعيين دلوقت مشاكل الحكومة طالت

طوائف الشعب كلها مش معقول نحبس واحد ماقدرش يسدد شيك بالف جنيه تمن ثلاجة

ونسيب حرامى هبر ملايين لا وايه نسهل له هروبه للخارج كمان

الشعب له دور مش ببنكر بس لو صاحب البيت انسان مش مضبوط عمر ولاده مايطلعوا

كويسين لانه لو حاول يقومهم مش حيصدقوه بل بالعكس حيكونوا العن منه

لان ده المنهج المتبع .

لما تلاقى موظف مرتبه 100 و200 الف فى الشهر والاف الشباب عاطل على

القهاوى لاشغلة ولا مشغلة فراغ فى فراغ حيكون ايه غير الادمان والمعاكسات

فين العدالة فى توزيع ثروة البلد للاسف محصورة فى ايد عدد قليل من الصفوة

ماينفعش اقول لموظف بسيط انت بتاخد رشوة ليه فى حين رئيسه واخد هبرة كبيرة

على نفس العملية ولا نقول للمدرس ماتديش دروس خصوصية فى حين مصروف تلاميذه اكبر من مرتبه.

جمال وأنور ومبارك ثلاثتهم من عامة الشعب سيدتي

مشكلات عهد مبارك بعضها ناتج عن رواسب العهود السابقة

رحم الله عبدالناصر حين أنشأ عشرات المصانع ومعظمها كان خاسرا من أجل تعيين الناس وتوظيفهم واستيعاب التغير الطارئ في التركيبة الاجتماعية بعد الثورة

أما الاستبداد والقتل والرواتب المتفاوتة فكان موجودا بشكل أفظع في العهود السابقة

بالعكس، انقطاع الكهرباء أصبح أقل، وأصبحت كثير من قرى مصر مكهربة

فقط مداخلة على الهامش