** ترضي ده يحصل لأختك ؟؟ **

[جويرية]

يا جماعة بس انا عايزة اوضح حاجة

الأمن مفيش بينا و بينهم حاجة غير بطاقة أثبات الشخصية

انا منقبة ، و ولو اي ظابط و انا مسافرة طلب مني البطاقة الشخصية علي طول بوريهاله من غير كلام

ليا كذا واحدة من معارفي ، ممكن تنسي البطاقة او مترضاش تطلعها ، او تتكلم بطريقة مش كويسة

طبعا الظابط ينزلها من الأتوبيس و متكملش السفر ، او ممكن طبعا يوديها القسم او امن الدولة

طيب و ليه ما انا في غني عن ده كله ، و هوه الظابط بيأدي عمله

فعشان كدة بقول ان البنات دول مفيش مشكلة لو قبلوا ان شنطتهم تتفش

ساعات لو فيه مشاكل شوية ، بيبقي فيه أجراءات امنية مشددة

و فترة و بعد كدة حيدخلوا بالكارنيهات عادي

[Howayda Ismail]

هوه الأمن حيمنع ليه حد ان هوه يدخل الجامعة

التفتيش الذاتي أظن انه تفتيش حقيبة اليد

و بعدين الطالبات دول لو خدوهم بتهمة التجمع و اثارة الشغب ، وكل واحدة تاخدلها شهر حبس

و يبقي في الفيش و التشبيهة بتاعها ان ليها سابقة

و تفضل عانس طول عمرها عشان مفيش حد حيتجوز واحدة سوابق

يبقي الظابط كرمها بالضربتين اللي خادتهم ، و اهو علقة تفوت ولا حد يموت

اكيد حضرتك مش مصرية عشان الكلام ده يصدر منك فى حق اخواتك المصريين

انا وانت واى انسانة محترمة ممكن تتعرض لموقف زى ده وميكونش لها يد فيه

لو الفيش حيكون فيه كده ده وسام شرف لها هى مش ممسوكة ادآب

مئات البنات اتعرضوا لاكتر من كده من شباب 6 ابريل والمظاهرات على خلفية مقتل

خالد سعيد وزمان صفية زغلول وزميلاتها تعرضوا لكده برضه

وايه دخل العنوسة والجواز فى الكلام ده

حتى المسجلة اداب بتتجوز يعنى مش مقياس و هواللى بيتجوز واحدة بيعملها فيش

وتشبيه ويطلع على الصحيفة الجنائية بتاعتها

ولا ده متبع فى الدولة اللى حضرتك منها

[لماضة مصرية جدا]

السلام عليكم و رحمة الله و بركاته

ممكن افكر في حاجة كده....يمكن تكون غير السياق اللي فات

بشكل عام...انا مبحبش اتفرج علي اي كليب فيه تعذيب او أساءة لاي انسان

بحس اني بعد ما بتفرج علي حاجة زي كده....بيتعملق جوايا خوف غير مسبوق من جهاز الشرطة و اعضائه...مصحوب بحالة من القرف الشديد لاي شخص بيشتغل في المهنة دي

فعلا بلاقي نفسي اكثر عزلة في مجتمعي لاني بحس اني مستهدفة بشكل غير متوقع

سؤالي....هل الهدف من احنا نتناقل الفيديوهات دي....هو تعرية الممارسات السلبية المستهجنة؟؟؟ طب ما كلنا عارفينها...و البعض منا بالفعل مر بيها و نسالكم العافية

طب الهدف منها....ان احنا نستخدمها كورقة ضغط عشان نحاول نفرض صوتنا علي نظام مش بيسمع اصلا....يبقي اسمحولي مش بنستخدمها صح...لان احنا فقط بنتناقلها فيما بيننا يعني من جوه البيت لجواه برضه....عمر ما حد فينا فكر انه يبعتها لاي منظمة حقوق انسان و يتابع اجراءات توثيق قضية معينة "زي قضية خالد سعيد"...ليه الحدث بياخد فقاعة بالون و بيرجع يهدي و بنستني اللي بعده و اللي بعده

انا عايزة بس نفكر و نحس ان احنا لازم نتغير بعد ما نبص علي فيديو زي ده....مش نتغير و ننكمش خوفا...لان كده احنا بنحقق للنظام اللي هوو عايزه....ان نزداد فقرا في القدرة...و فقرا في المقاومة...و فقرا في الارادة

