غضب الفلاحين ينتقل إلى القاهرة

[masraweya]

السلام عليكم

أخيرا الفلاحين نطقوا .. حتى لو 150 بس .. عقبال الباقي

خطايا النظام هم أكثر فئة تعاني منها و الأنكى يحملونهم إياها

و هم ..صامتوووون .. صابرون

نطقوا أخيرا

أتترككم مع الخبر و لنا عودة بمشيئة الله

تظاهر أكثر من ١٥٠ فلاحًا من قرية بحر جرجبة بالفيوم، أمام وزارة الرى، أمس، احتجاجا على الانقطاع المستمر لمياه الرى عن أراضيهم، وتعرض محاصيلهم للتلف على مدار ثلاث سنوات، خاصة محصول الطماطم، مطالبين بضرورة تدخل محمد نصر علام، وزير الرى والموارد المائية.

وهتف المتظاهرون مطالبين بمقابلة الوزير قائلين: «عايزين الوزير..عايزين الوزير»، ورفعوا لافتات كتبوا عليها: «أبناؤك يموتون يا أستاذ جمال» و«ماتت البهائم يا وزير الرى».

وقال الفلاحون إن المياه كانت تروى أكثر من ثلاثة آلاف فدان، ولكنهم فوجئوا منذ ٣ سنوات بانقطاع المياه تدريجيًّا وتحويلها إلى أراض أخرى تبلغ مساحتها حوالى ١١ ألف فدان تابعة للدولة وليس لها مقررات رى، ويقوم عليها عدد من رجال الأعمال.

وأضاف الفلاحون أن هذا العام شهد انقطاعا مستمرا للمياه، الأمر الذى تسبب فى خسارة جميع المحاصيل، وعلى رأسها الطماطم التى وصلت أسعارها إلى ١٠ و١٢ جنيهاً، بالإضافة إلى خسائر فى القمح والبرسيم، وخسائر فى الثروة الحيوانية، مشيرين إلى أنهم تقدموا بالعديد من الشكاوى لوكيل وزارة الرى بالفيوم، وحرروا العديد من المحاضر، ولكن فى المقابل كان يتم فرض الكثير من الغرامات المالية عليهم من وزارة الرى.

وطالب المتظاهرون بنقل هندسة الرى من مركز إطسا إلى قرية الغرق التابعين لها، ووجود شرطة رى لمنع تحويل المياه عن الأراضى الزراعية، وتعويض الفلاحين عن الخسائر الفادحة التى تعرضوا لها بسبب بوار الأرض.

ووقف أحد الفلاحين حاملا «شتلة طماطم» لم تعد صالحة بسبب انقطاع مياه الرى عنها، قائلا: «حسبنا الله ونعم الوكيل».

[akramgroup]

على فكرة دى مش اول قريه من قرى الفيوم يحصل فيها انقطاع فى مياة الري

والمحافظ هناك لا يحرك ساكناً غير لما تحصل مصيبه بس فالح انه يتحرك ويحل المشكله

قبل مايتفضح بس

مش عارف هو مفيش مسئول دلوقتى بيعمل اللى عليه غير لما يحس انه هايتفضح؟؟؟

حسبى الله ونعم الوكيل

تحياتى

أكرم,,

[اغابي]

هو مفيش مسؤال بيعمل اى حاجة

انتم سمعتم عن الفلاحين اللى استبدلو زراعة القطن والقمح بزراعة اللب - بسبب الخسارة وان الدولة مش بتدعمهم

ازاى الدولة ما تشجعش قطاع الزراعة او تهتم بيهم - داه اهم حاجة

انا من كام سنة كنت حاشترى بجد مزرعة فى الحزام الاخضر 10 فدان وكنت حاستلمها فيها 500 شجرة تفاح وخوخ عمر 5 سنين ومنجة عمر 3 سنين

