الله يرحمك يا مبارك ( بقلم : محمد سنجر )

[محمد سنجر]

( طرقات قوية أيقظتني من نومي فزعا ،

انطلقت صرخة طفلي الرضيع مذعورا تشق صمت الليل ،

هممت باستبيان الأمر ، صوت انكسار الباب شل حركتي ،

أعمى عيني أضواء مصابيحهم القوية ،

اغتصب سمعي صوته الجهوري )

ـ فز قوم يا ابن الوزة ....

( صرخات أطفالي و زوجتي و أخواتي حالت دون سماع بقية موجات لعناتهم المتتالية ،

وجدتني مجرورا على الأرض في اتجاه الباب ،

باءت كل محاولاتي للمقاومة بالفشل ،

انهالت زوجتي بالشبشب على رؤوسهم )

ـ سيبوه يا زبالة يا ولاد الزبالة ، واخدينه على فين ؟

( سدد أحدهم إليها ركلة قوية في بطنها فطارت ملتصقة بالجدار ،

جرى الأطفال إليها يصرخون ،

ركلني أحدهم بقوة فسقطت متدحرجا على دركات السلم ،

ألم رهيب سيطر على جسدي نتيجة ارتطامي بزوايا السلم الخشبي الحادة ،

لا أعلم كم من الوقت مضى و أنا غائب عن الوعي ،

استيقظت على أصوات بعض النساء و الرجال الذين التفوا حولي ،

نظرت هنا و هناك أحاول استبيان الأمر ،

فإذا بنا داخل غرفة مظلمة إلا من شعاع ضوء خافت متسلل من إحدى نوافذها العالية ،

بدأت الرؤية تتضح بعيني شيئا فشيئا ،

الكثير من الناس يقفون هنا و هناك ،

تحرش بسمعي بكاء بعض النساء الجالسات ،

اكتظ المكان بالمساكين أمثالي ،

ناولني أحدهم إناءا معدنيا صدئا )

ـ اشرب اشرب ، حمد الله على السلامة ....

( رفعت الإناء أفرغ ما بداخله بجوفي ،

شدة الظمأ جعلتني أتناسى هذه الرائحة العفنة للسائل الذي أتناوله ، حاولت السيطرة على هذه الرغبة التي بدأت تتأجج بمعدتي لإفراغ ما بداخلها ،

أين أنا ؟ ماذا حدث ؟؟؟؟

و إذا بصوت أظن أنني أعرفه يداعب سمعي )

ـ حتى أنت كمان يا أستاذ ؟

( التفت ناحية الصوت و إذا بالخالة لبيبة تجلس بجواري ،

صرخت فرحا )

ـ خالة لبيبة ؟ خالة لبيبة ؟

ـ حتى أنت ما سلمتش من إيديهم ؟

ـ مين دول ؟

ـ ولاد الكلب اللي جابوك هنا ....

ـ هو إحنا فين بالظبط ؟

( أخذتها حالة هستيرية من الضحك حتى استشرى الضحك بين الجموع ،

حاولت الخالة لبيبة التماسك للرد على سؤالي )

ـ ها ها ها ، إحنا في الهيلتون يا أستاذ ( انفجر المتواجدون ثانية في الضحك) ها ها ها ، تحب نعمل لجنابك إيه على العشا ؟؟؟؟؟ ها ها ها ....

ـ كده برضه ؟ الله يسامحك ....

ـ طب قولي أنت ، أرد عليك أقولك إيه ؟؟؟؟؟

ـ لا و لا حاجة طب احنا إمتى و فين ؟

ـ إحنا سنة ألفين و خمسة و تلاتين ، أما بقى احنا فين ؟ ففي المعتقل يا سعادة البيه ، مش شايف بعينك الزبالة اللي رمونا فيها ؟؟؟؟؟

ـ معتقل ؟ طب و يعتقلونا ليه إن شاء الله ؟ هو أنا عملت لهم إيه ؟؟؟؟؟

ـ مش لازم تكون عملت ، ما تخافش هما ها يخلوك تعمل غصبا عن أبو خاشك ....

