حارة النصارى - أشعة مقطعية للوطن

[اغابي]

باقولكم ايه ما تهدوا شوية بقى

كلنا في مصر مسلمين و مسيحين متنيلين مضطهدين

خالونا نشوف الحل لدا افضل بكتير من معارك بالكلام على النت

لا حول و لا قوة الا بالله

و انتي يا اغابي اطفى الوابور دا شوية

يا ريمو انا بس برد عليكم

انتم بتبتبدو بالمشاركات وفتح المواضيع وتنكشونى

فلازم انى ارد - انتم جربتم تهدو الجو وانا قولت لاء او اتكلمت

صدقيني لو عاوزيني اطفى الوابور

يبقى ابعدو الكبريت والجاز عنى

اغابي

شايفة الفرق بين كلامي و كلامك يا اغابي

انتي اللي بتعملي تفرقة اهو

خلاص يا ريمو يا حبيبتى - حقك عليا kis)-

سامحيني لو - كنتى فهمتيني غلط

:lol:

فهمتى حاجة

[مسافر]

ايه اللى دفعهم للعند ده؟؟ ووصلهم للدرجة دي؟؟ , ولما المنطقة دي كلها مسيحيين مين اللى بنى المسجد ده هناك؟؟

مع تحياتي

برافوووووووووووووو

clp::

تعالى بقى احنا وصلنا للموضوع الاصلى واللى فتحه استاذ عادل

السؤال ليه العند

؟؟

اقولك انا هل داه تحت ما يسمي بالتضييق على المسيحيين بشتى الطرق

ايه اللى يدفعهم للعند - هل هى ثقافة معينة اتربوا عليه ونظرة معينة للمسيحي

اللى حصل ان الشارع كله عمارات مسيحيية كمية كبيرة والمحلات برضوه

العمارة اللى جنبي بتاعة جارنا صاحب المسجد - وهى 6 ادوار بس هو نظام عمارته مبنية جزء وملاحق ليها ورا حديقة كبيرة خلفية

وكانت فى الاول كل البلكونات بتبص على الجنينة بتاعته

لما اخد الدور الارضي لبناء المسجد اخد الدور الارضي بالاضافة للجنينة وقفلها وبقت مسجد

وحط الماذنة بالشكل المعهود فوق عمارته هو فى الدور ال6 وكمان وزع الميكروفونات

انا عندى ميكرفوف لان شقتى على ناصية مش زى عمارته والناس اللى بتتجمع مش من شارعنا خالص من شوارع خلفية

وكدا وانا اعرفهم فى منهم اصحاب محلات وبنشترى منهم وفى منهم جيران لاختى

لكن صاحب المسجد مزروع وسط عمارات المسيحيين وهو صاحب اكبر مساحة ارض هو عمارة ومساحة خلفية كبيرة كانت فى الاول جنينة

لو قولنا ان الشارع فيه على الجنبين 12 عمارة على اليمين وزيهم على الشمال حيطلعلك هو الوحيد فى الشارع اللى مسلم

لكن ليه يبنى جامع - الله واعلم اساله لانى احرجت اساله السؤال داه

لكن ليه يزنقوا على المسيحيين - اسالهم السؤال داه

لكن ليه ان حطيت الميكرفون فى زاوية بلكونتى - اسالنى السؤال داه

اغابي

اولا شكرا لأغابي المصرية المسيحية أن سمحت بوضع مكرفون المسجد في بلكونتها

لكن العتب عليها انه وصفت من يصلي في الشارع بالعند

وطبعا ده حكم على النفوس

بالرغم انها قالت ان الناس بتتجمع من الشوارع الخلفية وطبعا مع تجمع الناس في الصلاة مستحيل تكفيهم مساحة عمارة مع الجنينة

طبعا انا مشفتش المكان اللي اتكلمت عنه بس ده الموجود في كل مصر

ان ده يحصل في صلاة الجمعة

لكن سؤال يا أغابي ده بيحصل وقت صلاة الفجر بيصلوا في الشارع وفي مداخل الغمارات

[مسافر]

استفسار بسيط في شارعنا من 30 سنة أو اكثر كان هناك اسرة مسيحية لا اذكر ان ابنهم جاء ولعب معانا كورة شراب ولما سألنا جاره المسلم ليه ميجبوهش يلعب معانا كان الرد انه بيلعب في الكنيسة

الكنييسة هي ماريمينا بالاسكندرية

ودخلتها مرتين مع ابي لحضور فرح زميل ابي

وهي على ناصية الشارع

دلوقت انا ملتحي واركب المكروباس واقول للسواق نزلني مقابل الكنيسة

لا استحي ان اقولها للسواق فلماذا يخجل الطفل المسيحي الان ان يقولها للسواق

الاجابة بسبب الحصار الفكري المضروب على عقل هذا الطفل

وتخويفه من اللعب مع المسلمين

[abaomar]

.

