إزالة الغموض في أسرار تسمية المولود

[se_ Elsyed]

إنتشرت في السنوات الأخيرة ظاهرة إختيار أسماء غريبة ومستهجنه ومستوحشة للأطفال ... بحجة

التميز

!!!!!!!!!!!!!!!!

مش عارف بصراحة

يعني أنا أعرف إن الإنسان يبقى متميز بأخلاقه أو بعلمه نقول بفلوسه :lol: .. لكن بأسمه ... صعب وغريبة شوية !!!!!!!!

والاهل ما يعرفوش إن الأسم الغريب ممكن يعمل عقد نفسية للإنسان بقية حياته

ناهيك عن أسماء الحيوانات أو الأسماء ذات الدلالات السيئة دي امرها محسوم ومش محتاجه كلام وعيب بصراحة يبقى الإنسان ربنا مكرمه عن بقية المخلوقات الغير عاقلة ونيجي إحنا نسمي طفل ونقول عليه الحيوان والجحش والحنش والحاجات المتوحشة دي ...

لكن أنا اتحدث هنا عن حتى أسماء غريبة مستوحاه من القرآن ..

هاقول لكم إزاي

أحد أصدقائي رُزق بأول مولود له الأسبوع القادم .. بنت ما شاء الله ( وعقبال الحبايب ....... ركز لي الكاميرا زوم إن هنا يابني على وش سين سين وهو مشرآب الملامح وبيقول من بؤك لباب السما يا آبيه)

سميت إيه يابني ؟

سميت " وتين "

إنا لله وإنا إليه راجعون

طب عملت كده ليه في نفسك يا حبيبي ؟

يقول لي أصله إسم من القرآن

????so what

طب ما هي جهنم مذكورة في القرآن .... و زقوم في القرآن ....وجحيم في القرآن ...

يا عم عارف والله .... وتين يعني شريان رئيسي في القلب

بس ليه ؟؟؟؟؟؟؟؟؟؟؟؟؟

يعني كام واحد عارفين معنى كملة وتين ؟

وليه نحكم على الطفل يفضل طول عُمره لا معروف من إسمه هو ولد ولا بنت ؟

وليه نحكم عليه إنه يفضل شايل قاموس مختار الصحاح .. حرف الواو .... ويشرح لكل واحد يسمع الإسم معناه ومغزاه وخلفياته ..

ههههههههههه

في نفس اليوم اللي هو يوم الثلاثاء تقريباً .... كان في حلقة من برنامج المذيعة " رولا خرسا " أهي هي دي كمان إسمهاغريب وشكلها أغرب ... ماشي هانعديها ... كانت مسجله مع الدكتورة " فرخنده حسن " بتاعت جميعة حموم المرآة ...

وقالت إن طول عُمرها كانت بتنطق الإسم غلط

فَرخنده ... بفتح الراء والخاء

وفي ناس بينطقوه بسكون الخاء .

لكن لما سجلت معاها قالت لها كل ده غلط وإنها إتعودت على كده من صغرها وبقت تسلم أمرها لله وتسكت .. لإن النطق الصحيح هو " فرخُنده " بضم الخاء ...

أما معناه .. فهي كلمة تركية قديمة ولم تعد مستخدمه حتى - كمان يا ظلمه ؟ - بمعنى " فرح "

وحياة مامتك ؟؟؟؟

طب ما تسموا فرح وتخلصوا ...

وهي الوليه يا عيني عندها فوق السبعين لكن مازالت عندها عقدة نفسية من إسمها الملعبك ...

سمعونا الصلاة عالنبي

[mekkawy]

أخويا الكبير س س ..

