هل لا يزال سي السيد موجودا في زمننا هذا ؟؟؟؟

[أمل حياتي]

صباح الفل والخير والسعاده على جميع الأعضاء وبالأخص العضو سي السيد علشان عاوزاه يرد على الموضوع بتاعي

ناقشت هذا الموضوع مع العضوة الفاضلة (( قلب أبيض )) واقترحت هى طرح الموضوع عليكم وها انا اطرحه رغم خوفي من ردة الفعل فهو قد لا يعجب الرجال الأعضاء في المنتدى

أنا بعد خبرتي في الحياة والسنين التي عشتها سواء قبل ام بعد الزواج وكذلك التجارب التي شهدتها في عملي

كنت دائما أحن لوجود سي السيد الحقيقي والذي اود القول أنه لم يعد موجودا في زمننا هذا لأنه زمن الستات

واصبحت النساء هى التي تدير المنزل من الداخل والخارج وهى التي تساهم بشكل رئيسي وحيث انني من منادي أن تعود المرأه الى قواعدها الأصليه وهى المنزل رغم عملي ومسئولياتي فأني لم اجد في العمل خارج المنزل شيئا يشبع مؤهلاتي كأمراه وانثى

ولكنننننننننننن اين هو سي السيد في زمننا هذا والذي يمكن ان تخضع له المرأه

ولا يخضع لها والذي يمكن ان ترمي عليه همومها؟؟

اين هو الرجل الذي ينحني للمرأه بكل احترام دون ان ينثني ؟؟

كل النماذج التي حولنا تصرخ بكل قوه ان الزمن لم يعد الزمن الجميل الذي مضى

ماذا استفدنا من خروجنا للعمل غير النميمه والسيئات والتفاهات

في حين ان المستفيد الأول هو الرجل وليس المرأه من الناحية المادية

هل لازال هناك رجال بمعني الكلمه ام اختلط الحابل بالنابل

اتمنى الردود بكل هدوء

اختكم حمال الأسيه

تم تعديل 23 أكتوبر 2010 بواسطة حمال الأسيه

[nightmare]

اسمحيلي اشوف الموضوع بزاوية مختلفة أو بمعني أصح نظرة عكسية تماماً , حضرتك مش شايفة وجود سي السيد الحقيقي في زماننا الحالى وده حقيقي ولو موجود فقد أصبح نادراً عارفه ليه حضرتك لإن بكل بساطه ما بقاش فيه "أمينة" الحقيقية.

اه

فين دلوقتى الزوجة اللى ما تخرجش الا بإذن زوجها.

فين دلوقتى الزوجة اللى ما تعرفش الا حاضر ونعم وبس.

فين دلوقتى الزوجة اللى ما تقدرش ولا تجرؤا انها تعلى صوتها في وجوده او أثناء الحديث معه.

فين دلوقتى الزوجة اللى لاتعرف حاجة اسمها انا زهقت , انا مليت , انا عاوزه احقق ذاتي وكياني.

فين دلوقتى الزوجة اللى ما بتشتكيش واللى الواحد ما يشوفش على وجهها الا الابتسامة الصافية.

فين دلوقتى الزوجة اللى بتجري عليه اول ما يرجع من شغله تقلعه هدومه وتغسله رجله.

كفاية كده

خلاصة اللى عاوز اوصله لحضرتك ان الزمن اتغير ولا بقي فيه سي السيد ولا بقت فيه أمينة, بقي فيه زوج وزوجة بيتشاركوا معاً ويتكاتفوا لانجاح الحياة الزوجية.

مع تحياتي

[أمل حياتي]

الأخ الفاضل Nightmare

انا معاك انه معادش في امينه ولا زيها بس اعتقد كل ده بسبب عدم وجود سي السيد اصلا

واللي بيفرض نفسه...

اما مقولة ان الزوجين بيتكاتفوا فكل ده باعتبره استاذي الفاضل تحايل لان الست ساعة ما

تخرج من البيت بتتغير ومين اللي سمحلها اصلا بالخروج هو في الأول والأخر سي السيد بتاعها ...

