الدنيا خريف والجو ظريف

[se_ Elsyed]

بصراحة اللي يشوف الجو في السعودية هذه الأيام .. يقول أنا في الجنه يا أخواتي ... مقارنة بلهيب ولفحات ماكينات الشاورما اللي بنعاني منها في فصل الصيف ....

أيوه .... أصل مع دخول فصل الصيف بيصرفوا لكل واحد ماكينة شوي شاورما ولحوم عشان نوفر عليه المعاناة ويبقى كل واحد بيتشويي مع نفسه ... خصوصاً الصيف الماضي كنا بنطلع في الروح والمكيفات جابت جاز ..

بالأمس بعد العصر بأفتح شباك البلكونة في حركة غريبة على السعودية بصراحة .... حسيت إني قاعد على البحر من برودة الهوا وأنتعاشة .. قلت اللهم ديمها نعمه وأحفظها من الزوال ....

أينعم اليومين دول محتاجين نرش الجو بمحاليل أنتي فيروس .. لإن الدنيا مليانة فيروسات والأطفال الصغيرين كلهم عندهم رشح وسخونية بسبب المرور بمرحلة تغيير الجو ...

حتى الكبار لم يسلموا .... أنا عن نفسي واخد دور انفلونزا معتبر بقى لي يومين ....

لكن أيام بسيطة وتعدي ..

وبإذن الله عندنا من دلوقت لحد شهر 5 الجو بيبقى اروع ما يكون ....

بيتهيألي إن القوانين هنا لازم تتعدل ..

يعني مثلاً نشتغل وندرس ونهيص في الفصول المعتدلة ....

ويحبسونا بعد كده في محميات طبيعية مكيفة ومُثلجة في الأربع شهور بتوع اللهيب الصيفي ...

[أمل حياتي]

صباح الفل على الكل

انا معاك يا سي السيد الجو الأيام دي جميل عندنا كمان في الكويت

ولسه حيحلو اكتر مع الأيام اللي جايه

بس انت لو دفتعلي مليون مش حاعيش في السعوديه رغم ان جوها احلى

كفاية الخنقه هناك ده لو يفتحوا الحدود حاكون اول وحده تسوق بري

بس ربنا يهديهم كاتمين على نفسناوعلى نفسهم ربنا يعين

المهم ان الجو في الخليج الفترات الجايه مفيش احلى من كده وربنا يدومها نعمه

ويحفظها من الزوال

[aimen]

للمرة الأولى من عقود

انام وانا فاتح الشباك وبدون مكيف

اينعم برضه عطست واتبهدلت زى كل يوم بس برضه مقدرش انكر ان هناك تغير فى الجو

[sarmar]

فعلا الجو حالتة اتحسنت وخاصة فترة مغيب الشمس لكن تعالوا كدة فى الفترة من 9 ص الى 4 م لازم من تشغيل المكيفات وفى الليل ايضا بنشغل المكيفات بس على درجة التبريد المنخفض وكمان نتغطى كاننا فى الشتاء

فعلا هذة الايام محببة لنا بالذات كمصريين عايشين فى بلاد كلها معلبة يعنى فعلا الجراءة بتاعة سى السيد دى فى فتح باب البلكونة احنا فى السعودية نادرا ماتجد سكن بة بلكونة مثل مصر طبعا تفتح باب البلكونة وتتخيل انك قاعد فى بيتك فى مصر

[مغتربة]

المفترض ان هناك قرار او قانون لا ادرى صفته بشكل مؤكد ينص على انه ما ان تجاوزت درجه الحراره الخمسين درجه يجب ان تعطل الاعمال بشكل الى

لكن الحقيقه لا اعتقد اننى سمعت و لو لمره واحده عن دوله من دول الخليج طبيقته

رغم انه لو مفعل حقا فعلى اقل تقدير فلن يعمل احد هناك طيله شهرى يوليو اغسطس wst:: wst:: wst::

ندعو الله ان يقينا حر الدنيا و الاخره

[raouf]

فى الخبر برضوا الجو اكثر من رائع

خميس وجمعة كنت فى الهاف مون الجو خراااااااااااااااااااافى مش بيتكرر كثير والميه باردة وجمييييييييله

