عقد محاسب بالرياض خبرة خمس سنوات ارجو المساعده ضروري

[haitham sayed]

الساده اعضاء المنتدي الكرام

انني في اشد الحاجه الي المساعده

انني محاسب خريج دفعه 2005 ولدي خبرة خمس سنوات بالمحاسبة في شركات المقاولات في مصر بالاضافه الي انني حاصل علي شهادة ICDL من اليونكسو وايضا اخصائي معتمد من ميكروسوفت في الاوفيس واخدت كورسات انجليزي في المعهد البريطاني وفي برليتز هنا في القاهره ده تعريف عني مبسط

انا معروض علي عقد في مدينه الخرج بالرياض في رشكه اسمها شركه تشييد البناء المحدوده ومديرها العام شخص في غايه الاحترام اسمه م عبد العزيز الدمخ

العرض كالاتي :

الراتب 2500 ريا ل

الشركه سوه تتححمل رسوم الاقامه لكن سوف تصدر لدي بمنهمه معماريه وقال لي بعد سته شهور سوف اغير لك المهنه كمحاسب اريد مساعده في هذا الشان وكيف اضمن حقي في مثل هذه الحاله

الشركه سوف تتحمل رسوم التامين الصحي والتامنيات الاجتماعيه و تامين وسيله النقل لمتابعه تنفيذ الاعمال المطلوبه كما هي مذكوره في العقد

بخصوص السكن مذكور انه سوف تومن الشركه سكنا اسوة بباقي الزملاء

واجازه 15 يوم كل سنه

وتذاكر السفر ذهاب وعوده كل سنه

وبناء علي كلام مدير الشركه في حاله الزواج سوف يقوم بمساعدتي ف يالاستقدام والسكن العائلي بدون ذكر الكيفيه او النسبه

برجاء من الساده الافاضل هل هذا العرض متاسب في ظل الوضع الاقتصادي الحالي للبلد وماهي الضمانات الواجب توافرها في العقد حتي اضمن امكانيه تحويل المهنه فيما بعد

الامر في غايه الاهميه

برجاء الرد والافاده او مراستلي علي الايميل الخاص بي haitham.sayedh@hotmail.com

[wela]

اخي انت لو محاسب مقاولات خبرة خمس سنين فعلا يعني تقريبا مرتبك 2000 جنيه في مصر تقريبا

فبالنسبة للراتب تعبان جدا لانك يادوب هتكسر 2250 مصري كل شهر

وبالنسبة للمميزات الأخرى فهي حرام تقبل بيها

اولا اقبل بمهنتك محاسب ولو هو هيغرها زي ما بيقول قوله غيرها من دلوقتي

ثانيا حقك اجازة شهر سنوي مدفوعة

ثالثا اوعى تصدق الوعود خلي كل حاجة بالعقد

انا رفضت قبل كدا عرض ب3000 ريال علشان كنت باخد 2200 في مصر وعلشان فيزا معماري زيك كده

ونصيحة متخليش اسلوب الكلام الي في المقابله تغريك لان كل ده بيتغير وبتلاقي وش تاني والي هيتنفذ الي في العقد وبس

اصبر شوية العقد ده تعبان جدا

والله الموفق

تم تعديل 20 أكتوبر 2010 بواسطة wela

[haitham sayed]

بدايه انا شاكر جدا لردك

ثانيا عايز اسال حضرتك هل العقد اللي انا بوفع عليه معترف به هناك في السعودية ولا ايه بالضبط

بخصوص كلامك علي الماديات انت كلامك صح مائه في المائه حقيقي بشكرا جدا

[geeemooo]

بدايه انا شاكر جدا لردك

ثانيا عايز اسال حضرتك هل العقد اللي انا بوفع عليه معترف به هناك في السعودية ولا ايه بالضبط

بخصوص كلامك علي الماديات انت كلامك صح مائه في المائه حقيقي بشكرا جدا

طبعا الأول يا استاذ هيثم فى البداية انا متفق تماما مع كلام الأخ

وعاوز اضيف بس شوية معلومات تساعدك وانت بتاخد القرار الأخير بصفتى كنت شغال محاسب فى الرياض اكتر من 4 سنوات

أولا: لازم توازن وتقارن بين دخلك فى مصر ودخلك فى السعودية عشان ممكن يكون الراتب 2500 ريال ده مناسب لمحاسب شغال فى مصر ب 400 و 500 جنيه او حتى 800 جنيه وفى شركة تعبانة فطبعا راتب زى الى اتعرض عليك ده يكون مناسب ليه تماما وفرصة كمان خصوصا انك مش متجوز انما لو انت شغال فى مصر فى شركة مقاولات وراتبك اكتر من 1500 جنيه مصرى وشركة فيها امتيازات وترقيات وممكن تكبر فيها يبقى حرام عليك تبهدل نفسك على 2500 ريال

ثانيا: دلوقتى الكفيل ده بيقولك اجازة 15 يوم فى السنة ايه الكلام الغير منطقى ده بمعنى تانى هو كدة بيقولك بشكل غير مباشر اقعد معايا سنتين وانزل شهر طبعا استعباد وبعدين انت مجربتش تشتغل فى الغربة انا عاوز اقولك حاجة وناس كتير قوى وخصوصا المحاسبين هايقولولى ان عندى حق عاوز اقولك ان انت هاتيجى بعد سنة ونص شغل فى الحسابات وهاتهنج زى الكمبيوتر هاتكون محتاج لفترة اجازة وراحة والسبب ان هناك فى السعودية الحياة روتينية جدا كل يوم زى التانى مافيش اى تغيير بمعنى (اكل نوم شغل -اكل نوم شغل يوميا على كدة )

وعشان ما اطيل عاليك عاوزك تفكر جدا جدا فى ظروفك فى مصر قبل ما تاخد القرار ده

النصيحة التانية ماتقبلش بمهنة تانية غير مهنة محاسب عام عشان ما تتبهدلشى المهن التانية دى مش مضمون تغييرها فى السعودية ولو اتغيرت المهنة الى محاسب بتاخد مصاريف كتير جدا

وبالنسبة للعقد بتاعك هنا الى انت كتبته مع صاحب اشركة يعنى على حسب معلوماتى مالوش اى لازمة ده على حسب معلوماتى عشان هناك قانون العمل واضح وصريح وهاتلاقى كتير زى كفيلك ده مش ملتزمين بقانون العمل فعشان كدة قلتلك انه مالوش اى لازمة

فكر كويس قوى قبل ما تاخد قرارك