ـ أعمل إيه لا مؤاخذة ؟

ـ تعملها على نفسك ، هاهاهاهاها ( انفجرت في الضحك )

ـ هي طالبة معاك ظرافة ع الصبح و إلا إيه بالظبط يا ولية أنتي ؟؟؟؟؟

ـ ما هو إنت اللي بتسال أسئلة غريبة ، الجماعة دول مش محتاجين إن سيادتك تعمل حاجة أصلا عشان يودوك في ستين داهية ، هما مرتبين لك كل حاجة ، و مفصلين لك حاجة على مقاسك و كل ما عليك تلبس و تقعد و تتهنى ، شفت مريحينك ع الآخر إزاي ؟؟؟؟

ـ آآآآآآه ، فهمت ، يعني كلنا كده في الشخرمة لا مؤاخذة ؟؟؟؟؟

ـ الله ينور عليك ، حمد الله ع السلامـــــــة .......

ـ طب و عيالي و مراتي ؟؟؟

ـ ربنا يتولاهم بقى ، إنت شوف نفسك الأول ، بس ادعي ربنا كده إنك ما تستحلاش القعدة و تطول عشان ما تتعذبش كتير و تخلص بدري بدري ....

ـ لا حول و لا قوة إلا بالله ، معقولة الكلام ده ؟؟؟؟

ـ و مش معقولة ليه ، كل يوم يدخلوا علينا يصطادوا لهم تلاتة أربعة مننا و ما يرجعوش تاني .....

ـ و تهمتي إيه بقى إن شاء الله ؟

ـ لاااا من الناحية دي اطمن ، ها يفصلوا لك تهمة برضه على مقاسك بالظبط ، ما تقلقش إنت بس ...

ـ ليه ؟ هي سايبة و إلا سايبة ؟ ما فيش قانون في البلد ؟

ـ قانون إيه يا أبو قانون ، قانون إيه يا أبو قانــــون ، تكونش فاكر نفسك في بلد الأمن و الأمان ؟؟؟؟ ههههههه ده كان زمان و جبر و طلع لك في قفاك وبر ، دلوقتي بقت بلد الكوسة و البتنجان ، ما خلاص خلصت خلاص ،

مش قعدتوا تقولوا ( كفاية كفاية ) لحد ما خربوتوها و قعدتوا على تلها ؟؟؟؟ استلقى وعدك بقى ،

مش هما دول اللي قعدتوا تقولوا إنهم ها يصلحوا البلد ؟؟؟؟

فاكر لما قعدتوا تقولوا ( التغيير التغيير ها يخلي الرغيف ده كبير ) ؟

أدينا سمعنا كلامكم و غيرنا ، حصل إيه بقى ؟ تقدر تقول لي ؟ و إلا ( ما حصلش لسه ) على رأي نيللي ؟

بالعكس ، أهي بقت أظرط م الأول عشروميت مرة ،

الديون ؟ أهي زاطت و بقت أكتر من الأول ،

الفقر ؟ أهو زاد و غطى و ما بقناش لاقيين حتى ورق الشجر ،

الدولار ؟ أهو بقى بتلاتة و عشرين جنيه و نص ،

الأمراض ؟ إلا ما فيه حد فينا إلا عنده كوكتيل ، إيشي سرطان على دبحة على بلهاريسيا على كبدي على سكر و ضغط و فشل كلوي ،

البطالة ؟ أهي الرجالة و الستات زي ما أنت شايف قاعدين لا شغلة و لا مشغلة ، و أهو الطلاق و العنوسة و الرشوة و المحسوبية و البلطجة و الجواز العرفي و التحرش و الجريمة زادوا عن الأول شخروميت مرة ،

قلت لك م الأول يا أستاذ العيب فينا إحنا ما سمعتش كلامي ، إحنا أوس البلاوي و إحنا اللي عايزين ( تغيير ) و إحنا اللي ( كفاية ) ، إحنا اللي نستاهل ضرب الجزم ، إحنا اللي بنسرق و إحنا اللي بننهب في البلد و إحنا اللي بنخرب و نبوظ ، قلت لك من الأول إن إحنا اللي ناقصين رباية ما سمعتش كلامي ،