انا اعتقد ان لسه مفيش راجل يستاهل ان الست تقعد عشانه في البيت او يجبرها على القعاد بكل احترام وأدب

زي ما بيقولوا الراجل اللي بيملى العين

فين ده ما اعرفش انا لسه بأدوره

مع احترامي لرأيك وشكري لمشاركتك الجميله :rolleyes:

[nightmare]

الأخ الفاضل Nightmare

انا معاك انه معادش في امينه ولا زيها بس اعتقد كل ده بسبب عدم وجود سي السيد اصلا

واللي بيفرض نفسه...

اما مقولة ان الزوجين بيتكاتفوا فكل ده باعتبره استاذي الفاضل تحايل لان الست ساعة ما

تخرج من البيت بتتغير ومين اللي سمحلها اصلا بالخروج هو في الأول والأخر سي السيد بتاعها ...

انا اعتقد ان لسه مفيش راجل يستاهل ان الست تقعد عشانه في البيت او يجبرها على القعاد بكل احترام وأدب

زي ما بيقولوا الراجل اللي بيملى العين

فين ده ما اعرفش انا لسه بأدوره

مع احترامي لرأيك وشكري لمشاركتك الجميله :rolleyes:

كل طرف هيقول عدم وجود الطرف الآخر هو السبب , المهم وصلنا لنقطة ان الاثنين الحمد لله ما بقوش موجودين وانا بتكلم هنا عن سي السيد ( يحيي شاهين ) بكل تفاصيله

انما الراجل اللى يملى العين ويستاهل ان الزوجة تقعد في البيت علشانه فده موجود ولله الحمد وبكثرة كمان , فيه رجالة على قد المسئولية وبيحترموا زوجاتهم جداً وزوجاتهم بتقدرهم جداً وبيسيبوا وظائفهم الكبيرة كمان ارضائاً له.

انا شايف ان طالما الرجل ربنا كارمه وقادر مادياً على تغطية مصاريف البيت كاملة يبقي لا داعي لعمل الزوجة, وخروجها للعمل لا يكن الا في حالة عجز الزوج بسبب مرض أو وفاته, لكن احيانا بتبقي المشكلة عندها هي , تقولك لأ انا عاوزه احقق ذاتي انا عاوزه انجح انا مليت من القعدة انا كنت اتعلمت ليه, وهكذا, وهل معني خروجها للعمل ان زوجها مش مالى عينيها :blink:

مع تحياتي

[raouf]

تعرفوا انا كان نفسى اعيش الزمن ده

الزمن اللى بيخلى الست تحترم جوزها وتحترم رجولته وايضا بيخلى الراجل يعطف ويكون حنون على زوجته

انا عندى اعتقد ممكن يكون غلط وتزعل منى السيدات اللى معى هنا فى المنتدى الا وهو ان الترابط الاسرى ورابط الزواج اللى نسمع عنه انتهى تماما بخروج المرأة من بيتها واتجاها للعمل

دور المرأ فى بيتها اكبر واهم بكثيييير من دورها فى المجتمع وهى عاملة واقرب مثال

شوفوا معاملتنا لاهلنا وامهاتنا لم تعمل وشوفا معاملة اولادنا لنا الان فى زمن خروج المرأة والدش والساتاليت

[مغتربة]

صباح الفل والخير والسعاده على جميع الأعضاء وبالأخص العضو سي السيد علشان عاوزاه يرد على الموضوع بتاعي

ناقشت هذا الموضوع مع العضوة الفاضلة (( قلب أبيض )) واقترحت هى طرح الموضوع عليكم وها انا اطرحه رغم خوفي من ردة الفعل فهو قد لا يعجب الرجال الأعضاء في المنتدى

أنا بعد خبرتي في الحياة والسنين التي عشتها سواء قبل ام بعد الزواج وكذلك التجارب التي شهدتها في عملي

كنت دائما أحن لوجود سي السيد الحقيقي والذي اود القول أنه لم يعد موجودا في زمننا هذا لأنه زمن الستات

واصبحت النساء هى التي تدير المنزل من الداخل والخارج وهى التي تساهم بشكل رئيسي وحيث انني من منادي أن تعود المرأه الى قواعدها الأصليه وهى المنزل رغم عملي ومسئولياتي فأني لم اجد في العمل خارج المنزل شيئا يشبع مؤهلاتي كأمراه وانثى

ولكنننننننننننن اين هو سي السيد في زمننا هذا والذي يمكن ان تخضع له المرأه

ولا يخضع لها والذي يمكن ان ترمي عليه همومها؟؟

اين هو الرجل الذي ينحني للمرأه بكل احترام دون ان ينثني ؟؟

كل النماذج التي حولنا تصرخ بكل قوه ان الزمن لم يعد الزمن الجميل الذي مضى

ماذا استفدنا من خروجنا للعمل غير النميمه والسيئات والتفاهات

في حين ان المستفيد الأول هو الرجل وليس المرأه من الناحية المادية

هل لازال هناك رجال بمعني الكلمه ام اختلط الحابل بالنابل

اتمنى الردود بكل هدوء

اختكم حمال الأسيه

رغم انك صرحتى انك متخوفه من رده الفعل فىانه لا يعجب الرجال

الا اننى انثى و رغم ذلك اختلف معك فى كل ما طرحت

بدايه بنموذج سى السيد الذى تحنى لرجوعه رغم اننى اشعر انك غير محدده لابعاده بدقه

فتيمه سى السيد الذى اخترعها نجيب محفوظ كانت ليعبر بها عن ازدواجيه الرجل كما يراها فى المجتمه

الرجل الذى يحق له كل شيىء دون مسائله او محاسبه الامر الناهى المتمتع بسلطات لا نهائيه على المراه

حتى لو ادى هذا الى هضم حقوقها الذى يحرم على غيره ما يقبله على نفسه

نموذك لا اعتقد باى حال من الاحوال انه من الممكن ان يكون له معجبين من الرجال حتى المصفين ليكون له معجبين من النساء بل و يحنون الى ايامه

هذا النموذك الذى تحنى اليه دون حتى ان تحددى لنا ابعاد شخصيته بدقه حتى نستطيع ان نتحاور بشانها بنيتيها على رؤى شخصيه لك من مشاهدات واقعيه قمت بتحليلها بطريقتك الخاصه فاوصلت الى نتيجه معينه من المفترض بها ان تكون ايضا خاصه و لكنك تريدين تعميمها و هو مالا اراه يستقيم

حضرتك تقولى انك من المنادين لعوده المراه الى قواعدها كما وصفت ثم تقولين انك انت بنفسك لا تقومين بهذا الا ترين ان هذا تناقض

ثم ترمين بعبء الامر كله على فرضيه افترضيها ثم تعاملت معها على انها امر مفروغ منها

و من قال لك ان خروج المراه من عدمه لم يستفاد منه الا االنميه و السيئه و التفاهات

لما اختزال تجربتها فى مجرد النميمه

هل هذا حقا ما ترينه

كل اسهامتها و انجازاتها على المستوى العالمى لا تستطيعى ان ترى منها الا النميمه على حد وصفك

من تريد ان تجلس فى بيتها فلا شان لنا بها هى حره فى افكارها و معتقداها و كل شخص ادرى بقدراته

لكن البخس من شان اخريات اثروا الدنيا باسهاماتهن و علمهن و فكرهن لا يتسق ابدا

الرجال الحقيقيون موجودن و لله الحمد انهم ليسوا على شاكله سى اسيد بل هم رجال بحق

يعرفون ما لهم و ما عليهم

و لانه رجل بحق فانه يعلم ان المراه هى شريكه حياته و ليست تابع له

و ان انصافها لا يعنى انه انثنى بل يعنى انه رجل بحق

الزمن الجميل لا يعود بالتباكى عليه و لا بالقاء المسئوليات على الاطراف الاخرى

الازمنه دائما و ابدا جميله فقط ان تصرفنا نحن فى خاصتنا بالشكل الامثل معطين القدوة لغيرنا بدلا من طلبنا نحن منهم

