مسجل مخصوص.....والجمعة اخر يوووم,, الحقوني

[The Ghost]

بسم الله

بمسي على الجميع....منتدى رائع جدا عرفت منه ان المصريين لسه كرما بجد

وللاسف ان اول مشاركاتي طلب مش افادة بس معلش استحملوني :))

اولا انا صيدلي جالي عقد في شركة سعودي مرتب كويس وااسكن تمام بس المشكلة ان هما لما كلموني عشان اروح امضي العقد لقيت كل الناس اللي معايا جايلهم التأشيرة صيدلي وانا اختصاصي تسويق!!!! قالولي ده بيبقى حسب التاشيرات الموجودة لو في صيدلي ماشي لكن لما التاشيرات خلصت على حظي جت كده :(

وانا مفروض ابدأ في الاجراءات اللي انتم عرفينها دي من يوم السبت،ومحتاج رايكوا في كذا حاجة

1-هل ليها مشاكل ولا لأ...انا شفت كذا موضوع بيقول فيها استقدام زوجة ،والبعض الاخر العكس عشان المهنة في الفيزا مختلفة عن المؤهل

2-هل المهنة دي تنفع لي كصيدلي....لأني شفت برضه في بعض مواضيع النتدى ان القوانين الجديدة حكاية اختصاصي التسويق دي لكله ما عدا التخصصات الطبية

3-هل من الممكن ان زملائي اللي جالهم تأسيرات صيدلي ومسافرين معايا يكون ليهم تأمين اعلى مني في الكواليتي

4-بالنسبة لنقل الكفالة هل ممكن ولااااا

...معلش طولت عليكوا بس اعذروني وياريت تردوا عليا بسرعة ان فل ديتالز بليييييز :))

سلاموعليكووووا

[se_ Elsyed]

أختصاصي تسويق لها أستقدام عادي

لكن الزملاء الأطباء ممكن يفيدوك في نقطة : هل مسموح للمهنة دي بالعمل في صيدلية مثلاً ؟

ما عنديش فكرة ..

وما فيش مميزات حد بيحصل عليها أكتر من الأخر طالما في عقد ومذكور فيه تلك المميزات بالنص ..

نقل الكفالة حسب مزاج الكفيل ..... وبعدين هو أنت لسه اشتغلت عشان تدور على نقل كفالة بعد عامين لابد أن تمكث فيهم تحت إمرة الكفيل

بس أنا شخصياً مش مرتاح للمهنة دي .. إزاي هاتقدر تغير المهنة في البطاقة وإنت دكتور صيدلي ؟

مش عارف بصراحة

[غريب الخبر]

سيدى الفاضل

المشكلة اللى ممكن تقابلك بهذه المهنة انك عرضة لاى حاجة تحصل من قبل المراجعين او وزارة العمل وذلك فى حالة عملك كصيدلى .

اما لو هتشتفل فى مجال الدعاية فليست هناك اى مشاكل .

لا تنسى انه لايمكنك الحصول على ترخيص الهيئة السعودية بهذه المهنة .

يمكن تكون كويسة شويه علشاتن شغل التسويق او الدعاية وبالذات انهم بداو سعودة مهنة الصيدلى بصورة كبيرة خاصة فى القطاع الحكومى .

دمت بالف خير

[م تيمور المراغي]

انا دخلت الموضوع عشان ادعيلك والله بان يوفقك لكل خير ,,

وعتاولة المنتدى ان شاء الله يفيدوك ومش حيقصروا كعادتهم