الى متى الظلم يا افريقيا

[engmido]

اولا

احيي فريق الاهلى الذى لم يقصر

ولكن بعد انتهاء مباراة الكرة الطائرة التى لعبت فى استاد رادس...وضحت النية الخبيثة لدى حكم المباراة الذى على ما يبدو انه قابض

ليه كده يا افارقة...ليه كده يامن تدعون الاخوة

كرة فولى بول...تحسب هدف ازاى ...الحكم ماشافهاش؟؟؟؟...طيب حامل الراية ماشافهاش وهى قدامه....دى لو الراية واقفة لوحدها كانت نطقت

طرد بركات ليييييه؟؟؟؟

العنف الغير مبرر....والضرب من جانب التوانسة.....والتحامل والتواطىء من جانب الحكم لييييييييييييييه؟؟؟؟

هل اللى بنلعبه ده كورة او يمت اليها بصلة

الواحد نفسه قفلت من الكورة الافريقية وشغلانتها السودا

وقرفت جداااااااااا من ريحة الفساد والبوظان الافريقى الذى استفحل

حقيقى حسبى الله ونعم الوكيل

هذه ليست رياضة

وكما قال حسام البدرى لا يشرفنى كونى افريقى

[الغريب]

روق بالك يا هندسة هو اليوم مكنش يوم الأهلي :

1- هدف مبكر وغير شرعي.

2- حكم نص كم ضيع المباراة.

3- أمطار غزيرة لم يعتدها اللاعبون.

4- خيبة أمل في اللاعيبة الكبار اللي المفروض خبرة وميقعوش في فخ زي ده.

5- سوء إعداد نفسي من البدري للاعبيه.

6- تغيير أفقد الأهلي السيطرة على نص الملعب أكثر ماهو فاقدها بنزول محمد فضل بدل سيد معوض، وبالتالي فجوة في نص الملعب بيعوضها الأهلي بكرات طويلة من حارس المرمى سهلة على الدفاع، فبالتالي ضاع الماتش فنيا بعد ما ضاع تحكيميا.

الخلاصة أمبارح تحس أن نفسك أتسدت عن الكورة كلها بسبب القرف اللي الواحد كان بيتفرج عليها من سوء تحكيم لسوء آداء لخشونة متعمدة لبرود الشيطان إينرامو .... md2:

فيه بعد بكرة ماتش كبير بين الريال وميلان حاول تتفرج عليه علشان تنسى الغم ده wst::

[مسافر زاده الخيال]

ما حدث ليلة البارحة ,,,,اكبر مهزلة كروية في التاريخ........................

والاغرب الفرحة العارمة لدى مناصرين الترجي!!!!!!!!!!!!!!!!!!!!!!!!!!!

كرة القدم تكاد تلفظ انفاسها الاخيرة فقد اصبحت سيركا سيء التمثيل

[nightmare]

اهدي كده بس يا ميدو يا اخويا

نتكلم الصراحة الأول ونقول ان الاهلى لم يؤدي ما يؤهله للفوز , اداء عقيم وتغييرات خاطئة وشدة اعصاب من لاعبين المفترض انهم اصحاب خبرات عالية ولا ينساقون وراء اى مهاترات وان يكونوا اهدي مما كانوا عليه امس, كان من المفترض ان يركزوا في لعب الكورة وفقط وليس في التشويح والاحتجاح على اى كورة حتى ولو كانت صحيحة, والأهلى اضاع التأهل من هنا في القاهرة بعد ان اضاع كل الفرص التى كانت تجعله يلعب لقاء العودة وهو مستريح واهدي مما كان عليه.

نيجي بقي للتحكيم فمعروف ان التحكيم يوم لك ويوم عليك , ولماذا تعترضون على هدف الترجي وتناسيتم هدف فضل في القاهرة , فكلاهما لمسة يد ومتعمدة وكلاهما اسفرت عن هدف , ولماذا نتهم هذا الحكم بالمجاملة ولم نتهم حكم مباراة الارجنتين في كاس العالم عندما احرز مارادونا هدفه ايضاً من لمسة يد وفازت الارجنتين بكأس العالم, ولعل بالامس القريب نتذكر هدف هينري باليد والذي صعد بفرنسا الى كاس العالم بجنوب افريقيا 2010.

