حارة النصارى - أشعة مقطعية للوطن

[abaomar]

الزميل الفاضل ابو عمر

انا ما قرتش مشاركة ليك من لحظة اشتراكى فى المنتدى الا وفيها اسم البابا شنودة كانك بتعمله نسخ ولاصق بطريقة عفوية وبتكرار

كل شيء تدخل اسم البابا شنودة فيه انا مش فاهمة ليه ايه السر الغريب داه

...

السلام عليكم

اغابى طبعا مبالغه منك انه لا مداخله لى الا و فيها البابا و لا محل لها هنا .

انا عذرتك كثيرا عندما علمت انك تنزلى مصر كل ثلاث سنوات و فى نفس الوقت تعجبت من كل

هذا الدفاع بحق و بدون اعتمادا الا على ما تسمعيه فقط لا ما تسمعيه و تريه

اغابى انا عقبال املتك انزل مصر كل شهر و نصف تقريبا لانى عقبال عندك بقيت مدير كبير :) و اولادى يدرسون الان هناك و اعيش مصر تماما بكل تفاصيلها و عندما اقول لك ان دعاوى الاضطهاد و التفرقه اختراع خبيث لايجاد حاله احتقان مستمره ووضع النظام و من وراءه المسلمين فى خانه المتهم المطلوب منه الدفاع عن نفسه فى الوقت الذى يجنى بعض المنتفعين فى الكنيسه بالخارج و الداخل مكاسب كثيره

.

بخصوص البابا شنوده و الذى تتهمينى بحشره فى كل شئ اتعجب من كلامك ..هل لا تعرفين حقا حجم الرجل و مكانته و سلطاته إذا كنتى لا تعلمين فتلك مصيبه و ان كنت تعلمين و تغلوشين فالمصيبه اعظم

يا اغابى البابا هو الشخص الوحيد الان الذى فى ايديه حل كل مشاكل و اسباب الفتنه الحادثه حاليا و لو اردتى التأكد اذكرى لى حادثا واحدا و انا اقول لكى ماذا كان ينبغى و يستطيع البابا فعله لحل المشكله بما لا يؤثر عليه و على مكانته او اى احد من الشعب المسيحى الذى يعانى هو ايضا مما يحدث مما ذكرتموه كدليل على وجود تفرقه او اضطهاد او او مما يقال و لى بعد إذنك توضيح

ليس فقط المسيحيين مضيق عليهم فى الوظائف و المناصب

النظام يا اغابى علمانى لا يفرق معه دين الشخص بقدر التزامه و استعداده لخدمه النظام و اهدافه

المعامله السيئه فى الشرطه او القضاء فرع من اسلوب النظام الذى ربما.. و لذلك شواهد عديده.. يجامل المسيحيين بشكل واضح و تدليلا على ذلك اتحدى ان يكون هناك معتقل مسيحى واحد باستثناء ابن كاهن

كنيسه بورسعيد الممسوك فى قضيه الاسلحه من اسرائيل كما هو معلن عدا ذلك لا يوجد معتقلين سياسيين او غيرهم من المسيحيين .

الخلافات الاجتماعيه ذات الخلفيه الدينيه لماذا يتم تضخيمها و إظهارها على انها ظلم بين مثل موضوع السلام و التحيه

التى تكلم عنها الزميل اشرف و ظهر كأنها حرب مستعره رغم انه يا اغابى ستجدين اكبر من ذلك خلافات بين الكاثوليك و الاورثوزوكس مثلا و لو اردت يمكننى ان اضع لك رابط مناظره بين رجلى دين احدهما انجيلى و الاخر اورثوزوكسى كادا يأكلان بعضهما و مناظره اخرى بين البابا ماكسيموس و ممثل للكنيسه الاورثوزوكسيه و كان وقتها المذيع مفيد فوزى و انظرى ماذ حدث بينهما و ستجدين

ان المعامله على ارض الواقع اكرر على ارض الواقع و التى المسها بنفسى مع مسيحيي مصر ابنما ذهبت سواء فى منطقه الزيتون و او فى بلدى بمحافظه قنا افضل بكثير و انه لا يوجد كل ما تتكلمون عنه من

إضطهاد و تفرقه يتخيل سامعها انه عندما يسير فى شوارع وحوارى القاهره انه توجد نقاط تفتيش على الشوارع و النواصى تفتش عن الديانه بالبطاقه او الصلبان المرسومه فتقوم على الفور بقتل صاحبها

او جمعهم الى معسكرات تعذيب فتضعهم فى افران كاليهود ايام الحرب العالميه

و تتعجبين اكثر يا اغابى عندما تقرأين فى المواقع المشبوهه عن اعداد ضحايا و شهداء النصارى فى مصر و ستتعجبين اكثر عندما تجديهم فى الشارع او امام الكنائس ما زالوا موجودين و لم ينقرضوا

.

اضيف شيئا اخر يا اغابى لا ينتبه له الكثيرين

منذ ثلاث سنوات تقريبا يا اغابى كان لنا موضوع بدأه الزميل س س بعنوان ترميم جدار الوحده الوطنيه و كانت بدايه الموضوع تقريبا نفس البدايه و وقتها قلت نفس الكلام و حملت البابا المسئوليه لانه وقتها كانت احداث مسرحيه كنيسه الاسكندريه و ما سببته من غضب داخل اوساط المسلمين بسبب ان تؤلف مسرحيه و تمثل داخل الكنيسه تسخر من الاسلام و اهله و الانكى انها كانت تحت رعايه البابا كما كان موجودا على الشريط ثم كان زكريا بطرس فى قمه شتمه و تطاوله على الدين و كان ايضا وقتها موضوع اعتقال وفاء حديث العهد ...

كل ذلك يا اغابى منذ ثلاث سنوات ووقتها ايضا لم يتقدم البابا باى اعتذار او ترضيه لخاطر جيران الوطن عن ما حدث و تم ضرب السلام الداخلى بين شركاء الوطن عرض الحائط ..

و اليوم يا اغابى ماذا حدث تكرر نفس السيناريو بشكل اسواء

وصل مستوى التطاول على الدين الاسلامى يا اغابى الى الرجل الثانى فى الكنيسه و تطاول على القرأن بعد ان تطاول على المسلمين انفسهم ووصفهم بالضيوف و ايضا اعتقال كاميليا و الانكى من كل هذا و ذاك البابا عندما تكلم و اعرب عن انه اسف لما حدث (اى انه حزين لما حدث ) و سارع اصحاب المصالح بالقول ان البابا اعتذر فظهر ثانى يوم ليقول انه لم يعتذر ضاربا بعرض الحائط كل العلاقات و الوشائج بين المواطنين ....فبالله عليك الا يستحق المسائله و من قبله بيشوى على ما فعله .

