لماذا المغالاه فى تدليل الابن الاصغر

[اغابي]

دعــوة لكل اب وام

الحقيقة انني فكرت فى هذا الموضوع بعدما لاحظت ان الظلم كله من الاب والام على الطفل الكبير

فى انه يتحامل على نفسه - فى انه كبير كبير وكانه عمره 25 وهو ليس الا طفل ايضا فهو لم يبلغ سن الـ 7 - 8 - 9 - 10

والمغالاه فى تدليل الابن الاصغر

والفرحة بنطقه الكلمات باعوجاج والتهليل لاى موقف يحدث منه او ردة فعل

مع عدم مراعاه مشاعر اخيه الاكبر - وما يترتب على ذلك من غيرة او استفهامات

او سلوك عدوانى او تفسيره بان تدليل الاب والام للاخ الاصغر لانهم يحبونه اكثر

الصدمة تصاحب الابن الاكبر فور ظهور اخيه الاصغر على الساحة

بعد كل هذه الفرحة به لانه اول فرحة واول مولود والكثير من اهتمام الاسرة بل و من جميع العائلة

يتحول فى ليلة الى الاهمال ثم الاهمال ثم توجيه اللوم عليه لانه الاكبر ويجب ان يتحمل ويتحمل

هذه صدمة حقيقية وتحفز على السلوك العدوانى لديه ليجعلهما دائمي الشجار

ما جعلنى افكر بهذه لطريقة

هو اصرار ابنى الاكبر - 8.5

على انى احب اخيه الاصغر

4.5

ولا يسمع منى اى تبريرات

بل يصل الامر انى اقبل اخيه الاصغر كثيرا وادلله وانسي تماما ابني الكبير

وانسي ايضا انه طفل ويحتاج الى الحنان والتدليل

فهو بعد مازال طفل

اريد مشاركات وتدريبات فى التعامل

لاننى ادلل الاصغير بشكل مبالغ فيه و هذه هى الحقيقة

اغابي

تم تعديل 18 أكتوبر 2010 بواسطة اغابي

[nightmare]

تحياتي على الموضوع ده يا اغابي , لانى واحد من الناس اللى عانوا ومازالوا يعانوا من هذا الموضوع , فأنا الإبن الأكبر لثلاث إخوان واخت واحدة, لا اتذكر ابداً في يوم اني اتدلعت مثلاً او اتقالى كلمة ثناء واحدة.

دائماً وأبداً أكون انا المسئول عن اى خطأ يحدث في المنزل , حتى لو لم يكن لى اى علاقة به , يعني اخى مثلاً يسهر بالليل يبقي اه ماهو شايفك سهران , مايذاكرش يبقي اه ماهو شايفك ما بتذاكرش وقيسي على هذا المنوال في كل شيء.

والى الآن الاتصالات تتوالى ليه علشان اخويا الاصغر عاوز يتجوز وقال ايه انا اللى معطله , طب ليه هو كده, كل الاهل بصين ليك انت وكله بيسأل فيه حد يجوز الصغير قبل الكبير , طب ودي فيها ايه , لأ لازم الكبير هو اللى يتجوز الأول وانت السبب في وقف حال اخواتك.

بس الحمد لله انا متأثرتش نفسياً بالموضوع ده بالعكس بحب اخواتى جداً وهما كمان لو اقلك انهم بيعتبرونى صديقهم وابوهم كمان مش هتصدقينى, احياناً اه لا انكر ان الموضوع ده كان بيضايقنى وينرفزني لكن خلاص من كثر ما اتعودت عليه بقي عادي وهو ده الطبيعي فمبشغلش بالى بيه.

لازم بجد كل ام واب ياخدوا بالهم من الموضوع ده , اه الابن الاصغر محتاج حنية ورعاية لكن مع عدم اهمال الابن الأكبر والحرص على المساواة بينهم.

