اقتراح بشأن آلية التقييم ..

[doha]

خطر لي أن اقترح عليكم فكرة ممكن تخلي للتقييم فائده وفاعليه اكثر من الموجود حاليا ..

هل في امكانية تقنية تخلينا نستغل خاصية التقييم الايجابي بحيث يظهر تحت المداخلة الاولى في اي موضوع ( الي هي صلب الموضوع ) اكثر مداخلتين تم حصلوا على اعلى تقييم ايجابي في الموضوع ده ثم فاصل وبقية المداخلات في سيياقها الطبيعي بما فيها المداخلتين المميزتين ؟

الفكرة دي مطبقة في اليوتيوب وفي جوجل اجابات واجدها مناسبة جدا للتطبيق في المحاورات بحيث ان يبقى في معنى بجد لاني اقيم مداخله ما وكأني برشحها لتكون هي اول مايراه زائر الموضوع او خلاصة مايتم التحاور بشانه ..

ارجوا سماع ارائكم من حيث المبدأ نفسه ومن حيث امكانية تطبيقها ـ تقنيا ـ من عدمه ..

تم تعديل 27 أكتوبر 2010 بواسطة doha

[masraweya]

السلام عليكم

اخترت نعم

لكن هذه المشاركات بنزعها من سياقها قد لا تمثل إضافة عندما أقرأها في بداية الموضوع

بالتأكيد ستكون مفيدة إذا كانت تقدم فكرة متكاملة.. عندها يكون التقييم فقط على أساس جودة المشاركة و إيجابيتها بالنسبة للموضوع .. و ليس فقط اتفاقنا معها

تم تعديل 27 أكتوبر 2010 بواسطة masraweya

[mekkawy]

مؤيد لاقتراح الفاضلة ضحى

مش ده و بس

و كمان مؤيد لاقتراحها السابق (أو اقتراح أحد الافاضل معذرة مش فاكر) عن تقنين خاصية التقييم في التاب الايجابي فقط .. عاجبك اديله ايجابي مش عاجبك سيبه في حاله بدل ما بعض الناس أخدتها لعبة و هوى

مكاوى

[اغابي]

خطر لي أن اقترح عليكم فكرة ممكن تخلي للتقييم فائده وفاعليه اكثر من الموجود حاليا ..

هل في امكانية تقنية تخلينا نستغل خاصية التقييم الايجابي بحيث يظهر تحت المداخلة الاولى في اي موضوع ( الي هي صلب الموضوع ) اكثر مداخلتين تم حصلوا على اعلى تقييم ايجابي في الموضوع ده ثم فاصل وبقية المداخلات في سيياقها الطبيعي بما فيها المداخلتين المميزتين ؟

الفكرة دي مطبقة في اليوتيوب وفي جوجل اجابات واجدها مناسبة جدا للتطبيق في المحاورات بحيث ان يبقى في معنى بجد لاني اقيم مداخله ما وكأني برشحها لتكون هي اول مايراه زائر الموضوع او خلاصة مايتم التحاور بشانه ..

ارجوا سماع ارائكم من حيث المبدأ نفسه ومن حيث امكانية تطبيقها ـ تقنيا ـ من عدمه ..

مش فاهمة

طب السالب موجود ولا مش موجود

؟؟

فهميني

؟؟

[raouf]

انا مؤيد لاقتراحك مع بعض التغيير

التقييم يكون للموضوع الرئيسى فقط وليس للردود

وكل 5 او 10 تقييمات مثلا تعطى نقطة سواء بالسالب او الموجب

[doha]

السلام عليكم

اخترت نعم

لكن هذه المشاركات بنزعها من سياقها قد لا تمثل إضافة عندما أقرأها في بداية الموضوع

بالتأكيد ستكون مفيدة إذا كانت تقدم فكرة متكاملة.. عندها يكون التقييم فقط على أساس جودة المشاركة و إيجابيتها بالنسبة للموضوع .. و ليس فقط اتفاقنا معها

اكيد في مشاركات كتير لما تنزع من ( تسلسلها ) بين المشاركات الاخرى ممكن متكونش مفهومه بدرجه كافية او تعطي نفس الانطباع المرجو وعشان كده هي هتبقى في سياقها زي ماهو بين المشاركات الاخرى بحيث الي مش فاهم او كده يرجع يقراها تاني في تسلسلها الطبيعي ..

ميزه الآلية دي انها هتخلي المطلع على الموضوع ياخذ فكرة ( سريعه ) عن محتوى الحوار فيه والاهم انه مش هيرجع يقول رأي قيل قبل كده .. اعتقد ان اعتماد الالية دي هيؤدي للحد بشكل كبير من طول الموضوعات الي ممكن لو لخصناها نلاقي معظم الي بيقال فيها قيل قبل كده في صفحات سابقة بس اختفى وسط الركام بما يستدعي قوله مرة اخرى ..

