عُمرك شوفت موقف ميكروباص فوق كوبري ؟ أيوه .. وكانت دي النتيجة

[se_ Elsyed]

لإن الطريق الدائري في مصر بمختلف محاوره هو طريقي اليومي والمفضل ..

فده منظر عادي جداً إنك تلاقي في نص الطريق اللي هو أغلبيته عبارة عن كباري ... بتلاقي أمم من الناس واقفة في منتصف الطريق منتظرة الميكروباص ..

او العكس ... كمية ميكروباصات واقفه في منتصف الطريق ( الدائري .. واخدين بالكم ) وبتحمل الناس .... في مشهد خزعبلي لا تجده إلا في مصر فقط

طريق هاي واي دائري ....

وفجأة بين عشية وضحاها تم خلق مواقف عشوائية في نهر الطريق ....

وبتبقى النتيجة هي كالتالي

طالب جامعى يقتل ١٢ ويصيب ٧ بـ «سيارته» أعلى الطريق الدائرى فى الوراق

كتب سامى عبدالراضى وأحمد عبداللطيف ١٦/ ١٠/ ٢٠١٠

وقع حادث مأساوى أعلى الطريق الدائرى بالوراق فى ساعة مبكرة من صباح أمس، أسفر عن مصرع ١٢ شخصا وإصابة ٧ آخرين بكسور متفرقة وكدمات وحالتهم الصحية سيئة، وأفادت التحريات والتحقيقات بأن القتلى والمصابين كانوا واقفين أعلى الطريق الدائرى فى منطقة بشتيل، وأن سيارة ملاكى حديثة دهستهم وسحلتهم مسافة ١٥ مترا قبل انقلابها على جانبها وسقوطها فى قطعة أرض فضاء.

تبين أن طالباً جامعياً كان يقود سيارته الملاكى «ماركة فاخرة»، وأنه انحرف على جانب الطريق الدائرى بسبب مضايقة سائق نقل له بعد «محاولة تخطى خاطئة» واصطدم بسيارة متوقفة، واختل توازن سيارته واصطدم بالضحايا الذين كانوا يقفون على جانب الطريق فى انتظار سيارات تنقلهم إلى منازلهم، وأنه تسبب فى مقتل ١٢ على الفور وإصابة ٧ آخرين قبل أن تنقلب سيارته من أعلى الطريق فى قطعة أرض فضاء وأصيب الطالب بكسور فى الجمجمة ونزيف داخلى. انتقلت ١٠ سيارات إسعاف إلى مكان البلاغ وقيادات الأمن فى الجيزة، وتم نقل الجثث والمصابين إلى مستشفيات إمبابة العام وإمبابة المركزى وبولاق الدكرور.

تحرر محضر بالواقعة، وأمر المستشار عبدالمجيد محمود، النائب العام، بتشكيل فريق من نيابة شمال الجيزة لإجراء معاينة لمكان الحادث والانتقال إلى المستشفيات الثلاثة لسماع أقوال المصابين، وصرحت النيابة بدفن جثث الضحايا وكلفت الشرطة بمعرفة أسماء ٣ جثث مجهولة الهوية وقررت التحفظ على الطالب المتهم بالمستشفى. جرت التحقيقات بإشراف المستشار محمد ذكرى، المحامى العام لنيابات شمال الجيزة، وضم الفريق محمود حلمى مدير نيابة الحوادث ومحمد علما وعبدالحميد الجرف وكيلا النيابة وجمال يسرى وأشرف عاصم وكيلى نيابة الوراق. تلقى اللواء محسن حفظى، مساعد الوزير لأمن الجيزة، بلاغا بمصرع وإصابة ٢٠ شخصا أعلى الطريق الدائرى فى الوراق وانتقل حفظى إلى مكان الحادث واللواءان كمال الدالى وفايز أباظة والعميد جمعة توفيق رئيس مباحث الشمال والعقيد حسام فوزى مفتش المباحث والرائد أحمد فاروق معاون المباحث، وكذلك انتقلت ١٠ سيارات إسعاف وتم نقل المصابين والجثث إلى مستشفيات إمبابة العام والمركزى وبولاق الدكرور.

