للأهلاوية فقط ... حسام البدري وسنينه اللي مالهاش لون

[ozoozo]

والله وعملها محمد فاروق

الف مبروك للاهلي علي الفوز المستحق وعلي ضربه الجزاء الصحيحه

وكل الشكر للاعب رقم 12 محمد فاروق

ياراجل يا طيب

بقى دى مش بلن

ده الجون واقف بيضحك بعد الكورة

ثم محمد فاروق ايه؟؟؟

ده احنا اتظلمنا ولا ييجى فى30 اوفسايد

ضياء السكران مساعد الحكم كان سكران فعلاً ... على فكرة تم إيقافه النهاردة من لجنة الحكام .. ده فضيحة بصراحة ..

اكيد محمد فاروق ما فطموش علي الفوله

او رفض انه ينصص

[se_ Elsyed]

اكيد محمد فاروق ما فطموش علي الفوله

او رفض انه ينصص

ده على اساس إن ضياء السكران كان بيرفع الراية لإحتساب تسللات وهميه .. وفي نفس الوقت معاه زمارة بيزمر بها من ورا الحكم ؟

ولا هو إعتراض من أجل الإعتراض ؟

وإذا كان على فرج حارس مرمى الحدود قال بعد المباراة بعضمة لسانه إنه فعلاً لمس قدم محمد فضل ولكن لم يكن يقصد عرقلته ... ولا ده ما نصصش هو كمان مع محمد فاروق ؟

وأضاف فرج "لم اتعمد عرقلة فضل ولكنه هو من اتجه نحوي وبالفعل حدث بيننا تلامس".

[ابو محمود]

ياعم زوزو انت خايف وزعلان علشان جوزية احتمال يرجع خليك بقى فى الرعشة بتاعتكم والخوف والزعل وبلاش والنبى نلفق تهم وحكام قابضة والكلام اللى مالوش طعم دة احنا ممكن نقول برضو مين بيتفوتلو مباريات هامة بأجوال افسايد وعينى عينك ربنا معاكو وخليكو فى حالكم وكفاية عليكم كام اسبوع على رأس الجدول بالحكام وثلاث مباريات فوز بدون حق خلينا نتكلم بدون اتهامات علشان نستفيد ونفيد

[ozoozo]

ممكن نشوف الفيديو ده ونرجع بعد الفاصل

http://www.youtube.com/watch?v=Yjq5OCnaVxI&feature=player_embedded

[ابو محمود]

عزيزى سين سين ... كلامك لا يزال اتهام للبدرى بدون وجة حق ولا زلت انا على موقفى اما ان نطالب بتصحيح اوضاع بسرعة ونصف الفريق مصاب او بدون هجوم للاصابات فهذا ليس من اسباب المدير الفنى عزيزى فلنترك البدرى او المدرب ونشاهد معآ ناشئى الاهلى عفروتو او شكرى او شهاب اين هم بعد تصفيات افريقيا انة التكبر والاعلام والشهرة = انخفاض المردود الفنى والبدنى للاعب هبوط مستوى لاعبى الاهلى سببة التوقفات والمعسكرات بتاعة عم حسن معزة ... انهيار الاهلى بدأ من انهيار لاعبى المنتخب واجهادهم على يد حسن معزة ويشارك فى ذلك بل هو من كان يخدم نادية فى الخفاء لاعبى الاهلى ادو مباريات المنتخب الرسمية والودية بكامل وقتها وتم استهلاك قوتهم فى اول عبورهم فترة الاعداد بدون ان يتم التدرج لكن نادى الاهلى لم يشكو وفضل ترك الظروف تعالج المشكلهة فهجمت الاصابات باقى لاعبى الفريق كحسام عاشور كأرتكاز مع انخفاض مردود الناشيء شهاب مع هبوط معدل اللياقة بشكرى بشكل ملفت والسبب الدلع مما دعى الأدارة بمعاقبتة مع اصابة احمد حسن المؤلمة وانهيار معنويات باقى الفريق لهجوم الجماهير على المدرب

وصدقنى الزمالك ليس بأحسن حال ولو شاهدت مباراة المصرى والاتحاد والاسماعيلى فى شوطيها الول وثلثين الثانى وكم تم من اضاعة اهداف بغرابة شديدة ستعرف ان التوفيق هو اللاعب المهم فى اى فريق واتمنى ان يقف الاهلى سريعآ حتى نشاهد لاعبين اصحاب خبرات كيف يعيدون الاعتبار لانفسهم

عزيزى لا يوجد فريق بطولات بدون لاعبى خبرة يرتكز عليهم باقى الفريق سيدى شاهد تفوق الاهلى عندما يفيق قريبآ وبنفس اللاعبين التى تهاجمهم

