إيه الفايدة....!!! حد يفهمني

[لماضة مصرية جدا]

السلام عليكم و رحمة الله و بركاته

ممكن لو سمحت حد يفهمني

إيه الفايدة لما بنفضل نتكلم و نتكلم و نجيب من شرق و من غرب....و برضه محدش لا بيقتنع و لا بيسمع و لا عايز اصلا؟؟؟

إيه الفايدة لما خلاص معظم الاعضاء تبقي دماغهم مقرية.....و غالبا بتوقع ردودهم في توبيكات معينة...نفسي اعرف ايه الفايدة....من المشاركة....تعبير عن الراي...يا فرحتي....هي الناس مش واخدة بالها ان ارائها بقت واضحة خلاص....هي عافية يعني.....اللي بيخش حوار اكيد عايز يستفيد....حاجة جديدة

ايه الفايدة....لما الاقي توبيكات المفروض في ظاهرها انها بتتكلم عن الدين بجوهره الحقيقي....لكن الاقيها بقدرة قادر بقت هجوم شرس و عنيف و ناس بتلزق من هنا علي هناك....و كل واحد نصب نفسه العالم بامور الدين اكتر من غيره

ايه الفايدة....اني افضل اقول الادارة تتدخل في حاجة....و بعدين اقول لنفسي....ايه شغل الولايا دوت.....وصلنا لمرحلة ان الادارة تتدخل.....طب هو ايه ادارة اصلا.....يعني هتشيل و هتحذف.....لا انا مش عايزة كده

ايه الفايدة.....ان موضوعات بعينها تبقي حكر علي ناس بعينها...مش عشان مش عارفين نشارك.....لا عشان سينارين الستفزاز...بقي يتلعب بنفس الخطوات في كل توبيك...و برضه بنمشي وراه...

ايه الفايدة....اصلا من دخول المحاورات

مش عارفة

ايه الفايدة بقي.....!!!

لو حد عرف يقولي.....يفهمني

اصل الطعم بقي زي ما بنقول عندنا في الصعيد.....ماسخ اوي :sad:

كل سنة و انتم زي ما انتم.....محدش هيتغير....يمكن الاسامي....يمكن المعرف....بس هي هي....الدماغ واحدة

مكنتش عارفة اني ممكن في يوم اياس

لكن بجد

عملوها الوحوش.....و جبت زيت

جزاكم الله كل خير

متابعة من صفوف القراء.....

ممتنعة عن المشاركة الي اجل غير مسمي

تم تعديل 27 أكتوبر 2010 بواسطة لماضة مصرية جدا

[mekkawy]

مهو ده بأة اللي وصله معظم الحرس النص قديم و بقينا نبطل مشاركة لأن زي ما انتي قولتي يا لماضة هانم .. ايه الفايدة .. عرفتي بأة يا فندم ليه الناس مش بتشارك و أولهم الفقير؟

عشان كدة

لازم يا جماعة نتعاون عشان نخلق فايدة جديدة بأة .. الموضوع فعلاً بأة مش بس ماسخ .. بأة ممل أووووي .. لازم يكون فيه تجديد في دم المحاورات .. حاجة مفيدة حاجة تشد .. خلااااااص ما بقاش فيه اي دافع يخلي الناس تدخل و تشارك .. جه وقت ع المحاورات كانت جميلة أوي و الواحد كان لااااازق فيها بغرا و كلنا كنا كدة بلا استثناء .. روحوا شوفوا اخواة نفتقدهم .. هنلاقيه ملياااااااان اسامي كبيرة و مؤثرة جداً.

لازم نجدد

مكاوى

[masraweya]

اوعي تكوني مش جاية النادي يوم الجمعة إذا ربنا أحيانا

ده احنا عمالين نفك فيونكات الرخاوي .. فاضلي فيونكتين

عودديييييييييييي يا لماااااااااااااضة

متخليش الشيطان يضحك عليكي

[nightmare]

الفايدة يا لماضة , هي المشاركة الإيجابية والمناقشات والحوارات المستنيرة والثرية في ظل الإلتزام بقواعد المشاركة من عدم التعرض للأديان أو العقائد أو عدم المساس بالأعضاء واتهامهم بالباطل وإثارة مشاعرهم.

