يحي العدل .. يحي العدل ... إيقاف قناة الناس

[se_ Elsyed]

أيوه كده يا وديع ....

هما دول اللي ودونا في داهيه ..

سيبوا لنا بقى قناة ميلودي وجمال مروان ووديع وتهامي باشا ... لإنهم بيعلوا القيم المحترمة في المجتمع

إنما الناس والحاجات دي بيوطوها

وٍِِإنذار "أون تى.فى" و"الفراعين"..

وقف بث قنوات "الحافظ" و"الناس" و"الصحة والجمال" و"خليجية"

الثلاثاء، 12 أكتوبر 2010 - 15:12

أسامة صالح رئيس الهيئة العامة للاستثمار

كتبت عبير عبد المجيد

اعتمد أسامة صالح رئيس الهيئة العامة للاستثمار القرارات الصادرة عن مجلس إدارة المنطقة الحرة العامة الإعلامية أمس الاثنين، بإيقاف بث قنوات "خليجية" و"الحافظ" و"الصحة والجمال" وقناة "الناس" التابعة لشركة "البراهين" العالمية، بشكل مؤقت اعتباراً من بعد غد الخميس، وذلك لمخالفة الشركة لشروط الترخيص الممنوح لها على الرغم من سابق إنذارها عدة مرات، ويستمر الإيقاف لحين توفيق الشركة لأوضاعها وقيامها بإزالة أسباب المخالفة.

كما تقرر توجيه إنذار لقناتى "أون تى.فى" ON TV التابعة لشركة "هوا ليميتد" وقناة "الفراعين" التابعة لشركة "فيرجينيا للإنتاج الإعلامى"، وذلك لمخالفتهما أيضاً لشروط الترخيص الصادر لهما.

وأكد رئيس هيئة الاستثمار أن هذه القرارات تأتى نتيجة رصد بعض المخالفات لشروط التراخيص الممنوحة لهذه القنوات، مشيراً إلى أن مجلس إدارة المنطقة الحرة العامة الإعلامية قام بإعداد مراجعة للضوابط العامة والخاصة للعمل بالمنطقة الإعلامية، وإضافة بعض الضوابط العامة والمبادئ التى يتعين على جميع القنوات الفضائية مراعاتها مستقبلاً فيما تقدمه على شاشاتها، وذلك بهدف ضمان مزيد من الالتزام من جانب القنوات بميثاق الشرف الإعلامى ومبادئ العمل بالمنطقة.

وأشار أسامة صالح إلى ضرورة التزام جميع القنوات الفضائية بآداب وأخلاقيات العمل المهنى وبميثاق الشرف الإعلامى فى كل ما تبثه على شاشاتها، انطلاقاً من أن حرية الرأى والتعبير تنتهى حدودها عند التسبب فى إحداث الضرر أو الأذى للمجتمع أو للمتلقى بشكلٍ عام، وأن حرية التعبير لا تعنى تقديم مواد علمية أو إعلامية تثير الفتن والكراهية، أو تنشر ما هو غير صحيح علمياً أو فكرياً أو عقائدياً بين الناس، وإنما الاستفادة من ارتفاع سقف الحريات لتحقيق ما فيه نفع الوطن وصالح المواطنين.

ومن جانبهم أفاد خبراء بأن القرار يأتى فى إطار إعادة ترتيب النايل سات، ووقف كل ما من شأنه إثارة الفتنة أو الاحتقان بين المواطنين.

[engmido]

طيب الفراعين والهبل ده ماشى

لكن قناة الناس مالها...ده كلها شيوخ افاضل

يعنى هما عملوا ايه

[عادل أبوزيد]

لست من متابعى التليفزيون و أشاهده بالصدفة ووالدة زوجنى (90) تهتم كثيرا بمتابعة مباريات كرة القدم و ربما ما تراه من التليفزيون بالصدفة.

ما سبق كان إستهلالا لابد منه

واضح من الموضوع أن الفاضل سى السيد مشاهد محترف للفضائيات فهل لى أن أطلب منك أن تحيطنا علما و لو بطريقة إجمالية محتوى هذا الموضوع بمعنى المحطات دى كانت بتعمل إيه "نتنور بس"

[nightmare]

انا مش فاهم ايه الحرب الشرسة على الإعلام دي , سواء قنوات أو جرائد.

