هل لا يزال سي السيد موجودا في زمننا هذا ؟؟؟؟

[لماضة مصرية جدا]

السلام عليكم و رحمة الله و بركاته

فيه حاجة مهمة.. ما ينفعش سعادتك و استقرارك النفسي يكون معتمد تماما و كليا على الطرف التاني أو الاولاد

محتاجين شوية استقلال عاطفي

شوية "دهشة" .. مش بعد سنتين تلاته يسقوا حفظوا بعد .. و يبتدي الملل

ربنا يسعدنا جميعا

و عليكم السلام و رحمة الله و بركاته

اما الكلمة اللي انا كبرتها بالفونت ابو 7 ده عجبتني بشكل...عفارم عليكي

انا بقي بقول ان احنا فعلا نخلي الجدع في حالة دهشة مستمرة

يعني يبقي لا ليه و لا عليه.....يمد ايده عشان يولع الاباجورة...في عتمة الليل...نكون احنا معريين السلك....قووووووم ايه...هو ينور يبقي فلة شمعة

يكون باله رايق كده و داخل بيدندن في البلكونة....اغنية كاظم...."هل عندك شك؟؟؟" قوووووووووم ايه برضه....اقوله ايوة يا سيدي عندي شك....و احط ايدي في وسطي بقي...و اقوله...انت نسيت عفاف...(مين عفاف اصلا؟؟ :blink: )....المهم اقلب عليه المستخبي و التاريخ القديم

يعزم عليا نروح السينما عشان فيه الفيلم بتاع البت جوليا بنت ابا روبرتس....و يقولي...اسمه "ناكل و نحب و نصلي...ده اسم الفيلم

ع فكرة"

قووووووووم ايه....ارد عليه و انا لاوية بوزي منقاااااااار.....مش هتبطل رمرمة و اكل بره البيت.....نفسي افهم....ايه اللي عاجبك في جوليا اصلا....دي عندها عرقوب... :blink: (انا بسمع الناس بتقولها كده بس لسه متعرفتش ع العرقوب شخصيا :lol: )

يااااااااااااااااااه فعلا

انا لازم اخليه يندهش.....و خصوصا لما اراجع بقية صفحات كتاب ...."قووووووم ايه...و الله ما انت قايم"

هي دي الدهشة و لا لا يا متعلمين يا بتوع المدارس...(وش مرسي الزناتي و هو بيفتي في المنطق)

بس خلاص

حبيت ارش حبة مية كده في التوبيك...

اي جردل....قصدي اي خدمة

كان معكم

لماضة...رئيس قلم كوبانية المية...قطاع غرب

[أمل حياتي]

نفسي اسمع من بقية الرجاله في المنتدى

كلمه ولو جبر خاطر :rolleyes:

حتى لو اختلف الزمن والعصر فالرجل رجل والست ست

لازم يحتويها من كله ده دوره في الحياة امال بس شاطرين ينبسطوا ويخلفوا

شيلوا المسئوليه كامله

تم تعديل 25 أكتوبر 2010 بواسطة حمال الأسيه

[ماستر]

?What the women wants

دة فيلم للرائع ميل جيبسون

ملخصة ان الراجل لا يمكن هيعرف الى داخل المرأة ولا هيعرف هى عايزة اية

انا كمان بسأل انتوا عايزين اية؟

قلنا ارجعوا البيت زعلتوا , طيب شاركوا فى الحياة زعلانين؟

اعتقد ان الحياة عبارة عن تعاون وتكامل بين الاثنين رجل وست (زوج و زوجة)

[قلب ابيض]

يا جماعه انا انشغلت شويه لاقيت التوبيك بقى فى الصفحه التالته وبالتالى مش عارفه كلامى هايبقى مكرر ولا لاء؟

اينكان لازم اقول راى الخاص والشخصى جدا..