لم تردى على سؤالى السابق بالفصل بين مكانه البابا الدينيه و مكانته القانونيه و المواطنيه

و دعينى اسألك السؤال بشكل مباشر

هل البابا فى حصانه ضد المسأئله القانونيه .ما هى و ما هى حيثياتها ؟

تم تعديل 22 أكتوبر 2010 بواسطة abaomar

[أشرف حليم]

طيب يا استاذ أشرف ممكن حضرتك تقول كل اللى انت حاسس بيه ... حاسس انك مضطهد فى ايه أو حتى حد تعرفه؟؟؟

أستاذ شريف ..... تحياتى

يمكن الإضطهاد كلمة فعلا" كبيرة ...... و الأوقع إنه فى الأغلب يوجد ما يمكن تسميته تمييزا" ضد المسيحيين

و إن كان هذا لا ينفى وجود بعض الأحداث القليلة اللى ممكن أن ترقى لحد الإضهاد

على سبيل المثال لما يخرج فى أحد القرى بعض الأخوة المسلمين بعد صلاة الجمعة لحرق بيت بدعوى نية اللى بيصلوا تحويله إلى كنيسة ...... بالتأكيد هذا الحدث و لو كان من فئة ما فى قرية ما ..... لكنه فى النهاية .... يجب أن نعترف أنه وقع إضهاد على بعض الأخوة المسيحيين المسالمين عن طريق بعض الأخوة المسلمين

أنا عن نفسى ...... مسقط رأس والدى و والدتى قرية بالصعيد .... كل بيوتها بيوت مسيحيين إلا بيتين أو ثلاثة لأخوة مسلمين

و مع ذلك لا يستطيعوا بناء كنيسة من أكثر من عشرين سنة

مع فهمى أنه لا يمكن تعميمه و تضخيم الأمر و يتقال أن كل المسيحيين لا يستطيعوا إقامة شعائرهم

أسباب إن ليه القرية كلها مسيحيين أعتقد بسبب أنها بتبتدى بعيلتين و لا تلاتة مسيحيين مثلا" من خمسين سنة و نفس هذه العائلات يتزوجوا من بعض و يجوزوا عيال عيالهم لغاية ما توصل لأن القرية كلها تبقى مسيحيين بس و بالمثل أعتقد للقرى المسلمة

بالنسبة لهذه النقطة يمكن سرد مواقف مشابهة كثيرة عن كنائس أخرى بالمنيا عشان جرس الكنيسة هيغيروه بآخر أكبر شوية !!

أو وجود قرى مسيحية أخرى يحدث أنهم مش قادرين يبنوا مكان يصلوا فية ...... تتكرر و بكثرة

هذا ما جاء فى ذهنى أنه يمكن إعتباره إضطهاد ..... و كل الباقى و اللى هقوله إن شاء الله ممكن تعتبره فقط تمييز

لو عايز نقطة الوظايف

أنا زوج أختى يعمل مهندس كهرباء بالحكومة ..... و من كم سنة هنا قريب فائجنى بأن العمال و المهنيين اللى تحت إدارته بيملوا دماغهم أنه لا يصح أن يرأسهم و يتولى عليهم أمور العمل واحد مسيحى

أنا عن نفسى إتفاجئت بالنقطة ده ..... كنت مش واخد بالى من أن هناك آية بالقرآن تتكلم عن ولاية غير المسلم

و أعتقد أن إستحضار هذه الآية و تفسيرها تفسير متشدد هو السبب فى موضوع الوظائف العليا اللى دايما" يشار إلى الظلم الواقع على بعض المسيحيين فى بعض المناصب العليا

هل هناك تشدد فى تفسير الآية ..... ده سؤال للأخوة الأفاضل رجاء توضيحه

ما الخط الفاصل ما بين بعض النصوص و الآيات مع نصوص الدستور و الحل لمعالجة هذه المشكلة .... أيضا" ده سؤال

خللى بالك يا أستاذ شريف أن ما ذكرته أنا بخصوص الوظائف ...... يعانى منه ليس فقط من هم مرشحون لمناصب عليا و لكن كل المناصب اللى فيها رئيس مسيحى و مرؤوس مسلم

و هذه حالة عامة ..... و ليست حالة خاصة لما واحد صاحب شغل مسيحى ما يشغلش مسلم و العكس صحيح

و بالرغم من أن النقطة الأخيرة ظاهريا" فردية ..... لكن مع تكرارها نسبة للتعداد ...... تصبح أيضا" مشكلة

و لو تكررت من مسيحيين أصحاب عمل بشكل يشكل ظاهرة ما تبقى بالطبع كارثة

تم تعديل 22 أكتوبر 2010 بواسطة أشرف حليم

[أشرف حليم]

توضيح

أنا ذكرت فى المداخلة السابقة الآتى

هل هناك تشدد فى تفسير الآية ..... ده سؤال للأخوة الأفاضل رجاء توضيحه

ما الخط الفاصل ما بين بعض النصوص و الآيات مع نصوص الدستور و الحل لمعالجة هذه المشكلة .... أيضا" ده سؤال

علشان ألا يفهم البعض خطأ أننى أرجع السبب لا سمح الله لنصوص دينية

أنا فقط أفضل ألا أذكر رأييى الشخصى فى مدى صحة موقف يستند إلى رأى دينى

حيث أفضل أن أترك الأمر لمن هم أدرى منى فى هذه المسألة

لكن فى نقطة الولاية أنا أعتقد أنه هناك إجتهادات تقول بأن الولاية العليا فقط هى ما يجب إستبعاد المسيحيين منها

و لكن بالرغم من هذه الإجتهادات يبقى الأمر رماديا" لباقى أنواع الولاية

خاصة عندما يتعلق الأمر بفئات غير متعلمة تعليم مرتفع و ما أكثرهم..... ساعتها يمكن لإمام جامع متشدد أن يقنعهم بهذه الأراء المتشددة دون أن يكون لهم حول و لا قوة ليعرفوا الأراء المستنيرة

و لكم جل تقديرى

[لماضة مصرية جدا]

السلام عليكم و رحمة الله و بركاته

عدة سطور توقفت امامها النهاردة في جريدة المصري اليوم

و ادعو حضراتكم لقراءتها

"فى زمن ماض جميل كان شعار الدين لله والوطن للجميع هو المعمول به فى زمن كانت الكفاءة وحدها هى المؤهل لتبوؤ المناصب، وكان من حق أى إنسان أن يختار معتقده وأسلوب تواصله مع إلهه، ونمط حياته الروحية، فالإيمان هو علاقة بين الإنسان وربه، وبين الخالق والمخلوق، يعبده كيفما يشاء، وإن شاء، وبالصورة التى يرتآها مناسبة، فمن حقه أن يكون مسلماً أو مسيحياً أو بوذياً أو لا دينياً، بل من حقه أن يعبد الحجر، إن هو أراد، شريطة ألا يقذفنا به!..