لازم نتغير لقدام للاحسن

تفتكروا ازاي؟؟؟

تحياتي

[masraweya]

واضح انهم واخدينها حياة أو موت المرة دي

الأمن

منع الرسائل الإخبارية

تشديد الرقابة على الرسائل القصيرة

إبعاد كل من يمكن ان يخرج على النص -حتى لو أصلا من رجالتهم

إغلاق القنوات او التلويح به

و لسة

نظام فاشل و مذعور و اكيد دي ايامه الأخيرة

[masraweya]

السلام عليكم و رحمة الله و بركاته

طب الهدف منها....ان احنا نستخدمها كورقة ضغط عشان نحاول نفرض صوتنا علي نظام مش بيسمع اصلا....يبقي اسمحولي مش بنستخدمها صح...لان احنا فقط بنتناقلها فيما بيننا يعني من جوه البيت لجواه برضه....عمر ما حد فينا فكر انه يبعتها لاي منظمة حقوق انسان و يتابع اجراءات توثيق قضية معينة "زي قضية خالد سعيد"...ليه الحدث بياخد فقاعة بالون و بيرجع يهدي و بنستني اللي بعده و اللي بعده

انا عايزة بس نفكر و نحس ان احنا لازم نتغير بعد ما نبص علي فيديو زي ده....مش نتغير و ننكمش خوفا...لان كده احنا بنحقق للنظام اللي هوو عايزه....ان نزداد فقرا في القدرة...و فقرا في المقاومة...و فقرا في الارادة

لازم نتغير لقدام للاحسن

تفتكروا ازاي؟؟؟

تحياتي

و عليكم السلام و رحمة الله و بركاته

معاكي حق

الفيديو ده دليل أدانة

الممارسات دي لازم تتفضح و تلاحق بكل الطرق

[Howayda Ismail]

السلام عليكم و رحمة الله و بركاته

ممكن افكر في حاجة كده....يمكن تكون غير السياق اللي فات

بشكل عام...انا مبحبش اتفرج علي اي كليب فيه تعذيب او أساءة لاي انسان

بحس اني بعد ما بتفرج علي حاجة زي كده....بيتعملق جوايا خوف غير مسبوق من جهاز الشرطة و اعضائه...مصحوب بحالة من القرف الشديد لاي شخص بيشتغل في المهنة دي

فعلا بلاقي نفسي اكثر عزلة في مجتمعي لاني بحس اني مستهدفة بشكل غير متوقع

سؤالي....هل الهدف من احنا نتناقل الفيديوهات دي....هو تعرية الممارسات السلبية المستهجنة؟؟؟ طب ما كلنا عارفينها...و البعض منا بالفعل مر بيها و نسالكم العافية

طب الهدف منها....ان احنا نستخدمها كورقة ضغط عشان نحاول نفرض صوتنا علي نظام مش بيسمع اصلا....يبقي اسمحولي مش بنستخدمها صح...لان احنا فقط بنتناقلها فيما بيننا يعني من جوه البيت لجواه برضه....عمر ما حد فينا فكر انه يبعتها لاي منظمة حقوق انسان و يتابع اجراءات توثيق قضية معينة "زي قضية خالد سعيد"...ليه الحدث بياخد فقاعة بالون و بيرجع يهدي و بنستني اللي بعده و اللي بعده

انا عايزة بس نفكر و نحس ان احنا لازم نتغير بعد ما نبص علي فيديو زي ده....مش نتغير و ننكمش خوفا...لان كده احنا بنحقق للنظام اللي هوو عايزه....ان نزداد فقرا في القدرة...و فقرا في المقاومة...و فقرا في الارادة

لازم نتغير لقدام للاحسن

تفتكروا ازاي؟؟؟

تحياتي

عندك حق فى كلامك لكن احنا هنا بنفس عن غضبنا المكتوم حتى لو بكلمة او مشاركة

واظن ان فى ناس فى المنتدى عندها خلفية ازاى ترسل الموضوع ده لمنظمات حقوق الانسان

او عمل لها جروب زى جروب خالد سعيد او تعمل اى حاجة يمكن يختشوا على دمهم شوية

انت قلبك وجعك من كليب انا شفت انا وولادى 2 مخبرين طحنين عيل عمره حوالى 15 او 16

سنة ماكنش عارف يحوش الضربات منين ولا منين والضابط قاعد فى العربية بيتفرج عليهم وفرحان بيهم

انا مابقتش اطمن الا لما ابنى يرجع واشوفه بعينى لانهم منتشرين زى الكلاب السعرانة

فى الشوارع وعند الجامعة واشارات المرور بيتلككوا لاى حد حتى لو اتجرأ وسالهم انتم بتفتشونى

ليه بعد ماشفتم البطاقة

[شريف مان]

يا جماعة بس انا عايزة اوضح حاجة

الأمن مفيش بينا و بينهم حاجة غير بطاقة أثبات الشخصية

انا منقبة

حلوة

ومنتقبة وبتضحكى لما البنات تنضرب بالشالوت :D

مع احترامى ... كلامك يدل انك شغاله مع الشرطة

مهم بقوا بيشغوا بنات فى المظاهرات

تم تعديل 13 أكتوبر 2010 بواسطة شريف مان

[Om Zayd]

جويرية

فكرتيني بواحدة زميلتي معترضة زيك على المظاهرات و بتقول نفس كلامك ده

الأمن ليه يبقى موجود جوة الجامعة اصلا؟؟

مشفناهوش منع المخدرات او الخناقات عشان البنات او السلوك الفاحش

يفتشهم ليه؟ انا عمري ما شفت في الجامعة برة حد بيفتش رغم قوانين الإرهاب و حتى لما بتحصل سرقة بيكلموا البوبيس العادي

[pocy]

حسبي الله ونعم الوكيل ........حسبي الله ونعم الوكيل

[ابو محمد بن مصطفي]

هوه الأمن حيمنع ليه حد ان هوه يدخل الجامعة

التفتيش الذاتي أظن انه تفتيش حقيبة اليد

و بعدين الطالبات دول لو خدوهم بتهمة التجمع و اثارة الشغب ، وكل واحدة تاخدلها شهر حبس

و يبقي في الفيش و التشبيهة بتاعها ان ليها سابقة

و تفضل عانس طول عمرها عشان مفيش حد حيتجوز واحدة سوابق

يبقي الظابط كرمها بالضربتين اللي خادتهم ، و اهو علقة تفوت ولا حد يموت

واين حرمه المرأة المسلمة وكرامة الانسان

قد نختلف او نتفق علي حرمة المظاهرات وانها قادمة الينا من الغرب الكافر

ولكن اين هي حرمة المرأة

ثم ما هي جريره الانسان الذي ينسي البطاقة الشخصية او كرنية الكلية

ايه نولع فيه بجاز

[Ahmed Anwer]

فيه ناس زي الأخت جويرية

شايفين إن البنت هيا اللي غلطانة

عشان عرضت نفسها للموقف ده !!!!

طبعا ده منطق قد يكون سليم

لكن فقط من سليم من قبيل التعامل مع الأمر الواقع المحبط

يعني هما الشرطة قلالات الأدب و متعسفين و خلقهم ضيق

تتعرض ليهم ليه ؟؟

[cup cake]

لكل فعل رد فعل علشان نبقى حقانيين يعنى هى اكيد قالت حاجه استفزته بيها المشكله بقى فى رد الفعل رد الفعل مبالغ فيه و ده يخلينا نفكر هل هو و هو بيضرب البنت و عارف انه بيتصور مكنش هامه لانه مسنود ولا لان فى تعليمات جياله بالتعامل و فلو قلنا انه مسنود و مطمن ان مش هيحصله حاجه فده معناه ان اى حد له حد مهم هيدوس بقى على مخاليق ربنا براحته ودهمعناه اننا هنبقى فى غابه القوى يفترى على الضعيف اما لو كانت دى تعليمات فدى برضو مشكله لان الحكومه الى تقرر انها بتفهم اكتر من الشعب و ان الطاعه لها واجبه هتعامل الشعب على انه عبيد ينفذوا الاوامر و بس و ده معناه يا اخوانى انها فى كلتا الحالتين خربانه خربانه و ان بلدنا عليها السلام

و ده سببه ايه سببه اننا نسينا احنا مين و هما مين احنا الاساس احنا كشعب ممكن نعيش مهما اتغير الرئيس او الحكومه يعنى ممكن نستغنى عن فلان و علان لكن هل تقدر الحكومه او الرئيس يعيشوا بدون شعب ؟ هما موجودين بسببنا لكن و بما ان الدنيا اتشقلب حالها حطوا جزمهم على رقبتنا و افتكروا اننا من غيره مش هنعيش صحيح هنعيش ازاى من غير اكل مسرطن و هوا وسخ وزباله و جهل و فقر بجد قدمولنا كتير و احنا شعب منستاهلش و لاننا مش مقدرين نستاهل تنضرب بناتنا بالشلاليت عالعموم انا عن نفسى هقعد فى بيتى و تخيلوا لو 80 مليون قعدوا فى بيتهم اسبوع واحد البلد هيحصلها ايه و لو يعرفوا بقى يشغلوها من غيرنا يورونا و هيحصل ايه هتخرب اكتر مهى خربنانه اقتصاد البلد هيقع مهو واقع النور هيقطع مهو عالطول قاطع مش هنلاقى اكل محنا على طول جعانين احنا مش هيفرق معانا المهم نقف وقفه رجل واحد ونقول لالالا لاننا بشر مش حيوانات تنضرب بالشلاليت

[herohero]

عادي ياجماعه ده بلدنا اللي مش عاجبه يسيبها زي ما سيبناها خليها تتقدم بيهم

الفيديو ده عجبني "ربنا بيسلط ابدان على ابدان " شوفوا الرجاله بتوعم ضباط الشرطة مش كلهم لكن الغالبيه يستاهلوا يتبهدلوا

http://www.youtube.c...feature=related

[جويرية]

اخواتي هند و ام زايد

و اللهي يا اخواتي انا بتكلم من اللي بشوفو

بالعكس هما الأمن مش بيدققوا مع الستات اوي

يعني مع الرجالة ، يسألوهم عن محل الأقامة و الشغل فين

اما مع الستات ، يادوب تطلعي البطاقة و يبص فيها و ميكلمكيش تاني ،

اما في ناس لمضة بأه ، و تشوف بطاقتي ليه ،

فيستلقوا وعدهم بأه

[مغتربة]

بالتاكيد اى انسان عنده ذره نخوه و كرامه لا يرضى بهذا ابدا

كنت اعتقد ان هذه اجابه بديهيه

لان ما ورد فى هذا الفيديو لا يتسق لا مع القانون و لا مع اسس الدين الاسلامى او المسيحى او حتى الهندوسى

مهما كان ما اقترفته (هذا على اعتبار انها اقترفت شيىء خاطىء)

فلا يوجد لا فى القانون و لا فى الاديان و لا حتى فى الاعراف الانسانيه ما يمكن ان يعطى لايا من هؤلاء الاشاوس الذين يتشطرون على فتيات لان هذا هو اخرهم ما يبيح لهم ما اقترفوه

لكن للاسف وجدت ان هناك اناس ليست على استعداد للتبرير لهم مجانا فقط بل و للتمادى حتى فى السخريه و الاستهزاء من المظلومين و الضحك من صور الاعتداء عليهم

بالتاكيد هذا سلوك نفسى غير سوى يستوجب من صاحبه البحث عن علاج له عند اقرب طبيب نفسى

اتفق مع لماضه فى ضروره ايصال مثل هذه الفيديوهات للمنظمات العالميه المعنيه بحقوق الانسان

تواجد الداخليه فى الجامعات باااااااااااطل و ذلك حكم المحكمه و ليس كلامى انا

و لكن لاننا فى دوله بوليسيه التفكير و المنهج

فبالتاكيد لن نندهش كثيرا لهذا الخرق لاحكام القضاء

لكن المشكله الحقيقيه فى وجود نماذج ملكيه اكثر من الملك تعتقد انها بذلك و بكونها تسير بجانب الحائط فهى فى مامن من ان تتعرض لمثل ما تعرض له هؤلاء الضحايا

متناسيه انه فى ظل القمع و الاستبداد لا يكون احد بمناى

لانه ببساطه اول ما يفعلونه هو نزع كل الحوائط و تركنا فى العراء

[masraweya]

السلام عليكم

طب و ده اسمه إيييه؟؟؟

سادت حالة من الاستياء بين صفوف الطلبة لاسيما المنتمين الي جماعة الاخوان المسلمين في جامعة الزقازيق بسبب قيام

إدارة مستشفي الزقازيق العام الطالبة بطرد _بحسب قولهم- سمية أشرف الصعيدي - الفرقة الرابعة كلية الدراسات الإسلامية جامعة الأزهر فرع الزقازيق – والتي تعرضت للضرب والاعتداء صباح اول أمس الأحد 10/10/2010 علي يد أحد ضباط الحرس الجامعي .