يا ريتكم كنتوا سمعتوا كلامي م الأول ، يا ريتكوا سمعتوا كلامي ، و يا ريتها كانت دامت ، يا ريتها كانت دااااااااااااامت ، الله يرحمه و يرحم أيامه ،

الله يرحمك و يرحم أيامك يا مبـــــــارك ،

الله يرحمك و يرحم أيـــــامك يا مبـــــــــــــــــارك .......

[mekkawy]

محاولة طيبة يا أخ محمد أحييك عليها

بس هي معادلة شعب + نظام حاكم = نجاح أو فشل

مفيش معادلة من طرفين .. لازم يكونوا 3 أطراف .. مينفعش المعادلة تكون شعب = نجاح أو فشل ولا ينفع تكون نظام حاكم = نجاح أو فشل

لازم الاتنين مع بعض و يا عمي بهدلة ببهدلة خلينا نجرب اصناف جديدة من البهدلة

مكاوى

[masraweya]

قلت لك م الأول يا أستاذ العيب فينا إحنا ما سمعتش كلامي ، إحنا أوس البلاوي و إحنا اللي عايزين ( تغيير ) و إحنا اللي ( كفاية ) ، ......

من غير احنا ما نتغير .. حتى لو جه حاكم كويس .. بعد شوية ممكن يتغير

[اغابي]

نظرتك تشبه نظرة العراقيين

العراقيين بيقولوا ياريت صدام ما متش - كان ارحم من الوضع المحزن اللى بنعيشه اغلبنا لاجئين لحدود تركيا

لكن برضوه نظرتك شوية تشاؤمية

لان من الممكن ان العكس - نتذكر مبارك ونحن نتمدد على الريكة فى حديقة منزلنا

وننظر الى الرخاء الذي نعيشه ونقول

الله يسامحك يا مبارك - ما هو خير مصر كتيررررر - كنت مخبيه عننا فين طول السنين دي ؟؟

:roseop:

تم تعديل 27 أكتوبر 2010 بواسطة اغابي

[اغابي]

اقولك العيب فى الحكومة مش فى الشعب - الحكومة عملت من الشعب عجينة صلصال وشكلتنا زى ما هى عاوزة

احزاب

فتن طائفية

امراض

تكدس

سؤء خدمات

فقر

تخلف

فساد

رشوه

قضاء غير نزيه

شرطة وقانون الطوارىء

:roseop:

تم تعديل 27 أكتوبر 2010 بواسطة اغابي

[se_ Elsyed]

نظرتك تشبه نظرة العراقيين

العراقيين بيقولوا ياريت صدام ما متش - كان ارحم من الوضع المحزن اللى بنعيشه اغلبنا لاجئين لحدود تركيا

لكن برضوه نظرتك شوية تشاؤمية

لان من الممكن ان العكس - نتذكر مبارك ونحن نتمدد على الريكة فى حديقة منزلنا

وننظر الى الرخاء الذي نعيشه ونقول

الله يسامحك يا مبارك - ما هو خير مصر كتيررررر - كنت مخبيه عننا فين طول السنين دي ؟؟

:roseop:

والله لسه بنتكلم أنا ومجموعة من زملاء في العمل في الموضوع ده ومعانا دكتور سعودي .. حتى هو بيقول " بكره تترحموا على ايامه "

فقلت له ليه ياعم ؟ هو مكتوب على جبين اللي خلفونا إن يحكمنا حرامية وديكاتوريين ؟

يعني إحنا ما نشبهش لماليزيا أو كوريا أو حتى دُبي ؟

في إيه يا جدعان ...

بيتهيألي الكتالوج مافيهوش أسوء من كده ..

بجد والله

بقى إعتقاد راسخ عندي إن أي معزه هاتيجي تُحكم لن تكون اسوء من ذلك ... لإن لا شيء تحت القاع ....