هذه هي الفائدة التى نريدها جميعاً , لكن طالما هناك دائماً خروج عن النص وهناك دائماً اتباع لسياسة الصوت العالى, واتباع دائم لسياسة من ليس معي فهو ضدي , فستشعرين بما انت فيه الأن أن كل المشاركات والموضوعات واحدة وستصابى بالملل والزهق .

وبالتأكد لا يرضى احد ابتعادك عن المشاركة فانت من الاعضاء المثقفين ومشاركاتك جميعاً محل تقدير وإحترام.

فأرجوكي لا تحزني , فهي سحابة خريف عابرة , ولو التزم كل عضو فينا بالسياسة العامة للمشاركة فلن يحدث ما يدعوكي للإمتناع عن المشاركة.

منتظرين وفي غاية الشوق لمشاركاتك وابعدنى عن ذهنك فكرة الإمتناع, فانت لن تستطيعي ان تكوني بين صفوف القراء وفقط ونحن لن نقبل فأنت محاورة قديرة.

مع تحياتي

تم تعديل 27 أكتوبر 2010 بواسطة nightmare

[se_ Elsyed]

جه وقت ع المحاورات كانت جميلة أوي و الواحد كان لااااازق فيها بغرا و كلنا كنا كدة بلا استثناء .. روحوا شوفوا اخواة نفتقدهم .. هنلاقيه ملياااااااان اسامي كبيرة و مؤثرة جداً.

جميل قوي

ومن يصنع المحاورات ؟

ومن يصنع المجتمع نفسه اللي إحنا عمالين نلعن سلسفيلة ليل نهار ؟

ومع ناسيين حاجه مهمه جداً ..

إننا من نصنع ذلك كله ..

ريهام بتتكلم في حاجة تانية يا مكاوي

بتتكلم عن أراء فعلاً بقت محفوظة حتى لو بتتكلم في كرة القدم ... هي هي نفس الأراء بتتاخد كوبي وبيست وتوضع لو في موضوع في باب هدي الإسلام

أنا فهمتك يا لماضه .

وعاوز أضع قصة طريفة هنا ... يمكن نتعظ

رسب أحد الطلاب في مادة التعبير ، وهذا أمر غير اعتيادي أن يرسب طالب في مادة سهلة كالتعبير وعندما سُئل المدرس عن سبب رسوبه في المادة قال : والله يا اخوان الطالب ما يركز كل مره نعطي يكتب عن موضوع يخرج عن الموضوع . قالوا اعطنا عينات من مواضيع التعبير التي كتبها

فقال المدرس على سبيل

المثال :اكتب موضوعاً عن فصل الربيع ..

فصل الربيع من اجمل الفصول في السنة ، تكثر فيه المراعي الخضراء مما يتيح للجمل ان يشبع من تلك المراعي ، والجمل حيوان بري يصبر على الجوع والعطش اياما ، ويستطيع المشي على الرمل

بكل سهولة ويسر. ويربي البدو الجمل ، فهو سفينة الصحراء ، فينقل متاعهم ويساعدهم على الترحال من منطقة لاخرى ... والجمل حيوان اليف ….

الخ.

ويستمر الطالب في التغزل في الجمل ،

وينسى الموضوع

الرئيسي .. فقال المدرسون قد يكون قرب

موضوع الربيع من الجمل وارتباطه بالرعي هو الذي جعل الطالب يخرج عن الموضوع ..فقال المدرس : لا خذو على سبيل المثال هذا الموضوع الذي طلبنا من الطالب ان يكتب عنه ..اكتب عن الصناعات والتقنية في اليابان .. تشتهر اليابان بالعديد من الصناعات ومنها السيارات ، لكن البدو في تنقلاتهم يعتمدون على الجمل ، والجمل حيوان بري يصبر على الجوع والعطش اياما ، ويستطيع المشي على الرمل بكل سهولة ويسر .ويربي البدو الجمل ، فهو سفينة الصحراء ، فينقل متاعهم ويساعدهم

