التقييم السالب للفاضلة جويرية

[عادل أبوزيد]

لاحظت التقييم السالب للفاضلة جويرية و لاحظت تقبلها للموضوع بروح رياضية و هذا ما شجعنى على فتح هذا الموضوع.

ما سبق كان إستهلالا لابد منه

تصفحت التقييم الخاص بالفاضلة جويرية ووجدت أن مشاركاتها فى موضوع "هل ترضى أن يحدث ذلك لأختك" قد إجتذب كل التقييمات السلبية عدا ذلك فإن كل التقييمات إيجابية

ماذا نقرأ من هذا ؟ عندما نتصفح المشاركات التى إجتذبت تقييم سالب نلاحظ أنها كانت فى الإتجاه المعارض للأغلبية فى هذا الموضوع و الإتجاه المعارض بطريقة صارمة و بلا مقدمات أو تبريرات ... يعنى على رأى إخوانا الشوام "دفش" كان يمكنها أن تقول نفس الكلام مع "تزويق" الكلام.

هل ترى ترجع المسألة لظروف جويرية ذلك اليوم أم لظروف الموضوع نفسه

المهم الواضح أن التقييمات السالبة ترجع لخلاف الرأى و ليس تقيما على خلفية قواعد المشاركة فى محاورات المصريين.

ليت الفاضلة جويرية تشاركنا الحوار هنا

[شريف مان]

المهم الواضح أن التقييمات السالبة ترجع لخلاف الرأى و ليس تقيما على خلفية قواعد المشاركة فى محاورات المصريين.

دا أكيد يا استاذ عادل .. هوا فيه حد بيقيم حسب القواعد

بس ياريت نشوف رأى حضرتك فى الموضوع دا وللا انا لوحدى اللى بتروق

[الســـاري]

الحق يقال ان الاخت جويرية في كل مشاركاتها لم ارى منها شخصيا اي ملحوظة سلبية عليها ..

لكن ربما في ذلك الموضوع لانها وقفت ضد التيار اجتذبت التقييمات السلبية .. !!

لكنها لم تعبر عن رأيها بطريقة تنافي قواعد المشاركة من رأيي الشخصي

[المهندسه]

انا ارى ان التقيمات السالبه التى حصلت عليها الاخت جويريه اغلبها فى نفس الموضوع ...لنفس الاسباب السابق ذكرها من الاستاذ عادل ...وهى الاختلاف فى الرأى بدون مقدمات..وارى ان كثره التقيمات السالبه لها شجعت الكثير لاعطائها المزيد منها لمجرد اختلافهم فى الرأى و كان ممكن منهم تجاهل ما كتبته فقط دون اعطاء نقاط حمرا.

وادعو الاداره الى مراجعه ارائها مره اخرى و محاوله تقليص هذه النقاط لكثرتها المبالغ فيها...او ارجاعها الى نقطه الصفر مره اخرى و البدء معها من جديد خصوصا ان ارائها لا يوجد فيها مثلا الفاظ خارجه عن حدود الادب او افكار شتيته وحدها فى عالم اللامنطق والدين مثلا.

ملحوظه:لو رأيى معجبش حد بلاش نقاط حمرا علشان ما يبقاش "ما ينوب المخلص الا نقاط حمرا تخلص عليه"

[عبير يونس]

أضم صوتي لصوت للفاضلة المهندسة

bv:-

[raouf]

انا عندى راى مختلف شوية

انا شايف ان يجب ان ندرس فعلا اللى حصل اثناء موضوع جامعة الازهر

شخصيا استخلصت بعض النقاط التى يجب ان ندرسها ونضعها فى حسابتنا :

- الاخت جورية اخدت النقاط الحمراء لاختلافها مع جميع الاعضاء وده فى حد ذاته يثبت انها خطأ لسبب صعب جدا فى موضوع زى ده كل الناس تتفق على راى وهى تخالفه حتى لو كان راى شخصى وكان واجب عليها عدم الاستمرار فى الردود على نفس المنوال او الطريقة لان فى بعض الاماكن الاخرى قد يتطور الامر الى سباب واشياء اخرى لذا اعتقد انها نقطة اسفادة شخصية جيدة لها فى حياتها ان شاء الله