.

لا شوف يا ابو عمر - هنا بس لو سمحت راجع شوية معايا

الضحايا من المسيحيين محفوظين بالاسم ومعروفين وللاسف كل قاتل دخل كنيسة وقتل مسيحيين اثناء الصلاه

طلعوه مختل عقليا واخد براءة يعنى دم المسيحين ما لهوش دية - اللى عاوز يقتل يقتل -

الموضوع داه مش محتاج ابدا تعليق لو سمحت يا ابو عمر

ليه يا اغابى مش محتاج تعليق ما تحجريش على رائي لو سمحتى كفايه على ام عمر ..

سلك القضاء و الشرطه يوجد به مسيحيين يعلمون تماما عن الجرائم التى تحدث و حدوث حالات فرديه جدا و استثنائيه لن يجعل الامر كما تدعين اعلاه ..كل قاتل ..كأنه حادث متكرر و المسيحيين يعانون اشد المعاناه من التصفيه و القتل الغير مبرر

فرجاء قليل من الموضوعيه و ضعى الامور فى نصابها ثم الا تعلم رئاسه الكنيسه بتلك الجرائم و ما الداعى لسكوتها إذن و الانكى و الاغرب من هذا و ذاك يا اغابى انها ايضا تدعم هذا النظام الظالم و تسانده ليستمر !!!!!

انت عندك اخر قضية فى نجع حمادى شغال القضاء الشريف بتاعنا ياجل فيهابالاضافة ان يقوم 25 محامى يدافعو عن 3 مجرمين قتلو 7 شباب فى عمر الزهور ليلة عيد الميلاد انا بصراحة كمسيحة لما شفت منظر ال25 محامى امام محكمة قنا فى البرنامج على دريم وعلى 90 دقيقة اتكسفتلهم - بجد كنت فى نص هدومى من مناظرهم - لانهم اهانة لكل محامى شريف - ازاى واقفين تدافعو عن 3 بلطجية يتيموا 5 اطفال وقتلو 7 ابرياء علشان ايه - علشان تكسبو لقطة تلفزيونية ولا حديث صحفى

يبقى ما نتكلمش عن الناس اللى ماتت من المسيحيين داه

.

عن نفسى أذانى ما تعرض له جيراننا فى نجع حمادى و أسفت له بشده و يمكنك معرفه ردود افعال المسلمين بهذا الشأن فلا مزايده على ذلك و قصه 25 محامى فاعتقد ان هؤلاء المتهمين يمارسون حقهم القضائى و ذلك ليس موضوعنا

انت تطعنين فى القضاء و تتهمينه بالتخاذل فى أخذ حق الضحايا طيب ماذ لو كان السبب مثلا

.الانبا كيرلس اسقف الدير الذى حدث بجواره الحادث

هل تعلمين يا اغابى انه تم الحكم علي الاسقف بغرامه ماليه لعدم مثوله امام المحكمه حتى 18 اكتوبر الماضى

مما كان سببا فى تأخير المحاكمه و ليس القضاء و عند مثول الانبا يوم 19 لسماع أقواله حدثت مشاده بينه و بين الدفاع و تأجلت المحاكمه الى ديسمبر القادم و اصارحك القول انه تتردد اسئله كثيره عن علاقه الانبا بالكمونى نفسه و بالغول نائب الحزب الوطنى و ان وراء الاكمه ما ورائها مما يمكن ان يغير الصوره تماما عن دوافع الجريمه التى هى قطعا ليست بدافع دينى طائفى و هذا ما اؤكد

عليه قطعا للطريق على صيادى الماء العكر .. و الايام ستثبت كلامى بإذن الله

فليحاكم القتله و ليعدموا جزاء جريمتهم هذا هو العدل .

امتى يعتذر البابا يا ابو عمر

بمناسبة مشكلة مسرحية الاسكندرية - مع انى انا بالمناسبة اتضايقت جدا للحصل - ليه يعنى يمثلوا مسرحية بالشكل داه - ما تمثلوا اى قصة من قصص الكتاب المقدس

عندنا الانجيل زاخر بقصص كتير يمثلوها مسرحيات - لكن الى حصل غلط طبعا

ومليون غلط انا ضدده تماما

لكن انا حاقولك امتى البابا يعتذر - طب انتم اديتوه فرصة للاعتذار

انتم مش بتدوا البابا فرصة يعتذر اطلاقا - بمعنى ايه - ؟؟

بمعنى انكم اخدتم حقكم تالت ومتلت - ضربت راهبات بسكينة وعندى الصور

وكسرت عربيات المسيحيين وحرقتم محلاتهم وقومتم الدنيا - واللى حصل كان ممكن لو يتصفى بطريقة اهدى من كدا واهدى من استخدام الخناجر والمطاوى على الراهيبات

كنتم وقتها لاقيتم الشعب المسيحي كله قام كرجل واحد واعتذرلكم بالاضافة للبابا لكن علشان البابا يعتذر بعد البهدلة والتكسير وحرق الكنيسة وكل اللى حصل داه يبقى معناه ان البابا شنودة خايف من اللى عملتوه علشان كدا ما ينفعش يعتذر وملهاش معنى تانى

افهم انت بقى لما ابنى يضرب ابنك وبدل ما تيجي تشتيكيلى لا انت ضربت ابنى وامه واخواته كلهم وحرقت عربياتهم وووو الخ وجاى عاوزنى اعتذرلك ازاى

صدقونى مرة واحدة ادو البابا شنودة فرصة يعتذر

وهو حيعتذر خجلا منكم لكن انتم بتزعلونا اوى يبقى ازاى الاعتذار

وانت من حقك تزعل وتنتظر الاعتذار لانك حسيت باهانة ولانك بتحبنا وعندك عشم فينا - لكن برضوه الدنيا ولعت وضرب وحرق وتكسير وتهديد يبقى اكيد

مش حيكون فيه اعتذار لانكم خلاص اخدتم حقكم

هى عزومه يا اغابى و ندى البابا فرصه

يا اغابى ده امن قومى اى اختراق له ها يحرق البلد و هذا ما يحدث

انتى عارفه يا اغابى المسرحيه اتألفت و اتمثلت جوه الكنيسه ثم انطبعت منها نص مليون نسخه و اتوزعت هديه عيد

و مكتوب فيها اهداء للبابا و انها برعايته يعنى هو لا يعلم ما يدور داخل الكنيسه و فوجئ به ..تبقى مصيبه لو ده صحيح

ثم الناس انفعلت امتى و تظاهرت اول يوم و تانى يوم من ظهور الشريط علشان نقول اننا لم نعطى البابا الفرصه للاعتذار

يا اغابى يا قانونيه كونى حقانيه فى كلامك

يبقى من وجهه نظرك تحصل اى مصيبه من داخل الكنيسه فالمسلمين يبتسموا و يتعاملوا بطريقه ضرب الحبيب زى اكل الزبيب

فساعتها

-_- هو حيعتذر خجلا منكم

شوف هو مش دفاعا عن الاساقفة لكن اساقفتنا وكهنتنا

بيبقوا ساكتين وقت طويل لغاية ما يوصلوا انهم يزهقو من السكوت وانهم يستحملوا كتير وما بقوش قادرين تانى

يا ابو عمر الاستفزازات اللى من العوا وامثاله متعبة للاعصاب برضوه ومش بيراعو حد فيها فاللى عملوا الانبا بيشوى

كان رد فعل ولكل فعل رد فعل مساوي له فى المقدار ومضاد له فى الاتحاه -

لكن يمكن يكون الانبا بيشوي ما وظفش الكلمات بطريقة حكيمة بحيث انه يمسك العصايا من النص

منها يرد بهدوء ويدافع عن المسيحية والمسيحيين ومنها ما يزعلش اخواتنا المسلمين

سبحان الله

ليه المغالطات يا اغابى

هو مين اللى طلع فى صفحه كامله فى المصرى اليوم و قال اللى قاله ...مش بيشوى

و بعد كده رد عليه العوا

فانتى بتعاتبى العوا ليه و هو رد على ما قاله بيشوى الذى ..خدى بالك .. لم يكتفى بما قاله و اثار الدنيا عليه

عندما واصل الهجوم فى مؤتمر تثبيت العقيده المسيحى رافعا سقف تطاوله الى الدين و القرأن و تقولى لى ما وظفش الكلمات

:P علينا مثلا GUESTS يعنى كان مفروض يقول إن العرب المسلمين

و رغم كده اقول لكى ان على الكنيسه ان تتقدم بطلب محاكمه العوا على ما قاله و بصراحه ان لا افهم سبب سكوتها على اتهاماته لها لان ذلك يفتح الباب لضعاف القلوب للتساؤل هل لدى الكنيسه ما يجعلها لا تفتح على نفسها باب مثل هذا ؟؟

يا اغابى كونى منطقيه فى طرحك و افترضى ان من يقرأون لك لديهم حد ادنى من العقل و العدل.

انت برضوه وظف كلماتك ما تغلطش غلطة الانبا بيشوى

- كلمة اعتقال دى مش حلوة فى حق الكنيسة لانها بيت الله ومكان مقدس - اختر الكلمات المناسبة يا ابو عمر

طيب يا قانونيه ما هو التوصيف القانونى لوجود كاميليا فى الدير بهذا الشكل ؟

على ايه - ايه الجريمة اللى عاوزه يتسائل عنها ويقف امام القضاء ؟؟

اكيد انت مش حتتساوي مع البابا - لما بتتكلم عن نظير جيد وعن البابا شنودة على نفس السطر

كانك بتشبهلى الظابط فلان ولما اترقى وبقى رئيس الجمهورية فلان

ما ينفعش بعد الظابط ما اترقى وبقى رئيس جمهورية وله بوزيشن معين اقول عنه انه الظابط فلان

يبقى نظير جيد داه قبل البابوية - يعنى بوزيشن غير - او مسمي وظيفى غير - يجب الا تختلط الامور اثناء الحوار

يا اغابى رئيس الجمهوريه هو هو الضابط محمد حسنى مبارك امام القانون و كلامى عن نظير جيد المواطن المصرى امام القانون مثلى و مثلك و مثل اى مصرى أخر

و بوزيشن معين لأى شخص لا يحميه امام القضاء يا اغابى

بمعنى أخر المكانه الدينيه للبابا لن تمنع مقاضاته و هذا فى الدنيا كلها

بدليل ان هناك من الاقباط قبل المسلمين من يرفع قضايا على البابا بصفته او شخصه و لم نسمع

ان نجيب جبرائيل محامى البابا يقول ان البابا معصوم من المثول امام المحاكمه

بل يأخذ القضاء مساره الطبيعى كأى مواطن مصرى .

لا كبير امام القضاء سواء فى منصب دينى او دنيوى

لو لديك اى منطق أخر يقبل به العقل ..فاهلا و سهلا

وهو انت ايه جريمتك وهو ايه جريمته

لانى لغاية دلوقتى مش عارفة ايه هى جريمة البابا شنودة يا ابو عمر

اللى حتتساوى بيها امام القانون معاه ؟؟

طبعا لانى مش قانونى و لا استطيع ان اقول ما ليس لى به علم اذكر لك الكلام الاتى من المستشار طارق البشرى

الغير محسوب طبعا على الاتجاه الاسلامى و ينتمى الى التيار المدعو العقلانى

إقرئى يا اغابى ما كتبه بهدوء و بتواضع لعل و عسى .

http://www.shorouknews.com/ContentData.aspx?ID=319570

تحياتى و ارجو بصدق ان لا يفسد الخلاف بيننا قضيه .

تم تعديل 25 أكتوبر 2010 بواسطة abaomar

[اغابي]

لكن سؤال يا أغابي ده بيحصل وقت صلاة الفجر بيصلوا في الشارع وفي مداخل الغمارات

لالا - اصلا اللى بيصلو باقى صلوات اليوم مش بيبقى زحمة خالص وما يكملوش اى عدد يذكر وفى صلاه الفجر برضوه

بش مش معنى كدا انك عاوز تقولى يعني ان الزحمة هى اللى بتجبرهم على الصلاه بره المسجد

صدقنى يا مسافر المسجد جوة فاضي فاضي فاضي وانا باكد انه فاضي فى صلاه الجمعة

فلماذا يخجل الطفل المسيحي الان ان يقولها للسواق

الاجابة بسبب الحصار الفكري المضروب على عقل هذا الطفل

وتخويفه من اللعب مع المسلمين

شوف يا مسافر هو مش تخويفهم من اللعب هى حالة عزلة وانطواء من الاخر

بمعنى خلاص كل واحد ابتدا يبعد عن التانى

اصلا الناس ما بقتش زى زمان فى الاختلاط وداه على المستوى ما بين المسلمين والمسلمين انفسهم حتى

الزيارات بقت مكانها النت والفسح والتلفزيون والمسلسلات

لكن ما بين المسلمين والمسيحيين فعلا بقت فى حالة من الانعزال الشبه الكامل مش بسبب تخويف داه من داه

لكن هى ممكن نقول وصلنا لمرحلة مش فاهمين بعض فيها يا مسافر - لمرحلة كل ما نتكلم

بنحس اننا بنتكلم بلغة غريبة وعجيبة وغير منطقية

فبنفضل نتجنب بعض

بقولك انت ما قولتليش ايه رايك فى باقى المقالة اصلك مسكت على العيل

اللى بيخاف يلعب او يتكسف ينزل لباب الكنيسة وسيبت باقى المقالة

متظرة تعليقك -

اغابي

تم تعديل 25 أكتوبر 2010 بواسطة اغابي

[psychologyteacher]

انا مهجمتش حد انا رديت على الاستاذ

psychologyteacher

.. لما هوا تطاول على رب العزة ... وأظن لو انتى قرأتى الكلام اللى هوا كن كاتبه كنتى هتردى عليه كده حتى لو خانه التعبير و(نا أعتقد كده).. أصر على كتابه كلامه مرة تانية ومن غير ما يعتذر

انت برضه مصر تتهمنى انى تطاولت على رب العزة ؟؟؟

وقبلها تقلى انى بفسر الايه وعامل فيها الشيخ الشعراوى ، هو فين برضه التفسير ده ؟؟؟

ببساطة يا استاذ شريف الاخ ابو عمر كان بيتكلم عن الكنيسة وكتب الاية ( ويمكرون ويمكر الله والله خير الماكرين )

انا بقى رديت عليه وقلتله ما معناه

لما انت عندك ثقة فى الله كدة سيبه بتصرف وياخدلك حقك واستخدمت فى ردى المفردات الوادرة فى الاية

فين بقى التطاول ؟؟؟

وفين تفسير الاية ؟؟؟

[se_ Elsyed]

تم إخفاء جميع المشاركات التي أخذت شكل الشات وشتت الموضوع

[engmido]

انا فى شقتى اللى فى مصر عندى شباك المطبخ وشباك الاوضة

اللى على المنور بتكشف المسجد من جوة كله بالكامل من زاويا الفتحات والايات المفرغة اللى حوالين الجامع داير ما يدور

ما شفتش مرة واحدة فى صلاه الجمعة طفل ابن يومين بيصلى جوة المسجد- فاهم يعنى ايه – يعنى علامة اسنفهام ...

تصدق يا شريف ان المصليين بره المسجد كلهم فرشين فى الشارع اللى مش نضيف وكمان المسجد من جوة سجاجيد موكيت لونها اخضر ونضيفة ومراوح والصوت ممتاز – ليه يقفوا يصلوا فى الشارع تحت الشمس – هو ذنب عليهم ؟؟

على فكرة المسجد واسع جدا جدا – لكن ما تلاقيش واحد جواه بيصلى

طب الإمام والمؤذن واقفين بره والا جوه , والخطيب اللى خطب الجمعة طلع على المنبر والا على سطح المسجد من فوق والا كان بيخطب من بلكونة احد العمارات .

فيه ايه يا أغابي يا أختى , اللى بيتكلم عاقل واللى بيستمع مجنون والا ايه , انا لا اكذبك ولكنك مبالغة بقدر كبير جداً جداً.

مع تحياتي

اعتقد داه اسالهم فيه لانهم عندهم الف مبرر وعذر

المسجد فاضي من المصليين - المسجد مش محتاج انك تشوفه غير بالعين المجردة يعنى واضح للرؤية ومن غير ميكرسكوب ولا حاجة

صاحب المسجد قالى بنفسه انهم مصممين يقعدو بره المسجد - الموضوع عند فى عند - وكمان قالى لما المسجد بيفرش سجاجيد بره المسجد

داه احتياطي لو فيه زحمة لكن هما قلبوا الموضوع - وبقت السجاجيد اللى جوة المسجد هى الاحتياطي - لا هى قصة ايمان ولا صلاه يا نايت

افهم بقى امتى حتفهم المغزى من التصرف

هو العند للناس اللى فى المنطقة لان المنطقة كلها مسيحيين او نقدر نسميها - حارة النصاري

اغابي

:roseop:

عند ايه يا مدام بالذمة ده كلام يخش المخ

يعنى انا عشان اعند معاكى واضايقك

قوم ايه انا اقعد فى الحر والشمس والبرد والمطر والطين والتراب

كوووووووووووووول ده عشان خاطر العند..وعند ليه هو حد هايمنع يصلى بره او جوة

---

مشكلتك الازلية فى المنتدى

الشعور بالاضطهاد بسبب وبدون

وتفسير اى تصرف سواء كان بسوء نية او حتى بحسن نية..انه نية وحشة وعند

......

عموما شكراا ليكى يافندم

[باهى الطائر الحزين]

بسم الله الرحمن الرحيم

﴿ وَلَتَجِدَنَّ أَقْرَبَهُمْ مَوَدَّةً لِلَّذِينَ آمَنُوا الَّذِينَ قَالُوا إِنَّا نَصَارَى ذَلِكَ بِأَنَّ مِنْهُمْ قِسِّيسِينَ وَرُهْبَانًا وَأَنَّهُمْ لا يَسْتَكْبِرُونَ ﴾

(صدق الله العظيم)

من [سوره المائدة:الايه/82]

جماعة تاخير

كعادتنا نحب ان نختلف.؟!

ولقد اخذت وقتا مطولا لقراءة الموضوع. ولاحظت ان التعصب للرآي ولليس لدين

وكما للمسجد ميكروفون فأن للكنيسه اجراس والموضوع مش كده خالص فى شعور تانى.؟!

ومحدش عايز يقول اللى جواه بصراحه. ربما يكون فيها حدا من الجراحه.؟!

لكن (الايه الكريمه) اعلاه هى من القرآن الذى هو دستور المسلمين.

ولقد ذكرت فى غير هذا مكان اقول (لرسولنا الكريم) تحض على معاملة الاخر بالحسنى.

لكن بعض ما ذكره : المحترمين / سابقه صحيح ولن اشير اليه فكلانا يعرفه.

ترى (رسولنا الكريم) من سالف العصر والاوان لما تزوج بالسيده(بماريا) القبطيه.؟

(لتكون من امهات المؤمنون) وماذا لو ان (ابراهيم) الابن الذكر الوحيد(للرسول) لم يمت.؟

ولما قال المسلمون وقتها خسفت الشمس لموت (ابراهيم).؟

وما كان يريد ان يشير اليه وهو فى طور تعليمنا نحن المسلمون تعاليم ديننا الحنيف.؟

وماهى الرساله التى كان يريد ان يبعث بها لاخواننا من الاقباط.؟

دعوه للمحبه (يا محبه) من أُناس محبه. وكفانا من الضلال مكبه.؟؟!!!

من مسلم موحد (بالله) الى قبطى موحد (بالله) وكل الاديان تدعو وتحض على الفضيله.

وان كانت هناك رزيله فمن انفسنا نحن جميعا. ونضعها فى اطار انيق للدين كى

نزينها او نصبغها بالشرعيه.فنكون كمن لف رزيله فى ثوب فضيله. لكن الرائحه

الكريهه حتى وان كانت ملتفه فى نسيج جميل سوف تنبعث لتكشف المستور حتماً.

(ولقد اسمعت اذا ناديت حيا).؟؟!!!

[Alshiekh]

للرفع

وللتذكرة