وكشفت التحريات والتحقيقات والمعاينة وسؤال المصابين أن طالباً جامعياً ١٨ سنة كان يقود سيارة ملاكى رقم ٢٧١٩٢ ماركة «بى إم»، وأنه حاول تخطى سيارة نقل أعلى الطريق الدائرى واختل توازنه واصطدم بسيارة كانت متوقفة قبل أن يقتحم مكاناً يقف به الضحايا فى انتظار سيارات تنقلهم إلى منازلهم فى الهرم وبولاق الدكرور. وأضافت التحريات والتحقيقات أن الطالب يدعى على عبدالحميد على، وأن سيارته اصطدمت بالسور الخاص بالطريق وسقطت فى قطعة أرض فضاء وأصيب قائدها بكسور فى قاع الجمجمة ونزيف داخلى وتم نقله إلى المستشفى فى حالة سيئة وتبين أن أسرة كاملة لقيت حتفها عدا ابنتهم ٣ سنوات، التى أصيبت بكسر فى الجمجمة، حيث لقى أحمد عبدالحى أحمد ٣٢ سنة مصرعه هو وزوجته هبة أحمد سيف النصر ٢٨ سنة وابنه فهد ٥ سنوات وترقد ابنته حبيبة ٣ سنوات بين الحياة والموت فى المستشفى.

انتقلت «المصرى اليوم» إلى مستشفى إمبابة العام حيث احتشد عشرات من أقارب الضحايا والمصابين وانطلقت صرخاتهم أثناء تسلمهم الجثامين، وقال الدكتور مهدى محمد إن المستشفى استقبل المصابين والجثث فى الثانية صباحا وأن الإصابات تنوعت بين كسور وكدمات ونزيف داخلى. وقال المصاب خالد أحمد ٣٤ سنة موظف إنه كان يزور صديقه فارس خليفة «مصاب» الذى يستعد للزواج وأثناء وقوفهما فى محطة بشتيل وبجوارهما ٣٠ آخرون شاهدوا سيارة ملاكى تنطلق بسرعة جنونية وصاحبها «بيعمل غرز»، وأنه حاول تفادى سيارة نقل فانقلب على جانبه وسحل الضحايا أسفل سيارته.

وقالت والدة محمود شحاتة «حاصل على بكالوريوس ومصاب وفاقد للنطق» إن ابنها ٢٣ سنة توجه لزيارة صديقه فى بشتيل وأثناء عودته وقع الحادث. وقال محمد سيد إبراهيم «مصاب» إنه كان بصحبة صديقه وقبل نزوله «سلم بشتيل» سمع صوت فرامل سيارة ملاكى، وأضاف أن سائقها كان «يشغل» الكاسيت بصوت مرتفع وكان «بياخد غرز» واصطدم بالضحايا.

[se_ Elsyed]

والله يا جماعة زي ما يكون شايف المشهد أمام عيني دلوقت لأني حافظ الطريق الدائري بمواقفه بمطباته بحركاته .....

لا حول ولا قوة إلا بالله العلي العظيم ...

ورحم الله الغلابه اللي بيدفعوا ثمن خطايا نظام عفى عليه الزمن وسايب الدنيا تضرب تقلب ...

أنا منتظر مكالمة تعزية من رئيس دولة تشيلي المحترمة

رداً على تهنئة مبارك له بإنقاذ 33 عامل منجم كانوا مدفنونين على بُعد 700 متر تحت الأرض لمدة 60 يوماً

أما الـ 80 مليون مصري المدفونين فوق الأرض .. فلا عزاء لهم

وعلى رأي عمرو عبد الجليل في فيلم حين ميسره لما قال " أنا حاسس إننا مخفيين أو هوا وماحدش بيشوفنا "

[mekkawy]

و الله يا سيد السيد يا أخويا لما قريت الخبر في الجرنان النهاردة تنحت

قولي ليه بأة ؟

ايــــــــه يا عم .. سايق مقطورة عشان ياخد معاه عشرين نفر .. يموت 12 وقتي كدة و يسحل 8 ... لا شئ غريب فعلاً .. سبحان الملك على العمر .. الموت ده فعلاً سر .. تلاقي بيت 5 أدوار في ثواني يبقى تراب و محدش يتخدش حتى .. و حادثة زي دي يروح فيثها 20 بني ادم منهم 12 روح و 8 مصابين .. حسبنا الله و نعم الوكيل و ربنا يرحم الضحايا و محدش عارف مين الغلطان .. الولد ولا الحكومة ولا ابوه ولا سواق التريلة ولا الناس المفترية اللي واقفة ع الطريق عشان تروح بيوتها :(

مكاوى

[se_ Elsyed]

اللهم أنتقم من كل مسئول يرى هذا الفساد بعينه ولا يُحرك ساكناً

وأنتقم من كل مسئول لا يشعر برعيته

شوفوا الجُملة اللي تقطع القلب

وتبين أن أسرة كاملة لقيت حتفها عدا ابنتهم ٣ سنوات، التى أصيبت بكسر فى الجمجمة، حيث لقى أحمد عبدالحى أحمد ٣٢ سنة مصرعه هو وزوجته هبة أحمد سيف النصر ٢٨ سنة وابنه فهد ٥ سنوات وترقد ابنته حبيبة ٣ سنوات بين الحياة والموت فى المستشفى

ايــــــــه يا عم .. سايق مقطورة عشان ياخد معاه عشرين نفر .. يموت 12 وقتي كدة و يسحل 8

مش قلت لك يا مكاوي إن دول اللي بيدفعوا ثمن جرايم النظام الفاسد

لو تشوف المنظر الساعة 7 او 8 الصبح تقول ممكن يموت اكتر كمان

مئات يا مكاوي منتظرين في عرض الطريق عشان يلمح الميكروباص جاي من بعيد ويلحق يشبط فيه ويروح شغله .... والله بعيني دي شوفت كذا مره ناس بتجري ورا الميكروباص وتتشعلق فيه يروح الباب الكبير طالع في إيديهم من التشبث والمزاحمه

وهانروح بعيد ليه ...

اللي بيعدي على كوبري غمره في طريقه لباب الخلق أو شارع الجيش أو شارع بورسعيد في الإتجاة العكسي هايلاحظ إن أمام محطة مترو الأنفاق فوق الكوبري .... فوووووووووووووووق الكوبري .. موقف رسمي للميكروباصات ويبقى الواحد مستغرب هو أنا فوق الكوبري ولا تحت ولا إيه النظام لإن الطريق يكاد يكون مغلق بسبب وقوف الميكروباصات وبسبب تزاحم الركاب المنتظرين

[اغابي]

طالب جامعى يقتل 12 ويصيب 7 بـ «سيارته» أعلى الطريق الدائرى فى الوراق

كتب سامى عبدالراضى وأحمد عبداللطيف 16/ 10/ 2010

وقع حادث مأساوى أعلى الطريق الدائرى بالوراق فى ساعة مبكرة من صباح أمس، أسفر عن مصرع 12 شخصا وإصابة 7 آخرين بكسور متفرقة وكدمات وحالتهم الصحية سيئة، وأفادت التحريات والتحقيقات بأن القتلى والمصابين كانوا واقفين أعلى الطريق الدائرى فى منطقة بشتيل، وأن سيارة ملاكى حديثة دهستهم وسحلتهم مسافة 15 مترا قبل انقلابها على جانبها وسقوطها فى قطعة أرض فضاء.

تبين أن طالباً جامعياً كان يقود سيارته الملاكى «ماركة فاخرة»، وأنه انحرف على جانب الطريق الدائرى بسبب مضايقة سائق نقل له بعد «محاولة تخطى خاطئة» واصطدم بسيارة متوقفة، واختل توازن سيارته واصطدم بالضحايا الذين كانوا يقفون على جانب الطريق فى انتظار سيارات تنقلهم إلى منازلهم، وأنه تسبب فى مقتل 12 على الفور وإصابة 7 آخرين قبل أن تنقلب سيارته من أعلى الطريق فى قطعة أرض فضاء وأصيب الطالب بكسور فى الجمجمة ونزيف داخلى. انتقلت 10 سيارات إسعاف إلى مكان البلاغ وقيادات الأمن فى الجيزة، وتم نقل الجثث والمصابين إلى مستشفيات إمبابة العام وإمبابة المركزى وبولاق الدكرور.ا.

لو ركزنا على الجزء داه

حنعرف ان الاستهتار سيد الموقف - انا بشوف قدام عيني سواقين الميكروباص بيغيظو بعض ويزنقوا على بعض فى الطريق وعلى الجنبين ناس كتير واقفة

ومش محتاج من اى سواق ميكروباص منهم غير الانحراف نص متر وممكن يشيل 3 او يموت 3 من الناس اللى واقفين على الطريق

الاستهتار فى ان اى شخص لو مخالف بيدي عسكرى المرور 10 ج فى ايده وما يسحبش الرخصة

وبتبقى الحكاية عدم احترام وتطبيق القوانين بشكل رادع

كمان الاستهتار سيد الموقف ان سواقين الميكروباص ما يصدقو يلاقوا واحدة سايقة سيارة ملاكى وهات يا غلاسة عليها فى الطريق

علشان عارفين انهم بيخوفوها ومتاكدين من امكانياتهم فى السواقة وانهم شياطين الطريق زى ما بيكتبوا على الميكروباص

نيجي بقى للضحايا ماهو كل حرب وليها ضحايا

حرب اهمال تنفيذ قوانين المرور - الضحايا هم اللى بينزفو على الاسفلت كل يوم والتانى

فين القوانين

اقولكم نعتبر ان تنفيذ القانون فى مصر - صدفة زى اى صدفة

ممكن نقبلها فى يوم او لاء او ننتظرها صدفة

اغابي

تم تعديل 16 أكتوبر 2010 بواسطة اغابي

[Howayda Ismail]

النيابة تأمر بحبس الطالب المتسبب فى الحادث على ذمة التحقيق

بعد ان اتضح سرعة السيارة 150 كم وحاصل على الرخصة من 6 شهور فقط

يعنى بيسوق طشاش وامرت بأخذ عينة من دمه للمعمل لتحليلها لتباين

تعاطيه مواد مخدرة وقت وقوع الحادث من عدمه

السؤال دلوقت ده حصل على رخصة ازاى لما سواقته ضعيفة

الاجابة ( المال__ الواسطة _ الفساد _ الرشوة) وادى النتيجة

لكن ده مايعفيش وزارتى المواصلات و الداخلية من المسئولية فى وجود مواقف

ميكروباصات اعلى الكبارى بالشكل ده

[المهندسه]

الله يرحمهم يارب

ما هى لو بلد محترمه والماسكينها محترمين ..مايبقاش فى ميكروباصات من اساسه و لا فوق الكوبرى ولا تحته ...كانت وفرت وسائل نقل محترمه فى مواقف مخصصه ومحترمه للناس و تعتبرهم بنى ادمين مش بهايم حاجه تحرق الدم ..الواحد دمه غلى لما سمع الخبر...عيل راكب "بى ام "وناس شاقيانه مستنيه الميكروباص ..خلاص بقت الناس فى مصر طبقتين فوق اوى وتحت اوى مفيش فى الوسط خالص يعنى بقت دوله ال حبه فوق وحبه تحت

الله يحرق المسئولين الحراميه المعيشين الناس فى ذل وكرامه متهانه..وطبعا خلاص الناس دى راحت فى حيص بيص ولا تعويض ولا زفت و لاحته هيحاولوا يصلحوا الطرق المهببه ال عاوزه تتسفلت ...الناس تموت طظ فى داهيه شالوا من على قفا الحكومه العاوز يتلطش و نقص شويه من ال 80 مليون ...قال يعنى الحكومه كانت شايله همهم اساسا ولا معبراهم..شوف لما العباره غرقت فى ضبا الملك صرف مليون ريال لكل شهيد لكن فى مصر الحكومه تقولك" خد الشر وراح"

مكانش جه مترليوس ياخد المسئولين كلهم على الاخره عدل قصدى جهنم عدل

[الغريب]

وهانروح بعيد ليه ...

