اخترت دينك؟

[Om Zayd]

مغتربة .. فكرتيني لما قريت كتب مصطفى محمود وو أنا في ابتدائي

سألت ماما .. معقولة في حد ميعرفش او مش مصدق ان في ربنا؟؟؟؟

ابتديت أقرأ اكتر و أسأل أكثر عن معنى كل حاجة

حتى جيراننا المسيحيين اللي حكيت عليهم قبل كده كنت بسألهم

تصدقوا بعد ما شفت الناس اللي بتدخل في الإسلام عن يقين و اقتناع كنت بحس اني لازم أجدد إيماني

عشان لما أقول أشهد ألاّ إله إلاّ الله و أشهد أن محمدا رسول الله متبقاش مجرد جملة أقولها و خلاس

[Om Zayd]

متهيالي االتوبيك ده مقصود بيه اكثر مناقشة هل اخترت ايمانك بوجود الله سبحانه وتعالى ام لم تختر ,,

لان في اعتقادي الشخصي ان هيا دي القضيه ,, الله موجود ام حاشاه غير موجود ,, اما الفوارق بين الاديان السماويه فهي ابسط ولا تساوي قوة الحيره والشك بوجود الخالق سبحانه وتعالى او اليقين

قال عز وجل في محكم كتابه

مَنْ يَهْدِ اللهُ فَلاَ مُضِلَّ لَه وَمَنْ يُضْلِلْ فَلاَ هَادِيَ لَه

صدق الله العظيم

يعني الامر لله من قبل ومن بعد وحده ,,

طبعا الأمر كله بيد الله .. لكن هل منعك أن تعمل عقلك؟ هل أجبرك على اتجاه معين؟ أم ترك لك الاختيار؟

هل يكفي أن تؤمن بوجود الله فقط؟ أم لا بد أن نعبده كنا أمرنا و نتبع منهجه الذي أنزل؟

لا يعقل أن يخلقنا الله سبحانه و تعالى ثم يتركنا دون منهج و إرشاد

آمَنَ الرَّسُولُ بِمَا أُنزِلَ إِلَيْهِ مِن رَّبِّهِ وَالْمُؤْمِنُونَ ۚ كُلٌّ آمَنَ بِاللَّـهِ وَمَلَائِكَتِهِ وَكُتُبِهِ وَرُسُلِهِ لَا نُفَرِّقُ بَيْنَ أَحَدٍ مِّن رُّسُلِهِ ۚ وَقَالُوا سَمِعْنَا وَأَطَعْنَا ۖ غُفْرَانَكَ رَبَّنَا وَإِلَيْكَ الْمَصِيرُ ﴿285﴾ لَا يُكَلِّفُ اللَّـهُ نَفْسًا إِلَّا وُسْعَهَا ۚ لَهَا مَا كَسَبَتْ وَعَلَيْهَا مَا اكْتَسَبَتْ ۗ رَبَّنَا لَا تُؤَاخِذْنَا إِن نَّسِينَا أَوْ أَخْطَأْنَا ۚ رَبَّنَا وَلَا تَحْمِلْ عَلَيْنَا إِصْرًا كَمَا حَمَلْتَهُ عَلَى الَّذِينَ مِن قَبْلِنَا ۚ رَبَّنَا وَلَا تُحَمِّلْنَا مَا لَا طَاقَةَ لَنَا بِهِ ۖ وَاعْفُ عَنَّا وَاغْفِرْ لَنَا وَارْحَمْنَا ۚ أَنتَ مَوْلَانَا فَانصُرْنَا عَلَى الْقَوْمِ الْكَافِرِينَ ﴿286﴾ سورة البقرة

[جويرية]

افضل ايمان هوه ايمان الفطرة

اللي عايز يشك في الدين و يوصل لليقين لازم يكون مؤهل و عنده العلم المناسب اللي يوصله لبر الأمان ، اما واحد يقعد يقول انا جيت منين و انا رايح فين ، و طريقك مسدود مسدود

ده حيتوه و حيدخل مستشفي العباسية

زي ما كانا في اولي ثانوي و عندنا 16 سنة ، و درسولنا (انا اشك اذن انا دبوس قصدي موجود ، دي بتاعتة ديكارت

طيب و اللهي طالب عنده 16 سنة يشك في دينه حيعرف يوصل لأيه

ولا حاجة اهي حاجة تقلب الدماغ و خلاص

[عادل أبو عمر]

رضيت بالله رباً وبالإسلام ديناً وبسيدنا محمد صلى الله عليه و سلم نبياً ورسولاً

[أبو محمد]

تم حذف جزء من مداخلة الفاضل nightmare الأخيرة لاحتوائها على طعن بالتحريف فى عقائد الغير ..

