مبارك يعتزم آداء الحج هذا العام والتأكيد خلال أيام

[أبوعمار]

إن الله طيب لا يقبل إلا طيباً،

سلعة الله وهي الجنة غالية،

ولا تنال الجنة ولا الحجة المبرورة إلا بالمال الحلال الطيب،

يعني

إذا كان الحج من مال حلال

وأخلص النية لرب العالمين

فسوف يتقبل الله منه الحج بإذنه تعالى

ويارب أن تكون هذه الحجة

بداية صلاح حال البلاد

آمين يا رب العالمين

[Howayda Ismail]

جايز اماكن الاقامة مختلفة لكن مش برضه الكعبة واحدة ورمى الجمرات مكان واحد ووقفة عرفة واحدة والتوقيت

الي اقدر اؤكده لك بثقة ان مناسك الحج لنا جميعا واحدة لكن توقيت ومكان ادائنا لها بتختلف على حسب نوعية الحاج نفسه ..

الناس ( المهمه ) بتدخل الحرم في اوقات معينة بتحدد لها بدقة عشان متكونش مع الزحام .. وعلى حسب اهميتها بيكون عدد البوديجاردات الي معاها ( في طواف الوداع كنت بطوف في الدور الاخير وشفت بنفسي في صحن الحرم مجموعتين من الناس بيحيطهم حرس بشكل دائرة وبيطوفوا بيهم بشكل ملفت جدا )..

رمي الجمار الناس المهمه برضه مش بتختلط نهائيا بالناس العادية .. هو عباره عن ادوار الناس الغير عادية بترمي في دور لوحدها مبيكونش فيه ناس غيرهم اصلا ..

حتى في نفرة الحجيج من عرفات دي برضه بتتم وفقا لاهمية الحاج .. فالمكان بيكون مغلق من الامن وبيدي اشارة بالتحرك لناس معينة الاول ثم من يقل عنهم اهمية وهكذا ثم حجاج الفئات أ ثم ب وهكذا الى ان نصل للناس الي جاية على رجلها ولا درجه عاشرة دول بيطلعوا الآخر خالص ..

وقيسي على ذلك ..

اطمئني جوزك مش هيشوف حسني ولاهيحس بوجوده اصلا زي ماملايين الحجاج مبيحسوش بوجود اي من الرؤوساء والملوك الي بيحجوا كل سنة ..

امابخصوص حسني مبارك تحديدا فعسىي يكون الخبر صحيح ويكون فعلا ناوي على الحج وربنا يكتبهاله ويكتبها لكل من يريدها ..

ربنا يرزقنا جميعا بتوبة نصوح قبل الممات وعمل صالح متقبل .. محدش عارف مين فينا هيحتاجه اكتر من التاني ..

شكرا لحضرتك مدام ضحى على التوضيح وربنا يحسن ختامنا جميعا ان شاء الله

[Howayda Ismail]

إن الله طيب لا يقبل إلا طيباً،

سلعة الله وهي الجنة غالية،

ولا تنال الجنة ولا الحجة المبرورة إلا بالمال الحلال الطيب،

يعني

إذا كان الحج من مال حلال

وأخلص النية لرب العالمين

فسوف يتقبل الله منه الحج بإذنه تعالى

ويارب أن تكون هذه الحجة

بداية صلاح حال البلاد

آمين يا رب العالمين

طيب ماهى الناس قالت انه حج قبل كده يعنى المفروض كان حال البلد انصلح

من ساعتها بس هو عمل زى الشيخ سيد اللى ذكرته مدام سلوى

والخوف انه يعيد الكرة مرة تانية ومصر تخرب اكتر واكتر

[shawshank]

مش بعيد برضه ان الحجاج المصريين يتفقوا على دعوة موحدة فى واقفة عرفة لو

علموا بوجوده ويتغير مسار رمى الجمرات

gra:-

... لإنه بيحجوا بطريقة غيرنا خالص

والله باتكلم جد

سواء في تحركاتهم أو أوقات تأدية المشاعر

يعني بيحجوا في لاس فيجاس مثلاً؟ wst:: واللا زي ما "نظيف يؤدي صلاة الجمعة نيابة عن مبارك" ممكن "نظيف يؤدي فريضة الحج نيابة عن مبارك"؟ jdw::

انا مش مسامح فى حقى .. وأظن ان فى على الاقل 70 مليون واحد زيى

ولا أنا. بس 70 مليون بس؟ يعني حضرتك تقصد 70 من 80 مش مسامحين؟ بس دول 30 سنة رئيس، يعني أجيال. ده غير نصيبه لما كان نائب رئيس.