[الغريب]

بفرح لما بشعر أن جوزيه أقترب من الأهلي

وزعلت جدا لما سمعت سيد عبدالحفيظ بيقول أن النادي على وشك التجديد لأسامة حسني، بصراحة الكوسة واضحة في دي

[se_ Elsyed]

ممكن نشوف الفيديو ده ونرجع بعد الفاصل

http://www.youtube.com/watch?v=Yjq5OCnaVxI&feature=player_embedded

إستشهادك بحاجه زي كده يا أزوزو وفيها إهانه لإسم الأهلي على عنوان الكليب ... ممكن يبقى مردود عليها وبمنتهى السهولة .. أنا شخصياً ممكن أعمل لك مجلد دلوقت فيه أسماء خارجة وفيها إساءة للنادي الزمالك ما أسهل ذلك ... صح ولا لأ ؟

[ozoozo]

إستشهادك بحاجه زي كده يا أزوزو وفيها إهانه لإسم الأهلي على عنوان الكليب ... ممكن يبقى مردود عليها وبمنتهى السهولة .. أنا شخصياً ممكن أعمل لك مجلد دلوقت فيه أسماء خارجة وفيها إساءة للنادي الزمالك ما أسهل ذلك ... صح ولا لأ ؟

انا مش قصدي طبعا اللي مكتوب علي الكليب خالص

وماشوفتوش غير لما لفت نظري ليه دلوقتي

انا قصدي بس اوضح صحه البلنتي من عدمه

تم تعديل 23 ديسمبر 2010 بواسطة ozoozo

[ابو محمد بن مصطفي]

ممكن نشوف الفيديو ده ونرجع بعد الفاصل

http://www.youtube.com/watch?v=Yjq5OCnaVxI&feature=player_embedded

استاذ ozoozo

فعلا تم التلامس والبيلنتي صحيح ثبت الكليب عند بداية الثانية الثالثة فعلا هتلاقي

التلامس تم بين مشط القد اليسري (وليس ركبة الحارس )علي فرج والقدم اليسري لمحمد فضل

[ريمون]

ممكن نشوف الفيديو ده ونرجع بعد الفاصل

http://www.youtube.com/watch?v=Yjq5OCnaVxI&feature=player_embedded

استاذ ozoozo

فعلا تم التلامس والبيلنتي صحيح ثبت الكليب عند بداية الثانية الثالثة فعلا هتلاقي

التلامس تم بين مشط القد اليسري (وليس ركبة الحارس )علي فرج والقدم اليسري لمحمد فضل

انا زملكاوى بس افتكر اننى لو مكان الحكم كنت حسبت بنلتى

فضل اتصرف بذكاء

الكره عدته

و الجون لم يلمس الكوره

و حصل تلامس طفيف

انا لو مكانه اقع بصراحه

يا ياخد انذار يا ياخد بنلتى

و فى وقت حرج زى ده فوايد البنلتى اكتر بكتير من ضرر الانذار

بعد مشاهده الكليب كام مره مفتكرش ان التلامس يوقع فضل بس هو محترف و عمل اللى مطلوب منه

[se_ Elsyed]

أثبتت إدارة الأهلي بقيادة حسن حمدي ومساعدة الخطيب إنهما دخلا مرحلة التهليس والتهييس والتهجيص الكروي

أينعم هم كانوا نجوم لامعة في الماضي

وأينعم حققوا إنجازات غير مسبوقة للنادي الأهلي في السنوات الأخيرة

لكن عفواً .. هذا لا يعطيهم الحق أن يعيثوا في النادي فساداً وإن كان غير متعمداً وخلاص نكتفي بكده ونبكي على الاطلال وحضارة سبعة الاف سنة اهلي

وأعني هنا إن التطنيش والتنفيض والتكبير والبرود يعتبر فساد وإفساد

وإذا كنت وصلت للمرحلة دي .. يبقى سيب الموضوع لناس بتفهم وناس نشيطة وناس البيزنيس الخاص بتاعها ما يشغلهاش عن مسئولية ضخمة زي إدارة النادي الأهلي

لأ أشكك مطلقاً في ولائهم للنادي .. لكن لا علاقة بين الولاء وبين الإحتراف وترك الأمر لمن يستحق أن يوليه رعاية وأهتمام

فعلى سبيل المثال ... إختيارهم ... من حسام البدري لزيزو يا قلبي لا تحزن ...

وإذا كان الأتنين الحلوين لم يفهما رسالة جوزية حينما ترك الفريق بعد 6 سنوات لأن اللعيبة أنتهت صلاحيتها ولم يتم تدعيم النادي لا بناشئين موهوبين ولا محترفين يستاهلوا ولا تعاقدات مع لعيبة محلية عالية ...