على الترحال من منطقة لاخرى .. والجمل حيوان اليف . قال المدرسون هل هناك

موضوع آخر فقال المدرس كل موضوع يبدأ

فيه لنصف سطر ينتهي بصفحات عن الجمل ..و هذا موضوع

بعيد جدا عن الجمل ..اكتب موضوعا عن الحاسب الآلي

وفوائده الحاسب الآلي

جهاز مفيد يكثر في المدن ولا يوجد عند

البدو لأن البدو لديهم

( الجمل ) والجمل حيوان بري يصبر على

الجوع والعطش اياما ، ويستطيع المشي على الرمل بكل سهولة ويسر

.ويربي البدو الجمل ، فهو سفينة الصحراء ، فينقل متاعهم

ويساعدهم على الترحال من منطقة لاخرى .. والجمل حيوان اليف … تقدم

الطالب بشكوى للوزير بعد ان طلب الوزير التحقيق في

الموضوع فكتب الطالب في

خطاب الشكوى : سعادة وزير التربية

والتعليم ………السلام عليكم

ورحمة الله وبركاته اقدم لمعاليكم تظلمي هذا وفيه اشتكي مدرس

مادة التعبير لأني صبرت عليه صبر الجمل ، والجمل حيوان بري يصبر على الجوع والعطش اياما ، ويستطيع المشي على الرمل بكل سهولة ويسر .ويربي البدو الجمل ، فهو سفينة الصحراء ، فينقل متاعهم ويساعدهم على الترحال من منطقة لاخرى .. والجمل حيوان اليف ، وكما يعلم سعادتكم ان

الجمل يستمد طاقته من سنامه الذي يخزن فيه الكثير من الشحوم ، اما عيني الجمل ففيها طبقة

مزدوجة تحمي العينين من الرمااال والعواصف .. آمل من سعادتكم

النظر في تظلمي هذا وظلم المدرس لي مثلما ظُلم الجمل في عصرنا هذا بأكل كبدته في الفطور في جميع

الوزرات والدوائر الحكومية

[شريف مان]

عايزة الحل

نمنع الكتابة فى الموضوعات الدينية

يعنى مفيش كلام فى الدين لا من قريب ولا من بعيد وكمان نمنع نقل اى مقالات لاى كاتب علمانى عشان فى الاخر عايز يقول ان الدين او المتشددين زى ما بيوصفهم هما السبب

وكمان نمنع اى موضوعات خاصة بالزمالك ومشاكله لانى زملكاوى واعضاء كتير هنا زملكاوية وبيضايقوا

وكمان نمنع الكتابة فى الموسيقى والفن عشان ناس مبتحبش تسمع غير قرآن

وكمان نمنع اى موضوعات فى اى اختلاف فى الرأى عشان فى ناس هنا ( بتتأمص ) ولو متكتبش اللى على مزاجهم بيزعلوا

ولو دا محصلش يبقى هنبقى متابعين لا مشاركين وساعتها بردوا هتبقى ( المحاورات ) أجمل منتدى فى الدنيا

تحياتى

[doha]

مين قال مفيش فايده ؟

ربنا سبحانه وتعالى علمنا حاجتين مهمين ..

اولهما .. وَقَدْ نَزَّلَ عَلَيْكُمْ فِي الْكِتَابِ أَنْ إِذَا سَمِعْتُمْ آيَاتِ اللَّهِ يُكْفَرُ بِهَا وَيُسْتَهْزَأُ بِهَا فَلا تَقْعُدُوا مَعَهُمْ حَتَّى يَخُوضُوا فِي حَدِيثٍ غَيْرِهِ إِنَّكُمْ إِذاً مِثْلُهُمْ إِنَّ اللَّهَ جَامِعُ الْمُنَافِقِينَ وَالْكَافِرِينَ فِي جَهَنَّمَ جَمِيعاً