اللي بيعدي على كوبري غمره في طريقه لباب الخلق أو شارع الجيش أو شارع بورسعيد في الإتجاة العكسي هايلاحظ إن أمام محطة مترو الأنفاق فوق الكوبري .... فوووووووووووووووق الكوبري .. موقف رسمي للميكروباصات ويبقى الواحد مستغرب هو أنا فوق الكوبري ولا تحت ولا إيه النظام لإن الطريق يكاد يكون مغلق بسبب وقوف الميكروباصات وبسبب تزاحم الركاب المنتظرين

سبحان الله لما قريبت عنوان الموضوع على الصفحة الرئيسية تذكرت موقف الميكروباصات ده بالذات اللي موجود في محطة غمرة فوق كوبري الليمون بالظبط..

ماشاء الله حاجة فعلا كان شكلها مشرف للغاية :lol:

[الترجمـان]

http://www.youtube.com/watch?v=WmKkfKacRkk

الكليب داه للذكرى يا جماعه ..

[ابو محمد بن مصطفي]

هي بعض الاسئلة .....واجابتها

س : هل الطريق الدائري زحفت اليه العشوائيات ام اقيم علي بيوت العشوائيات ؟

ج : بالتأكيد اقيم علي بيوت الناس الغلابة

س : السلالم الموجودة علي كل كوبري في هذه المناطق من اقامها الاهالي ام هيئة الطرق؟

ج : هيئة الطرق

س : المنزل اللي بيستخدم مطلع ومنزل في نفس الوقت (عند البراجيل) من اقامة ؟

ج : بالتأكيد هيئة الطرق

س : هل فعلا الطريق الدائري هاي واي ؟

ج : لو الاجابة بنعم اذا لماذا اقيمت السلالم

س : العيل (ابن الباشا) اللي كان بيسوق مين اللي اداه الرخصة ؟

س : هل الحصول علي الرخصة في مصر دليل علي انك تستطيع القيادة؟

؟؟؟؟؟؟

اللي بيعدي على كوبري غمره في طريقه لباب الخلق أو شارع الجيش أو شارع بورسعيد في الإتجاة العكسي هايلاحظ إن أمام محطة مترو الأنفاق فوق الكوبري .... فوووووووووووووووق الكوبري .. موقف رسمي للميكروباصات ويبقى الواحد مستغرب هو أنا فوق الكوبري ولا تحت ولا إيه النظام لإن الطريق يكاد يكون مغلق بسبب وقوف الميكروباصات وبسبب تزاحم الركاب المنتظرين

س : كوبري المشاة اللي في محطة غمرة المستخدم للدخول والخروج الي محطة المترو من انشأة الاهالي ام الحكومة ؟

ج : الحكومة مع العلم انه يوجد سلم للمشاة للنزول الي الشارع وليس الي الكوبري

[Mohamed Badry]

الطريق الدائرى = طريق الموت

و لسه البلد من سىء الى أسوأ

[se_ Elsyed]

الواد فاق أمبارح بعد ما كان إتقلب بالعربية من فوق الكوبري ودخل العناية المركزة ..

وأول سؤال إستأله في النيابة :

س : كنت فين يا توتو ؟

ج : كنت سهران مع اصحابي يوم الخميس ورجعت من عندهم يوم الجمعة الساعة 5 الصبح ( خلصت كده )

س : كنت سايق على سرعة كام ؟

ج : 150 ( وإنا لله وإنا إليه راجعون )

وتم تحويلة إلى محاكمة عاجلة خلال أيام وأرجو من الله أن يعمي بصر المحامين الآفاقين اللي ممكن يخلوا الناس اللي ماتوا دول هما اللي يدفعوا له تعويض ويصلحوا له البي أم دبليو الأخر موديل في الوكالة كمان ...

[جسار]

انتم مش ملاحظين أن أغلب الكوارث اللى تمت فى مصر فى العشرين سنة

الاخيرة كانت فى شهر أكتوبر أوله او آخره أو بداية نوفمبر

من اول حادثة غرق العبارة سالم أكسبريس 91 ، ياريت يكون فيه

احصاء للحوادث والكوارث وتواريخها ، لاننى وبصراحة بدأت اتشاءم

من شهر اكتوبر