طلب من كل من هم في المملكه بالدخول للنصيحه

[xlove]

السلام عليكم ورحمه الله وبركاته

اخواني الاعزاء في المملكه اتمني الافاده من سيادتكم

اعرفكم بنفسي اولا انا محمود من من كفرالشيخ محاسب حديث التخرج

بخلص حالي في فيزا عامل شحن وتفريغ وان شاء الله الاجراءات تخلص قريب ربنا يسهل

كنت بسأل من في المملكه

كيف حال المحاسبين اليوم وما هي اوضاعهم وما رواتب المبتدئين ؟

ظروف المعيشه في المملكه وان كنت قرأت موضوع عن المعيشه هنا في المنتدي ولقيت ان الكلام مخيف لان الشغل رواتبه يادوب تساوي المعيشه

بما تنصحوني 000 الاستقرار في جده ؟ ام الرياض ؟

هل الفتره الجايه دي كويسه في السفر خصوصا ان حد قالي ان الوقتي كويس جدا لان هتبقي داخل علي سنه جديده والشركات بترتب امورها والشغل بيبقي كويس وكمان موسم حج وحاجات كدا

ما هو اقل راتب ممكن ان اقبل به ؟؟

اذا اردت الابتعاد عن محالي وهو المحاسبه فأي المجالات الاخري افضل في الرياض وجده تحديدا وانا اجيد الحاسب والانجليزي وفي مجالي لا الم بالكثر لاني حديث التخرج

،،،،،،،،،،،،،،،،،،،،،،،،،،،،،،،،،،،،،

اتمني منكم النصيحه وشكرا جزيلا

وايه رايكم في موضوع فيزا العامل شحن وتفريغ

قالولي دي كويسه واحسن من المحاسب لان بتبقي فاتحه المجال قدامك محاسبه او غيرها والشركات بتقبلها عادي ؟؟ مدي صحه الكلام دا

/////////////////////////////////////

بخصوص الطيران اسافر ايه لان فيه تفاوت بين الشركات والاسعار والارخص حاليا ايه ؟

بعتزر للمشرف علي طرح الموضوع ولكني ابحث حتي اجد ضالتي واتمني ان يكون مظهر القسم جيد بمواضيع مفيده للاعضاء ويكون مفيد اكيد اذا وجد السائل ضالته

[xlove]

مش معقول ولا رد

في الانتظار

[nightmare]

مش معقول ولا رد

في الانتظار

عاوزنا نرد نقولك ايه , نقولك نفس الكلام اللى بنقوله كل مره لدرجة انى زهقت منه, مفيش حاجة اسمها فيزة حرة , بتبقي على كفالة واحد وبيسيبك تشتغل براحتك وانت وحظك كمان ممكن يبقي محترم ويسيبك على راحتك وممكن يطلب منك مبلغ شهري وممكن يطلع ابن .... ؟ ويبلغك عنك هروب في حالة لو ما التزمتش بدفع المبلغ, فكده كده انت تحت رحمة واحد ما تعرفش ايه نظامه , ثم ان نقل الكفالة حاليا اصبح بعد عام اعتقد وممكن يطلب منك مبلغ كبير علشان ينقلك , فدي حظوظ وانت وحظك.

وتأشيرة عامل عيوبها كثير منها عدم قدرتك على الاستقدام, ودي كفاية.

ثم ان انت هتطلب راتب على اساس ايه , انت لا عندك خبرة ولا عندك شهادات في مجالك علشان تتشرط وتطلب راتب وتقبل بيه او ترفض , انت تحمد ربنا لو لقيت شغل وادك 1500 ريال يبقي فضل وعدل وكثير عليك.

اعذرني في كلامى بس بجد انا بقيت بتخنق من المواضيع دي , ونصيحة خليك في بلدك روح اشتغل في اى شركة وفي مجالك (محاسب) حتى ولو ب 300 جنيه , والفيزا اللى هتدفع فيها شيء وشويات دي , وفر فلوسها وخدلك شهادة محترمة في مجالك زي CMA مثلاً , وانت لسه سنك صغير يعني مش هتفرق معاك سنتين تقف فيهم على رجلك.

ساعتها هيكون معاك خبرة سنتين ثلاثة ومعاك شهادة او اثنين في مجالك , والوظايف المحترمة هيا اللى هتجري وراك وساعتها تقعد وتحط رجل على رجل كمان وتتشرط براحتك.