وللحق أقول إن سبب الكتابة فى هذا المقام أنى أستشعر كثيراً من الخطر الداهم على مصر، وقد تصاعدت النبرة الطائفية بين الأقباط والمسلمين فى الآونة الأخيرة، وهى بالقطع لا تصب فى صالح وحدة الدولة المصرية، بل تصب فى المقام الأول فى تمرير مخططات تفتيت مصر، حتى لا تكون قوية، فالسيناريوهات الحادثة فى لبنان والعراق والسودان وغيرها خير دليل على ذلك!.. وللأسف الشعوب العربية لا تعى دروس التاريخ وتجاربه!

لقد وصلت وتيرة العنف والإرهاب الفكرى ضد رأس الكنيسة إلى حد لا يصدقه عقل، عندما رأى العالم كله المظاهرات التى قام بها متطرفون فى القاهرة والإسكندرية، والمتظاهرون يهتفون بألفاظ مؤلمة تؤدى لتفتيت مصر وتدميرها. لقد كان العالم يحج إلى مصر للتعليم والتعلم من حضارتها وتسامحها واحترامها معتقدات الآخرين،

حتى وجدنا أمير الشعراء ينشد:

نعلى تعليم المسيح لأجلهم

الدين للديان جل جلاله

ويوقرون لأجلنا الإسلاما

لو شاء ربك وحد الأقواما"

اللافت لنظري فعلا ان كاتب المقال استاذ سامح لطفي هابيل......يعني بالبلدي كده....مسيحي و لكنه يري الامور بزاوية اخري....عوضا عن الانسياق وراء البكاء علي خلفياتي الدينية

من السهل اوي ان الواحد يقولي اني مضطهد....من السهل اوي ان حد ينفخ في بالونة في عقلي...و يفضل يكبر فيها....بس اللي بننساه ان دي بالونة

و مينفعشي نطبطب عليها

عشان لما بنطبطب علي البالونة بتنفجر....و بتطلع هوا

الصورة الاكبر

كما ذكر المقال

مخطط لتفتيت مصر.....ببالونة الفتنة الطائفية...و قليل جدا من اللعب في الدماغ

كلنا مضطهدون.....كلنا كمصريين مضطهدون.....لا نستثني احدا

رابط المقال

http://www.almasry-alyoum.com/article2.aspx?ArticleID=274260&IssueID=1931

تحياتي

[أشرف حليم]

السلام عليكم و رحمة الله و بركاته

كلنا مضطهدون.....كلنا كمصريين مضطهدون.....لا نستثني احدا

رابط المقال

تحياتي

أنا عن نفسى لم أدخل فى منافسة لإثبات وجود إضطهاد من عدمه

و لكن إنكار البعض القاطع لعدم وجود أى شكل من أشكال الإضهاد على الأقباط المسيحيين هوما يجعلنى عن نفسى أتذكر ما هى الأحداث التى يمكن إعتبارها إضطهاد

يعنى بالتأكيد ما حدش هيبقى مبسوط و مزقطط و هو بيقول إحنا مضطهدين

عشان كدة أعتقد أن الأقباط بشكل عام غير مضطهدين و إن مورس بعض التمييز السلبى ضدهم

و إن كان البعض يقول بأن هذا التمييز يقع على الجميع من الدولة

عنده حق

و لكن لما ييجى التمييز ( ولا بعض المواقف اللى يمكن عدها حالات إضطهاد ) لما ييجى من بنى جلدك من بعض فئات بالمجتمع و ليس فقط من النظام ...... ساعتها الوجع و الأذية بتبقى أشد

تم تعديل 22 أكتوبر 2010 بواسطة أشرف حليم

[abaomar]

السلام عليكم

الاخت الفاضله لماضه بارك الله فيكى

.

إسمحى لى برؤيه مغايره لرأيك الكريم عن المقال الذى اراه علامه على الطريق الذى تمشيه

قوى معينه داخل الكنيسه و فى المهجر على طريق التمهيد لتقسيم مصر كما ذكر كاتب المقال نفسه

الى دوله مسيحيه فى الجنوب و دوله مسلمه فى الشمال و هذا و للعلم احد اهم او قولى اغلى اهداف جماعه الامه القبطيه .

لقد وصلت وتيرة العنف والإرهاب الفكرى ضد رأس الكنيسة إلى حد لا يصدقه عقل، عندما رأى العالم كله المظاهرات التى قام بها متطرفون فى القاهرة والإسكندرية، والمتظاهرون يهتفون بألفاظ مؤلمة

اهذا اقصى ما يزعج الكاتب و يؤلمه ان يتظاهر من يصفهم هو كذبا و بهتانا بالمتطرفون

و يعتبر ان الهتافات ضد البابا

لا تصب فى صالح وحدة الدولة المصرية، بل تصب فى المقام الأول فى تمرير مخططات تفتيت مصر،

الا يعلم الكاتب سبب تظاهرهم

الا يعلم بما قاله بيشوى

بل هل يعلم ما فعله البابا نفسه

الا يعلم ان هناك من تظاهر من ليس له علاقه بالتطرف المزعوم مثل حركه كفايه و 6 ابريل

الا يعلم انه من داخل الصف القبطى نفسه عقلاء معترضون على ما حدث من بيشوى و البابا شنوده نفسه

اين العقل بل اين العدل

لم و لن يقبل مسلم عاقل اى تجاوز فى حق البابا بنفس القدر و أكثر لن يقبل التجاوز فى حق دينه و نبيه و قرأنه

إن ما يحدث الان اختى الفاضله ما هو الا حلقه فى مخطط التفتيت الذى لن يحدث قطعا .

يتم جس نبض المسلمين كل فتره بتجاوز هنا و تطاول هناك لمعرفه قدر ردود الافعال و الوقت المناسب خصوصا ان الظروف المحيطه تثير الطمع فالسودان الان على المحك و النظام مشغول و مكبل ..

و لكن يمكرون و يمكر الله و الله خير الماكرين .

تم تعديل 22 أكتوبر 2010 بواسطة abaomar

[أشرف حليم]

أستاذ أبو عمر الفاضل

يحيرنى فيك الجمع ما بين الطيبة الشديدة و خفة الدم و التشدد الدينى عذرا" فى نفس الوقت

أسطوانة( عشان فى ناس تانية ترددها) أن البابا شنودة هو سبب المشكلة و الفتنة

و عاملين حاجة تسجيلية عا اليوتيوب ( معرفش مين اللى دافع ثمنها) كلها فبركة غاية فى السذاجة ,,,, أى عيل فى إبتدائى ما يصدقهاش

يا سيدى الفاضل لما يقول اللى يقول لغاية معرفش كام سنة اللى جاييين إن البابا كذلك

تأكد إن مفيش حد هيصدق

حضرتك ذكرت و كررت أن البابا ليس كبير على المحاكمة

محاكمته عشان إيه!!! عشان قال أنا تأسفت و لكننى لم أذكر كلمة أعتذر

و إن كنت أعلم تماما" أن الموضوع هنا ليس عن البابا

و لكن تكرارك لهذا الأمر كان لازم حد يرد عليه

يا سيدى الفاضل لو البابا سبب الفتنةو عايز فتنة ....كان ييجى يقول النار لا تنطفىء إلا بالماء

طب ما كان كمل توليعها

لكن ما لا تعرفه أنه رجل سلام و ليس حتى رجل حرب كلامية

أشكرك

تم تعديل 22 أكتوبر 2010 بواسطة أشرف حليم

[شريف مان]

استاذ أشرف .. حضرتك ذكرت نقطتين

1- الوظائف العليا : واظن وزير المالية ( بيت المال ) السيد جووو وهو رجل مسيحى وماشاء الله كل مصر بتحيه ومحدش اعترض عليه لانه مسيحى وفيه مسئولين كبار كتير فى الدولة مسيحيين وبردوا محدش أعترض

2- الكنائس : حضرتك ذكرت ان فى مشاكل فى بناء الكنائس .. طيب حضرتك متخيل ان عدد المساجد فى مصر كافىء !!!

