حكومة تتفنن كيف يموت هذا الشعب

[mhamed]

المصيلحى: نظام توزيع البوتاجاز جاهز وسنرسل «الكوبونات» للمستحقين بالبريد

كتب ناجى عبدالعزيز وهبة بكر ٢٥/ ١٠/ ٢٠١٠

أعلن الدكتور على المصيلحى، وزير التضامن الاجتماعى، أن نظام الكوبونات المقرر تطبيقه فى توزيع أسطوانات البوتاجاز جاهز، مشيراً إلى أن مجلس الوزراء هو الذى يحدد موعد تطبيقه، معتبراً أنه من المنطقى أن يبدأ التطبيق بعد انتخابات مجلس الشعب المقبلة. وقال المصيلحى، إن وزارته لديها بيانات نحو ٨٠% من الشريحة المستهدف توصيل الكوبونات لها، مؤكداً أن الحكومة لن تطلب منهم توثيق بياناتهم الشخصية فى مكاتب التموين مرة أخرى، لأنها موجودة بالفعل.

وأضاف المصيلحى على هامش مشاركته فى منتدى الأعمال المصرى - التركى الذى عقد فى الإسكندرية أمس الأول، أن المواطنين غير المدرجين فى بطاقات، ومن لا يحملون بطاقات، مطالبون بتسجيل بياناتهم فى مكاتب التموين ليستفيدوا من نظام الكوبونات الذى يتيح لكل مستفيد حصة شهرية قدرها ثلث إسطوانة، لافتاً إلى أن الكوبونات ستصل إلى المستحقين بالبريد بعد انتهاء وزارة المالية من طباعتها، مؤكداً أنها مصممة بعلامة مائية ويستحيل تزويرها.

وتابع المصيلحى: «ليس عيباً أن يبيع المستفيد جزءاً من حصته المدعمة إذا لم يستهلكها»، مشيراً إلى أن الوزارة تبحث حالياً مع وزارتى المالية، والبترول، تسوية الفارق بين القيمة المدعمة للأسطوانة وهى ٥ جنيهات، وتكلفتها الفعلية، مشيراً إلى أن الخطوة التالية للوزارة ستكون تنظيم توزيع الأسطوانات التجارية، بعد استقرار نظام كوبونات الاستهلاك المنزلى.

من جهة أخرى، أعلن المصيلحى أن الحكومة شرعت فى تنفيذ مشروع لرفع مستوى منظومة التعامل مع القمح المحلى والمستورد فى جميع المراحل، وصولاً إلى صناعة الخبز بالتعاون مع برنامج الغذاء العالمى، واتحاد الغرف التجارية، والشركة القابضة للصناعات الغذائية، موضحاً أن البرنامج يمول تكاليف الدراسات والخبراء الدوليين المشاركين فى المشروع.

[شريف مان]

أنا قراتها الاول 3 أسطوانات .. بعدين خدت بالى لاقيتها 1/3 اسطوانة

ربنا يستر ومتبقاش 1/5 أسطوانة

هكتفى بدى :lol:

[جسار]

تلت اسطوانة فى الشهر !! ، ده مين العبقرى اللى فى وزارة التموين اللى

أقترح تلك الحصة ، يعنى اسطوانة البوتاجاز المطبقة واللى لفت على كذا

مطعم وكذا كافيتريا قبل ما تتباع وهى ناقصة النصف المفروض انها تكفى

الست هانم فى بيتها ثلاثة اشهر ، هما فاكرين أن الناس بتستخدم البوتاجاز

علشان تسخن به الاكل الديليفرى وتعمل الشاى وبس ، ده اكثر من نصف المنازل

فى مصر لم يصلها الغاز لانها بيوت قديمة وخشب والشركة وضعت احتياطات سلامة

عالية ، وزعلانين قوى ان ايام زمان كنا بنقف فى طوابير فراخ الجمعية

ده الانجليز أيام معركة بريطانيا فى الحرب العالمية الثانية ماكنش ممكن

يوافقوا على حصة مثل هذه أبدا ، وبعدين تانى يقولوا لنا الأسطوانات التجارية

فاكرين الخبز المميز فى أوائل الثمانينات وكان بقرشين بدلا من الخبز العادى

أبو قرش وبعد فترة كله بقى بقرشين ثم ظهر العيش المحسن بخمسة قروش وبعد فترة

كله بقى بخمسة ، والعلاج الاقتصادى وأبوشرطة وشرطتين ، وتالته مميزة وأخناتون

ولانفرتيتى فى القطارات ، يعنى هم لسه فاكرين الناس بتاكل من الكلام القديم ده

وبدل ما ترشد الحكومة حنفية الاستهبال والخطف والعمولات والبنوك تحاول ضبط الائتمان

ولاتعطى قروض هاربة أول حاجة يعملوها هى فعص المواطن معدوم الدخل ...والله ده حرام

[mhamed]

دى الوقتى الناس كلها بتقول ايام الانجليز احسن من الايام الى بنعيشها على الاقل كانت احتياجاتك اليومية بتلاقيها

[مصطفى يونس]

وجهت نظر الحكومه هى كالاتى :-

شوفو بقى انتو تاخدو نصيبكم من الانبونه وتخلصوه ومحدش يتكلم

واللى عايز يطبخ ولا يعمل حاجه على النار عندكو االحطب والخشب وترجعو بقا لاايام زمان ايام الخير

[Mr MAGED]

جميل جدا

احب بقي العبقري اللي اخترع القرار ده يفهمني هاخد حصتي ازاي

اللي هيا يعني ثلث اسطوانة .. بسم الله ما شاء الله

يعني اخد اسطوانة فاضية بعبيلي ثلثها

ولا أخد كيس بلاستيك يعبيهم فيه ولا ازاي بالظبط

لا حول ولا قوة الا بالله العلي العظيم

مش هو ده الغاز برضه اللي بيتصدر لاسرائيل ولا ده حاجة تانية

يعني يصدروه ببلاش ويدوا لكل واحد ثلث اسطوانة !!!!

اللهم اني لا اسألك رد القضاء ... ولكني أسألك اللطف فيه

[Howayda Ismail]

الموضوع ده فى ظلم كبير للناس لان فى مناطق فيها غاز طبيعى واخرى محرومة

المفروض المناطق المحرومة من دخول الغاز تاخد حصة المناطق اللى مش بتستخدم انابيب

يعنى انا مثلا عندنا غاز رغم ان الانابيب كانت متوفرة فى المنطقة الا ان الغازالطبيعى

ارخص بكتير من الانابيب اللى قللوا حجمها عشان ميرفعوش سعرها

ورغم اننا اسرة الا ان استهلاك والدتى ( فرد واحد) للانابيب اعلى مننا لان ببساطة التكلفة اكبر

والانبوبة مش بتكمل معاها اسبوعين ثلاثة

وبعدين هى فرد واحد بتشترى 2 انبوبة فى الشهر ازاى تلت انبوبة يكفيها وحتخده ازاى معبى فى ازايز يعنى

ولا كل 3 اشهر انبوبة انا بافكر اديها حصة من عندى هههههههه طالما حيتعبى فى ازايز

افكارهم نيرة بس سؤال العبقرى اللى وصى بكده ياترى عنده خط ولا كارت قصدى انبوبة زى بقية الناس

[Rock]

هي لو بتفنن ازاي يموت الشعب ,,,فهو عن طريق الضغط و السكر و الذبحات الصدرية و الجلطات....الشعب يموت مقصوف العمر و الوزراء يموتون سبعينات و تمانينات....حاجة تحرق الدم

الحكومة بتحدد حصة المواطن من الغاز و بتدية ببلاش لمين .....لاسرائيل...حاجة تحرق الدم

الحكومة تستعين بخبراء عالميين في الطاقة و نصيحتهم للمصريين ,هو الصعود باسعار الطاقة للمستويات العالمية...طيب هو انتم وصلتم لمستوي دخل الفرد للمستوي العالمي ولا احنا بس بنقارن نفسنا بالدول التانية في الحاجات اللي تخدم النظام بسسسسس....حاجة تفلق

الدولة المجحفة بتدي الغاز للمواطن بالقطارة وو بتديها للمستثمرين في المصانع زي الاسمنت و الحديد باسعار زهيدة علي الرغم الناس دي بتكسب و بتموت الشعب باسعار الاسمنت و الحديد...حاجة تموت

[mhamed]

من المنتظر أن يناقش مجلس الوزراء قريبا نتائج الدراسات التي أعدتها وزارات‏:‏ التضامن‏,‏ والمالية‏,‏ والتنمية المحلية‏,

والبترول حول منظومة العمل الجديدة الخاصة بتغيير سياسة توزيع أسطوانات البوتاجاز‏,‏ وصرفها للمواطنين بواسطة كوبونات‏.‏ وتتجه الدراسات إلي صرف أسطوانة واحدة للأسرة المكونة من فرد وحتي ثلاثة أفراد‏,‏ وأسطوانة ونصف أسطوانة للأسرة المكونة من أربعة أو خمسة أفراد‏,‏ وصرف أسطوانتين للأسرة المكونة من‏6‏ أفراد فأكثر‏,‏ وذلك بواسطة الكوبونات‏,‏ علي أن يصل سعر الأسطوانة للمستهلك النهائي إلي خمسة جنيهات‏,‏ ويزيد جنيهين في حالة توصيلها إلي المنزل‏,‏ وتتضمن المنظومة إتاحة الأسطوانات بدعم جزئي ودون كوبونات‏,‏ وفي هذه الحالة سوف يصل سعرها إلي‏25‏ جنيها‏.

[mhamed]

اين العدل اذن وان كل من يناقش هذا الموضوع من وزراء وغيرهم فى منازلهم مواسير للغاز الطبيعى

وليسوا عندهم انابيب خدوا الانابابيب خالص ووصلوا لينا الغاز الطبيعى

عشان احنا نبقى ندغفع حتى زيكم الخمس جنيه بتاعة كل شهر