اه لو الجو يفضل كد لمدة شهرين بس يا سلاااام

بالمناسبة عندى اقتراح لو رجالة المحاورات يحبوا ينفذوه ايه رايكم نعمل مقابة فى الشرقية فى العيد ؟

يعنى ناجر شاليه محترم او اثنين على حسب العدد ويبقى ميه وشوى وخلافه واكيد العيال تلعب شوية ونتعرف على بعض اكثر

لو الموضوع عجب الناس واتحمست ليه ممكن نبدا خطوات فعلية بتسجيل الراغبين وابدأ اعمل ليكم بحث عن الشاليهات واسعارها علشان نشوف التكلفة

[se_ Elsyed]

فى الخبر برضوا الجو اكثر من رائع

خميس وجمعة كنت فى الهاف مون الجو خراااااااااااااااااااافى مش بيتكرر كثير والميه باردة وجمييييييييله

اه لو الجو يفضل كد لمدة شهرين بس يا سلاااام

بالمناسبة عندى اقتراح لو رجالة المحاورات يحبوا ينفذوه ايه رايكم نعمل مقابة فى الشرقية فى العيد ؟

يعنى ناجر شاليه محترم او اثنين على حسب العدد ويبقى ميه وشوى وخلافه واكيد العيال تلعب شوية ونتعرف على بعض اكثر

لو الموضوع عجب الناس واتحمست ليه ممكن نبدا خطوات فعلية بتسجيل الراغبين وابدأ اعمل ليكم بحث عن الشاليهات واسعارها علشان نشوف التكلفة

يا عم رووووووووووووووح

الجو عندكم فيه رطوبة ... روحت يوم على الطاير كده قريب أنا والأولاد ورجعنا جري من الرطوبة

يفتح الله ...

سبحان الله في ناس أول ما تيجي سيرة الرياض جسمه يقشعر ويقول لك : والله لو تدفعوا لي فلوس ...

[raouf]

فى الخبر برضوا الجو اكثر من رائع

خميس وجمعة كنت فى الهاف مون الجو خراااااااااااااااااااافى مش بيتكرر كثير والميه باردة وجمييييييييله

اه لو الجو يفضل كد لمدة شهرين بس يا سلاااام

بالمناسبة عندى اقتراح لو رجالة المحاورات يحبوا ينفذوه ايه رايكم نعمل مقابة فى الشرقية فى العيد ؟

يعنى ناجر شاليه محترم او اثنين على حسب العدد ويبقى ميه وشوى وخلافه واكيد العيال تلعب شوية ونتعرف على بعض اكثر

لو الموضوع عجب الناس واتحمست ليه ممكن نبدا خطوات فعلية بتسجيل الراغبين وابدأ اعمل ليكم بحث عن الشاليهات واسعارها علشان نشوف التكلفة

يا عم رووووووووووووووح

الجو عندكم فيه رطوبة ... روحت يوم على الطاير كده قريب أنا والأولاد ورجعنا جري من الرطوبة

يفتح الله ...

سبحان الله في ناس أول ما تيجي سيرة الرياض جسمه يقشعر ويقول لك : والله لو تدفعوا لي فلوس ...

على فكرة بقى يا ابو الاسياد انا كنت عايش فى الرياض قبل الخبر وبحب الرياض جداااااااااااااا وكفاية الخدمات اللى فيها وطبعا كفاية زحمتها برضوا

بصراحة الجو الايام دى فعلا نادر علينا هنا فى الخبر مش متعودين عليه

والرطوبة لا تكاد تذكر بقالى يومين مش باشغل تكييف السيارة الا فترة الظهر بس لو خرجت من الشغل

لكن فى الليل يا سلااااااااااااااااااااااااااااااااااااااااام على كورنيش الخبر والدمام والجسر ما اقولش ليك بيفكرنى بهوا البحر بتاع الزقازيق

:lol::lol::lol::lol::lol::lol::lol::lol::lol::lol::lol:

[ماستر]

عم س.س

بلاش قر وادعى ربنا يفضل كدة لغاية العيد

[رضوي]

أعزائي المستمعين أو المشاهدين الكرام

أحب أطمنكم علي جو مصرنا الحبيبة ............................ فوووووووووووووق الرائع ............ وهمي بجد

بعد المعاناه اللي شوفناها في شهور الصيف (لحد شهر سبتمبر )

بس الخريف بقي حاجة وهمي بجد ............... لطيف نهاراً .......... خرافي ليلاً ( بنقفل الشبابيك والبلكونات وكلة والجو تمام )

والشتا بقي ع الأبواب ............ وماأحلي شتا العاصمة cld:

cld:

كانت معكم ........

