وسام المحاورات من الطبقة الأولى

[se_ Elsyed]

حقيقة لو بإيدي كنت قدمت هذا الوسام لكل مشترك بالمحاورات .. حتى لو كان قاريء ومتابع فقط ...

لكن العين بصيرة والايد قصيرة ... وإحنا أخر الشهر .... وأستاذ عادل ماسكها علينا شويه عشان خطة التقشف الحكومي زي اللي عاملاها الملكة إليزابيث :lol:

ويعلم الله أن هذا الموضوع فتحته من منطلق شخصي ... يعني مش عشان أنا مُشرف أو في الإدارة .. وبصراحة عملته من ورا الإدارة وربنا يستر ....

فلقد أحببت أن أتقدم بشكر خاص وشخصي لكل من يُثري المنتدى بموضوعات نستفيد منها جميعاً وأنا أولكم .. فكل حرف لا تكتبه يدي .. بالتأكيد أستفيد منه إتفاقاً او إختلافاً ..

بُصوا أنا مش بأعرف أقول الكلام بتاع الخُطب والشعارات دي ....

من كام يوم سمعت خطبة للملك فاروق .. أنا كان هايجيلي شلل من الرتابه والمعاناة في نطق كل حرف ... ما تتكلم على راحتك وبرحرحة كده يا جلالة الملك وتخلصنا ...

بالبلدي كده .. قشطة على كل قلم نضيف بيروشن المنتدى ...

ومن الأخر اللي يسمع إسمه ييجي الناحية دي عشان يستلم الجايزة بتاعته وما يوريهاش لأخواته عشان الغيره ..

واللي إسمه مش مكتوب النهاردة يتجدعن ويشد حيله عشان أجيب له هاجه هلوه المره الجاية

بسم الله الرحمن الرحيم ..

- جائزة التميز مع وسام الإستحقاق من الطبقة الأولى

تلات أسامي لامعه شكل بعض في شخصيتهم لدرجة إني عاوز اعلمهم بعلامه مميزة عشان ما أتخلبطش كل مره " مغتربة .... مصراوية .... مصرية متغربة " ....

إسمين في سماء الفن ممكن يكونوا قرايب وإحنا مش عارفين " هند علي . ضُحى "

شخصية تملأ سماء المنتدى شقاوة وخفة ظل بغزارة في المعلومات الطالبة " لماضه السيد جداً المصري "

شخصيتين ما شاء الله ستة حصان سكستين فالف وبخمس رئات وما بيتعبوش " أغابي .. المهندسة " سيبك انت الشباب برضوا والحيويه بتفرق ..

ندخل على المينز سيكشن

- إتنين مثال للخدمة والتفاني والعمل في صمت .. وبصراحة ما شوفتش كده " أشرف محمد .. خالد شحاته "

- واحد قريب أغابي والمهندسة بس على رجالي " نايت مير " الشهير بخير اللهم أجعله خير ومش عاوز افسر ....

والله ما في أي مجاملة في ذكر تلك الأسماء اللامعة التي تسستحق أكتر من مجرد كلمات سطرتها بعفوية .... وقلت بدل ما أبعت لكل واحد على الخاص واقول له ماما بتسلم عليك وبتقول لك متشكرين ... لأ .. نخليها على العام لأن من لم يشكر الناس فلم يشكر الله .

ومره أخرى اللي نسيت إسمه ما يزعلش مني ويسامحني ودي تبقى غلطتي عشان السن وكده ...

[nightmare]

حقيقة لو بإيدي كنت قدمت هذا الوسام لكل مشترك بالمحاورات .. حتى لو كان قاريء ومتابع فقط ...

لكن العين بصيرة والايد قصيرة ... وإحنا أخر الشهر .... وأستاذ عادل ماسكها علينا شويه عشان خطة التقشف الحكومي زي اللي عاملاها الملكة إليزابيث :lol:

ويعلم الله أن هذا الموضوع فتحته من منطلق شخصي ... يعني مش عشان أنا مُشرف أو في الإدارة .. وبصراحة عملته من ورا الإدارة وربنا يستر ....

