قرار هام لأصحاب مهنة " مهندس " بالسعودية

[se_ Elsyed]

أنا أستغربت من القرار ده .. وشامم ريحه مش مريحه ونيه مش عارف إيه هي

اهو التعميم زي ما وصلني بالظبط

بالنسبه لمهنة مهندس إعتباراً من اليوم وحسب بلاغ الجوازات لن يتم تجديد الإقامه لهذه المهنه

إلا بإحضار بطاقة العضويه للمهن .

وعلى كل موظف بهذه المهنه مراجعة لجنة المهن في وزارة التجاره بنفسه مصطحباً إقامته الاصل وصورة جوازه وأساس مؤهلاته

لهذه المهنه حتى يحدد له موعد الإختبار المقرر لنيل هذه العضويه ويمنح بطاقه عضوية المهندسين السعوديه ثم يتم التجديد

لإقامته .

برجاء تعميمه عاجلاً لأنه لن يتم التجديد لأي مهندس بدون بطاقة عضويه المهندسين السعوديه .

[shabana]

طيب والناس اللى هتطلع اقامه جديده لسه جايين

[se_ Elsyed]

ما هي واضحة

لازم يقدم شهاداته اللي فيها مؤهل هندسي .... ولازم يجتاز الإختبار عشان يستخرج الإقامة ...

دي هاتبقى معجنه

لسببين أو تلاته

1- ناس من زمان مهنتهم مهندس وهو ممكن يكون معاه دبلوم ... ده كده بالسلامه قوي ..

2- ناس مهنتهم مهنسد وشهادته كذلك .. لكن لا علاقة لعمله وخبرته بمؤهله وممكن يكون ذو منصب كبير إداري الأن ...معني كده أجيبه أمتحنه في حاجات كان عارفها من 40 سنة وبالتأكيد هو مش فاكر اكل إيه أمبارح ؟

3- الشركات اللي عندها إلتزامات وعمل هام و و و و و ... ومهندسيها لم تُجدد إقامتهم ... كده خلاص يفلسوا ؟ طب فين المُهله اللي بيعطوها للناس طب فين التحذير من بدري

وهل ستكون مهنة الهندسة هي بداية الطريق ؟ وهل سيكون هناك إحلال وتوفير لأصحاب المهن دي اللي هايترحلوا بالالاف ؟ وهل يكون هناك متسع لأستقبال الاف مؤلفه نمن البشر رايح يقدم ورقه ومنتظر لجنة الإمتحان ؟

[herohero]

يعني من راي حضرتك ياسي السيد هينوا ع ايه يعني ما اظنش انها هتفرق معاهم 

بصراحه انا مؤيد لكده بيني وبينك انا اعرف ناس مهنتها مهندس وهو معاه شهادة تانيه خالص مالهاش دعوة بالهندسة 

بالعكس السوق يتنظم شوية اونت عارف فيه اكاديميات ف مصر تحت السلم او شقتين واتفتحوا ع بعض ويقولك مهندس انا بصراحه مع القرار وخلي السوق يتعاد تنظيمه بدل الورشة والمدرسة اللي موجوده ده كله بيجي يتعلم 

[raouf]

انا ارى انه قرار عادى وصائب

نفس القرار مطبق على الصيادلة والاطباء وهو من اساسيات استخراج الاقامة من زمان

هو الشىء الخطأ فى رايى هو تطبيقه عى الموجودين وخاصة من كبار السن

كان يجب تطبيقه على القادمين الجدد

وبصراحة هو قرار جيد بس على الله يرحمنا من الاغبياء والمزورين البنغاليين والهنود

تم تعديل 18 أكتوبر 2010 بواسطة raouf

[م تيمور المراغي]

رأي انها في صالح المهندسين الحقيقيين ,, وحترفع رواتبهم بدرجه كبيره ان شاء الله

بعدين حيمتحنونا احنا ههههه ,, اي مهندس مصري بصباع رجله الصغير يعدي امتحاناتهم دي :happy:

ان شاء الله ,,,

[ozoozo]

انا ما عتقدش الامتحان هايكون صعب ولا حاجه<BR><BR>هايبقي شبه التخصصات الطبيه نظام امريكاني وهاتبقي اسألته معروفه <BR><BR>الخوف بقي في التصنيف انهم ينسوا تخصص معين من التصنيف <BR><BR>والخوف التاني انه زمان كان ممكن مهندس الكترونيات يكتبوله مهندس كهرباء في الاقامه وتدخلوا في دوخيني يالمونه عشان تغير المهنه من كهرباء الي الكترونيات <BR><BR>بس السؤال هما بيعملوا كده ليه؟

[doha]

عادي جدا هيبقى زيها زي مهنة الاطباء الي لازم يكون معاهم ترخيص الهيئة الطبية والي بيدخلوا امتحان عارفين اسئلته الي بتتكرر هي نفسها كل سنة والي مش حافظها سهل اوي يجيبها من على النت ..

اجمل مافي هذه القرارات انها على الكل مقيمين ومواطنين .. وبما ان في نسبه كبيرة منهم معندهاش استعداد تذاكر من اساسه فهتلاقي الاسئلة بحلولها متوافرة في كل مكان ..

هي بس عيبها رسوم الاشتراك الي هتبقى عبء اضافي على الي جاي وخلاص ..