احنا كمسلمين محتاجين على الاقل ضعف عدد المساجد الموجودة حاليا .. شوف حضرتك صلاة الجمعة او العيد او المساجد فى رمضان

هتلاقى اعداد كبيرة جدا من المصلين بيصلوا فى الشارع !! ورمضان قبل الماضى كان فى الشتاء وشفنا أيام زى الفل واحنا بنصلى

معاك ان تصاريح بناء المساجد اسهل بكتيييييير من تصاريح بناء الكنائس

بس المساجد مفتوحة للصلاة فقط والكنائس مفتوحة 24 ساعة

المساجد عليها رقابة من الاوقاف اللى بيعينوا الائمة وكمان مفهمينهم يتكلموا فى ايه وميتكلموش فى ايه دا غير رقابة أمن الدولة

والكلام دا مش موجود مع الكنائس

شوف الملتحى المسلم ايه اللى بيحصله .. والله صديق لى بعد ما التحى بأقل من شهر كان فى أمن الدولة دا غير اللى ذكره بعض الاخوة هنا من مضايقات فى دخول الاندية وغيرها

شوف الراهب وللا القس .. حد يقدر يقربله

يعنى فى النهاية المسلم واخد حاجة والمسيحى واخد حاجة .. واحنا كمسلمين وكمسيحيين مش واخدين حتى 5% من حقوقنا

تحياتى وياريت لو فيه حاجة تانية تقول عليها وحضرتك تحكم فى النهاية

[اغابي]

السلام عليكم

اغابى طبعا مبالغه منك انه لا مداخله لى الا و فيها البابا و لا محل لها هنا .

لا مش مبالغة راجع كل مشاركاتك حتى اللى مش عن البابا بتدخل فيها البابا وبتتهمه باتهامات غريبة - لكن انا اتعودت على اسلوبك - جايز يكون حد جديد من المسيحيين على المنتدى يزعل من لكن انا خلاص حفظت انك مبرمج على كدا شكلك معمولك كدا غسيل دماغ

انا عذرتك كثيرا عندما علمت انك تنزلى مصر كل ثلاث سنوات و فى نفس الوقت تعجبت من كل

هذا الدفاع بحق و بدون اعتمادا الا على ما تسمعيه فقط لا ما تسمعيه و تريه

لالا - انا على اتصال باهلى واصحابي اللى بيرجعو من مصر بمواقف مخجلة وحاحكيها كلها

وكفاية ان فى موقف حصل مع اختى لسة من اسبوع وبصراحة انا زعلت لرد الفعل نفسه - حزنت وفضلت على التلفون اهدى فيها لانها كانت عصبية موت -

فسيبك بقى من موضوع تعذرنى انت عارف الكويت مش بعيد اوى عن مصر

اغابى انا عقبال املتك انزل مصر كل شهر و نصف تقريبا لانى عقبال عندك بقيت مدير كبير :) و اولادى يدرسون الان هناك و اعيش مصر تماما بكل تفاصيلها و عندما اقول لك ان دعاوى الاضطهاد و التفرقه اختراع خبيث لايجاد حاله احتقان مستمره ووضع النظام و من وراءه المسلمين فى خانه المتهم المطلوب منه الدفاع عن نفسه فى الوقت الذى يجنى بعض المنتفعين فى الكنيسه بالخارج و الداخل مكاسب كثيره

على هامش الحديث - انا بحب مصر اوى يا ابو عمر وهى فعلا امى

لكن ظروف شغل جوزى ما بين الكويت ودبي ولبنان مفيش فرصة نروح مصر بسرعة

لان جوزى مدير مالى وادارى لاشهر سلسلة مطاعم توكيل انجليزي افرعها ما بين الكويت ولبنان ودبي ولندن

وهو علطول ماموريات الشغل سفر بين هنا وهنا

ومفيش وقت عندنا ننزل مصر كتير زى باقى الناس اللى عايشين فى الكويت لكن صدقنى انا متابعة جيدا لكل حاجة بتحصل فى مصر

وبمناسبة مصر مهما الواحد يلف ويروح مصر حتفضل اغلى واجمل بلد

وكويس انك بتنزل كتير ياريت ظروف شغلنا تسمح

الا بصحيح بقى ممكن توضحلى ايه المكاسب اللى بتستفيدها الكنيسة من الخارج

ما بلاش نتكلم فى موضوع المكاسب والفلوس اللى بتتحول وانت عارف ان فى بلاد معينة بتحول فلوس لصالح جهات معينة برضوه داخل مصر

بلاش سيرة المكاسب دى - لانك حتطلع فيها خسران - احنا كمسيحيين ما بنجريش ورا الكلام داه ابدا

بخصوص البابا شنوده و الذى تتهمينى بحشره فى كل شئ اتعجب من كلامك ..هل لا تعرفين حقا حجم الرجل و مكانته و سلطاته إذا كنتى لا

تعلمين فتلك مصيبه و ان كنت تعلمين و تغلوشين فالمصيبه اعظم

اغلوش على ايه ؟؟

فاصل ونواصل

اغابي

تم تعديل 22 أكتوبر 2010 بواسطة اغابي

[اغابي]

يا اغابى البابا هو الشخص الوحيد الان الذى فى ايديه حل كل مشاكل و اسباب الفتنه الحادثه حاليا

ازاى تتهم البابا انه سبب الفتنة - لازم لما تتكلم مع المسيحيين وفى مواضيع زى دى بكون عندك الحكمة تطلب من ربنا الحكمة فى الكلام

و لو اردتى التأكد اذكرى لى حادثا واحدا و انا اقول لكى ماذا كان ينبغى و يستطيع البابا فعله لحل المشكله بما لا يؤثر عليه و على مكانته او اى احد من الشعب المسيحى الذى يعانى هو ايضا مما يحدث مما ذكرتموه كدليل على وجود تفرقه او اضطهاد او او مما يقال