و قديما قيلا اكمل تكمل الدنيا باسرها

اطيب التحايا

[se_ Elsyed]

صباح الفل والخير والسعاده على جميع الأعضاء وبالأخص العضو سي السيد علشان عاوزاه يرد على الموضوع بتاعي

انا اعتقد ان لسه مفيش راجل يستاهل ان الست تقعد عشانه في البيت او يجبرها على القعاد بكل احترام وأدب

زي ما بيقولوا الراجل اللي بيملى العين

أرد إيه بقى هو في رد يتقال بعد ما شلفطتي الأسياد كلهم :lol:

...

طب عشان اللخبطة .. ممكن نمسك الفُرشة ونعدل إسمك عشان يكون " حمالة الأسية يا قلبي " لإن حمال هي أسم للمُذكر ومش ناقصه لخبطه :lol: :lol:

ردي بقى ..

أقول وبالله التوفيق ...

لازم الأول نعرف تقصدي إيه بنموذج سي السيد اللي الست تضحي عشانه ؟

يعنهي قصدك الراجل الحمش اللي بيشكمها ويديها على دماغها زي ما يحي شاهين كان بيعمل ؟

ولا الراجل المتفاهم اللي بيقدر ويحترم مراته ؟

الإتنين موجودين .... وبكثرة في المجتمع ... لإننا بني أدمين وبيننا كل الطباع

وبصراحة قرأت رد أختنا مغتربة .. ما شاء الله .. لا أجد المزيد لأُضيفه بعد ردها المتكامل

[engmido]

اتفق تماما مع نايت مير

اختلف بعض الشىء مع مغتربة

ولنا عودة

[أمل حياتي]

مساء الخير على الجميع

اولا انا مش فاهمه يعني ايه شلفطت الكل

تانيا اسم حمال الأسيه ولو تفتكر الأغنيه بتتكلم عن القلب هوه اللي حامل الأسيه والقلب مذكر

وده اللي قصدته بالإسم ان قلبي حمال الأسيه

ثالثا القصد من سي السيد الرجل المسئول عن بيته قلبا وقالبا والذي يكون المرفأ الأول والأخير للزوجه

من كل النواحي عاطفيا وماديا وكل شي

يشيل بيته ومراته وعياله وتقعد هيه زي الملكه في بيتها

وليه عوده ان شاء الله وتكمله

[se_ Elsyed]

مساء الخير على الجميع

اولا انا مش فاهمه يعني ايه شلفطت الكل

تانيا اسم حمال الأسيه ولو تفتكر الأغنيه بتتكلم عن القلب هوه اللي حامل الأسيه والقلب مذكر

وده اللي قصدته بالإسم ان قلبي حمال الأسيه

ثالثا القصد من سي السيد الرجل المسئول عن بيته قلبا وقالبا والذي يكون المرفأ الأول والأخير للزوجه

من كل النواحي عاطفيا وماديا وكل شي

يشيل بيته ومراته وعياله وتقعد هيه زي الملكه في بيتها

وليه عوده ان شاء الله وتكمله

يا ستي والله موجود وزي الفل

هو في إيه بس ؟

[أمل حياتي]

خلاص يا سي السيد مدام انت بتقول موجود يبقى موجود وانا لسه ما قابلتوش :rolleyes:

[لماضة مصرية جدا]

السلام عليكم و رحمة الله و بركاته

طب هو ممكن اسال سؤال

هي مش الست أمينة كانت مبسوطة مع سي السيد؟؟ علي الرغم ان الفيلم ميبنالش مثلا ايه رد فعلها لو هي عرفت بالجانب المنيل من حياته

انا مدركة تماما ان احنا مش بمعرض نتكلم عن الفيلم...لكن حتي كمان النموذج اللي حضرتك بتقولي عليها بينبهنا لحاجة مهمة جدا