فلقد أحببت أن أتقدم بشكر خاص وشخصي لكل من يُثري المنتدى بموضوعات نستفيد منها جميعاً وأنا أولكم .. فكل حرف لا تكتبه يدي .. بالتأكيد أستفيد منه إتفاقاً او إختلافاً ..

بُصوا أنا مش بأعرف أقول الكلام بتاع الخُطب والشعارات دي ....

من كام يوم سمعت خطبة للملك فاروق .. أنا كان هايجيلي شلل من الرتابه والمعاناة في نطق كل حرف ... ما تتكلم على راحتك وبرحرحة كده يا جلالة الملك وتخلصنا ...

بالبلدي كده .. قشطة على كل قلم نضيف بيروشن المنتدى ...

ومن الأخر اللي يسمع إسمه ييجي الناحية دي عشان يستلم الجايزة بتاعته وما يوريهاش لأخواته عشان الغيره ..

واللي إسمه مش مكتوب النهاردة يتجدعن ويشد حيله عشان أجيب له هاجه هلوه المره الجاية

بسم الله الرحمن الرحيم ..

- جائزة التميز مع وسام الإستحقاق من الطبقة الأولى

تلات أسامي لامعه شكل بعض في شخصيتهم لدرجة إني عاوز اعلمهم بعلامه مميزة عشان ما أتخلبطش كل مره " مغتربة .... مصراوية .... مصرية متغربة " ....

إسمين في سماء الفن ممكن يكونوا قرايب وإحنا مش عارفين " هند علي . ضُحى "

شخصية تملأ سماء المنتدى شقاوة وخفة ظل بغزارة في المعلومات الطالبة " لماضه السيد جداً المصري "

شخصيتين ما شاء الله ستة حصان سكستين فالف وبخمس رئات وما بيتعبوش " أغابي .. المهندسة " سيبك انت الشباب برضوا والحيويه بتفرق ..

ندخل على المينز سيكشن

- إتنين مثال للخدمة والتفاني والعمل في صمت .. وبصراحة ما شوفتش كده " أشرف محمد .. خالد شحاته "

- واحد قريب أغابي والمهندسة بس على رجالي " نايت مير " الشهير بخير اللهم أجعله خير ومش عاوز افسر ....

والله ما في أي مجاملة في ذكر تلك الأسماء اللامعة التي تسستحق أكتر من مجرد كلمات سطرتها بعفوية .... وقلت بدل ما أبعت لكل واحد على الخاص واقول له ماما بتسلم عليك وبتقول لك متشكرين ... لأ .. نخليها على العام لأن من لم يشكر الناس فلم يشكر الله .

ومره أخرى اللي نسيت إسمه ما يزعلش مني ويسامحني ودي تبقى غلطتي عشان السن وكده ...

انا جيت , اول واحد طلع على المنصة لإستلام الجائزة, لولللللللللللللللللللللى :110:

انا الدموع هتفر من عيوني , مش مصدق نفسي مش مصدق نفسي ( وش الليمبي في فيلم اللى بالى بالك ) cr((: , دي أول مرة أكسب أى حاجة في حياتي.:lol:

تسلم إيدك يا سي السيد والدرع ده يهدي لكل أعضاء المنتدي المحترمين وأصحاب الأفكار المستنيرة .

مع تحياتي لكم جميعاً , محدثكم "خير الله اجعله خير" من على المنصة.

تم تعديل 24 أكتوبر 2010 بواسطة nightmare

[masraweya]

خير اللهم اجعله خير.. الميكروفون بعد إذنك .. اديني مساحة .. انت مش اتصورت خلاص؟

احممم

من هذه المنصة .. أتوجه بخالص الشكر إلى كل من اتعب نفسه و اقتطع من وقته حتى يثري هذا المنتدى

على جنب .. في ناس كتير كنت متابعاها .. اختلفنا او اتفقنا .. نفسي يرجعوا يشاركوا

تم تعديل 24 أكتوبر 2010 بواسطة masraweya

[raouf]

جميعهم يستحقوا ما كتبته واكثر يا سين سين

وربنا يوفقهم فى دنياهم واخرتهم

وننتظر منهم كل ابداع

صحيح هو فين سين سين فى دول

مش عارف حاسس ان لايق عليك اسم عمدة المحاورات

:lol::lol::lol::lol::lol::lol:

تم تعديل 24 أكتوبر 2010 بواسطة raouf

[engmido]

مكنش العشم يا ابيه wst::

[Simba]

تلات أسامي لامعه شكل بعض في شخصيتهم لدرجة إني عاوز اعلمهم بعلامه مميزة عشان ما أتخلبطش كل مره " مغتربة .... مصراوية .... مصرية متغربة " ....