[المهندسه]

انا حاسه انه قرار مضبوط والمفروض كان يبقى من زمان ...واعتقد ان الامتحانات ما تخوفش خالص لان هنا دراستهم للهندسه سطحيه تماما

واى مهندس مصرى (بشرط ممارسته للمهنه )قادر على اجتياز الامتحان بسهوله

وحترفع رواتبهم بدرجه كبيره ان شاء الله

اما عن النقطه دى بالذات يا architect ما اعتقدش خاالص حتى لو كل المهندسين مشيوا ومابقاش غير عدد محدود برضه الرواتب زى ما هى

عارف ليه...لان الحدايه ما بتحدفش كتاكيت.

[م تيمور المراغي]

هههههه ,, حلوه يا مهندسه رغم يقيني ان الكتاكيت لو اتحدت يهزموا كل الحدأات

[خالد شحاته]

انتم بتكلمو في ايه الموضوع ده هينطبق علي المؤسسات النظاميه والشركات فقط انما للاسف فتحو اسباب اخري للعب في الجوازات اي موظف يطلع الاقامه عادي جدااا وان كان بيندفع عليها 100 ريال الان انا مش معي مؤهل ولا فاهم شي في عملي ادفع الف ريال واجدد نفس نظام التامين الطبي لما قالو بالسن والان المندوبين الا في التامين بيدخلو سن وهمي للاسف غلشان تكون اقل التكليف نفس كمان موضوع رخصه العمل الاور الرخصه كان ريال فقط الان بي 100 في السنه و200في سنتين ولكن للاسف ناس كتير جداااا في الجوازات بتجدد الاقامه وتخد تمن رخصه العمل في جيوبها نفس الكلام في بلاغ الهروب بلاغ هرب كدا خلاص مفيش دخول المملكه مره واخري لان البلاغ مش بيترفع انما للاسف البلاغ بيترفع بمبلغ عشرة الف ريال واكتر ممكن يوصل الي 12000 الف ريال نكمل ولا وبلاش نكمل

تم تعديل 19 أكتوبر 2010 بواسطة خالد شحاته

[se_ Elsyed]

إلى الاخوة المهتمين بالموضوع

ده النموذج الرسمي اللي لازم تعبيه وتتقدم به إلى وزارة التجارة

PDA

[doha]

إلى الاخوة المهتمين بالموضوع

ده النموذج الرسمي اللي لازم تعبيه وتتقدم به إلى وزارة التجارة

PDA

تستحق تقييمين ايجابيين مش بس واحد ياسين سين ..

اولا لانك جبت خبر جديد ومهم وثانيا لانك لم تكتفي بابداء تعليقك ورايك وخلاص زي ماغالبيتنا عمل وانما كنت اكثر ايجابية وجبت نموذج كمان يحتاجه من يهمه الخبر ..

اهو ده السلوك الي يفترض ان المنتديات اتعملت عشانه ..

[م تيمور المراغي]

تسلم ايديك سيد بك ,,

[se_ Elsyed]

اهو ده السلوك الي يفترض ان المنتديات اتعملت عشانه ..

ميرسي

يعني أنفع مشرف يا ابله ؟

قصدي يعني تفتكري إدارة المحاورات هاتكافئني وتعييني إن شالله مشرف شباك مش باب حتى ؟

[Mohamed Badry]

كدا لوز اوى يا سى السيد

طب حد عنده فكره عن الامتحانات هتبقى ازاى

عشان الواحد يروح يذاكر من دلوقتى

دى الاقامة هتنتهى بعد 4 شهور

[MrPower]

الموضوع آخد اكبر من حجمه

الشركات المحترمة اللي ليها علاقات وزعت النموذج علي جميع المهندسين وفهمتهم اللي مطلوب يعبأ فقط

والنموذج ده موجود في الهيئة العامة للمهندسين السعوديين وانا عبيته وتم اصدار العضوية وبدون ايه امتحانات

الموضوع كله فلوس

[م تيمور المراغي]

الموضوع آخد اكبر من حجمه

الشركات المحترمة اللي ليها علاقات وزعت النموذج علي جميع المهندسين وفهمتهم اللي مطلوب يعبأ فقط

والنموذج ده موجود في الهيئة العامة للمهندسين السعوديين وانا عبيته وتم اصدار العضوية وبدون ايه امتحانات

الموضوع كله فلوس

تسلم يا هندسة على الخبر الجميل

[المهندسه]

الموضوع آخد اكبر من حجمه

الشركات المحترمة اللي ليها علاقات وزعت النموذج علي جميع المهندسين وفهمتهم اللي مطلوب يعبأ فقط

والنموذج ده موجود في الهيئة العامة للمهندسين السعوديين وانا عبيته وتم اصدار العضوية وبدون ايه امتحانات

الموضوع كله فلوس

بس الامتحان فعلا موجود فى شركات كتير ...ليا جار هنا راح يمتحن وللاسف سقط وقال ان الامتحانات صعبه جدااا غير ماكان متوقع؟؟؟!!!!!

غريبه جداا مش عارفه العيب فين فى الامتحان ولا فيه هو نفسه و لا فى شركته؟؟

[خالد شحاته]

علي فكره في ناس كتيره جدااااا جدد الاقامات بدون اختبارات ولا شي بس اهم شي حرف الوووووو له دور كبير جداااااااا