و لى بعد إذنك توضيح

لو انت وجهة نظرك هى اللى صح فى حل مشاكل الاقباط كنا انتخبناك البابا بتاعنا

لكن ما دمت انت مش البابا بتاعنا يا ابو عمر يبقى لا يجوز ان تفتى على ما هو قال

ليس فقط المسيحيين مضيق عليهم فى الوظائف و المناصب

النظام يا اغابى علمانى لا يفرق معه دين الشخص بقدر التزامه و استعداده لخدمه النظام و اهدافه

صح : وانا قولت قبل كدا ان المسلمين والمسيحيين اقلية

وقولت ان المسلمين اتظلمو جدا تحت الفقر والواسطة والمحسوبية احنا مش بننكر كدا يا ابو عمر فعلا كلامك منطقى فى النقطة دى

المعامله السيئه فى الشرطه او القضاء فرع من اسلوب النظام الذى ربما.. و لذلك شواهد عديده.. يجامل المسيحيين بشكل واضح و تدليلا

على ذلك اتحدى ان يكون هناك معتقل مسيحى واحد

اللى فى المعتقل دول ليه ؟؟ اما فى مطامع سياسية او مشاكل مع الحزب الحاكم وانت عارف كدا - يعنى حزب كفاية والاخوان والاحزاب دي هى اللى عاملة مشاكل عمرنا ما سمعنا عن الحزب المسيحي عمل لنفسه اسم فليكن المستقل

مثلا وقام على النظام وبهدل الدنيا يبقى ليه يدخل فى معتقلات

باستثناء ابن كاهن كنيسه بورسعيد الممسوك فى قضيه الاسلحه من اسرائيل كما

هو معلن عدا ذلك لا يوجد معتقلين سياسيين او غيرهم من المسيحيين .

اه انا سمعت عن الحادث بس كان بمب ومفرقعات للاعياد - لعب اطفال وجايا من الصين مش الاتحاد السوفيتي مثلا

عموما برضوه انك تحول الحادث وتضخمه لحادث كبير وانه يتحول من بمب وصواريخ

اطفال للاسلحة داه نوع يا ابو عمر من الاضطهاد الفكرى للاقباط ونوع من الضغط المعنوى عليهم - خلى بالك هو داه اللى احنا بنتحاور بشانه فى هذا التوبيك

مع العلم انا مش بقول بدافع عن الشخص اللى اتحدى القوانين حتى لو كان ابن كاهن

و المسيحيين مش ملايكة برضوه - كل فئة فيها الكويس وفيها السيء

فاصل

اغابي

تم تعديل 22 أكتوبر 2010 بواسطة اغابي

[اغابي]

الخلافات الاجتماعيه ذات الخلفيه الدينيه لماذا يتم تضخيمها و إظهارها على انها ظلم بين مثل موضوع السلام و التحيه

التى تكلم عنها الزميل اشرف و ظهر كأنها حرب مستعره رغم انه يا اغابى ستجدين اكبر من ذلك خلافات بين الكاثوليك و الاورثوزوكس مثلا و لو اردت يمكننى ان اضع لك رابط مناظره بين رجلى دين احدهما انجيلى و الاخر اورثوزوكسى كادا يأكلان بعضهما و مناظره اخرى بين البابا ماكسيموس و ممثل للكنيسه الاورثوزوكسيه و كان وقتها المذيع مفيد فوزى و انظرى ماذ حدث بينهما و ستجدين

ان المعامله على ارض الواقع اكرر على ارض الواقع و التى المسها بنفسى مع مسيحيي مصر ابنما ذهبت سواء فى منطقه الزيتون و او فى بلدى بمحافظه قنا افضل بكثير و انه لا يوجد كل ما تتكلمون عنه من

إضطهاد و تفرقه يتخيل سامعها انه عندما يسير فى شوارع وحوارى القاهره انه توجد نقاط تفتيش على الشوارع و النواصى تفتش عن

الديانه بالبطاقه او الصلبان المرسومه فتقوم على الفور بقتل صاحبها

او جمعهم الى معسكرات تعذيب فتضعهم فى افران كاليهود ايام الحرب العالميه

و تتعجبين اكثر يا اغابى عندما تقرأين فى المواقع المشبوهه عن اعداد ضحايا و شهداء النصارى فى مصر و ستتعجبين اكثر عندما تجديهم فى الشارع او امام الكنائس ما زالوا موجودين و لم ينقرضوا

لا شوف يا ابو عمر - هنا بس لو سمحت راجع شوية معايا

الضحايا من المسيحيين محفوظين بالاسم ومعروفين وللاسف كل قاتل دخل كنيسة وقتل مسيحيين اثناء الصلاه

طلعوه مختل عقليا واخد براءة يعنى دم المسيحين ما لهوش دية - اللى عاوز يقتل يقتل -

الموضوع داه مش محتاج ابدا تعليق لو سمحت يا ابو عمر

انت عندك اخر قضية فى نجع حمادى شغال القضاء الشريف بتاعنا ياجل فيهابالاضافة ان يقوم 25 محامى يدافعو عن 3 مجرمين قتلو 7 شباب فى عمر الزهور ليلة عيد الميلاد انا بصراحة كمسيحة لما شفت منظر ال25 محامى امام محكمة قنا فى البرنامج على دريم وعلى 90 دقيقة اتكسفتلهم - بجد كنت فى نص هدومى من مناظرهم - لانهم اهانة لكل محامى شريف - ازاى واقفين تدافعو عن 3 بلطجية يتيموا 5 اطفال وقتلو 7 ابرياء علشان ايه - علشان تكسبو لقطة تلفزيونية ولا حديث صحفى

يبقى ما نتكلمش عن الناس اللى ماتت من المسيحيين داه

.

اضيف شيئا اخر يا اغابى لا ينتبه له الكثيرين

منذ ثلاث سنوات تقريبا يا اغابى كان لنا موضوع بدأه الزميل س س بعنوان ترميم جدار الوحده الوطنيه و كانت بدايه الموضوع تقريبا نفس البدايه و وقتها قلت نفس الكلام و حملت البابا المسئوليه لانه وقتها كانت احداث مسرحيه كنيسه الاسكندريه و ما سببته من غضب داخل اوساط المسلمين بسبب ان تؤلف مسرحيه و تمثل داخل الكنيسه تسخر من الاسلام و اهله و الانكى انها كانت تحت رعايه البابا كما كان موجودا على الشريط ثم كان زكريا بطرس فى قمه شتمه و تطاوله على الدين و كان ايضا وقتها موضوع اعتقال وفاء

حديث العهد

كل ذلك يا اغابى منذ ثلاث سنوات ووقتها ايضا لم يتقدم البابا باى اعتذار او ترضيه لخاطر جيران الوطن عن ما حدث و تم ضرب السلام

الداخلى بين شركاء الوطن عرض الحائط ..