مراسلة أخبار الطقس من القاهرة

رضوي طارق حماد flrt: wst::

[أبوعمار]

ومراسلكم من الكويت ... ومن الأحمدي بالتحديد

الجو جميل

حرر حر حر نحن نغرق في عرق الشعوب " حسبي الله ونعم الوكيل فيك يا فخري"

لا بجد والله

من فضل الله علينا

ان الأيام دي الجو بدأ يتحسّن .

((ودي تاج على رؤوس المصريين لا يراه الا سكان الخليج وبالذات الكويت))

واذا كنت يا سي السيد بيصرفوا لكم شوايات لتوفير الطاقة واستخدام حرارة الجو اللافحة

احنا هنا بنبرد الميه عشان نقدر نتوضأ... ولو راجع من الشغل حرّان وطهقان

اوعي تفكر تأخد دوش ... تبقى غلطت غلطة عمرك

ساونا ... والله بأحس اني في ساونا وبخار وحركات

ده أنا كانت بتعدي عليا السنة ما أشغلش السخان

وساعات بتوحشني هدومي الشتوية

أطلع الجواكت من الولاب أتحسّر عليهم شوية وأرجعهم

المهم الحمد لله اننا بدأنا نشوف الخريف

وكمان بدري عن كل سنة

ربنا يديمها نعمة علينا

نفسي أشغل السخان بقى

[se_ Elsyed]

... ولو راجع من الشغل حرّان وطهقان

اوعي تفكر تأخد دوش ... تبقى غلطت غلطة عمرك

ساونا ... والله بأحس اني في ساونا وبخار وحركات

حتى دي كمان يبقى كده بنغلط في الساونا ..

طب ما يوماتي بنشوف الساونا في النادي الصحي ... وعمرها ما كانت زي الجو في الصيف ... يا فندم إحنا عدى علينا صيف السنة دي يحسسك بإحساس الفرخه المشوية وهي في عز شبابها قصدي في عز كتكتيتها ( المرحلة الكتكوتية يعني )

والشتا بقي ع الأبواب ............ وماأحلي شتا العاصمة

الأخت رضوى ( هل تسمعيني ) على ما يبدو أن الشبورة أثرت على الإتصال بمراسلة أخبار الطأس الاخت رضوى أبو العافية من جنوب لبنان ...

لأ لقطناها اهو .. الأخت رضوى ... طمنينا على أخبار الطأس في الزقازيق وأبو حماد ومنيا القمح والدول الاخرى المجاورة ...

[اغابي]

المفترض ان هناك قرار او قانون لا ادرى صفته بشكل مؤكد ينص على انه ما ان تجاوزت درجه الحراره الخمسين درجه يجب ان تعطل الاعمال بشكل الى

لكن الحقيقه لا اعتقد اننى سمعت و لو لمره واحده عن دوله من دول الخليج طبيقته

رغم انه لو مفعل حقا فعلى اقل تقدير فلن يعمل احد هناك طيله شهرى يوليو اغسطس wst:: wst:: wst::

ندعو الله ان يقينا حر الدنيا و الاخره

تمام - فعلا يا مغتربة عندنا فى الكويت القانون داه لكنه لا يطبق قانونا برضوه - ازاى

اقولك ازاى - قانونا ان مش بيكشفو الحقيقة عن درجة الحرارة

- مثلا الصيف داه فى شهر 7 اللى فات - كان عندى مؤشر الحرارة فى البلكون انا حطاه ادانى الدرجة 57 درجة

وفى الراديو قناه مارينا اف ام فى نفس اليوم - يقولو الدرجة اليوم 45 يعنى نقصو 12 درجة مرة واحدة الضلاليين - ايه الافترا داه

لكن حاليا الجو فى الكويت جميل جدا مش محتاج مكيفات اوى

تحياتي

اغابي

تم تعديل 24 أكتوبر 2010 بواسطة اغابي

[اغابي]

حذفت بواسطي

للتكرار

:roseop:

تم تعديل 24 أكتوبر 2010 بواسطة اغابي

[mekkawy]

جدة غـــــــــــير .. هأأوووو :D

قال جدة غير قال .. هي فعلاً غير .. بس غير طبيعي .. رطوبة 24|7 ... خنقة 30|12 .. جدة غير يا جدعان

ولا يوم من أيامك يا رياض

مكاوى

[se_ Elsyed]

جدة غـــــــــــير .. هأأوووو :D

قال جدة غير قال .. هي فعلاً غير .. بس غير طبيعي .. رطوبة 24|7 ... خنقة 30|12 .. جدة غير يا جدعان

ولا يوم من أيامك يا رياض

مكاوى

إنت من الاحرار يا ميكو

إنت هاتلعب الماتش .. ما تخافش ,,

أنا عارف إن ريشة من الريش عندك مكسورة .... لكن ما تقلقش أنا مظبط الحكم بتاع الترجي وهايفوت لك الماتش يا معلم

أنا برضوا مش بأحب جده .. تخيل

ولما تقول كده .. تلاقي موديست يطلع فيك ياكلك

عندي لك أوفر مُغري لرجعوك للرياض

1200 بيزك

150 إنتقال

3600 بدل سكن ...

فكر ورد عليه wst:: bv:-

[moory]

فعلا الجو فى الرياض الايام دي جاامد،

انا اتنقلت من جدة على الرياض هنا من شهر 5 الي فاات، حرررر ناار طوول النهار، صهد ولعة طوول الليل

بس الايام دي ما شاء الله الجو تحفة، وفعلا تحب تنزل و تخرج و تغير جو فييه

بس هوا سؤالي للناس الي عايشة فى الرياض، هيا الرياض بيجي عليها ايام و تبقى برد وسقعة،

اصلي قربت انسى ان فى حاجة اسمها شتا، بقالي سنتين فى جدة و بنزل مصر فى الصيف D:

نفسي البس شتوي وماشغلش التكييف على البارد، او حتى اطفيه بس !!!

[se_ Elsyed]

فعلا الجو فى الرياض الايام دي جاامد،

انا اتنقلت من جدة على الرياض هنا من شهر 5 الي فاات، حرررر ناار طوول النهار، صهد ولعة طوول الليل

بس الايام دي ما شاء الله الجو تحفة، وفعلا تحب تنزل و تخرج و تغير جو فييه

بس هوا سؤالي للناس الي عايشة فى الرياض، هيا الرياض بيجي عليها ايام و تبقى برد وسقعة،

اصلي قربت انسى ان فى حاجة اسمها شتا، بقالي سنتين فى جدة و بنزل مصر فى الصيف D:

نفسي البس شتوي وماشغلش التكييف على البارد، او حتى اطفيه بس !!!

ما تطلبهاش وخليك ساكت

الشتا بيبقى الجو كويس

لكن أيام بييجي علينا برد صحراوي ..عُمرك ما تشوفش زيه ..

تصبح الصبح تلاقي صوابع رجليك وارمه وزرقا ... لدرجة بأضحك لما بأشوف شرابات للقدم لها صوابع عشان الرجل تقفش فيها جامد ...

وتقريباً معظم الناس دلوقت شاريه الدفايات اللي بالكهربا دي ...

لكن إنت وحظك .

في سنين بتوع الملابس الشتوية والبطاطين بيتخرب بيتهم لأن ما فيش شتا بييجي ... وسنين تاني الدنيا بتغفلق وتلاقي برد ومطر متواصل ... جو صحراوي زي الكتاب ما بيقول

لكن بإذن الله أتوقع إن أيام العيد الكبير هانزقطط ونفرح ونطلع نأجر بيتش باجي في الصحرا ..

ويا سلام على الباربيكيو أي الشواء بلغة الفرنجه ... أوعى وشك ... أنا ما باحبش شوي اللحمه لأنه مزعج وبتتحرق وما بتطلعش كويسة .. لكن أستاذ في شوي الريش والكفته ... ودكتوراه في شوي الفراخ بعد تتبيلها بالخلطة السرية ......

[moory]

يا سي السيد جوعتني بموضوع الشوي ده،

طب كويس انت كده طمنتني، خلي الواحد يفتكر اياام زمااان، هيا بقت زماان فعلا D: