هل هناك إفادة من خاصية ال chat فى محاورات المصريين

[Advisor]

أضفنا خاصية جديدة ل محاورات المصريين و هى خاصية ال chat و تجدون علامة لها فى صدر الصفحة و هذه الخاصية لا تسبب حملا زائدا على سيرفر محاورات المصريين.

ما سبق كان إستهلالا لابد منه

السؤال الآن هل هذه الخاصية مفيدة ؟ يوجد فى أسفل الصفحة بيان عدد المشاركين فى دردشة مباشرة و لا أذكر أننى وجدت أى أحد يستخدمها.

هل ترون الإبقاء على هذه الخاصية ؟

[شريف مان]

انا مش عارف استخدم الخاصية أصلا .. دائما بتظهر لى هذه الرسالة

[Advisor]

الفاضل شريف مان

يمكنك التجربة مرة أخرى كان هناك خطأ و تم إصلاحه.

[nightmare]

اعتقد انها غير مفيدة من وجهة نظري فأنا واحد من الناس لم استخدمه على الإطلاق في التحاور مع أي عضو, أنا مع الرأي الذي يطالب بإلغائها, أحييى لكم مجهودكم الدائم في سبيل التطوير بما يرضي جميع الأعضاء.

مع تحياتي

تم تعديل 25 أكتوبر 2010 بواسطة nightmare

[tiimon]

حاولت استخدامها عده مرات لاكن فشلت كثيرا مع العلم انه مفيش حد بيكون موجود

[Advisor]

تم تعديل خاصية ال chat الآن لتسمح بالخصوصية ... الآن أى إثنان من الأعضاء يمكنهم الدردشة بسرية كاملة.

[engmido]

انا عن نفسى لستفدت منها

واذ لم اكن استخدمها بصفة يومية فلها وقتها

واستفدت من وجود احد الاعضاء معى online فى نفس الوقت وطلبت منه ان يحاورنى فى الشات يدلا من الرسائل والانتظار

[شريف مان]

تم التصويت

وانا شايف انها خاصية جيدة

تم حل المشكلة فى الدخول

تحياتى

[engmido]

الآن أى إثنان من الأعضاء يمكنهم الدردشة بسرية كاملة.

تعديل واضافة جيدة

تستحقوا عليها الشكر

[شريف مان]

دايما لما بافتح المحاورات بالاقي رقم واحد مكتوب جنب كلمة شات

لو دوست على الرقم بيحولني للشات و مش بالاقي اي حد موجود

وأنا كمان

تم تعديل خاصية ال chat الآن لتسمح بالخصوصية ... الآن أى إثنان من الأعضاء يمكنهم الدردشة بسرية كاملة.

دى هنطبقها أزاى .. ياريت مزيد من التوضيح

تحياتى

[SoSo R]

تم تعديل خاصية ال chat الآن لتسمح بالخصوصية ... الآن أى إثنان من الأعضاء يمكنهم الدردشة بسرية كاملة.

مساء الخير

دخلت لصفحة الشات ولم أتمكن من استخدام محادثة بين شخصين فقط للتأكد من الخصوصية ...

فما هى كيفية إستخدام هذه الخاصية؟؟

[SoSo R]

تم تعديل خاصية ال chat الآن لتسمح بالخصوصية ... الآن أى إثنان من الأعضاء يمكنهم الدردشة بسرية كاملة.

مساء الخير

دخلت لصفحة الشات ولم أتمكن من استخدام محادثة بين شخصين فقط للتأكد من الخصوصية ...

فما هى كيفية إستخدام هذه الخاصية؟؟

للرفع

ابحث عن إجابة لسؤالى

مع الشكر

[Advisor]

المؤكد أن خاصية الخصوصية موجودة و لكنها تحتاج مزيد من الإختبارات من جانبك و تشرحيها للأعضاء.

ما سبق كان إستهلالا لابد منه

من الممكن أن نطلب من المشرغين الجدد أن يقوموا بعدد من الإختبارات على هذه الخاصية و الأمر يتطلب عدة أشخاص يشاركوا فى هذا الإختبار.

[doha]

من يومين لاحظت وجود رقم 2 تحت كلمه الشات .. دخلت من باب التجربة وفعلا لقيت اثنين من الاعضاء واحد منهم معرفوش وفيه اكثر من سطر هو باعتهم وبيقول انه محتاج مساعده في كيف يضيف تساؤل له بخصوص الهجرة لكندا .. كتبت سطر تجربة وارسلته وظهر في الحال .. بس الشات كان ساكت يعني الاثنين موجودين بس مش شايفه حد بيتكلم الهم الا السطور السابقة على دخولي والي دخلت ولقيتها .. ولما مكانش عندي وقت يومها كان لازم اخرج فملحقتش اتأكد ان كان حد قرأ ماكتبته او ايه المده اللازمه لده والاهم هل الناس دي فعلا كانت على الخط وقتها ولا هم من بدري طلعوا لكن السيرفر بياخذ وقت على مايحدث قائمه الموجودين ..