حلوه والله الجُملة دي ... ينفع إسم فيلم دراما سوداء " لا شيء تحت القاع " بقلم الفنان المؤلف المرحوم ( سين سين عبد القدوس )

بطولة فنانة الكوميديا أمينة رزق ..

مع المونولوجست الساخر عبد الوارث عسر

بالإشتراك مع صاروخ الفكاهة / زكي رستم

[Howayda Ismail]

لو فى عدالة فى توزيع ثروة البلاد وميباقش فى واحد فوق واحد تحت بمعنى واحد مرتبه فوق

100 الف فى الشهر فى حين مواطنه الاخر بيفكروا يعدلوا مرتبه ليوصل 150 جنيه مش مكفينه حتى

عيش حاف صدقونى مش حنشوف كم الفساد والرشاوى بالكم اللى شيفينه دلوقت الا ان كان بقى

فساد الذمم والضمير حيظل معشش فى نفوس فئات معينة وهى دى الفئةاللى بتزيد غنى على غناها

احنا محتاجين عملية تطهير نفوس من اول الوزير لحد الغفير

فى ناس كويسة لكن الظروف والحوجة وربما رؤساءهم الغير شرفاء بيجبروهم يسايروا الموجة

حتى لو فكر يسبح ضد التيار يا اما يتعاقب بقوف ترقيته او حوافزه او نقله عشان يتربى

ويمشى تبع القطيع واصبحت منظومة الفساد رئيسها واللى يخالفها ذنبه على جنبه

المحتاج نترحم عليه فعلا الانسان المصرى بمعنى انسان لاننا كلنا اصبحنا بنى أدمين بدون انسانية

[Alshiekh]

السلام عليكم

فى رأيى إن فكرة المقال هى فكرة انهزامية خبيثة ومحبطة لأى آمال فى التقدم نحو الإفضل.

" اللى نعرفه أحسن من اللى مانعرفوش " هى المقولة المفضلة للكسالى وتنابلة السلطان ومن يقبلون بالعبودية والخنوع.

التغيير هى سنة الحياة ، وعندما نعرف كيف ومتى نغير الحاكم وحكومته ، وعندما يعرف الحاكم لنه ليس مخلدا فى منصبه وأنه سيحمل لقب " سابق " فى احد الايام سيعرف كيف يحترم آدمية محكوميه.

دعونا نجرب غيره ، وغيره وغيره ، سيأتينا من هو أفضل وسيأتينا من هو أسوء ، ولكننا فى النهاية سيكون عندنا أمل فى القادم الجديد.

فرق كبير بين ان ننتقد انفسنا ونصلح من حالنا وأفعالنا ، وبين أن نسبح بحمد الديكتاتورية ونترحم على ايامها السوداء .

تحياتى !!!

[bentmasria]

محمد سنجر تتألق مرة أخرى حتى فى الحلم

سامحونى اصدقائى الأعزاء فأنا لا أرى فكرة انهزامية هنا بين السطور بل أرى نداء واستغاثة استيقظوا حتى لا يحدث هذا فهناك من حدث لهم هذا بالفعل وربما أصبحوا حقا يتمنون أياما تناسوا فيها كرامتهم على أيدى الطغاة لأنهم باللسبية والتبعية فقدوا ماهو أعظم بمرور الوقت

هذه وخزة محب لعقولنا وضمائرنا وتحليل قوى لما يمكن ان يؤول إليه الحال لو لم ننتبه وربما سوداوية لكن بريق الأمل الذى لا يفارق أرواحنا سيجعنا نأمل للأفضل لكن هل سنأمل فقط ام أننا سنعمل جاهدين الا نرى ما وصفه محمد سنجر فى أحلامه

وبعيدا عن السياسة

حبكة ومحتوى قيمين وابداع فى فن القصة القصيرة كبناء قوى جدا رائع يا سنجر ويارب يا بلد نصحى وما نروحش فى التوهة

وحشتونى

البنت المصرية

[محمد سنجر]

