تعمل ايه لو حصلك الموقف ده

[raouf]

نفسى افهم ايه تصرفك لو حصل هذا الموقف لاى منا

وفى الاساس هل فيه حاجة تستدعى اللى بيحصل ده !!

طبعا مع اعترافنا ان السائق اخطأ ولكن كل خطأ ليه عقوبة هل دى العقوبة الصح ؟

http://www.youtube.com/watch?v=O4rTC9Gzfu0&feature=player_embedded#!

[أبوعمار]

ده مشهد بيتكرر كتير

وأكيد ربنا كبير

وموضوع خالد سعيد واللي جرا له

أكيد غيّر الناس وغير ردود أفعالها

مع تجاوزات وقلة أدب ضباط الشرطة والمرور

في مثل في الجيش بيقول إذا ارتفعت الأيدي تساوت الرتب

وأنا لو مكانه "هأضرب ولا يهمني"

إذا ايدي طالته بس

[Howayda Ismail]

نفسى افهم ايه تصرفك لو حصل هذا الموقف لاى منا

وفى الاساس هل فيه حاجة تستدعى اللى بيحصل ده !!

طبعا مع اعترافنا ان السائق اخطأ ولكن كل خطأ ليه عقوبة هل دى العقوبة الصح ؟

http://www.youtube.com/watch?v=O4rTC9Gzfu0&feature=player_embedded#!

حسبنا الله ونعمة الوكيل

هو مش فى حاجة اسمها قانون يطبقه عليه سواء غرامة فورية او سحب رخصته او حتى

حبسه انما بالمنظر ده اللى يحرق الدم ده مايرضيش ربنا

وعلى فكرة اللى بيضرب ده مش رتبة ده مجرد عسكرى ماركة الشلن لو كان السواق دفع له

ماكنش انضرب ويمكن كان اضرب له تعظيم سلام وهى دى قوانين المرور الحقيقية فى البلد

سؤال بسيط لو دى عربية واحد من كبارات البلد او احد نواب مجلس الشعب وعمل المخالفة

كان حيلاقى نفس المصير؟!

لحد امتى لو سرق الشريف تركوه ولو عملها الفقير قطعوا ايده

لحد امتى الكيل بمكياليين

[nightmare]

ده الطبيعي في بلد يحكمه قانون الغاب.

الشرطة أصبحت لحماية النظام والفساد.

وهل ننسي " خالد سعيد" , ولو دخلنا على اليوتيوب سنجد آلاف مقاطع التعذيب في الأقسام ومن الضباط , هذا ما يتدربون عليه

مع تحياتي

[raouf]

هو ده السؤال اللى مجننى ليه القانون مش بيتم تطبيقه ؟

بمعنى ايه اللى يجبر ظابط او حتى عسكرى انه يعرض نفسه للاهانة او ان تجيله ضربة ولو بالخطأ

ليه بس ما يطبقش القانون يعنى يوقف السيارة يعمله مخالفة ولو بالحد الاقصى او حتى يحجزه فى القسم ؟

اللى بيضرب ده ظابط وبرتبة ملازم اول تقريبا وونش المرور ظاهر

انا شايف ان لوحتى السائق ده معاه مخدرات لا يجب على الظابط التعامل معه بهذه الطريقة لانه فقط ظابط مرور مهمته تسهيل المرور والمخالفات

تم تعديل 11 أكتوبر 2010 بواسطة raouf

[جسار]

[هو ده السؤال اللى مجننى ليه القانون مش بيتم تطبيقه ؟

بمعنى ايه اللى يجبر ظابط او حتى عسكرى انه يعرض نفسه للاهانة او ان تجيله ضربة ولو بالخطأ

ليه بس ما يطبقش القانون يعنى يوقف السيارة يعمله مخالفة ولو بالحد الاقصى او حتى يحجزه فى القسم ؟

اللى بيضرب ده ظابط وبرتبة ملازم اول تقريبا وونش المرور ظاهر

انا شايف ان لوحتى السائق ده معاه مخدرات لا يجب على الظابط التعامل معه بهذه الطريقة لانه فقط ظابط مرور مهمته تسهيل المرور والمخالفات