امتى يعتذر البابا يا ابو عمر

بمناسبة مشكلة مسرحية الاسكندرية - مع انى انا بالمناسبة اتضايقت جدا للحصل - ليه يعنى يمثلوا مسرحية بالشكل داه - ما تمثلوا اى قصة من قصص الكتاب المقدس

عندنا الانجيل زاخر بقصص كتير يمثلوها مسرحيات - لكن الى حصل غلط طبعا

ومليون غلط انا ضدده تماما

لكن انا حاقولك امتى البابا يعتذر - طب انتم اديتوه فرصة للاعتذار

انتم مش بتدوا البابا فرصة يعتذر اطلاقا - بمعنى ايه - ؟؟

بمعنى انكم اخدتم حقكم تالت ومتلت - ضربت راهبات بسكينة وعندى الصور

وكسرت عربيات المسيحيين وحرقتم محلاتهم وقومتم الدنيا - واللى حصل كان ممكن لو يتصفى بطريقة اهدى من كدا واهدى من استخدام الخناجر والمطاوى على الراهيبات

كنتم وقتها لاقيتم الشعب المسيحي كله قام كرجل واحد واعتذرلكم بالاضافة للبابا لكن علشان البابا يعتذر بعد البهدلة والتكسير وحرق الكنيسة وكل اللى حصل داه يبقى معناه ان البابا شنودة خايف من اللى عملتوه علشان كدا ما ينفعش يعتذر وملهاش معنى تانى

افهم انت بقى لما ابنى يضرب ابنك وبدل ما تيجي تشتيكيلى لا انت ضربت ابنى وامه واخواته كلهم وحرقت عربياتهم وووو الخ وجاى عاوزنى اعتذرلك ازاى

صدقونى مرة واحدة ادو البابا شنودة فرصة يعتذر

وهو حيعتذر خجلا منكم لكن انتم بتزعلونا اوى يبقى ازاى الاعتذار

وانت من حقك تزعل وتنتظر الاعتذار لانك حسيت باهانة ولانك بتحبنا وعندك عشم فينا - لكن برضوه الدنيا ولعت وضرب وحرق وتكسير وتهديد يبقى اكيد

مش حيكون فيه اعتذار لانكم خلاص اخدتم حقكم

و اليوم يا اغابى ماذا حدث تكرر نفس السيناريو بشكل اسواء

وصل مستوى التطاول على الدين الاسلامى يا اغابى الى الرجل الثانى فى الكنيسه و تطاول على القرأن بعد ان تطاول على المسلمين انفسهم ووصفهم بالضيوف

شوف هو مش دفاعا عن الاساقفة لكن اساقفتنا وكهنتنا

بيبقوا ساكتين وقت طويل لغاية ما يوصلوا انهم يزهقو من السكوت وانهم يستحملوا كتير وما بقوش قادرين تانى

يا ابو عمر الاستفزازات اللى من العوا وامثاله متعبة للاعصاب برضوه ومش بيراعو حد فيها فاللى عملوا الانبا بيشوى

كان رد فعل ولكل فعل رد فعل مساوي له فى المقدار ومضاد له فى الاتحاه -

لكن يمكن يكون الانبا بيشوي ما وظفش الكلمات بطريقة حكيمة بحيث انه يمسك العصايا من النص

منها يرد بهدوء ويدافع عن المسيحية والمسيحيين ومنها ما يزعلش اخواتنا المسلمين

و ايضا اعتقال كاميليا

انت برضوه وظف كلماتك ما تغلطش غلطة الانبا بيشوى

- كلمة اعتقال دى مش حلوة فى حق الكنيسة لانها بيت الله ومكان مقدس - اختر الكلمات المناسبة يا ابو عمر

و الانكى من كل هذا و ذاك البابا عندما تكلم و اعرب عن انه اسف لما حدث (اى انه حزين لما حدث ) و سارع اصحاب المصالح بالقول ان البابا اعتذر فظهر ثانى يوم ليقول انه لم يعتذر ضاربا بعرض الحائط كل العلاقات و الوشائج بين المواطنين ....فبالله عليك الا يستحق المسائله و من قبله بيشوى على ما فعله .

لم تردى على سؤالى السابق بالفصل بين مكانه البابا الدينيه و مكانته القانونيه و المواطنيه

و دعينى اسألك السؤال بشكل مباشر

هل البابا فى حصانه ضد المسأئله القانونيه .ما هى و ما هى حيثياتها ؟

على ايه - ايه الجريمة اللى عاوزه يتسائل عنها ويقف امام القضاء ؟؟

اكيد انت مش حتتساوي مع البابا - لما بتتكلم عن نظير جيد وعن البابا شنودة على نفس السطر

كانك بتشبهلى الظابط فلان ولما اترقى وبقى رئيس الجمهورية فلان

ما ينفعش بعد الظابط ما اترقى وبقى رئيس جمهورية وله بوزيشن معين اقول عنه انه الظابط فلان

يبقى نظير جيد داه قبل البابوية - يعنى بوزيشن غير - او مسمي وظيفى غير - يجب الا تختلط الامور اثناء الحوار

وهو انت ايه جريمتك وهو ايه جريمته

لانى لغاية دلوقتى مش عارفة ايه هى جريمة البابا شنودة يا ابو عمر

اللى حتتساوى بيها امام القانون معاه ؟؟

تم تعديل 22 أكتوبر 2010 بواسطة اغابي

[لماضة مصرية جدا]

السلام عليكم

الاخت الفاضله لماضه بارك الله فيكى

.

إسمحى لى برؤيه مغايره لرأيك الكريم عن المقال الذى اراه علامه على الطريق الذى تمشيه

قوى معينه داخل الكنيسه و فى المهجر على طريق التمهيد لتقسيم مصر كما ذكر كاتب المقال نفسه

الى دوله مسيحيه فى الجنوب و دوله مسلمه فى الشمال و هذا و للعلم احد اهم او قولى اغلى اهداف جماعه الامه القبطيه .

لقد وصلت وتيرة العنف والإرهاب الفكرى ضد رأس الكنيسة إلى حد لا يصدقه عقل، عندما رأى العالم كله المظاهرات التى قام بها متطرفون فى القاهرة والإسكندرية، والمتظاهرون يهتفون بألفاظ مؤلمة

اهذا اقصى ما يزعج الكاتب و يؤلمه ان يتظاهر من يصفهم هو كذبا و بهتانا بالمتطرفون

و يعتبر ان الهتافات ضد البابا

لا تصب فى صالح وحدة الدولة المصرية، بل تصب فى المقام الأول فى تمرير مخططات تفتيت مصر،

الا يعلم الكاتب سبب تظاهرهم

الا يعلم بما قاله بيشوى

بل هل يعلم ما فعله البابا نفسه

الا يعلم ان هناك من تظاهر من ليس له علاقه بالتطرف المزعوم مثل حركه كفايه و 6 ابريل

الا يعلم انه من داخل الصف القبطى نفسه عقلاء معترضون على ما حدث من بيشوى و البابا شنوده نفسه

اين العقل بل اين العدل

لم و لن يقبل مسلم عاقل اى تجاوز فى حق البابا بنفس القدر و أكثر لن يقبل التجاوز فى حق دينه و نبيه و قرأنه

إن ما يحدث الان اختى الفاضله ما هو الا حلقه فى مخطط التفتيت الذى لن يحدث قطعا .