ولماذا نتكلم على التحكيم الافريقي ونسينا التحكيم المصري في لقاء انبي عندما الغى محمود سمير عثمان هدفين صحيحين 100% , وخرج علينا الاعلام ليقول ان الحكم بشر وهو معرض للخطأ , ولم ننسي خطأ جمال الغندور القاتل الذي حرم اسبانيا من الفوز على المنخب الايطالي بكأس العالم في كوريا واليابان وفي كأس العالم احرزت اهداف كثيرة ولم تحتسب رغم ان الكرة تعدت خط المرمي بمراحل.

يعني بلاش نعلق سوء الاداء على شماعة التحكيم , ولو ان الحكام الافارقة محتاملين علينا ما كان فاز الاهلى ب 6 بطولات دوري ابطال ولم تفز مصر ب 3 بطولات افريقية متتالية.

لابد ان نعترف ان الاهلى مستواه سيئ وكذلك الزمالك والدوري المصري يلعب اسبوع ويتوقف 10 وهذا كله تسبب فيما حدث للمنتخب القومي وانهيار مستواه لدرجة اننا هزمنا من فريق ليس له وجود على الساحة الكروية ولم نسمع عنه من قبل يسمي النيجر.

لابد من دق ناقوس الخطر لان الايام القادمة ستكون صعبة على الكورة المصرية بوجه عام, وهارد لك للأهلى وبالتوفيق في بطولات اخري قادمة ولكن نريد ان نراه كما تعودنا فوز باستحقاق ولعب رجولى حتى اخر دقيقة ( غابت روح الفانلة الحمراء فغابت الإنتصارات ).

مع تحياتي

تم تعديل 18 أكتوبر 2010 بواسطة nightmare

[engmido]

لا الموضوع موضوع ظلم بحت

لان الفريق لم يقصر فى حدود المتاح

ولكن اذا كان الحكم نازل يكسب فريق

يبقى مهما عمل الفريق التانى مش هيكسب

ومهما عمل الفريق الول من مخالفات لن يحتسب شيئا

بالذمة دى كورة ..ياعم غريب اصل دى لعبة لها قوانين وليست مولد او موضوع تقديرى

حسبى الله ونعم الوكيل.........انا بالمناسبة لست من متعصبين كرة القدم

ولكن انا تركيبة ضد الظلم واكرهه بشدة

[محمد عبدالعزيز]

عندك حق والله يا باشمهندس, اللى حصل امبارح ده فوق طاقة البشر, ومايصحش نظلم اللاعبين والجهاز الفنى لأنهم معرفوش يطلعوا بالنتيجة المطلوبة.

يعنى لما يبقى فى كورة نبقى نحاسب ونعلق المشانق, إنما اللى حصل امبارح ده كان مسرحية هزلية بطولة طقم الحكام المسخرة ومش عاوز أقول أكتر من كده.

اللى بيقول إن واحدة بواحدة زى ما حصل مع محمد فضل, طيب نفترض إن اللعبتين اتحسبوا لمسة يد, ياترى مين ياخد إنذار مع لمسة اليد ومين لا؟

لمسة اليد بالذات لابد فيها من التعمد عشان تحسب لمسة يد, احنا مش أول مرة نتفرج على كورة يعنى. وطبعاً واضح جداً التعمد فى لعبة انرامو, وواضح جداً التواطؤ من الحكم والمساعد بتاعه الموضوع مش محتاج جدال نهائى.

يا جماعة ده فى مرة من ذات المرات -ودى حاجة نادرة يعنى- الحكم حسب فاول على انرامو, قام اللاعب بص له حتة بصة, وكان رد فعل الحكم إنه رفع إيده كده وكأنه بيعتذر ويقول معلش مش حعمل كده تانى, هو فى كده فى الدنيا يا عالم؟

بالإضافة بقى لكل الفاولات اللى تحرق الدم اللى كانت بتحسب ضد الأهلى, تجيب منين نفس تلعب وانت متأكد تماماً إن الحكم اللى فى إيده كل حاجة فى الماتش مش حيسيبك تكسب؟

بس عشان نقول اللى لينا واللى علينا, بركات غلطان وهو مش لسه لاعب ناشئ عشان يستفز بالشكل ده واللعبة مش معاه أصلاً؟

أخطاء حكام ماشى بتكون على الكل, إنما لما يكون فى تواطؤ بالشكل ده يبقى فعلاً لازم وقفة يا إما نعمل زى القذافى بجد وبلاش لعب مع شمال أفريقيا نهائى

اشمعنى يعنى دول شمال أفريقيا بتتغلب عادى من دول أفريقية ومن غير مشاكل, ليه كل مباريات مصر مع شمال أفريقيا بتبقى بالشكل ده؟

وياريت بقى فعلاً الاتحاد الأفريقى ده يشوف له مقر تانى غير مصر مادام هى كده كده خربانة.