مع تحياتي

تم تعديل 18 أكتوبر 2010 بواسطة nightmare

[Howayda Ismail]

الاباء والامهات مش بيخدوا بالهم من الموضوع ده رغم انه بيسبب مآسى لاطفالهم

وتستمر معهم فى الكبر يعنى مثلا والعبأالاكبر على الام لانها بتقعد وقت اكتر مع اولادها

بتكون مهتمة باول طفل من رعاية وحنان ولعب وفسح ومع بداية الحمل التانى يبدأ الاهمال

وهى حامل الطفل الكبير مش عاوز الجديد يوصل وممكن فى بعض الاحيان يضربها فى بطنها

خصوصا لو الفرق بينهم بسيط وهو غير مدرك للى بيعمله وبعد الولادة تلاقى الكبير رجع

صغير من تانى لانه شايفك مهتمية بالجديد اكتر منه فى الاكل وتغيير الحفاضات فجأة

يقلب فى الاكل عشان تهتمى وتوكليه باديك رغم انه كان بيحب ياكل لوحده

المشكلة الكبيرة فى التبول اللارادى ليلا ونهار وده سببه نفسى اكيد بس رسالة بيضايقك

بيها بيقولك انا كمان عاوزك تغير لى وتزداد لما الام تضرب وتعاقب واحيانا لسع بالشمعة

يتفاقم الموضوع اكتر واكتر وكل ده ذاكرة الطفل بتسجل عنف الام او الاب ومافيش اى شئ

حيشيل الصورة دى لانها اتحفرت فى دماغه ويصبح فى كبره عقوق للوالدين كرد فعل

المفروض من البداية الام تمهد لطفلها انه قريب حيجى ضيف صغير ضعيف محتاج لنا كلنا

وتشارك الكبير فى اختيار هدوم اخيه ولعبه وفى نفس الوقت تشترى له هدية مهما كبر سنه

على اللعب والاطفال الاصغر سنا تشترى حلويات ولعب وتفهمه ان المولود جيبها له هدية

عشان يحبه ومتركز اهتمامها كله على الجديد لانه فى الفترة الاولى بينام كتير وغير كده

مش فاهم زى الكبير وتزيد اهتمامها بالكبير اكتر من الاول وتفهمه انه الاول بدون منافس

عن نفسى حاولت على قد ماقدر مفرقش بينهم حتى فى العقاب بيكون موحد عشان محدش منهم

يقول اشمعنى عملتى معايا كده وهو لأ خصوصا لو المشكلة بينهم هما الاتنين

لازم نعدل بين اولادنا عشانا احنا فى الاول وعشان يسود الحب بينه وبين اخواته مش الكراهية

[yasser moustafa]

ما جعلنى افكر بهذه لطريقة

هو اصرار ابنى الاكبر - 8.5

على انى احب اخيه الاصغر

4.5

لاننى ادلل الاصغير بشكل مبالغ فيه و هذه هى الحقيقة

اغابي

حالتى زى حالتك يا اغابى فى البيت بالضبط ... مع فارق سنة واحدة يعنى 7.5 و 3.5

وبصراحة دا اللى بيحصل وبندلع الصغير على حساب الكبير

الغريبة بقى ... انى انا نفسى كنت الأخ الأكبر فى اخواتى وفاهم كويس جدا الشعور اللى بيكون عند الأخ الأكبر، لدرجة انى كنت بكره كلمة "انت الكبير" اللى كنت بسمعها دائما عند حدوث اى مشكلة بينى وبين اخواتى. دائما انا الغلطان بدون سؤال طالما انا الكبير يبقى دائما انا العاقل وانا اللى يستحمل اخواته وكأنى حكيم زمانى

وكتير جدا بيصعب عليا ابنى الكبير لما بيحصل معاه بالضبط اللى كان بيحصلى - لأنى برده بغلطه واقوله انت الكبير مع انى متأكد ان الولد العفريت الصغير هو اللى غلطان

والنبى اللى عنده حل عملى يقولنا عليه - بس بلاش موضوع فكر واتحكم فى رد فعلك لأن دا نادرا لما بيحصل

[اغابي]

ما جعلنى افكر بهذه لطريقة

هو اصرار ابنى الاكبر - 8.5

على انى احب اخيه الاصغر

4.5

لاننى ادلل الاصغير بشكل مبالغ فيه و هذه هى الحقيقة

اغابي

حالتى زى حالتك يا اغابى فى البيت بالضبط ... مع فارق سنة واحدة يعنى 7.5 و 3.5

وبصراحة دا اللى بيحصل وبندلع الصغير على حساب الكبير

الغريبة بقى ... انى انا نفسى كنت الأخ الأكبر فى اخواتى وفاهم كويس جدا الشعور اللى بيكون عند الأخ الأكبر، لدرجة انى كنت بكره كلمة "انت الكبير" اللى كنت بسمعها دائما عند حدوث اى مشكلة بينى وبين اخواتى. دائما انا الغلطان بدون سؤال طالما انا الكبير يبقى دائما انا العاقل وانا اللى يستحمل اخواته وكأنى حكيم زمانى