يتم جس نبض المسلمين كل فتره بتجاوز هنا و تطاول هناك لمعرفه قدر ردود الافعال و الوقت المناسب خصوصا ان الظروف المحيطه تثير الطمع فالسودان الان على المحك و النظام مشغول و مكبل ..

و لكن يمكرون و يمكر الله و الله خير الماكرين .

السلام عليكم و رحمة الله و بركاته

أستاذي الفاضل أباعمر

أري أن حضرتك....قرأت المقالة باتجاه مختلف بالفعل....و يبدو انه الاتجاه المعاكس

و أري ان وجهة نظر حضرتك لا تختلف عن وجهة نظر صاحب المقالة الاصلية "حارة النصاري"...و اري وجهات نظريكما تتشابه....حد يدعو للدهشة!!!

الهدف واحد.....إزكاء الفرقة

النفخ في فقاعة الفتنة

راهنت نفسي ان حضرتك ستقتبس الاقتباس الاول....و تعلق عليه....و صدق حدسي

قد اكون مخطئة...و قد لا اكون

و مع اختلاف وجهات النظر

لك مني كل الاحترام

[psychologyteacher]

السلام عليكم

الاخت الفاضله لماضه بارك الله فيكى

.

إسمحى لى برؤيه مغايره لرأيك الكريم عن المقال الذى اراه علامه على الطريق الذى تمشيه

قوى معينه داخل الكنيسه و فى المهجر على طريق التمهيد لتقسيم مصر كما ذكر كاتب المقال نفسه

الى دوله مسيحيه فى الجنوب و دوله مسلمه فى الشمال و هذا و للعلم احد اهم او قولى اغلى اهداف جماعه الامه القبطيه .

بس مش هينفع جمهورية مصر القبطية تبقى ف الجنوب عشان كدة مش هنعرف نصيِّف ف اسكندرية

وعجبى

لقد وصلت وتيرة العنف والإرهاب الفكرى ضد رأس الكنيسة إلى حد لا يصدقه عقل، عندما رأى العالم كله المظاهرات التى قام بها متطرفون فى القاهرة والإسكندرية، والمتظاهرون يهتفون بألفاظ مؤلمة

اهذا اقصى ما يزعج الكاتب و يؤلمه ان يتظاهر من يصفهم هو كذبا و بهتانا بالمتطرفون

ولما دول مش متطرفين ومظلومين يا عينى ف الوصف ده أمال مين المتطرفين من وجهة نظر حضرتك ؟؟؟؟؟

طبعا أكيد هتقلى بيشوى ، صح ؟؟؟

بقيت أقرا افكارك يا ابو عمر

الا يعلم بما قاله بيشوى

بل هل يعلم ما فعله البابا نفسه

إيه بقى اللى فعله البابا نفسه يا أبو عمر ؟؟؟؟؟

طبعا هتقلى رجع ف اعتذاره ، صح ؟؟؟؟؟

يا سيدى الانبا بيشوى لما قال حكاية ان المسلمين ضيوف كان يقصد لما حلّو على مصر زماااااااااااااان ودى حقيقة تاريخية محدش يقدر واكرر محدش يقدر ينكرها ، لكن دلوقتى والحمد لله بقوا اصحاب البلد واعتقد البابا رد عليها رد متسامح جدا وقال انا ممكن اقول ان احنا اللى ضيوف على اخواتنا المسلمين .. متهيألى كدة المفروض الحكاية انتهت .. ولا ايه ؟؟؟؟

اما حكاية نقد الانبا بيشوى للقرآن فدى كلنا قلنا انها غلط تماما والمفروض انه لا يخوض فى مثل هذه الاشياء لكن الناس اللى هما مش متطرفين مصرين ان الكنيسة تفضل تعتذر لمدة 25 سنة وبعدها نبقى نحتفل باليوبيل الفضى للاعتذار ، طب هو مين قبل كدة اعتذر عن الاهانات اللى بتتلقاها الكنيسة والعقيدة المسيحية من زماااااااااان من الشيوخ وغيرهم اللى هما مش متطرفين .. واكرر مشششش متطرفين !!!

إن ما يحدث الان اختى الفاضله ما هو الا حلقه فى مخطط التفتيت الذى لن يحدث قطعا .

يتم جس نبض المسلمين كل فتره بتجاوز هنا و تطاول هناك لمعرفه قدر ردود الافعال و الوقت المناسب خصوصا ان الظروف المحيطه تثير الطمع فالسودان الان على المحك و النظام مشغول و مكبل ..

و لكن يمكرون و يمكر الله و الله خير الماكرين .

يا اخى انا عندى اعتقاد راسخ جدا من يوم ما بدأت المأساويات دى

حكاية كاميليا هى السبب كله

الاخوة اللى مش متطرفين هيموتوا ويعرفوا الست دى فين

بس تعرف ...

انا كمان نفسى يعرفوا هى فين

على الاقل عشان يخلصونا من وجع الراس ده ويحولوا شحنة الغضب دى من شتيمة وسب ولعن لحاجة كدة نشوفها على ارض الواقع ونفرح بيهم ونزغردلهم

يحيينا ويحييك ربنا

[yasser moustafa]

استخدام لفظ وكلمة -- متطرف -- بقت على الفاضى والمليان

كل واحد يصف خصمه بهذه الصفة وحتى الدول والحكومات كل يوم هنا أو هناك يوجد ارهابى

مع انه حتى الآن لا يوجد توصيف محدد وواضح لهذا اللفظ

ولكن الوصف والمعنى الذى فرض نفسه لهذا اللفظ هو: كل من اختلف معك فى الرأى أو تجرء وطالب بحقوقه

حتى اننا نصف مجموعة من الناس اسأت التصرف واستخدمت الفاظا وكلمات غير محترمة -لا خلاف على ذلك- ولكنهم فقط تظاهروا كما تتظاهر مجموعات اخرى فى الكنيسة بالعباسية

المجموعتان يتعدوا حدود الأداب العامة فى التظاهر ولكن وصفهم بالارهابيين مبالغ به جداً جداً

أرجو من جميع الأخوة فى المنتدى الاقتصاد فى استخدام هذا الوصف الضخم والعنيف

مع تحياتى

[psychologyteacher]

[إن ما يحدث الان اختى الفاضله ما هو الا حلقه فى مخطط التفتيت الذى لن يحدث قطعا .

يتم جس نبض المسلمين كل فتره بتجاوز هنا و تطاول هناك لمعرفه قدر ردود الافعال و الوقت المناسب خصوصا ان الظروف المحيطه تثير الطمع فالسودان الان على المحك و النظام مشغول و مكبل ..