يبقى عفواً يروحوا يعملوا أي حاجه تانية غير الكورة

ولما يشوفوا مستوى الفريق مع حسام البدري وافتقاده لجمال كرة القدم وتحس أن اللعيبة متكتفه وعلى رجلها أكياس رمل وحجارة صوان ... يبقى يروحوا يعملوا أي حاجه تانية غير الكورة

ولما ييجوا يكحلوها يقوموا مخزقين عنيها الأتنين وجايبين واحد ... عفواً لا يفقه في الكرة أي شيء وبقى له أكتر من 25 سنة إسمه مدرب ومع ذلك السي في الخاصة به ليس بها أي بطولة أو تدريب لفريق محترم أخد به مركز أو حتى عنده فكر كروي .. وكل مؤهلاتة إنه مؤدب وخلوق وإبن حلال وكان لاعب هايل لكن أعتزل بدري عشان الأصابة ...ومجاملةً عينوه رئيس قطاع الناشئين والحمد لله ما خرجش فردة شراب ناشئة عليها العين ...

وقاد الفريق في حوالي 4 مباريات لم يقدم خلالهم ما يدل على إنه " بيفهم كوره "

يكفي التشكيل العجيب اللي كان بيتبعه سلفه حسام البدري في اللعب بدون رأس حربة صريح وتلزيق جدو كرأس حربة حيث لا يجيد اللعب في هذا المركز والعجيب إن الكابتن زيزو حبيبي اللي كان رئيس قطاع النائشين ما فكرش يستعين بناشيء من دول مركزه الأصلي كرأس حربه ومنهم إتنين شوفتهم بيلعبوا وهايلين زي احمد عبد الرحمن وعبد الله عبد العظيم اللي هاني رمزي في المنتخب الأولمبي بيتعمد عليهما وبيخرج منهم حاجات هايلة ..

ومع ذلك لا حياة لمن تنادي

نرجع مرجوعنا للكباتن الخطيب وحسن حمدي .. أتحدى يقولوا رأيهم في فرانسيس وغدار ولماذ الإحتفاظ بهما إلى الأن وعدم إعدامهما في يناير المقبل وتبديلهما بلاعبين على مستوى ...

لكن إزاي ؟

الكباتن محسسنا إننا بننقل الهرم من مكانه في صعوبةعملية اختيار المدير الفني الاجنبي ... في حين إن العالم بقى قرية صغيرة ويُمكن تتعاقد مع الجن الأزرق في 24 ساعة عن طريق الوكلاء والمكاتب المحترمة مش الهليبة زي تامر النحاس او سويلم الكذاب ... والعقل كان بيقول إنهم يتعاقدوا مع مدير من أول يناير لكن ييجي يتفرج على الفريق في مباريتن تلاتة

وحدث مع توقعنا وبيلفوا حوالين جوزية تاني عشان يرجع يقضي عندنا يومين فبل المعاش

كذلك تصميهم على الإستعانة بلاعب سوووووووووووووووووووووووووبر .. وشوفنا يعني إيه كلمة سوبر في قاموسهم .. لما جابوا الاسبوع اللي فات لاعب درجة تانية في امريكا ... هو هولندي من أصل نيجيري .... شكلة إبن خالة فرانسيس أصل فرانسيس جاي من أمريكا اللي ما فيهاش كرة قدم زي العالم والناس ... وشافوه وجربوه طلع زي فرانسو بالظبط .. بيسمع سمع عن الكرة وواحد قال له تعالى عندي لك سبوبة أنما إيه .. ما تقولش لعدوك عليها

في حين لقينا الزمالك تعاقد مع لاعب شبيبة القبائل أمين عودية ... ووادي دجلة تعاقد مع لاعب فنزويلي هايبقى قنبلة وسموحه والجونة ومصر للمقاصة .. الكل دعم فرقه من سكات وفي لحظات ... لأنها مش كيميا

أما الاهلي فلسه بيدور على السوبر والبلمونت .. والظاهر أن اللعيبة اللي بنفس مواصفات فرانسيس أنقرضوا عشان كده الاهلي مش لاقي جحلوف زيه

مش عاوز تريقه ... أقسم بالله أنا أهو لو دربت الأهلي بخمسة جنية في الشهر .. فمش هاعمل نتائج وأداء أسوء مما قدمه البدري وزيزو ..

على الأقل مش هاخاف على مركزي وأمشي جنب الحيط وأعدم اللعيبة المهارية زي عفروتو وسعيود وعبد الحميد شبانة ... أو أصمم على الاموات الله يرحمهم زي أبو تريكة وبركات ومعوض

والسلام ختام