هوا لسه فييه شباب كده...

[moory]

حبيت أحكي لكم عن خطوبتي وبالتحديد أول يوم رحت أشوف فية خطيبتي

طبعاً البنت كلاس و كل سنة بتطلع مع عيلتها اجازة استجمام في سويسرا

وأهلها أغنيا جد ماشاء الله لكن فيهم تواضع جميل

ومابيبصوش للمظاهر على قد مابيبصو للجوهر ودا الي خلاني أتجراء

وأخطب بنتهم ,, ووافقوا الحمد الله لأسباب أمنية

المهم جا اليوم المهبب بالنسبة ليا والي هو اليوم الي هاشوف فيه البنت

طبعا أنا آخر بنت شفتها هي بوسي ايام التلفزيون ألأسود والأبيض بعدها

اتقطع الارسال التلفزيوني عن حارتنا

ووبقى مافيش صور ترمز للأنوثة في مخيلتي غير أمي واخواتي الله يحفظهم والباقي شنابات

المهم أنا مش متعود أشوف بنت قدامي من غير طرحة وعباية

امال لو شفت بنت لابسة فستان من ديور وتسلم عليا طبعا اكيد هاااااااهبب

وفعلا دا الي حصل

الوالدة الله يحفظها علمتني الذوق بدولة وانا بدولة

عشان كدا كانت هي واخواتي طول الليل يعلموني الأتكيت وفن التعامل مع

الآخرين .. وازاي اتكلم مع البنت الذوق

طبعا كنت مروش على الآخر ,, لدرجة الكولونيا حطيييت قزازة كاملة حتى الجزمة الله يعزكم رشتلها

المهم رحت لهم البيت وقبل ما أوصل بيتهم وقفت عند محطة اتوبيس

وشلت الشبشب ولبست جزمة أعزكم الله ( كنت مخبيهم آخر حاجة لانهم جداد وما كنتش عايزها تتوسخ والبنت ماشافتنيش لابسهم)

طبعا أكتشفت أن الجزمة الي أنا لابسها ضيقة بشكل لايطاق

بس اعمل ايه أختي موصياني قالتلي لازم تلبسها مش عايزاهم يشوفو

صوابعينك الي زي الفطر والله مافيهمش حاجة حلوين بس هي بتدقق بزيادة

المهم لبستهم ودخلت بوابة الفيلا بعربية -واخدها من واحد صاحبي-ودوست ورد ماختش بالي افتكرته أسفلت طلع مسطحات خضراء

المهم وقفت العربية ونزلت ومشيت للباب الجواني للبيت طبعا الي

يشوفني وانا ماشي يقول دا أكيد عندة أعاقة أو يعاني من عاهه مستديمة

(( طبعا بسبب الجزمة ضيقة على الاخر ومش قادر أمشي والله بس قلت يالله كلها كم خطوة وأقلعها))

استقبلني ابوها عند الباب الداخلي للفيلا ورحب بيا أشد ترحيب وأصر

علي أني أدخل جوه البيت بالجزمة اعزكم الله وقال هما بيعملو كدا عشان

ارضية البيت رخام وسيراملك زي الحمامات

طبعا دخلت للبيت وامري لله مجبر أخاك لابطل ولما وصلت نهاية الصالون

كان الدم محبوس في سمانتي ومتجمع في الركب ورجليا ناشفة مافيهاش دم

طبعا قدمو لي الشاي والقهوة وكان الشاي بتاعهم مررر بشكل لايطاق ( أختي بتقول السكر تلاقية مكعبات في علبة كريستال!! )

المهم بعدها قالي ابوها انت جاهز هنادي على البنت قلت لاوالله ماتناديهاش اقعد يا راجل دي قععدة الرجالة ماتتعوضش 'طبعا أنا مكسوف وعايز اتهرب '

قال أنت جاي تخطب ولا تسلم قلت طيب لازم اشوفها عادي ماعندكمش نمونة ( أختها الصغيرة مثلا )

طبعا قام ونادها ,, أنا كنت قاعد أتأمل في رجليا

من الكسووف ما كنتش سامع غير كعب البنت وكان مع كل ضربة للكعب 10 ضربات لقلبي ,, لغاية ما قعدت قريب مني كان قلبي شوية ويوقف

قالت : السلام عليكم

أنا أرتبكت ورديت عليهاوقلت : السلام عليكم !!