1. الإلتزام بتعاليم الأديان السماوية وذلك بعدم الكتابة أو التلميح بما يمس أو يسيء بصورة مباشرة أو غير مباشرة للديانات السماوية الثلاثة أو وصف الطوائف أو المذاهب أو الأفراد المختلفة بالكفر أو النفاق أو ما يسيء الي الكتب المقدسة و الأنبياء و الرسل .. والالتزام - عند مناقشة التاريخ أو التفاسير أو الفقه الدينى - باحترام وتوقير الأئمة من أهل البيت و الصحابة و أمهات المؤمنين والشخصيات الدينية الأخرى ، وعدم استخدام الألفاظ البذيئة أو الرديئة أو أساليب الاستهانة أو السخرية التي لا تقبلها الأخلاق الدينية والتى تتنافى مع التقاليد العامة .

الإيمان بتحريف أو عدم صحة عقيدة "الغير" شئ ، والإساءة إلى ذلك "الغير" فى عقيدته شئ آخر .. فهذا "الغير" - بدوره - يؤمن بتحريف أو عدم صحة عقائد "الآخرين" ..

نار الإساءة إلى العقيدة - وللأسف من صاحب مستوى دينى رفيع - لم تنطفئ بعد ياسادة .. فنرجو ألا تزيدوها اشتعالا

ولنتذكر المبدأ :

حرية الرأى والعقيدة حرية مطلقة ومكفولة فى "محاورات المصريين" .. ولكن .. حرية "التعبير" عن الرأى والعقيدة "ليست" حرية مطلقة .. بل يحددها إطار اتفقنا عليه جميعا بقبولنا "قواعد المشاركة فى محاورات المصريين"

شكرا لكم وعلى الأخص للفاضل nightmare على تفهمكم

الإدارة

أخي أبو محمد , انا في قمة الأسف , واعتذر وبشدة , فلم ادري ابداً ان ماكتبت هو طنعاً في عقائد أحد , واعتذر مرة اخري فأنا أحترم كل الناس وأقدر كل الناس واعتز بهم , واحترم كافة العقائد والشرائع السماوية, واكرر اسفي ان كان ما كتبت قد اساء لأحد أو تسبب في مضايقته , فما كتبت كان بحسن نية ولم أقصده على الإطلاق.

تقبل تحياتي واسفي

أخى الفاضل nightmare

الحمد لله أننى كنت على حق عندما شكرتك "مقدما" باسم الإدارة

:roseop:

[أبو محمد]

ليه ما سمعناش من المسيحيين (باستثناء أغابي اللي اعطت تقييم سلبي و لم تفسر) .. هل في المسيحية الإنسان مجبر؟

بصراحة يا مصراوية

برغم اخذت عهد على نفسي بالا اشارك فى مثل هذه الموضوعات قبل الغاء النقاط الحمراء او ايقافها

ولكنى اشكرك لانك سمحتى لى التحدث فى هذا الامر لانه مهم للغاية

فى راى حتى لو ساويرس قال ما قاله انا اعترض تمام معه حتى وان كان من باب الدبلوماسية

الانسان فى المسيحية - مخير وليس مصير - ولنا ايه فى الكتاب المقدس تقول

انت بلا عذر ايها الانسان - لان الله لم يجبرنا على اى شيء

فى المسيحية لا يوجد شيء اسمه فريضة - نحن نسمي الصلاه والصوم وسائط نعمة توصلنا الى الله

ناتى لسؤالك الموجه لى انا شخصيا بالاسم

اجابة هذا السؤال عندى تختلف عن اى شخص اخر

فقط يكفى انا اقول لكي اختى الفاضلة

اننى خريجة كليه حقوق - ودراست الشريعة الاسلامية خلال فترة الجامعة

بل والكثير من الكتب الاسلاميه وتقديراتى فى الجامعة خاصة فى مادة الشريعة الاسلامية قد تساهم فى اجابة السؤال

ايضا يا اختى الفاضلة

دراستى منذ الطفولة كحال كل المسيحيين فى مصر وهذه النقطة لم تطبق على الاخوة المسلمين فلم نسمع ان مناهج ابتدائي فيها ايات تدرس من الانجيل المقدس للاخوة المسلمين

اما المسيحيين ففي الابتدائية والاعدادية والثانوية - ندرس الكثير من المناهج الاسلامية والايات القرانية - نحن كمسيحيين ثقافتنا اسلامية هذا لا جدال فيه اطلاقا

وانا ذكرت فى موضوع سابق اننى فى الابتدائية وعمرى لم يتجاوز ال6 سنوات - اول ما تعلمته

اقرا باسم ربك الذى خلق خلق الانسان من علق

الى اخر الاية الكريمة

اذا وضعتى فى الاعتبار تعليمي فى المدارس بكل المراحل ودراسة العديد من الايات القرانية

بالاضافى الى 4 سنوات مادة الشريعة الاسلامية فى الليسانس

وحصولى على تقديرات ما بين الجيد والممتاز وتصفيق الدفعة ليا بناءا على طلب دكتور المادة - كونى مسيحية واحصل على تقدير فى المادة

ستظهر لك بوضوح ان كل سنين حياتى دراستى اسلامية

وستكون الاجابة واضحة جدا انى مازلت متمسكة بمسيحيتى وافتخر الى يوم مماتى

لا اقل عنك او عن اى شخص على دينه بقناعه تامة ومتمسك به

اعتقد انك الان عرفتى اننى لست مجبرة

انا على علم ودراسة مع الدين الاسلامي

فانا اخترت ديني عن وعى وفهم وادراك

مع احترامى الشديد للدين الاسلامي واحترامى لمن يدينون به

:roseop:

تحياتى للجميع

اغابي

 

الفاضلة "أغابى"

اضطررت لتقييم مداخلتك هذا تقييما سلبيا لما فيها من مخالفة لقواعد المشاركة

التقييم للمداخلة وليس لشخصك الكريم

مع تحياتى

[أبو محمد]

بدايه اعتذر يا ام زياد على الدخول فى موضوعك او تغيير مساره ولو للحظات

انا اقوم بعرض فكره وقف النقاط الحمراء لانها اذتني كثيرا وانادى بها الجميع

عزيزتى المصراوية

اغابي اعطت تقييم السالب بناءا على ما فعلتم معى سابقا

بدون وجه حق ولا انصاف

لا تنسي تقييمك لى سابقا لمجرد انى مسيحية وتكلمت بحرية

ومع ذلك انا طوال هذه المدة لم اذكر ذلك ولا امس اسمك فى اى توبيك كما انت تفعلين الان

بغض النظر عن انى اريد ان اشارك فى الموضوع او لا فهذا امر يخصنى

هذا سلف و دين يا مصراوي انا تعلمت الدرس منك انت

انت سبقتيني به كونى اشارك فى راى وموضوع من حقى ولكن ان يصل الامر ان اقيم ب 18 سالب من عدد 3 او 4 اشخاص فقط فماذا يسمي هذا ؟ هل نقول تكميم للافواه وعبودية؟

ولم اعتراض

طوال هذه المدة ولم اتكلم

وام زياد ايضا اعطتنى 4 سالب فى موضوع واحد

اذا اراد الشخص ان يعطى السالب فيعطي سالب واحد للتعبير عن اعتراضه المنطقى

اما ان يصل الحال الى 4 سالب فى موضوع واحد هنا يسمي تكميم الافواه ومنع حرية الراى والتعبير الحر

ولذلك انا انادى بايقاف النقاط الحمراء وهنا سوف تسمعون صوتى بشتى المواضيع التى يجب حتما وضرورى فيها سماع الصوت المسيحي

اما غير ذلك وبوجود النقاط الحمراء التى تقوى راى على راى الاخر فقط بسبب الاغلبية والاقلية

فتكون النتيجة ان اغابي لن تشارك لانى من الاقلية

تحياتى للجميع واعتذر مرة اخرى يا ام زياد عن تغيير مسار الموضوع الاصلي

اغابي

:roseop:

آسف ياسيدتى

التقييم السابق الذى أشرت إليه فى مداخلتى السابقة كان على هذه المداخلة وليس على المداخلة التى اقتبستها فى المداخلة السابقة .. ولكن حدث خطأ منى بالضغط على اللون الأحمر بدلا من الأخضر

كنت أنوى تقييم مداخلتك (المقتبسة فى مداخلتى السابقة) تقييما إيجابيا .. وسأقوم بذلك فورا وسأمتنع عن إضافة التقييم السالب على مداخلتك المخالفة للقواعد ليظل التقييم العام لمداخلاتك إيجابيا

أرجو أن تكون الرسالة قد وصلت .. جل من لا يسهو

[لماضة مصرية جدا]

السلام عليكم و رحمة الله و بركاته

قريت السؤال...و استغربت...و قريت الردود و استغربت اكتر....

جميعها مداخلات قيمة جدا و ثرية علي المستوي المعرفي

اتخيل ان سؤال مثل هذا بيطرح علي مثلا المتحولين يعني اللي بيتحول من ديانة إلي أخري

و الحقيقة الناس دي بيبقي عندها خبرة جديرة بالفعل للتوقف و التامل و الدراسة

لانها عايشت اكتر من دين و بالتالي عندها معتقدات انتقلت من عقيدة الي عقيدة اخري

و ايضا اللي بينتقل من حالة عدم الايمان الي حالة الايمان بعقيدة محددة و لو حد مننا عايش في الغرب اكيد احتك كتير بتجارب زي كده

اصل سؤال الاختيار بمعناه الاعمق بيستلزم ان الواحد يحط كل الاديان قصاده و يدرسها و بناء عليه بياخد قراره...هذا ما تبادر الي ذهني من طبيعة السؤال و ليس من طبيعة قناعتي الشخصية

و لا السؤال اصلا علشان كل واحد يحمد ربنا علي دينه؟؟

و هنا يجي السؤال اللي بعده طب يا تري عملت ايه عشان تشكر النعمة دي في حد ذاتها؟؟؟

هل فهمي صح....و لا ايه؟؟؟

جزاكم الله خيرا

[Simba]

اللي عايز يشك في الدين و يوصل لليقين لازم يكون مؤهل و عنده العلم المناسب اللي يوصله لبر الأمان ، اما واحد يقعد يقول انا جيت منين و انا رايح فين ، و طريقك مسدود مسدود

bv:- bv:-

بصراحة كلام الاخت جوبرية هو ده الكلام

انا شايف الموضوع من بدري لكن مقدرش ارد مع احترامي للجميع واحترامي لكل من قال قرا وطالع باستقلالية فانا بقول ده درب من المستحيل اني انحي عقيدتي جانبا واقرا بحياد تام اكيد اكيد هاكون ميال لعقيدتي حتي لو بمقدار بسيط والمقدار البسيط ده هيكون حاجز كبير جدا جدا

لما كبرت شوية وعرفت اختلاف الاديان ولما كبرت شوية كمان وقدرت اقرا واشوف واسأل لقيت كل عقيدة بتقول انها الصح والباقي غلط حتي احنا بين السنة والشيعة كل فريق بيقول عن التاني غلط

فرسخ في اعتقادي ان ربنا اختارني للدين ده وله حكمة اني ان اكون علي الاسلام والسنة

[المهندسه]

اروع من كتب فى هذا الموضوع هو الرائع العظيم د مصطفى محمود فى كتابه رحلتى من الشك الى اليقين

ويتلخص الكتاب فى جهد مبذول منه على مدار 30 عاما كى يثبت للناس اولا وجود خالق للكون ثم عمل مقارنه ومناظره بين الاديان السماويه والغير سماويه مثل الهندوسيه وغيرها ....وحلل كل ما عاشه من منظور فلسفى و دينى و علمى بما انه كان دكتور بشرى ..الى ان وصل الى الحقيقه كامله .والف الكتاب الذى اطلق عليه "رحلتى من الشك الى اليقين"

ومهما تكلمنا وتكلمن واستشهدنا و استشهدنا لن نصل الى ما وصل اليه هذا العالم على مدار جهد وبحث لمده 30 عاما

وادعوكم لقراءه هذا الكتاب اذا اردتم الوصول الى الحقيقه

رحلتى من الشك الى اليقين

وهذه مقتطفات من الكتاب

تقولون

إن الله خلق الدنيا لأنه لا بد لكل مخلوق من خالق و لا بد لكل

صنعة من صانع و لا بد لكل موجود من موجد .. صدقنا و آمنا .. فلتقولوا لي

إذن من خلق الله .. أم أنه جاء بذاته .. فإذا كان قد جاء بذاته وص ح في

تصوركم أن يتم هذا الأمر .. فلماذا لا يصح في تصوركم أيض ا أن الدنيا جاءت

بذاتها بلا خالق و ينتهي الإشكال .

كنت أقول هذا فتصفر من حولي الوجوه و تنطلق الألسن تمطرني باللعنات

و تتسابق إل ي اللكمات عن يمين و شمال .. و يستغفر لي أصحاب القلوب

التقية و يطلبون لي الهدى .. و يتبرأ مني المتزمتون و يجتمع حولي

المتمردون .. فنغرق مع ا في جدل لا ينتهي إلا ليبدأ و لا يبدأ إلا ليسترسل

.

و تغيب عني تلك الأيام الحقيقة الأولى وراء ذلك الجدل . إن زهوي بعقلي

الذي بدأ يتفتح و إعجابي بموهبة الكلام و مقارعة الحجج التي انفردت بها

.. كان هو الحافز دائم ا .. و كان هو المشجع .. و كان هو الدافع .. و ليس

البحث عن الحقيقة و لا كشف الصواب .

لقد رفضت عبادة الله لأني استغرقت في عبادة نفسي و أعجبت بومضة

النور التي بدأت تومض في فكري مع انفتاح الوعي و بداية الصحوة من مهد

الطفولة .

إن العلم الحق لم يكن أبد ا مناقض ا للدين بل إنه دال عليه مؤكد بمعناه .

و إنما نصف العلم هو الذي يوقع العقل في الشبهة و الشك .. و بخاصة إن

كان ذلك العقل مزهوا بنفسه معتدا بعقلانيته .. و بخاصة إذا دارت المعركة

في عصر يتصور فيه العقل أنه ك ل شيء .. و إذا حاصرت الإنسان شواهد

حضارة ماد ية صارخة تزأر فيها الطائرات و سفن الفضاء و الأقمار الصناعية ..

هاتفة كل لحظة .

أنا المادة

أنا كل شيء

تم تعديل 19 أكتوبر 2010 بواسطة المهندسه

[nightmare]

اللي عايز يشك في الدين و يوصل لليقين لازم يكون مؤهل و عنده العلم المناسب اللي يوصله لبر الأمان ، اما واحد يقعد يقول انا جيت منين و انا رايح فين ، و طريقك مسدود مسدود

bv:- bv:-

بصراحة كلام الاخت جوبرية هو ده الكلام

انا شايف الموضوع من بدري لكن مقدرش ارد مع احترامي للجميع واحترامي لكل من قال قرا وطالع باستقلالية فانا بقول ده درب من المستحيل اني انحي عقيدتي جانبا واقرا بحياد تام اكيد اكيد هاكون ميال لعقيدتي حتي لو بمقدار بسيط والمقدار البسيط ده هيكون حاجز كبير جدا جدا

لما كبرت شوية وعرفت اختلاف الاديان ولما كبرت شوية كمان وقدرت اقرا واشوف واسأل لقيت كل عقيدة بتقول انها الصح والباقي غلط حتي احنا بين السنة والشيعة كل فريق بيقول عن التاني غلط

فرسخ في اعتقادي ان ربنا اختارني للدين ده وله حكمة اني ان اكون علي الاسلام والسنة

اختلف وأتفق معك يا سيمبا

أتفق معك ان مفيش حد بيحاول يوصل للحقيقة وهو ينحي عقيدته جانباً بشكل كلى , لأ , انت بتدخل ومقتنع بعقيدتك لكن بتحاول اعمال عقلك في فهم الآخر وعقيدته لربما هو الصح وقناعاتك وعقيدتك خاطئة , ولربما انت وهو خطأ والحقيقة والطريق الصحيح في مكان آخر تماماً.

وما قرأت من مناظرات كثيرة, كانت تتم على هذا المنوال مسلم مقتنع بعقيدته ومسيحي واثق منها وعلى يقين بها , لكن مع النقاشات وتبادل الآراء تتكشف كل الحقائق ويقتنع أحدهما بوجهة نظر الآخر قناعة تامة ويكتشف ان ما كان يؤمن به ومقتنع به ليس هو الصواب بعينه.

اه كل عقيدة بتقول انها صح والباقي غلط لكن مع النقاشات والحوارات ووضوح العقائد امام عينيك يتبن لك ولكل ذي عقل من الصح ومن الخطأ.