أوافقك الرأي قبلاً و قالباً و وتيناً .. يعني أنا كنت اسمي سلمى وتين .. و تبا وتين مكاوى

و بالتالي كل واحد يخلي باله من وتينه عشان لو اتقطع الوتين مش هتكون الواد المتين

زي واحد صاحبي هنا في السعودية .. سمى ابنه راكان .. و هو اسمه مهاب .. راكان مهاب .. تخيل كدة التركيبة دي في مدرسة احمد عرابي الثانوية مثلاً .. و المصحف الاساتذة قبل العيال هتقعد تضحك عليه .. يا جماعة البساطة حلوة .. مالها سلمي :lol: كل واحد يسمه بنته سلمى و اهو اسم رقيق و جديد و قديم مع بعض .. و يا سلام لو عرف يسميها سلمى مكاوى .. ياب دخل التاريخ من أوسع ابوابه

مكاوى .. و يجعله عامر

[se_ Elsyed]

مالها سلمي :

سلمى دي حياة قلبي

كان نفسي لو ربنا رزقني ببنت أسميها سلمى أو مريم

فعُمر بيه شرف ... راح واحد صاحبي سارق الإسم مني ...

قلت ماشي فلتحيا الصحابة القائمة على المصالح ولتسقُط المصالح القائمة على الصداقة ( وش حسن الهلالي )

ما فيش كام شهر وأختي راحت مقلباني وخطفت نفس الأسم

بس المره دي بمزاجي ..

لإن سلمى دلوقت ما شاء الله 11 سنة ... بس الرقة والنعومة كلها .. ويا سلام وهي بتتكلم عربي مكسر

ربنا يخليها لك وتشوفها عروسه في الكوشه ... ولا ناوي تمشيها قاعدة عائلية عشان تضغط المصاريف ؟

[mekkawy]

مالها سلمي :

ربنا يخليها لك وتشوفها عروسه في الكوشه ... ولا ناوي تمشيها قاعدة عائلية عشان تضغط المصاريف ؟

تصدق فكرة جامدة مووووت .. الواحد يسمي البنات كلهم سلمى و العيال كلهم رضا .. و نعمل بأة فيلم كدة رضا و العيال ما تخشش الجيش و أنا اتحبس على كبر :ninja:

الله يروق بالك زي ما روقت بالي و ربنا يباركلكم في العروسة سلمى .. الا هي بتتكلم عربي مكسر ليه معلش :blink:

مكاوى

[Howayda Ismail]

بس يااستاذ سى السيد فى اسامى على مسمى وماينفعش يتسمى حاجة غيرها مثلا

الغول : بتاع مجلس الشعب اسمه منطبق عليه بالضبط ( الاشكيف )

نظيف : منطبق جدا لان مصطلح النظافة دلوقت اختلف عن الاول

صفوت الشريف : الشفافية المعهودة من قيادى الحزب الوطنى(كلنا شرفاء)

سرور :طبعا مش كله موافقون موافقون

غالى :من ساعة مامسك المالية وكل حاجة غليت فى البلد

مبارك: طبعا مبارك عليك البلد

جمال : القرد فى عين امه غزال (مع الاعتذار لزعمينا عبد الناصر)

عز : ابن عز صحيح واكلها ولعة

[doha]

مش عارفه ليه بحس كتير ان الطفل الي اسمه بيكون مميز وغريب مش منتشر بيطلع هو كمان شخصية متفرده .. متميزه . .برضه مفيش منها كتير ..

وتين كأسم ظريف وبما انه شريان القلب فده يعني ان صاحبه هيبقى دائما قريب من القلب .. فكرني بواحده كانت معانا في المدرسة في الاعدادي او الثانوي مش فاكره كان اسمها ( تموره ) .. ولما نسألها عن معنى الاسم فبتقول انه مشتق من غشاء ( التمور ) المحيط بالقلب يعني هي هتبقى بجوار القلب على طول .. طبعا هي فزلكه من اهلها مقلناش حاجه بس لو اخذت بالك فعلا الاسم لاصق معايا لغايه دلوقت منسيتوش مع انها مكانتش صحبتي وانما يادوب اعرفها في المدرسة ..