طبعا انا من هنا بديت أهبب لاني شفت سراب فستان ينت على الأرض قاعدة قدامي

طبعاً كنت لسه بتأمل فى رجليا من الكسوف

قام ابوها قالي أتكلم معها عشان تقدرو تشوفو بعض

قلت : أأأأأ

أأأأأأأأأأأأأأ

أأأأأأم م م م م م م م كح كح

وبعدين سكتت

قال أسئلها طيب

قلت بسرعة : ماعنديش أسئلة ولا شروط والله !! ههههههههههه

قال طيب أسئلها بتدرس فين قلت عارف سنة ثانية في الجامعة

قال أسئلية أنتي ,, ماردتش عليا وكانت مكسوفة هيا كمان (يظهر اتعدت مني)

قام قال بنتي اسئلية عشان يشوفك

طبعا انا في الوقت ده جالي ضعف حاد في حاسة السمع

قامت سئلتني أنت : مدرس

قلتلها لا أنا مدرس ( افتكرتها بتقول أنت بتدرس )

أبتسمت ونزلت راسها

قالها أبوها ارفعي راسك يابنتي وأسئلية ,, اتكسفت في الاول و بعدين

قالت: عندك كام سنة

قلتلها 15 ألف ( افتكرتها بتقول بتقبض كام فى السنة )

هنا ابوها مات من الضحك ,,وهي كمان ضحكت شوية وهي مكسوفة طبعا وأنا مش فاهم اليه الي بيجرى !!

بعدها كانت هتقوم لكن ابوها قعدها بالعافية ,, لانها كانت اخر كسوف وكاتمة ضحكتها

بعدها قالها يابنتي كملي ..

قالت : انت متخرج امتى؟

قلت في الأجازة الجاية أو زي ماتحبو ( افتكرتها بتقول عايز تتجوز امتى )

طبعا هنا انفجر أبوها في الضحك ,, والبنت ضحكت واتكسفت وقامت تجري وراحت اوضتها

طبعا انا قلت أكيد شكلي فية حاجة غلط ( قلت يمكن منخيري سايحة كالعادة ,, أو فية صرصار رايح جاي على راسي بس قلت لا احنا في قصر وأكيد مافيهوش صراصير )

لما خلص ابوها ضحك قالي هاه عجبتك البنت ؟

كان نفسي أقول حلوة بس خفت يقطعني ,, قلتله هابعتلك ردي على الموبايل

وبعدين أستاذنت وروحت وأنا مش عارف بيضحكو على ايه !! لحد ما قالتلي هما بعد كده ليه

بس بجد ياجماعة الصالون بتاعهم ماشاء الله كبيييير ومترامي الأطراف لدرجة انو

المسافة الي بيني وبين طربيزة الشاي تقريبا قد الثلاجة

بس خلاااص

والله انا مش عارف ازاي جوزووه وهوا بالعته ده

[شريف مان]

ههههههههههههههههههههههههههههه

والله فكى وجعنى من كتر الضحك ... طريقة سردك للموضوع جاااااااامدة

بس الكلام دا حقيقى

[moory]

ههههههههههههههههههههههههههههه

والله فكى وجعنى من كتر الضحك ... طريقة سردك للموضوع جاااااااامدة

بس الكلام دا حقيقى

ربنا يكوون فى عوون البنت الي خطبها،، الواد خااااااااااااااام خاااااااااااااام

انا ماعرفش الي حصل معااه كده، بس الكلام منطقي جدا، وعمليي :D

تم تعديل 25 أكتوبر 2010 بواسطة moory

[Diab]

هههههه جامدة بس ده حصل حقيقي ولا ده خيال

[moory]

هههههه جامدة بس ده حصل حقيقي ولا ده خيال

الكلام ده لو حقيقي، يبقى اكيييد خيييال :D

ده يبقى زبووون جاامد

تم تعديل 25 أكتوبر 2010 بواسطة moory

[masraweya]

السلام عليكم

فين باقي الشباب؟

فين باقي الحواديت؟