محاولة طيبة يا أخ محمد أحييك عليها

بس هي معادلة شعب + نظام حاكم = نجاح أو فشل

مفيش معادلة من طرفين .. لازم يكونوا 3 أطراف .. مينفعش المعادلة تكون شعب = نجاح أو فشل ولا ينفع تكون نظام حاكم = نجاح أو فشل

لازم الاتنين مع بعض و يا عمي بهدلة ببهدلة خلينا نجرب اصناف جديدة من البهدلة

مكاوى

شكرا جزيلا لك

أخي العزيز

مكاوي

و لكن

التشبيه الحقيقي لحالنا

هو الهرم

هناك قاعدة للهرم

و فوق هذه القاعدة طبقة أخرى أقل حجما لكنها من افرازات القاعدة

و فوقها طبقة أخرى أقل حجما و هي أيضا من مفرزات الطبقة التي تحتها

و هكذا الطبقات العديدة التي فوقها

حتى نصل لقمة الهرم

الذي هو افراز الطبقة التي تحتها و هكذا حتى نصل للقاعدة

و إذا كانت القاعدة صالحة و ثابتة بالأرض و مبينية على طرق سليمة

فستكون التي فوقها أصلح و أمتن و أثبت

و هكذا حتى نصل لقمة الهرم

و إذا كانت القاعدة سيئة

فستكون الطبقة التي فوقها أسوء

و هكذا أيضا حتى نصل لقمة الهرم

المشكلة أننا لا نفكر بطريقة سليمة

و نتعجل الحل و نبحث عن الحلول البسيطة السهلة التي لن تكلفنا شيئا

فتغيير قمة الهرم أسهل بكثير من الطريقة الصحيحة

و لذلك نغمض العين و نسعى للتغيير العشوائي السهل

املات في ان نصل لحل سريع و فوري لمشكلة ضخمة و عظيمة

و كلها ما هي إلا مسكنات وقتية يزول الألم و لا نحس به

و لكن المرض ينخر في الهرم و يستشري

و ساعتها ستكون النتيجة غاية في السوء و الفجيعة أعظم و العياذ بالله

[محمد سنجر]

قلت لك م الأول يا أستاذ العيب فينا إحنا ما سمعتش كلامي ، إحنا أوس البلاوي و إحنا اللي عايزين ( تغيير ) و إحنا اللي ( كفاية ) ، ......

من غير احنا ما نتغير .. حتى لو جه حاكم كويس .. بعد شوية ممكن يتغير

كيفما تكونوا يولى عليكم

فالحكام و المسؤولون مهما كبر هذا المسؤول و كبرت مسؤوليته او صغر

من مفرزات الشعوب

حد يقدر يعمل لنا من الفسيخ شربات ؟؟؟؟؟؟

[محمد سنجر]

نظرتك تشبه نظرة العراقيين

العراقيين بيقولوا ياريت صدام ما متش - كان ارحم من الوضع المحزن اللى بنعيشه اغلبنا لاجئين لحدود تركيا

لكن برضوه نظرتك شوية تشاؤمية

لان من الممكن ان العكس - نتذكر مبارك ونحن نتمدد على الريكة فى حديقة منزلنا

وننظر الى الرخاء الذي نعيشه ونقول

الله يسامحك يا مبارك - ما هو خير مصر كتيررررر - كنت مخبيه عننا فين طول السنين دي ؟؟

:roseop:

إنما هي نداء استغاثة للتغيير حتى لا نصل لما هو أسوء من تخيلاتي في هذا الموضوع

فالوضع سيكون أكثر قتامة لو سعينا للتغيير بعشوائية لمجرد التغيير

فلابد من أن ننظر لقاعدة الهرم التي تفرز هذه الطبقات التي فوقها حتى نصل لقمة الهرم

كيفما تكونوا يولى عليكم

[محمد سنجر]

اقولك العيب فى الحكومة مش فى الشعب - الحكومة عملت من الشعب عجينة صلصال وشكلتنا زى ما هى عاوزة