ده بخلاف ان غالبا المشاركه الي بتبقى على قمه المشاركات بتكون هي راي الاغلبية اي هي نفسها غالبا رأي متصفح الموضوع ..

[doha]

مش فاهمة

طب السالب موجود ولا مش موجود

؟؟

الخاصية دي ملهاش علاقه بوجود السالب او عدم وجوده .. يعني فيما لو قررت الادارة الغاء التقييم السالب فده مش هيأثر على المشاركات المرفوعه للمقدمه ..

لكن وجود التقييم السالب ممكن ينزل مشاركه ما من المقدمة بما يتيح المجال لاخرى بالظهور ..

على كل حال الخاصية دي مطبقة في اليوتيوب والجوجل اجابات زي ماقلت قبل كده ممكن تطلعوا عليها هناك لمزيد من ايضاح الفكرة ..

[شريف مان]

يعنى اللى بياخد تقييم سالب بيعمل مشكلة عشان بعد ما كان 900 هيبقى 899

أمال لما ياخد تقييم سالب وبكده رده بدل ما يكون فى اول الموضوع هيبقى فى آخره هيعمل ايه !!!

فكرة جيدة جدا .. بس حتى لو اطبقت ... هتعمل مشاكل ونسيىء استخدامها ( بتكلم على نفسى عشان محدش يزعل )

[doha]

يعنى اللى بياخد تقييم سالب بيعمل مشكلة عشان بعد ما كان 900 هيبقى 899

أمال لما ياخد تقييم سالب وبكده رده بدل ما يكون فى اول الموضوع هيبقى فى آخره هيعمل ايه !!!

فكرة جيدة جدا .. بس حتى لو اطبقت ... هتعمل مشاكل ونسيىء استخدامها ( بتكلم على نفسى عشان محدش يزعل )

لاه الي هياخذ تقييم سالب رده مش هيبقى في اخر الموضوع ولا حاجه هيبقى زي ماهو في تسلسله الطبيعي مع بقية الردود .. بس اعلى ردين الي هيطلعوا فوق في برواز لوحدهم كده تحت الرد الاول او الموضوع الاصلي ثم تاتي بقية الردود تباعا زي ماهي بترتيبها الطبيعي بما فيها اعلى ردين تاني ..

[شريف مان]

موافق .. بس ياريت الاستاذ عادل يقولنا ممكن الخاصية تطبق ام لا

[Advisor]

بداءة أعتذر عن التأخر فى التعقيب على هذا الموضوع و أشكر لكى إهتمامك بزيادة تفعيل الحوار فى محاورات المصريين.

ما سبق كان إستهلالا لابد منه

أن يبدأ الموضوع دائما بملخص أو خلاصة الموضوع حتى الآن هدف جيد أو دعنا نقول أنه الوضع الأمثل و لكنه غير قابل للتحقيق سواء يدويا أو من أى تقنية سواء فى محاورات المصريين أو غيرها، ببساطة أن أى موضوع يبدأ بمشاركة واحدة و يستتبعها مشاركات عديدة من العديد من المشاركين و كل مشاركة هى إضافة لمحتوى و معنى الموضوع الأمر يتطلب تقنيا نوع من الذكاء الصناعى الذى يقرأ الموضوع كله كلما أضيفت مشاركة جديدة و يحدد قيمة هذه المشاركة ووضعها بالنسبة للموضوع كله و فى نفس الوقت متابعة التقييم و تغيراته أولا بأول ..... هذا من الناحية التقنية

و من الناحية اليدوية يتطلب الأمر من القائمين على إدارة محاورات المصريين قدر كبير من التفرغ لمتابعة تطور كل الموضوعات و تعديل سياق الموضوعات بإستمرار.

كما ذكرت الوضع الأمثل أن نعرف محتوى و خلاصة الموضوع من الأسطر الأولى فيه و توجد خاصية الآن تعرض المشاركة الأولى و الأخيرة بمجرد مرور "الماوس" على العنوان و نبذل جهدنا مع الأعضاء و مع فريق الإشراف لتكون عناوين الموضوعات و وصفها معبرة -قدر الإمكان - عن محتواها ، و جربنا قبل ذلك تقنية للتعديل الأوتوماتيكى لعنوان الموضوع فكانت نكتة إذ كانت تأخذ السطر الأول من المشاركة الأولى و تضعه "عميوى" كوصف للموضوع.

تفضلتى حضرتك بالإشارة إلى الموضوعات الطويلة و أنا أرى أنها مشكلة لأن بعد عدد من المشاركات نفقد السياق و أحد الإقتراحات أن لا يزيد طول أى موضوع عن ست صفحات مثلا و يمكن لصاحب الموضوع أن يفتح موضوعا آخر بنفس العنوان مع إضافة رقم 2 أو 3 إلخ و يصيغ المشاركة الأولى فى الموضوع الجديد بطريقة تلخص محتوى الموضوع الأصلى و هكذا ....مجرد فكرة