" عجبنى كلام رضوى وكلام ريهام " وحشتونى على فكره اووووى

المهم ...موضوع ان سى السيد يقوم بدوره كامل هو سلاح ذو حدين من وجهه نظرى شلووووون؟؟ اقولكم

يعنى لو افترضنا انه بقى السيد عبجواد وانا امينه مثلا فأنا لا ارضى بتاتا ان اكون جاريته وام ولاده فى البيت وعلى ان ابخره فى الطالعه والنازله ..فى حين انه غدنفر فى البيت ومع عشيقاته او ما شبههم شخصيه تانيه خاااالص

ارفض ان اكون سله يرمى فيها بكل عقده وجبروته ومركبات نقصه

ارفض ان اكون واجهه اجتماعيه فقط ..ام وزوجه ومديره منزل من الطراز الاول

لكن لو تكلمنا بمنظور اخر لسى السيد العصرى او اللى تناولته حمال الاسيه فى موضوعها انه الراجل اللى يتحمل نفقات وتبعيات الست كامله بمعنى انه يستتها بالبلدى كده ..فانا اقول انه لو هو عمل كده هنلاقيها برده زهقت وقرفت وملت من ان كل شىء مجاب ..وان كل شىء هو المسئول عنه ..طب انا فين كيانى؟ فى شخصيتى ؟ احساسى بنفسى ؟

ده هايكون كلامها بعد وقت بسيط من حاله التستيت اللى طالبت بيها من شويه

طب ايه الحل ؟؟ نقفل الشباك ولا نفتح الشباك؟؟؟؟

انا بقول نواربه احسن

بمعنى خليه سى السيد وخلينى انا الست امينه هانم بس بشكل متطور ..امينه اللى تبخره وهو نازل ولما يرجع من شغله تحضر له الغدا وبعد الغدا نتناقش فى حاجه نحبها .. نحكى عن موضوع ما صادفته فى شغلى مثلا ..او قريته فى مجله ..ان شالله حتى افتعل موضوع يكون شيق له ويقربه منى

اعتقد انه لما يلاقى اللى بيشوفه بره بقى جوه مش هايخرج للست ناديه لطفى تانى ..ولا لصحبه اياها

"وبعدين لكل امينه سى السيد الخاص بها ..يعنى اللى يملى عين امينه مايملاش عين ناديه ؟؟"مين ناديه ومين امينه اساسا

القصد ان الموضوع نسبى انا ممكن اكون امرأه عامله وربه منزل ولا مانع من خادمه تعيننى على الاعباء ان استطعت ولا مانع من مساعدته هو شخصيا فهذا لن ينقص من رجولته شىء بل ربما يزيدها عند زوجته حبا واحتراما

كونى له جاريه يكن لك عبدا

الموضوع كبيير وسى السيد موجود على فكره بس حاليا اسمه اونكل سيد ....كامل احترامى لجميع الاراء...اعتقد ان الموضوع لسه ما خلصش

لنا عوده

[قلب ابيض]

رجعت بسرعه اهو -_-

:ninja: عاوزه اعرف من اخواتى الفضليات بس من غير ضرب

لو خيرنا بين حالتين والاختيار اجبارى :blink:

ايهما افضل فى نظرك : سى السيد ولا الحاج متولى ؟؟؟ ولماذا

لا يسمح بالاستعانه بصديق للاجابه على السؤال

بجد بجد اكيد لنا عوده اخرى

[Howayda Ismail]

رجعت بسرعه اهو -_-

:ninja: عاوزه اعرف من اخواتى الفضليات بس من غير ضرب

لو خيرنا بين حالتين والاختيار اجبارى :blink:

ايهما افضل فى نظرك : سى السيد ولا الحاج متولى ؟؟؟ ولماذا

لا يسمح بالاستعانه بصديق للاجابه على السؤال

بجد بجد اكيد لنا عوده اخرى

فى مثل(مااسخم من ستى الا سيدى)

للاسف الاثنين اسوأ نموذج للزوج فى الدراما المصرية

[جويرية]

ده بيجي من التربية اصلا ، انه اتعود يتحمل المسئولية

هوه بيتربي لغاية سن الزواج مش متحمل مسئولية نفسه

بعد الجواز كمان نقوله اتحمل كمان شخص تاني انت مسئول عنه

الأب و الأم معذورين

اكيد هما نفسهم يربوا ابنائهم ، زي ما هما اتربوا علي ان الأبناء بيساعدوا والديهم ، فبعد كدة مش صعب عليهم انهم يتحملوا اعباء اسرهم

