تاخر صدور تاشيرة العمل من السفاره السعودية

[محمود زايد]

السلام عليكم ,,

انا مخلص كل اوراقي من بعد العيد مباشرة ,,

واعطيتها لمكتب عشان يدخلهاالسفاره ,,

داخل على شهر والمكتب كل ما اكلمه يقول لى الاسبوع الجاى علشان السفاره مشغوله فى تاشيرات الحج ,,

فهل ممكن بس لو تعرفوا حد في السفاره اعطيه رقم باسبوري واسمي بالكامل وهو يطمني ان التاشيره خالصانه زي ماالمكتب بيقولوا لي ,,

ارجو المساعده ضرورى ولكم جزيل الشكر والاحترام

[خالد شحاته]

الاخ الفاضل

السلام عليكم ورحمة الله وبركاته

اولا مفيش حاجه اسمها القنصليه مشغوله بتاشيرات الحج الكلام ده كله كذب وخداع من اصحاب بعض المكاتب لان العمل له قسم لحاله والعمرة والحج قسم لحاله واي شخص يقول غير كدا بيكدب عليك لان التشيرات العمل بتخرج في نفس اليوم لو تاخرت بتكون تاني يوم

[dena donia]

السلام عليكم

انا كنت عايزة اقول التجربة بتاعت زوجى وهى ان التاشيرة اخدت 3 اسابيع على ما طلعت ومكنش موسم حج او اى شى انا معرفش هل للمواسم علاقة ولا لا

وانا والاولاد خدت حوالى شهر

ولما سالت ناس كانو معايا بيخلصوا اجراءات السفر من المعمل قالولى التاشيرة بتاخد 3 ايام بس وان المكتب الى انا بتعامل معاة كسلان ومش شايف شغلة كويس فانا بيتهيءلى الموضوع موضوع مكتب مش موضوع القنصلية يعنى المكتب هو الى موداش الورق واللة اعلم

[محمود زايد]

السلام عليكم

انا كنت عايزة اقول التجربة بتاعت زوجى وهى ان التاشيرة اخدت 3 اسابيع على ما طلعت ومكنش موسم حج او اى شى انا معرفش هل للمواسم علاقة ولا لا

وانا والاولاد خدت حوالى شهر

ولما سالت ناس كانو معايا بيخلصوا اجراءات السفر من المعمل قالولى التاشيرة بتاخد 3 ايام بس وان المكتب الى انا بتعامل معاة كسلان ومش شايف شغلة كويس فانا بيتهيءلى الموضوع موضوع مكتب مش موضوع القنصلية يعنى المكتب هو الى موداش الورق واللة اعلم

ده فعلا حقيقى ان التاشيره بتاخد 3 ايام بس

بس فى اليومين دول كل الناس مش انا بس تاشيرتهم اتاخرت والكل بيتحجج بموضوع الحج

[محمود زايد]

الاخ الفاضل

السلام عليكم ورحمة الله وبركاته

اولا مفيش حاجه اسمها القنصليه مشغوله بتاشيرات الحج الكلام ده كله كذب وخداع من اصحاب بعض المكاتب لان العمل له قسم لحاله والعمرة والحج قسم لحاله واي شخص يقول غير كدا بيكدب عليك لان التشيرات العمل بتخرج في نفس اليوم لو تاخرت بتكون تاني يوم

متشكرين يا باشا على ردك

بس انا سالت ناس كتير قالولى كده حتى فيه صديق لينا على النتدى هنا كان عنده نفس مشكلتى وكان بيتقالوا نفس الكلام وهو فى مكتب وانا فى مكتب تانى خالص وفضل شهر تقريبا مستنى التاشيره والحمد لله ربنا كرمه وطلعتله التاشيره من يومين اتنين بس

[yasser moustafa]

أخى الكريم، حاول تدخل على الرابط ده

https://enjazit.com.sa/AppSearch/VisaAppSearchScr.asp

وبعد ادخال رقم الطلب ورقم الجواز ... بيعرفك الموقف الحالى للتأشيرة

بالتوفيق ان شاء الله