الغريب بقى ان في ناس سبحان الله اسمائهم عجيبة ومع ذلك تلاقيهم معتزين بيها جدا ومش مستنكرينها .. اخويه اسمه اسلام .. مفيهاش حاجه دي .. له صاحبه ميت على نفسه من الضحك على الاسم .. يطلع صاحبه اسمه ايه ؟ شهبور .. تخيل ..

فعاادي جدا انك تبقى شهبور ومش واخد بالك وعادي جدا ان كل واحد يحاول يختار لعياله الاسم الي متخيل محدش تاني هيسميه .. خاصه وان الاسامي مش بفلوس ..

[خالد شحاته]

انتي بتقولي فيها ياضجي والله كان عندي عامل باكستاني كان عايز ينقل كفاله علي المؤسسه عندنا تعرفو اسم كفيله كان ايه اسمه (شارع بن حمير بن شارع ) وبلاش نكمل اسم العائليه المفروض الانسان يختار اسماء كويسه للابناء

[nightmare]

من حق الابن على ابيه ان يسميه بخير الاسماء , مش اسم يعقد بيه الواحد طول حياته , فعلا بقالى سنتين ثلاثة كده بسمع تسميات غريبة جدا لدرجة الواحد ما بيفتكرهاش ولا بيعرف ينطقها , بس بصراحة اغرب ما رايت الأسماء دي.

مع تحياتي

[Howayda Ismail]

بعض الاحاديث التى وردت عن اختيار الاسماء

استحباب تحسين الاسم

......................

روينا في سنن ابي داود بالاسناد الجيد عن ابي الدرداء رضي الله عنه قال ؛ قال رسول الله صلى الله عليه وسلم

<< انكم تدعون يوم القيامة بأسماءكم وأسماء آبائكم فأحسنو أسماءكم>>

أحب الاسماء الى الله عز وجل

.........................

قال رسول الله صلى الله عليه وسلم << أ، أحب أسماءكم الى الله عز وجل عبدالله وعبد الرحمن>> مسلم والترمذي

النهي عن التسمية بالاسماء المكروهة

...................................

قال رسول الله << لا تسمين غلامك يسارا ولا رباحا ولا نجاحا ولا افلح , فانك تقول أثم هو فلا يكون

, تقول لا انما هن أربع فلا تزيدون على>> مسلم وابو داود

بعض الاسماء التى غيرها الرسول صلى الله عليه وسلم بعد الدخول فى الاسلام

نذير =بشير برّة =جويرية عاصية = جميل حرام = حلال

حزن = سهلا لعاصي = مطيع غراب = مسلم

[اغابي]

ليه بس الموضوع داه يا استاذ س س

مع ان اسمي غريب على الناس شوية بس عادى

مش مشكلة مبلوع ارحم من غيره

:lol:

انا بتحط فى مواقف محرجة جدا فى موضوع الاسماء داه خاصة البنات

اسماء غريبة وملعبكة كده

حتى مش فاكرة الاسماء ملعبكة اوى

طب نيجي للاسماء الاجنبية

يا خبرررر على الاسماء بتاعة الايام دى

فكرتونى بمسرحية عادل امام - الواد سيد الشغال - لما سالها اسمك ايه قالتله

سها

قالها ودى تبع اى مركز

:lol:

مع ان الاسم داه عادى امال الاسماء اللى دلوقتى تبقى ايه

اخد فاصل انبش عن الاسماء لان امهات البنات دى اصحابي اسال اسماؤهم وارجع

اضيفها فى القاموس هنا

فاصل

اغابي

[Howayda Ismail]

ليه بس الموضوع داه يا استاذ س س

مع ان اسمي غريب على الناس شوية بس عادى

مش مشكلة مبلوع ارحم من غيره

:lol:

انا بتحط فى مواقف محرجة جدا فى موضوع الاسماء داه خاصة البنات

اسماء غريبة وملعبكة كده

حتى مش فاكرة الاسماء ملعبكة اوى

طب نيجي للاسماء الاجنبية

يا خبرررر على الاسماء بتاعة الايام دى

فكرتونى بمسرحية عادل امام - الواد سيد الشغال - لما سالها اسمك ايه قالتله

سها

قالها ودى تبع اى مركز

:lol:

مع ان الاسم داه عادى امال الاسماء اللى دلوقتى تبقى ايه

اخد فاصل انبش عن الاسماء لان امهات البنات دى اصحابي اسال اسماؤهم وارجع

اضيفها فى القاموس هنا

فاصل

اغابي

تصدقى يااغابى فى اسم مش قادرة انساه لحد دلوقتى بعد العمر ده كله

كانت معانا بنت فى الابتدائى اسمها فرج وهى صحيح كانت فرج ( كانت شبه

مجانص فى فيلم اسماعيل يس تقريبا كان اسمه محمود فرج )كنت انا والعيال بنخافوا منها

الاسم الغريب دلوقت بس عجبنى لصديقة بنتى فى المدرسة اسمها( كلمات )

واتضح انه اختيار والدها لانه صحفى و شاعر

[مغتربة]

اغرب اسم سمعته فى حياتى

كانت واحده صحبتى مسيحيه اول ما اتعرفت عليها و سالتها اسمك ايه مفهمتش هى بتقول ايه و طلبت منها تعيده تانى و برضه مفهمتش بس انحرجت اسالها اكتر من كده و قعدت ثلاث تيام فاكره اسمها بشكل معين كنت مستغرباه قوى لغايه ما قولت مبدهاش بقى :sad: :sad:

سالتها تانى و قولتلها معلش اتكى على كل حرف علشان انا بصراحه لغايه دلوقتى مش فاهمه

هى بصراحه اخدت الامر ببساطه و قعدت تضحك و قالتلى هى متعوده على كده من صغرها لان فعلا اسمها مش منتشر قوى حتى بين المسيحيين انهم يسموه

البنت كان اسمها دولاجى

و انا اول ثلاث ايام كنت بحسبها بتقول ( دولابى ) :rolleyes: :rolleyes: :rolleyes:

محدش يضرب ههههههه

انا بصراحه كان اول مره يعدى علي الاسم دا و الحقيقه برضه اخر مره :wub: :wub:

[yasser moustafa]

من حق الابن على ابيه ان يسميه بخير الاسماء , مش اسم يعقد بيه الواحد طول حياته , فعلا بقالى سنتين ثلاثة كده بسمع تسميات غريبة جدا لدرجة الواحد ما بيفتكرهاش ولا بيعرف ينطقها , بس بصراحة اغرب ما رايت الأسماء دي.

مع تحياتي

بالنظر الى الأسماء اللى انت عارضها .. احنا فى مصر أهون بكتييييييير

صحيح اللى يشوف بلوة غيرة ... تهون عليه بلوته

[Diab]

ايام الكلية كان عندنا عادل أمام ونجوي فؤاد

كانت إسمها دفعة الفنانين

[shiko]

اختيار الاسماء ..بجد مسئوليه خاضعة لاهواء الاب والام ....

ومعظم الاباء والامهات بيدوروا على الاسماء الغريبة علشان الابن يبقى مميز من وحهة نظرهم بالظبط زى اختيارك للاسماء بتاعة المنتديات مثلا ...

اللى يغيظ بقى ويفرس تلاقى مثلا واحدة زى اختى ...(عيلتنا كلها ..اول عن اخر كبير وصغير طويل وقصير لدغين فى حرف الراء ده حتى الاخوال والخالات ..وابنائهم واحفادهم ) تقوم مسمية رتاج ...!! طب ليه يابنتى ؟؟

ده حتى كدة البنية هاتتعقد وتعقدنا معاها ...( معناه قفل الكعبة وحبك يا عنى القفل ؟؟ ) طبعا البنت اتعودت تسمع ووووووووووتاج

راحت المدرسة اسمك ايه يابنتى ...وووووتاج ,,,,وضاع الاسم يا ولدى

طبعا دلوقتى تلاقى نص مصر اسمها فريدة والنص التانى عليا ...والباقى يس ..دى الموضة الايام دى اللى ماشية

بالمناسبة والشىء بالشىء يذكر ...

عندنا مولود جديد هايشرف خلال الاسابيع اللى جاية هاعمل فوت وياريت تساعدونى ....

1- أنس

2- مالك

3- يزيد

4-بلال

اختار الاجابة الصحيحة واسمع رايكم ...

تم تعديل 17 أكتوبر 2010 بواسطة shiko

[se_ Elsyed]

بالمناسبة والشىء بالشىء يذكر ...

عندنا مولود جديد هايشرف خلال الاسابيع اللى جاية هاعمل فوت وياريت تساعدونى ....

1- أنس

2- مالك

3- يزيد

4-بلال

اختار الاجابة الصحيحة واسمع رايكم ...

بسم الله الرحمن الرحيم ..

خُدي من سين سين وخليكي في السليم

عاوزه إسم مميز والعيال تشاور عليه وتقول العبيط أهو .. قصدي المميز أهو ....؟

سموا المولود " مهرباظ "

إسم جديد ومميز وماحدش إتسمى ولا هايتمسى بيه

ده إسم هندي قديم ...معناه إيه بقى يا ستي

أنا اقول لك

عارفه القمر لما يبقى بدر في السما .... والموج بتاع البحر يبقى خفيييييييييف في شهر أيلول والموجه تخبط في الموجه تعمل تششششششششششش ؟

أهو ده كان إسم ناديه لطفي في الناصر صلاح الدين

إعرضي عليهم الإسم ومش هاتخسري حاجه يا شيكو ..

وإبقي إفتكريني في السبوع والفشار

بُصي قبل ما تمشي ..

تخيلي لو باباه إسمه مثلاً أحمد عبد الحميد ً وعملنا جُملة مفيده وسرحنا مع الأسم وإحنا بنسمع لايت ميوزك ..

إسمعي والنبي الجملة دي وتذوقيها " مهرباظ أحمد عبد الحميد "

ياااااااااااااه لو كُنت أعرف الإسم ده من زمان ...

يالله ماليش نصيب بقى

---------------

PS

منتظر منك تقييم إيجابي على الإسم ده

[ابو محمد بن مصطفي]

بمناسبة الاسامي الغريبة انا كان معايا زميل في ابتدائي تعرفوا كان اسمه ايه

معمر القذافي

ايه والله تفل برئ في اولي رابع واسمه معمر القذافي ..

وكان ده في فترة السبعينيات يعني في عز الشد بين السادات و القذافي

الواد ده كان بيتعامل في المدرسة زي الكلب الجربان

كان اي مدرس او مشرف يدخل الفصل وينادي الاسامي .... الواد ده كان وش يحمر من تعليقات المدرسين علي اسمه

لا وكمان لما تعرفوا انه ليه اخ اسمه جعفر نميري واخته اسمها امال عثمان

ده مش هزار دي كانت مأساه

كان اللي مسميهم الاسامي المركبه العجيبة دي امهم ...

اللي كان عندها احساس وطني عالي بالعروبة

[Howayda Ismail]

اختيار الاسماء ..بجد مسئوليه خاضعة لاهواء الاب والام ....

ومعظم الاباء والامهات بيدوروا على الاسماء الغريبة علشان الابن يبقى مميز من وحهة نظرهم بالظبط زى اختيارك للاسماء بتاعة المنتديات مثلا ...

اللى يغيظ بقى ويفرس تلاقى مثلا واحدة زى اختى ...(عيلتنا كلها ..اول عن اخر كبير وصغير طويل وقصير لدغين فى حرف الراء ده حتى الاخوال والخالات ..وابنائهم واحفادهم ) تقوم مسمية رتاج ...!! طب ليه يابنتى ؟؟

ده حتى كدة البنية هاتتعقد وتعقدنا معاها ...( معناه قفل الكعبة وحبك يا عنى القفل ؟؟ ) طبعا البنت اتعودت تسمع ووووووووووتاج

راحت المدرسة اسمك ايه يابنتى ...وووووتاج ,,,,وضاع الاسم يا ولدى

طبعا دلوقتى تلاقى نص مصر اسمها فريدة والنص التانى عليا ...والباقى يس ..دى الموضة الايام دى اللى ماشية

بالمناسبة والشىء بالشىء يذكر ...