طيب ويبقى ضابط شرطة أزاى أذا ماعملش كده أشمعنى زمايله فى الأقسام

والمباحث واخدين راحتهم ونازلين تعذيب فى خلق الله براحتهم

وتييجى تتكلم مع أى واحد منهم يقولك ياباشا دول عيال صيع ومتخدرين

وبعضهم مسجلين خطر وسوابق ولازم نعمل معاهم كده والا الموضوع حيفلت

من أيدينا وعندما تتعجب حول كيفيةحصولهم على رخص قيادة سيارات

أجرة أو ميكروباس يرد عليك : هما حايغلبوا قرشين للصول اللى بيطلع

الرخص والعملية تمشى ، وكأن الصول ده من شرطة ناميبيا مش من مصر

وبعضهم تفاخر فى القول : العيال دى أحنا بنشغلها تبعا لقانون

السلام الأجتماعى علشان هما مجرمين وحرامية وأحنا بنديهم فرصة

ياكلوا عيش بدل ما يطيحوا فى الناس بالسنج والسكاكين وينشروا

الفزع ومن ناحية تانية آهم بينفعوا المرور والدولة بالمخالفات

والغرامات اللى بيدفعوها لنا ....بالذمة ده منطق .

[shiko]

ياااااااااااااه

...للدرجة ..دى

يااااااااااااااااه انا بجد قلبى وجعنى جدا ....وموش قادرة امسك دموعى ...

للدرجة دى احنا رخاص ....

فى الاول افتكرت الفيديو عن جنود اسرائليين ...

بس لما شوفت لون التاكسى فهمت انه فى الشرقية ...

وبعد شوية قريت كلمة مرور الدقهلية ...

بس السؤال ..

هو عمل ايه ...؟؟

حاولت افهم اى حاجة مالقتش ...

وليه الناس ساكتة وبتصور عادى من غير ماحد يدافع عنه ...؟؟

حسبى الله ونعم الوكيل ...

حسبى الله ونعم الوكيل ....

[raouf]

ياااااااااااااه

...للدرجة ..دى

يااااااااااااااااه انا بجد قلبى وجعنى جدا ....وموش قادرة امسك دموعى ...

للدرجة دى احنا رخاص ....

فى الاول افتكرت الفيديو عن جنود اسرائليين ...

بس لما شوفت لون التاكسى فهمت انه فى الشرقية ...

وبعد شوية قريت كلمة مرور الدقهلية ...

بس السؤال ..

هو عمل ايه ...؟؟

حاولت افهم اى حاجة مالقتش ...

وليه الناس ساكتة وبتصور عادى من غير ماحد يدافع عنه ...؟؟

حسبى الله ونعم الوكيل ...

حسبى الله ونعم الوكيل ....

ده يا شيكو يرجعنا لموضوعنا ان الناس بقت بتفكر فى نفسها فقط ولا يهمها شىء اخر ولا جيرة ولا شهامة ولا وطنية حتى

لحد الان ماحدش جاوب على سؤالى وهو عنون الموضوع تعمل ايه لو انت مكان سائق التاكسى او الموقف ده حصل لاخوك او ابوك او حد قريب منك ؟

[nightmare]

لحد الان ماحدش جاوب على سؤالى وهو عنون الموضوع تعمل ايه لو انت مكان سائق التاكسى او الموقف ده حصل لاخوك او ابوك او حد قريب منك ؟

الجواب معروف هتخانق واضرب واتضرب عادي حتى لو فيها موتي , ولو طلت اجري اركب العربية واخبطهم كلهم هعملها.

[akramgroup]

لحد الان ماحدش جاوب على سؤالى وهو عنون الموضوع تعمل ايه لو انت مكان سائق التاكسى او الموقف ده حصل لاخوك او ابوك او حد قريب منك ؟

بص ياسيدى انا عاوز بس اقول حاجه الاول قبل مااقول كنت هاعمل ايه لو مكانه

للاسف ان العيب مش فى بتوع الشرطه واللى زيهم

العيب فينا احنا وفى الناس اللى بتسكت على حقها ومبتحاولش تدافع عن كرامتها

وهما ليه مايعملوش اكتر من كده طالما عارفين ان مفيش حد هايفتح بقه والناس اللى واقفه هاتفضل تتفرج