دى حاجة مستفزة بجد.

[engmido]

لا يا نايت مير

اخطاء التحكيم حاجة والتواطؤ حاجة تانى خالص

لان كرة زى دى

اسمح لى افجر واوضح بكتييييييييييييييييير من كورة مارادونا وهنرى

هناك كان خطأ تحكيمى

هنا تواطؤ وفساد

وطرد بركات ده مشهد فى الفيلم..لا باينة خالص

والتغاضى عن ضربات الجزاء اللى زى الشمس...والتغاضى عن اخطاء الخصم

والتعامل بمنتهى القسوة على الفريق الضيف

اظن الفرق واضح

تم تعديل 18 أكتوبر 2010 بواسطة engmido

[se_ Elsyed]

ولكن بعد انتهاء مباراة الكرة الطائرة التى لعبت فى استاد رادس...وضحت النية الخبيثة لدى حكم المباراة الذى على ما يبدو انه قابض

قابض ... قابض .. مش عارف قريت الكلمة دي فين قبل كده ؟

إنت عارف إني والحمد لله أهلاوي لا يُشق لي غبار .. ولا ينذل لي جار ... ( وش عماره الزيادي )

الحكام الأفارقة .. سوري السمر بالذات - لا يستحقوا أن يحكموا في دورة رمضانية

لكن

عليه وعليك

أفكرك ؟

هدف الفوز القاتل في مباراة الاهلي والأسماعيلي بالقاهرة في البطولة دي ... فول صريح في أخر ثانية على وائل جمعه .. وأتحسبت هدف

الهدف الأول في مباراة الترجي بالقاهرة لمحمد فضل .. لمسة يد واضحة

في مباراة الأمس .... شيء أشبه بالدعارة الغير مُقننة

إذن هم بشكل عام لا يستحقوا ان يمسكوا صفارة او رايه ...

دول الحكام

---------

الإتحاد الأفريقي

عارررررررررررررررررررررررر

وحياتو ده مصيبة سودا الله ياخده

وجميعهم عاجزون عن تنظيم أي بطولة أو السيطرة عليها

على سبيل المثال بغض النظر عن مستوى منتخبنا في مباراة النيجر ... إلا إن ما حدث .. لا يُمكن أن يحدث في مباراة بكوكب المريخ بين فريقي إتحاد جرندايزر .. وبلدية المتحولون

أنا شوفت بعيني في التليفزيون .. أول ما لعيبة مصر نزلوا من الطيارة .. وهما داخل المطار على البوابة الداخلية قبل الجوازات.. أطلقوا عليهم السحرة يرشوهم ببودره معينه وماء .. في غياب تامممممممممممممممم للشرطة ....

أقسم بالله ده شيء خزعبلي ..

يعني عادي إن واحد من دول يرش ميه نار على لعيب .. أو يغزه بسكينة ..

أول أمبارح شاهدت مباراة مازيمبي الكونغولي وشبيبة القبائل .. في الجزائر ..

والله والله فضايح بالجُملة وشيء أشبة بمباريات الحواري ....

لدرجة إن في نص الشوط الثاني أطلقت إدارة الأستاد صواريخ وألعاب نارية في سماء الإستاد في فضيحة صارخه لا تحدث في أي مكان في العالم .. والمذيع كان جزائري .. فبكل حنيه قال : ليه كده ليه كده .. ما احنا أتوقع علينا عقوبة قبل كده عشان الحاجات دي .. ليه تعملوا كده تاني ؟

وبعدها قام لاعب عندهم بذقن طويلة بالبصق على الحكم عيني عينك وأنطرد والموضوع هايمشي ولا هايتوقف ولا يتوقع عليه عقوبة شطب مثلاً ..

ده بالنسبة للاتحاد الأفريقي لكرة الحوكشة

---------

بالنسبة لفريق الأهلي فالكلام كتير .. لأننا لم نستحق أن نصل لهذا الدور من اساسة

ونكمل بعدين

[mamdowh]

حتى ينصلح حال التحكيم الافريقى وينصلح حال من هم يديرون اتحاد كرة القدم الافريقي انا اقترح ان الفرق المصرية تشترك بالصف الثانى من لاعبيها ولا داعى للبهدلة اللى بتحصل للفرق الكبيرة لانك لو ما اشتركت يمكن يطبقوا عليك جزاءات فا نشترك بالصف التانى ونريح دماغنا

[engmido]

حتى ينصلح حال التحكيم الافريقى وينصلح حال من هم يديرون اتحاد كرة القدم الافريقي انا اقترح ان الفرق المصرية تشترك بالصف الثانى من لاعبيها ولا داعى للبهدلة اللى بتحصل للفرق الكبيرة لانك لو ما اشتركت يمكن يطبقوا عليك جزاءات فا نشترك بالصف التانى ونريح دماغنا

فكرة كويسة والله

[nightmare]

حتى ينصلح حال التحكيم الافريقى وينصلح حال من هم يديرون اتحاد كرة القدم الافريقي انا اقترح ان الفرق المصرية تشترك بالصف الثانى من لاعبيها ولا داعى للبهدلة اللى بتحصل للفرق الكبيرة لانك لو ما اشتركت يمكن يطبقوا عليك جزاءات فا نشترك بالصف التانى ونريح دماغنا

فكرة كويسة والله

لا والف لا , معلش يا جماعة اسجل اعتراضي الشديد على الإقتراح ده

لإبد ان نشارك بالفريق الأول وننافس منافسة شرسة لآخر رمق كمان, لان الصف الثاني لن يفعل شيئاً في هذه البطولات لعدم امتلاكهم

لاى خبرات افريقية بالإضافة لإحساسهم انهم غير مطالبين بالمنافسة او الفوز بالبطولة.

لما نشارك بالصف الثاني مثلاً سواء اهلى او زمالك ويخرج الفريق من الدور الاول , سيكتب في التاريخ هذا ولن يقولوا وقتها ان هذا هو الصف الثاني كل ما سيقال ان الاهلى خرج من الدور الاول او الزمالك خرج من دور 32 وهكذا , بالإضافة الى ان ترتيب الاندية الافريقية يقيم على اساس هذه البطولات فكيف لا نشارك فيها.

مع تحياتي

تم تعديل 18 أكتوبر 2010 بواسطة nightmare

[سكر]

الاخ nightmare

كلام عقلانى جدا احيك عليه هو دة الى كنت عايز اقوله بس انت قمت بالواجب وزيادة

بالمناسبه الاهلى اتغلب فى هذة البطوله خمس مرات

وفريق الترجى تعبان جدا جدا جدا

وشريف اكرامى لازم يركب نظارة ضد اشعة الليزر

حسام عاشور كان بيلعب فى حارة هو واحمد السيد

بس احلى موقف فى المباراة لما الكورة خرجت برة الملعب ويدورو عليها فى سلقط فى ملقط مش لاقينها

واضح ان صاحب الكورة زعل من الاعيبه فقال مش هلعب فخد كورته وروح

[Ahmed Anwer]

مأنتا عارف إنك هتلعب مع تحكيم متحيز

و عارف إنك هتتعرض لاستفزاز

أيه المفاجأة ؟؟؟

لما أغلي لعيبة في مصر مش مؤهلة إنها تتعامل مع المواقف دي

مين اللي مؤهل

الترجي فريق تعبان لا اختلف معكم

لو فريق كويس و في ظل منافس بعشرة لعيبة كان عمله ماتش باسكت

لكن إحنا برده وحشين

الحكم 50% و الأهلي 50 %

و الترجي صعد بالبركة

[raouf]

اللى بيقول الحكم مش قابض يشوف الفيديو ده بجد فيديو يودى الحكم فى دهية بس مين يسمع

http://www.youtube.com/watch?v=idgKlA6JRDM&feature=player_embedded#!

اراهن ان الحكم ده هيحكم للاهلى او مصر ماتشين او ثلاثة فى الاسنوات القادمة ومش بعيد يوده كاس امم افريقيا نكاية فى مصر

للاسف اتعرف لكل العالم ان مصر ماعدش فيها رجالة وبقت ملطشة فى كل المجالات

[nightmare]

اللى بيقول الحكم مش قابض يشوف الفيديو ده بجد فيديو يودى الحكم فى دهية بس مين يسمع

للاسف اتعرف لكل العالم ان مصر ماعدش فيها رجالة وبقت ملطشة فى كل المجالات

أختلف معك في السطر الأول ولو الحكم قابض يبقي كل دول قابضين, عاوزين نتكلم بموضوعية وبدون اهواء او تحيز للفريق الذي تشجعه, والفيديو ده بسجل اعتراضي على الاغنية بتاعته وبعض اللقطات اللى فيه الخارجة عن أخطاء التحكيم ( زي لقطة الراحل محمد عبد الوهاب ورمز الأهلى حسن حمدي ), لكن ركزوا فيه على أخطاء التحكيم لصالح الأهلى وفقط.

http://www.youtube.com/watch?v=uUj1eBy0YX4

http://www.youtube.com/watch?v=Mj5Lnxs9IYc

اتفق معاك في السطر الثاني قلباً وقالباً.

مع تحياتي

تم تعديل 18 أكتوبر 2010 بواسطة nightmare

[mamdowh]

حتى ينصلح حال التحكيم الافريقى وينصلح حال من هم يديرون اتحاد كرة القدم الافريقي انا اقترح ان الفرق المصرية تشترك بالصف الثانى من لاعبيها ولا داعى للبهدلة اللى بتحصل للفرق الكبيرة لانك لو ما اشتركت يمكن يطبقوا عليك جزاءات فا نشترك بالصف التانى ونريح دماغنا

فكرة كويسة والله

لا والف لا , معلش يا جماعة اسجل اعتراضي الشديد على الإقتراح ده

لإبد ان نشارك بالفريق الأول وننافس منافسة شرسة لآخر رمق كمان, لان الصف الثاني لن يفعل شيئاً في هذه البطولات لعدم امتلاكهم

لاى خبرات افريقية بالإضافة لإحساسهم انهم غير مطالبين بالمنافسة او الفوز بالبطولة.

لما نشارك بالصف الثاني مثلاً سواء اهلى او زمالك ويخرج الفريق من الدور الاول , سيكتب في التاريخ هذا ولن يقولوا وقتها ان هذا هو الصف الثاني كل ما سيقال ان الاهلى خرج من الدور الاول او الزمالك خرج من دور 32 وهكذا , بالإضافة الى ان ترتيب الاندية الافريقية يقيم على اساس هذه البطولات فكيف لا نشارك فيها.

مع تحياتي

انا كل اللى أقصده انك تشارك فى هذه البطولات بالصف الثانى مره او اتنين وتعلن ذلك للاتحادات و تعلن السبب فى ذلك انه مفيش تحكيم عادل ومفيش حمايه للاعبين ومفيش تنظيم جيد لها, ولما فرق كبيره تعمل كده يمكن يحاولوا اصلاح المنظومة الخاطئة اللى شغالين بيها والفساد والمجاملات لحساب فرقة على حساب الاخرى .......... مجرد وجهة نظر

[nightmare]

وجهات نظر يا أ. ممدوح , انا شايف ان الفترة الجاية دي فترة عصيبة على الكورة المصرية ولابد من وقفة جادة جداً على كافة المستويات , الأهلى في النازل والزمالك نازل من زمان ولسه مش عارف يقوم ومفيش محترفين غير ميدو وزيدان والمحمدي , والدوري بيتلعب اسبوع ويقف 10 اسابيع.

لابد من اعادة هيكلة قطاع كرة القدم وتعديل القوانيين الرياضية والاسراع بتطبيق دوري المحترفين.

لابد لإدارة الأهلى ان تنظر اى فريق الكورة ويعتزل بعض اللاعبين وان يتم ضخ شباب جدد والأهلى ملئ بأبنائه الشباب مثل طلعت وعفرتو وشهاب وشكري.

لابد من الوقوف خلف نادي الزمالك والعمل على استقراره.