احزاب

فتن طائفية

امراض

تكدس

سؤء خدمات

فقر

تخلف

فساد

رشوه

قضاء غير نزيه

شرطة وقانون الطوارىء

:roseop:

الحكومات افرازات الشعوب

و كذلك كل مسؤول في أية جهة

ما هو إلا صورة من المسؤول عنهم

و لكننا نفكر بسطحية

و في الحل السهل الذي لن نخسر فيه شيء

إنما هي و الله مسكنات ننسى بها المرض و آلامه و لكن المرض يستشري و النار تظل تحت الرماد

و سيأتي اليوم الذي يتداعى فيه البناء و يقع على رؤوسنا جميعا

و وقتها لن ينفع ندم فالوقت ساعتها يكون قد فات

و حصل ما حصل

دمتم بخير

[محمد سنجر]

نظرتك تشبه نظرة العراقيين

العراقيين بيقولوا ياريت صدام ما متش - كان ارحم من الوضع المحزن اللى بنعيشه اغلبنا لاجئين لحدود تركيا

لكن برضوه نظرتك شوية تشاؤمية

لان من الممكن ان العكس - نتذكر مبارك ونحن نتمدد على الريكة فى حديقة منزلنا

وننظر الى الرخاء الذي نعيشه ونقول

الله يسامحك يا مبارك - ما هو خير مصر كتيررررر - كنت مخبيه عننا فين طول السنين دي ؟؟

:roseop:

والله لسه بنتكلم أنا ومجموعة من زملاء في العمل في الموضوع ده ومعانا دكتور سعودي .. حتى هو بيقول " بكره تترحموا على ايامه "

فقلت له ليه ياعم ؟ هو مكتوب على جبين اللي خلفونا إن يحكمنا حرامية وديكاتوريين ؟

يعني إحنا ما نشبهش لماليزيا أو كوريا أو حتى دُبي ؟

في إيه يا جدعان ...

بيتهيألي الكتالوج مافيهوش أسوء من كده ..

بجد والله

بقى إعتقاد راسخ عندي إن أي معزه هاتيجي تُحكم لن تكون اسوء من ذلك ... لإن لا شيء تحت القاع ....

حلوه والله الجُملة دي ... ينفع إسم فيلم دراما سوداء " لا شيء تحت القاع " بقلم الفنان المؤلف المرحوم ( سين سين عبد القدوس )

بطولة فنانة الكوميديا أمينة رزق ..

مع المونولوجست الساخر عبد الوارث عسر

بالإشتراك مع صاروخ الفكاهة / زكي رستم

مع شديد احترامي لوجهة نظرك

و لكننا بالفعل لا نشبه لماليزيا و لا كوريا

و لا لأي بلد من هذه البلاد التي غيروا فيها القاعدة

فهناك إذا ما رآك طفلا ترمي شيئا بالشارع

ستراه ينهاك عما تفعل

و أحب هنا أن أذكر تجربة أحد أصدقائي

كان في فرنسا

و كان يحمل كيسا به بعض أصابع الموز

و كلما قشر إحداها رماها بالشارع

حتى وصل به الطريق إلى إحدى الحدائق و جلس هناك و معه بقية من الموز

و ساعتها لاحظ طفلا صغيرا يقف ينتظر بجانبه

فساله لماذا تقف هنا بجانبي و تنتظر ؟؟؟؟

فقال له

حتى آخذ هذا القشر الذي تلقيه في الشارع و أضعه في سلة المهملات

تخيلوا

ترك هذا الطفل مدرسته عندما رأى صديقي يرمي قشر الموز في قارعة الطريق

و ظل يسير وراءه

و كلما ألقى صديقي بقشرة موز

تناولها الطفل الصغير

و وضعها بكل أدب و احترام في سلة المهملات

دون حتى أن يقول لصديقي أنه يفعل و يصحح ما يقع فيه من خطأ

هكذا تربوا و هكذا يعييشون و هذه هي التربية التي ترسخت في عقولهم

هذا يعطيكم الفارق بيننا و بين هذه الشعوب التي نقول بأننا لسنا أقل منهم

هؤلاء هم من يستطيعون ان يقوموا مسؤوليهم لو أحدهم اخطأ

و هكذا يجب أن نكون حتى يكون التغيير مجدي و نفاع

و ليس مجرد تغيير من

أجل التغيير فقط

و دمتم بكل خير

[محمد سنجر]