ما تستعجلش وربنا يكتبلك الخير اينما كان, وانصحك كمان تقرأ المواضيع المثبته هتستفاد منها كثير وتفهم الحياة هنا ماشية ازاى.

مع تحياتي

تم تعديل 15 أكتوبر 2010 بواسطة nightmare

[xlove]

شكرا يااخي

كتر خيرك

بس انا عاوز اعرف يعني الناس الي بتسافر دي كلها معاها خبره ؟ هتقولي بس لما يبقي معاك هيكون افضل ( ياخي انت عارف ان البلد دي فقر والشغل محجوز فيها وقدمت شغل لما زهقت وفي الاخر لا شء ) فكان لازم اجرب حظي ونصيبي بقي هعمل ايه يعني اشتغل علي توكتوك؟؟

كلهم مسافرين محاسبين ؟

كلهم في الاول خدوا رواتب حلوه ؟

ـــــــــــــــــــــــــــ

ياخي انا بطلب نصيحه لوجه الله مش انت تعقدني ياريت حد يرد علي بحاجه في صميم الاسئله

تم تعديل 15 أكتوبر 2010 بواسطة xlove

[nightmare]

ياخي انا بطلب نصيحه لوجه الله مش انت تعقدني ياريت حد يرد علي بحاجه في صميم الاسئله

لو انت شايف ان نصيحتى ليك لم تكن لوجه الله , فأنا متأسف عليها واعتذر لحضرتك , ولو انت شايف انها عقدتك فانا اسف ايضاً وانتظر الرد الذي يأتى على هواك ويريح قلبك.

وفقك الله للخير اينما كان

مع تحياتي

[xlove]

باشا انا والله طبعا مش اقصد ان حضرتك بتضللني او كدا بس انا بسأل في حاجات معينه وحضرتك دخلت لموضوع تاني

انا خلاص نويت السفر والتأشيره جت يعني الموضوع بقي جدي مش كلام وهبدأ اعمل الورق

فانا بسأل اساله محدده بتراوضني قبل السفر ومحتار فيها

كان رد حضرتك قاسي عليا شويه لكني استفدت منه

انا بسال الاسئله دي علشان انا بطلب من اهل الخبره العون واكيد مش هلاقي احسن منكم يساعد

عموما كتر الف خيرك يا باشا واتمني ان حضرتك تساعدني اكتر

وبالمناسبه

يعني انا مثلا لما بقول مقبلش راتب اقل من كام ؟ انا مش بتشرط ولا حاجه انا بس عاوز اعرف رواتب المبتدئين حوالي كام ايا كانت علشان بقي عارف ان اقل من كدا ابقي ههين نفسي ومهنتي

انا اول واحد نفسه يبقي المصريين في السعوديه احسن جاليه وان السعودين يعرفوا اننا مش بنشحت منهم علشان مثلا يقول محاسب ب 1500 ريال مثلا

يعني بس بسأل علشان ابقي عارف ان لو قبلت اقل من حد معين اكون بهين نفسي ومهنتي بس

اتمني تكون وصلت رسالتي لحضرتك

واسف لحضرتك استاذي علي سؤ الفهم انا لا اقصد الاهانه مطلقا وكفايه ان حضرتك رديت دا معاناه انك قاصد الخير اكيد وربنا يجعلك اهلا للخير

[شريف مان]

( ياخي انت عارف ان البلد دي فقر والشغل محجوز فيها وقدمت شغل لما زهقت وفي الاخر لا شء )

هات أهرام الجمعة واتحداك لو ملقتتش اقل من 20 فرصة عمل لمحاسبين

هتقولى مرتب قليل

هقولك دا طبيعى ...لانك أصلا مش منتج عشان تاخد مرتب كبير .. انت رايح تتعلم

وياعم مش لازم CMA عندك دورات كتير فى المحاسبة الالكترونية

زى excell >>> peachtree >>>> quickbooks<<<< oracle financials

دا غير اللغة

انصحك تفضل فى مصر وتظبط ال c.v بتاعك وهتلاقى بعد كده فرص عمل برة كتييييييير وبمرتب كويس

البهدلة فى مصر وانت وسط اهلك واصحابك أحسن كتيييييييييييييييييييييير من البهدلة برة

تحياتى

[xlove]