عندنا مولود جديد هايشرف خلال الاسابيع اللى جاية هاعمل فوت وياريت تساعدونى ....

1- أنس

2- مالك

3- يزيد

4-بلال

اختار الاجابة الصحيحة واسمع رايكم ...

بلال

[se_ Elsyed]

اختيار الاسماء ..بجد مسئوليه خاضعة لاهواء الاب والام ....

ومعظم الاباء والامهات بيدوروا على الاسماء الغريبة علشان الابن يبقى مميز من وحهة نظرهم بالظبط زى اختيارك للاسماء بتاعة المنتديات مثلا ...

اللى يغيظ بقى ويفرس تلاقى مثلا واحدة زى اختى ...(عيلتنا كلها ..اول عن اخر كبير وصغير طويل وقصير لدغين فى حرف الراء ده حتى الاخوال والخالات ..وابنائهم واحفادهم ) تقوم مسمية رتاج ...!! طب ليه يابنتى ؟؟

ده حتى كدة البنية هاتتعقد وتعقدنا معاها ...( معناه قفل الكعبة وحبك يا عنى القفل ؟؟ ) طبعا البنت اتعودت تسمع ووووووووووتاج

راحت المدرسة اسمك ايه يابنتى ...وووووتاج ,,,,وضاع الاسم يا ولدى

طبعا دلوقتى تلاقى نص مصر اسمها فريدة والنص التانى عليا ...والباقى يس ..دى الموضة الايام دى اللى ماشية

بالمناسبة والشىء بالشىء يذكر ...

عندنا مولود جديد هايشرف خلال الاسابيع اللى جاية هاعمل فوت وياريت تساعدونى ....

1- أنس

2- مالك

3- يزيد

4-بلال

اختار الاجابة الصحيحة واسمع رايكم ...

بلال

بلال منتشر وقديم يا مدام هند

وشيكو أستقرت على مهرباظ خلاص ...

مبارك علينا الأسم ..

ومبارك الإختيار يا أخت شيكو .. وفقك الله إلى ما يحبه ويرضى

[pink rose]

اختيار الاسماء ..بجد مسئوليه خاضعة لاهواء الاب والام ....

ومعظم الاباء والامهات بيدوروا على الاسماء الغريبة علشان الابن يبقى مميز من وحهة نظرهم بالظبط زى اختيارك للاسماء بتاعة المنتديات مثلا ...

اللى يغيظ بقى ويفرس تلاقى مثلا واحدة زى اختى ...(عيلتنا كلها ..اول عن اخر كبير وصغير طويل وقصير لدغين فى حرف الراء ده حتى الاخوال والخالات ..وابنائهم واحفادهم ) تقوم مسمية رتاج ...!! طب ليه يابنتى ؟؟

ده حتى كدة البنية هاتتعقد وتعقدنا معاها ...( معناه قفل الكعبة وحبك يا عنى القفل ؟؟ ) طبعا البنت اتعودت تسمع ووووووووووتاج

راحت المدرسة اسمك ايه يابنتى ...وووووتاج ,,,,وضاع الاسم يا ولدى

طبعا دلوقتى تلاقى نص مصر اسمها فريدة والنص التانى عليا ...والباقى يس ..دى الموضة الايام دى اللى ماشية

بالمناسبة والشىء بالشىء يذكر ...

عندنا مولود جديد هايشرف خلال الاسابيع اللى جاية هاعمل فوت وياريت تساعدونى ....

1- أنس

2- مالك

3- يزيد

4-بلال

اختار الاجابة الصحيحة واسمع رايكم ...

بسم الله الرحمن الرحيم

الاجابة رقم 3

يزيد

تم تعديل 17 أكتوبر 2010 بواسطة remo