أرجوك وافق على ان تكون رئيسا لمصر

[أبوعمار]

قولوا لي بالله عليكم: ايه رأيكم في النصب العلني ده؟

أرجوك وافق على ان تكون رئيسا لمصر

انتشرت مؤخرا حملة تسمى الجبهة الشعبية لتأييد جمال مبارك مرشحا للرئاسة تهدف لجمع التوقيعات على ما يبدو مثل حملة الدكتور البرادعي ويبدو أن احداثها ستمطرنا بالمفاجئات حيث اصر أحد المواطنين التوقيع بدمه تعبيرا عن اظهار الحب والولاء

ولقد استفزني الموضوع عن جد فالفكرة مرفوضة شكلا وموضوعا ونحن لا يجب ان نصل لمرحلة ان نقول للمرشحين أرجوكم ترشحوا للمنصب أو أرجوك وافق على أن تصبح رئيسا للجمهورية وحملة البرادعي هدفها الأساسي التغيير ليستطيع هو وغيره الترشح ومن يدري ربما اذا ترشح لا انتخبه

من حقي كشعب ان يتوفر أمامي أكثر من مرشح و أنا أبدي رأيي وأقرر على حسب وعوده وبرنامجه الانتخابي ولكن كيف اطلب منه الاصلاح وتحقيق وعوده وأنا أملأ استماره اطلب فيها منه ان يحكمني

لك الله يا مصر

واخدين بالكم انتوا: بالدم بيوقعوا

الجماعة حالفين عليه بالطلاق

بالمناسبة عجبني جداَّ الحملة اللي سمعت عنها من فترة

حملة "مصر كبيرة عليك"

لأنها فعلا كبيرة عليه وعمره - هو واللي خلفوه-

ما يقدر يديها حقها

ولا حق الناس اللي فيها

[nightmare]

هدي نفسك يا أبو عمار , هو الكلام عليه جمرك

طب ما انا فيه ناس بيتحيلوا علي أرشح نفسي , بس أنا مش فاضي , عندي شغلsmk:

والله أنا ما عندي أي إعتراض إنه يرشح نفسه , بس تكون هناك فرصة لأخرين أن يرشحوا أنفسهم هم أيضاً وكلاً منهم يعرض برنامجه الإنتخابي وتقام الإنتخابات في جو محترم ونزيهه ولو عجبنى برنامجه مستعد أقطع .... (ذراعي) :blush2: وأيده, بس يحصل التغيير الدستوري اللى يخلق جو ديمقراطي صحي يسمح للمثقفين والمحترمين أن يأخذوا فرصتهم ويعبروا عن آرائهم.

طب ما تيجي نعمل إستفتاء بمناسبة الموضوع ده ونسميه ( مستعد تقطع إيه من أجل التأييد ؟B) )

مع تحياتي

تم تعديل 12 أكتوبر 2010 بواسطة nightmare

[شريف مان]

ههههههههههههههههههههههههههههههه

ايه الصورة دى ياعم

دا على كده ههاجر من مصر قبل الانتخابات

[sarmar]

الموضوع ليس مستفزا لان اللى اختشوا ماتوا ومن يعلن عن قطع اصبعة للتوقيع على استمارة الترشيح للرئيس دة على اساس انة هيروح لجنة مستشفى جراحة اليوم الواحد ولا اية المبالغة الزايدة قوى اللى مش ممكن تلاقيها فى العالم كلة طيب خلوة اللى هيقطع صباعة دة صادق يعنى على اى اساس سيقطع الصباع على اساس انجازات جعلتنا من مصاف الدول الغنية وانة مش مشكلة حتة صباع ولا على اساس الفقر المدقع اللى احنا فية وكدة كدة عايشين ولا كاننا عايشين فنضحى بصباع على سبيل التجربة لو الموضوع نجح نضحى بحاجات تانية ولا هو النفاق وصل لحد السفة والهطل

وانا من راىى ان حتى جمال مبارك لايجب ان تسعدة هذة الشعارات لانها كاذبة ومنافقة ولايعطى اذنة لمن يتملقة او ينافقة فلماذا لم يقطع اصابعة من قبل للرئيس الاب بل اعتقد انة محتاج يقطع يدة لان مدة الرئاسة تستحق قطع اليد او الرقبة مش بس صباع واحد

وهى على العموم فكرة جميلة اللى يروح ينتخب يقطعولوا صباعة عشان يمنعوا التزوير من المنبع وتكون انتخابات نزية جدا

[engmido]

طيب !!!!!!!

[Salwa]

طبعااااااااا

لازم يقطع صباعه........ردااا للجميل..

للى قطع عيشه.

وعيش الشعب كله..

وآهو كله قطع..

[Howayda Ismail]

اخره تلاقيه واحد عاوز يتهرب من التجنيد قال يعملها جميلة بالمرة

المهم بس مايقطعوش رقابتنا عشان ننوس ابوه

[عادل أبو عمر]

خلاص يا أبو عمار متزعلشي نفسك

قرر الحزب الوطني عمل استفتاء للمواطنين ( و هم أحرار يقولوا رأيهم) وعليه سينصاع بدون أي تردد لتنفيذ قرار الشعب مهما كان و تحت اي ظروف ...

سؤال الاستفتاء

هل توافق و تؤيد و تبارك أن يتم عرض منصب الرئيس على السيد جمال مبارك عسى أن يتنازل سيادته و يتعطف بقبول هذا المنصب المتواضع حتى تستمر مسيرة نهضة البلاد و سعادة المواطنين للخمسين سنة القادمة "ربنا يدي المواطنين العمر" ؟؟

الاختيارات

( نرجو من السيد المواطن إنه يقول رأيه بصراحة و ميخفشي )

1- أوافق

2- أؤيد

3- أبارك

4- كلهم 3،2،1

5- لو جمال مبارك ماوافقشي هانتحر