السيناريو الأسوء ...........

[ابو محمد بن مصطفي]

بشكل متكرر شبه يومي شهري سنوي ....معتاد تحدث حادثة في مصر نتيجة الاهمال وغالبا يضيع جراء هذه الحوادث الكثير من الضحايا الابرياء الذين لا ذنب

لهم وليست لهم علاقة من قريب او بعيد بالفاعلين الاصلين للحادث بل هم نتيجة اهمال شخص – مسئول – حكومة – نظام . وغياب الرقابة

في هذا الموضوع نقدم بعض الاماكن في مصر تعاني من الاهمال ونتوقع حدوث بعض الاخطاء المتراكمة بها ولكنها لا تعالج بالاسلوب الامثل . وفي النهاية تحدث

كارثة يكون المواطن البسيط هو الضحية .

وهذا ليس من باب (تقدير (او توقع) البلاء من قبل وقوعه) ولكن لشد الانتباه الي الاهمال .

واذا كانت هناك حلول لهذه المشاكل فعتبر من باب الاجتهادالشخصي.

وسأبدأ بالطريق الدائري ..

هذا الطريق يكفي لتأليف كتب للحصول علي جائزة نوبل في الخيال العلمي .

نذكر انه من بضعة اشهر حادث السيارة الملاكي التي سقطت من اعلي الدائري علي سوق الجمعة بالامام الشافعي وكيف انها كانت ستكون كارثة لولا عناية

الله لكانت احترقت القاهرة . وكادثة السيارة النقل التي سقطت من فوق الطريق علي السيارات التي تسير اسفل الطريق وادي الحادث الي وفاة من كان

بسيارة ميكروباص و سيارة ملاكي . واخيرا وليس اخرا حادثه بشتيل للشاب الذي قتل 12 شخص ويقود سيارته علي سرعة 150 كم / ساعة.

التخيل .....

هو ماذا لو حدث وان سقطت من اعلي الطريق الدائري مقطورة تحمل مواد شديدة الانفجار او مواد كيماوية او بترولية سريعة الاشتعال

وبزيادة فولت الاهمال .....هو سقوطها في منطقة عشوائية من المناطق العشوائية التي اخترقها الطريق الدائري .

بالليل والناس نائمة في منطقة مكتظة بالسكان الامنين .

ماذا سيحدث بالطبع كارثة في ارقام الضحايا الابرياء .

والتحرك الحكومي سيبدأ . بوصول السيد مدير الامن يتبعه السيد المحافظ ....

سيذداد الفولت ويصل لفيف من السادة الوزراء ومعهم رئيس الوزراء ....

وتتدخل القوات المسلحة للمساعدة في الاطفاء ولكن حجم الكارثة اكبر بكثير .

هذا السيناريو التشأمي لا يفارق مخيلتي منذ فترة في ظل غياب الامن الاجتماعي وغياب الرقابة وسيطرة الاهمال .

يارب استر

[مغتربة]

يا استاذ محمد

اكيد حضرتك عارف ان مصر بقالها سنين طويله كل حاجه فيها ماشيه بالبركه

الاهمال و الفساد ناخر اسس كل حاجه ممكن تتخيلها

و عدم حدوث الكارثه فى اى مجال فى مصر مش راجع لان كل حاجه تمام

لا

دا بس علشان ربنا ساترها

كل السيناريوهات المتشائمه ممكنه الحدوث لكن ستر الله هو الذى يحول حتى الان دون وقوعها

للاسف دى الحقيقه

[ابو محمد بن مصطفي]

يا استاذ محمد

اكيد حضرتك عارف ان مصر بقالها سنين طويله كل حاجه فيها ماشيه بالبركه

الاهمال و الفساد ناخر اسس كل حاجه ممكن تتخيلها

و عدم حدوث الكارثه فى اى مجال فى مصر مش راجع لان كل حاجه تمام

لا

دا بس علشان ربنا ساترها

كل السيناريوهات المتشائمه ممكنه الحدوث لكن ستر الله هو الذى يحول حتى الان دون وقوعها

للاسف دى الحقيقه

اولا شكرا اختي مغتربة بس انا مش محمد انا حاجة من الاثنين يا ابو محمد أو مصطفي

ثانيا يجب ان نعترف ان ربنا سترها بالقوي معانا وان كله بالبركة.

ثالثا يجب انا نعترف بان مسار الطريق الدائري خاطئ.

رابعا لايوجد قانون للمرور مطبق في مصر.

