التقييم السالب للفاضلة جويرية

[doha]

وبعدين صحيح فيه حاجة انا مش فاهمها كل ما ادخل الاقى رسائل لناس اعطونى نقاط ولكنها لا تظهر تحت اسمى يعنى عندى يجى 50 تقييم ويظهر 11 فقط ليه بقى ؟؟

ده لان التقييم الموجود تحت اسمك بيمثل الفرق مابين النقاط الايجابية والسلبية الي اعطيت لك .. يعني تقدر تسميها بلغتنا اهل المحاسبة ( مقاصة ) ..

مثلا انت اخدت 50 تقييم ايجابي من اعضاء مختلفين وفي نفس الوقت حصلت على عشرة تقييمات سلبية منهم هم نفسهم او غيرهم يبقى هيظهر تحت اسمك رقم 40 وهو الفرق بين الرقمين .. اما لو حصل العكس وكان الايجابي هو الي عشرة والسالب 50 يبقى تقييمك هيوصل سالب اربعين ..

ايه هو اللى يختلف معاك فى الراى يبقى عدو يبقى وحش يبقى سوالب حمرا

معليش الحته دي مش فهماها ..

هو يفترض اني ادي ( السوالب ) لحد غير المختلفة معاهم في الراي؟؟

يعني هو مش الايجابي معناها اشد على ايدك وكلامك صح او يسلم فمك زي مابيقولوا والسالب معناها لاه معليش الكلام ده غلط اختلف معه جملة وتفصيلا ؟؟

لو التقييم السالب مخصص للمشاركات الخارجه عن القواعد بس يبقى ايقونة ابلاغ المشرفين وظيفتها ايه ؟؟

زمان كانت فضيلة ان الواحد يقول الحق ( لو على رقبته ) يعني لو فيها قطع رقبة هقول رأيي برضه مش هيهمني .. يبقى ايه المشكلة لو عارفه اني مخالفة للكل وهقول و( هنطس ) تقييم سالب ومع ذلك هقول طالما انا مقتنعه بالي بقوله ؟

التقييم السلبي مهواش شر كله واحنا هنا مش جايين نتنافس على كيلوات الطماطم الي هناخذها عن كل نقطه ايجابية نحصلها .. لا جايين نجمع تأييدات ولا نشكل تكتلات .. كل واحد بيقول كلمه الحق الي معتقد انها هتنفعه عند ربنا لما يسأله .. مش فارقة بقى وقتها خدت كام نقطه ولا انطرح منه بسببها قد ايه ..

ملاحظة : العلامه السلبية الي اخذها على راي قلته عارضت فيه وانا عارفه انه لايلقى قبول الكل وسام على صدري لا اخجل منه طالما ان هدفي قول الحقيقة .. والحقيقة فقط ..

تم تعديل 27 أكتوبر 2010 بواسطة doha

[اغابي]

رد على ما قالته الفاضلة أغابي

طبعا حرية الرأي مكفولة للجميع ولكن ماذا تقولين عن من أعطى تقييم سالب لأحد المحاورين عندما نقل خبر لم تتقبلى محتواه!!!!!!!!

هذا ما قمت به معي في المشاركة :http://www.egyptiantalks.org/invb/index.php?showtopic=110937

وحقا تعجبت كثيرا ولم أرد أو أعطي لك تقييم سالب كما فعلت لمجرد نقلي للخبر

ولكن عندما رأيتك متحمسة في ردودك في هذا الموضوع

أردت استيضاح الأمر منك

فالأولى أن نطبق ما ننادي به على أنفسنا أولا

استاذى الفاضل ما انا قولت قبل كدا فى موضوع مشابه لداه وهو عند مطالبتي بالغاء النقاط الحمراء