وأصدر نائب مدير المستشفي تعليمات للطبيب المعالج بخروج الحالة بعد عشر ساعات من دخولها المستشفي رغم الإشتباه في إصابتها بنزيف داخلي .

وكان ضابط بلطجي قد اعتدي أمس الأحد بعنف، علي طالبتين اثناء دخولهم الكلية ، مما تسبب في نزيف داخلي لواحدة ، وكسر في ذراع الاخري ،وتم نقلهما علي الفور لمستشفي الزقازيق الجامعي في حالة خطيرة.

[herohero]

http://www.youtube.com/watch?v=w_RA1EWU08Y

فيديو يوضح رد فعل سيارة الاسعاف ورفض الامن ف البداية لاسعاف الفتاة

[masraweya]

أعلن عدد من الحركات السياسية المختلفة، من بينها الجبهة الشعبية الحرة ورابطة طلاب مصر وطلاب اتحاد أندية الفكر الناصرى، إلى جانب عدد من المدونين ، تنظيم وقفة احتجاجية يوم الاثنين المقبل الموافق 18 أكتوبر أمام وزارة التعليم العالى احتجاجا على الاعتداءات الأمنية التي شهدتها الجامعات الحكومية المصرية بعد قيام الأمن بالتعدي على ناشطات بجامعة الزقازيق.

انتهاكات بلغت ذروتها!

وتسعى الحركة السياسية إلى تقديم 3 مطالب أولها طرد الحرس الجامعى خارج أسوار الحرم الجامعى، وفتح باب التحقيق مع الضباط المتورطين فى الجرائم التى جرى ممارستها ضد الطلاب، والمطالبة بإطلاق حرية الطلاب بما يكفل حقهم فى التعبير عن الرأى وممارسة كافه أنشطتهم السلمية دون قيود. وجاء فى بيان للحركت السياسية أن انتهاكات الحرس الجامعى بلغ ذروته بعد الضرب المبرح الذى تعرض له إحدى الطالبات داخل حرم جامعه الأزهر بالزقازيق أثناء مشاركتها فى إحدى الفعاليات الطلابية، وادى الضرب المبرح إلى إصابة الفتاة بارتجاج فى المخ وجروح خطيرة أخرى في أنحاء متفرقة من جسدها، بجانب الإشاره إلى احتجاز إحدى الطالبات داخل غرفة الأمن بجامعة الفيوم بمفردها بعد رفضها تفتيشه لها ذاتياً، بجانب التعدى على طلاب جامعة عين شمس بسبب المعارض التى يقيموها وأدت لتحويلهم للنيابه فى عدد من المرات.

تفتيش ذاتى بالقوة:

وكان فرع جامعة الأزهر بالزقازيق قد شهد اشتباكات بين حرس الجامعة، وطالبات أسرة المنار، المنتمية لجماعة الإخوان المسلمين، بسبب إصرار الأمن على تفتيش إحدى الطالبات ذاتياً، والإعتداء عليها بالضرب. وشرحت إحدى الطالبات الأمر من بدايته قائلة: "حينما أصر الأمن على التفتيش طلبنا أن يتم ذلك عن طريق موظفة، أو مشرفة أمن، فرفضوا ذلك وقال أحدهم :"هو احنا مش ماليين عينكم"، وحاولوا تفتيشنا بالقوة، وعند ما قاومناهم انهالوا علينا بالضرب ركلاً بالأقدام والأيدي، ثم فتحوا علينا خراطيم المياه".

منع سيارات الإسعاف من الإنقاذ!!