وبتزرع تحت الشجر توم وباتينجان وطماطم وبرسيم مش فاكرة حاجات كدا يعنى

ومش عارفة ليه صاحبها عاوز يبيعها مع انها كانت جميلة اوى - عجبتني - كان سر بصراحة

وبعد ما اتفقنا جات واحدة صاحبتى وحذرتنى لانها معاها مزرعة 10 فدان فى طريق النطرون اسكندرية

وقالتلى انها حتخسر كتير ومش حتجيب مصارفها وانى اسمع كلامها والغى الموضوع

خاصة لو كان المية بتستنى حصتها من وزارة الرى لانهم حيتعبوكى

روحت لاغيت الفكرة بسبب ان الزراعة كمشروع - خسران خسران

عاوز مجهود ورعاية ومصاريف - يبقى لازم لازم لازم الدولة تدعمه معاكى او تشجع الناس انهم يدخلوا المشاريع دى

اغابي

[Om Zayd]

و يرجعوا يلوموهم لما يرموا نفسهم في البحر

و لما يرووا بالصرف (وهي جريمة فظيعة

أو يبطلوا يزرعوا قمح و قطن

الدلتا احتمال تغرق (دراسة في جامعة أسيوط

و خصوبة الأرض عمالة تقل

طب إيه لازمة الحكومة؟؟؟؟؟؟

[nightmare]

و يرجعوا يلوموهم لما يرموا نفسهم في البحر

و لما يرووا بالصرف (وهي جريمة فظيعة

أو يبطلوا يزرعوا قمح و قطن

الدلتا احتمال تغرق (دراسة في جامعة أسيوط

و خصوبة الأرض عمالة تقل

طب إيه لازمة الحكومة؟؟؟؟؟؟

حكومة عايشة في غيبوبة يا Om Zayd , وكله كوم والتحذيرات من أزمة المياه التى ستطول مصر في السنوات القادمة والنداءات المستمرة بإستكمال مشروع المياه الجوفية , ولكن لا حياة لمن تنادي.md2: , واستبدال زراعة أهم ثلاث محاصيل الأرز والقمح والقطن بزراعة الخيار والفراولة والكاكا, حاجة تشل بجدmd2:

مع تحياتي

[masraweya]

ما لفت انتباهي .. أنه أخيرا نطقوا

نعرف منذ فترة طويلة التدمير الممنهج المتبع لتدمير الزراعة في مصر

و نتابع بدقة مسلسل إفساد مصر و بيعها

دون أن نقاوم .. كأن البلد ليست بلدنا .. أو كأنه فيلم أو كابوس و سنستيقظ منه

أن يبدأ الفلاحون في التظاهر .. لعلها بادرة إيجابية

كالما صبر الفلاح علىالفراعنة .. بل و عبدهم .. حتى يضمن حكومة قوية ترعى أمر هذا النيل الذي هو- بلا مبالغة- حياته

الآن هو يفقد هذا الثابت .. هذا الأمان .. فهل يتحرك أخيرا؟

[doha]

كقاعده او قانون ثابت .. مفيش حاجه اسمها فلاح يصطدم مع السلطه .. طب لو حصل ؟ ... يبقى بأمر من السلطة نفسها ..

حال الفلاح يصعب على الكافر ومشكلة المياه اصبحت واقع لا يمكن تجاهله .. وبرغم كده بقولها بثقة .. تجمع كل العدد ده من الفلاحين وتظاهرهم وفي اكثر من محافظة كمان لايمكن يكون من قبيل الصدفة ومن المستحيل ان الدافع وراءه استشعارهم للمشكلة او توقعهم نتيجه من التحرك ده ..

اكرر .. مفيش فلاح يقول لأه للحكومه .. وبعلو صوته كمان .. في حاجة مش راكبة في الموضوع ..

[masraweya]

طالما صبر الفلاح على الفراعنة .. بل و عبدهم .. حتى يضمن حكومة قوية ترعى أمر هذا النيل الذي هو- بلا مبالغة- حياته

الآن هو يفقد هذا الثابت .. هذا الأمان .. فهل يتحرك أخيرا؟

ربما لا تكون هذه هي الإجابة الصحيحة ..و إن كنت آمل ذلك