قولت انى لما لاقيت نفسي واخدة 18 سالب احمر

عرفت انها حرب ضدي لانى مختلفة معاهم فى العقيدة

فقررت انى ادخل الحرب على الكل

اى حد حينزل موضوع حاديله سالب

وقولت للادارة وبعتلهم رسالة ونبهت ان اى مخلوق حيدينى سالب احمر حاديله قصاده عشرة

واللى حيتكلم فى اى موضوع عقائدي او عن ديني - داه بعد طبعا بعد مهاجمتى فى كل الموضوعات الدينية - انا برضوه حاهاجم الكل

وعليا وعلى اعدائي

مش قصدي ليك انت - انا مش باعرفك - ماهو انا اديت سالب احمر لضحى وهى صاحبتى وعمرها ما ادتنى سالب احمر لكن امتى ادتهولها فى وقت انا كنت مشعللة الحرب على الكل

لكن اسال الزملاء ليه ادونى نقاط سالب فى موضوعات دينية من غير ما تسال الموضوع واضح زى الشمس

والاغرب ان اغلب الى بديونى نقاط موجب اما مسيحيين

واما مسلمين انا كنت سابقتهم بالنقاط الايجابية الخضراء

كدا ما ينفعش كدا غلط انا مش بافرح بالاخضر

لكن الاحمر بالنسبالى هو علامة على الكراهية لا اكثر ولا اقل وانا انشالله كل الناس تكرهنى لكن مش عاروزة اعرف مين اللى بيكرهنى علشان اقدر اتعامل مع الكل

استاذى فكرة النقاط لازم تتحل بشكل او باخر

انا نهاردة واخدة سوالب احمر من مسلم ولانه هو بس كراهية مش اكتر ولا اقل كان بسبب مشاركة

المفروض انى اخد تقديرات - داه لو هو بيقرا اصلا انا كاتبة ايه

ملاحظة اخيرة

سؤالك واستفسارك نفسه كمان

بيدل على عدم فاعلية النقاط السالب وانها تصنع عداء شديد

فهمتنى

تم تعديل 27 أكتوبر 2010 بواسطة اغابي

[nightmare]

التقييم هو نوع من أنواع الأمانة , وبالتالى فإستخدامه يكون عن إقتناع بالفكرة تماماً وإعجابك بهاً فتعطيها الضوء الأخضر , وإما أنك مختلف معها تماماً في الرأي فتعطيها الضوء الأحمر , وليس الأحمر دليل كره أو عداوة شخص لشخص.

من باب الأمانة والموضوعية أيضاً عدم قيام عضو بتعديل مشاركة له كتبها عن إقتناع وفيها خروج عن النص بعد الرد عليها من قبل عضو آخر خالفه في هذا الرأي , وعدم حذف مشاركات تم إقتباس أجزاء منها والرد عليها من قبل عضو آخر اثبت له خطأ ما كتبه او انه جانبه الصواب فيه, حتى يظهر ذلك العضو الذي قام بالحذف أو التعديل بمظهر الحمل الوديع الذي لم يخرج عن النص وان العضو الآخر هو من يرد من تلقاء نفسه, وبالتالى يفقد الحوار موضوعيته.

مع تحياتي

تم تعديل 27 أكتوبر 2010 بواسطة nightmare

[اغابي]

وبعدين صحيح فيه حاجة انا مش فاهمها كل ما ادخل الاقى رسائل لناس اعطونى نقاط ولكنها لا تظهر تحت اسمى يعنى عندى يجى 50 تقييم ويظهر 11 فقط ليه بقى ؟؟

ده لان التقييم الموجود تحت اسمك بيمثل الفرق مابين النقاط الايجابية والسلبية الي اعطيت لك .. يعني تقدر تسميها بلغتنا اهل المحاسبة ( مقاصة ) ..

مثلا انت اخدت 50 تقييم ايجابي من اعضاء مختلفين وفي نفس الوقت حصلت على عشرة تقييمات سلبية منهم هم نفسهم او غيرهم يبقى هيظهر تحت اسمك رقم 40 وهو الفرق بين الرقمين .. اما لو حصل العكس وكان الايجابي هو الي عشرة والسالب 50 يبقى تقييمك هيوصل سالب اربعين ..

ايه هو اللى يختلف معاك فى الراى يبقى عدو يبقى وحش يبقى سوالب حمرا

معليش الحته دي مش فهماها ..

هو يفترض اني ادي ( السوالب ) لحد غير المختلفة معاهم في الراي؟؟

يعني هو مش الايجابي معناها اشد على ايدك وكلامك صح او يسلم فمك زي مابيقولوا والسالب معناها لاه معليش الكلام ده غلط اختلف معه جملة وتفصيلا ؟؟

لو التقييم السالب مخصص للمشاركات الخارجه عن القواعد بس يبقى ايقونة ابلاغ المشرفين وظيفتها ايه ؟؟

برافو يا ضحى

هو اللى انا بقوله

كلنا بقينا مشرفين - بس على ايه على امر والعن ياريتنا مشرفين حقانيين

للاسف التقييم اخدناه اتجاه تانى خالص

ايه انت ما تعرفيش ان النقاط ما بتتاخدش للمختلفين معاهم فى الراى ولا ايه

استاذ عادل بيقول المفروض التقييم يتاخد على المشاركات الخارجة عن القواعد وداه غير صحيح لانه غير معمول بيه

ركزى حتلاقى انها سلف ودين وحرب واختلافات فى الراى - بالعكس السوالب دي اثرت على المنتدى سلبيا مش فى صالحة ابدا

بقى فى ناس كتير عارفين انه مهما خبطلو فى الكلام وبهدلوا الدنيا اخرتها سالب

ولا اتنين حمر والادارة شايلة ايدها من اى عقوبات او مراجعة للمشاركات

يا ضحى انا امبارح واحد فى مشاركة تطاول عليا فى الكلام على شخصي انا - لو سابقا كانت الادارة ادته انذار

لكن محدش عامل حاجة بسبب اعتماد المشرفين على النقاط دى - فين المشرفين يتفرجوا على الالفاظ والتطاولات والاساليب الغير لائقة من البعض

لالا

المنتدى داه ما بقاش زى زمان - هل لان المجموعة العاقلين اغلبهم مشيو وقلة قليلة منهم هم الباقيين

ولا ايه السر ولا النقاط الحمرا

زادت الامر سوءا

؟؟

تم تعديل 27 أكتوبر 2010 بواسطة اغابي

[Diab]

فين صاحبة الموضوع أصلا

[شريف مان]

شوف يا شريف انا اكتر واحدة بديك علامات خضار انت ونايت مار

وارجع شوف انا بعمل معاك ايه

راجع النقاط الخضرا اللى عندك كدا - دى كدا جمايل مش بتردها ليه

:lol:

ايه دا الكلام !! دا اتكتب أمتى !!! أنا أول مرة اقرأه

عجبتنى كلمة جمايل .. بس ازاى اردها .. على حساب فكرى !!!

مشكلتك يا اغابى ان اللى بيديكى تقييم سالب بتفتكرى انه اداهولك عشان مسيحية مش لانه اختلف معاكى فى الرأى .. وأنا شايف ان دا مش صحيح

والاانتى بردوا بتدى لابو عمر تقييم سالب عشان مسلم !!

وكنت بتديلى تقييم موجب عشان تسكتينى !!!!

كلام عجيب

[المهندسه]

يا جماعه اهدوا علشان نلاقى حل ...هو احنا ليه كل ما نيجى نتكلم فى الموضوع ده نتخانق و الناس تعاير بعضها بالتقييمات ...وفى الاخر الموضوع يغلق من غير حل.

يا نايت مير يا اخويا و يا اغابى ا اختى اهدوا شويه ده احنا لسه طالعين من تكريم مفترج و حاولوا ناخد موقف ايجابى يغير الوضع السخيف ده من نقط خضرا و حمرا وفوشيه..مش عارفه الاداره ليه مش عاوزه تاخد موقف و تلغيها و تريحنا..