ولو حد طلع ناصح وصوره بالموبايل هايكون اخره ايه يعنى هاينزله على اليوتيوب طب وايه يعنى هايترمى جمب اخواته من المقاطع اللى بتورينا ايه اللى بيحصل فى مصر

العيب فينا مش فى اى حد تانى لو محدش ساب حقه وفضل يستموت عليه الناس دى هتخاف تعمل كده تانى

ولو الناس ادخلت وهاجت عليهم ده هايكون كفيل ان اى ظابط يقدر يكرر حاجه زى كده تانى

بس الناس غلابه وللاسف البلد دى مبقتش تنفع للغلبان واصبح الغلبان يستاهل كل اللى يجراله عشان غلبان وعايش وسط ناس بتقول يلا نفسى يبقى مين هايخدله حقه ( مفيش غيرك ياربنا)

اما بقى لو ده حصل ويارب ميحصل لاى حد تانى

مش هاسيب حقى وممكن اضيع حياتى كلها فى سبيل انى ارجع حقى وان الظابط ده لازم يدورله على وظيفه تانيه حتى لو هاصرف اخر قرش فى جيبى

أكرم,,

[شريف مان]

بص يا مان لو قدامك كلب سعرااااان

أوعى ترفع عليه عصايتك

أرميله عظمة ينزل يلحسها وهوا تحت رجلك

تم تعديل 11 أكتوبر 2010 بواسطة شريف مان

[raouf]

وده الخبر من مصراوى اليوم السواق اتحرك وقدم شكوى للنائب العام

القاهرة- قدمت أسرة سائق تاكسي بمدينة المنصورة بلاغا للمستشار عبد المجيد محمود النائب العام، اتهمت فيه ضابط بإدارة مرور الدقهلية و3 من أمناء الشرطة بسحل السائق "م.ش 25سنة" في الشارع أمام المارة بسبب تعطل سيارته.

ومن جانبه رد الضابط على شكوى أسرة السائق، بتحرير محضر اتهم فيه السائق بمنعه عن أداء وظيفته وتمزيق ملابسه عندما حاول تحرير مخالفة له.

وقال السائق في بلاغه إن السيارة تعطلت به في شارع الترعة بالمنصورة، فأوقفها على جانب الطريق، وبعد لحظات قليلة فوجئ بنقيب شرطة بإدارة مرور الدقهلية وبصحبته عدد من أمناء الشرطة يطلب منه ترخيص القيادة، وأضاف "سبّنى فرددت علية السباب، فجذبنى من السيارة واعتدى على بالضرب وسحلنى أمام المواطنين الذين تجمعوا وصوروا الواقعة بواسطة هواتفهم المحمولة، قبل أن يقتادنى إلى قسم الشرطة".

ضابط وامناء شرطة يعتدون على سائق تاكسي بوحشية

شاهد الفيديو

اعتداء على سائق

وأظهر الفيديو الذي صوره بعض المواطنين للواقعة قيام ثلاثة من أفراد الأمن يبدو أن أحدهم ضابط والآخران أميني شرطة وهم يعتدون بالضرب بشكل وحشي على مواطن، والذي حاول مقاومتهم دون جدوى.

وبعد عدة دقائق من الضرب المبرح، والموقف السلبي من المواطنين الذين تجمهروا لمشاهدة الواقعة، حاول بعض المارة تهدئة أفراد الأمن ومحاولة تهدئة الموقف إلا أن أفراد الأمن واصلوا ضرب المواطن الذي أظهر الفيديو صرخاته الاستغاثية، ثم اقتادوه إلى سيارة الشرطة التي كانت تقف خلف سيارة التاكسي المملوكة للمواطن.

[se_ Elsyed]

لحد الان ماحدش جاوب على سؤالى وهو عنون الموضوع تعمل ايه لو انت مكان سائق التاكسى او الموقف ده حصل لاخوك او ابوك او حد قريب منك ؟

ما تخليك فير يا استاذ رؤوف وتقول لنا إنت شخصياً هاتعمل إيه ؟

أنا عاوز أسمعها من حد هنا ويقول : كنت أشمر هدومي وأرمي نفسي عليهم وأدور فيهم الضرب

ما تخلينا واقعيين .... في أي مكان في العالم لو لقيت الشرطة بتضرب واحد وده بيحصل حتى في الدول المتقدمة لأي ظرف من الظروف وشوفوا في بعض مظاهرات ناشطي البيئة اللي بتُعقد في الدول الصناعية الكبرى بيحصل فيهم إيه ؟

أنا مش بأبرر إن عنف الشرطة موجود في كل دول العالم مثل امبابة والديزة وميدان عابدين ... لأ أبداً ...