كل اتنين بيقرروا في لحظة فارقة انهم يصطبحوا بوش بعض لمدة ربع قرن قادم.....يبقي اكيد هما نموذج في حد ذاته و مينفعشي التعميم

لكن في نفس الوقت فيه خطوط عريضة....بيتفق عليها الطرفان

الخطوط العريضة دي محدش هيعد يفتي فيها و يقول اصل بعمل كذا....و لا خد وصفة مجربة....و لا افتح يا عمي كتاب النصايح الذهبية للحياة الزوجية

مافيش حاجة اسمها زواج.....يعني مفهموم كده واسع فضفاض....لكن فيه ازواج و زوجات

كل اتنين نموذج خاص بنفسه...و ليه من الخصوصية....انه في حالة النجاح...او لا قدر الله الفشل.....مينفعشي نعمم ممارساته

كل حد فينا بيقعد في الفترة اللي بينوي فيها الزواج....عمال يحط نفسه في قوالب...عايز يعمل كذا....عايز يلاقي كذا

و بيتخيل ان الطرف التاني اللي هو اصلا اديله عشرين سنة بيتربي بطريقة مختلفة عنه تماما.....بيفكر بطريقة تانية

لما بنقعد في الخطوبة....بنتكلم عن كتب الشعر....و نتفرج علي كتالوجات العفش....و بننسي نحاول بس نتعرف علي كتالوجاتنا كبني آدمين

ايه اللي بيفرحه....ايه اللي بيعصبه.....

و ع الناحية التانية

ايه اللي يرضيني......ايه اللي يكفيني

ممكن بنقولها في شكل كلام.....لكن يطلع عليه النهار يسيح.......احنا فعلا و احنا داخلين الجواز.....عاملين زي اللي داخل نفق مضلم.....هو و نصيبه بقي

كان فيه مداخلة لاحد زملاءنا الافاضل بيقول فيها....انه لا جدوي نقول....اصل هي مش امينة....وده لا جدوي منه ع الاطلاق....اتفق تماما

محدش هيبقي امينة......و لا معطيات الوقت دلوقتي بتقولي ابقي امينة.....الحياة بتتطلب اني ابقي امينة في مواقف....و ابقي مها صبير في مواقف.....و احيانا برضه ممكن ابقي البلطجي عكاشة.....كلها ادوار....و كلها بتعتمد علي مرونة الشخصية و علي حسب الموقف

علي فكرة بقي.....انا قناعتي الشخصية....الست مهما كانت قوة الشخصية او مستقلة و ده اللي بيخوف كتير من الرجال...(عشان دايما عايزين تفرضوا السيطرة)....بيكون احتياج الاحتواء من رجل هي ترتضيه لنفسها.....اكبر

لانها جربت تلعب الدورين.....و بتحن انها تلعب الدور الانثوي.....مع من ارتضته لنفسها و اكتفت بيه...مع انه ميكنشي لا الاغني و لا الاذكي و لا الوسم.....لكن بيحقق ليها الجانب ده

ع جنب بقي

احب اضم صوتي لاستاذنا سين سين.....انا فعلا كنت فاكرة حضرتك....بشنب....ممكن نخليها حمالة الاسية....مع ان يعني الاسم بيوجع....ليه يا امي.....و الله هتروق و تحلي

و ده اقتراح يعني

صبااااااااااااااااحك سكر

[Mr MAGED]

انا اعتقد ان لسه مفيش راجل يستاهل ان الست تقعد عشانه في البيت او يجبرها على القعاد بكل احترام وأدب

زي ما بيقولوا الراجل اللي بيملى العين

فين ده ما اعرفش انا لسه بأدوره

مع احترامي لرأيك وشكري لمشاركتك الجميله :rolleyes:

الفاضلة ... حمال/ة الأسية

لا أدري هل من الممكن أن يتم تعميم هذا التساؤل والبحث عن سي السيد بتاع الرواية

أم أنها رغبة شخصية في داخلك للبحث عنه .. أعني أنك شخصيا لم تقابليه من قبل وتودي أن تجديه في يوم من الايام

وان وجدتيه فهذا لا يعني أنك ستستسيغين تلك الصورة لسي السيد كما تظنيه

فلا أظن أن هناك امرأة ما ستود أن تظل قابعة خلف جدران البيت ..