إسمين في سماء الفن ممكن يكونوا قرايب وإحنا مش عارفين " هند علي . ضُحى "

شخصية تملأ سماء المنتدى شقاوة وخفة ظل بغزارة في المعلومات الطالبة " لماضه السيد جداً المصري "

شخصيتين ما شاء الله ستة حصان سكستين فالف وبخمس رئات وما بيتعبوش " أغابي .. المهندسة " سيبك انت الشباب برضوا والحيويه بتفرق ..

ندخل على المينز سيكشن

- إتنين مثال للخدمة والتفاني والعمل في صمت .. وبصراحة ما شوفتش كده " أشرف محمد .. خالد شحاته "

- واحد قريب أغابي والمهندسة بس على رجالي " نايت مير " الشهير بخير اللهم أجعله خير ومش عاوز افسر ....

والله ما في أي مجاملة في ذكر تلك الأسماء اللامعة التي تسستحق أكتر من مجرد كلمات سطرتها بعفوية .... وقلت بدل ما أبعت لكل واحد على الخاص واقول له ماما بتسلم عليك وبتقول لك متشكرين ... لأ .. نخليها على العام لأن من لم يشكر الناس فلم يشكر الله .

ومره أخرى اللي نسيت إسمه ما يزعلش مني ويسامحني ودي تبقى غلطتي عشان السن وكده

ايه يا عمنا

انتم هتضحكوا علي الناس دي ولا ايه بموضوع ويعدي وخلاص

الناس دي مميزة بجد وتستاهل اكتر من كده بكتير والاوسمة دي المفروض تكون تحت صورهم الرمزية

اتصرفوا بقي مش انتم الحكومة

الموضوع ده انت عملته من ورا الادارة بس اكيد طاقم الادارة كله هيحييك عليه وانا بحييك جدا يا استاذ سين سين علي اختيارك لناس مميزة زي دي وبجد دول علامة فارقة في المحاورات

تم تعديل 24 أكتوبر 2010 بواسطة سمبا

[اغابي]

:yahoo: :yahoo: :Laie:

هي هي

:110: انا مش مصدقة ان اسمي مكتوب

انا فرحت اوى يا استاذ س س بجد ميرسي كلك زوق

وفرحت كمان ان اسمي جه مع اسم اعز صديقة ليا على المنتدى اختى ريا

:swing:

قصدى المهندسة

شوفتى ان اسمنا مع بعض - قابلينى على الخاص يا ريا

وكمان معانا نايت مار يا اخواتى اقطع نفسي من الفرحة

كدا نبقى

:gather:

تعالو نتفق بقى

:amb:

مع انى زعلانة ليا فترة وعاوزة اخاصم المحاورات

لكن حقيقي مش بقدر ابعد عنها يوم واحد

عموما تعالو بالمناسبة الجميلة دى - انا عاملة

bnd5::

وعزماكم كلكم

بس ياريت يا استاذ س س ما تنساش ناس تانية بتتعب فى المنتدى زى

تيمور - وسمبا - يعنى وكمان

اكرم جروب ومجموعة باب كندا كلهم بيعملوا مجهود

هو انا حاتضرب

:sofa:

مش قصدى انابهدى النفوس

باى

[شريف مان]

مغتربة >>>مصراوية >>>مصرية متغربة >>>هند علي>>> ضُحى >>>لماضه >>>أغابي >>> المهندسة >>>أشرف محمد >>> خالد شحاته >>>نايت مير

اختار موفق يا عمو سيد

بس ابقى افتكر ميدو بأى حاجة عشان ميزعلش .. ان شاء الله حتى بكيلو طماطم :lol:

[engmido]

بس ابقى افتكر ميدو بأى حاجة عشان ميزعلش .. ان شاء الله حتى بكيلو طماطم

اوباااااااااااااااا

ايه يا شريف انت بتشحت عليا :rolleyes:

ثم هى حصلت الطماطم mfb:

[honest reader]

ماينفعش التكريم مرة واحدة و من ورا الإدارة !!!