لكن الموقف صعب ويُمكن أن يكون هناك تصرف أمن ومحترم زي إني أصورهم وأفضحهم في مواقع النت والجرايد .. وما أكثرها ...

[raouf]

لحد الان ماحدش جاوب على سؤالى وهو عنون الموضوع تعمل ايه لو انت مكان سائق التاكسى او الموقف ده حصل لاخوك او ابوك او حد قريب منك ؟

ما تخليك فير يا استاذ رؤوف وتقول لنا إنت شخصياً هاتعمل إيه ؟

أنا عاوز أسمعها من حد هنا ويقول : كنت أشمر هدومي وأرمي نفسي عليهم وأدور فيهم الضرب

ما تخلينا واقعيين .... في أي مكان في العالم لو لقيت الشرطة بتضرب واحد وده بيحصل حتى في الدول المتقدمة لأي ظرف من الظروف وشوفوا في بعض مظاهرات ناشطي البيئة اللي بتُعقد في الدول الصناعية الكبرى بيحصل فيهم إيه ؟

أنا مش بأبرر إن عنف الشرطة موجود في كل دول العالم مثل امبابة والديزة وميدان عابدين ... لأ أبداً ...

لكن الموقف صعب ويُمكن أن يكون هناك تصرف أمن ومحترم زي إني أصورهم وأفضحهم في مواقع النت والجرايد .. وما أكثرها ...

والله يا سين سين انا باحاول دايما انى ما احتكش بالشرطة فى الاجازة ولا حتى احتمى بضهر من اللى عندى لانى باكره موضوع الواسطة

بس خلينا اتخيل انى حصل لى الموقف من اوله مش هاشد مع الظابط ابدا الا بالادب يعنى مش هاديله فرصة يمسكها الا المخالفة فقط اما اذا زود ففيه حاجات ثانية هاستخدمها اولها هاهدده بالواسطة اذا اتفرعن وقل ادبه هارد اى شتيمة بضعفها واكثر

اذا تطور الامر للايدى يا مرحبا ويا اهلا نتطبق كل خبراتنا القديمة معاه اذا حسيت ان الامور اتعادلت ماشى اذا حصل لى زى الاخ اللى فى الفيديو يعنى ضربونى جامد يبقى حقى هايتاخد بعد ما الظابط ده يخلص ورديته وهو ماشى لوحده يعنى مش معاه حد والدرس هايترد 3

وده واحد قريبى عمله مع مامور المركز عندنا من 13 سنة لما اعتدى عليه مامور المركز الباشا اصطاد المامور فى شقتىه الساعة 3 فى الفجر هو و2 من اقاربه وعلموا عليه بلغتهم والحادثة دى ادت الى نفقل المامور وشوية دربكة واعتقالات لشهر وبعدها الموضوع اتفض يعنى الراجل اخد حقه بايده

رايى بقه ايه اللى الصح يتعمل من كل الناس

اذا رفعت الايدى يبقى خد حقك بايدك ومش لازم فى وقتها ووقت دوام الظابط

يجب نشر اسماء الظباط اللى بيسيؤا استخدام سلتطهم ومد ايديهم وعدم تعامل الناس معاهم ولا حتى السلام عليهم يعنى عزلهم عن المجتمع

[raouf]

وخد دى كمان عندك يا ابو السيد الضرب وصل بلدنا انا وانت

اعتداء على طالبة بجامعة الازهر بالزقازيق

http://www.youtube.com/watch?v=-XGVyIkpdvA&feature=player_embedded

واضح ان التعليمات اصبحت الضرب بكل قوة

تصدق ان الراجل بتاع الاسعاف خايف انه يودى البنت المستشفى ؟

تم تعديل 12 أكتوبر 2010 بواسطة raouf