[MaYousof]

الموضوع ده تركني في حيرة من أمري .. ولخبط عندي مفاهيم كتير ..

وأنا أساسا بتلخبط بسرعة ..

يعني الحمد لله أنا مسلم .. وبالتبعية مؤمن بـ ( وَأَنَّ اللَّهَ لَيْسَ بِظَلَّامٍ لِلْعَبِيدِ ) وبـ ( وَمَا رَبُّكَ بِظَلَّامٍ لِلْعَبِيدِ ) .. وعلى يقين بـ ( إن المفلـس من أمتي من يأتي يوم القيامة بقيام و صيام وصـلاة وزكاة وحـج ويأتي وقد شتم هذا, وسفك دم هذا, وأكل مال هذا, ونال من عرض هذا ، فيؤخذ لهذا من حسـناته ولهذا من حسناته فإذا فنيت حسناته قبل أن يقضي ما عليه أخذ من سيئاتهم فطرحت عليه ثم طُرح في النار ) ..

حيرتي ليست فيما أنا مؤمن به أو على يقين به .. لكن ردود الأعضاء في الموضوع ده خليتني مابقتش عارف:

1. هل لله تعالى - إن أراد وبعد اقتصاصه للمظلوم - أن يغفر لعبد ظالم مفلس كل السيئات التي حطت عليه وأن يقيه من أي عذاب في النار؟

أم

2. ليس لله تعالى أن يحكم في خلقه وليس له تعالى - حتى لو أراد وبعد اقتصاصه للمظلوم - أن يغفر لعبد ظالم مفلس لم يتب في الدنيا أو يبتلى فيها بلاء يُغفر به؟

الردود لخبطتني جامد

دلوقتي لازم أرجع أذاكر توحيد الألوهية وتوحد الربوبية وتوحيد الأسماء والصفات تاني عشان بجد اتلخبطت خالص

[شريف مان]

أول مرة أبقى متردد وانا بكتب رد فى موضوع وبصراحة مقدرتش أمنع نفسى من الرد وياريت محدش يزعل منى

بجد انا حاسس اننا كمصريين أكتر ناس ( ناخد على قفانا ) ونسكت أو نسامح !!!

اليهود لحد النهاردة بياخدوا تعويضات من الالمان ومستحيل يسيبوا حقهم عشان كدة بقوا دولة رغم ان يمكن عدد سكان شبرا اكتر من عدد سكان اسرائيل

الموضوع دا فكرنى بحادثة من سنة تقريبا كانت فى كفر الشيخ

10 دخلوا بيت وخطفوا واحدة من وسط اهلها واغتصبوها ( العشرة )

وبعدة كدة اتحكم على العشرة بالاعدام وكانت الجلسة مصورة فشفت صراخهم بعد الحكم وهما فى القفص وكنت بتفرج مع صديق ليا

وكانت المفاجأة بالنسبة لى ان لقيت صديقى زعلان على شوية ( البهايم ) دول

نسى انهم اغتصبوا امرأة ... ودمروها نفسيا ...ودمروا حياتها للابد

احنا دلوقتى بنقول ربنا يحسن ختامة ويغفرله

الله يخاده هوا وأهله

لما ندعى لفاسد زى دا ... أمال نعمل ايه مع الناس الغلابة ... مع الشباب اللى متشحطط فى كل بلد شوية بسببه هوا وولاده رعاة الفساد

ندعى لراعى الفساد دا بأمارة ايه !!!

اللى عايز ربنا يرحمه يرجع للناس حقوقها

وواضح فعلا انها توبة ... بدليل القنوات اللى كل تتقفل ... وذبح القطة للصحفيين والاعلاميين ....ومحاربة البرادعى وغيره ... وترك الساحة لننوس عين أمة اللى مالوش اى صفة فى البلد غير انه الوريث المنتظر

لا واضح فعلا انها توبة ... وواضح انه يعرف ربنا

حج مقبول وذنب مغفور يا حاج ... بس ياريت لما يحج يبقى حد يبلغنى عشان أذبحله جمل وللا حاجة تليق بيه وفى الغالب هيكون عجل

تم تعديل 15 أكتوبر 2010 بواسطة شريف مان

[doha]

أول مرة أبقى متردد وانا بكتب رد فى موضوع وبصراحة مقدرتش أمنع نفسى من الرد وياريت محدش يزعل منى

بجد انا حاسس اننا كمصريين أكتر ناس ( ناخد على قفانا ) ونسكت أو نسامح !!!

اليهود لحد النهاردة بياخدوا تعويضات من الالمان ومستحيل يسيبوا حقهم عشان كدة بقوا دولة رغم ان يمكن عدد سكان شبرا اكتر من عدد سكان اسرائيل

الموضوع دا فكرنى بحادثة من سنة تقريبا كانت فى كفر الشيخ

10 دخلوا بيت وخطفوا واحدة من وسط اهلها واغتصبوها ( العشرة )

وبعدة كدة اتحكم على العشرة بالاعدام وكانت الجلسة مصورة فشفت صراخهم بعد الحكم وهما فى القفص وكنت بتفرج مع صديق ليا

وكانت المفاجأة بالنسبة لى ان لقيت صديقى زعلان على شوية ( البهايم ) دول

نسى انهم اغتصبوا امرأة ... ودمروها نفسيا ...ودمروا حياتها للابد

احنا دلوقتى بنقول ربنا يحسن ختامة ويغفرله

الله يخاده هوا وأهله

لما ندعى لفاسد زى دا ... أمال نعمل ايه مع الناس الغلابة ... مع الشباب اللى متشحطط فى كل بلد شوية بسببه هوا وولاده رعاة الفساد

ندعى لراعى الفساد دا بأمارة ايه !!!

اللى عايز ربنا يرحمه يرجع للناس حقوقها

وواضح فعلا انها توبة ... بدليل القنوات اللى كل تتقفل ... وذبح القطة للصحفيين والاعلاميين ....ومحاربة البرادعى وغيره ... وترك الساحة لننوس عين أمة اللى مالوش اى صفة فى البلد غير انه الوريث المنتظر

لا واضح فعلا انها توبة ... وواضح انه يعرف ربنا

حج مقبول وذنب مغفور يا حاج ... بس ياريت لما يحج يبقى حد يبلغنى عشان أذبحله جمل وللا حاجة تليق بيه وفى الغالب هيكون عجل

عارف مشكلتنا ايه جميعا يااستاذ شريف ..

اننا كلنا ولله الحمد لا قتلنا ولا سرقنا ولا عملنا اي من الكبائر الي عارفين قطعا ويقينا انها ممكن تدخل النار .. وعشان كده كلنا معتقدين اعتقاد راسخ اننا ( في السليم ) وان سهل اوي نقعد على الكنبة ونحكم على فلان او نجازي علان ..

الي يمكن كتير مننا مش واخد باله منه اننا بنعمل يوميا مئات ويمكن الاف المعاصي من غير مانحس ..

يعني كفايه اوي انك تسوق عربيتك وتروح شاتم واحد كان هيكسر عليك وهو غلطان .. او ترجع بيتك فتحكي عن الحمار مديرك في الشغل الي مش عارف حاجه في اي حاجه .. وقيس على ذلك ..

احنا بنكسب ذنوب عدد شعر راسنا كل يوم .. كذب ونميمة وطولة لسان وغيره وغيره.. وياعالم الذنوب دي تجمعت دلوقت وبقت قد ايه ..

جرب كده انك ترجع لمشاركاتك القديمه جدا في المحاورات او اي منتدى انت مشارك فيه .. جرب تقراها لتتفاجأ بكم الحوارات او حتى الكلمات الي قلتها وانت حتى مش فاكرها ومش متخيل اصلا كل ده تجمع امتى ولا انكتب امتى .. اهو ذنوبنا الي نسيناها مكتوبة بنفس الطريقة وجاهزه للعرض يوم العرض ..

اذا مش مصدق انك زي غيرك كلنا في الذنب سواء .. جرب كده انك تعاهد نفسك متكذبش خالص لمده ثلاثه ايام مهما كانت الكذبة بيضا وشوف هتقدر ولا لاه ..

كلنا على ظهورنا ذنوب ( متلتله ) ادركنا ذلك او لم ندرك.. وكلنا مأملين في رحمة ربنا انه يغفرها لنا وانه يدخلنا الجنة برغمها ..

تخيل لو انت مش عاوز تغفر لغيرك وبتقول انه يستحق العقاب الشديد .. باي عين تطلب انت بعد كده من ربنا يغفر لك ذنبك .. مهو ده ذنب وده ذنب او بمعنى آخر (( من كان منكم بلا خطيئة فليرمي بحجر )) ..

انا مش بدافع عن حسني مبارك نهائيا ولا يعنيني عملة ولا مابينه وبين ربنا ويكفيني انه يوم القيامه باذن الله هيحاسب على عبادته زي اي واحد فينا وهيزيد عليه باذن الله حسابه كحاكم ياترى كان عادل ولا لاه..

بعد الحساب شاء ربنا رحمته فهو تعالى حر لا يسال عما يفعل واحنا اصلا عبيد له سبحانه ليس من حقنا اصلا التفكير فيما سيقضي بيه لغيرنا.. المفروض كل واحد ينشغل بنفسه ونفسه وبس ..

لا يشفع لاي منا في حكمه على الآخرين ان في رقابهم حقوق للعباد .. مايمكن ربنا يغفر له ويعوض الي سلبهم حقوقهم فيغفر لهم هم كمان بالمرة .. مش ساعتها هيبقى حقهم رجع لهم وزياده ؟ حسابات بين ربنا وبين عباده ملناش احنا اي دخل بيها طالما عارفين ومؤمنين يقينا انه سبحانه عدل ورحيم .. وكريم

عن نفسي اتمنى ان يكون الخبر صحيح وان يكون مااستشعرناه وراء الخبرـ رغم استبعادي ذلك ـ من رغبه في التوبه او الندم صحيح ايضا .. مين يكره ؟ وعسى ان يتوب كل من على ظهرالارض .. يضرنا في ايه ؟

وارجع واقول ربنا يرحمنا جميعا برحمته ويرزقنا جميعا توبه نصوحا قبل الممات ويجعل آخر كلامنا في الدنيا يارب شهادة التوحيد ..

[shawshank]

يعني كفايه اوي انك تسوق عربيتك وتروح شاتم واحد كان هيكسر عليك وهو غلطان .. او ترجع بيتك فتحكي عن الحمار مديرك في الشغل الي مش عارف حاجه في اي حاجه .. وقيس على ذلك ..

طب تصدقي حضرتك إن حتى الذنوب دي، مبارك ليه فيها نصيب؟

[se_ Elsyed]

مش بعيد برضه ان الحجاج المصريين يتفقوا على دعوة موحدة فى واقفة عرفة لو

علموا بوجوده ويتغير مسار رمى الجمرات

gra:-

... لإنه بيحجوا بطريقة غيرنا خالص

والله باتكلم جد

سواء في تحركاتهم أو أوقات تأدية المشاعر

يعني بيحجوا في لاس فيجاس مثلاً؟ wst:: واللا زي ما "نظيف يؤدي صلاة الجمعة نيابة عن مبارك" ممكن "نظيف يؤدي فريضة الحج نيابة عن مبارك"؟ jdw::

انا مش مسامح فى حقى .. وأظن ان فى على الاقل 70 مليون واحد زيى

ولا أنا. بس 70 مليون بس؟ يعني حضرتك تقصد 70 من 80 مش مسامحين؟ بس دول 30 سنة رئيس، يعني أجيال. ده غير نصيبه لما كان نائب رئيس.

يعني سيبت الدنيا كلها وركزت على لاس فيجاس بتاعت القُمار ؟؟؟؟

لأ طبعاً

لكن مستحيل رئيس يحج زينا بنفس الخطوات والتوقيتات ... يعني يقش يوم التروية في منى وبعدين يروح عرفات ثم المزدلفه .... إلخ

فأعتقد إن الرؤساء والناس المهمين بيحجوا حج سياحي فاخر ... يعني يوصل يوم عرفات .... ويخلص ويروح يرمي .... وبعدين يروح لعياله ... وإذا كان عليه هدي وإذا كان يعمل توكيل لحد يرمي الجمرات بداله .... طبعاً هايلاقي ستميت فتوى تبيح ذلك لأهميته ومكانته اللي لا تسمح له إنه يغيب عن رعيته ....

يعني حج 24 ساعة وإخلص

[president]

الي يمكن كتير مننا مش واخد باله منه اننا بنعمل يوميا مئات ويمكن الاف المعاصي من غير مانحس ..

يعني كفايه اوي انك تسوق عربيتك وتروح شاتم واحد كان هيكسر عليك وهو غلطان .. او ترجع بيتك فتحكي عن الحمار مديرك في الشغل الي مش عارف حاجه في اي حاجه .. وقيس على ذلك ..

احنا بنكسب ذنوب عدد شعر راسنا كل يوم .. كذب ونميمة وطولة لسان وغيره وغيره.. وياعالم الذنوب دي تجمعت دلوقت وبقت قد ايه ..

كلنا على ظهورنا ذنوب ( متلتله ) ادركنا ذلك او لم ندرك.. وكلنا مأملين في رحمة ربنا انه يغفرها لنا وانه يدخلنا الجنة برغمها ..

تخيل لو انت مش عاوز تغفر لغيرك وبتقول انه يستحق العقاب الشديد .. باي عين تطلب انت بعد كده من ربنا يغفر لك ذنبك .. مهو ده ذنب وده ذنب او بمعنى آخر (( من كان منكم بلا خطيئة فليرمي بحجر )) ..

وارجع واقول ربنا يرحمنا جميعا برحمته ويرزقنا جميعا توبه نصوحا قبل الممات ويجعل آخر كلامنا في الدنيا يارب شهادة التوحيد ..

الصراحه انا شايف التقييم الأيجابى مش كفايه خالص على المداخله دى .

تحيه وتقدير لفكر أكثر من رائع .

:hi:

[مغتربة]

تخيل لو انت مش عاوز تغفر لغيرك وبتقول انه يستحق العقاب الشديد .. باي عين تطلب انت بعد كده من ربنا يغفر لك ذنبك .. مهو ده ذنب وده ذنب او بمعنى آخر (( من كان منكم بلا خطيئة فليرمي بحجر )) ..

اتفهم تماما الى انتى عايزه توصليه من مداخلتك و اوافقك فيه

لكن النقطه دى اثارت فيا تاملات

اعتقد ان القدره على التسامح و الغفران لمن ظلمنى بتتفاوت بين البشر

و رغم ان ربنا سبحانه و تعالى حثنا للوصول للدرجه دى الا انه لم يلزمنا بيها

لانه هو من خلقنا و اعلم بمقدرتنا

فهو الذى يقول لا يُكَلِّفُ اللَّهُ نَفْسًا إِلَّا وُسْعَهَا لَهَا مَا كَسَبَتْ وَعَلَيْهَا مَا اكْتَسَبَتْ رَبَّنَا لَا تُؤَاخِذْنَا إِنْ نَسِينَا أَوْ أَخْطَأْنَا رَبَّنَا وَلَا تَحْمِلْ عَلَيْنَا إِصْرًا كَمَا حَمَلْتَهُ عَلَى الَّذِينَ مِنْ قَبْلِنَا رَبَّنَا وَلَا تُحَمِّلْنَا مَا لَا طَاقَةَ لَنَا بِهِ وَاعْفُ عَنَّا وَاغْفِرْ لَنَا وَارْحَمْنَا أَنْتَ مَوْلَانَا فَانْصُرْنَا عَلَى الْقَوْمِ الْكَافِرِينَ

اذن لو فى استطاعتنا لكلفنا به

و فى اعتقادى ان هذا من مقام ربوبيه الله

فالله وحده القادر على غفران جميع الذنوب مهما بلغت

لكننى عبد و لست اله و لذلك فمن خلقنى هو الاقدر منى

حتى غفران الذنوب فالله يغفر ما يتعلق به بينه و بين عبده لكن الحقوق التى بين العباد بعضهم البعض فهى تعود لتنازل صاحب الحق بارادته و فى هذا بالذات فان الله استخدم معنا اسلوب الترغيب فى ذلك لكنه لم يستخدم ابدا اسلوب الترهيب

لانه من خلقنا و اعلم بضعفنا و نواقصنا

و لم يشترط معنا المعامله بالمثل

و لم يشترط علينا ايضا انه لكى يغفر لنا فيجب ان نغفر نحن اولا لغيرنا

لذلك ارى انه لا تساوى

فلا يوجد اى بشر دون ذنوب و اذا اوقفنا اقتصاصنا لحقوقنا من بعض على الخلو من الخطايا

فلن يقتص لاحد لا فى الارض و لا فى السماء

ليس لنا ان نجزم بان انسان ما سيشمله رحمه ام عقاب ربه فذلك امره لله

لكننا فى نفس الوقت ليس مطلوب منا ان نتوقف عن الدعاء على من ظلمنا او الطلب لله ان يقتص لنا منه بمعرفته لمجرد اننا ايضا اصحاب ذنوب

فمبلغ عظمه ربى انه لا يكلفنى الا بما خلقنى على قدره

و يتصرف هو بما يليق بالوهيته

تم تعديل 16 أكتوبر 2010 بواسطة مغتربة

[mekkawy]

يعني هيكون فيه قلق في الحج السنة دي و أمن دولة و كدة ولا نروح عادي ؟ :unsure:

الله المستعان

مكاوى

[se_ Elsyed]

تخيل لو انت مش عاوز تغفر لغيرك وبتقول انه يستحق العقاب الشديد .. باي عين تطلب انت بعد كده من ربنا يغفر لك ذنبك .. مهو ده ذنب وده ذنب او بمعنى آخر (( من كان منكم بلا خطيئة فليرمي بحجر )) ..

إنتي كده وقعتي في نفس الغلطة يا ضُحى

حكاية بأي عين دي ... دي برضوا خاصة بالخالق سبحانه وتعالى وحده ..

وما فيش لا في القرآن ولا في السنة عقاب أو تنويه عن جزاء لمن لم يغفر لأخية

ولكن كل الأيات والأحاديث تتحدث عن منزلة عظيمة وثواب من الله للمظلوم الذي يعفو حينما يقدر على العقاب ..

مثل الأية التالية

{وَجَزَاءُ سَيِّئَةٍ سَيِّئَةٌ مِّثْلُهَا فَمَنْ عَفَا وَأَصْلَحَ فَأَجْرُهُ عَلَى اللَّهِ} [سورة الشورى: آية 40]

[se_ Elsyed]

يعني هيكون فيه قلق في الحج السنة دي و أمن دولة و كدة ولا نروح عادي ؟ :unsure:

الله المستعان

مكاوى

ما قولنا يا ميكو

لا يمر عام إلا وتلاقي رؤساء وملوك من مختلف أنحاء العالم بيحجوا .. والناس العادية لا تشعر بأي شيء ...

اللهم إلا لو تصادف وحد منهم جاي يعمل طواف أو سعي فبيفضوا الساحة والمسعى لدقائق معدودة بكردون أمني ويخلص وياخد واجبه ويتوكل على الله .. أما في منى وعرفات فما تقلقش لإن القصور الملكية بتقوم بالواجب والإقامة بتكون هناك مش في مخيمات العزيزية :lol:

[Diab]

العفو عند المقدرة

أصبحت من الصفات النادرة

كلنا يريد العفو

ولكن

عند

المقدرة

فأين لنا بها ؟

[doha]

تخيل لو انت مش عاوز تغفر لغيرك وبتقول انه يستحق العقاب الشديد .. باي عين تطلب انت بعد كده من ربنا يغفر لك ذنبك .. مهو ده ذنب وده ذنب او بمعنى آخر (( من كان منكم بلا خطيئة فليرمي بحجر )) ..

إنتي كده وقعتي في نفس الغلطة يا ضُحى

حكاية بأي عين دي ... دي برضوا خاصة بالخالق سبحانه وتعالى وحده ..

وما فيش لا في القرآن ولا في السنة عقاب أو تنويه عن جزاء لمن لم يغفر لأخية

ولكن كل الأيات والأحاديث تتحدث عن منزلة عظيمة وثواب من الله للمظلوم الذي يعفو حينما يقدر على العقاب ..

مثل الأية التالية

{وَجَزَاءُ سَيِّئَةٍ سَيِّئَةٌ مِّثْلُهَا فَمَنْ عَفَا وَأَصْلَحَ فَأَجْرُهُ عَلَى اللَّهِ} [سورة الشورى: آية 40]

الفاضل سين سين والفاضلة مغتربة ..

انا مش بتكلم عن مغفرتنا احنا كأشخاص لبعض وانما بتحدث عن مغفرة الله سبحانه لمن أخطأ في حق الآخرين ..

عن نفسي لا اجزم اني هسامح مبارك او غيره ان كان لي حق عنده او تعرضت لظلم نتيجه حكمه .. لكن الي اقدر اجزم بيه اني مقدرش ابدا اقول والله ده يستاهل كذا او ربنا هيعمل فيه كذا جراء افعاله . . مابيني وبينه انا حرة في اني اغفرة او لا اغفره لكن مابينه وبين ربه مش من حقي ابدا القطع بيه .. وعلى هذا قلت ( باي عين ) اطلب من ربنا يغفر لي وانا مش متخيله انه يغفر لغيري .. ده الي قصدته ..

عن نفسي اتمنى لو لي حق عند حسني او غيره ان ربنا يديهولي رفعه في الآخرة ومغفرة اكتر مايديهوله انتقام او حساب ..

لو اخذت حقي بالشكل ده او ده فهو وصلني على كل حال برغم اختلاف ماسيحدث لمن عليه الحق ..

ده الي قصدته واتمنى يكون وصلكم المعنى ..