طيب لو الاداره مش هتاخد الموقف نخده احنا زى موقف عبود كده لاء بجد نحاول نتفق بينا و بين بعض على تقنيه استخدام النقاط ..علشان ما حدش يفهم التانى غلط ..واعتقد ان كان فى عشرات الاقتراحات ال انتوا اقترحتوها بخصوص الموضوع ده..اختاروا منها حل ..لان من ساعه التقييمات دى ما دخلت برجليها المحاورات والكره و البغضاء و الفرقه ظهرت بيننا

اوصلوا لحل احسن من الخناق..

اما عن شريف يا اغابى(بعد اذنك يا شريف) اعتقد انه ذكر قبل كده انه ممنوع من التقييم ما تظلميش الراجل ده اخ عزيز برضه اكيد لو بأيده كان شاركنا فى التقييمات دى لكن هو الوحيد المرتاح والله.

واصلا فين صاحبه الموضوع ؟؟؟حد يناديلها يا جماعه

تم تعديل 27 أكتوبر 2010 بواسطة المهندسه

[عادل أبوزيد]

السلام عليكم و رحمة الله و بركاته

إنا لله إنا إليه راجعون

يعني يا إخواننا الواحد لما يرجع مصر بزوجته بناته هنتبهدل البهدلة دي .. على فكرة أنا رأيي إن أعمال الشركة دي هتؤدي إلى تصاعد و ظهور حركات عنف جديدة سواء من الشعب أو من بعض أفراده و اللي هيكون معظمهم من الشباب و اللي مش هيكون ليهم اي انتماءات لا سياسية ولا دينية .. خلاص كله بيتسحل .. السواق و الطالب و الشيخ و المهندس و المعلم .. كله يا باشا بأة يتسحل و بالتالي لا أستبعد ظهور هذه الحركت العنيفة قريب جداً و ده اللي بتدفع الحكومة الشعب ليه بكل الطرق.

بالنسبة بأة للي بيحصل هنا الأول مفيش داعي يا محاوراتية نصب غضبنا على بعض عيب ميصحش كدة لو في كلام مستفز عندنا ننكره بالوسائل المتاحة و هي كتير .. المهم .. اللي حصل للبنت فعلاً لا يرضي الله ثم لا يرضي أي حد فينا و للأسف كلنا عرضة ليه .. أنا زوجتي في الجامعة دي و أخاف يحصل معاها كدة .. بس عامة لا زالت القاعدة موجودة و هي أن الله سبحانه و تعالى مقسم الأرزاق بخيرها و شرها .. و ربنا بيختبر البنت دي و اي حد يتعرض لبلاء سواء خير أو شر .. المهم أنا رأيي إن البنت كان عندها أكتر من طريقة تتفادى اللي حصل ده .. مش لازم أخبط دماغي في الحيطة .. ما بأقولش تكون جبانة و يهشها تتهش .. إنما ما تجيش في وش التور و تنطح .. دلوقتي الشرطة مالهاش كبير ولا حد في البلد له كبير .. يبا أتعامل معاهم بالحيلة مش راس براس لأن ولا حد في البلد دلوقتي راسه براس الشرطة

يا إخواننا للازم نتعامل على قدر المعطيات مش على قدر الأهواء ... روحي شوية بعيد و ارجعي تاني هتلاقي ظابط تاني يمكن يكون محترم .. يمكن .. روحي بوابة تانية .. مش انتي عاوزة تخشي وخلاص ولا هو عند؟

أنا ما بألومش البنت طبعاً .. الملام الأول في هذا الموقف هو الضابط القذر و قبل منه ولي الأمر حسبنا الله و نعم الوكيل فيهم .. و كمان البيه المقدم اللي مش عارف يلم النقيب ولا يسيطر عليه .. حاجة ديرتي

