باب كندا ....... مصلحتنا اولا

[Rock]

انا كنت متردد كتير قبل مافتح التوبيك دة لانة دة اول توبيك ابدأة علي الاطلاق لانة انا عارف ضمنيا انة فتح اي توبيك هو مسئولية.

يمكن في حد هيسأل ..طيب لية محطتش الكلام دة في توبيك استراتيجية الباب...و ردي هيبقي انة مش كل الناس هتلاحظ التوبيك دة لانة توبيك مثبت و الناس عامة مش تشوف اي جديد هيحصل هناك و ممكن بعد ما كلنا نحط اراءنا ,الادارة تتفضل بحذفة بعد الحصول علي ما نرجوة نحن رواد باب كندا حيث ان احنا جزء لا يتجزأ من المحاورات الغالية

لكن انا قلت لازم افتحة لانة بصراحة انا بحب محاورات المصريين جدا جدا و دة لاسباب يعلمها كلنا و لكن اللي بيحصل في باب كندا مش طبيعي ...الفوضي بقيت ظاهرة في الباب كلة ....توبيكس بتتفتح كل شوية علي الرغم من وجود توبيكس مفتوحة اساسا لهذا الغرض و يمكن دة بيحصل لانة الاخوة اللي بيعملوا كدة هما في الاصل ناس جداد و لكن مع قليل من الادارة المحايدة الباب هيرجع لسابق تألقة.

كانت الادارة تفضلت قبل كدة بتصنيف و تنظيم الباب ..فلية منعيدش المشروع دة للضوء االي في الاخر هيخدم كل الناس الحاليين و اللي في المستقبل واالي اكيد ربنا هيجازينا خير و ثواب عن اي مجهود هنساعد بية بعض.

فيا ريت كلنا نحط في التوبيك دة اراءنا و افكارنا و نقاشها و نطلب اللي احنا شايفينة هيفيدنا من الادارة اللي كلنا بنثق فيها و هو دة الغرض من فتح التوبيك دة ولازم كلنا نعرف انة زي ما في مسئولية علي الادارة ,في مسئولية برضة علينا احنا رواد الباب ,,يعني احنا اللي لازم نبدأ بالنظام

ملحوظة:- صدقوني انا مفتحتش التوبيك دة من اجل الاستعراض او للشهرة المرضية و ليس من اجل لذة النقض اللي بيتلذذ بيها البعض و لكن صدقوني عشان يرجع الباب للنور و نستفاد كلنا و نرد جزء من جمايل الباب و المحاورات علينا

تحياتي للجميع , اعضاء و ادارة

:hi:

[yassergaafar]

فكره إيجابيه و بناءه

[samaaraof]

الباب ممتاز جداوبه كم معلومات مهولة ولولا مساعدة اعضاؤه ما كنتش قدمت اصلا على الهجرة بس فيه عيب واحد هيموتنى انى بادوخ فيه على ما الاقى المعلومة اللى محتاجاها الموضوع محتاج يتعمل توبيكات مثبتة يتم وضع المعلومات فيها متتالية بدون مداخلات من الاعضاء وتكون التة بيكات ديه غير توبيكات الأسئلة زى توبيك الردود السريعة وتوبيك

المتقدمين بعد يوليو ويكون عدد التوبيكات بعدد خطوات التقديم على الهجرة مثلا مرحلة جمع الاوراق الرسميةثانيا توبيك ارسال الملف ثم مرحلة الفيش وهكذا

اوانا هتطوع باول نصيحة فى اول توبيك وهى انكم يا جماعة لازم تراجعوا اسمائكم واسماء اولادكم وعائلاتكم فى شهادات الميلاد والبطايق والجوازات لانكم ممكن تكتشفوا انه عندكم غلطة مش واخدين بالكم منها اسم ساقط مثلا وتوحدوا طريقة كتابتكم لاسمائكم واسماء اولادكم باللغة العربية والانجليزية فى كل الاوراق والشهادات ولا تستغربوا من هذه النصيحة لانى والله اكتشفت اكثر من غلطة بسبب ان الحكومة لما عملت البطايق الجديدة اسقطوا اسماء البطايق من غير احم ولا دستور لكن للأ سف كنت ابتديت فى استخراج الاوراق وما قدرتش اصلحهم بعد كدة حتى لا تتغير الاوراق الرسمية التى معى بالتى قدمتها للهجرة

[اغابي]

مش فاهمة

انت عاوزة الباب يترتب ازاى - هما عموما الموضوعات اللى شغالة اب ديت - حاليا

توبيك -المنتظرين مقابلات كيبك - وتوبيك اللى ناجحين فى مقابلات كيبك ومقدمين فيدرال

وتوبيك التقديم ما بعد 25 يونية

اعتقد دول اكتر توبيكس شغال الضغط عليهم

مع ان الفترة السابقة كان توبيك - كيف تقدم الهجرة لكيبك وفيدرال بدون محامى

دلوقتى هل انت عاوز تطلب تنظيم الباب كله لكندا

ولا عاوز دعوة لعودة الاعضاء القدام للرجوع مرة اخرى للمنتدى

زى نصار وتوهامى واحمد سيف وقناوى ودعاء وسوسورانى وايهاب سالم وزوهيري

او تعمل لبعض الموضوعات ريفريش

ولا عاوز تلغى بعض المشاركات اللى بتشتت سير الاحداث فى اى توبيك اى المشاركات اللى هى مش مفيدة

ولا عاوز نرجع ببعض الموضوعات المحبوبة - زى موضوع سوسو رانى او موضوع كندا التى رايتها لدكتور تهامي

على فكرة الموضوع مش بسيط يا روك داه عاوز شغل ومجهود جامد اوى اوى

؟؟؟

والبركة فى الشباب الجديد اللى موجودين يساعدونا

اغابي

:roseop:

تم تعديل 24 أكتوبر 2010 بواسطة اغابي