الأوربت بخ , الفراعين وontv تحذير , الدستور بخ , الناس بخ , الرحمة قبلهم بخ ورجعت بمسمي آخر "نسائم الرحمة", الليبية بخ, الرسائل القصيرة بخ.

انا حتى بقيت حاسس ان مني الشاذلي في العاشرة مساءاً مش هيا اللى احنا نعرفها , موضوعتها بقت تافه وكلامها كله بقي عن الفن والاوبرا والفيس بوك , ودي مش سياسة اى برنامج توك شو ومش دي مني الشاذلي بتاعة سنتين فاتوا.

فيه سياسة ارهاب وتكميم أفواه وآراء وكل ده علشان ايه ولصالح مين , ياخوفي ليكون اللى في بالى صح , والننوس عين امه هو اللى هيرشح نفسه وهيزل على الكرسي بالبراشوت.:blink:

ولسه المهازل قادمة لما الإنتخابات تبدأ واى قناة أو جرنال هيعرض بس لقطة تزوير هيتنفخ, بكره نسمع عن المصري اليوم هو اللى فاضل ومجدي الجلاد لازم يحترم نفسه اليومين دول.

شوية عصبجية ماسكين البلد , ربنا يريحنا منهم ويكلهم قطر كلهم في يوم واحد , آمين ياربmd2:

[se_ Elsyed]

لست من متابعى التليفزيون و أشاهده بالصدفة ووالدة زوجنى (90) تهتم كثيرا بمتابعة مباريات كرة القدم و ربما ما تراه من التليفزيون بالصدفة.

ما سبق كان إستهلالا لابد منه

واضح من الموضوع أن الفاضل سى السيد مشاهد محترف للفضائيات فهل لى أن أطلب منك أن تحيطنا علما و لو بطريقة إجمالية محتوى هذا الموضوع بمعنى المحطات دى كانت بتعمل إيه "نتنور بس"

ما أنا لو أعرف أقول يا أستاذ عادل

إنت بنفسك شايف البيان الهزيل اللي اصدروه

وإضافة بعض الضوابط العامة والمبادئ التى يتعين على جميع القنوات الفضائية مراعاتها مستقبلاً فيما تقدمه على شاشاتها، وذلك بهدف ضمان مزيد من الالتزام من جانب القنوات بميثاق الشرف الإعلامى ومبادئ العمل بالمنطقة.

وأشار أسامة صالح إلى ضرورة التزام جميع القنوات الفضائية بآداب وأخلاقيات العمل المهنى وبميثاق الشرف الإعلامى فى كل ما تبثه على شاشاتها، انطلاقاً من أن حرية الرأى والتعبير تنتهى حدودها عند التسبب فى إحداث الضرر أو الأذى للمجتمع أو للمتلقى بشكلٍ عام، وأن حرية التعبير لا تعنى تقديم مواد علمية أو إعلامية تثير الفتن والكراهية، أو تنشر ما هو غير صحيح علمياً أو فكرياً أو عقائدياً بين الناس، وإنما الاستفادة من ارتفاع سقف الحريات لتحقيق ما فيه نفع الوطن وصالح المواطنين.

ومن جانبهم أفاد خبراء بأن القرار يأتى فى إطار إعادة ترتيب النايل سات، ووقف كل ما من شأنه إثارة الفتنة أو الاحتقان بين المواطنين.

إيه هو الميثاق وإيه هي الضوابط ... أنا مش عارف

قناة الناس بصراحة قناة محترمة وإن عابها تشدد بعض مشايخها السلفيين لكنهم لا يضرون أحد ولكل منهجه وحجته

الخليجية أعتقد قناة فنية ودرامية

الصحة والجمال مش عارف وعُمري مش شوفتها وإن كان غسمها بيدل على إنها بتاعت أزياء وحاجات من دي ....

الفراعين بيملكها الدكتور توفيق عكاشة عضو الحزب الوطني ... وبيقدم برنامج توك شو إسمه مصر اليوم وبيهاجم فيه الحكومة لكن بشويش ولا ينسى أن يُسبح بحمد الحزب الوطني ذو الرؤية المستقبلية والبرامج الجامدة وغير كده ما فيهاش حاجه تلفت الأنظار ..