وكتير جدا بيصعب عليا ابنى الكبير لما بيحصل معاه بالضبط اللى كان بيحصلى - لأنى برده بغلطه واقوله انت الكبير مع انى متأكد ان الولد العفريت الصغير هو اللى غلطان

والنبى اللى عنده حل عملى يقولنا عليه - بس بلاش موضوع فكر واتحكم فى رد فعلك لأن دا نادرا لما بيحصل

انا دلوقتى عرفت ان عندك نفس التفاصيل اللى عندى

- وعاوزين نطبق العلاج بشكل عملى

اصل ابنى الصغير داه حاجة كده دلع خالص

شعره جاى على عينه وخدودة مبقلوظة تتاكل اكل - وكمان شقاوتة حلوة وبيكسر فى الكلام

يعنى لغاية دلوقتى بيقول على انه جعان شبعان والعكس لو شبعان يقول كفاية انا جعان اوى

:lol: وكل الكلام ملخبط معاه ومعكوس ولا الانجليزي لما يجي يطلب

حاجة ويقول يا مامى - باااليززز - وله شوية حاجات انا من غير ما اقصد الاقى نفسي

عمالة اعض فيه واشقلبه واجرى وراه - وطبعا داه بيغيظ الكبير

وبلاقيه بيصيدنى واقف فى ركن من بعيد بيبص بطريقة يا خبر - مش ممكن

md2:

طيب الولد الكبير عامل فيها شاب كبير له نظام البس زى اصحابه

مثلا اثناء الماتشات الكورة يتفق مع اصحابه لبس تيشيرتات للاعبين كورة

وعامل قصة شعر معينه وجل ومعتبر ان قصة شعر اخوه دى بتاعة اطفال وبيحتقره جدا

هو كمان مش مديني فرصة ادلعه ومحسسنى انه بقى شاب

يبقى ليه زعلان انى بدلع اخوه

حقيقي انا احترت اوى معاهم لكن بيصعب عليا برضوه

خاصة لما يبدأ شغل السوسة من تحت لتحت ويغل على اخوه هنا انا باتضايق

كمان باباهم اكتر منى فى الدلع للصغير عنده طلبات الولد الصغير دى اوامر تتنفذ حتى لو غلط

- احنا عندنا الولد الصغير واكل الجوو فى كل مكان

اعمل ايه لسة المشكلة موجودة

اغابي

:roseop:

[اغابي]

عن نفسى حاولت على قد ماقدر مفرقش بينهم حتى فى العقاب بيكون موحد عشان محدش منهم

يقول اشمعنى عملتى معايا كده وهو لأ خصوصا لو المشكلة بينهم هما الاتنين

لازم نعدل بين اولادنا عشانا احنا فى الاول وعشان يسود الحب بينه وبين اخواته مش الكراهية

شوفى بقى المشكلة لو بينهم بتتحل لصالح الصغير كل مرة كدا

وكمان طريقة نرفزة الصغير ولما يتضايق اوى وهو بيشتكي ويدافع عن حقه

يديكى وابل من الكلمات الغلط واللى مش مفهومة فانا فى وسط الخناقة برغم ان المظلوم فيها الكبير

الاقيني بدافع عن الصغير وكمان احضنه وابوسه وادلعه واقوله

- ما تزعليش يا نونا يا حلوة - يا قلب المامى - يا سكر المامى

الاقى ابنى الكبير يقول

يا رخم المامى يا غلس المامى

:lol: :lol:

ربنا يهدك واستريح منك

ليه يارب اديتنى اخ انا مش عايزه مزهقنى اووووف

:lol: :lol:

وبكدا بابقى فرقت بينهم وابقى عارفة لكن مش قادرة اسيطر على نفسي واني حتى مرة واحدة انصف الكبير مش بايدي يا جماعة بجد

مش عارفة اتصرف ازاى

تم تعديل 18 أكتوبر 2010 بواسطة اغابي

[Howayda Ismail]

عن نفسى حاولت على قد ماقدر مفرقش بينهم حتى فى العقاب بيكون موحد عشان محدش منهم

يقول اشمعنى عملتى معايا كده وهو لأ خصوصا لو المشكلة بينهم هما الاتنين

لازم نعدل بين اولادنا عشانا احنا فى الاول وعشان يسود الحب بينه وبين اخواته مش الكراهية

شوفى بقى المشكلة لو بينهم بتتحل لصالح الصغير كل مرة كدا

وكمان طريقة نرفزة الصغير ولما يتضايق اوى وهو بيشتكي ويدافع عن حقه

يديكى وابل من الكلمات الغلط واللى مش مفهومة فانا فى وسط الخناقة برغم ان المظلوم فيها الكبير

الاقيني بدافع عن الصغير وكمان احضنه وابوسه وادلعه واقوله

- ما تزعليش يا نونا يا حلوة - يا قلب المامى - يا سكر المامى

الاقى ابنى الكبير يقول

يا رخم المامى يا غلس المامى

:lol: :lol:

ربنا يهدك واستريح منك

ليه يارب اديتنى اخ انا مش عايزه مزهقنى اووووف

:lol: :lol:

وبكدا بابقى فرقت بينهم وابقى عارفة لكن مش قادرة اسيطر على نفسي واني حتى مرة واحدة انصف الكبير مش بايدي يا جماعة بجد

مش عارفة اتصرف ازاى

اقول لك على حاجة ومتزعليش منى ممكن يكون ابنك الكبير بيكرهك من جواه

لانه فاكر دلوقتى انك مش بتحبيه حتى لو مش بيعبر عن كده دلوقت صدقينى مع اول فرصة

حتلاقى بركان انفجر بقائمة اتهامات انكم عملتم وعملتم وممكن يخرج عن طوعك بعد كده

لان المشكلة دى شفتها مع واحدة صحبتى وكنت باحذرها وكان ابنها ده بيصعب على لما

كانوا يضحكوا للصغير الغلطان فى حين الكبير منزوى بيعيط بعد تهزأيهم ليه

دلوقت هى وابوه اللى بيشتكوا ان ابنهم قاسى عليهم وحاسين انه بيكرهم

الحقى نفسك دلوقت وصلحى قبل ماتندمى وتكونى انت ظلمتيه مرتين لما بحابى اخوه عليه

ومرة اخرى انه يعصاك

لو كفأتى كفئى الاتنين مع بعض وبرضه لو عاقبتى عاقبى الاتنين مع بعض وخصوصا الغلطان

فى حاجة عاوزة اقلك عليها الولد لما حد يضحك له على كل اللى بيقوله حتى لو غلط

بياخد الكلام ده مسلم به بعد كده ويعتبر نفسه صح بدليل ضحكم وتشيجعكم له يعنى

هو مش غلطان وماينفعش بعد كده تضربيه او تزعقيله على نفس الشئ لما يكبر مش حيصدقك

فى كتب ارشادية عن التربية الصحيحة و كيقية التصرف فى الحالات دى استعينى بها

لو حابة ارشح لك اسماء بعض الكتب موجودة عندى واستفدت منها بس مش عارفة متوفرة عندكم ولا لأ

وممكن اكتب لكم مواضيع من الكتاب عن تربية الاطفال

امانة عليك ارحمى الولد الكبير حتى لو ضحكتى غصب عنك حاولى تخبى ضحكتك عن الاتنين

ده عشانك انت فى الاول والاخر وعشان علاقة الاتنين ببعض تتحسن لانى باحس العيل المدلع

ده بيبقى سوسة وممروع رغم صغر سنه بيوقع الكبير فى شر اعماله ويظهر انه ضحية

ماقصدش ابنك عشان انا عارفة دماغك بس ده عموم الاطفال بيعملوه

انا ربيت نفسى من جديد مع ولادى اتغيرت كتير عما كنت صغيرة والحمد لله اقدرت اكسبهم

عكس جوزى خالص شديد معاهم ماهو ماينفعش احنا الاتنين كده وعيالنا يدورا على الحنية برة

محتاجين اللى يكلمهم ويفضفضوا معاه ويستشيروه احسن مايلجأوا لزمايلهم اللى فى نفس خبرتهم ويمكن

اقل

اعذرينى انى طولت عليك بس فعلا بازعل اوى لما الاهل تبدى بعقوق اولادهم فى الصغر

وبعد كده لما يحتاجوهم فى كبرهم يشتكوا عقوق ولادهم وينسوا هم عملوا فيهم ايه وهم صغيرين

حتى من بداية اختيار امه او اسمه او تفريق فى المعاملة بينه وبين اخواته

[اغابي]

با هند انت خوفتيني اوى كدا

هو مش لدرجة الكراهية الاطفال قلبها ابيض ما يكرهوش اوى

خلاص اقولك هما جايين فى الطريق من عند الدرس الخصوصي

ولازم اول ما بيدخلوا من باب البيت يبتدو يشتكو الاتنين من بعض

يمكن فى خلال ربع ساعة يوصلوا من بره خليني اطيق الحل داه وانى نهارده انصف الكبير

بس مش عارفة حاقدر اسيطر على حالى - خليني اشوف وانزلكم بالنتيجة العملية

فاصل

[Howayda Ismail]

با هند انت خوفتيني اوى كدا

هو مش لدرجة الكراهية الاطفال قلبها ابيض ما يكرهوش اوى

خلاص اقولك هما جايين فى الطريق من عند الدرس الخصوصي

ولازم اول ما بيدخلوا من باب البيت يبتدو يشتكو الاتنين من بعض

يمكن فى خلال ربع ساعة يوصلوا من بره خليني اطيق الحل داه وانى نهارده انصف الكبير

بس مش عارفة حاقدر اسيطر على حالى - خليني اشوف وانزلكم بالنتيجة العملية

فاصل

متهونيش الموضوع لانه فعلا مهم وخطير وكمان متنصفيش حد فيهم مجاملة

حاولى تقربي بينهم وابعدى نفسك عن مشاكلهم حتى لو تتجاهلى شكوى الصغير

حيعرف محدش سنده ويضطر غصب عنه يتعامل مع اخوه كويس على اساس انه الاقوى لانه الاكبر

ويارب يجيب نتيجة انشفى شوية يا سكينة محدش بيربى بالساهل

[pink rose]

بصراحة الموضوع دا خنيق جدا

مش موضوع اغابي لا موضوع تدليل الصغير على حساب الكبير

كنت باعاني منه لاني كبيرة اخواتي

و كانت اختي الاصغر مني على طول و هي صغيرة قمة الدلع و الخنقة

تغلط انا اللي اشيل الليلة

توقع انا اللي اتهزأ عشان دي اختي الصغيرة و انا الكبيرة المفروض اخلي بالي منها

كأني خلفتها و نسيتها

بس الحق يقال مش ماما اللي كانت بتعمل كده

بابا هو اللي كرهني في اختي دي من دلعه فيها و انصافه ليها في الكبيرة و الصغيرة

اقولكم الحق كنت باكرهها لحد ما بقيت انا في اعدادية و هي في ابتدائية

فترة كبيرة مش صغيرة يعني

بس جاتلي فرصه عمري بقى لما نزلنا مصر و بابا فضل في الامارات عيشت دور

المفترية ع العيال اخواتي كلهم

كنت باعوض اللي حصل طول الفترة اللي فاتت و بقيت الاخت القوية المفترية

و بعدين بقى ربنا تاب عليا من الشر و الاجرام اللي كنت فيه و اتحسنت علاقتنا ببعض و بقينا اسرة مع بعضينا -_-

فا ناوية ان ربنا اكرمني باخ او اخت لمريم ما اعملش كده ابدا فيها

بس عموما هايكون السن بينهم مش قريب مريومة اهي ما شاء الله 5 سنين و الله اعلم ربنا هايكرمنا ببيبي تاني امتى فا اظن فرق السن الكبير بين الاطفال بيقلل الحزازيات

تم تعديل 18 أكتوبر 2010 بواسطة remo

[Howayda Ismail]

بصراحة الموضوع دا خنيق جدا

مش موضوع اغابي لا موضوع تدليل الصغير على حساب الكبير

كنت باعاني منه لاني كبيرة اخواتي

و كانت اختي الاصغر مني على طول و هي صغيرة قمة الدلع و الخنقة

تغلط انا اللي اشيل الليلة

توقع انا اللي اتهزأ عشان دي اختي الصغيرة و انا الكبيرة المفروض اخلي بالي منها

كأني خلفتها و نسيتها

بس الحق يقال مش ماما اللي كانت بتعمل كده

بابا هو اللي كرهني في اختي دي من دلعه فيها و انصافه ليها في الكبيرة و الصغيرة

اقولكم الحق كنت باكرهها لحد ما بقيت انا في اعدادية و هي في ابتدائية

فترة كبيرة مش صغيرة يعني

بس جاتلي فرصه عمري بقى لما نزلنا مصر و بابا فضل في الامارات عيشت دور

المفترية ع العيال اخواتي كلهم

كنت باعوض اللي حصل طول الفترة اللي فاتت و بقيت الاخت القوية المفترية

و بعدين بقى ربنا تاب عليا من الشر و الاجرام اللي كنت فيه و اتحسنت علاقتنا ببعض و بقينا اسرة مع بعضينا -_-

فا ناوية ان ربنا اكرمني باخ او اخت لمريم ما اعملش كده ابدا فيها

بس عموما هايكون السن بينهم مش قريب مريومة اهي ما شاء الله 5 سنين و الله اعلم ربنا هايكرمنا ببيبي تاني امتى فا اظن فرق السن الكبير بين الاطفال بيقلل الحزازيات

عارفة ياريمو اللى بيوظ العلاقة بين الاخوات الاهل نفسهم لكن لو يدخلوا بالعدل

او مايدخلوش خالص حيعرفوا يتعاملوا مع بعض مرة ده يكسب مر ة يخسر وتمشى

لكن لما يحابوا واحد على حساب واحد بيتمادى وتكبر فيه حتة الانانية يعرف ياخد بس

عمره ماحيعرف يدى لانها بتبتدى ادى الحاجة لخوك هو لسة صغير وكل حاجة كدا

لحد مايكبر يفتكر اخوه نفسه من ممتلكاته ومش حيشبع حتى لما يتجوز بيظلم

اللى اتجوزها لان فاقد الشئ لايعطيه اتربى على الاخد بس مايعرفش يدى

[Om Zayd]

السلام عليكم و رحمة الله و بركاته

الموضوع ده عاملة له ألف حساب من الآن

العدل عموما بين الاولاد مهم جدا و محتاج ميزان حساس

الكبير ممكن يتدلع او ياخد مميزات أكثر مش بس الصغير

ازاي نوصلهم اننا بنحبهم قد بعض بس يمكن مش زي بعض

النقطة اللي مهمة جدا اننا نخليهم يطلعوا قريبين من بعض .. سند لبعض .. مش نبقى احنا الرابط الوجيد بينهم

شفت برنامج بيعالج الموضوع ده عن طريق انهم يلعبوا مع بعض ألعاب نكون معتمدة على تعاونهم و تنسيقهم مع بعض

على جنب ..فين آيات .. عايزة أسمع رأيها

[اغابي]

ام زياد وريمو ونايت مار

شكرا لمتابعتكم وتقديم النصيحة - الموضوع داه حيشوفوه عدد كبير من زوار المنتدى

حتى وان كانو مش اعضاء - علشان كدا اى نصيحة فيه بتفيد الكثيرين وليست انا وحدى وخاصة موضوعات الطفل والاسرة

هــنـد الغالية

شوفى اللى حصل انا امبارح رجعولى من الدرس الخصوصى بمشكلة زى كل يوم وانا عارفة كدا

وفعلا نصفت الابن الكبير ودى اول مرة تحصل بصراحة من وقت بعيد اوى

- بصراحة لو قولتلكم رده فعله مش حتصدقو - الولد فرح جدا وباسنى وقالى شكرا يا مامى

احنا اصحاب اوى - يس - يس

وكان فرحان جدا

وعمل معايا كف شبابي شقى كدا

اما الصغير كانت صدمه ليه لانه فضل يبكى ويصرخ بشكل هيسترى مستفذ ورمى نفسه على الارض وهو متعصب جدا

ويقولي لا يا مامى انا نونا حلو انا مش وحش - وانا اقوله لا انت وحش

انت كل مرة بتبقى نونا وحش وبنستحملك وندلعك لكن كدا كفاية - بس بيني وبينكم صعب عليا اوى كنت بتقطع من جوايا

على فكرة الولد الكبير طبطب على اخوة ودى اول ايجابيات الموقف - انه فضل يواسيه ويحضنه

وحسيت بجد يا هند ان الموقف داه اتاخر كتير اوى وكان المفروض انى اعمل كدا من زمان جدا

وحسيت انك يا هند موجودة معايا بتشوفى انا باتصرف ازاى وبتقوليلي برافوو

احيانا الاب والام بيحتاجو المشورة برضوه لان فى حاجات بتقابلنا وبتبقى جديدة علينا وعلشان انا فى الغربة

فمش حينفع التلفون كل شويه اتصل بماما واسالها

لكن انا وجوزى فعلا اوقات كتير بنحتاج كمان لحد كبير معانا اب او ام او اخ كبير

كتير بيقابلنا حاجات وامور مش بنعرف نتصرف فيها وبنحتاج حد حكيم وله تجارب اكتر مننا

فى مواقف الاب والام بيبقوا فيها زى الاطفال ومحتاجين اللى ينصفهم ويشجعهم

تحياتى

اغابي

تم تعديل 19 أكتوبر 2010 بواسطة اغابي

[Howayda Ismail]

ام زياد وريمو ونايت مار

شكرا لمتابعتكم وتقديم النصيحة - الموضوع داه حيشوفوه عدد كبير من زوار المنتدى

حتى وان كانو مش اعضاء - علشان كدا اى نصيحة فيه بتفيد الكثيرين وليست انا وحدى وخاصة موضوعات الطفل والاسرة

هــنـد الغالية

شوفى اللى حصل انا امبارح رجعولى من الدرس الخصوصى بمشكلة زى كل يوم وانا عارفة كدا

وفعلا نصفت الابن الكبير ودى اول مرة تحصل بصراحة من وقت بعيد اوى

- بصراحة لو قولتلكم رده فعله مش حتصدقو - الولد فرح جدا وباسنى وقالى شكرا يا مامى

احنا اصحاب اوى - يس - يس

وكان فرحان جدا

وعمل معايا كف شبابي شقى كدا

اما الصغير كانت صدمه ليه لانه فضل يبكى ويصرخ بشكل هيسترى مستفذ ورمى نفسه على الارض وهو متعصب جدا

ويقولي لا يا مامى انا نونا حلو انا مش وحش - وانا اقوله لا انت وحش

انت كل مرة بتبقى نونا وحش وبنستحملك وندلعك لكن كدا كفاية - بس بيني وبينكم صعب عليا اوى كنت بتقطع من جوايا

على فكرة الولد الكبير طبطب على اخوة ودى اول ايجابيات الموقف - انه فضل يواسيه ويحضنه

وحسيت بجد يا هند ان الموقف داه اتاخر كتير اوى وكان المفروض انى اعمل كدا من زمان جدا

وحسيت انك يا هند موجودة معايا بتشوفى انا باتصرف ازاى وبتقوليلي برافوو

احيانا الاب والام بيحتاجو المشورة برضوه لان فى حاجات بتقابلنا وبتبقى جديدة علينا وعلشان انا فى الغربة

فمش حينفع التلفون كل شويه اتصل بماما واسالها

لكن انا وجوزى فعلا اوقات كتير بنحتاج كمان لحد كبير معانا اب او ام او اخ كبير

كتير بيقابلنا حاجات وامور مش بنعرف نتصرف فيها وبنحتاج حد حكيم وله تجارب اكتر مننا

فى مواقف الاب والام بيبقوا فيها زى الاطفال ومحتاجين اللى ينصفهم ويشجعهم

تحياتى

اغابي

الحمدلله انك اخيرا قدرتى تأخدى موقف ورغم ان ده اتأخر شوية بس اديك شوفتى النتيجة

كويسة قد ايه وربنا يهدى عيالنا جميعا

خلى بالك ابنك الصغير ده اونطجى وممثل كبير وكويس انك عرفتيه انك فهمتى حركاته اللى

بيعملها مع اخوه سبيهم يتعاملوا مع بعض من غيرك وراقبى من بعيد

[Ahmed Anwer]