ولو سلمنا بما قلت أن الله هو من اختارنى لهذا الدين وفقط دون ان اعمل انا عقلي وأبحث عن الحقيقة فما كنت ستري أو تسمع عن الأعداد الغفيرة من الأوروبيين المسيحيين والملحدين أيضاً الذين يدخلون يومياً إلي الإسلام , فهؤلاء أعملوا عقلهم وبحثوا عن الحقيقة وفوق كل هذا أراد اللهم لهم الهداية فأسلموا, فهو من بدأ بالبحث والتفكير فهداه الله, ولو فعل هؤلاء مثلما قلت وسلم كل منهم أمره ان الله اختاره لهذا الدين ولم يعمل عقله ما كان تحول الى دين آخر وعقيدة أخري.

مع تحياتي

تم تعديل 19 أكتوبر 2010 بواسطة nightmare

[Om Zayd]

اللي عايز يشك في الدين و يوصل لليقين لازم يكون مؤهل و عنده العلم المناسب اللي يوصله لبر الأمان ، اما واحد يقعد يقول انا جيت منين و انا رايح فين ، و طريقك مسدود مسدود

bv:- bv:-

بصراحة كلام الاخت جوبرية هو ده الكلام

انا شايف الموضوع من بدري لكن مقدرش ارد مع احترامي للجميع واحترامي لكل من قال قرا وطالع باستقلالية فانا بقول ده درب من المستحيل اني انحي عقيدتي جانبا واقرا بحياد تام اكيد اكيد هاكون ميال لعقيدتي حتي لو بمقدار بسيط والمقدار البسيط ده هيكون حاجز كبير جدا جدا

لما كبرت شوية وعرفت اختلاف الاديان ولما كبرت شوية كمان وقدرت اقرا واشوف واسأل لقيت كل عقيدة بتقول انها الصح والباقي غلط حتي احنا بين السنة والشيعة كل فريق بيقول عن التاني غلط

فرسخ في اعتقادي ان ربنا اختارني للدين ده وله حكمة اني ان اكون علي الاسلام والسنة

سمبا و جويرية

أنا سألت سؤال واضح .. أذا إجابتكم ان النشأة و البيت اللي اتربيت فيه هو الأساس( و أنا لا أنكر أهميته) .. اعتراضي ان نعزو الدين الذي نحن عليه إلى قدر ولادتنا الذي لا يد لنا فيه رغم ان لك مطلق الحرية أن تفكر و تختار

ألاّ يجد الإنسان في نفسه القدرة او الثقة أن يبحث في أديان أخرى .. أو على الأقل يتأكد أنه على الحق ..فيركن إلى ما ارتاحت إليه نفسه و كفى , عندها يتحول الدين إلى خانة في البطاقة

إيمان الفطرة رائع بشرط أن يقر في القلب حتى دون الحاجة إلى براهين

فرق شاسع بينه و بين دين بالوراثة

[مغتربة]

افضل ايمان هوه ايمان الفطرة

اللي عايز يشك في الدين و يوصل لليقين لازم يكون مؤهل و عنده العلم المناسب اللي يوصله لبر الأمان ، اما واحد يقعد يقول انا جيت منين و انا رايح فين ، و طريقك مسدود مسدود

ده حيتوه و حيدخل مستشفي العباسية

زي ما كانا في اولي ثانوي و عندنا 16 سنة ، و درسولنا (انا اشك اذن انا دبوس قصدي موجود ، دي بتاعتة ديكارت

طيب و اللهي طالب عنده 16 سنة يشك في دينه حيعرف يوصل لأيه

ولا حاجة اهي حاجة تقلب الدماغ و خلاص

دا على اساس انه من الناس الى ربنا بيحبها و خلقها على الدين الى هو عايزه

طيب افرضى العكس

ان الطالب دا الى عنده 16 سنه على دين خاطىء

و بعدين امر ربنا نفذ و مات

يا ترى هيشفع له عند ربنا انه عنده 16 سنه بس

الانسان مادام وصل لسن التكليف يبقى بيتحاسب بغض النظر عن عمره عند وفاته

الانسان مطالب باستغلال كل دقيقه لان الموضوع مش هزار دا يا جنه ابديه يا جحيم ابدى

[Om Zayd]

ولو سلمنا بما قلت أن الله هو من اختارنى لهذا الدين وفقط دون ان اعمل انا عقلي وأبحث عن الحقيقة فما كنت ستري أو تسمع عن الأعداد الغفيرة من الأوروبيين المسيحيين والملحدين أيضاً الذين يدخلون يومياً إلي الإسلام , فهؤلاء أعملوا عقلهم وبحثوا عن الحقيقة وفوق كل هذا أراد اللهم لهم الهداية فأسلموا, فهو من بدأ بالبحث والتفكير فهداه الله, ولو فعل هؤلاء مثلما قلت وسلم كل منهم أمره ان الله اختاره لهذا الدين ولم يعمل عقله ما كان تحول الى دين آخر وعقيدة أخري.

مع تحياتي

دا على اساس انه من الناس الى ربنا بيحبها و خلقها على الدين الى هو عايزه

طيب افرضى العكس

ان الطالب دا الى عنده 16 سنه على دين خاطىء

و بعدين امر ربنا نفذ و مات

يا ترى هيشفع له عند ربنا انه عنده 16 سنه بس

الانسان مادام وصل لسن التكليف يبقى بيتحاسب بغض النظر عن عمره عند وفاته

الانسان مطالب باستغلال كل دقيقه لان الموضوع مش هزار دا يا جنه ابديه يا جحيم ابدى

اروع من كتب فى هذا الموضوع هو الرائع العظيم د مصطفى محمود فى كتابه رحلتى من الشك الى اليقين

ويتلخص الكتاب فى جهد مبذول منه على مدار 30 عاما كى يثبت للناس اولا وجود خالق للكون ثم عمل مقارنه ومناظره بين الاديان السماويه والغير سماويه مثل الهندوسيه وغيرها ....وحلل كل ما عاشه من منظور فلسفى و دينى و علمى بما انه كان دكتور بشرى ..الى ان وصل الى الحقيقه كامله .والف الكتاب الذى اطلق عليه "رحلتى من الشك الى اليقين"

ومهما تكلمنا وتكلمن واستشهدنا و استشهدنا لن نصل الى ما وصل اليه هذا العالم على مدار جهد وبحث لمده 30 عاما

وادعوكم لقراءه هذا الكتاب اذا اردتم الوصول الى الحقيقه

رحلتى من الشك الى اليقين

يا ام زايد

أصلا لييه الانسان هو أعلى الكائنات وليه ربنا قمر الملايكة انها تسجدلوا وليه سخر كل حاجة في الدنيا عشان خدمتنا احنا ؟

احنا الكائن الوحيد في الدنيا الي عنده اراده حره ... الانسان هو المخلوق الوحيد اللي ربنا اداله القدرة أنه يعصيه! ...وفي الاخر هو اللي بيقرر يعصي ربنا أو لأ

الانسان بس هو اللي عندو اوبشن أنه مش بيؤمن بحاجة اسمها ربنا !!!

كل المخلوقات التانيه بتسبح لربنا غصبن عنها ...عمرك ماتسمعي عن عصفور عمل ذنب ولا شجرة ارتدت :blink:

واللي شايف دينه غلط بيغيره واللي شايف أصلا مفيش حاجة اسمها دين بيطلع يقول كل ده كلام فارغ

وبعدين الاسلام بيقول أننا لازم نستخدم عقلنا....مش نمشي طشاش كده ورا أي حاجة

اجابة سؤالك:

أيوه احنا اللي بنختار

bv:- bv:- bv:-

للأسف الرصيد خلص كالعادة

تم تعديل 19 أكتوبر 2010 بواسطة Om Zayd

[Om Zayd]

السلام عليكم و رحمة الله و بركاته

......................

اتخيل ان سؤال مثل هذا بيطرح علي مثلا المتحولين يعني اللي بيتحول من ديانة إلي أخري

و الحقيقة الناس دي بيبقي عندها خبرة جديرة بالفعل للتوقف و التامل و الدراسة

لانها عايشت اكتر من دين و بالتالي عندها معتقدات انتقلت من عقيدة الي عقيدة اخري

و ايضا اللي بينتقل من حالة عدم الايمان الي حالة الايمان بعقيدة محددة و لو حد مننا عايش في الغرب اكيد احتك كتير بتجارب زي كده

اصل سؤال الاختيار بمعناه الاعمق بيستلزم ان الواحد يحط كل الاديان قصاده و يدرسها و بناء عليه بياخد قراره...هذا ما تبادر الي ذهني من طبيعة السؤال و ليس من طبيعة قناعتي الشخصية

و عليكم السلام و رحمة الله و بركاته

على الأقل نحاول نبقى زيهم

داخلين الدين بفهم و اقتناع

كنت و لا زلت أغبط الداخلين حديثا في الإسلام .. إيمانهم غض .. قوي .. راسخ

وجدت الفرق اننا استسلمنا للعادة .. ولدت في بيت مسلم لذا أنا مسلمة

وجدتني أريد أن أكون مسلمة بحق .. لأن هذا هو الدين الذي ارتضيته لنفسي .. لم يجبرني عليه أحد

[مغتربة]

ولو سلمنا بما قلت أن الله هو من اختارنى لهذا الدين وفقط دون ان اعمل انا عقلي وأبحث عن الحقيقة فما كنت ستري أو تسمع عن الأعداد الغفيرة من الأوروبيين المسيحيين والملحدين أيضاً الذين يدخلون يومياً إلي الإسلام , فهؤلاء أعملوا عقلهم وبحثوا عن الحقيقة وفوق كل هذا أراد اللهم لهم الهداية فأسلموا, فهو من بدأ بالبحث والتفكير فهداه الله, ولو فعل هؤلاء مثلما قلت وسلم كل منهم أمره ان الله اختاره لهذا الدين ولم يعمل عقله ما كان تحول الى دين آخر وعقيدة أخري.

مع تحياتي

دا على اساس انه من الناس الى ربنا بيحبها و خلقها على الدين الى هو عايزه

طيب افرضى العكس

ان الطالب دا الى عنده 16 سنه على دين خاطىء

و بعدين امر ربنا نفذ و مات

يا ترى هيشفع له عند ربنا انه عنده 16 سنه بس

الانسان مادام وصل لسن التكليف يبقى بيتحاسب بغض النظر عن عمره عند وفاته

الانسان مطالب باستغلال كل دقيقه لان الموضوع مش هزار دا يا جنه ابديه يا جحيم ابدى

bv:-

للأسف الرصيد خلص كالعادة

و لا يهمك يا جميل

خليها لبكره

بس اوعى تنسى

لحسن انا سمعت ان الى بياخد نقطه خضرا بياخد عليها كيلو طماطم

و انتى عارفه الطماطم شحه من السوق ازاى

و انا كنت عايزه اعمل لسى الافندى جوزى فته لحسن نفسه فيها :D :D :D

[جويرية]

سمبا و جويرية

أنا سألت سؤال واضح .. أذا إجابتكم ان النشأة و البيت اللي اتربيت فيه هو الأساس( و أنا لا أنكر أهميته) .. اعتراضي ان نعزو الدين الذي نحن عليه إلى قدر ولادتنا الذي لا يد لنا فيه رغم ان لك مطلق الحرية أن تفكر و تختار

ألاّ يجد الإنسان في نفسه القدرة او الثقة أن يبحث في أديان أخرى .. أو على الأقل يتأكد أنشه على الحق ..فيركن إلى ما ارتاحت إليه نفسه و كفى , عندها يتحول الدين إلى خانة في البطاقة

إيمان الفطرة رائع بشرط أن يقر في القلب حتى دون الحاجة إلى براهين

فرق شاسع بينه و بين دين بالوراثة

اهي كلمة القدرة دي يا اختي اللي انتي ذكرتيها

علم الأديان ده عايز واحد ليه 50 سنة بيقرا في الكتب ، عشان يقدر بعد كدة يحكم و يقرر

[جويرية]

اساس انه من الناس الى ربنا بيحبها و خلقها على الدين الى هو عايزه

طيب افرضى العكس

ان الطالب دا الى عنده 16 سنه على دين خاطىء

و بعدين امر ربنا نفذ و مات

يا ترى هيشفع له عند ربنا انه عنده 16 سنه بس

الانسان مادام وصل لسن التكليف يبقى بيتحاسب بغض النظر عن عمره عند وفاته

الانسان مطالب باستغلال كل دقيقه لان الموضوع مش هزار دا يا جنه ابديه يا جحيم ابدى

عفو ربنا عز وجل اكبر من حسابه

بس ده دور المصلحين ان هما ينبهوا الناس و يرشدوهم للدين الصحيح ، لكن مش كل عقل قادر علي الوصول للحقيقة