إقترح يكون مهرجان شهرى او ربع سنوى و تكون له مقدمات و ترشيحات حاجة زى نوبل كدة .......

شكلى سرحت لبعيد

لكن ليه لأ؟

يا ريت يا سين سين تفكر إنت و الإدارة تطوروا الفكرة ..... إزاى ؟ مش عارف

[لماضة مصرية جدا]

السلام عليكم و رحمة الله و بركاته

يا كزوفي.....يا كزوفي.....(وش سوكيننة و هي بتقول لعبد عال يجي يقعد فريحها)

شوف ياا ستاذي سين فين عين....انت عارف انا طول عمري بحلم ابقي تباع علي عربية ميكروباص....و في مرحلة متطورة من الهذيان حلمت بقي اني ابقي اول منولوجستاية في مصر....ايون بوبيون منقط فوشيا في اخضر علي زوكتة فسكوز.....و جزمة فطوطة....بس زي ما حضرتك برضه عارف احنا صعايدة بقي....و كان ممكن انطخ فيها بالنار

الحقيقة من موقعي هذا...من أمام شاندوشت الفول ابو طحينة....احب اشكر حضرتك من معاميع....قصدي معاميق قلبي

و ربنا يحلي ايامك دايما

ع جنب بقي

انا مش هقدر اطلع ع المسرح و احيي الجامهور....انا طلعت ع المسرح مرتين. في حياتي و كانوا ماساة

..الاولانية في حفلة التخرج....و كانوا جايبين اللواء بكري بتاع امن الجامعة يسلمنا الشهايد....و انا انطسيت في دماغي و خليتهم يصوروني....و بقت الصورة حديث العيلة و الجيران....اصل شكلي كان عامل زي اللي طلعت براءة و بتزغرط علي باب السجن

المرة التانية...برضه كانت حفلة تخرج....و قووووووم ايه و انا طالعة بتحنجل...(من الفعل حنجل فهو بيمشي عبيط)....راح الكعب انكسر....عارف بقي حضرتك لما تبقي قدام حوال 500 نفر و من بينهم سمو الشيخ مش عارفة مين حفظه الله....و بعدين تمشي مشية سناء يونس و هي بتغني اني خضرة في مسرحية هالة حبيبتي.....ايييييييييييييييييييييييييه ايام

انا بقول تبعتولي.....الطبق...(مش برضك الوسام ده طبق و لا ايه؟؟؟)

علي اي عربية كشري...هتلاقوني واقفة جنب الجردل بتاع المية

سؤال هو البوفيه فين

مش تكريم و كده يعني....(وش واحد ست بتضرب ايديها في الشنطة و هتطلع كيس بلاستيك اسود)

يحلي ايام حضرتك يا رب

فوتك بكل الحلا

اتفضل الحتة دي.... ...انا لو من حضرتك الفها سوليفان....و اعمل بيها بونط رومانسية مع المودام

اي خدمة.... :lol:

كان معكم

لماضة

عضو الجمعية الدولية للهذيان و خبير اقليمي في الهس هس mfb:

[shiko]

نعلن جائزة سين سين للعلوم المحاورتية ...

وسام من الطبقة الاولى ....ماشاء الله ....

طب ...بما انك ان السادة الافاضل الحاصلين على الاوسمة والاوشحة ..

ناس افاضل ..ولا ننكر لهم جميل ...ولا برسيم فى غيط ...

إذ من مكانى ممكن اضيف لقايمة الشرف المعلنة حاجة صغنونة ...

