مبارك يعتزم آداء الحج هذا العام والتأكيد خلال أيام

[herohero]

مبارك يعتزم آداء الحج هذا العام والتأكيد خلال أيام

خبر في جريدة الشروق معرفش خلاني شعرت بشعور غريب فقولت انقله ليكم وياترى هتحسوا بشعور كده مثلا مثلا يجوا ف دماغكم الاية القرانية

"قل هل انبئكم بالاخسرين أعمالا الذين ضل سعيهم في الحياة الدنيا وهم يحسبون انهم يحسنون صنعا

مش عارف ده الي حسيت به وربنا يسامح ويغفر للجميع

[شريف مان]

دا محتاج يحج 500 مرة ويمكن ميضفش

الله يسهله

[Diab]

يا جماعة وحدوا الله

قوله صلى الله عليه وسلم « أن رجلا قال: والله لا يغفر الله لفلان وأن الله تعالى قال من ذا الذي يتألى علي أن لا أغفر لفلان فإني قد غفرت لفلان وأحبطت عملك » معنى يتألى : يحلف، والألية: اليمين، وفيه دلالة لمذهب أهل السنة في غفران الذنوب بلا توبة إذا شاء الله غفرانها) أ.هـ

[شرح مسلم (16/174)].

محدش يعرف الأيام مخبية إيه

حالته مش ممكن تكن أصعب من سيدنا عمر قبل الإسلام الذي أقسم أن يقتل محمد فأصبح وزيره

هو ظلم وتجبر صح ولكن الحساب بيد الله وحده

[president]

أخشى ان يتحول هذا الموضوع بأن ننصب أنفسنا آلهه . ونحدد ميزان حسناته وسيئاته . وفى الآخر هنقول هو فى النار أو الجنه .

نناقش أعماله السيئه بما يظهر لنا ننتقده كما نريد . اما علاقته بربه فالله الواحد الأحد هو من يقرر الثواب أو العقاب

أوالجنه أو النار . ولنا فى من قتل ال99 شخص عبره .

تحياتى

-----------

استاذ دياب انا كتبت تعليقى قبل ماشوف ردك . فآسف لتكرار نفس الفكره

ومتفق تماما مع ماتقول .

تحياتى

تم تعديل 14 أكتوبر 2010 بواسطة president

[MahmoudJEDDAH]

يا ترا دفع كام في الفيزا ؟ ههههه

لو ياخدلو كام مصري معاه و هوا مسافر من اللي هيموتو و مش قادرين علي مصاريف الحج جايز دا يشفعله عن حجته نفسها اللي هيعملها

[se_ Elsyed]

العبرة بالخواتيم ...

وماحدش يقدر يتدخل بين علاقة العبد بربه أو يوزن اعماله أو يحكم ده داخل الجنه وده داخل االنار ....

لكن الخبر نفسه غير واقعي

لإن حج الرؤساء والتحركات من هذا النوع بتبقى امور سرية جداً ويمكن ما بتعرفش إلا بعدها كمان

لذلك أنا لا أُصدق الخبر جُملة وتفصيلاً ...

ولو كان صحيح يبقى ربنا يهديه ويهدينا جميعاً

أخوكم الشيخ العلامه سين سين

[Howayda Ismail]

يعنى كان عنده 60 سنة فاتوا يحج فيهم محبكش يحج الا السنة اللى جوزى طالع

فيها يحج على كده حيبقى فى قلق جامد الحج المرة دى من امن ومخابرات ليكون

فيهم واحد كده ولا كده ده غير الترتيبات هناك مش بعيد يفضوا له الكعبة مخصوص

ولا ياجلوا حج المصريين بالذات لضمان سلامته

مش بعيد برضه ان الحجاج المصريين يتفقوا على دعوة موحدة فى واقفة عرفة لو

علموا بوجوده ويتغير مسار رمى الجمرات

رحمة ربنا واسعة و ربنا يتجاوز عن سيئاتنا جميعا

[Om Zayd]

يعنى كان عنده 60 سنة فاتوا يحج فيهم محبكش يحج الا السنة اللى جوزى طالع فيها يحج

مش بعيد برضه ان الحجاج المصريين يتفقوا على دعوة موحدة فى واقفة عرفة لو

علموا بوجوده ويتغير مسار رمى الجمرات

رحمة ربنا واسعة و ربنا يتجاوز عن سيئاتنا جميعا

بجد ضحكتيني جدا

ربنا يهديه و يهدينا

أعتقد أنه حج قبل كده

[se_ Elsyed]

لأ لأ إنت فاهمه الحج غلط يا مدام هند

الناس دي ولا حد بيحس بيهم لإنه بيحجوا بطريقة غيرنا خالص

والله باتكلم جد

سواء في تحركاتهم أو أوقات تأدية المشاعر

وكل عام بيحج رؤساء وملوك دول كثيرة واماكن إقامتهم مختلفه عن الناس خالص وما بيأثروش على الغلابة اللي زينا

[شريف مان]

ياسلام !!! يعنى انا لو قتلت وسرقت ونهبت وحرقت و......... الخ

وبعدين اهتديت ... خلاص كده

فين حق الناس ياخوننا

انا نفسى مش مسامح فى كل مليم اتسرق .. فى الشباب اللى اقتلوا ... فى رجال الاعمال اللى اتسرقوا

فى الظلم .. فى الفقر ... فى الوظايف اللى بالكوسة

انا مش مسامح فى حقى .. وأظن ان فى على الاقل 70 مليون واحد زيى

هوا بقى يروح يحج ميحجش .. دى مش مشكلتى ... ربنا يغفرله وللا لا ... بردوا مش مشكلتى

اللى يهمنى هوا حقى وحق كل الناس اللى اتظلمت على مدار 28 سنة وعايز يظلمهم بحيلة أمة كمان 30 سنة

[Howayda Ismail]

يعنى كان عنده 60 سنة فاتوا يحج فيهم محبكش يحج الا السنة اللى جوزى طالع فيها يحج

مش بعيد برضه ان الحجاج المصريين يتفقوا على دعوة موحدة فى واقفة عرفة لو

علموا بوجوده ويتغير مسار رمى الجمرات

رحمة ربنا واسعة و ربنا يتجاوز عن سيئاتنا جميعا

بجد ضحكتيني جدا

ربنا يهديه و يهدينا

أعتقد أنه حج قبل كده

طيب بدام حج قبل كده ولا يمكن عاوز يجدد النية ولا حاجة

[Howayda Ismail]

لأ لأ إنت فاهمه الحج غلط يا مدام هند

الناس دي ولا حد بيحس بيهم لإنه بيحجوا بطريقة غيرنا خالص

والله باتكلم جد

سواء في تحركاتهم أو أوقات تأدية المشاعر

وكل عام بيحج رؤساء وملوك دول كثيرة واماكن إقامتهم مختلفه عن الناس خالص وما بيأثروش على الغلابة اللي زينا

المهم ياخويا يكون بعيد عن المكان اللى فيه جوزى

اه انا مش مستغنية عن نور عينى

جايز اماكن الاقامة مختلفة لكن مش برضه الكعبة واحدة ورمى الجمرات مكان واحد ووقفة عرفة واحدة والتوقيت

واحد يعنى الناس تهرب منه هنا تروح تلاقيه فى وشها هناك (ففروا الى الله)

[Om Zayd]

ياسلام !!! يعنى انا لو قتلت وسرقت ونهبت وحرقت و......... الخ

وبعدين اهتديت ... خلاص كده

فين حق الناس ياخوننا

انا نفسى مش مسامح فى كل مليم اتسرق .. فى الشباب اللى اقتلوا ... فى رجال الاعمال اللى اتسرقوا

فى الظلم .. فى الفقر ... فى الوظايف اللى بالكوسة

انا مش مسامح فى حقى .. وأظن ان فى على الاقل 70 مليون واحد زيى

هوا بقى يروح يحج ميحجش .. دى مش مشكلتى ... ربنا يغفرله وللا لا ... بردوا مش مشكلتى

اللى يهمنى هوا حقى وحق كل الناس اللى اتظلمت على مدار 28 سنة وعايز يظلمهم بحيلة أمة كمان 30 سنة

مين قال خلاص كده؟؟

حقوق العباد حسابها عسير و تأتي معلقة برقابهم

الكلام هنا عن اننا لا نعرف بم سيختم لأي أحد

اللهم أحسن ختامنا جميعا

[Howayda Ismail]

ياسلام !!! يعنى انا لو قتلت وسرقت ونهبت وحرقت و......... الخ

وبعدين اهتديت ... خلاص كده

فين حق الناس ياخوننا

انا نفسى مش مسامح فى كل مليم اتسرق .. فى الشباب اللى اقتلوا ... فى رجال الاعمال اللى اتسرقوا

فى الظلم .. فى الفقر ... فى الوظايف اللى بالكوسة

انا مش مسامح فى حقى .. وأظن ان فى على الاقل 70 مليون واحد زيى

هوا بقى يروح يحج ميحجش .. دى مش مشكلتى ... ربنا يغفرله وللا لا ... بردوا مش مشكلتى

اللى يهمنى هوا حقى وحق كل الناس اللى اتظلمت على مدار 28 سنة وعايز يظلمهم بحيلة أمة كمان 30 سنة

يعنى ياشريف متحبش ربنا يغفر لك

عفا الله عما سلف ماهو ربنا مابيسيبش برضه بس لازم الانسان يسامح اولا

عشان ربنا يسامحه وثانيا عن عشان نفسه

تذكر حديث يدخل عليكم واحد من اهل الجنة لانه كان بينام ومش شايل فى نفسه حاجة لحد

[Howayda Ismail]

بس ياجماعة محدش قال هو حج قرعة يعنى تبع وزارة الداخلية

ولا حج اشرافى على حساب صاحب المحل زى باقى الوزرا اللى بيطلعوا مجانا

على حساب بعثات الحج والاسم مشرفين

اقولكم باين عليه حج سياحى من اللى بيقولوا عليه فاخر بالشئ الفلانى

يوه استغفر الله العظيم يارب

المهم بقى قبول ربنا

[nightmare]

كلام حضرتكوا جميل وندعوا الله ان يتوب علينا جميعاً ويختم لنا بحسن الخاتمة , ولكن السؤال الذي يجول بذهني حالياً

هل يقبل الله الحج من الظالم؟

وعندما بحثت عن إجابة هذا السؤال , اتفق العلماء جميعاً على ما يلي ( إن الذنوب التي يسقطها الحج هي ما بين الله وبين العباد، أما الذنوب التي ما بين العباد بعضهم وبعض فهذه لا تسقط بالحج، إنما تسقط بردها إلى أصحابها)

وفي إثبات ذلك فمعروف ان الشهادة في سبيل الله عز وجل أعظم من الحج وقد قال رسول الله صلي الله عليه وسلم "يغفر للشهيد كل ذنب إلا الدين" , فإذا كانت الشهادة في سبيل الله لا تُسقِط حقوق العباد فلا يمكن أن يُسقِطها الحج وإن كان حجاً لم يرفث فيه ولم يفسق.

وهل له أن يتعلم من رسول الله صلي الله عليه وسلم حين وقف قبل موته وخطب في الناس فقال "يا أيها الناس إنما أنا بشر مثلكم ولعله أن يكون قد أصابنى منكم حفوف من بين أظهركم فمن كنت أصبت من عرضه أو من شعره أو من بشره أو من ماله شيئاً - هذا عرض محمد وشعره وبشره وماله فليقم فليقتص ولا يقولن أحد منكم إنى أتخوف من محمد العداوة والشحناء ألا وإنهما ليستا من طبيعتي وليستا من خلقي"

فهل يؤدي الظالم حقوق العباد قبل أن يحج , هل يعيد الأراضي المنهوبة منهم وهل يفرج عن من اعتقلهم وهل يسامحه اهل من قتل في العبارات والقطارات وهل يسامحه 25 مليون مصابون بالفيروسات الكبدية وهل وهل ....؟

مع تحياتي

[doha]

جايز اماكن الاقامة مختلفة لكن مش برضه الكعبة واحدة ورمى الجمرات مكان واحد ووقفة عرفة واحدة والتوقيت

الي اقدر اؤكده لك بثقة ان مناسك الحج لنا جميعا واحدة لكن توقيت ومكان ادائنا لها بتختلف على حسب نوعية الحاج نفسه ..

الناس ( المهمه ) بتدخل الحرم في اوقات معينة بتحدد لها بدقة عشان متكونش مع الزحام .. وعلى حسب اهميتها بيكون عدد البوديجاردات الي معاها ( في طواف الوداع كنت بطوف في الدور الاخير وشفت بنفسي في صحن الحرم مجموعتين من الناس بيحيطهم حرس بشكل دائرة وبيطوفوا بيهم بشكل ملفت جدا )..

رمي الجمار الناس المهمه برضه مش بتختلط نهائيا بالناس العادية .. هو عباره عن ادوار الناس الغير عادية بترمي في دور لوحدها مبيكونش فيه ناس غيرهم اصلا ..

حتى في نفرة الحجيج من عرفات دي برضه بتتم وفقا لاهمية الحاج .. فالمكان بيكون مغلق من الامن وبيدي اشارة بالتحرك لناس معينة الاول ثم من يقل عنهم اهمية وهكذا ثم حجاج الفئات أ ثم ب وهكذا الى ان نصل للناس الي جاية على رجلها ولا درجه عاشرة دول بيطلعوا الآخر خالص ..