في انتظار أن يطل البطل الهمام وينادي عليها فتقوم مرتعشة خائفة تلبي مطلبه .. ثم بعد ذلك تعود الي مخبأها مرة ثانية !!!!

هل هذه هي الصورة من وجهة نظرك !!! ... صدقيني ان قلت لكي أني كرجل لا أفضل هذا النوع من النساء

فهذا يشعرني أني تزوجت وعذرا للتعبير لوح خشب اضافي من أثاث البيت .. أنا لا أريدها مرتعشة ولا أريدها خائفة وبالطبع لا اريدها ان تخاف مني

فهذا لم يفعله رسول الله صلي الله عليه وسلم مع زوجاته ولا أي من صحابته الكرام .. فقط فعلها نجيب محفوظ في روايته..

ولا أظن أن نجيب محفوظ مهما اتفقنا أو اختلفنا حوله يمكن أن يكون هو القدوة والمثل الأعلي ..

خاصة أننا لا ندري هل كان هو أيضا سي السيد في بيته أم لا ؟؟

من منا أيها الرجال يحب أن يري زوجته بمثل هذه الصورة !!!!!

وهذا لا يعني أنها يجب ان تناطحه وتكون هي رجل البيت ويكون هو زوج مستأنس

ما نريده هو ما خلق الله عليه الخليقة ... أن حواء خلقت من ضلع أعوج .. ولذا هي أولي بالرعاية والاهتمام .. الاهتمام في كل شيء

لها حقوق وعليها واجبات .. لا افراط ولا تفريط ... هذا هو ميزان العدالة .. لا أن يكون هو وحش كاسر ولا أن تكون هي أنثي متسلطة

ولنا عودة

[أمل حياتي]

لي عوده للأخت مغتربه واؤكد بأنه لا تناقض في كلامي

لانني اتكلم عن المفروض ان يحدث وليس كل مفروض يمكننا ان نطبقه على أرض الواقع

ونعود للسبب الرئيسي وهو عدم وجود سي السيد الحقيقي

اما عن العمل ففي النهاية عمل المرأه لا يخدمها بل قد نافست الرجل ولهذا قلت فرص العمل في كل مكان

انما ما يخدمها هو رعايتها لبيتها واولادها وراحة بالها التي لا يمكن ان تتحقق بين أعباء الوظيفه

وأعباء المنزل فهى في دوامه مستمره لا تنتهي من العمل

ومحدش يزعل من كلامي ده رأيي الشخصي وانا بأطرحه للنقاش وبأتقبل كل الآراء بود

تم تعديل 23 أكتوبر 2010 بواسطة حمال الأسيه

[أمل حياتي]

الأخ الفاضل Investor

ما نريده هو ما خلق الله عليه الخليقة ... أن حواء خلقت من ضلع أعوج .. ولذا هي أولي بالرعاية والاهتمام .. الاهتمام في كل شيء

لها حقوق وعليها واجبات .. لا افراط ولا تفريط ... هذا هو ميزان العدالة .. لا أن يكون هو وحش كاسر ولا أن تكون هي أنثي متسلطة

كلامك عين العقل وانا معاك ولا اقصد بسي السيد هو ما دار في المسلسل ولكنه تعبير عن الرجل القائم بكل مسئولياته

الدين يقول الرجال قوامون على النساء

هذي هي زبدة الكلام

[Mr MAGED]

الأخ الفاضل Investor

ما نريده هو ما خلق الله عليه الخليقة ... أن حواء خلقت من ضلع أعوج .. ولذا هي أولي بالرعاية والاهتمام .. الاهتمام في كل شيء

لها حقوق وعليها واجبات .. لا افراط ولا تفريط ... هذا هو ميزان العدالة .. لا أن يكون هو وحش كاسر ولا أن تكون هي أنثي متسلطة