الخلاصة .. اعتقد ان الخاصية شغاله كويس بس احنا عددنا قليل جدا فاحتمالية تلاقي عدد كافي من الاعضاء في نفس الوقت عشان يعملوا شات يعتد بيه صعبه شويه ..مشكلة عددية مش تقنية ..

[honest reader]

الضغط على إسم محدثك فى ال chat يمكنك أن تختار ما إذا كانت المحادثة خاصة أم لا ...... إختبرتها الآن مع "السارى"

[الســـاري]

دردشنا اليوم ظهرا ، وكان فيه عدد من الاعضاء ..

والبرنامج شغال حلو .. وخاصية البرايفت ايضا شغالة

شكرا لكل جهودكم وانا من المؤيدين لهذه الخاصية

[أمل حياتي]

انا بعثت رد ولم يظهر

انا مع راي اخينا Nightmare

ولكن الشات لا يشجع اذا كان مرئيا للكل واذا اضيفت له خصوصيه

افضل بكثير اولا تحمي المحادثات

ثانيا تغني عن اضافة اشخاص الى المسنجر في الهوت ميل والياهو الخاص بالعضو

حيث يحتاج العضو لمحادثتهم بعض الأحيان

وتسمح بالحوار المثمر عبر المنتدى بدون اضافتهم لخصوصية المسنجر

مع الخصوصيه خطوه جيده جدا جدا وموفقه

[لماضة مصرية جدا]

السلام عليكم و رحمة الله و بركاته

ايه ده...هو احنا كل ما نكتشف اكشتاف في الاصدار....نقول لزمته ايه.....و بعدين نشيله؟؟؟؟

كده العربية الفيراري هترسي في الاخر علي بسكلتة بسندات

خاصية الشات زي اي خاصية تانية.....اهي موجودة خير و بركة و ممكن تساعد في التواصل بين الافراد بشكل اكبر و خصوصا لو حد عنده مشكلة او استفسار في السريع

بس هي الحقيقة مش انها موجودة و لا نشيلها

هي بستخدمها و لا حاطينها في اوضة المسافرين

كنت اقترحت زمان ان يكون استخدامها لما تعدي علينا مناسبة فيها تجمع لكل اعضاء المحاورات او غالبيتهم....زي مثلا مرور مش عارفة كام سنة علي حفر و بناء و ترميم و دهان و تلميع المنتدي

دي هتكون فرصة كويسة كلنا نكون موجودين و متجمعين

امبارح قولت من نفسي اجربها

الحقيقة.....عجبني انا اوي صوت تزيييييق الباب....و الناس دخلت و طلعت و لا سلمت

نادرا لما استخدمها.....بس بفكر لو لقيت اعضاء في الصالون....ليه لا...(أمانة يا المهندسة...متبقيش ترزعي الباب وراكي و انتي خارجة احسن انا اصنجيت)

و دي وجهة نظري

صبااااحكم رضا

[doha]

ايه ده...هو احنا كل ما نكتشف اكشتاف في الاصدار....نقول لزمته ايه.....و بعدين نشيله؟؟؟؟

كده العربية الفيراري هترسي في الاخر علي بسكلتة بسندات

:P

جامده

[المهندسه]

نادرا لما استخدمها.....بس بفكر لو لقيت اعضاء في الصالون....ليه لا...(أمانة يا المهندسة...متبقيش ترزعي الباب وراكي و انتي خارجة احسن انا اصنجيت)

انا متأسفه جداا جداا يا لماضه والله العظيم انا كنت فاتحه الشات مستنيه الاخت هند على تدخل و قولت انيم ملك عقبال ما هند تيجى و سبته شغال ...وراحت ليلى قفلت المحاوات خالص من باب شقاوه العيال و تجيب الشتيمه كده لامها كانت عاوزه تتفرج على توم وجيرى ومش عارفه طبعا تشغله.

انا متأسفه جدا على الغلطه الغير مقصوده يا لماضه تقبلى اعتذارى الشديد

بس كنتى خدتينى على جنب وقولتيلى يمكن مظلومه بدل ما تسيحيلى قدام الناس كده على العموم تقبلى اعتذار ليلى و انا حسابى معاها بعدين

ومساكى ابواب مفتوحالك على طول و كل سنه وانتى طيبه.

ولنا عوده ان شاء الله فى الشات انا غالبا بدخل انا وهند يوم الخميس بليل يعنى ابقى دورى علينا احنا ما دخلناش غير مره واحده

وانهارده دخلت استنيتها و دردشت مع كذه حد لوقت وجيز علشان العيال الشياطين المش بعرف اعمل حاجه منهم"عقبال ما ربنا يرزقك بشياطين زيهم يقفلوا باب الشات عليا علشان نبقى خالصين يا ستى"

وتقبلى اعتذارى

تم تعديل 12 نوفمبر 2010 بواسطة المهندسه