لكن الأم بتتحمل تنزل السوق و تشتري الخضار و ابنها قاعد تقولوه بس انت اقعد ذاكر ، الأب يحرم نفسه من ماله و يقول لأبنه خد الفلوس دي اتفسح بيها

طبعا كله بسبب المدارس ر

ده غير معاملتهم القاسية لأبن ‘ عشان المذاكرة

كل ده بيخرج أشباه الرجال

[لماضة مصرية جدا]

السلام عليكم و رحمة الله و بركاته

استاذتي الفاضلة هند....و الله كنت بردد نفس المثل...بس خفت احسن جدي و جدتي الله يرحمهم يتوجعوا في تربتهم

استاذتي جويرية قالت كلمة جميلة جدا....التربية....و ربطتها بكلمة أوقع.."أشباه الرجال"

اهو النموذجين اللي حضرتك بنختار منهم يا تانت قلب ابيض...هما نموذجين طبق الاصل من اشابه الرجال و هما الاتنين اصلا حاجة واحدة

إذا كان الاول عنده ازدواجية في الشخصية و بيتحايل عليها بحياة سرية غير شرعية

فالتاني برضه عنده نفس الازدواجية و بيتحايل عليها بمنطق مغلط جدا...و كونه انه بياخد راي زوجاته قبل ما يضيف علي القايمة رقم جديد...ده مش بيجعله نموذج مختلف

كلاهما أشباه رجال

لو هختار....يا تانت

هختار "محمد"

الشاب المكافح البسيط....اللي ابتدي يشتغل من سنة اولي كلية....عشان مش بس يوفر مصروفه....عشان يصرف كمان علي عيلته

هختار "محمد".....عشان لما حب بنوتة في محطات الدنيا...مغرقهاش اغاني من نوعية حواجبك و شعرك و مش عارفة ايه

قالها.....انا عايز ابني اسرة مسلمة معاكي تكون طريقي للجنة

هختار" محمد".....عشان محمد مش راضي يتجوز غير لما يطمن علي اخواته البنات الاول....و لما حبيبة عمره بتضيع منه في سكة الانتظار.....عيلته و فرحة اخواته البنات بتيجي علي اي اعتبار تاني

هختار "محمد"....عشان محمد.....شايل ولاد اخوه في المحنة اللي هزت كيانعيلة مصرية عادية جدا بتافح في الحياة....و شالها و متكلمش.....هو عارف ان هو لازم يعمل كده....و مش بس عمله تادية واجب....عمله بسخاء...و كان ربنا خلقه عشان يشيل هموم غيره

هختار" محمد"....عشان محمد مش متطلب...اطلاقا...يعني مش عايزك النهاردة تبقي نانسي و بكرة تبقي عيشة الكيلاني....محمد فقط عايزك تبقي "انتي"....و دايما يقولك...."أنتي كفاية عليه و بتزيدي"

هختار "محمد".....عشان محمد لما بيغير....بيتعصب...و يزعق...و يشوح بايده في الهوا.....و بعدين ياخدك علي جنب و يقولك...مش احنا اتفقنا علي كذا و كذا....ليه بقي طلعتي بره الاتفاق...."محمد"...طول الوقت بيحسسك انه احنا شركاء في حاجة ايه....عمره ما قالها

هختار "محمد"....عشان محمد.....معندوش حياتين...و اكتر من وش....هو وش واحد بس....اللي كل الناس بتشوفه...و استحالة متحبوش

هختار "محمد".....عشان محمد....بيوقك تعالي نصلي ركعتين مع بعض....و تعالي نقرا السورة دي مع بعض..و بكرة باذن الله هنصوم مع بعض

محمد....دايما يقول...."احنا الاتنين بعض في بعض"

هختار "محمد"....عشان محمد بيستحي......خلق الحياء اللي الرسول صلي الله عليهو سلم قال عنه انه شعبة من الايمان.....و بقينا ندور عليه بعدسة مكبرة في حياتنا

هختار "محمد"....عشان هو محمد

بس خلاص

ع جنب بقي

انا حطيت "محمد"....بين قوسين....

ممكن يكون شخصية حقيقية...

و ممكن يكون اكتر من شخصية قابلناها كلنا....بس عينينا موقفتهش عندهم كتير

و ممكن يكون النموذج اللي بيحتذي الرسول صلي الله عليه و سلم في حياته

و ممكن يكون....محمد

كل حد فينا شاف و قابل محمد

كل حد فينا ممكن يرتبط ب"محمد"

كل حد فينا عارف مين هو "محمد"

و ربنا يسعدك يا "محمد"...منين ما تكون

بس خلاص

[nightmare]

الرجولة الحقيقية مواقف ومعاملات , ولنا في رسول الله صلي الله عليه وسلم القدوة والمثل الأعلى , أدعوكم لمشاهدة هذا الفيديو البسيط الذي يبين كيف تكون الرجولة وكيف تكون المعاملة , وهذا النموذج هو المفترض على أي بنت ان تحلم به.

http://www.youtube.com/watch?v=D1Vys_zfF88

مع تحياتي

[اغابي]

طبعا سي السيد موجود يا حمال الاسية

اساليني انا - وبالنظرة كمان ياريت بيشخط

خالص التحية

كالمعتاد موضوعاتك رائعة

اغابي

:roseop:

[قلب ابيض]

طبعا ان حددت تلاختيارات فى الاتنين دول لتوسيع دائره الحوار ...بس انا شايفه انه الحاج متولى ارحم من السيد اجمد عبجواد

على الاقل التعداد عنده مشروع ومكفى كل زوجه من كله مستتها يعنى

"اه مستتها " smk: وكل زيجه له برضا الزوجات السابقات

بس ده مش معناه انى ممكن اكون احدهم فى هذه الحاله ستظهر شفاعات بقى

ريهام ربنا يرزقك بمحمد يارب ....كل كلامك بحبه وبحسه اووووى وعلى فكره محمد موجود كتيييييير اوى طول ما فى ريهام ومثيلتها

خدى دى

nightmare...الفيديو ده شفته قبل كده كتير وفعلا اسعدنى جدااا ما اجمل ان تحلى بخلق سيد المرسلين ..والله لو اتبعنا سنته كلها ما ضللنا ابدااا ولا شقينا

جزاكم الله خيرا

حمال الاسيه ...ويييييينك؟؟؟ سى السيد عمل حظر دخولك للمنتدى ولا ايه ؟؟؟

سى السيد تبعك مش المشرف طبعا :)

[Howayda Ismail]

السلام عليكم و رحمة الله و بركاته

استاذتي الفاضلة هند....و الله كنت بردد نفس المثل...بس خفت احسن جدي و جدتي الله يرحمهم يتوجعوا في تربتهم

استاذتي جويرية قالت كلمة جميلة جدا....التربية....و ربطتها بكلمة أوقع.."أشباه الرجال"

اهو النموذجين اللي حضرتك بنختار منهم يا تانت قلب ابيض...هما نموذجين طبق الاصل من اشابه الرجال و هما الاتنين اصلا حاجة واحدة

إذا كان الاول عنده ازدواجية في الشخصية و بيتحايل عليها بحياة سرية غير شرعية

فالتاني برضه عنده نفس الازدواجية و بيتحايل عليها بمنطق مغلط جدا...و كونه انه بياخد راي زوجاته قبل ما يضيف علي القايمة رقم جديد...ده مش بيجعله نموذج مختلف

كلاهما أشباه رجال

لو هختار....يا تانت

هختار "محمد"

الشاب المكافح البسيط....اللي ابتدي يشتغل من سنة اولي كلية....عشان مش بس يوفر مصروفه....عشان يصرف كمان علي عيلته

هختار "محمد".....عشان لما حب بنوتة في محطات الدنيا...مغرقهاش اغاني من نوعية حواجبك و شعرك و مش عارفة ايه

قالها.....انا عايز ابني اسرة مسلمة معاكي تكون طريقي للجنة

هختار" محمد".....عشان محمد مش راضي يتجوز غير لما يطمن علي اخواته البنات الاول....و لما حبيبة عمره بتضيع منه في سكة الانتظار.....عيلته و فرحة اخواته البنات بتيجي علي اي اعتبار تاني

هختار "محمد"....عشان محمد.....شايل ولاد اخوه في المحنة اللي هزت كيانعيلة مصرية عادية جدا بتافح في الحياة....و شالها و متكلمش.....هو عارف ان هو لازم يعمل كده....و مش بس عمله تادية واجب....عمله بسخاء...و كان ربنا خلقه عشان يشيل هموم غيره

هختار" محمد"....عشان محمد مش متطلب...اطلاقا...يعني مش عايزك النهاردة تبقي نانسي و بكرة تبقي عيشة الكيلاني....محمد فقط عايزك تبقي "انتي"....و دايما يقولك...."أنتي كفاية عليه و بتزيدي"

هختار "محمد".....عشان محمد لما بيغير....بيتعصب...و يزعق...و يشوح بايده في الهوا.....و بعدين ياخدك علي جنب و يقولك...مش احنا اتفقنا علي كذا و كذا....ليه بقي طلعتي بره الاتفاق...."محمد"...طول الوقت بيحسسك انه احنا شركاء في حاجة ايه....عمره ما قالها

هختار "محمد"....عشان محمد.....معندوش حياتين...و اكتر من وش....هو وش واحد بس....اللي كل الناس بتشوفه...و استحالة متحبوش

هختار "محمد".....عشان محمد....بيوقك تعالي نصلي ركعتين مع بعض....و تعالي نقرا السورة دي مع بعض..و بكرة باذن الله هنصوم مع بعض

محمد....دايما يقول...."احنا الاتنين بعض في بعض"

هختار "محمد"....عشان محمد بيستحي......خلق الحياء اللي الرسول صلي الله عليهو سلم قال عنه انه شعبة من الايمان.....و بقينا ندور عليه بعدسة مكبرة في حياتنا

هختار "محمد"....عشان هو محمد

بس خلاص

ع جنب بقي

انا حطيت "محمد"....بين قوسين....

ممكن يكون شخصية حقيقية...

و ممكن يكون اكتر من شخصية قابلناها كلنا....بس عينينا موقفتهش عندهم كتير

و ممكن يكون النموذج اللي بيحتذي الرسول صلي الله عليه و سلم في حياته

و ممكن يكون....محمد

كل حد فينا شاف و قابل محمد

كل حد فينا ممكن يرتبط ب"محمد"

كل حد فينا عارف مين هو "محمد"

و ربنا يسعدك يا "محمد"...منين ما تكون

بس خلاص

الحمد لله فعلا جوزى محمد هو محمد اللى فيه حاجات كتيرة من اللى ذكرتيها

انت عايشة معانا ولاحاجة

ربنا يكرمك انت وبنتى ايات بمحمد كده شبه قولى امين

[جويرية]

برضو في سبب تاني وهوه ( طريقة الأختيار )

ممكن الزوج يختار الزوجة بنفسه و طبعا مراية الحب عمية وممكن تكون مش مناسبة ليه

او يخلي والدته تختار ليه عروسة ، وبرضو الأم شابفة ابنها احسن واحد في الدنيا

و تختار ليه زوجة شخصيتها أقوي من شخصيته

فده مش حيقدر يبقي معاها سي السيد مهما تعب نفسه و اتخانق ان شالله سنين

عاجباني فكرة الخاطبة بتاعة زمان ، دي واحدة ممكن يقولها العريس علي كل المواصفات اللي هوع عايزها بالظبط

و هيا كمان خبيرة و عندها نظر و بتعرف تختار الناس اللي مناسبين لبعض

[عادل أبو عمر]

المناقشه جميله جدا وثريه

ارحب بيكم كلكم ومقتنعه ان في اتجاهات اخرى لرأيي

وانا رايي ان الست مكانها البيت مهما علت ومهما ارتفعت وما عملتش كده ليه مهو احنا نرجع لنفس الأساس

ان مفيش سي السيد بالمعني الكامل اللي يقعدني انا وغيري في البيت

لو حنتكلم عن حاله شخصيه انا لا تعبت في تربيه اطفالي ولا تمرمطت في المواصلات والشغل وكنت مرتاحه في بيتي

ووصلت الحمدلله لأعلى المناصب في عملي

ومع ذلك بأقول الست مكانها الأساسي البيت وسي السيد يحطيها بكل الدعم المادي والمعنوي