وسام الاشراف من الطبقة الوسطى لكلا من :

الاستاذ محمد نجم مشرف السنيما والمرسح والمرشح الاول لجائزة الدولة من الطبقة الاولى للابداع الاشرافى

الغائبة الحاضرة ...صاحبة الكلمات الحانية ...الاستاذة سلوى ...لجائزة الدولة التقديرية من الطبقة المحشية فى غزل البنات

ولا يسعنا فى هذا الموقف الا ان نتقدم بجميل الشكر والعرفان للاستاذ سى السيد

ومبروووووك للماضة هانم كسر الهوى كعبها ..(مفخرة لبنات جيلك والله ....)...تغندرى صدبقتى على الريد كاربت ..وماتنسيش تعملى حسابى فى صورة معاكى على السجادة وحياتك

مغتربة ...

ومصريةمتغربة.. ومصراوية...

واغابى .. .وضحى ... والمهندسة ...

اصحاب النفس الاقوى تستحقوا السعفة الذهبية مبروووك ...

نون النسوة رفعتم راسنا ......(وياريت نسمع النشيد الوطنى )

تم تعديل 24 أكتوبر 2010 بواسطة shiko

[أبوعمار]

مبرووووووووووووك لكل المكرمين

:roseop:

وبوكيه ورد مني لكل واحد باسمه فرد فرد ونفر نفر

واوعوا تتخانقوا ع الورد "التليفزيون بيصور"

والله ماقصرت يا سي السيد

اختياراتك كلها موفقة

ولو ان في ناس تانية تستاهل

بس أكيد الدور جاي عليهم

في الحلقات القادمة

[sarmar]

جميع من تم اختيارهم ابلوا بلاء حسنا ويستاهلوا كل خير ولكن اخذا فى الحسبان ان العين قصيرة واليد بصيرة

فانة يوجد ايضا ومازال هناك العديد من ابطال المحاوراتية ( واحد ينزل باغنية عاش اللى قال ) اقصد على سى السيد

اما لوحة الشرف فلن تنضب من اولاد مصر المحاوراتية البواسل انزل باغنية طول عمرك يابلدنا وبعدها رايحين رايحين شايلين فى ايدنا سلاح راجعين راجعين حاملين رايات النصر احسنت ياسى السيد بافكاراك اللى دايما سباقة بكل ماهو جديد ومفيد ومبروك للاخوة وللاخوات اللى فازوا وعقبال الباقى ان شاء الله

تم تعديل 24 أكتوبر 2010 بواسطة sarmar

[yasser moustafa]

أجمل التهانى لمن حصلوا على وسام التميز ... وبالتوفيق فى اثراء مواضيع ومناقشات المنتدى

:roseop: :roseop: باقة ورد للجميع

تم تعديل 24 أكتوبر 2010 بواسطة yasser moustafa

[عبير يونس]

طب تصدق يا سين سين انا داخلة الموضوع و فاكرة انه موضوع ساخر من مواضيعك اللذيذة

اتنين في المحاورات لهم قدرة عجيبة على انتزاع الضحكة بقوة و تغيير مودي بشكل رهيب

حضرتك و لماضة هانم

لما بالاقي اسم حضرتك بابقى عارفة اني حأفطس على روحي من الضحك و الولاد حيحدفوني بالطوب و يقولوا المجنونة اهي :lol:

انا كنت داخلة افك عن نفسي شوية

قوم الاق تكريم و كده يعني:blush2:

الحقيقة لفت نظري حاجة مهمة

ان اسمي يجمع مصراوية و مغتربة مع بعض

و فعلا باحب الاتنين دول اوي

و طبعا باحب باقي الناس كلهم والله

مفيش حد هنا ملوش مكانة عندي حتى لو اختلفنا في الاراء و وجهات النظر

انا تكريمي الحقيقي مش في الجايزة ذات نفسها انما في حب جمهوري:wub:

( وش ممثلة متبتة اوي ع الجايزة لاحسن يصدقوا و ياخدوها منها)

مش عارفة بيقولوا ايه في المناسبات دي

كل سنة و انتو طيبين (وش ساعي البوفيه و هو متنح و مش عايز يمشي الا لما تعلى بالبقشيش)

