صباح الفل...يا مصر

[لماضة مصرية جدا]

السلام عليكم و رحمة الله و بركاته

التوبيك ببساطة...لا هو الجزء التاني من صباح الخير يا مصر....و فقرة عيد حواش الزراعية....

التوبيك ببساطة.....

كلنا بيبتدي يومه بقراية الجرايد و مطالعة المنتدي صح

و ملاحظة ان احنا في المنتدي....كانعكاس لحياتنا بقينا ننتقي كل قضايا الفساد و نسلط عليها الضوء....

انا متفهمة جدا ان ده جزء من حركة التنوير و التوعية

ان احنا لازم نفهم....و لازم نقرا و ندرك خيوط اللعبة حوالينا إزاي

التوبيك دوت

ببساطة

لما تقرا خبر حلو عن مصر.....

لما تحس ان فيه بارقة امل....ان فيه حركة...ان المياة الراكدة بتتحرك.....يمكن مش حاجة كبيرة لكن.....هي حركة.....و فيه تغيير....فيه امل

من فضلك انقلنا الخبر الحلو

الخبر الحلو

ممكن يكون عن عم محمد بتاع الفول.....فرحته انه هيطلع في الحج السنة دي

ممكن يكون حكم محكمة ببطلان تواجد الامن في الجامعات

ممكن يكون.....3 شباب مصريين مرشحين بقوة في مسابقة خليجية محدش سمع عنها اسمها "نجم العلوم"....علي غرار ستار اكاديمي.....لكن في مجال العلوم و الهندسة.

ببساطة

انقلنا حاجة تفرحنا.......عن مصر

اصلها بجد بتفرق اوي في الغربة.....زي ما الفساد بيوجعنا اوي

الفرحة بتعلينا اوي.....انا مصدقة ان احنا كويسين....و الله و حلوين و فينا حاجة تفرح

و شايفة حد رافع ايده من ورا بيقولي......مافيهاش حاجة تفرح...هرد عليه و اقوله....محروم من اعمل السنة.....قصدي

هقوله.....حتي خبر غلو الطماطم...عارفين لقيت في المقابل ليه ايه

لقيت سيدة مصرية بتقول انها هتقدر تقاطع الطماطم......و مش هتشتريها...و هتستبدل ده بالجوافة.....و الله العظيم.....و ذكرت الطريقة طبعا و اعتمدت علي فكرة استخدام التوابل و الشطة الحمرا (أينعم انا لسه مجربتش الليلة دي....بس ربنا يستر)

طولت عليكم

ها....إيه فرحك بقي النهاردة....عن مصر

صباااااااااااااحكم مصري جدا

[لماضة مصرية جدا]

السلام عليكم و رحمة الله و بركاته

اه نسيت اقولكم

من فضلكم دام عزكم....بلاش نحط تفاصيل الخبر....بس حط ايه اللي فرحك و حطلنا رابط المقال و احنا هنبقي نروح عند عم ابراهيم و نقعد في الكشك نقرا الجرنان براحتنا

عايزين كبسولة الفرح و التفاؤل تبقي مركزة......حاجة كده زي ريد بول.....تعطيك جوانح

صباحكم رضا

[لماضة مصرية جدا]

السلام عليكم و رحمة الله و بركاته

فرحني جدا من مصر النهاردة التفاف الناس حول رفض" منع بعض القنوات الدينية"

اللي فرحني.....ان الناس علي غير العادة مقعدتشي تقرطف في فروة القنوات ديت و استخدام بقي مصطلحات زي المتاجرة بالدين...لكن الناس ركزت ع المضمون......ليه نمنع قناة دينية و منمنعشي قناة غنائية...و فين الليبرالية في التفكير

بجد مبسوطة ان الناس بتاخد المنحي المعتدل

و ده لقيته في مقال اصطباحة لاستاذ بلال فضل....المصري اليوم..."حرية الاستك"

الرابط هناhttp://www.almasry-alyoum.com/article2.aspx?ArticleID=274761&IssueID=1935

[shiko]

ممكن الميكرووفووووون

صباح الخير يا مواطنين ...

