يا رايحين للنبى الغالى

[مغتربة]

الى كل الاخوة و الاخوات الافاضل فى المنتدى الذى من الله عليهم هذاالعام او على ايا من احبائهم بزياره بيته و اداء فريضته

اليهم جميعا اقول لهم حج مبرور و ذنب مغفور باذن الله

ارجو الا تنسونا فى دعائكم فنحن فى اشد الحاجه اليه

فى امان الله تسافرون فى رعايه الله وامنه و تعودون لنا باذن الله تعالى خارجين من ذنوبكم كيوم مولدكم

http://www.youtube.com/watch?v=G_y2jahHQVs&feature=related

[nightmare]

الى كل الاخوة و الاخوات الافاضل فى المنتدى الذى من الله عليهم هذاالعام او على ايا من احبائهم بزياره بيته و اداء فريضته

اليهم جميعا اقول لهم حج مبرور و ذنب مغفور باذن الله

ارجو الا تنسونا فى دعائكم فنحن فى اشد الحاجه اليه

فى امان الله تسافرون فى رعايه الله وامنه و تعودون لنا باذن الله تعالى خارجين من ذنوبكم كيوم مولدكم

شكراً يا أ. مغتربة وربنا يكرم كل الناس بزيارة بيته الكريم وما يحرمش حد منه ابداً, وان كان على الدعوات فان شاء الله يكون لكل المحاوراتيين نصيب فيها السنة دي, وندعي كلنا لبعض بظهر الغيب ان شاء الله.

مع تحياتي

تم تعديل 16 أكتوبر 2010 بواسطة nightmare

[المهندسه]

ياريت يكتبهالى السنه دى ..بقالى 4 سنين فى السعوديه ومش عارفه اروح الحج لاى ظروف تظهر فجأه...صحيح كله بوقت معلوم ومكتوب و ميعاد عند ربنا.

[عبير يونس]

ياريت يكتبهالى السنه دى ..بقالى 4 سنين فى السعوديه ومش عارفه اروح الحج لاى ظروف تظهر فجأه...صحيح كله بوقت معلوم ومكتوب و ميعاد عند ربنا.

أطلبيها من ربنا بعزم و رغبة أكيدة و مش ممكن حيخذلك

ربنا يكتبها لك يارب السنة دي

آمين

تم تعديل 16 أكتوبر 2010 بواسطة مصرية متغربة

[shiko]

....ياه يا مغتربة ...

انتى ما تعرفيش انا اول ما قريت الاسم ...قلبى اتعصر اد ايه ...ودموعى انهارت ....

ربنا يوعدنا جميعا ونكون صحبة ان شاء الله ....

مافيش حاجة بعيدة والله احتمال ....

طيب بالله عليكم كل واحد ربنا كرمه بالحج السنة دى يدعلنا ...ان ربنا يرزقنا الحج ...

اصلى حاسة انى موش قادرة اصبر اكتر من كدة ....كلى شوق ....ربنا يكتبهالى انا واسرتى كلنا نكون صحبة ...

يارب متعنى ..بوالدى ..فى حضرة رسولك الكريم ...

بالله عليكم لا تنسونا من صالح دعائكم

[mekkawy]

السلام عليكم

يا رب يرزق كل مشتاق الحج .. الصراحة يا جماعة خوفتونا :( الأخت المهندسة .. ربنا ييسرهالك يا رب و لكل معسر .. بس خلاص

مكاوى

[المهندسه]

شكرا يا مكاوى ومصريه مغتربه على الدعوه وربنا يكتبهالنا كلنا يارب

تم تعديل 16 أكتوبر 2010 بواسطة المهندسه

[ozoozo]

انتي عارفه انا قاعد في المكتب من الصبح وقدامي ورق الحج والتطعيمات وقاعد متردد اطلع ولا لأا

انا كنت ناوي اطلع من الاول ومخطط لكده لكن للاسف جالي سفريه لسويسرا من يوم 1 ذو الحجه وهارجع يوم 8 الصبح

