تعتقدوا ان الحلم سيتحقق حقا فى 2011

[مغتربة]

أعلنت عائشة عبد الهادي وزيرة القوى العاملة وأمينة المرأة بالحزب الوطني الديمقراطي‏،‏ أن مصر سوف تستجيب لمطالب المصريين بالخارج بمشاركتهم في الانتخابات الرئاسية‏.

وأكدت الوزيرة أنه تجرى حاليا دراسة مشاركتهم في الانتخابات الرئاسية المقررة عام‏ 2011،‏ وذلك لأنهم يتمتعون بحقهم الدستوري الكامل في التصويت‏،‏ وأنه من المنتظر أن يبدأ تطبيق ذلك مع هذه الانتخابات المهمة في العام المقبل‏.

‏

وقالت إن المصريين في الخارج لا ينفصلون عن الوطن‏، وعليهم أن يتمتعوا بممارسة حقهم في التصويت بايجابية واسعة في المشاركة‏،‏ وسوف يتم ذلك تنفيذا لتوجيهات الرئيس حسني مبارك.‏

جاء ذلك خلال الكلمة التي ألقتها في حوارها الموسع مع الجالية المصرية بمدينة ميلانو الإيطالية،‏ وأكدت في كلمتها تفعيل الاتفاقيات الثنائية بين البلدين تجاه تصدير العمالة المصرية الي إيطاليا بواقع ‏8‏ آلاف عامل سنويا‏.‏

وصرحت بأنه سيتم خلال العام الحالي عقد أول مؤتمر للمرأة المهاجرة في مصر،‏ وذلك تنفيذا لتوجيهات السيدة سوزان مبارك‏.‏

وأكدت عدة مفاجآت سارة تحملها من مصر حلا لمشاكل المصريين في الخارج،‏ خاصة في ايطاليا،‏ وعلى رأسها حل مشكلة التحويلات المالية لأهالي المصريين العاملين بالخارج‏،‏ وذلك بالاعلان عن مشروع بين الهيئتين المصرية والايطالية للبريد‏.

‏

ويتم توقيع اتفاقية بين مسئولي التأمينات في مصر وهيئة التأمينات في ايطاليا لحل مشكلات التأمينات للمصريين بالخارج‏.‏

وأوضحت في حوارها مع أبناء الجالية المصرية البالغة نحو ‏40‏ ألفا‏،‏ ان الجهد الكبير الذي يبذله المشير محمد حسين طنطاوي في حل مشكلة التجنيد الخاصة بالمصريين في الخارج‏، وسوف يتم ارسال لجنة قريبا الي ايطاليا‏، ولكن مع ضرورة نزول كل مصري في الخارج مطلوب للتجنيد الي مصر،‏ ليؤدي الخدمة العسكرية‏، إلا إذا حصل على الجنسية الايطالية‏،‏ وفي هذه الحالة يتم إعفاؤه‏.

‏

وتطرقت عائشة عبدالهادي مشكلة ارتفاع أسعار الطيران،‏‏ مشيرة إلى أنه تم الاتفاق بين مصر وايطاليا علي تشغيل خط ملاحي بين فينسيا والاسكندرية بأسعار مخفضة عن أسعار الطيران‏،‏ خدمة للعمالة المصرية وأهاليهم في ايطاليا‏.

‏

وقد استجابت الوزيرة لمطالب الجالية المصرية في ميلانو تجاه رغبتهم في المشاركة في مشروعات استثمارية في مصر،‏ ونفت وجود ما يمس العمالة في مصر‏.‏

تعتقدوا ان هذا الكلام حقيقى

و ما هى الضمانات الممكنه لنتاكد فعلا ان هذه الاصوات ليست تمثيليه اخرى تضاف لاخواتها التى تدار فى مصر باسم الانتخابات

[shawshank]

تعتقدوا ان هذا الكلام حقيقى

لأ مش حقيقي، لكن هيبقى "كأن" فيه تصويت. زي ما بيقول علاء الأسواني كده، احنا في دولة "كأن".

النظام لسان حاله بيقول وهو بيضرب كف بكف: أما والله العظيم حاجة غريبة ... ناس غريبة جدًا، بقى احنا بقالنا 30 سنة بنزور جوة ومعملوش حاجة، محموقين أوي عايزين اللي برة يصوتوا؟ مااااااااشي يا سيدي. انتوا يعني عايزين اللي برة يصوتوا؟ أوي أوي، بس كده؟ روحي يا عيشة صرحي واعلني. (وعيشة دي صفتها ايه أصلا عشان تعلن؟ ليه ما أعلنش وزير الخارجية واللا مفيد شهاب؟) وعهد علينا نعملها انتخابات نزيهة شريفة عفيفة، كأنها بالظبط جوة مصر مش برة :lol: وفي سره بيقول: اذا كان اللي جوة أصواتهم بتتزيف، يبقى مش هنزيف اللي برة؟ واهي كده كده بالونة اختبار، وتمتص كمان غضب الناس شوية. وعيشة دي كده كده السنة الجاية تكون مشيت. وبعدين احنا فين وانتخابات الرئاسة فين. هو الريس فاكر كل ايه امبارح، واللا الحزب عارف هيرشح مين أصلاً: الراجل واللا ابنه؟

زي كده ما النظام قال قبل كده: انتوا عايزين انتخابات رئاسية بين أكتر من مرشح بدل الاستفتاء؟ أوي أوي، بس كده؟ عدل يا مفيد يا شهاب الدستور، وأهوه، هي هي نفس النتيجة، برضه مبارك. أي خدمة يا شعب.

و ما هى الضمانات الممكنه لنتاكد فعلا ان هذه الاصوات ليست تمثيليه اخرى تضاف لاخواتها التى تدار فى مصر باسم الانتخابات

مفيش ضمانات. هو كان فيه ضمانات إن أصوات اللي جوة البلد ماتبقاش تمثيلية لما هتبقى فيه ضمانات للي برة؟!

تم تعديل 20 أكتوبر 2010 بواسطة shawshank

[shawshank]

فيه واحد قاعد في مكان شايف منه كل اللي بيحصل، كأنه باصص من خرم الباب على مصر :D ... الراجل ده سماه اللهو الخفي ... اللهو الخفي ده عمال يتكتك للنظام، يقفل قنوات، يقفش في الإخوان، يؤمر عيشة تعلن، يشاور لمصطفى الفقي يتكلم، يخرس حمدي قنديل وعمرو أديب، يشاور بصباعه لتامر أمين وخيري رمضان يعلوا الرتم، ينزل بالعصايا لتحت زي المايسترو عشان أسامة سرايا ينزل بالأداء شوية ... الخ.

من صفاته كمان إنه هو هو من 30 سنة. يعني خلاص بقينا نقدر نتوقع بيفكر ازاي ونتوقع ردود أفعاله. وكمان بان عليه النضوج السياسي مؤخرًا، وبقى بيعرف امتا يوطي شوية لحد ما العاصفة تعدي، وامتا يتنازل شوية عشان مكاسب أكبر قدام، وامتا يثبت على موقفه لأن خسائر التنازل هتكون أكبر. ناس بتقول زكريا عزمي وناس بتقول المخابرات، وناس بتقول إن أركان النظام بقت كلها على قلب وعقل رجل واحد. بس أمانة .... اللي يعرف الراجل ده ... يسلم لي عليه :ninja:

[shawshank]

وآدي اللهو الخفي شاور لمحمد كمال ينفي ...

جبهة إنقاذ مصر تندد بتراجع الحزب الوطني عن منح المصريين في الخارج الحق بالمشاركة في الانتخابات

... وأضاف البيان: "فوجئنا مساء 28 أكتوبر بتأكيدات للدكتور محمد كمال أمين التثقيف والتدريب والرجل القوي في الحزب الوطني، لأحد البرامج الحوارية على قناة المحور، حيث أكد أن السيدة عائشة عبد الهادي أمينة المرأة في الحزب الوطني قد نفت يوم الاثنين الماضي 25 أكتوبر أثناء اجتماع للأمانة العامة للحزب الوطني ، أنها صرحت بأن المصريين في الخارج سيشاركون في انتخابات 2011، وأنها قالت أن القضية لاتزال محل دراسة، وهو أمر مثير للاستغراب .. فلماذا انتظرت الوزيرة كل هذا الوقت لتنفي ما تناقلته كل وسائل الإعلام؟ ولماذا لم تبادر الوزيرة نفسها بتصويب تصريحاتها مباشرة وإصدار بيان توضيحي لوسائل الإعلام لتنتظر الدكتور محمد كمال ليقوم بهذا التوضيح؟ أم أن الأمانة العامة للحزب الوطني لاتزال على مواقفها السلبية من المصريين في الخارج الذين يريدون إقصاءهم تماما عن المشاركة السياسية، وأنهم لا يتورعون في سبيل ذلك من وقف تنفيذ ما وصفته السيدة الوزيرة بأنها توجيهات الرئيس مبارك؟".