أمبارح هيئة الأتصالات ووزارة الإعلام أصدروا قرار عجيب .. وهو وضع رقابة على خدمة رسائل الاخبار القصيرة التي تم منح ترخيص للعديد من المواقع والجرائد لمزاولة هذا النشاط التجاري ومنها المصري اليوم واليوم السابع مقابل أجر شهري لا يتعدى 10 جنيهات للمشترك تتقاسمها شركة الأتصالات والموقع مقابل إرسال رسائل موبايل قصيرة للمشتركين باهم الأخبار

وكانت حجتهم إن ممكن موقع من دول عنده 100 الف مشترك مثلاً كما هو موجود .. ممكن يبث أخبار قصير تُثير البلبلة والفتنة ويعمل قلق في البلد

هههههههههههههههههه

يعني قبل ما يبعتوا للناس هايودوا الأخبار للرقابة ...

تحب يا ريس نقول إن سعر الطماطم وصل 10 ج واللحمة بـ 70

ولا نمشيها بلدي ونقول الفنانة الفلانية إتجوزت الفنان الفلاني وهايقضوا شهر العسل في منتجع جمصه ؟

وإن فريق سماد سمالوط فاز على فريق سكة حديد الدلنجات في مباراة مثيرة

وكده يعني

اعتقد إن اللي بيحصل ده كله تمهيد وأرضية لحاجه كلنا عارفينها

وهي التوريث في مراحلة الأخيرة

خلصنا المحارة ... وأدينا سكنيتن معجون ووشين بطانة

مش فاضل إلا إننا ننزل بالوش الأخير ... وهايكون وش جميل جمال مالوش مثال ...

[engmido]

شكراا ياباشا ونورت المحكمة

[Diab]

أفتحوا اليوتيوب واتفرجوا علي خيري رمضان اللي بقاله فوق الأسبوع يقول

فين وزارة الاستثمار فين وزير الإعلام

أهوا يا عم متزعلش نفسك قفلوا قناة الناس عشان تستريح

يعني لا هيبقي في دين ولا سياسة

مسبوش غير قنوات الجنس ثالث التابوهات المحرمة عشان مفيهاش جمال مبارك

جزب وطني مجبتوش ولادة

[Howayda Ismail]

هو الكلام فى السياسية اصبح شئ مخل ومخالف للوائح المتفق عليها

قناة on t v قد اذاعت من فترة برنامج مستضيف الكاتبة الكبيرة سكينة فؤاد

فضحت فيه الحكومة فى موضوع القمح بالصور والمستندات وعرضت راى الباحثة

زينب الديب والبرنامج ده وضح تآمر وزارة الزراعة على الفلاحين بتوزيع بذور

ذرة غير صالحة للزراعة بل اضرت بالارض وكان مع الفلاح عينات لها

وبرنامج نفايات المستشفيات اللى كشف مساوئ وزارتى الصحة والبيئة

طيب قناة ميلودى والكلام المستهجن اللى بيردده الاطفال فى الشوارع

منتهى الاباحة وقلة الادب وايحاءات فجة نعف عن ذكرها طبعا دى 100%

ولاعزاء للاخلاق صراحة حكومة بنت .....................

عرفتم ليه زاد التحرش والسفالة فى الشوارع مش عاوزين فكر نظيف العيال تسمعه

[شريف مان]

طيب وقنوات النصب زى strike وغيرها

اللى بيحطوا صورتين واحدة بعينيين وواحدة بعين واحدة ويقولك أتصل وقول ايه الفرق بين الصورتين وتكسب 100000 جنيه

دى واخدة تصريح نصب

والله ما استبعدها يكونوا واخدين تصريح نصب على الناس والمكسب بالنصف

تم حذف جملة غير لائقة ..

رجاء اختيار الكلمات والتحلى بالهدوء

.

شكرا..

عن الادارة

سلوى .

تم تعديل 12 أكتوبر 2010 بواسطة Salwa

[مغتربة]

انا حتى بقيت حاسس ان مني الشاذلي في العاشرة مساءاً مش هيا اللى احنا نعرفها , موضوعتها بقت تافه وكلامها كله بقي عن الفن والاوبرا والفيس بوك , ودي مش سياسة اى برنامج توك شو ومش دي مني الشاذلي بتاعة سنتين فاتوا.

نفس الملاحظه عندى حتى لما بتحاول تتكلم فى موضوعات مهمه بحس انها بتتناقش و هى خايفه و بتوزن الكلمه فى عقلها قبل ما تنطق بيها

عموما احنا فى موسم انتخابات و ربنا يجعله عامر

و الجماعه الاعلاممين بصراحه الله يكون فى عونهم مش عارفين يلاقوها منين و لا منين

نازلين على كل الشرفاء الى فيهم الله ينور

و حتى الى مش شرفاء برضه بس فى وسط الزحمه

الكل خايف يجى عليه الدور

بعد ازمه الدستور مارسوا ضغوط قويه على الشروق علشان تمنع حمدى قنديل و الاسوانى من الكتابه

واضح جدا ان الانتخابات دى الحكومه مش هتقدر تهزر فيها علشان كده مبضيعش وقت

و اعتقد ان الشعار القادم هو كل يوم اسوء من الى قبله على الاقل لغايه ما الانتخابات ما تنتهى

[Ahmed Anwer]

مبقاش فاضل لينا غير النت !!!

أنا مستكفي بالمنتديات و المدونات و الفيس بووك و اليوتيوب

تفتكروا ممكن يعملوا فيهم أيه ؟؟؟

[nightmare]

إستكمالاً لهذا المسلسل الفاضح

"نايل سات" يوجه تحذيراً بالإغلاق لقنوات السحر والفتاوى

الثلاثاء، 12 أكتوبر 2010

قرر مجلس إدارة المنطقة الحرة الإعلامية توجيه إنذار لقنوات النايل سات التى تخالف الأغراض المرخص لها به، والقنوات التى تقوم بترويج الخرافات، وما يطلق عليه العلاج بالطب النبوى والأعشاب وفك السحر والرقية، وتقديم الفتاوى بالبرامج وعبر الهاتف من أشخاص غير مؤهلين، والترويج لدعاوى الفتنة والتطرف والحض على الكراهية بين الأديان، إضافةً إلى القنوات التى تحقق أرباحاً هائلة من الإعلان عن مستحضرات طبية وأدوية وأساليب علاج مبتدعة وغير مرخص بها من وزارة الصحة المصرية.

لا إله إلا أنت ربي سبحانك إني كنت من الظالمين , هو الطب النبوي وفك السحر والرقية الشرعية أصبحت خرافات ويجب غلق القنوات التي تنادي بها.

ثم ان اعلانات المستحضرات الطبية دي مش انتوا اللى بتدولهم الترخيص وبتخصصلهم الأرقام 0900 و0800 وبتطلعوهم على القنوات المصرية كمان, طب ما تمنعوا برامج المسابقات الوهمية وجاوب على السؤال واكسب الف وصورة مين دي واكسب 5000 والمعلم نومة وسلومة.

والله أنا بقيت اتمنى اللى عمري ما كنت اتمناه, ان ربنا يكرم وقطر وايران يطلقوا أقمارهم الصناعية وتتقفل السبوبة بتاعتكم دي اللى بتتمرمغوا فيها وذلين بيها الناس.

مع تحياتي

تم تعديل 12 أكتوبر 2010 بواسطة nightmare

[أبو حميد المسافر]

الموضوع يا جماعة من متابعتي لملف الفتنة الطائفية كالآتي :

كلكم عارفين قصة كاميليا شحاتة

لحد تصريحات بيشوي

وكوووووووووووووول الحوارات دي

المهم ان كل اسبوع من ساعة حوار كاميليا شحاتة تخرج مظاهرة

يا إما من قدام مسجد الفتح فى رمسيس أو القائد ابراهيم فى الاسكندرية ( مظاهرات شديدة اللهجة ضد شنودة )

فالنصاري طالبوا الأمن بوقف المظاهرات

لكن النظام سايب الحبل شوية للإسلاميين ( أهو يتلهوا شوية مع النصاري ويولعوا فى بعض مش مشكلة )

أهم حاجة الكل يتلهي فى هذا الحوار

المهم شنودة أصدر قرار بمنع التظاهر فى الكتدرائية ( امتصاصا لغضب الاسلاميين ومخاطبة لود الأمن )

لكن الحبل لا يزال سايب للاسلاميين

فقام فى نفس التوقيت ( سبحان الله ع الصدف يا جدع )

المدعو خيري رمضان بحلقة فى برنامج مصر النهاردة للسخرية والاستهزاء بالقنوات الاسلامية ( يمكنكم رؤية الحلقة ع اليوتيوب )

وفتاوي الشيخ أبو اسحاق الحويني بالذات

وتحذيرا من خطرها وأنها تهدد الوحدة الوطنية وكلام من هذا القبيل ( خليك ساكت يا بقي ) wst::

فقام الاعلامي خالد عبد الله بالرد عليه بكل ادب واحترام وهدوء فى قناة الناس ( سأرفع لكم فيديو الرد لتحكموا )

فتم الإيقاف لأنه قد بلغ السيل الزبي بقي بصراحة ( إيه ده بتتهزأ وبترد كمان يا قليل الأدب !!! ) md2:

طب خد إيقاف فى وشك أهو

وبالمرة قناة الخليجية ( كان الشيخ محمد عبد الملك الزغبي يرد فيها على زكريا بطرس ) :blink:

تعالوا انتوا كمان بالمرة وكمان الصحة والجمال ( ذات توجه اسلامي ايضا )

طيب ما هو الفراعين عملت حلقة برضه تشتم القنوات الاسلامية ( علمانية ) و on tv محسوبة على ساويرس النصراني

خلاص ذرا للرماد فى العيون يبقي احنا كأن معندناش خيار وفقوس

ياخدوا انذار كأن المرة الجاية فى طرد

والله العظيم هى دي الحقيقة من وجهة نظر متابع لهذا الملف بدون افتراء

[se_ Elsyed]

ما حدش فاهم حاجه

رئيس قناة On Tv

بيقول إن تحذير هيئة الإستثمار يتعلق بمنع الشريط الإخباري الذي يظهر أسفل الشاشة بالقناة .. وسيتم تنفيذ ذلك تفادياً لقرار الإغلاق

حد فاهم حاجه ؟

أكدت إدارة قناة "أون تى فى " فى بيانها مساء اليوم، الثلاثاء، عقب إنذار هيئة الاستثمار لها منذ ساعات بمخالفة شروط الترخيص أن ملاحظتها متعلقة بشريط الأخبار الذى يظهر أسفل الشاشة.

وقال البيان الذى حصل "اليوم السابع" على نسخة منه أن التحذيرات لا علاقة له بأية مواد إعلامية أخرى، مشيراً إلى احترام إدارة القناة قوانين وشروط البث والترخيص، معربة عن التزامها الكامل بكافة بنود التراخيص والتصاريح الحاصلة عليها، لافتة إلى أنها ستبدأ منع عرض الشريط الإخبارى عبر شاشاتها كخطوة فعلية لتفادى ملاحظات هيئة الاستثمار.

جدير بالذكر أن قناة "أون تى فى" أثرت البث المرئى من خلال منظومة متناغمة من البرامج الإخبارية التى تلاحق الخبر وتتبع الحقيقة محلياً وعالمياً على مدار الساعة، ملتزمة بضوابط ومعايير البث الفضائى.

[أبو حميد المسافر]

طب يا ابو حميد يا فتك لما نلاقي القنوات دي رجعت اشتغلت تاني يبقي ازاي الحال ؟؟؟

ما هو قناة الرحمة اتشالت ورجعت تاني يبقي ايه الكلام ؟

الكلام بقي هو اللى هيحصل اليومين الجايين

نقعد يا حلوين على رواقة ونظبط أمورنا تتكلموا فى ده وتسيبوكوا من ده

خليكوا شطار وحلوين زي الشيخ محمد حسان ( الشيخ يواجه حملة ضارية من طلبة العلم والمهتمين بالشأن الإسلامي )

قعد يقول اليهود ومش اليهود وكان ماشي فى نفس سكتكم

سمع الكلام بقى يقول اخواتنا المسيحين وعمل تمثيلية أم حنا فى رمضان ( راجل وست الستات )

ففكوكوا بقي من اللى انتوا فيه وحتي ممكن ترجعوا مثلا بإسم كلام الناس ( واهو حتي كلام الناس لا بيقدم ولا يأخر )

مفرقتش كتير

الرحمة بعد التعديل بقت نسائم الرحمة كفرت يعني !!! wst::

وأهو أحمد زي الحاج أحمد

[أبو محمد]

لست من متابعى التليفزيون و أشاهده بالصدفة ووالدة زوجنى (90) تهتم كثيرا بمتابعة مباريات كرة القدم و ربما ما تراه من التليفزيون بالصدفة.