لا مش دي

اه

ألف مبروك لمصر( وش مذيعة لسه خرجة من ماتش مصر و الجزائر اللي هبدناهم فيه 4/0)

و لا دي برضه

طيب

هو فين البوفيه ؟؟

أصلي عاملة ريجيم قاسي الحقيقية و النهاردة يوم اللخبطة smk:

الشربات ده دايت؟؟:blink:

على جنب كده

بقولك يا سين سين يا اخويا التكريم ده حاف كده مفيش معاه قرشين كده

يعني الواحد يجيب حبر و ورق و رسوم توضيحية لزوم المشاركات و كده

طيب طيب

خلاص مش لازم

طيب مفيش ترقيات يعني

يعني انا بقى لي يجي سنة كده Advanced Member

يعني امتى حبقى Super Member

و بعدين التقييم مش و لابد

شوفوا لي كده يجي ثلاثين اربعين نقطة خضراء

أنا كده أقل واحدة في اخواتي

طب م الآخر كده ممكن سندوتش فول و أروّح :D

[مغتربة]

استاذ سى السيد

لان الكبير هو من لا يخاف ان يشيد بغيره لانه يعلم انه كبير فى حد ذاته

فقد فعلتها حضرتك

لا اريد ان تبدوا كلماتى مكلفه بسجع او محمله بدبلوماسيه

و لكنى و الله يشهد لا اجد لنفسى الاستحقاق الكافى لتمنح مثل هذا التكريم منك

و رغم اننى اتفهم لما استبعدت طاقم الاشراف من الموضوع

الا اننى اجدهم كلهم و حضرتك من ضمنهم اجدر بهذا التكريم و الاحتفاء

استاذى الفاضل ابو محمد و استاذ محمد و الفاضله سلوى و الفاضله فولانه و استاذ اسد و حضرتك بالطبع

الف الف شكر لك

[عبير يونس]

سين سين

انت دخلت ع الموضوع النهاردة الصبح الساعة 9:23

فين سندوتش الفول؟؟:blink:

[عبير يونس]

استاذ سى السيد

لان الكبير هو من لا يخاف ان يشيد بغيره لانه يعلم انه كبير فى حد ذاته

فقد فعلتها حضرتك

لا اريد ان تبدوا كلماتى مكلفه بسجع او محمله بدبلوماسيه

و لكنى و الله يشهد لا اجد لنفسى الاستحقاق الكافى لتمنح مثل هذا التكريم منك

و رغم اننى اتفهم لما استبعدت طاقم الاشراف من الموضوع

الا اننى اجدهم كلهم و حضرتك من ضمنهم اجدر بهذا التكريم و الاحتفاء

استاذى الفاضل ابو محمد و استاذ محمد و الفاضله سلوى و الفاضله فولانه و استاذ اسد و حضرتك بالطبع

الف الف شكر لك

طب والله سين سين عنده حق

انا كنت هاهبد الكلمتين بتوعك دول بالمللي والله

بس لاقتيني متقمصة روح سين سين و لماضة مع بعض:lol:

[مغتربة]

استاذ سى السيد

لان الكبير هو من لا يخاف ان يشيد بغيره لانه يعلم انه كبير فى حد ذاته

فقد فعلتها حضرتك

لا اريد ان تبدوا كلماتى مكلفه بسجع او محمله بدبلوماسيه

و لكنى و الله يشهد لا اجد لنفسى الاستحقاق الكافى لتمنح مثل هذا التكريم منك

و رغم اننى اتفهم لما استبعدت طاقم الاشراف من الموضوع

الا اننى اجدهم كلهم و حضرتك من ضمنهم اجدر بهذا التكريم و الاحتفاء

استاذى الفاضل ابو محمد و استاذ محمد و الفاضله سلوى و الفاضله فولانه و استاذ اسد و حضرتك بالطبع

الف الف شكر لك

طب والله سين سين عنده حق

انا كنت هاهبد الكلمتين بتوعك دول بالمللي والله

بس لاقتيني متقمصة روح سين سين و لماضة مع بعض:lol:

دا بس علشان القلوب عند بعضها يا جميل

ربنا يديمها علينا نعمه