هاتكون الحملات طلعت طيب قلت اطلع زوجتي لوحدها ......طيب والواد نوديه فين هي هاتمشي يوم سته وانا هارجع يوم تمانيه

ولو قدمت انا وهي هاسافر قبل التصريح مايطلع ومش هاعرف ادخل مكه

المهم الحمد لله خطتت انها هاتجيلي علي مطار جده بالتصاريح في نفس وقت وصولي من سويسرا علي جده

بس برضه شايل هم المواصلات لمكه من المطار لان الحمله هاتكون سبقتنا

المهم الموضوع اتلخبط مني وقاعد محبط ومش عارف اروح ولا لأ

والاغنيه دي شوقتني فعلا وخلقت عندي الحماس

وخلتني احسم موقفي وان شاء الله هاخد الورق باليل واروح اقدم

ربنا يجعله في ميزان حسناتك وطبعا مش هانساكي من الدعاء

وربنا يتقبل منا

[مغتربة]

شكرا جزيلا لكل من رد

و ان شاء الله السنه الى جايه يا شيكو و يا بشمهندسه نكون طالعين مع بعض جماعه باذن الله

انا كل ما اسمع اغنيه ليلى مراد اعيط لانها بجد بحس انها بتعبر عنى لان بحس انها مش مجرد بتادى كلام و خلاص لا كل كلمه طالعه من قلبها بجد

ربنا ينولهالنا باذن الله تعالى

استاذ اوزوز ربنا باذن الله ييسر لك الحج و يزللك كل العقبات و باذن الله هتلاقى الامور اتيسرت احسن ما انت عمال تحسبها

انا مؤمنه جدا ان ربنا بيبعت لعباده ساعات اشارات معينه على اذنه بالامور

و يمكن الموضوع دا كدا بالنسبه ليك

استخير ربنا و اكيد باذن الله ربنا هيهديك للافضل فى كل الاحوال

تحياتى

[Howayda Ismail]

الى كل الاخوة و الاخوات الافاضل فى المنتدى الذى من الله عليهم هذاالعام او على ايا من احبائهم بزياره بيته و اداء فريضته

اليهم جميعا اقول لهم حج مبرور و ذنب مغفور باذن الله

ارجو الا تنسونا فى دعائكم فنحن فى اشد الحاجه اليه

فى امان الله تسافرون فى رعايه الله وامنه و تعودون لنا باذن الله تعالى خارجين من ذنوبكم كيوم مولدكم

http://www.youtube.com/watch?v=G_y2jahHQVs&feature=related

بجد انا متشكرة اوى اوى يامغتربة

انا شغلتها بس دلوقت ساعة مازوجى جه من الشغل عشان هو رايح

الحج السنة دى ان شاء الله ومتتصوريش انبسط بها اوى اوى

تستحقى 100 نقطة خضرا

[مغتربة]

الى كل الاخوة و الاخوات الافاضل فى المنتدى الذى من الله عليهم هذاالعام او على ايا من احبائهم بزياره بيته و اداء فريضته

اليهم جميعا اقول لهم حج مبرور و ذنب مغفور باذن الله

ارجو الا تنسونا فى دعائكم فنحن فى اشد الحاجه اليه

فى امان الله تسافرون فى رعايه الله وامنه و تعودون لنا باذن الله تعالى خارجين من ذنوبكم كيوم مولدكم

http://www.youtube.com/watch?v=G_y2jahHQVs&feature=related

بجد انا متشكرة اوى اوى يامغتربة

انا شغلتها بس دلوقت ساعة مازوجى جه من الشغل عشان هو رايح

الحج السنة دى ان شاء الله ومتتصوريش انبسط بها اوى اوى

تستحقى 100 نقطة خضرا

يروح و يجى بالف سلامه

حج مبرور و ذنب مغفور باذن الله تعالى

[أبو محمد]

حج مبرور و ذنب مغفور

يااااااااه .. العبارة دى رجعتنى لأيام الطفولة السعيدة

كنت باشوفها مكتوبة على الحيطة مع رسومات الحج .. بالتعبير الحالى جداريات الحج

لك منى كل الشكر يا "مغتربة" مع صادق تمنياتى لك ولجميع الأخوة والأخوات بأن يكتب الله لك ولهم حجا قريبا .. حجا مبرورا .. وذنبا مغفورا

انا كل ما اسمع اغنيه ليلى مراد اعيط لانها بجد بحس انها بتعبر عنى لان بحس انها مش مجرد بتادى كلام و خلاص لا كل كلمه طالعه من قلبها بجد

طيب أنا واللى زيى ناس عايشين على اجترار الماضى كما يقول البعض .. فما الذى يجعلك أنت (يابنت اليومين دول :)) تهرعين إلى تلك الأغنية القديمة لتبعث فيك الحنين إلى حج بيت الله الحرام ؟

بمناسبة "الحنين" .. إذكر من أيام الطفولة موواويل "التحنين" تتردد فى جنبات بيتنا أيام الحج .. وحتى إن لم يكن فى بيتنا حاج كان "التحنين" يتردد عندما ندخل فى شهر ذى الحجة .. وكانت النساء يجتمعن أمام "المحننة" .. هكذا كان اسمها يرددن معها تلك المووايل كل واحدة بالدور كده .. وكن جميعا يحفظن بعض تلك المووايل

أذكر والدتى كانت تردد :

أنا كل ما امدح في النبي يزيد رسمالي

أنــا مـدحـت النبي والمصـطفى خـالي

وسألتها مرة : هو صحيح النبى خالك ؟ :)

أشكرك مرة أخرى لأنك - دون قصد - وضعت ردا على موضوع للفاضل سمبا أعتقد كان إسمه "نحن شعب بلا تراث" .. ترددت كثيرا فى المشاركة فيه وقررت ألا أشارك .. ولكنك أعطيتنى المفتاح

جداريات الحج - إن صح التعبير - التى تعيش فى داخلى هى امتداد لتراث مصرى أصيل من أيام الفراعنة الذين كانوا يسجلون كل أعمالهم وحتى رحلاتهم على جدران المعابد والديار .. أعتقد أن هذه الجداريات ولو أنها تقريبا اختفت من المدن إلا أنها مازالت موجودة فى الأرياف .. حيث ترسم على جدران البيوت صور الكعبة المشرفة والحرم النبوى وناس راكبة جمال وناس راكبة خيل وسفينة (وأضيفت الطائرة فيما بعد) والكفوف المطبوعة على الجدار بدم الأضحية وبعض الآيات القرآنية والعبارة الخالدة

حج مبرور .. وذنب مغفور

كل ذلك يبعث الحنين إلى الحج استجابة لدعوة أبى الأنبياء إبراهيم عليه السلام

أشكرك مرة أخرى وكل عام وأنتم بخير

[ozoozo]

كل ذلك يبعث الحنين إلى الحج استجابة لدعوة أبى الأنبياء إبراهيم عليه السلام

" وَأَذِّنْ فِي النَّاسِ بِالْحَجِّ يَأْتُوكَ رِجَالًا وَعَلَىٰ كُلِّ ضَامِرٍ يَأْتِينَ مِنْ كُلِّ فَجٍّ عَمِيقٍ "

لا اعرف بماذا اصف تلك الدعوه التي تجعل الناس مشدودين للحج كأنما فعلا هناك منادي ينادي عليهم للاراضي المقدسه وهم يتبعونه دون اراده منهم

حتي ولو كان الانسان قد ادي الفريضه تجده في العام التالي مشدودا ومشتاقا للحج وكأنه لم يذهب اليه من قبل

[مغتربة]

طيب أنا واللى زيى ناس عايشين على اجترار الماضى كما يقول البعض .. فما الذى يجعلك أنت (يابنت اليومين دول ) تهرعين إلى تلك الأغنية القديمة لتبعث فيك الحنين إلى حج بيت الله الحرام ؟

الف شكر لكى استاذى الفاضل على دعائك الطيب ادعو الله ان يقر عينيك بصلاه فى الروضه الشريفه باذن الله تعالى

ما يجعلنى اهرع اليها هو صدق الاداء الذى اتلمسه فى كل حرف تشدو به

حقيقى الاداء نابع من اعماق بعيده جدا لن تكن تستطيع ان تخرجه بهذا الروعه الا ان كانت فعلا تعنى ما تغنى و انه شوقها هى الحقيقى الذى وجد له متنفس يعبر عنه و هذا هو ما اشعر به كلما استمعت لهذه الاغنيه منها بالذات

لاننى اعتقد انها ببساطه لم تكن تغنى بل كانت تناجى ربها بصوت مسموع

بمناسبة "الحنين" .. إذكر من أيام الطفولة موواويل "التحنين" تتردد فى جنبات بيتنا أيام الحج .. وحتى إن لم يكن فى بيتنا حاج كان "التحنين" يتردد عندما ندخل فى شهر ذى الحجة .. وكانت النساء يجتمعن أمام "المحننة" .. هكذا كان اسمها يرددن معها تلك المووايل كل واحدة بالدور كده .. وكن جميعا يحفظن بعض تلك المووايل

أذكر والدتى كانت تردد :

أنا كل ما امدح في النبي يزيد رسمالي

أنــا مـدحـت النبي والمصـطفى خـالي

وسألتها مرة : هو صحيح النبى خالك ؟

أشكرك مرة أخرى لأنك - دون قصد - وضعت ردا على موضوع للفاضل سمبا أعتقد كان إسمه "نحن شعب بلا تراث" .. ترددت كثيرا فى المشاركة فيه وقررت ألا أشارك .. ولكنك أعطيتنى المفتاح

جداريات الحج - إن صح التعبير - التى تعيش فى داخلى هى امتداد لتراث مصرى أصيل من أيام الفراعنة الذين كانوا يسجلون كل أعمالهم وحتى رحلاتهم على جدران المعابد والديار .. أعتقد أن هذه الجداريات ولو أنها تقريبا اختفت من المدن إلا أنها مازالت موجودة فى الأرياف .. حيث ترسم على جدران البيوت صور الكعبة المشرفة والحرم النبوى وناس راكبة جمال وناس راكبة خيل وسفينة (وأضيفت الطائرة فيما بعد) والكفوف المطبوعة على الجدار بدم الأضحية وبعض الآيات القرآنية والعبارة الخالدة

حقيقى تجربه جميله شاركتنا بها

انا عن نفسى اول مره اعرف عن تلك الطقوس و عن مواوويل التحنين تلك

حقيقى اضفت لى طاقه جديده جدا لشيىء اعشقه و هو التراث و اتمنى عليك ان لم يكن بها مشقه ان تتوسع قليلا فى شرحها و ان لم تحبذ ذلك هنا ففى موضوع مستقل

ارجو الا اثقل عليك و لكنى كمن وجدت كنزا لديك ( معلش شباطه اطفال استحملنا شويه ) :wub: :wub:

حج مبرور .. وذنب مغفور

كل ذلك يبعث الحنين إلى الحج استجابة لدعوة أبى الأنبياء إبراهيم عليه السلام

أشكرك مرة أخرى وكل عام وأنتم بخير

بل كل الشكر لك استاذى الفاضل و للمحاتك الجميله التى شاركتنا بها :roseop:

[mekkawy]

السلام عليكم

عندي تساؤل شاغلني أوي

هو ليه الواحد لما كان في مصر كان مشتاااااق أوي أوي للحرم و الكعبة و الزيارة و ولو حتى عمرة .. و لما جه السعودية حاسس ان الأمر عادي و ان الشوق مش زي ما كان هناك؟؟

هل عشان الذهاب للحرم من هنا سهل خاصة للي في جدة فالسهولة دي أفقدته سر و بريق الشوق ليه؟

هل القلب هو اللي مريض و لابد انه يشتاق في أي حالة و في أي وضع؟

حد عنده اجابة على سؤالي ؟ :sad:

مكاوى

[hOuSsAm]

بس برضه شايل هم المواصلات لمكه من المطار لان الحمله هاتكون سبقتنا

المهم الموضوع اتلخبط مني وقاعد محبط ومش عارف اروح ولا لأ

اوزوزو باشا

طالما هيبقى معاك التصاريح فامرك سهل جدا باذن الله تعالى وقدامك الحلول التالية

1- هتلاقى كذا لموزين يوديك من المطار لمكة عالطول سواء الحرم او منى مكان الحملة طالما معاك تصاريح وفى الغالي هياخد ممكن 200 ريال اكتر شوية او اقل شوية

2- حل انك تاخد لموزين لباب مكة وهياخد حوالى 50 ريال وبعد كدة من بابا مكة تاخد لموزين انت وزوجتك عالطول عالحرم او منى مكان الحملة وانت متامن بالتصاريح

من المهم جدا جدا جدا تعرف مكان حملتك فين ولو تاخد الخريطة على موبيلك gps ويبقى معاك تليفون صاحب الحملة وتليفونات ناس اصحابك فى الحملة عشان متهش عن العنوان

مهم جدا تعرف انت هتحرم منين ولو هتحرم من الطيارة وانت راجع من سويسرا متنساش تاخد معاك لبس الاحرام

اعرف كويس انك لو هتاخد لموزين من المطار للحرم عشان طواف القدوم فهتبقى قدامك مشكلة مين هيوديك للمنى للحملة

لان دخول منى للبصات المشتركة فى الحملات فقط واى مواصلة هتبقى ليها مكان اخر متقدرش تكمل بعده وهتنقطع اى وسيلة مواصلات ليك

طبعا لو انت لواحدك هتمشيها (اظن باى حال من الاحوال مش اقل من 6 كيلو) لكن طالما معاك مراتك خططلها كويس

ممكن تنسق مع صاحب الحملة يجى ياخدك من مكانك بعربيته الخاصة لانهم بيبقى معاهم تصاريح بدخول السيارات الملاكى

مهم جدا تخطط لمواعيد رحلتك وانت راجع من سويسرا لان فيه خطورة فى تاخر الرحلة من هناك وبكدة تبقى الليلة ضاعت عليك وعلى مرات ولو تقدر تقدمها يوم واحد يبقى كويس

لو مقدرتش (فكر بقى فى خطة اضافية)

ربنا يوفقك ومتضطربش ............ لو ربنا كاتبهالك يبقى كل حاجة هتتظبط وهتلاقى الامور ماشية باذنه وفضله

ولو محتاج اى حاجة او عايز تسال عن اى حاجة انا تحت امرك فى اى وقت ومتحرمناش من دعاؤك

حج مبرور وذنب مغفور

[hOuSsAm]

نسيت اقولك حاجة بخصوص تاخد اللموزين للحرم تعمل طواف القدوم ولا لمنى

انصحك تاخد لمنى لان من الصعوبة جدا تلاقى مواصلات عادية من الحرم لمنى (فى عز الزحمة بتاعة السنة دى)

وهتبقى الحلول اللى قدامك هى الموتسكلات وطبعا مش هينفع لان مراتك معاك

وهتبقى تعبان جدا ومرهق من السفر والزحمة

من المهم جدا تنسق القصة دى مع صاحب الحملة او لو كنت هتلحق بالبصات بتاعة طواف القدوم

او الحل الاسهل اللموزين يدخلك منى عالطول (وبردوا مش هيدخلك منى لان الدخول للبصات بس )

والله اعلى واعلم...... للفت الانتباه بس

[hOuSsAm]

السلام عليكم

عندي تساؤل شاغلني أوي

هو ليه الواحد لما كان في مصر كان مشتاااااق أوي أوي للحرم و الكعبة و الزيارة و ولو حتى عمرة .. و لما جه السعودية حاسس ان الأمر عادي و ان الشوق مش زي ما كان هناك؟؟

هل عشان الذهاب للحرم من هنا سهل خاصة للي في جدة فالسهولة دي أفقدته سر و بريق الشوق ليه؟

هل القلب هو اللي مريض و لابد انه يشتاق في أي حالة و في أي وضع؟

حد عنده اجابة على سؤالي ؟

مكاوى

ميكاوى

هقولك تشبيه طبعا مش منطقى بس هو ده الواقع

الناس اللى عايشين فى شارع الهرم يمكن عمرهم مراحوا الاهرامات فى حياتهم غير من خلال رحلة مدرسية مع ان الاهرامات فى اخر الشارع (مواصلة بنص جنيه) والناس بتصرف الافات عشان تجيلها من كل مكان

انا بقول للناس معايا فى الشغل انى كنت ساكن فى شارع الهرم وعمرى مرحتها الا فى رحلة مدرسية ومش مصدقين وهما بيروحوا مصر مخصوص عشان يزوروا الاهرامات

الحاجة التانية ان طبيعى بيحصل فتور كل مكانت الحاجة سهلة فى ايدك (اظن ان ده عادى فى علم النفس) وده بيبان فى كل جوانب حياتنا

الحاجة التالتة ان الجو الايمانى العام فى مصر اعلى بكتير والروحنيات اعلى فكنت بتقضى وقت اكبر فى مجالس العلم والذكر اللى ليها دور كبير وتشجعك على التقرب لله اكتر

دى اسبابى يا باشا يمكن تكون مقنعة وممكن لاء

بس المهم اسبابى دى متخلكش متروحش الحرم كل اسبوع وتدعيلى هناك........ وانت عامل ايه بقى

[مغتربة]

قرات فى كتاب كتبه ضابط من ضباط الحمله الفرنسيه على مصر بيصف فيه مجمل تجربته الناتجه عن اشتراكه فى الحمله

عندما كان يصف عادات المصريين ذكر عاده على قوله انها كانت منتشره بشكل كبير جدا فى مصر

و هى اعتياد كل من يسافر للحج او العمره عند الرجوع على فقأ عينه بحجه ان عينه لن تكتحل بعد ذلك باى رؤيه افضل من رؤيه الكعبه و قبر الرسول صلى الله عليه و سلم

نقلت الكلام على عهده الراوى و لكن ان صح فاحمد الله على اندثار تلك العاده الكريهه

فنعم ياخذنا الشوق للزيارة و لكن التطرف فى كل شيىء مرفوض حتى فى المشاعر

المغالاه فى اظهار التاثر او الشوق اراها دائما تاتى بنتائج عكسيه

[ozoozo]

شكرا ليك جدا ياحسام علي ردك

انا الحمد لله نسقت مع زوجتي انها تطلع مع الحمله في الاتوبيس من ابها وانا اقابلهم في مني عشان ابقي خفيف خفيف عشان عارف الزحمه وانا لوحدي هايبقي اسهل اتشعبط في عربيه نقل اركب موتوسيكل امشي الامور هاتبقي اسهل كتير

وماعتقدش اني هالاقي حد يرضي ب200 ريال في يوم 7 من المطار لان انت عارف الزحمه في تفتيش الشميسي بتبقي قد ايه يعني ممكن يروح ويرجع في 7 او 8 ساعات فالاسهل اني اركب من البلد عند باب مكه او النقل الجماعي هايبقي اسهل

وربنا ييسرلنا الامور ان شاء الله

علي جنب ياريت لو نقدر نرتب مع اعضاء المحاورات اللي هايكونوا في الحج نتقابل هايكون شئ كويس

لو حد هايطلع ياريت نرتب مع بعض

تم تعديل 17 أكتوبر 2010 بواسطة ozoozo