عرض سفر للعمل بالسعودية أرجو المشوره والمساعده

[MagicScorp]

السلام عليكم ورحمة الله وبركاته

أرجو الافاده من اصحاب الخبره المغتربين

معروض علي وظيفة في الدمام براتب ثابت 2000 ريال وبدل سكن 500 ريال و بدل مواصلات 200 ريال

وانا سأكون بمفردي بدون عائلتي المكونه من الزوجه وولد وبنت

فأريد ان اعرف بعد مصاريفي من الأكل والشرب واي مصاريف أخري كمكالمات او انترنت كم سيتبقي لي من الراتب الاساسي

وهل 500 ريال تكفي لسكن محترم ونظيف ؟

هل 200 ريال تكفي للمواصلات ؟

أرجو الافاده في اسرع وقت لأني في مرحلة التفاوض مع الشركه ويريدون الرد مني بالموافقه او القبول في خلال 48 ساعه

واذا كنت اخطط لأحضار عائلتي بعد سنه بإذن الله كم ستكون التكلفه وهل سيكون الموضوع سهل

وكم ستكون مصاريف السكن والاكل وما الي ذلك بالنسبه لمصاريف العائله

شكراً مقدماً لمن يرد و يساعد جزاكم الله كل خير

[wela]

اخي انت اولا مزكرتش مسمى الفيزا ايه لانه لو مهنه عادية مش هتعرف تجيب زوجتك

ثانيا تقدر تحوش بالعافية 1500 جنيه مصري الي هما يادوب هتبعتهم مصروف بيت في مصر ده لو كفوا اصلا

يعني هتبعد عن بيتك واولادك علشان تاكل وتشرب وهما كمان ياكلوا ويشربوا وبس...

طبعا عرض محتاج رفض فقط وليس تفكير

اصبر لحاجة احسن وربنا يوفقك...

[MagicScorp]

اخي انت اولا مزكرتش مسمى الفيزا ايه لانه لو مهنه عادية مش هتعرف تجيب زوجتك

ثانيا تقدر تحوش بالعافية 1500 جنيه مصري الي هما يادوب هتبعتهم مصروف بيت في مصر ده لو كفوا اصلا

يعني هتبعد عن بيتك واولادك علشان تاكل وتشرب وهما كمان ياكلوا ويشربوا وبس...

طبعا عرض محتاج رفض فقط وليس تفكير

اصبر لحاجة احسن وربنا يوفقك...

اولاً شكراً علي ردك

الفيزا هي فيزة عامل

اكيد انا مش مسافر واتغرب عشان أكل واشرب و اهل بيتي يادوبك ياكلوا ويشربوا يا غربه مستاهله يا اما بلاش

طيب المفروض علي الاقل المرتب يكون كام بدون بدل السكن والمواصلات وبدل السكن اللي هما حطينه مع المواصلات كويس ولا بردوا قليل

[mondeza]

السلام عليكم ... ما هي الوظيفه بالدمام ؟ تأشيرة العامل لا تسمح لك بإستقدام الزوجه.. الحياه في السعوديه غاليه.. بالنسبه لبدل السكن سيكفي لأيجار غرفه في سكن مشترك.. بدل المواصلات هزيل ايضا .. تخيل لو انك تعمل دوامين .. تحتاج لأخذ تاكسي من البيت للعمل مرتين في اليوم .. المره ب 10 ريال يكون الاجمالي 1200 ريال مواصلات بالشهر .. و لو الشغل دوام واحد يبقي 600 ريال .. ده لو مش حاتروح في اي مكان تاني خلال اليوم .

تم تعديل 22 أكتوبر 2010 بواسطة mondeza

[elshafey]

هو مؤهلك وخبرتك ايه هما؟؟

[MagicScorp]

هو مؤهلك وخبرتك ايه هما؟؟

المؤهل حاسب ألي Computer Science

بس مسافر بشهادة الثانويه العامه لان عندي مشكله بالنسبه للشهادة المعهد لأني مدفعتش مصاريف اخر سنه لحد دلوقتي بس نجحت ومعايا شهادة مختومه بس مش ممضي عليها من عميد المعهد فعشان كده مش هعرف اوثقها من وزارة الخارجيه

الخبره

في مجال المبيعات والمشتريات والتسويق والاستيراد والتصدير ومجال صيانة الكمبيوتر والجرافيك وتصميم المواقع

الوظيفه اللي مسافر عليها مسئول مشتريات

مع العلم ان عمري 34 سنه

[خالد التهامى]

الاخ العزيز/ ماجيك

بعد التحية

تعتبر مدينة الدمام فى المنطقة الشرقية من افضل المناطق فى المملكة من حيث سهولة العيش فيها السكن فيها رخيص بالنسب للعزاب يعنى ممكن تشترك مع احد فى السكن ممكن تاخذ

غرفة لوجدك وممكن تشارك واحد فى غرفتة ودة ممكن بين 300 ريال حتى 500 ريال اسعار الاكل هنا مناسبة لقرب المدينة من مدينة القطيف ومدن اخرى مثل ام الساهلك وعنك