كلامك عين العقل وانا معاك ولا اقصد بسي السيد هو ما دار في المسلسل ولكنه تعبير عن الرجل القائم بكل مسئولياته

الدين يقول الرجال قوامون على النساء

هذي هي زبدة الكلام

كده جميل جدا

كما قلتي ... أن يكون الرجل قائم بكل مسئولياته

هنا يجب أن نتفق جميعا حول هذه النقطة

ويجب أن نتفق أيضا .. أن الرجل الذي لا يقوم بكل مسئولياته يوجد خلل كبير به

ان كان هذا الخلل خارج عن ارادته لمرض مثلا أو أي ظروف قهرية كان له العذر

اما ان كان انسان طبيعي ليس لديه عذر ولا يقوم بمسئولياته .. فاعذريني لا يمكن أن يستحق لقب رجل

فنحن نتحدث هنا عن الرجال وليس أشباه الرجال

فالرجل الطبيعي هو من يقوم بواجباته ومسئولياته كاملة بالشكل الذي يكتسب به احترام زوجته وابناؤه وكل المجتمع

متابع باهتمام

تحياتي

[عادل أبو عمر]

أولا اسمحوا لي ان أسجل كرهي الشديد لشخصية الفيلم سي السيد ( الأصح في رأيي سي السيء )

أكره إلصاق هذه الشخصية بالرجل العربي المسلم بنفس كرهي لمن ألصقوا اسم هارون الرشيد بالملاهي الليلية md2: md2: md2:

=================================

ممكن نفكر في قوله صلى الله عليه و سلم " رفقا بالقوارير " جملة من كلمتين كل واحد دوره بسيط وواضح

أرجوكم حاولوا تقرأوا قصة السيدة زينب بنت رسول الله صلى الله عليه و سلم مع زوجها أبو العاص

( القصة) انا سمعتها كثيرا و يقشعر لها بدني حبا في رسول الله صلى الله عليه و سلم و اهل بيته الكرام و لكن سمعتها من أيام ووالله لقد تعجبت من حب السيدة زينب لزوجها ووفائها له لمدة 20 سنة بعد ان أسلمت و ظل على كفره و هي تحاول معه لعله يسلم حتى تفرقا ... تعجبت أنني افترضت في رجال ذلك الزمن (باستثناء رسول الله صلى الله عليه و سلم) بحكم أنهم يعيشون عيشة قاسية في الصحراء عيشة لا رفاهية فيها على الإطلاق كيف يكون هناك رفقا و حبا ووفاء بهذا الشكل و كيف يستمر ذلك حتى في ظروف الخلاف و البعد وهل لو كان هذا الرجل يعاملها معاملة سيئة كان سيكون هذا الوفاء من حقه ..

خاتمة القصة تقول أن سيدنا أبو العاص بعد ان أسلم و وراجع السيدة زينب ... ماتت رضي الله عنها بعد سنه من هذه الواقعة

فبكاها أبو العاص بكاء شديداً حتى رأى الناس رسول الله صلى الله عليه و سلم يمسح عليه ويهون عليه، فيقول له: والله يا رسول الله ما عدت أطيق الدنيا بغير زينب. ومات بعد سنه من موت زينب ...

[Om Zayd]

حمال الأسية .. فاهماكي

بتتكلمي عن الراجل اللي يعرف امتى يبقى حنين و امتى حازم و ياخد القرار

الراجل اللي تبقى مطمنة و هو في حياتك ان ليكي سند

راجل بجد يعني .. و ترتاحي انتي

بس صدقيني .. لازم انتم الاتنين تحتاجوا بعض

أكيد هو كمان عنده مشاكل و هموم ..

و محتاجك تكوني سنده

معاكي ان لما الست هي اللي بتبتدي تسيطر و هو يسيبها .. حاجة جواهم هما الاتنين بتتكسر

هو بيفتكر ان ده يسعدها .. و منه يريح دماغه

هي .. بتبقى عايزة حد يشيل معاها المسئولية .. تتكلم معاه .. يحسسها انه راجلها و سندها

بس مش قادرة تتراجع

ويفضل الشق يكبر .. هي مستقلياه و هو مسترجلها

آسفة على الإطالة

بس ده اللي شفته في ناس كتير

ربنا يسعدنا و ذرياتنا جميعا

[رضوي]

السلام عليكم ورحمة الله وبركاته

أعزائي المستمعين ................ كل سنة وانتم طيبين

بداية ............ علشان بس نبقي موضوعيين .......... سي السيد نقصد بيه مين ؟؟؟؟؟؟؟؟

لو نقصد نفس دور يحي شاهين اللي قام بتأليفه نجيب محفوظ ................. ذلك الرجل الذي يفعل مايريد وقتما يريد بلا مبالاه بمشاعر زوجته وابناؤة ............

أعتقد ان العلاقة بينه وبين امينه كانت علاقة سيد بجاريته ......... علاقة خوف وطاعة عمياء ........... علاقة لايمكن تطبيقها في الوقت الراهن ............ أو بمعنى اكثر دقة لاتوجد من تريد هذا النموذج من سي السيد (ماتنسوش كمان علاقاته الغير شرعية )

ولكن

من هو سي السيد الذي نريد التحدث عنه ؟؟؟؟؟؟؟ وماهي علاقته بزوجته ( ماقولنا خلاص مافيش حاجة اسمها أمينة ومش مفضل انها تكون ) ؟

سي السد

- رجل يحترم كلمته

-يحترم زوجته

- يتحمل مسئولية بيته وأسرته

- يشارك في كل صغيرة وكبيرة في بيته

- على علم ودراية كاملة بكل مشاكل ومتطلبات أبناؤه

- يحب زوجته ويقدرها

-حازم

-حنون

-طيب القلب

-واسع الادراك

-غيور علي زوجته وبيته

- صديق لأبناؤه ............ يحترموه ويخافون من غضبه ( مش بيخافوا منه )

- حبيب لزوجته ........... يحترمها ويشاركها كل الحياه ( فهي شريكة حياته ليست جاريته ............... ولا أتحددث هنا عن الندية )

- يبذل قصارى جهده من أجل رعاية أسرته والوصول بها لبر الأمان

- عندما تخطيء زوجته لايعنفها ............ وإنما يكتفي بتلك النظرة المعاتبة التي تشعرها بخطئها وتجعلها تسعي من أجل اصلاح خطئها .......... خوفاً علي حبه لها

- عندما يخطيء هو يعترف بخطئه ............. ولايتردد في الإعتذار

- رومانسي أخر حاجة .......... تعشقه زوجته

- وقور يحترمه الناس وتفتخر زوجته به

- مثقف واسع الأفق

بإختصــــــــــــــــــــــــــــــــــــــــــــــــــار :-

هو فارس أحلام المرأة العصرية .......................... هو سي السيد القرن الواحد والعشرون

رجل تسمع كلمته .......... ليس خوفاً منه ........ ولكن حباً واحتراماً له

هو ماتبحث عنه كل فتاه

ولكن السؤال ................. هل هذا السي السيد موجود في عصرنا

أجل ........... أيوة موجود والله .......... بس مش معني انه كل راجل هو سي السيد ........ يبقي مافيش سي السيد ............. لألألألألألأ سي السيد موجود

ومش معني وجوده وجود أمينة ..........!!!

لا

أمينة كمان اتغيرت ............. علشان تتناسب مع سي السيد

أمينة موجودة ......... بس بمواصفات أمينة العصرية

هرجعلكم علشان نتكلم عن مواصفات أمينة

تحياتي

[abdulmuttaleb]

نعم موجود بدليل هذا الفيديو شوفي سؤال الزوجة ورد د.مبروك عطية الأكثر من رائع (اللحية والإنفاق والنقاب)

والفيديو موجود في توقيعي

تم تعديل 23 أكتوبر 2010 بواسطة abdulmuttaleb