خامسا شكرا مرة ثانية

[raouf]

' دعنى اختلف معك يا ابو محمد مين اللى قال ان مسار الدائرى خاطىء ؟ هو مظبوط بس للاسف لما اتحدد مساره سارع ذوى الحظوة والنفوذ فى الاستيلاء على الاراضى اللى هيمر فيها وبيعها للغلابة وبعض الجشعين اللى استغلوا ان مرور الطريق سيحدث نقلة لاى منطقة يمر بها

و مين اللى سمح للبناء بحرمة الطريق وعلى بعد 3 متر من بلكونة الشقة تجد السيارات امامك ؟

مين اللى قال ان مفيش قانون مرور مطبق فى مصر ؟ هو مطبق ومطبق جدا كمان بس على الغلابة اللى بيخافوا ربنا زينا لكن مش مطبق على الحرامية وذوى النفوذ والحظوة

للاسف هو الفساد والرشوة اللى بتشوه كل شىء فى مصر

تم تعديل 20 أكتوبر 2010 بواسطة raouf

[ابو محمد بن مصطفي]

' دعنى اختلف معك يا ابو محمد مين اللى قال ان مسار الدائرى خاطىء ؟ هو مظبوط بس للاسف لما اتحدد مساره سارع ذوى الحظوة والنفوذ فى الاستيلاء على الاراضى اللى هيمر فيها وبيعها للغلابة وبعض الجشعين اللى استغلوا ان مرور الطريق سيحدث نقلة لاى منطقة يمر بها

و مين اللى سمح للبناء بحرمة الطريق وعلى بعد 3 متر من بلكونة الشقة تجد السيارات امامك ؟

مين اللى قال ان مفيش قانون مرور مطبق فى مصر ؟ هو مطبق ومطبق جدا كمان بس على الغلابة اللى بيخافوا ربنا زينا لكن مش مطبق على الحرامية وذوى النفوذ والحظوة

للاسف هو الفساد والرشوة اللى بتشوه كل شىء فى مصر

دعني اختلف معك يا استاذ رءوف.... لا والف لا ....

المسار في بعض المناطق العشوائية كان علي بيوت الفقراء

انتظر الكتاب صفحات بولاق الدكرور - البراجيل - بشتيل - امبابة - الوراق - صفت اللبن - باسوس

بس قانون المرور اطبق ع الحزام وع الخوزة وشنطة الاسعاف والسبوبة اتعملت وخلصنا

[se_ Elsyed]

أختلف معكم

بالعكس

الطريق الدائري فكرة من أروع ما يُمكن .. وكذلك المحور

لكن النيات الطيبة ليست كافية لدخول الجنة

بمعنى ..

الفكرة حلوه

لكن التنفيذ أسوء مما نتوقع

دعونا نتفق إن هناك شيء أسمه المصلحة العامة حتى لو على حساب بعض الناس .. لكن بالتأكيد لازم يتعوضوا

نيجي للتنفيذ

أنا لا مهندس ولا افهم في الطرق ولا الكباري

لكن أنا مُستخدم للطريقين على سبيل المثال

وأقارنها ببلاد أخرى زورتها وسرت في طرقاتها بسيارة أيضاً ..

وهنا يبستخدموا أسفلت .. وهناك ايضاً ..

وهنا لدينا قواطع ووصلات بين فواصل الطريق بالذات على الكوبري ... وهناك ايضاً

لكن اقسم بالله لم أرى في حياتي فواصل تمر عليها بسيارتك فتكاد تشعر إن السيارة هاتتقسم نصين .. لان إما الفاصل مرتفع وكأنه مطب ... أو أن هناك فارق يجعلك تسقط بسيارتك داخله ...

كذلك الحُجة الدائمة لما تسأل : هو ليه الطرق عالي وواطي كده وكأنك في مراجيح مولد النبي ؟

يقول لك أصل عربيات النقل بتمشي كتير على الطريق ...؟

يا سلام ؟

أومال كل الطريق في العالم بتمشي عليها عصافير بس ؟

حتى لو .. وإنتوا ما كنتوش عارفين كده قبل ما تصمموا وتنفذوا الكوبري ؟

كذلك ليه بتصمم حاجه عشان النهاردة وأمبارح .. مش للي جاي وللتوسع والزيادة السكنية و و و و و

وإحنا عارفين إن الحاجه لو إتصممت كده من الأول بتبقى اوفر بكتير من اللكلكة والترقيع اللي بيصحل زي ما بيحصل بعد كده وزي ما بيحصل دلوقت في توسعة كوبري اكتوبر اللي بقى خلاص أشبة بحارة سد داخل مدينة ....