وأضافت طالبة أخرى: "لم يتنه الأمر عن هذا الحد بل منع حرس الجامعة سيارات الاسعاف من نقل المصابات، نتيجة الاعتداءات، إلى المستشفى حتى لايتم تحرير محاضر ضدهم". وأشارت إلى أنهن استمررن فى الضغط على الأمن للسماح بنقل المصابات إلى المستشفى، حتى نقلت الطالبة سمية أشرف، الفرقة الرابعة كلية الدراسات الاسلامية والعربية شعبة أصول الدين، إلى مستشفى "الأحرار" بالزقازيق بسبب اصابتها بنزيف داخلى. وأعلن الطالبات اعتصامهن أمام الجامعة بعد رفض الحرس دخولهن إلى الحرم الجامعي ، ورددن شعارات "يا عميدنا ساكت ليه.. ضرب سمية ده كان ليه"، "يا عميدنا فين المسؤولية.. إنت الراعي ونحن الرعية". ومن جانبها اتهمت الطالبات، حرس الجامعة بالتحرش بهن جنسياً، وطالبن باقالة الدكتور "عبد العزيز جبريل" عميد كلية الدراسات الإسلامية، فرع جامعة الأزهر بالزقازيق، بسبب سماحه للأمن بالتعامل معهن بهذه الصورة الهمجية.

كما طالب المعتصمات بضرورة تدخل الدكتور "أحمد الطيب" شيخ الأزهر، لرفع الظلم عنهن والحفاظ على كرامتهن. فيما نفى مصدر أمني، طلب عدم ذكر اسمه، الاعتداء على الطالبات، وقال إنهن رشقن أفراد الأمن بالحجارة مما أدى إلى إصابة فردين من أفراد الحرس.

تغادر المستشفى .. والنزيف لم يتوقف!

وفى السياق ذاته اتهم والد الطالبة سمية أشرف الصعيدى - إحدى ضحايا عنف الامن-بعدم استكمال علاج الطالبة تحت ضغط أمنى. وقال والد الطالبة إن نائب مدير المستشفى تعليمات للطبيب المعالج بخروجها بعد 10 ساعات من دخولها المستشفى رغم وجود اشتباه فى نزيف داخلى كما هو مثبت فى التذكرة الخاصة بها بعد تشخيص حالتها، وصدر إذن الخروج برقم 14979/2734 مؤقتا بالساعة 8 مساء بالرغم من أن المريضة دخلت المستشفى الساعة الـ10 صباحا. واضاف أن أمن المستشفى طالب المريضة ووالدها بمغادرة غرف المستشفى، ولكن نظرا لأن حالتها الصحية لا تسمح بذلك، فوافق أمن المستشفى على أن تظل فى صالة الاستقبال بالعيادات الخارجية، وبالرجوع إلى أحد الأطباء المتخصصين بالجراحة أكد أن أى حالة اشتباه فى نزيف داخلى تخضع للعناية والرقابة لمدة تتراوح ما بين 24 ساعة و48 ساعة لتظل تحت الملاحظة الطبية المكثفة طبقا للحالة والمعايير الطبية المتعارف عليها.

وفى الوقت ذاته طالبت لجنة الحريات بنقابة المحامين النائب العام المستشار عبدالمجيد محمود، بفتح تحقيق فورى فى واقعة الاعتداء على طالبتى جامعة الأزهر بالزقازيق، ومحاسبة المتورطين فيها وإحالتهم إلى محاكمة عاجلة. وقال جمال تاج الدين أمين عام لجنة الحريات: "إن الجريمة لا يجوز الصمت عليها بأى حال، خاصة مع الغضب المتصاعد بين الشباب، ولابد من فتح تحقيق فورى مع المتورطين من وزارة الداخلية، تجبنا لما لا تحمد عقباه.

[Om Zayd]

اما في ناس لمضة بأه ، و تشوف بطاقتي ليه ،

فيستلقوا وعدهم بأه

يا جويرية الله يهديكي .. مفيش أي مبرر ان حد يتعامل مع بني آدم تاني بالشكل ده

قلتلك برة في قانون الإرهاب و مع ذلك ما شفتش أمن في الجامعة

[pink rose]

اخواتي هند و ام زايد

و اللهي يا اخواتي انا بتكلم من اللي بشوفو

بالعكس هما الأمن مش بيدققوا مع الستات اوي

يعني مع الرجالة ، يسألوهم عن محل الأقامة و الشغل فين

اما مع الستات ، يادوب تطلعي البطاقة و يبص فيها و ميكلمكيش تاني ،

اما في ناس لمضة بأه ، و تشوف بطاقتي ليه ،

فيستلقوا وعدهم بأه

الحاجة الوحيدة اللي ممكن اعلق عليها في كلامك الآتي لان الباقي انا اسفة لا يستحق عناء الرد

القسم بالله يكون كده

و الله مش واللهي