واليكم موسيقى التتر ..

http://www.youtube.com/watch?v=WtXyVWcBKm8&feature=related

تم تعديل 26 أكتوبر 2010 بواسطة shiko

[mekkawy]

و نقول بأعلى صوت .. صبااااح الفل يا ست الكل يا مصر

ة الخبر ده فرحني الصراحة و يا رب كل حاجة تتيسر ع الجميع

أنفاق للمشاة بسلالم كهربائية..وموقف للسيارات

المركبات تعبر ميدان الجيزة بعد تطويره في ‏15‏ ثانية فقط

المصدر

و يجعله عامر

مكاوى

[masraweya]

طيب أخبار الاعتصامات و المظاهرات تنفع هنا؟

أنا بشوفها إيجابية أحيانا

[ابو محمد بن مصطفي]

الخبر الحلو ان اسعار المجنونة بدأ في الانهيار امبارح السعر وصل لـ 2.5 جنية....

طبقا للاسعار المحلية لسوق العبور لتباع بــ 3 جنية في الاسواق

المداخلة علشان نصير الشعبيين الاستاذ شعبولا هيغني للمجنونة

كلمات الاغنية

حتى انتى ياللى اسمك قوطة.. بتذلى فينا ومبسوطة.. حرام عليكى يا مجنونة.. خليكى عاقلة ومظبوطة..

عاملنا أزمة وشبورة.. وبقيتى فى السوق مشهورة.. وكل يوم طالعة فى جرنال.. ومنزلك كام صورة..

بقى ليكى سعر وليكى قيمة.. يا مفعصة وعاملة سليمة.. مش بعيد بعد شوية.. نشوف جنابك فى السيما..

من امتى وانتى بعشرة جنيه.. والناس غلابة هاتعمل إيه.. بقيتى أغلى من التفاح..

ومنفضة لنا وعاملة بهية.. مجنونة أكتر من العادة.. والحالة جاتلك بزيادة..

يارب أشوفك يا طماطم من السراية واخدة شهادة.. ده حتى شكلك مش هو.. وبايظة خالص من جوه..

رضينا وانتى معندانا.. واخدة الأمور عافية وقوة.. حرام عليكى خنقتينا وبأى حق تذلينا..

من بعد ما دخلتى فى أزمة.. الكل بقى يلعب بينا.. هانشتكيكى يا قوطة لمين

وايهههههههههه

افعص هنـــــا ع المجنونة

[لماضة مصرية جدا]

السلام عليكم و رحمة الله و بركاته

لفت نظري في صحيفة اليوم السابع أن هناك خبرا علي استحياء، بالامس بدأ في القاهرة ميتنج اسمه

"الجمال فضاء لحوار الثقافات"

تخيلت في البداية انه اجتماع مجموعة من المهتمين بالفن او الثقافة بشكل عام

و ما استوقفني هو أن اللقاء كان دعوة للمحبة و التسامح و لكن بطريقة مختلفة....حيث أصبح الجمال سقفا يظلل كل أفكرانا و اختلافاتنا

ما استوقفني في الخبر

"وائل فاروق مؤسس مركز تواصل

شخص يعمل لاكثر من عشر سنوات يسعي لنوع مختلف من الحوار ليس حوارا دينيا، فالأديان بطبيعتها مختلفة، بل ومتناقضة، وفى أحيان كثيرة تنفى بعضها البعض.

ولم يعمل أيضا على حوار الثقافات، فللأسف تعطله الصور النمطية الجاهزة، التى شكلتها بقسوة السياسة والصحافة والإعلام.

هناك إرادة حقيقية فى مجتمعنا لمواجهة قوى التطرف والتعصب والإرهاب.

هناك إرادة حقيقية لصناعة آليات غير حكومية لتدعيم المحبة والتسامح.

وعندما سأل صحفى إيطالى: أين المسلمون والمسيحيون، رفضوا الرد عليه، وطلبوا منه الرحيل.

فهنا لا يوجد سوى مصريين".

ممكن حد من اللي عايشين في القاهرة يقولنا تفاصيل اكتر عن مركز تواصل....عشان نتواصل معاه....حتي علي البعد

نموذج مصري......يستحق اني اقوله

صباح الفل

الخبر هنا هوت

http://www.youm7.com/News.asp?NewsID=297384