وثانيهما .. فَأَمَّا الزَّبَدُ فَيَذْهَبُ جُفَاءً وَأَمَّا مَا يَنْفَعُ النَّاسَ فَيَمْكُثُ فِي الْأَرْضِ

كان يقدر سبحانه يأمرنا بالرد والمجادلة لما نسمع كفر وتبجح .. تماما زي لما قالنا ( وجادلهم بالتي هي احسن ) لما نكون رايحين ندعوا حد .. لكن لانه سبحانه عارف ان في مواقف بيكون الي قدامك اصلا مش داخل يسمع ولا داخل يستفيد وانما داخل ( يغلوش ) او يشوش على الموضوع ويخرجه من مساره .. في حالة زي دي متحاوليش تقنعي ولا تحاولي تردي .. اتركيه والا هتكوني مثله .. ولو عندك رد مفيد قوليه بعد كده في اي موطن آخر الا موطن العناد والمكابرة ..

لما يكون في مجلس مفتوح اساسا في ظاهره للحديث عن الدين بينما هو في باطنه واوله وآخره مجلس كفر واستهزاء بيه يبقى المؤمن يكون كيس فطن ويربأ بنفسه وبدينه انه يرد في مجالس زي دي .

وفي النهاية لا يصح الا الصحيح وكل الزبد هيروح زي ماجاء لن يلتفت له احد ومش هيبقى مننا غير كلمه صالحه هتبقى تنفع الناس فيما عدا ذلك كله هينطوي في النسيان ..

اوعي تبطلي كتابة واوعي تبطلي مشاركه لكن تخيري من تحدثين والاهم .. من تجالسين ..

اوعي تصدقي ان مفيش فايده .. لاه فيه عارفه ليه .. لان نبينا الكريم قال ..

(( ان قامت الساعة وفي يد احدكم فسيلة فان استطاع ان لا يقوم حتى يزرعها .. فليزرعها ))

[مغتربة]

طيب لما انتى تقولى اناممتنعه و انا اقول و سين من الاعضاء و صاد من الاعضاء

يبقى ازاى ممكن ان احنا نحلم بالمختلف

صدقينى ان كان التكرار طعمه ماسخ فالياس طعمه علقم

مش مطلوب ان احنا نغير حد و لا ان حد يغيرنا لكن المطلوب قوى ان احنا نفهم بعض قوى و نوصل لبعض قوى

العقبات استحاله تختفى لاننا ببساطه عينه مصغره من الواقع او الدنيا الكبيره الى بنقول عليها المجتمع

و علشان كدا لا فيه مدينه فاضله و لا برضه منتدى كامل

العينات العشوائيه رغم التحفظات الى بتكون عليها لكن فى نظرى هى اصدق العينات تمثيلا لمجتمعاتها

علشان كدا لو احنا هنا ياسنا برضه فى مجتمعنا الكبير هنياس

و دا صعب قوى و خطر قوى قوى

انتى من اكتر الناس الى كانت دايما تنادى بالايجابيه فى النظره حتى فى اسوء الظروف

بصى للجوانب الايجابيه هتلقيها مش قليله لكن لحظات الياس الى بتمر علينا هى الى بتخبيها عن عنينا

لازم تقاومى الياس دا و لازم بجد تقاومى كل اغراءات الانسحاب

:roseop:

[لماضة مصرية جدا]

السلام عليكم و رحمة الله و بركاته

يعني البداية انا عايزة اشكر كل اللي عدي ع التوبيك و رد و كل اللي عدي و مردش و كل اللي بص عليه من خرم الباب و كل اللي معداش اصلا

و الواو اللي فوق دي مش معناها ان الكل متساوي في المقدار....بس الكل متساوي عندي في التقدير و الاهمية و الاحترام

انا بس حابة اوضح لحضراتكم حاجة

انا فيه سؤال عمال يزن في دماغي زي الدبانة الحولة...و السؤال كل مدي ما بيكبر و زنه بيزيد

و لما قصدت حد يفهمني

كان قصدي......هو حد عنده نفس السؤال اللي ف دماغي

كان قصدي....يا تري انا اصلا يينفع اسال السؤال ده.....و ايه دليلي و ايه اثباتي

كان قصدي....ايه الخطوة اللي بعد كده.....لو فرضنا انه صح

كان قصدي....هو انا ينفع لوحدي يعني اعمل كده.....يعني ينفع اقف في وش جراااااافة مثلا...(بعيد بقي عن فرد العضلات وووش ابو لمعة)

كان قصدي....حاجات كتير

بس اكيد مش من ضمنها ابدا اني يئسانة...و لا طفشانة.....و لا لاوية بوزي

مشكلتي الازلية....اني بطلب اجابة سؤال انا اصلا مسالتهوش......بس بتخيل اللي قدامي فهمه

و عشان كده باخد وقتي اني الاقي اجابة تساؤلاتي اللي مش عارفة اسالها و لا لا....بس محتاجة وقت مش اكتر

النهاردة قريت بفضل الله سورة الكهف و كتبت تاملاتي

و اللي لقيت فيها اجابة عن سؤالي اللي مسالتوش

و لسه هدور تاني

و الله المستعان

و الله أعلم

ليكو كلكوا مني كل التحية و الاحترام....و حاجات كتير فوق بعضها...(وش محمد الصاوي في فيلم زواج بقرار جمهوري)

نسالكم صالح الدعوات

ريهام

او لماضة.....(شوفولكم حل بقي.... يا تقولولي يا ريهام يا لماضة...احسن انا بقيت اتلخبط....ايه رايكم في حوكشة :rolleyes: )

يومكم كسما صافية بتوعد بخير كتير بفضل الله و عطاؤه

[Howayda Ismail]

السلام عليكم و رحمة الله و بركاته

يعني البداية انا عايزة اشكر كل اللي عدي ع التوبيك و رد و كل اللي عدي و مردش و كل اللي بص عليه من خرم الباب و كل اللي معداش اصلا

و الواو اللي فوق دي مش معناها ان الكل متساوي في المقدار....بس الكل متساوي عندي في التقدير و الاهمية و الاحترام

انا بس حابة اوضح لحضراتكم حاجة

انا فيه سؤال عمال يزن في دماغي زي الدبانة الحولة...و السؤال كل مدي ما بيكبر و زنه بيزيد

و لما قصدت حد يفهمني

كان قصدي......هو حد عنده نفس السؤال اللي ف دماغي

كان قصدي....يا تري انا اصلا يينفع اسال السؤال ده.....و ايه دليلي و ايه اثباتي

كان قصدي....ايه الخطوة اللي بعد كده.....لو فرضنا انه صح

كان قصدي....هو انا ينفع لوحدي يعني اعمل كده.....يعني ينفع اقف في وش جراااااافة مثلا...(بعيد بقي عن فرد العضلات وووش ابو لمعة)

كان قصدي....حاجات كتير

بس اكيد مش من ضمنها ابدا اني يئسانة...و لا طفشانة.....و لا لاوية بوزي

مشكلتي الازلية....اني بطلب اجابة سؤال انا اصلا مسالتهوش......بس بتخيل اللي قدامي فهمه

و عشان كده باخد وقتي اني الاقي اجابة تساؤلاتي اللي مش عارفة اسالها و لا لا....بس محتاجة وقت مش اكتر

النهاردة قريت بفضل الله سورة الكهف و كتبت تاملاتي

و اللي لقيت فيها اجابة عن سؤالي اللي مسالتوش

و لسه هدور تاني

و الله المستعان

و الله أعلم

ليكو كلكوا مني كل التحية و الاحترام....و حاجات كتير فوق بعضها...(وش محمد الصاوي في فيلم زواج بقرار جمهوري)

نسالكم صالح الدعوات

ريهام

او لماضة.....(شوفولكم حل بقي.... يا تقولولي يا ريهام يا لماضة...احسن انا بقيت اتلخبط....ايه رايكم في حوكشة :rolleyes: )

يومكم كسما صافية بتوعد بخير كتير بفضل الله و عطاؤه

اخيرا ظهرتى والله كنت بافكر فيكى من شوية واقول المحاورات ناقصها البت (عفوا بقى هى جت كده)ريهام

وجبت سيرتك امبارح فى توبيك الاعضاء الجدد اصل عضو جديد كان طالب كابتشينو وانت قافلة على البوفيه

العدة وخلعتى والمفتاح معاكى

قبل صباحك انا باضحك اول مابشوف اسمك حتى لو كلامك جد وخصوصا بعد ماوضعتى صورة القصرى اللى

باموت فيه ربنا يسعدك ويسعد ايامك زى مابتدخلى البسمة علينا وقت مابتنشف فى المنتدى

صباحك جميييييييييييييييييييييييييييييييييييييييل

[لماضة مصرية جدا]

السلام عليكم و رحمة الله و بركاته

انتي يا تانت هند ياللي فوق....غسيلك بينقط علينا....(ده بمناسبة حوار البلكونات اللي حضرتك سيحتي بيه فوق دوت :P )

طبعا انتي تقوليلي.....اللي يريحك....ابتداء من يا بت يا سوكيننة.....لغاية.....شااااااافيق يا رااااااااجل

و بعيدن ايه موضوع حاجة سائعة بيبس اللي اتفتحت ع البحري دوت في استقبال الزباين الجدد..... يا فرحتي بقي بدل ما تلموا منهم رسم اعانة للمحاورين القدامي اللي بيتحرق دمهم.....بتسقوهم كابتشينو....و منكر.....يا ظلمة

اشكو اليك.....(وش نادي العراقية في عايزة اتجوز)

خالتي فرنسا بلاش تتريقي عل عبده انا بحبه.....و بعدين مش يمكن فارس احلامي يبقي شبهه....ليه تصحيني من الحلم الجميل اللي انا عايشة فيه و رامية الغطا ع الارض....(ليه يا ربي مخلقتنيش بطانية)

ع جنب بقي

المداخلة دي....ع اللي فوقيها مالهاش اي علاقة بالتوبيك......انا و تانت هند.....بس فتحنا البلكونات.....و كنا بننشر الغسيل و كده يعني

صباحكم.....رابسوبالقوة الثلاثية

لماضة.....القطنة مبتكدبش

[عبير يونس]

عايزة اقول حاجة لو سمحتوا لي

من امتى اي حاجة في الدنيا متفصلة على مزاجنا و مريحانا و مفيهاش أي منغصات؟؟

ماهو لازم يا بنتي يبقى في منغصات و تحديات

و هي الحياة يبقى ليها طعم الا بمواجهة التحديات دي و التغلب عليها؟؟؟!!!!

يعني مثلا لما تبقي قاعدة في جو جميل كده حبذا لو كان هواء عليل يأتي من النافذة البحرية ساعة العصاري و انتي ترتشفين شاي الساعة الخامسة مع قطعة من الكعك الانجليزي المتين

و في يدك كتابك المفضل

هل يخرجك من هذه الحالة صوت بعض الباعة الجائلين و هم بينادو باعلى صوتهم على بضاعتهم؟؟؟

يعني حننكد عل نفسنا عشان شوية اصوات يمكن تجاهلها و التغلب على عدم سماعها؟؟؟

انتي بقى سيبتي الشاي و الكيك و رميتي الكتاب و مستنية البياعين دول يسكتوا الأول و الا مش لاعبة

ده عمره ما حيحصل يا لموضة

حتى لو نزلتي ضربتيهم بالرصاص

لأن غيرهم حيجي

و حيفضل يجي غيرهم حتى قيام الساعة

لازم تعيشي حياتك اللي انتي راسمها لنفسك مهما كانت التحديات

و مهما عليت الاصوات المخالفة

و لما تلاقي اصوات الغلوشة عليت

خدي نفس عميق و اتكلمي بالراحة خالص

و اوعي تعلي صوتك

مش حتاخدي غير ان صوتك حينبح و يضيع وسط الغلوشة

خللي دايما نبرتك هادية

هي دي النبرة اللي تخللي الآخيرن يسكتوا عشان يسمعوها

و دول بس اللي يستاهلوا تكملي معاهم كلام

انا مؤمنة تماما ان الانسان قادر على تشكيل البيئة التي يعيش فيها

تمام زي ما بيشكل اكاونت على الفيسبوك

بيرتبه زي ما هو عايز

بالشكل اللي هو عايزه

و بيضيف الاصدقاء اللي هو عايزهم

و بيعمل جروبس (مجموعات) على كيفه

و محدش يقدر يخترق البيئة المتكاملة دي بدون إذنك

أو من غير ما تسمحيله بهذا الاختراق

لموضة

اضبطي الكاميرا و اعيدي اللقطة

[Simba]

اصل الطعم بقي زي ما بنقول عندنا في الصعيد.....ماسخ اوي

لا يا لماضة الطعم مش ماسخ ولا حاجة المشاركات هنا كلها بنكهات وتوابل مختلفة حتي لو كنتي حفظتي شخصية العضو وعارفة ردوده مسبقا .. لكن ممكن تلاقي غيره وفي نفس الموضوع بيحط حاجة جديدة بطعم جديد

وزي ما شيبسي قال في فلسفته الشهيرة مصر بتختار طعمها

انا بالنسبة لي الانترنت بحبه جدا بطعم المحاورات والناس اللي فيها سواء اللي راحو او اللي علي وشك انهم يرحوا او الاخوة والاخوات الصامدين واللي لسه ان شاء الله هيجو

ومع احترامي الشديد انا مش معاكم انتي والاستاذ سين سين في ان الناس خلاص ارائها كوبي وباست

وبعدين مش معقول الناس هتحط اراء الكورة في باب هدي الاسلام

يعني مثال بسيط

الاستاذ سين سين بحس من مجمل مشاركته انه بيقول لو كانت الحكومة رجلا لأدبته بالخرازنة وانه خلاص مش مستحمل التسيب اللي بيحصل ان كان حوادث طرق او اهدار مال عام او اي حالة من حالات التسيب

مش معني كده اني خلاص هادخل موضوعه وعارف هو بيقول ايه بالعكس بيكفيني اسلوبه العفوي واكيد مش هحص بالملل اللي انتي حستيه لما قررتي تكتبي الموضوع ده

[لماضة مصرية جدا]

السلام عليكم و رحمة الله و بركاته

مع اني مكنتش عايزة ارفع التوبيك دوت تاني....بس لازم اوضح حاجة

لما كتبت التوبيك دوت مكنشي عشان حالة ملل انا بمر بيها....لاني لو فعلا كده كنت عملت حاجة من اتنين....يا اما كنت نقلت التوبيك لقسم موضوعات شخصية...و ساعتها كنا هنتكلم عن الملل في الحياة بشكل عام...و حتي اللي معندوش ملل....و ربنا لو قرا توبيك زي دوت هتلاقيه جاله

أو اني

هقفل جهاز اللاب التوب...علي الموبايل....و هفتش في نفسي علي حاجات تانية تنكشني انسانيا

و انا معملتش ده....انا حطيت التوبيك في "شئون المحاورات"....عشان سبب هتكلم عنه كمان شوية

جزئية مهمة بالنسبة لي

انا بحس ان المحاورات هي اللي بتضيفلي....مش العكس اطلاقا

و انا اللي في احتياج للمساحة من التعبير عن مناطق حمرا ردمتها من سنين....و مساحات اكتشاف نفسي قبل اي حد تاني

و انا اللي بتعلم من الحوار...حتي و ان تابعته في صمت....عندي فرصة هايلة اني اشوف الصورة من بعيد....و لما اشارك اشوف مشاركتي و رد فعلها في اثراء الحوار و ليس في تصفيق الناس

انا بشوف نفسي....مجرد عابر سبيل.....زي ما انا في الحياة.....مجرد...مسافر...و بينزل بس في محطات ترانزيت....لكن في النهاية هو عارف ان دي مش محطته الاخيرة