وسيهات والاحساء الزراعية

حاول مع الشركة فى حالة استقدام الزوجة ان توفر لك مسكن عائلى لان هنا السكن العائلى يتراوح من 10000 الاف حتى 15000 غرفتين وصالة ومطبخ وحمام وثلاثة غرف

يوجد فى نهاية شارع الملك سعود سوق الخضار للجملة واسعارة رخيصة نسبيا

بهذا الراتب يدخل اولادك مدارس حكومية مجاننا ولايمكن دخولهم مدارس خاصة او لغات

يجب ان يكون لك ولزوجتك والاولاد تامين صحى على حساب الشركة لان العلاج هنا غالى

يجب ان يكون هناك تامين على السيارة التى معك

تذاكر الطيران سنوى

اجازة سنوية لمدة شهر مدفوعة الاجر

 

[mekkawy]

أخونا الفاضل ماجيك

أنا قبل كام شهر كدة دخلت المنتدى و عملت نفس موضوعك ده و سألت .. و لولا إني سألت و سمعت الكلام كان زماني بأعيط دلوقتي .. و أنا أصلاً بأعيط

الراتب ده بالنسبة لمؤهلك و إمكانياتك هزيل جداً جداً و صدقني ما تقولش هأروح و أجرب عشان مفيهاش تجربة .. أنا ما أحبلكش ولا لأي حد هنا يقعد سنة من عمره أو أكتر في خساير .. شوف يا سيد الكل

تعالى أشرحلك الشروط اللي ما تطلعش على أقل منها و بعدين أقولك الظروف الطبيعية و بعدين أقولك (الصواريخ) المستخبية .. و اسمع من مجرب

الشروط الواااااااااجبة هي و بترتيب الأهمية:

المسمى الوظيفي لا يقل عن محاسب أو اخصائي تسويق بما يتناسب مع مؤهلك

العقد لازم يكون عائلي .. يعني تذاكرك و زوجتك و طفلين على الشركة .. استقدام زوجتك على الشركة بدون نقاش و خروجهم و عودتهم و التأمين الصحي أهم و أهم من كل ده

راتب جيد لا يقل عن 3500-4000 كحد أدنى و ده أدنى جداً

سيارة من الشركة و بم انك مبيعات فاكيد الشركة موفرة لك سيارة و ما تخدش فلوس .. خد سيارة احسن

بدل سكن 3 شهور من الراتب

الظروف الطبيعية و الصواريخ المستخبية:

شوف يا ماجيك باشا .. هتطلعلك حاجات كدة لا ع البال ولا ع الخاطر .. زي فرش الشقة و ده هيهلكك شوية حلوين .. زي المكالمات و دي عمرك ما هتسيطر عليها في أول 3 شهور و بعدين هتظبط شوية لكن مش 100% لحد ما زوجتك توصل ان شاء الله بالسلامة

اشتراك نت و هنا الاتصالات عامة غالية جداً سواء نت أو نليفون .. انا ما عشتش في الدمام لكن الاتصالات تعريفتها واحدة

الأكل آخر حاجة هأتكلم فيها لأنها سهلة و مش معضلة و بأقل حاجة تقدر تعيش

و الله اللي قولتهولك ده اتقالي قبل منك بكام شهر و سمعت الكلام و الحمد لله النتيجة كويسة الى حد ما لكن المرمطة مش حلوة خاصة في الغربة.

يا رب يرزقك و يديك ما يحرمك و يوسع عليك اللهم آمين.

مكاوى

[Mr MAGED]

أخونا الفاضل ماجيك

أنا قبل كام شهر كدة دخلت المنتدى و عملت نفس موضوعك ده و سألت .. و لولا إني سألت و سمعت الكلام كان زماني بأعيط دلوقتي .. و أنا أصلاً بأعيط

الراتب ده بالنسبة لمؤهلك و إمكانياتك هزيل جداً جداً و صدقني ما تقولش هأروح و أجرب عشان مفيهاش تجربة .. أنا ما أحبلكش ولا لأي حد هنا يقعد سنة من عمره أو أكتر في خساير .. شوف يا سيد الكل

تعالى أشرحلك الشروط اللي ما تطلعش على أقل منها و بعدين أقولك الظروف الطبيعية و بعدين أقولك (الصواريخ) المستخبية .. و اسمع من مجرب

الشروط الواااااااااجبة هي و بترتيب الأهمية:

المسمى الوظيفي لا يقل عن محاسب أو اخصائي تسويق بما يتناسب مع مؤهلك

العقد لازم يكون عائلي .. يعني تذاكرك و زوجتك و طفلين على الشركة .. استقدام زوجتك على الشركة بدون نقاش و خروجهم و عودتهم و التأمين الصحي أهم و أهم من كل ده

راتب جيد لا يقل عن 3500-4000 كحد أدنى و ده أدنى جداً

سيارة من الشركة و بم انك مبيعات فاكيد الشركة موفرة لك سيارة و ما تخدش فلوس .. خد سيارة احسن

بدل سكن 3 شهور من الراتب

الظروف الطبيعية و الصواريخ المستخبية:

شوف يا ماجيك باشا .. هتطلعلك حاجات كدة لا ع البال ولا ع الخاطر .. زي فرش الشقة و ده هيهلكك شوية حلوين .. زي المكالمات و دي عمرك ما هتسيطر عليها في أول 3 شهور و بعدين هتظبط شوية لكن مش 100% لحد ما زوجتك توصل ان شاء الله بالسلامة

اشتراك نت و هنا الاتصالات عامة غالية جداً سواء نت أو نليفون .. انا ما عشتش في الدمام لكن الاتصالات تعريفتها واحدة

الأكل آخر حاجة هأتكلم فيها لأنها سهلة و مش معضلة و بأقل حاجة تقدر تعيش

و الله اللي قولتهولك ده اتقالي قبل منك بكام شهر و سمعت الكلام و الحمد لله النتيجة كويسة الى حد ما لكن المرمطة مش حلوة خاصة في الغربة.

يا رب يرزقك و يديك ما يحرمك و يوسع عليك اللهم آمين.

مكاوى

أؤكد علي كلام وتعليق الأخ مكاوي .. وواضح انه استوعب الدرس جيدا

الراتب المعروض عليك أخي الفاضل .. من الممكن أن توافق عليه وأنت في بداية حياتك

وقبل أن تتزوج ويكون لديك التزامات وأسرة .. لكن بالوضع الحالي سيكون صعب جدا أن تتحمله

وأعيد التأكيد علي مسمي الفيزا .. واعتبار العقد العائلي .. فبدونهما لن تستطيع استقدام الاسرة

وذلك بغض النظر عن موضوع الراتب

تمنياتي لك بالتوفيق الدائم

[خالد التهامى]

الاخ العزيز/ ماجيك

بعد التحية

عفوا انا نسيت

مسمى الفيزا (عامل ) من الصعب عليك ان تستقدم زوجتك

[مسالم]

اسمع كلام مكاوي ..

نصيحة أخرى .. ادفع فلوس المعهد ووثق شهاداتك .. وربنا يوفقك لأحسن منها

[moamana]

سيدى بما انى ربة بيت هنا فالاهم ساقوله لك

انت و عائلتك

من الممكن ان تحيا هنا بدون دلع خالص يعنى لا فواكه و لا خضار كثير و لا حلويات و كده مثلا 700 ريال

وحدك 400 ريال

المواصلات هنا ااقل مشوار لاخر الشارع 10 ريال فالعربية ثم العربية ثم العربية من الشركة

تاشيرة العامل غيرها متنفعش تجيب بها عائلتك و لو جبتهم زيارة او استقدام على شخص اخر هتدفع اكثر من مرتبك فى 6 اشهر

يجب ان تكون تذاكر الطيران لك و لطفلين و المدام مرة سنويا على حساب الشركة

التامين الطبى لك انت و عائلتك و الا فلا خلع الضرس هنا فى السعودية ب400 ريال

تحليل الحمل اللى فى مصر 25 جنيه فى المستشفيات الخاصة هنا ب150 ريال

....ااقل مضا حيوى بيبدا من 80 ريال

و هكذا

فالعقد قليل جدا جدا جدا و غير مقبول بالمرة

لو ان هناك عقد على 3500 مع التامين الطبى و توفير سيارة و 3 اشهر بدل سكن يكون مقبول او متوسط و طبعا تذاكر الطيران

[الفقير الى الله]

السلام عليكم ورحمة الله وبركانة

ردا على الاخ ماجيك الفاضل والاخ مكاوى

تقريبا انا زى الاخ مكاوى بالضبط فى كل حاجة كنت قاعد على المنتدى قبل ما اجى السعودية

المهم

بص اول حاجة الفيزا اوعى تيجى على فيزا عامل لو هيقطعوا رقبتك او بالعربى مش لافى تاكا فى مصر اوعى تتنازل عن شهادتك اللى انتة تعبت فيها

تانى حاجة الراتب دة يا برنس هزززززززززززززززيل من هنا لحد المريخ لان انا لما جيت لاقيت ناس اقل منى فى المستوى التعليمى والوظيفى وجايين على مرتبات اكبر حد ادنى 3500

خلاص لو شغلتك يا بن الحلال مبيعات يبقى لازم عربية وتتفق على نوعها قبل ما تيجى+تزاكر ذهاب وعودة طيران غير كدة مترضاش وانا عن نفسى ناس نصحتنى بس للاسف مخى هوا اللى جبنى كان ممكن اجى على احسن من كدة ولكن لله الحمد والشكر على اى حال فهو اختيار العلى القدير ولة فى ذلك حكم

اسالك الدعاء لى

[elshafey]

بناءا عي خبرتك وسنك العرض من وجهة نظري ضعيف ولا يستحق حتي التفكير فيه

اصبر شوية وربنا هيرزقك بالاحسن

[Mohamed Badry]

السلام عليكم

كلام الرجالة كله زى الفل

لا تتردد فى رفض هذا العرض الهذيل

و لاتنسوا صيام العشرة الأوائل من ذى الحجة