ههههههههه يا جماعه التاشيره جت يعني خلاص ننسي موضوع مصر دا

الوقتي انا عاوز المفيد في السفر يعني بلاش نصايح لمصر خلونا في السعوديه

بالمناسبه يا استاذ شريف وظائف الجمعه لو فيه 20 وظيفه محاسب فيه 20 مليون محاسب بيتطلوا بيهم وبرضوا اقولك بتبقي متظبطه والله

[anis71]

طيب يا مستر إكس الأول عاوز اقولك إن كل الأخوة هنا بيدوا النصيحة لوجه الله وطلبا لثوابه وماحدش بيضربنا على ايدينا علشاان نرد او نقول معلومات خطأ، ويشهد الله كم ساعدت نصائح المحاورات الآلاف -وأنا أولهم - وأفادتهم في حاجات كتير.

إنت عاوز ردود مباشرة طيب خد عندك

كيف حال المحاسبين اليوم وما هي اوضاعهم وما رواتب المبتدئين ؟

اقولك: المحاسبين المصريين بخير وهم مفضلون للعمل بالمحاسبة في الخليج ولكن ينقصهم اللغة الانجليزية، اللي بيطور نفسه بيوصل لمناصب عليا، رواتب المبتدئين المعقولة من أول 2000 باكدج (يعني شامل بدل سكن ومواصلات) لكن دي مش هتكفيك إلا لو هيدولك سكن

ظروف المعيشه في المملكه وان كنت قرأت موضوع عن المعيشه هنا في المنتدي ولقيت ان الكلام مخيف لان الشغل رواتبه يادوب تساوي المعيشه

عندك موضوع طوييل عرييييض مثبت في اول باب المغتربين إقرا فيه لما تشبع

بما تنصحوني 000 الاستقرار في جده ؟ ام الرياض ؟

الرياض هي العاصمة ويعيش فيها اغلب الأمراء يعني مدينة غالية عموما، لكن لو تقدر خليك في جدة معانا عشان تكون قريب من الحرم تروح وتيجي بعشرين ريال بس وتنزل مصر كمان رخيص

هل الفتره الجايه دي كويسه في السفر خصوصا ان حد قالي ان الوقتي كويس جدا لان هتبقي داخل علي سنه جديده والشركات بترتب امورها والشغل بيبقي كويس وكمان موسم حج وحاجات كدا

انا مش فاهم السؤال ده؟ هوانت ناوي تفرش في مني وعرفات تبيع شاي بحليب وسمبوسك؟؟ :P

طبيعي موسم الحج بيبقى في شغل كتير بس ده للناس الموسمية لكن اول ما يخلص بخ في الشارع ، احسن تدور على شغل دائم وابعد عن الاعمال اللي ليها علاقة بالحج

ما هو اقل راتب ممكن ان اقبل به ؟؟

انا جاوبتك فوق لكن واضح إنك قبلت براتب 1500 ريال ، ده قليل جدا لكن ربنا يكرمك ويباركلك فيهم

اذا اردت الابتعاد عن محالي وهو المحاسبه فأي المجالات الاخري افضل في الرياض وجده تحديدا وانا اجيد الحاسب والانجليزي وفي مجالي لا الم بالكثر لاني حديث التخرج

ممكن تشتغل مبيعات سواء مندوب او بائع في محلات لكن لو بتحيب المحاسبة حاول افضل تاخد خبرة في الكاريير بتاعك وبعدها تاخد اي شهادة دولية علشان تقدر تتقدم زي ماقال اخونا nightmare

بص هتلاقي اغلب إجابات الاخوة بنفس النتيجة لأن الصح دايما واحد ومش الوان،

ارجو انك لا تستهين باي رد يأتيك لأنه لم يأتي إلا نتيجة تجارب وخبرات سنين لا تعلم كم تعب اصحابها للحصول على نتائجها.

:waf:

[xlove]

anis71

ردك علي راسي اخي

واكيد انا مستفاد من كل الي بيتقال

بالنسبه للشغل اانا ناوي اشتغل في مجالي اكيد وهحاول بكل الطرق اكون محاسب جيد واطور من نفسي بالخبره والبحث في نفس الوقت

والانجليزي الحمد لله كويس وهطور نفسي اكتر

وشكرا علي كل النصائح

[خالد التهامى]

الاخوة الاعزاء

بعدالتحية

هل قابلتم فى مجال عملكم شخص فى منصب كبير اوحصل على وظيفة محترمة اكبر من امكانيتة او شهادتة العلمية