و لكن يمكرون و يمكر الله و الله خير الماكرين .

فيه جزء من ردى اللى فات اتحذف يا رجالة !!!!!

والاخ اللى حذفه حتى مبينش السبب

يا ترى ليه ؟؟؟؟؟؟؟؟؟؟؟

[se_ Elsyed]

فيه جزء من ردى اللى فات اتحذف يا رجالة !!!!!

والاخ اللى حذفه حتى مبينش السبب

يا ترى ليه ؟؟؟؟؟؟؟؟؟؟؟

كنت أعتقد إنك ستراجع نفسك بنفسك وتقرا ما كتبته في الجزء المحذوف وستعلم إنك تحدثت عن رب العزه بأسلوب لا يليق وبالتالي ستُعرض الموضوع وتعرض نفسك لهجوم بغير داعي والأمور ستخرج عن السيطرة ..

أرجو أن يلتزم الجميع بمناقشة الأفكار المطروحة بشكل راقِ ولا داعي للأستفزازت من أي طرف .. وإن كانت كلمة الأطراف تُضايقني شخصياً .. لأننا لسنا متبارين أو متنافسين في أمر ما ... ولكننا أبناء وطن واحد وإخوة في الإنسانية وجميع ما يحدث على ارض هذا الوطن يؤثر علينا جميعاً بدون تمييز .

وشكراً للجميع

[psychologyteacher]

فيه جزء من ردى اللى فات اتحذف يا رجالة !!!!!

والاخ اللى حذفه حتى مبينش السبب

يا ترى ليه ؟؟؟؟؟؟؟؟؟؟؟

كنت أعتقد إنك ستراجع نفسك بنفسك وتقرا ما كتبته في الجزء المحذوف وستعلم إنك تحدثت عن رب العزه بأسلوب لا يليق وبالتالي ستُعرض الموضوع وتعرض نفسك لهجوم بغير داعي والأمور ستخرج عن السيطرة ..

أرجو أن يلتزم الجميع بمناقشة الأفكار المطروحة بشكل راقِ ولا داعي للأستفزازت من أي طرف .. وإن كانت كلمة الأطراف تُضايقني شخصياً .. لأننا لسنا متبارين أو متنافسين في أمر ما ... ولكننا أبناء وطن واحد وإخوة في الإنسانية وجميع ما يحدث على ارض هذا الوطن يؤثر علينا جميعاً بدون تمييز .

وشكراً للجميع

أنا يا اخى لم اتحدث عن رب العزة باسلوب لا يليق وحاشا طبعا وانما رديت على الاخ ابو عمر لما كتب الاية ( ويمكرون ويمكر الله والله خير الماكرين ) واعتقد انى مقلتش حاجة غلط عشان اتعرض لهجوم من حد .

وكأنى بقله لما انت واثق فى ان ربنا بيجيب حق المظلومين ولما انت شايف انك مظلوم يبقى منطقيا سيب ربنا يتصرف ويجيبلك حقك

فين بقى الاسلوب الذى لا يليق فى ده ؟؟؟؟

لو حضرتك لسة شايف انه اسلوب لا يليق يا ريت تنزل اللى اتحذف مرة تانية وانا متحمل الهجوم

[شريف مان]

وكأنى بقله لما انت واثق فى ان ربنا بيجيب حق المظلومين ولما انت شايف انك مظلوم يبقى منطقيا سيب ربنا يتصرف ويجيبلك حقك

فين بقى الاسلوب الذى لا يليق فى ده ؟؟؟؟

دا أسلوب الولايا يا استاذى

يعنى حضرتك اتسرقت فتعد تدعى ربنا انه يجيبلك حقك !!

تم تعديل 23 أكتوبر 2010 بواسطة شريف مان

[psychologyteacher]

وكأنى بقله لما انت واثق فى ان ربنا بيجيب حق المظلومين ولما انت شايف انك مظلوم يبقى منطقيا سيب ربنا يتصرف ويجيبلك حقك

فين بقى الاسلوب الذى لا يليق فى ده ؟؟؟؟

دا أسلوب الولايا يا استاذى

يعنى حضرتك اتسرقت فتعد تدعى ربنا انه يجيبلك حقك !!

هو كون انك تطلب معونة السماء ده فى عرفك اسلوب ولايا يا استاذ شريف ؟؟؟؟؟

ولما تشتم وتسب وتلعن وتتطاول على غيرك بأقذع الالفاظ ده يبقى اسلوب رجالة ؟؟؟؟؟

مفاهيمك مقلوبة يا استاذنا

وبعدين قبل ما ترد على تعليقى يا ريت تشوف تعليقى ده اصلا كان على ايه وبعدها تعلق على اساس من الفهم السليم للموضوع ككل .

تحياتى

[شريف مان]

هو كون انك تطلب معونة السماء ده فى عرفك اسلوب ولايا يا استاذ شريف ؟؟؟؟؟

لو كان دا( فقط ).. أكيد اسلوب ولايا .. والمؤمن القوى احب اللى الله من المؤمن الضعيف .. أكيد نطلب المعونة من الله بس لازم ناخد بالاسباب .. والا نقفل المحاكم ونلغى القانون ونعيط زى الولايا ونقول يارب

ولما تشتم وتسب وتلعن وتتطاول على غيرك بأقذع الالفاظ ده يبقى اسلوب رجالة ؟؟؟؟؟

مش عارف تقصد مين !! بس لو غيرى أخد حقى وأعتدى عليا ومعرفتش آخد حقى بالقانون بالاضافة اللى انت ذكرته هضربه بالجزمة وهآخد حقى

مفاهيمك مقلوبة يا استاذنا

يمكن

وبعدين قبل ما ترد على تعليقى يا ريت تشوف تعليقى ده اصلا كان على ايه وبعدها تعلق على اساس من الفهم السليم للموضوع ككل .

المفروض تقول الكلام دا لنفسك وشوف حوارنا مع الاستاذ أشرف وكان بيقول رأيه وبرد عليه بمنتى الاحترام .. بس مش عارف هوا معدش متابع الموضوع ليه !!

وسيادتك دخلت على الخط وبدل ماتقول رأيك داخل تفسر آيه وعامل فيها الشعراوى رحمه الله

وكمان علقت بكلام عفوا (سخيف ) وأنا عملت نفسى مش شايفة عشان منخرجش بره الموضوع .. وكويس ان الاستاذ سيد حذفه

ياريت حضرتك تقرأ الردود كويس وتعرف ان الهدف من الموضوع من الخناق .. قول كل اللى انت حاسس بيه .. قول كل اللى انت بتتعرض ليه فى مصر بسبب دينك .. مش داخل تفسر آيات وتهاجم وخلاص

تحياتى

تم تعديل 23 أكتوبر 2010 بواسطة شريف مان