ما سبق كان إستهلالا لابد منه

واضح من الموضوع أن الفاضل سى السيد مشاهد محترف للفضائيات فهل لى أن أطلب منك أن تحيطنا علما و لو بطريقة إجمالية محتوى هذا الموضوع بمعنى المحطات دى كانت بتعمل إيه "نتنور بس"

ما أنا لو أعرف أقول يا أستاذ عادل

إنت بنفسك شايف البيان الهزيل اللي اصدروه

وإضافة بعض الضوابط العامة والمبادئ التى يتعين على جميع القنوات الفضائية مراعاتها مستقبلاً فيما تقدمه على شاشاتها، وذلك بهدف ضمان مزيد من الالتزام من جانب القنوات بميثاق الشرف الإعلامى ومبادئ العمل بالمنطقة.

وأشار أسامة صالح إلى ضرورة التزام جميع القنوات الفضائية بآداب وأخلاقيات العمل المهنى وبميثاق الشرف الإعلامى فى كل ما تبثه على شاشاتها، انطلاقاً من أن حرية الرأى والتعبير تنتهى حدودها عند التسبب فى إحداث الضرر أو الأذى للمجتمع أو للمتلقى بشكلٍ عام، وأن حرية التعبير لا تعنى تقديم مواد علمية أو إعلامية تثير الفتن والكراهية، أو تنشر ما هو غير صحيح علمياً أو فكرياً أو عقائدياً بين الناس، وإنما الاستفادة من ارتفاع سقف الحريات لتحقيق ما فيه نفع الوطن وصالح المواطنين.

ومن جانبهم أفاد خبراء بأن القرار يأتى فى إطار إعادة ترتيب النايل سات، ووقف كل ما من شأنه إثارة الفتنة أو الاحتقان بين المواطنين.

إيه هو الميثاق وإيه هي الضوابط ... أنا مش عارف

قناة الناس بصراحة قناة محترمة وإن عابها تشدد بعض مشايخها السلفيين لكنهم لا يضرون أحد ولكل منهجه وحجته

الخليجية أعتقد قناة فنية ودرامية

الصحة والجمال مش عارف وعُمري مش شوفتها وإن كان غسمها بيدل على إنها بتاعت أزياء وحاجات من دي ....

القنوات اللى انت ذكرتها دى يابو السيد ضمن مجموعة واحدة إسمها "مجموعة قناة الناس"

و"الحافظ" هي إحدى مجموعة قنوات "الناس"، والتي تضم بجانب "الناس" البركة، والخليجية، وأخيرا "الصحة والجمال"، وهي مملوكة لمستثمرين سعوديين من آل كدسة، ويدير المجموعة المصري عاطف عبد الرشيد، والذي كان له دور كبير في تشجيع المذيعات المنتقبات على الظهور عبر قناة "الحافظ" المتخصصة أصلا في تقديم برامج لتحفيظ القرآن الكريم، والتي بدأت البث منذ ما يقرب من عام.

أنصحك تدخل على المصدر اللى انا جبت منه المعلومة اللى فوق دى وهو موقع اسمه ملتقى النخبة الإسلامى

ادخل ومش حتندم .. وبعدها اقرا النص كلمة دى اللى قالها احمد رجب زى اليومين دول السنة اللى فاتت بتاريخ 15 أكتوبر 2009 بمناسبة منح جوايز نوبل

كشفت الانجازات العلمية الفائزة بجائزة نوبل عن خطوات مهمة لتقدم الانسانية العلمي، وكان بين الفائزين أربع عالمات وأديبة، ويوشك علماء آخرون علي الانجاز الأكبر وهو تخليص الانسان من المرض، وقد سمعت ان لجنة نوبل أرجأت النظر في الأبحاث المصرية لوصولها متأخرة وكلها أبحاث قيمة عن النقاب والحجاب .