- النقطة الاخرى انه لم يؤيد اى فرد فى الحاورات راى الاخت جورية ولو حتى من قريب ده معناه ان كل الشباب اللى فى المحاوات عندهم نفس الرؤية والنظرة الى ظباط الشرطة وهذا مؤشر سىء لى كمصرى ( كنت باحسب انا بس اللى باكره الشرطة) وده يوضح ان شكل كل المحاوراتية مش عاجبهم حال مصر

- نقطة اخرى ان يتضح ان معظمنا ماعندوش موضوع انه يتقبل الراى الاخر حتى لو كان مختلف معاه او ضده بالعكس رغم اننا فى حوار يعنى بنتكلم بدون استخدام الايدى ولكن كله اعطى تقرير سالب امال لو كنا بنتحاور وجها لوجه كنا ضربنا بعض ؟

النقطة الاهم بقى ان اثبت ان مافيش حد من المحاورتية تبع الحزب الوطنى او بيؤيد الحكومة وكده انا اطمنت ونتكلم براحتنا بقى

:lol::lol::lol::lol::lol::lol::lol:

تم تعديل 27 أكتوبر 2010 بواسطة raouf

[Mr MAGED]

التقييمات السلبية التي حصلت عليها الفاضلة جويرية لم تتم لأنها اختلفت مع الاخرين فقط

فليس معقولا أن تختلف مع كل من عقب علي نفس الموضوع وتصر أنك علي صواب

هي لم تختلف فقط .. بل استفزت الجميع بأرائها التي رأي الجميع أنها تستحق عليها تقييم سلبي وهذه حرية مكفولة للجميع

وتكررت اسفزازاتها بتكرار ردرودها لانها لم تكتفي برد واحد علي نفس الموضوع .. فما معني هذا !!!

أعرف أن العاطفة ستغلب علي الجميع الأن ويطالبوا بالغاء تقييماتها السلبية

ولكني أري أن هذا ليس من الديموقراطية في شيء .. لأننا بذلك نصادر علي حق كل مع اعطاها تقييم سلبي

وان كان يمكننا الغاء اي تقييم سلبي بهذه السهولة فالأفضل أن يتم الغاءه كليا لأنه هنا لا يؤدي للنتيجة المرجوة

الأفضل انها كما حصلت علي تقييمات سلبية علي مشاركاتها .. أن تحصل علي تقييمات ايجابية بنفسها ايضا دون تدخل من الادارة

والا فمن حق كل من حصل علي تقييم سلبي أن يطالب بالغائه من قبل الادارة .. وفي هذه الحالة لن يكون لمسألة التقييمات اي معني

عذرا ان كنت أختلف معكم في الرأي .. ولكن بالتأكيد الاختلاف في الرأي لا يفسد للود قضية

تحياتي

[اغابي]

بصراحة يا استاذ عادل انا عاوزة اتكلم فى الموضوع داه تانى وتانى

لو جويري متقبلة لانها هى مصرة على رايها لانها عارفة اللى بيخالفوها الراى

لكن بالنسبة ليا الامر مختلف - مش حاتقبله لانى بخالفهم العقيدة

وبسببها بيجرحونى جدا بالنقاط السالبة وبيقولولى انت علشان مسيحية احنا حنتديكي السالب

مثلا يا استاذ عادل فى اللى بيدو تقييمات السالبة لمشاركتى فى موضوعات دينية فقط

ومعروف طبيعة تفكيرهم ايه

وانا استحالة حاتقبل النقاط السالبة لان على راى زوهيري

دى خلت الكل اللى يخالفنى الراى مدير عليا وانا تحت رحمته

يعنى ياريت الفاضل

engmido

يتفضل يقولى ليه كل السوالب دي اللى مغرقنى بيها لغاية هذه اللحظة فى موضوعات دينيه بس ليه

فى ناس للاسف يا استاذ عادل عاوزة كورسات لمعرفة

يعنى ايه سالب وليه فى ناس تجهل امر التعامل به

قبل كدا سمعت ان فى ناس استعمله بطريق غلط واتاخد منها

واعتقد حاليا الفاضل

engmido

ماشي فى استعمال النقاط الحمرا بطريقة خطأ بدليل

انه لسة مديني فى موضوع حارة النصاري سوالب كتيرر مع انى كنت باحكى انى بحب المسلمين ومعلقة ميكروفون المسجد فى بلكونتى -

يبقى هنا احتاج سالب احمر برضوه - ؟؟؟

شيء غريب اللى عاوز يدي سالب وخلاص بدون ما يفهم حاجة

نعلمه ازاى يا استاذ عادل

نشرحلهم يعنى ايه وامتى واعتقد ان حاليا الميعاد المناسب للموضوع داه

مع انى كنت حابة انسي الموضوع تماما لكن حضرتك فكرتنى بيه تانى وكنت فعلا ماثر على مشاركاتى فى المنتدى

؟؟؟

تم تعديل 27 أكتوبر 2010 بواسطة اغابي

[اغابي]

او ملاحظة

فى الاول اللى بيختلف معايا فى الراى كان

بيبقى نوعين من الناس

اما انه يبقى عادى الموضوع مستمر بينا ودى الناس العاقلين اوى

ومهما نختلف فى الراى بنفضل عادى كويسين

وفى نوع تانى وداه شويه تفكيره على اده مع احترامى للناس دي بتبقى مسكينة شوية - انهم بيقلبوها حرب ضدك

ليس كل من خالفنى الراى يصبح عدو لي

انا ليه بقول كدا

حاقولكم

تم تعديل 27 أكتوبر 2010 بواسطة اغابي

[nightmare]

شوف يا شريف انا اكتر واحدة بديك علامات خضار انت ونايت مار

وارجع شوف انا بعمل معاك ايه

راجع النقاط الخضرا اللى عندك كدا - دى كدا جمايل مش بتردها ليه

:lol:

ارجوكي أيتها الفاضلة أغابي , لا تقحمي إسمي في أي مشاركة لك ليس لي علاقة بها , وأنت لم تعطينى الا علامتين وفقط من أصل 94 , ومنهم واحدة طلبتها منك على سبيل المزاح عندما كنا نشترك سوياً لإلغاء التقييم السلبي, وأعتقد أننى رددتهم إليكي مرة أخري.

أرجوكي تحدثي في صلب الموضوع ولا تخرجيه هو الآخر عن مساره.

أنا لست مع الرأي الذي ينادي بإلغاء التقييمات السلبية للفاضلة جويرية, فلنترك آرائها المستنيرة ومشاركتها القيمة هي التي تلغيها تباعاً وبالفعل مشاركاتها القيمة في الفترة الأخيرة جعلت العد السلبي لديها في تنازل مستمر.

مع تحياتي

تم تعديل 27 أكتوبر 2010 بواسطة nightmare

[اغابي]

طيب اذا الناس

او ممن هم اصحاب التفكير اللى نوعا ما لما بيتختلفوا فى الراى ممكن يصل الحال الى استعمال هذا الغضب فى صورة

بدل ما يحولوها لحرب يحولوها مثلا لنقاط حمرا

يبقى داه مش منطقى ابدا ان النقاط الحمرا تستعمل لمن يخالفنى الراى

يبقى لازم الادارة توظف النقاط الحمرا فى اطار قوانين محددة

اغابي

:roseop:

تم تعديل 27 أكتوبر 2010 بواسطة اغابي

[nightmare]

ايه يا استاذ عادل المحاوراتية اللى تحت سن ال30 دووول

المنتدى اسمه محاورات المصريين مش معارك المصريين

يا ايتها النايت مار الفاضل

هدى اعصابك شوية

عيب الاسلوب داه - مهما اختلافنا فى الاراء - ستظل صفحة الود باقيه

اغابي

أنا لن أرد , ولكن أذكركي وأذكر نفسي بأسايب النداء في اللغة العربية حتي لا يساء الفهم.

أيها = للمنادي المذكر المفرد أو المثني أو الجمع .

أيتها = للمنادي المؤنث المفرد أو المثني أو الجمع .

اسم إشارة مناسب لنوع المنادي

أيها الناس أيها الطالبان أيها المسلمون .

أيتها الفتاة أيتها المسلمة , أيتها الفاضلة.

فأنا رجل حينما تنادي علي فتقولي يا أيها الفاضل نايت مير . وهذا للعلم وفقط

متابع لأصل الموضوع.

مع تحياتي

تم تعديل 27 أكتوبر 2010 بواسطة nightmare

[raouf]

اهههههههههههههههههههه

انتم بتبدلوا نقط مع بعض بقى

قلتو لى وانا باقول الناس دى بتجيب النقط دى منين كنت باحسبهم بيتباعوا فى السوق

اتارى الموضوع طلع بزنس عالى اوى :lol::lol::lol::lol::lol::lol::lol:

طيب ممكن توطوا صوتكم بقى وتتناقشوا على الخاص

احسن الناس تقول ماشفوهومش وهم بيتبادلوا التقييمات شافوهم وهم بيتحاسبوا ومحدش يفهمنى غلط

[اغابي]

:roseop: تم تعديل 27 أكتوبر 2010 بواسطة اغابي

[mekkawy]

يا جدعان العبوا سوا ..

بس يا أغابي تعالى الناحية دي .. انتي ايه اللي طلعك من 3/2 و وداكي عند دور الولاد .. يلا على فصلك اتفضلي

يا نايت مير اتفضل يلا املى الزمزمية بتاعتك و روح على حصة المعمل عشان الميس مستنياك بالفلكة يا معلم :lol:

بالله اهدوووووووووا

مكاوى

[اغابي]

اهههههههههههههههههههه

انتم بتبدلوا نقط مع بعض بقى

قلتو لى وانا باقول الناس دى بتجيب النقط دى منين كنت باحسبهم بيتباعوا فى السوق

اتارى الموضوع طلع بزنس عالى اوى :lol::lol::lol::lol::lol::lol::lol:

طيب ممكن توطوا صوتكم بقى وتتناقشوا على الخاص

احسن الناس تقول ماشفوهومش وهم بيتبادلوا التقييمات شافوهم وهم بيتحاسبوا ومحدش يفهمنى غلط

يا بشمهندس صدقنى ياريت الادارة تسمعنى

ايه هو اللى يختلف معاك فى الراى يبقى عدو يبقى وحش يبقى سوالب حمرا

وصاحبك بس ييك اخضر

امور غير منطقية اطلاقا

؟؟؟؟؟؟

تم تعديل 27 أكتوبر 2010 بواسطة اغابي

[raouf]

يا بشمهندس صدقنى ياريت الادارة تسمعنى

ايه هو اللى يختلف معاك فى الراى يبقى عدو يبقى وحش يبقى سوالب حمرا

وصاحبك بس ييك اخضر

امور غير منطقية اطلاقا

؟؟؟؟؟؟

انا شايف ان الادارة تحذف التقييم على الردود وتخلى التقييم على الموضوعات فقط

و لكى يفوز الموضوع بنقطة مثلا يجب ان يقيمه 10 اعضاء مثلا وبكده ممكن يكون فيه موضوعية اكثر

وبعدين صحيح فيه حاجة انا مش فاهمها كل ما ادخل الاقى رسائل لناس اعطونى نقاط ولكنها لا تظهر تحت اسمى يعنى عندى يجى 50 تقييم ويظهر 11 فقط ليه بقى ؟؟

انا شامم ريحة وسطة وكوسة بالصلصة فى الموضوع ده

المهم بقى ارى ان اختنا اغابى واخونا نايتمير يقفولوا الموضوع ده الان وافضل عدم رد ايهما على الاخر ولا حتى فى المواضيع حتى تهدأ الامور

تم تعديل 27 أكتوبر 2010 بواسطة raouf

[اغابي]

يا جدعان العبوا سوا ..