وهنا معني العلاقه بين عمل الست وسي السيد

آآآه يانا يا نفووووووووخي :lol:

طب ممكن السؤال بالعكس مش لحضرتك بس هو سؤال افتراضي في العام 2010

لو الزوجة طلبت إنها تشتغل أو كانت بتشتغل قبل الجواز و الزوج (سي السيد) اللي هنفترض إنه موجود و أورجينال زي نتفق عليه كلنا و بعدين طلب منها بكل مودة و احترام إنها تقعد في البيت "ملكة" لإنه خايف عليها و شايفها جوهرة حياته اللي طلع بيها من الدنيا .. تفتكري ردها هيكون إيه

ممكن بنسبة كام نتوقع إنها هتقول :

هو انا لي كلمة بعد كلمتك يا سي السيد ... يا مهنيني smk:

[Howayda Ismail]

آآآه يانا يا نفووووووووخي :lol:

طب ممكن السؤال بالعكس مش لحضرتك بس هو سؤال افتراضي في العام 2010

لو الزوجة طلبت إنها تشتغل أو كانت بتشتغل قبل الجواز و الزوج (سي السيد) اللي هنفترض إنه موجود و أورجينال زي نتفق عليه كلنا و بعدين طلب منها بكل مودة و احترام إنها تقعد في البيت "ملكة" لإنه خايف عليها و شايفها جوهرة حياته اللي طلع بيها من الدنيا .. تفتكري ردها هيكون إيه

ممكن بنسبة كام نتوقع إنها هتقول :

هو انا لي كلمة بعد كلمتك يا سي السيد ... يا مهنيني smk:

انا مش شايفة انها مستحيلة تحصل لانى فعلا عملت كده بالضبط قلت حاضر بنفس راضية والحمد لله

بس للامانة لى اصحاب كتير بيرفضوا دلوقت ترك العمل وهم معذورين فى كده لان ظروف الحياة

صعبة ومنهم من هى متحملة مسئولية اطفالها بالكامل لان سى السيد عمله تجارى حسب الموسم ولو فى مالوش دعوة بحاجة

واخرى بتسدد معاه اقساط الشقة وغيرهم وغيرهم المهم فى كده اللى معاهم بيقدروا ده للاسف فى مقدر وفى لأ

انا شايفة سيد القوم خادمهم حتى لو تركها تعمل يراعيها برضه زيادة اكتر من المتفرغة لان حملها تقيل

[Howayda Ismail]

http://www.youtube.com/watch?v=8O5uUhofLoA&feature=related

[Om Zayd]

السلام عليكم و رحمة الله و بركاته

يا ريت تقرواالقصة دي و نتقابل يوم الجمعة ان شاء الله في نادي الكتاب او هنا و تقولولي رأيكم

[أمل حياتي]

صباح الفل والورد على كل المشاركين في التوبيك

وحشتوني واعتذر لإنشغالي طول الإسبوع بالعمل

كل الاراء جميله رغم اختلافها واود ان اضيف ان الراجل سي السيد اللي يملى عين مراته

ممكن انها تتنازل له بكل طواعيه عن مهامها بره المنزل وتقعد زي الملكه بالبيت

والمقصود انه يملى عينها انها تحبه وتندمج معاه اندماج كامل

وساعتها حتبخره وتبخر اللي خلفوه كمان هههههههههههههههه

[masraweya]

والمقصود انه يملى عينها انها تحبه وتندمج معاه اندماج كامل

شكلك ما قريتيش الكتاب اللي في مشاركة العزيزة أم زيد

[أمل حياتي]

قرات الكتاب في مشاركة ام زيد ولم افهم

ما هو المقصود او قد اكون انا لم استطع طرح فكرتي بسي السيد

نحن نتكلم عن الاندماج الكامل ولا يعني ذلك الغاء شخصية المراه او شخصية الرجل

انما اعتقد ان الحب حينما يستولي على المرأه وهو الحب الحقيقي والتكافؤ الفكري

فهي تتنازل طواعية عن مهامها خارج المنزل ورغبتها في اشياء اخرى

تتنازل للرجل عن كل شي وتترك له القياده ويكون هو اهلا للقياده وفق معاييرها في الاندماج معه