الصراحة أنا مختلف معاكم ،،

اللي شايفه في أولادي و أولاد أخواتي

أن الأخ الصغير هوا اللي بيغير من الأخ الأكبر

و بيقلده في كل حاجة

و دي نعمة ،، الحمد لله عليها

لأن الناس كانت بتخوفني كده زي ما بتقولوا

الأخ الأكبر هيغير من الطفل الجديد

لأ و بالغوا ده ممكن ياذيه

المشكلة فعلا إنه بيقلده في كل حاجة و عايز يبقي زيه في كل حاجة

لو جبناله حاجة لازم الصغير يشبت و نجيبله زيها

رغم إن فرق السن بيخلي ده ليه متطلبات و ده ليه متطلبات

ده عايز كتب مدرسة زيه !!!!

[عبير يونس]

مش ممكن

الموضوع ده كان فين مستخبي؟؟

ده جاي ع الجرح تمام

انا بقى ما شاء الله ولادي 3 صبيان و 3 بنوتات

خلينا هنا في الصبيان

لأن ابني الكبير ولد

و بعديه بنوتتين و بعدين ولدين

بس في الخناقات

طبعا الكبير باصص للولد اللي بعده رغم وجود البنتين في النص :blink:

الولد اللي بعده 5.5 سنوات بقى حبيب باباه بشكل غير طبيعي

وبيعتبره بينا كلنا الحقيقة

و الولد الأصغر 4 سنوات

ده حبيبي انا شخصيا

بس مش بأبين ده

بس فعلا أي ظلم ليه بيوجع قلبي اوي

الكبير طبعا اول فرحتي

بس شال الحمل بدري معانا

و بيتعامل بالمللي زي ما قلتي

انت الكبير

لما طهقت انا شخصيا

انا كنت آخر العنقود فحاسة كويس اوي بنتيجة الكلام ده

من الانتقام اللي كان بيحصل لي من اخواتي الكبار

لما بابا و ماما ينصفوني عليهم

ماكانوش يعرفوا قد ايه بأتألم من ان احس ان اخواتي بيكرهوني

عمري ما حأنسى مرة و كانوا بيهزروا بس وجعتني اوي

كنت حوالي 10 سنوات

و كنا في مصر كلنا

و اخواتي الفروق بيني و بينهم كبيرة

اختي كانت 27 و اخ 24 و اخ 19

و كان في قبل عيد الأم مسابقة الأم المثالية

و كان من شروط المسابقة يكون عندها 3 أولاد

راحوا قالوا خلاص نموت مصرية و نقدم لماما في المسابقة

يعني كان لازم ماما تخلفها

ما احنا كنا كفاية

الكلام هزار

بس واجعني لأنه بيمثل معاملتهم ليا باستمرار

تخيلوا لما كنت باأنام

كان أخويا الكبير

يقول

الفتنة نائمة لعن الله من أيقظها

ههههههههههههههههه

مع اني مكنتش مشاغبة خالص والله

بس كانوا حاسين انا بابا بالتحديد بيفضلني عنهم

عشان كنت مطيعة جدا

و عمري ما أعترضت و لا تمردت

عشان كده الصغير ده قلبي من جوة

و بأحمد ربنا ان باباه مش ناصفه على اخواته عشان ما يؤذهوش4

نيجي بقى للمنصوف دائما و أبدا حتى على الأصغر منه

هو غلبان بجد

بس واد نكد

بيعشق العياط زي عنيه

و مطلع عيني في الأكل و ضعيف و بالبلا

و ما رضعش طبيعي دون عن اخواته الا اول 4 شهور و بس

انا بقى مباحاولش اتدخل اوي

لأن زي ما حضراتكم عارفين قاضي العيال اشتكى روحه

بس بصراحة كلهم عندي في التعامل سواسية

يعني و لله الحمد

ما بأنصفش غير اللي معاه الحق

و حتى الصغير لو غلط بقوله انت غلطان

حتى لما آجي اوزع عليهم حاجة بالعدل

بس في العقاب

لاأؤمن بالعقاب الجماعي نهائيا

اللي غلط بس هو اللي يتعاقب

و العقوبات تتدرج

يعني الأول انذار و بعدين حذف

يوووووه

لا قصدي يعني انهره

أزعق له

ابهدله

و الضرب ده آخر حاجة و في المصايب بس

و الباقي بعدين

عشان بيتخانقوا

ههههههههههههه