مكاوى

ما سبق كان مشاركة للفاضل مكاوى فى موضوع "ترضى يحصل ده لأختك" و بقراءة هادئة لهذه المشاركة - مشاركة الفاضل مكاوى - نجد أنه تقريبا كتب ما كتبته الفاضلة جويرية و لكن مع الفارق كتابة الفاضل مكاوى كانت هادئة و بمنطق و لم يستفز جمهور المشاركين فى الموضوع و إن إختلف معهم كلهم - أقصد أغلبهم - الفاضلة جويرية لم تهتم بجمهور المتحاورين ووجهة نظرهم و نست أو غفلت أن الأصل هنا هو الحوار فكانت مشاركاتها - أيضا أغلب مشاركاتها فى هذا الموضوع - كما يقال "قطم بوز" بمعنى عدم إعطاء مجال للحوار و لهذا السبب إجتذبت عدد كبير من التقييمات السلبية.

ملاحظة : الفاضلة أغابى إجتذبت عددا من التقييمات السلبية ربما لنفس السبب فى موضوعين و لكنها تريد أن يكون ذلك لا لشئ إلا لأنها مسيحية و بديهى ألا يبدأ لإقناعها بغير ذلك و لهذا السبب لم آخذ حالتها كمثال لمحاولة فهم التقييم السلبى.

[خالد المسلم]

السلام عليكم ورحمه الله وبركاته

هو بس تعقيب بسيط

مش معنى ان وراحد تقييمه (باد)انه غلط على طول الخط قد يكون :

1-هوه الوحيد اللى صح وكل اللى اداله تقيمات سلبيه غلط

2-هوه صح واللى اداله التقييم السلبى صح بس اللى اعطاله التقييم السلبى لم يعطى لنفسه فرصه ليفهم مراد العضو من الكلام

3-او انه يكون فعلا اخطأوده الاحتمال الابعد لانه صعب جدا ان تلاقى واحد غلطان على طول الخط

للاسف التقييم الايجابى هو نوع من انواع أمانه الكلمه كما قال الفاضل نيت مير لاتعطى :

1-لواحد ياما ادانى تقييمات ايجابيه وجمايله مغرقانى فلازم اكون ابن اصول واردله الجميل

2-او واحد صحبى وحبيبى ولسه داخل المنتدى جديد وانا عاوز اخضره

واحب اضيف انى انا بلبس نظاره سوداء من نوع خاص لا أرى بيها التقييمات سواءا السلبى او الايجابى ولكنها ترينى بوضوح الاعتراض الموجه ليا على راى معين

دعونا نكون طلاب الحق والصواب لاطلاب التقييمات الايجابيه

ولان الاهم تقييمك عن الله سبحانه وتعالى ومنزلتك عنده هوه ده اللى باقى

اما التقييمات واللى بيعطوا التقييمات والمحاورات فهى الى زوال

[Ahmed Anwer]

عن تجربة في عدة منتديات

نظام التقييمات بيعمل مشاكل بدون أي داعي

ما سبق كان استهلالا لابد منه

رأيي الشخصي يتلغي

و عن تجربة ،،،

علي الأقل خالص يتلغي التقييم السلبي

و يكون تقييم إيجابي أو خاصية ( شكرا ) ،،، يا يعجبني أشكره يا ميعجبنيش ارد علي رأيه أو أطنشه

ده بالنسبة للإدارة

و بالنسبة للأعضاء كبروا دماغكم

يعني أنتا هتيجي تسافر بره يوقفوك يقولوك ده أنتا تقييمك باد في محاورات المصريين !!!

