أنا .................................. لم أعد أنا

[Diab]

انا مش عارفني أنا مش أنا

[جويرية]

تعديل

تم تعديل 19 أكتوبر 2010 بواسطة جويرية

[doha]

تعديل

كويس انك عدلتي ردك اصل ايا كان اكيد كنتي هتاخذي عليه سالب ..

من متابعتي للردود الاخيرة فاعتقد والله اعلم لو جويرية ( كحت ) هتاخذ لها بالميت خمسة ستة سوالب ..

بالراحة على البونية ياجماعه هي صحيح مستفزه بس والله انتم حاطين ردودها في دماغكم بشكل ملفت ..

ربنا يعينك وتلحقي تقفلي الماينص مية بدري بدري ..

[matzakos]

السلام عليكم

ياجماعه الملفت للنظر فعلاً إننا بندور على الكآبة بأنفسنا. يعني فعلاً لازم تكون فيه حاجه تنكد علينا عيشتنا و الا مش هنعرف نعيش ونواصل.

هي ثقافة وطريقة تربية. أهالينا ما علموناش نخطط ليومنا ونستمتع بوقتنا. استسلمنا للواقع و اليوم بيعدي بأحداثه و بياثر علينا باحباطاته و الهموم المحيطه بنا من كل جانب.

نرجع للموضوع الأصلي ... أناعن نفسي طول عمري ما بحبش تربية الحيوانات الأليفه ..... وانا صغير كان عندي قطة سيامي - طلع قط وانا مكنتش أعرف ههه- كان يخليني بأصلي و يجري ينط في وشي ....اروح شايطه بالشلوط علشان يبعد....لحد ما في يوم فتحت باب الشقة وقلت له مع الف سلامة ما تورنيش وشك.

المحاولة الثانية كانت عصافير .... و طبعاً ماتوا ....حزنت عليهم جداً بس اتعلمت إني ما اربيش عصافير تاني لانهم بيحتاجوا مجهود ومتابعه وانا مش فاضي ....صحيح مش ورايا حاجه بس برضه مش فاضي.

بعدين ربيت ببغاء من نوع " طيور الحب" ..... الراجل بصراحه هو اللي ما استحملنيش و كسر القفص وطار....

و تمر الأيام و ابني اشترى سلحفاة و احنا في مصر في الصيف الماضي ..... بتسعين جنيه و الله ....المهم الولد أصر ناخدها معانا دبي ....و بدأت أعمل لها الإجراءات ...شهادة في مديرية الطب البيطري ...و تحليل عينة دم ...و أفلام لا تنتهي

زهقت من الإجراءات فقررت إني مش هأكمل الأوراق بتاعتها ....و هربنها في جيب الجاكت بتاع إبني.....هههه.... بد ما وصلت بالسلامه دبي ....ما فيش يومين و المسكينة حست بالغربة و ماتت بدون أي مقدمات.

انا من الأول قلت ما بأحبش تربية الحيوانات الأليفه.....هههه

[شريف مان]

بالصدفة اليوم كنت بتابع برنامج كان مستضيف واحد متخصص فى أحواض السمك وتركيبها

المهم فضلت متابع ومركز.. لانى افتكرت الموضوع دا .. وهلخص اللى قاله فى اربع نقط

1- طريقة وضع السمك فى الحوض سبب رئيسى فى موته بسبب اختلاف درجة حرارة الحوض عن الماء اللى السمك كان فيه

والحل ... حضرتك السمك هيبقى محطوط بداخل كيس ماء وتحط الكيس بالسمك داخل الحوض يعنى مطلعيش السمك من الكيس وتسبيه لمدة نصف ساعة وبعد كده تاخدى من ماء الحوض وتحطيه بداخل الكيس واحدة واحدة

على أقل من مهلك يعنى نصف ساعة كمان .. يعنى نقل السمك داخل الحوض لازم ياخد على الاقل ساااعة

2- تغيير الماء لازم يبقى بحد أدنى 6 شهور لان تغيير الماء باستمرار .. بيموت السمك

3- السمك بيموت من البرد .. بسبب تغيير الجو يعنى من شتاء لصيف لربيع لخريف وممكن كمان لو بالليل الجو بارد وبالنهار الجو حار او معتدل دا يؤدى الى اصابة السمك بالبرد

طيب تعرفى أزاى ان السمك عنده برد .. هتلاقى زعانف السمك بتدخل لجوه يعنى ( بتكش ) وكمان بتظهر نقط على الزعانف زى رأس الدبوس يعنى بتبقى بارزة .. لازم تركزى شوية عشان تكتشى الحاجة دى

والعلاج .. هتجيبى دواء للبرد وفى خلال يومين السمك هيبقى زى الفل

4- بالنسبة لعمور .. فى نوع سمك بيعيش من غير اكسجين وحتى الضيف كان جايبة فى حوض بلاستيك صغير عامل زى الشنط الحريمى .. يعنى خفيف .انتى هتغيرى الماء كل فترة والسمك بيعيش سنتين

بس هوا قال .. ان السمك دا بياكل بعضه .. فكان حاطط سمكة واحدة والحوض كان صغير وشكله حلو

خلى عمور يلعب وينبسط ويفتكر عمو شريف

تحياتى

[أمل حياتي]

الحبيبه بوسي

قرات موضوعك المثير للجدل

انتي معاكي حق تزعلي بس مش للدرجه دي

السمك عمره ما يستمر ده اللي انا اشوفه انا زيك كده ركنت الحوض من فتره

كبري دماغك وجيبي غيرهم وانتبهي من الجو لانه بدأ يبرد

ولا تزعلي فداكي