لابد من الدعم الاعلامى للأندية وعدم الوقوف على كل كبيرة وصغيرة ومواقف تافه يتم تضخيمها وتكبيرها بدون مبرر.

لابد من عقد دورات تدريبية على اعلى مستوي للحكام المصريين وارضائهم مادياً بما يليق وبما يكفيهم للتفرغ للتحكيم وفقط.

لابد من دعم الفرق الصغيرة والأندية الشعبية والجماهيرية والا ستختفي في القريب العاجل.

لابد من فتح باب الاحتراف الحقيقي وعدم التمسك باللاعبين الى هذا الحد ووضع سقف معقول وغير مبالغ فيه لمرتباتهم وعقودهم بما يتناسب وامكاناتهم , فلا يوجد لاعب في مصر يستحق 5 مليون جنيه في العام ولا 2 حتي.

لابد من الإسراع بكل هذا والا سنري سنوات عجاف على الكورة المصرية وسننتظر رجل مثل شحاته حتى يفوز لنا ببطولة بعد ان يخرجنا من اخري .

مع تحياتي

[جبار سينج]

اللى بيقول الحكم مش قابض يشوف الفيديو ده بجد فيديو يودى الحكم فى دهية بس مين يسمع

للاسف اتعرف لكل العالم ان مصر ماعدش فيها رجالة وبقت ملطشة فى كل المجالات

أختلف معك في السطر الأول ولو الحكم قابض يبقي كل دول قابضين, عاوزين نتكلم بموضوعية وبدون اهواء او تحيز للفريق الذي تشجعه, والفيديو ده بسجل اعتراضي على الاغنية بتاعته وبعض اللقطات اللى فيه الخارجة عن أخطاء التحكيم ( زي لقطة الراحل محمد عبد الوهاب ورمز الأهلى حسن حمدي ), لكن ركزوا فيه على أخطاء التحكيم لصالح الأهلى وفقط.

http://www.youtube.com/watch?v=uUj1eBy0YX4

http://www.youtube.com/watch?v=Mj5Lnxs9IYc

اتفق معاك في السطر الثاني قلباً وقالباً.

مع تحياتي

وكمان اللى بيقول الحكم اخطأفى مباراه الاهلى بالقاهرة من لمسه محمد فضل

لمسه محمد فضل مش واضحه وغير مقصودة بالمرة

كيف تقارن

ولينا ضربه جزاء واضحه وقالها حكم الجزيرة محمد الشريف

وغير الضرب وكل لمسه يمثلو ويتلوى زى الافعى ولما يجى الاسعاف ياخدهم برا الملعب الحياه تدب فيهم تانى

وغير اختفاء الكرة والانذارات بدون مبرر

[جبار سينج]

هدف وائل جمعه صحيح مائه فى المائه

لان من الاعادة ان احمد حسن مزقوق بدفع من مافع الاسماعيلى يعنى ضربه جزاء واضحه

واززاى تقارن التحكيم فى مباراه مصيريه والتحكيم فى الدورى المصرى

الزمالك فاز مبارتان ورى بعض بالتحكيم والكل عارف

[engmido]

يا اخواننا ما احنا قلناها

اخطاء الحكام واردة....لكن الخطأ البشرى الغير المقصود حاجة

والتواطؤ ده شىء تانى والاستهبال والاستعباط بيبان وواضح جداا

----

الاخ اللى بيحمل الاهلى 50%

ازاى احنا رايحين نمارس رياضة لها قوانين تحكمها وتطبق على الطرفين ليس على طرف واحد

الخبرة مع الملاعب الخارجية... مع مواجهة الجماهير...مع لاعبين وخبرات منافسة

انما ليست الخبرة مع الحكام المتواطئة....اللى نازلين يكسبوا فريق

يعنى جون واضح زى الشمس وطرد ظلم وضربة جزاء ملغية

طبعا ده غير المشاهد المكررة فى فيلم التمثيل وتضييع الوقت

يا اخواننا ماتشات شمال افريقيا...زى افلام اسماعيل يس والابيض واسود..شفناها كتيييييييييييييييييير

لحد ما اتحفظت والمشهد يبقى معروف من قبل ما يتعمل

حاجة زبالة..الفرق دى والدول دى