لو فى عدالة فى توزيع ثروة البلاد وميباقش فى واحد فوق واحد تحت بمعنى واحد مرتبه فوق

100 الف فى الشهر فى حين مواطنه الاخر بيفكروا يعدلوا مرتبه ليوصل 150 جنيه مش مكفينه حتى

عيش حاف صدقونى مش حنشوف كم الفساد والرشاوى بالكم اللى شيفينه دلوقت الا ان كان بقى

فساد الذمم والضمير حيظل معشش فى نفوس فئات معينة وهى دى الفئةاللى بتزيد غنى على غناها

احنا محتاجين عملية تطهير نفوس من اول الوزير لحد الغفير

فى ناس كويسة لكن الظروف والحوجة وربما رؤساءهم الغير شرفاء بيجبروهم يسايروا الموجة

حتى لو فكر يسبح ضد التيار يا اما يتعاقب بقوف ترقيته او حوافزه او نقله عشان يتربى

ويمشى تبع القطيع واصبحت منظومة الفساد رئيسها واللى يخالفها ذنبه على جنبه

المحتاج نترحم عليه فعلا الانسان المصرى بمعنى انسان لاننا كلنا اصبحنا بنى أدمين بدون انسانية

المشكلة أن رئيسي هذا الذي في العمل

هو ابن خالتك أو أخي أو ابن عمك او خالي أو جاري و صديقي

يعني برضه مننا و واحد من بين أهلنا

لم ياتوا برؤسائنا في العمل من المريخ

و إذا كان ابن خالتي أو ابن عمك بهذه الصورة السيئة فالطبع نكون نحن اسوء منهم أو على الأقل بنفس درجة السوء

و هذا ما أحب ان أوضحه و أعيد و أزيد فيه

لابد أن نتغير لابد أن نتربى من أول و جديد

و ساعتها سيكون مفرزاتنا من مسؤولين و رؤساء عمل و حكام بنفس الحال الذي نحن عليه

أما أن نلجأ للمسكنات التي نظن بواسطتها أن الألم قد زال و المرض قد انتهى و شفينا

فهذا هو الخطأ الفظيع الذي يجب ألا نقع فيه

و إلا ستكون نهايتنا أسوء بكثير مما تخيلت هنا

تقبلوا تقديري و احترامي

[MaYousof]

[...] قلت لك م الأول يا أستاذ العيب فينا إحنا ما سمعتش كلامي , [...] قلت لك من الأول إن إحنا اللي ناقصين رباية ما سمعتش كلامي [...]

ما أراك إلا قد صدقت ..

أشكر على حفزك للناس من أجل وقفة مع النفس .. أشكرك ..

تم تعديل 28 أكتوبر 2010 بواسطة MaYousof

[محمد سنجر]

السلام عليكم

فى رأيى إن فكرة المقال هى فكرة انهزامية خبيثة ومحبطة لأى آمال فى التقدم نحو الإفضل.

" اللى نعرفه أحسن من اللى مانعرفوش " هى المقولة المفضلة للكسالى وتنابلة السلطان ومن يقبلون بالعبودية والخنوع.

التغيير هى سنة الحياة ، وعندما نعرف كيف ومتى نغير الحاكم وحكومته ، وعندما يعرف الحاكم لنه ليس مخلدا فى منصبه وأنه سيحمل لقب " سابق " فى احد الايام سيعرف كيف يحترم آدمية محكوميه.

دعونا نجرب غيره ، وغيره وغيره ، سيأتينا من هو أفضل وسيأتينا من هو أسوء ، ولكننا فى النهاية سيكون عندنا أمل فى القادم الجديد.

فرق كبير بين ان ننتقد انفسنا ونصلح من حالنا وأفعالنا ، وبين أن نسبح بحمد الديكتاتورية ونترحم على ايامها السوداء .

تحياتى !!!

و عليكم السلام

لست معك في أن فكرة المقال انهزامية خبيثة كما تقول

بل على العكس تماما

أراها بعد نظر لما ستؤول إليه الأمور إذا لم نسارع في تغيير انفسنا

و لكننا مع الأسف لا نرى إلا تحت اقدامنا

و لا نريد أبدا أن نتعب أنفسنا و نعمل على التغيير

و خاصة لو كان المطلب تغيير أنفسنا

فمن يرى أن تغيير أنفسنا صعب هو الذي يكون بمثابة تنابلة السلطان اللي حضرتك ذكرتهم هنا

و لم أقل اللي تعرفه أحسن من اللي ما تعرفوش

بل على العكس تماما

إنما هي دعوة للتغيير و لكن بلا عشوائية و سطحية في التفكير

فيجب أن يكون التغيير جذري من قاعدة الهرمك

حتى تخرج مفرزات هذا التغيير صالحة

و لكن أن نغير من أجل أن يقال عنا أننا غيرنا

فهذه مجرد مسكنات للألم الذي نحس به بسبب المرض العظيم الذي ألم بنا

و لكن المرض ينخر في جسد الأمة و يستشري

دون أن نحس به

و ساعتها ستكون الكطامة الكبرى و العياذ بالله

مع خالص تقديري لوجهة نظرك التي أختلف معها بالطبع

[محمد سنجر]

[...] قلت لك م الأول يا أستاذ العيب فينا إحنا ما سمعتش كلامي , [...] قلت لك من الأول إن إحنا اللي ناقصين رباية ما سمعتش كلامي [...]

ما أراك إلا قد صدقت ..

أشكر على حفزك للناس من أجل وقفة مع النفس .. أشكرك ..

نعم هي كذلك و الله

هي دعوة للوقوف مع النفس للحظات

و نقد أنفسنا قبل أن ننتقد الآخرون

فنحن نحتاج لتغيير أنفسنا أولا

حتى تكون مفرزاتنا من مسؤولين و حكام على نفس حالتنا من التغيير

أرجو أن تتقبل تحيتي و تقديري

[محمد سنجر]

محمد سنجر تتألق مرة أخرى حتى فى الحلم

سامحونى اصدقائى الأعزاء فأنا لا أرى فكرة انهزامية هنا بين السطور بل أرى نداء واستغاثة استيقظوا حتى لا يحدث هذا فهناك من حدث لهم هذا بالفعل وربما أصبحوا حقا يتمنون أياما تناسوا فيها كرامتهم على أيدى الطغاة لأنهم باللسبية والتبعية فقدوا ماهو أعظم بمرور الوقت

هذه وخزة محب لعقولنا وضمائرنا وتحليل قوى لما يمكن ان يؤول إليه الحال لو لم ننتبه وربما سوداوية لكن بريق الأمل الذى لا يفارق أرواحنا سيجعنا نأمل للأفضل لكن هل سنأمل فقط ام أننا سنعمل جاهدين الا نرى ما وصفه محمد سنجر فى أحلامه

وبعيدا عن السياسة

حبكة ومحتوى قيمين وابداع فى فن القصة القصيرة كبناء قوى جدا رائع يا سنجر ويارب يا بلد نصحى وما نروحش فى التوهة

وحشتونى

البنت المصرية

أختي العزيزة إيمان

لقد أصبت كبد الحقيقة

فما هي إلا نداء استغاثة و دعوة صادقة للتغير

حتى لا نصل إلى ما أوردته هنا من تخيل

و إنني أرى أنه قليل القليل مما سيحدث لو بقينا على حالتنا لا قدر الله

و شكرا جزيلا لإطراءك

و طيب ردودك التي تزينين بها مواضيعي المتواضعة

تقبلي تحيتي و تقديري و احترامي

[pocy]

أخى الفاضل تفائلوا بالخير تجدوه وربنا يفرج عننا الكرب الموجود الان يارب اللهم امين