الشيء الأخر ... عاوزين تقنعوني إن دكاترة الهندسة والإستشاريين اللي أساميهم مكتوبة على اي مشروع هما حقيقي أستلموا المشروع ده وأشرفوا على تنفيذه بحق وحقيق ؟

اشُك .... وإلا تركو إيه للكفتجية أو المقاول اللي على قدة ولا بيعرف يقرأ ولا يكتب ...؟

والله والله لا زلت أتذكر مأساة مهندسة طريق وكوباري .. واحده ست لكن الظاهر إن عندها ضمير ... رفضت منذ عدة سنوات أن تتسلم أحد الطرقات السريعة لأن بها مخالفات صارخة ... فما كان من الوزارة إلا أن نفوها من القاهرة للصعيد عشان ترجع لعقلها ...

[ابو محمد بن مصطفي]

التخيل .....

هو ماذا لو حدث وان سقطت من اعلي الطريق الدائري مقطورة تحمل مواد شديدة الانفجار او مواد كيماوية او بترولية سريعة الاشتعال

وبزيادة فولت الاهمال .....هو سقوطها في منطقة عشوائية من المناطق العشوائية التي اخترقها الطريق الدائري .

بالليل والناس نائمة في منطقة مكتظة بالسكان الامنين .

ماذا سيحدث بالطبع كارثة في ارقام الضحايا الابرياء .

والتحرك الحكومي سيبدأ . بوصول السيد مدير الامن يتبعه السيد المحافظ ....

سيذداد الفولت ويصل لفيف من السادة الوزراء ومعهم رئيس الوزراء ....

وتتدخل القوات المسلحة للمساعدة في الاطفاء ولكن حجم الكارثة اكبر بكثير .

هذا السيناريو التشأمي لا يفارق مخيلتي منذ فترة في ظل غياب الامن الاجتماعي وغياب الرقابة وسيطرة الاهمال .

يارب استر

نعود للمسار الاصلي للموضوع وننزل من ع المحور والدائري .... الا وهو الجزء التخيلي

السيناريو ده مش ممكن يحصل

ولو حصل ايه هتبقي كارثة ولا ايه

[سكر]

هذا السيناريو بالطبع ممكن ان يحدث فى اى وقت

ولكن احب ان ازيدك واقول انه حدث بالفعل ولكن ليس على طريق دائرى ولا على سيارات ولكن فى مخزن انابيب

مفيش حد فاكر مخزن الانابيب بالوراق الى فرقع وكان هيدمر كل ما هو حى حوليه

انت عارف كانت التصرف ازاى قفولوا كل مخازن الانابيب فارتفعت الاسعار بشكل جنونى ووصلت لحد 60 جنيه

http://www.youtube.com/watch?v=j-wt4jab6Qw

وبعد كدة المخازن دى اتفتحت تانى وهى اصلا تحت البيوت والمساكن

الامن والوقايه حته وحدة فى اى بلد عايز يحترم نفسه لتاخدة كله لتسيبه كله واحنا الحمد الله سيبنها على الله هو الى بيستر ها معانا

اهم حاجة انى تقريباوالله العظيم لازم ادفع غرامة الحزام كل ما ازور مصر مش عارف ليه

[ابو محمد بن مصطفي]

هذا السيناريو بالطبع ممكن ان يحدث فى اى وقت

ولكن احب ان ازيدك واقول انه حدث بالفعل ولكن ليس على طريق دائرى ولا على سيارات ولكن فى مخزن انابيب

مفيش حد فاكر مخزن الانابيب بالوراق الى فرقع وكان هيدمر كل ما هو حى حوليه

انت عارف كانت التصرف ازاى قفولوا كل مخازن الانابيب فارتفعت الاسعار بشكل جنونى ووصلت لحد 60 جنيه

http://www.youtube.com/watch?v=j-wt4jab6Qw

وبعد كدة المخازن دى اتفتحت تانى وهى اصلا تحت البيوت والمساكن

الامن والوقايه حته وحدة فى اى بلد عايز يحترم نفسه لتاخدة كله لتسيبه كله واحنا الحمد الله سيبنها على الله هو الى بيستر ها معانا

اهم حاجة انى تقريباوالله العظيم لازم ادفع غرامة الحزام كل ما ازور مصر مش عارف ليه

تعرف يا استاذ موعود انا شفت مخزن الانانبيب بتاع الوراق بعد الانفجار ....

المخزن دمر بالكامل ولستر ربنا ان المخزن ده علي شارعين

الاول حوالي 20 متر بالاضافة الي انه امامه ارض زراعية تصل الي الدائري (الشارع ده مفهوش مشكلة)

الشارع التاني حارة 4 متر امام المخزن بيت لستر ربنا انه خالي من السكان وهو الاكثر ضررا

الناس اللي شافوا الانفجار بيقولوا ان الانابيب بطير في الهوا من شده الانفجار

فعلا ده سيناريو اكيد ممكن يحصل