أما بخصوص ميثاق الشرف الإعلامى فأنا افتكرت موضوع كنت فتحته بمناسبة صدوره من حوالى سنتين كان إسم الموضوع :

توقعوا حملات من كل المنتفعين بالفوضى الإعلامية

تصور ؟ أنا كنت فاكر ان قناة on tv هى الشقيقة الصغرى أو الكبرى لقناة otv وان الاتنين بتوع نجيب ساويرس ؟ معلش جهل قنواتى بعيد عنك tv_:

[aimen]

المصدر

http://ahmedhelmasry.blogspot.com/2010/10/blog-post.html

أؤمن أن الصدفه بريئه تماما من ما يحدث الأن فى مصر

منع إستضافة محمد البرادعى فى اى قناه

الحمله الإعلاميه الكوميديه لحزب الوفد

وقف برنامج عمرو أديب على قناة أوربيت

منع ظهور إبراهيم عيسى على تلفزيون أون

تصريح أحمد بهجت أنه يتوقع و "خائف" من وقف برنامج العاشره مساء

وقف مقالات حمدى قنديل و علاء الأسوانى فى جريدة الشروق

إعتقال أبو العز الحريرى

لقاء مبارك بالفنانين و الكُتاب و نشاط مكثف دليل على فشل مشروع التوريث

إقالة إبراهيم عيسى من الدستور

لقد وعى النظام انه لم يعد يستطيع السيطره على تلك الجموع الغفيره من المؤييدين لرموز المعارضه حتى و إن كانت معارضه بلا قوه, لقد أدرك النظام انه لن يستطيع النجاه اذا ظل طائر الحريه يحوم فوق رؤوسهم و يفضحهم , لقد أصبح ذلك النظام مفضوح عالميا و لن يستطيع النجاه بأى حال من الأحوال فى الفتره القادمه ,كل ما أستطيع قرأته الأن من المشهد اننا امام تصاعد متنامى و عوده قويه "للحرس القديم " , أعتقد ان الفتره القادمه سوف تشهد مدابح إعلاميه و حجب للمدونات و محاكمة نشطاء , و من لم يستطيعوا عزله سيشوهون سمعته !! لقد رجعنا لقواعد اللعب القديمه

[الغريب]

من رأيي أنها إنتكاسة جديدة ولها سببين من وجهة نظري :

أولها ما سماه الدكتور عمار علي حسن بـ"خطة تركيع الإعلام في مقاله الماتع بالمصري اليوم

وثانيها هو خضوع جديد من القيادات المصرية للكنيسة وتعليمات البابا شنودة والتي ظهرت في يوم 10/10/2010 أي قبل القرار بيومين فقط ، ولا عزاء لمتابعي القنوات الممنوعة.

بعيدا عن الموضوع

ما أثار دهشتي هي كلمة أحمد رجب في سياق هذا الموضوع والتي ظهرت في مداخلة للفاضل أبو محمد، ولا أدري ما دور القنوات الفضائية الدينية أو الدين بشكل عام في نفض التراب عن كاهل البحث العلمي بمصر المحروسة، فهل الدين أو القنوات الدينية هي من جعلت ميزانية مركز البحوث الزراعية السنوية لعام 2010 توازي مكافأة عصام الحضري بعد بطولة أمم أفريقية 2006... وعجبي

[se_ Elsyed]

تصور ؟ أنا كنت فاكر ان قناة on tv هى الشقيقة الصغرى أو الكبرى لقناة otv وان الاتنين بتوع نجيب ساويرس ؟ معلش جهل قنواتى بعيد عنك tv_:

ما هي كده فعلاً .. لكن القناة من فترة بتُعاني الأمرين وفي طريقها للتصفية والإقتصار على OTV بس .. ومعظم البرامج الأن بتبقى مشتركة وفي نفس الوقت بين القناتين توفيراً للنفقات والدوشة

[Diab]

ما أثار دهشتي هي كلمة أحمد رجب في سياق هذا الموضوع والتي ظهرت في مداخلة للفاضل أبو محمد، ولا أدري ما دور القنوات الفضائية الدينية أو الدين بشكل عام في نفض التراب عن كاهل البحث العلمي بمصر المحروسة، فهل الدين أو القنوات الدينية هي من جعلت ميزانية مركز البحوث الزراعية السنوية لعام 2010 توازي مكافأة عصام الحضري بعد بطولة أمم أفريقية 2006... وعجبي