أنتوا داخلين علي الانترنت تنسوا الهموم و تمارسوا هواية و تفيدوا و تستفيدوا

مش ناقصة تقرفوا نفسكم علي النت كمان

[جويرية]

بعتذر عن التأخير في الرد و بشكر الأستاذ عادل علي طرح هذا الموضوع

[جويرية]

هل ترى ترجع المسألة لظروف جويرية ذلك اليوم أم لظروف الموضوع نفسه

صحيح ظروفي ممكن تخلق شخص عدواني ، بس مظنش اني عدوانية ، انا مليش مشاكل مع حد ، او يمكن انا عدوانية و انا مش حاسة هههههههههههه

اما بالنسبة للموضوع نفسه

اظن ان الطلبة دول مشتركين في اللي بيسموه اسر و يبدو ان نشاطهم مش عاجب ادارة الجامعة ، المفروض بقي ادارة الجامعة تعمل ليهم اجتماعات تفهمهم ايه الأنشطة المفيدة اللي يقدروا يعملوها و ايه اللي يعتبر تضيع وقت و عدوانية ، وجايز بيتكلموا في موضوع المسيحين و المسلمين اللي طلبة كتير شاغلين نفسهم بيه

مش اجتماع بس ، مفروض يبقي فيه دراسات انسانية توجه الطالب ده في حياته ، يعمل ايه يهتم بيه يتعامل مع الناس ازاي ، لكن طبعا المواد كلها علمية جافة ، و الطلبة دول عبارة عن صناديق مغلقة محدش عارف مخهم فيه ايه

فمثلا يتعمل اجتماع للطالبات دول و يتوجههوا الوجهه السليمة و اذا اصروا علي نشاطهم المخالف ، يتم انذارهم بالعقوبات المناسبة

طبعا الكلام ده محصلش، و الكرة بقت في ملعب الأمن

الأمن طبعا كان الأجراء ممنوع دخول الطالبات دول ، الطالبات طبعا رد فعلهم زعيق و صوت عالي ، وزي اي خناقة بقي كلمة من هنا و كلمة من هناك و ينتهي الموضوع بالضرب

طيب يا ريت يبقي فيه نظام ، لو فيه نظام الناس دي كلها مش حتخبط في بعض

تم تعديل 31 أكتوبر 2010 بواسطة جويرية

[جويرية]

بشكر الأخوة اللي قالوا اني مستحقش التقيم السلبي

[جويرية]

ما سبق كان مشاركة للفاضل مكاوى فى موضوع "ترضى يحصل ده لأختك" و بقراءة هادئة لهذه المشاركة - مشاركة الفاضل مكاوى - نجد أنه تقريبا كتب ما كتبته الفاضلة جويرية و لكن مع الفارق كتابة الفاضل مكاوى كانت هادئة و بمنطق و لم يستفز جمهور المشاركين فى الموضوع و إن إختلف معهم كلهم - أقصد أغلبهم - الفاضلة جويرية لم تهتم بجمهور المتحاورين ووجهة نظرهم و نست أو غفلت أن الأصل هنا هو الحوار فكانت مشاركاتها - أيضا أغلب مشاركاتها فى هذا الموضوع - كما يقال "قطم بوز" بمعنى عدم إعطاء مجال للحوار و لهذا السبب إجتذبت عدد كبير من التقييمات السلبية.

انا عارفة اني ساعات بقول رأيي و خلاص بدون استعداد للحوار

بس ده مش اصرار و اني مبخدش رأيي حد

بس معرفش مبقتش اقدر اكتب كتير زي الأول ، فممكن اكتب رأيي باختصار ، يعني بقول اهو اكتب بسرعة و اهو شئ احسن من لاشئ

[جويرية]

بس ليا تعليق علي الناس اللي بتستخدم اسلوب الضرب او الشتيمة في شغلها

هوه طبعا اسلوب غير مقبول بس هوه بيضطر ليه لأحد سببين

اما ان اللي قدامه ده بيرفض القانون اما عن جهل او عن تكبر

او ان القانون ده غلط اصلا ، و ان مطلوب من اللي في ايده السلطة انه ينفذ القانون ده

و يبقي هوه عبد المأمور هوه الجاني و المجني عليه

تم تعديل 31 أكتوبر 2010 بواسطة جويرية