ممكن تدعولها؟

[Om Zayd]

السلام عليكم و رحمة الله و بركاته

عايزة أطلب منكم الدعاء لصديقتي و والديها.. في الغربة بتدرس و مامتها و باباها في النزع الأخير و مش قادرة تنزل لهم

أسأل الله أن يلطف بنا جميعا

لا أراكم الله مكروها في عزيز لديكم

[nightmare]

لا إله إلا الله

ربنا يرحمهم ويلطف بيهم ويتجاوز عن سيئاتهم ويكتب لهم حسن الخاتمة.

وربنا يلهمها الصبر والثبات ويرجعها إلي بلدها سالمة غانمة.

[Howayda Ismail]

جزاك الله خير

ويارب ان شاء الله يعفى عنهم ويتولاهم برحمته وييسر لها الامور

[Salwa]

ربنا معاهم جميعا .

اللهم ارحم الأحياء والأموات .

ربنا يصبرها .

اصعب موقف ممكن يمر بيه اى انسان مغترب هو هذا الموقف .

قال تعالى

لنبيه صلى الله عليه وسلم

(انك ميت وانهم ميتون ثم انكم يوم القيامة عند ربكم تختصمون ).صدق الله العظيم.

ربنا يصبرها ويجمعها بهم ف الحياة الدنيا على خير وان لم ييسر لها الله ذلك فليجمعها بهما بعد عمر طويل مع الابرار الصالحين فى جنات النعيم.

[المهندسه]

ربنا معاهم ويعافيهم يارب ويكتبلهم الشفاء من عنده يارب.

ويلهمها الصبر و يجعلها ممن اذا اصابتهم مصيبه قالوا انا للله و انا اليه راجعون.

[Om Zayd]

ربنا يكرمكم جميعا و يجزيكم خير

من ساعة ما كلمتها و انا حاسة ان مفيش حاجة أقدر أعملها غير أني أدعيلهم

قلت تدعولهم معايا و الله قريب مجيب

بحاول أخفف عنها .. بس إحساسها بالعجز مموتها

ربنا يصبرهم و يرحمهم و ينزل سكينته عليهم

[رضوي]

ربنا يلهمها الصبر ........... ويجمع بينهم علي خير

( الذين اذا اصابتهم مصيبة قالوا إنا لله وإنا إليه راجعون )

ربنا يجمع شملهم ويبعد عنهم شر كل سوء يارب

[لماضة مصرية جدا]

السلام عليكم و رحمة الله و بركاته

عايزة أطلب منكم الدعاء لصديقتي و والديها.. في الغربة بتدرس و مامتها و باباها في النزع الأخير و مش قادرة تنزل لهم

أسأل الله أن يلطف بنا جميعا

لا أراكم الله مكروها في عزيز لديكم

و عليكم السلام و رحمة الله و بركاته

كنت عايزة ااقول لحضرتك ان وقع الغربة اللي كتبتيها فوق دوت....بقي تقيل علي نفسي اوي

كنت عايزة ااقولك تسيب كل حاجة.....كل حاجة و تروح حيث من تحب

كنت عايزة ااقول لحضرتك حاجات كتير

حضرتك اختصرتي....و قولتي ندعي.....ربنا يفرج همها و يلطف بيها....و ينور طريقها و يرزقها صبرا جميلا

طمنينا عليها

في أمان الله

[خالد شحاته]

ربنا يشفيهم ان شاء الله

وهو ارحم الرحمين ويجمعهم جميعااا في جنة الخلد ان شاء الله مع الصدقين والنبين

وارحمهم رحمتك يارب في الدنيا والاخره وان شاء الله ربنا يكتب لهم الشفاء باذان الله

[masraweya]

موقف صعب جدا ..ابتلاء ربنا يعينها و يصبرها عليه.. و أمر المؤمن كله خير

يمكن من رحمة ربنا انها مش قادرة تنزل ..صعب أوي تشوف أعز الناس عليك في الحالة دي

الفراق صعب أوي لكن ليس منه مهرب

ربنا يصبرها و يثبتها و يرحم والديها و يجمعهم في الفردوس الأعلى

[shiko]

اللهم الهمها صبرا جميلا ...

والطف بوالديها ...وارحمهما ...

انك ولى ذلك والقادر عليه

[ssamir]

اللهم ارحم الأحياء والأموات .

ربنا يصبرها .

اصعب موقف ممكن يمر بيه اى انسان مغترب هو هذا الموقف .

[أمل حياتي]

ربنا يشفيهم ويقومهم بالسلامه

اصعب حاجه هيه ما تتعلق بالأم والأب

ربنا يعينها ويصبرها على فراقهم

[Om Zayd]

السلام عليكم و رحمة الله و بركاته

جزاكم الله خيرا جميعا

والدها اتوفى (أسكنه الله فسيح جناته و موتى المسلمين) .. ربنا يصبرهم و يعافي والدتها و مرضانا جميعا

[shiko]

لا حول ولا قوة الا بالله ...

ان لله وان اليه راجعون

[doha]

لاحول ولا قوة الا بالله .. موقف يقطع القلب

بس العزاء ان هم كانوا هيموتوا على كل حال وكانت هتزعل عليهم ايا كان الوضع فمن كرم ربنا انه اختار تكون ظروف موتهم صعبه كده عشان باذن الله تؤجر على صبرها ومين عارف يمكن ينكتب لها الجنة بتحملها موقف زي ده ..

فعلا مش قادره اتخيل الموقف بس اكيد سبحانه له حكمه واكيد زي مااحنا تعاطفنا اوي وحسينا قد ايه المصاب جلل فهو سبحانه حاسس اكتر وهو اكيد هيقدر بحكمته يجازيها بالخير عليه ازاي ..

ربنا معاها يارب ويربط على قلبها وتتجاوز محنتها ويرحم امواتها وامواتنا جميعا يارب ..

[mamdowh]

خالص التعازى والدعاء بالرحمة للوالد ويسكنه فسيح جناته

مع دعاء حار من القلب بشفاء الوالده

ودعائى لأختنا بأن يصبرها الله على الإبتلاء ويجعله فى ميزان حسناتها

[ذهبية]

البقاء لله فى والدها ربنا يصبر قلبها

الله يا ارحم الراحمين

يا قادر على كل شىء اشفى والدتها يارب

يا سامع الدعوات

يا غافر الزلات

يا مقيل العثرات

يا رب الارض والسماوات

يا كاشف ضر ايوب

يا من رد يوسف الى يعقوب

رب العرش العظيم

اشفى والدتهاا و فك كربها و صبر قلبها امين يارب العالمين

[aimen]

لا إله إلا الله

ربنا يرحمهم ويلطف بيهم ويتجاوز عن سيئاتهم ويكتب لهم حسن الخاتمة.

وربنا يلهمها الصبر والثبات ويرجعها إلي بلدها سالمة غانمة.

[Om Zayd]

إنا لله و إنا إليه راجعون

والدتها توفيت بالأمس

ربنا يرحمها و يسكنها فسيح جناته و موتانا

ربنا يصبرهم و ينزل سكينته عليهم

شاكرة دعواتكم و أعتذر عن أي مضايقة سببها هذا الموضوع .. فقط أحببت أن تدعوا لهم بظهر الغيب

لا أراكم الله مكروها في عزيز لديكم