بس يا أغابي تعالى الناحية دي .. انتي ايه اللي طلعك من 3/2 و وداكي عند دور الولاد .. يلا على فصلك اتفضلي

يا نايت مير اتفضل يلا املى الزمزمية بتاعتك و روح على حصة المعمل عشان الميس مستنياك بالفلكة يا معلم :lol:

بالله اهدوووووووووا

مكاوى

فعلا ربنا يكملك بعقلك يا مكاوى

بصراحة انت نموذج محترم ومشرف وعاقل جدا ربنا يباكلك يا ابنى

بقولك يا مكاوى ايه رايك فى النقاط الحمرا والخضرا

عاوزة اعرف رايك ايه

؟؟

[mekkawy]

بقولك يا مكاوى ايه رايك فى النقاط الحمرا والخضرا

عاوزة اعرف رايك ايه

شوفي يا اغابي .. أنا هأقولك و لكل الزملاء كلمة واحدة .. رأيي في الاخضر و الأحمر أهو

http://www.youtube.com/watch?v=UpjmZHxxKq8

لا لا بالحق ... رأيي انها تكون أخضر بس و اللي يعجبك تقيمه ايجابي و اللي ما يعجبكش تسيبه في حاله و أظن ده قان اقتراح الفاضلة ضحى.

و أظن كمان انها ليها اقتراحات ممتازة في الموضوع ده أرشح الادارة انها تاخد بيها و تسمع منها.

مكاوى

[saidkotb]

بصراحة يا استاذ عادل انا عاوزة اتكلم فى الموضوع داه تانى وتانى

لو جويري متقبلة لانها هى مصرة على رايها لانها عارفة اللى بيخالفوها الراى

لكن بالنسبة ليا الامر مختلف - مش حاتقبله لانى بخالفهم العقيدة

وبسببها بيجرحونى جدا بالنقاط السالبة وبيقولولى انت علشان مسيحية احنا حنتديكي السالب

مثلا يا استاذ عادل فى اللى بيدو تقييمات السالبة لمشاركتى فى موضوعات دينية فقط

ومعروف طبيعة تفكيرهم ايه

وانا استحالة حاتقبل النقاط السالبة لان على راى زوهيري

دى خلت الكل اللى يخالفنى الراى مدير عليا وانا تحت رحمته

يعنى ياريت الفاضل

engmido

يتفضل يقولى ليه كل السوالب دي اللى مغرقنى بيها لغاية هذه اللحظة فى موضوعات دينيه بس ليه

فى ناس للاسف يا استاذ عادل عاوزة كورسات لمعرفة

يعنى ايه سالب وليه فى ناس تجهل امر التعامل به

قبل كدا سمعت ان فى ناس استعمله بطريق غلط واتاخد منها

واعتقد حاليا الفاضل

engmido

ماشي فى استعمال النقاط الحمرا بطريقة خطأ بدليل

انه لسة مديني فى موضوع حارة النصاري سوالب كتيرر مع انى كنت باحكى انى بحب المسلمين ومعلقة ميكروفون المسجد فى بلكونتى -

يبقى هنا احتاج سالب احمر برضوه - ؟؟؟

شيء غريب اللى عاوز يدي سالب وخلاص بدون ما يفهم حاجة

نعلمه ازاى يا استاذ عادل

نشرحلهم يعنى ايه وامتى واعتقد ان حاليا الميعاد المناسب للموضوع داه

مع انى كنت حابة انسي الموضوع تماما لكن حضرتك فكرتنى بيه تانى وكنت فعلا ماثر على مشاركاتى فى المنتدى

؟؟؟

رد على ما قالته الفاضلة أغابي

طبعا حرية الرأي مكفولة للجميع ولكن ماذا تقولين عن من أعطى تقييم سالب لأحد المحاورين عندما نقل خبر لم تتقبلى محتواه!!!!!!!!

هذا ما قمت به معي في المشاركة :http://www.egyptiantalks.org/invb/index.php?showtopic=110937

وحقا تعجبت كثيرا ولم أرد أو أعطي لك تقييم سالب كما فعلت لمجرد نقلي للخبر

ولكن عندما رأيتك متحمسة في ردودك في هذا الموضوع

أردت استيضاح الأمر منك

فالأولى أن نطبق ما ننادي به على أنفسنا أولا