ملف خاص بالمستشفيات و الاطباء في جميع التخصصات

[pink rose]

ايه رأيكم نعمل ملف خاص بالمستشفيات و الدكاترة في جميع التخصصات على غرار ملف المدارس في الرياض مثلا

الموضوع بتاع المدارس شامل و وافي جدا و اكيد فاد ناس كتير و انا منهم

فا فكرت اننا نعمل ملف باسماء المستشفيات و الدكاترة و هايكون مفيد جدا ان شاء الله

يعني انا دايخة بمريم على دكاترة و عمالة اجرب كل واحد شوية عشان ودنها و اللوز و كده

فا يا ريت كل حد في مكان يعرف دكتور اطفال او باطنة او اعصاب او ...... او ..... الخ

يحط اسمه هنا و اسم المستشفى اللي فيها عشان يبقى ملف شامل للي يحتاج معلومة

عموما انا هابدأ بسم الله

بريدة

دكتور اطفال بجد محترم جدا و انسان بمعنى الكلمة اخر حاجه ممن يكتبها للطفل هو المضاد الحيوي يعني مش عمال على بطال زي دكاترة كتير

المهم الدكتور اسمه حاتم بيشتغل في مستوصف بسمة

دكتور نسا و ولادة : دكتور يوسف بمستشفى الولادة ببريدة

دكتور سوري هو كبير في السن و محترم و ممتاز

الرياض

استشاري انف و اذن و حنجرة: دكتور مجدي سلامة

المستشفى الوطني

دا كنا عنده امبارح بمريم الكلمة اللي اقدر اوصفه بيها انه مطقطق كده و شعلة حيوية

استشاري انف و اذن و حنجرة : دكتور طارق هلال

المستشفى السعودي الالماني

للامانة ما جربناش نروح عنده لكن ناس اصحابنا بيشكروا فيه جدا

يالا يا جماعة ارجو التفاعل لان اللي عنده حد مريض بيكون في عرض معلومة صغيرة اد كده بجد

و ربنا يكتب الشفا و ينعم بالصحة على الكل