وقيسي على ذلك ..

اطمئني جوزك مش هيشوف حسني ولاهيحس بوجوده اصلا زي ماملايين الحجاج مبيحسوش بوجود اي من الرؤوساء والملوك الي بيحجوا كل سنة ..

امابخصوص حسني مبارك تحديدا فعسىي يكون الخبر صحيح ويكون فعلا ناوي على الحج وربنا يكتبهاله ويكتبها لكل من يريدها ..

ربنا يرزقنا جميعا بتوبة نصوح قبل الممات وعمل صالح متقبل .. محدش عارف مين فينا هيحتاجه اكتر من التاني ..

تم تعديل 14 أكتوبر 2010 بواسطة doha

[engmido]

اللهم احسن ختامنا جميعا

[Salwa]

تحية وسلام .

الحكاية دى فكرتنى بحكاية قديمة ....حصلت لواحدة صاحبتى ..!!

والدها كان رجل موسر من اسرة متوسطة عليا.

والدها اتوفى وهم صغار يعنى اكبرهم عنده اقل من عشر سنوات ..

كان له صديق اسمه..الشيخ سيد ..او هكذا كانوا يطلقون عليه (( من تدينه يعنى ))..

بعد وفاة والدها ...اختفى تقريبا ..يعنى مفيش اى اتصال ..

عندما اكملت صديقتى ثمانية عشر عام ..حدثتها عمتها وقالت لها ان الشيخ سيد بيموت وانه طلب عمكم وراح له المستشفى ...وانه ...اعترف انه مدين لأباكم (( بألف جنيه..كان اخدهم منه سلف لاقامة مشروع ..يعنى مثل هذا المبلغ اخذه ف اواخر الخمسينات ....)) ..وانه يوعدهم وامام الله ...انه فور خروجه من المستشفى ..سوف يعطيهم هذا المبلغ..وهذا حق اليتامى ...وانه سوف يحج لبيت الله ..ويطلب من الله السماح...و.....و...و...الخ.

وفرحت امها وصلت ركعتين شكر لله...لأنها فى هذا الوقت كانت تجهز ابنتها .يعنى عام 73 كانوا مبلغ محترم جداا.....وكدة بقى تمام قوى ..

ايه اللى حصل؟؟؟

خف الشيخ سيد....

راح يحج...

وعندما سأله العم...عند عودته....اين الألف جنيه؟؟

قال ...

الف جنيه ايه؟؟

مانا رجعتهم للمرحوم قبل ما يموت...

بس .....خلاص.

ومرت الايام...

وبعدها بكام سنة ....

مات....الحاج الشيخ سيد..

الله يسامحه بقى ..

يقول سبحانه :

{وَآتُواْ الْيَتَامَى أَمْوَالَهُمْ وَلاَ تَتَبَدَّلُواْ الْخَبِيثَ بِالطَّيِّبِ وَلاَ تَأْكُلُواْ أَمْوَالَهُمْ إِلَى أَمْوَالِكُمْ إِنَّهُ كَانَ حُوباً كَبِيراً } ((النساء))..

ربنا هو العالم بالقلوب وهو وحده سبحانه الحاكم العادل .

لا كل من راح مكة ..حج.

ولا كل من حج..بقى مؤمن ومسلم حق .

ربنا يسهل للجميع وآهو فعلا كل واحد بيكتب مصيره ونهايته بايديه ...بدون ان يدرى ..

[لماضة مصرية جدا]

السلام عليكم و رحمة الله و بركاته

هو انا ممكن اسال سؤال

هو احنا كشعب يهمنا في ايه نعرف يعني خبر زي ده؟؟؟؟

بجد بقعد اسال نفسي لما بلاقي ان الصحافة بتتعمد تنشر حاجات من حياة الرئيس الشخصية

زي حكاية موت حفيده...و اللي تعاطف معاها الشعب كله...(انا شخصيا تعايشت مع مصيبة فقد طفل لكن مش شخص الرئيس)

هي علاقة الانسان بربه كمان محتاجة اعلان و اعلام و تضليل

هي مش عبادة خاصة يعني

و بعدين ايه اللي هيتغير في حياتنا انه راح حج....و لا مرحشي

يبقي الخبر في حد ذاته مش هيختلف عن خبر ان الحاج موسي...اللي الناس بتقوله يا حاج قبل ما بيحج...هيروح هو كمان يحج السنة دي

دي وجهة نظري