و انا مش في حالة استجداء عاطفي من قاريء عشان يقولي....ريهام خليكي شوية....انا مصدقة جدا اني لما بكتب في المحاورات...محدش بيقرالي.....و مصدقة ده اوي....و بتكسف جدا لما الاقي حد رد عليا....اصلي كنت فاكرة اني قاعدة بكتب علي البلوج بتاعي.....مساحة فضفضفة

و الفضفضة دي مش بس في موضعات خفيفة...و لا شخصية....دي حتي في هموم حد سايب بلده و متغرب في ارض بعيدة

انا فاكرة لما زمان ضاقت بيا الدنيا و فعلا حسيت بمهانة غير عادية....و بعدها فتحت التوبيك بتاع "يا قفا"....حسيت اني بيتلعب بيا كورة في نظام تعليمي

و حسيت اني بيتلعب بيا كورة في حياة عشتها مصدقة اوي بالونات...و طلعت لوحدي اللي مصدقة...و عبرت عن صدمتي دي

و المرحلة اللي بعد الفضفضفة هي مرحلة اني اتعلم.....او علي الاقل انقل تجربتي المتواضعة...اللي ممكن حد في يوم يقرا حاجة و يستفيد

الموضوع ليس عضو...حد داس علي مناخيره....و ليس عضو حس بالملل....و ليس عضو حس انه فكيك اوي و قاري دماغ اللي قدامه...و هو اصلا لسه بيتعلم يقرا و يفكر

الحكاية ببساطة هو سؤال كان في دماغي و سالت نفسي يا تري حد فكر فيه....

واضح اني محتاجة احط السؤال بشكل اوضح

هرجع تاني

تحياتي......فعلا من اعماقي

[لماضة مصرية جدا]

ايه الفايدة....لما الاقي توبيكات المفروض في ظاهرها انها بتتكلم عن الدين بجوهره الحقيقي....لكن الاقيها بقدرة قادر بقت هجوم شرس و عنيف و ناس بتلزق من هنا علي هناك....و كل واحد نصب نفسه العالم بامور الدين اكتر من غيره

متابعة من صفوف القراء.....

ممتنعة عن المشاركة الي اجل غير مسمي

السلام عليكم و رحمة الله وبركاته

الكلمات اللي بالفونت العريض اللي فوق دي هو ده سؤالي...يا اساتذتي..و يا قراء المحاورات

و اسمحولي اقول اللي في دماغي كده و ع الترابيزة

فيه موضوعات بتتفتح ظاهرها الدعوة للدين....

اول صفحتين تلاقي الحوار ماشي مؤيد تماما

بعد كده....تلاقي ظهرت مداخلة بنقول عليها بالعرف كده...قلبت الترابيزة

و قلب الترابيزة ده...ممكن يبقي ان احنا نحط حاجة مالهاش اي علاقة بالموضوع....زي اضطهاد المسيحين مثلا في مصر....و الناس تسيب الموضوع الاصلي و تمسك بقي في العركة...اللي بيبقي متخطط لها كويس اوي انها هتقوم....و مهما حصل برضه بتقوم

و بستغرب ان احنا لو اتبعنا نظرية الجمل اللي حكالنا عليها استاذنا سين سين "ليه مبنفتحشي توبيك كامل متكامل عن الاضطهاد نحو دين ما في مصر...و لكنه لم يحدث.....فقط الزج بالموضوع حيث التوقع المرجو)

و في الاخر....يبقي التوبيك.....مهلهل...(مع انه كان بيتكلم عن حاجة رائعة جدا في البداية)

السؤال اللي كان ناطط في دماغي

يا تري يا ريهام ده بيحصل في توبيك....طب في اتنين....طب في كام

رجعت لهدي الاسلام......و قارنت كل توبيك اتكتب فيه مع عنوان الباب.....يا تري هتلاقي ايه

راجعت توبيكات....اتكتبت لناس معينة بعينها في باب الموضوعات الجادة...و لقيت السيناريو هو هو نفسه

و لما قصدت الناس اللي ردودها كانت متوقعة و محفوظة....كان قصدي....كده...بس مش بالمعني اللي قال عليه استاذي سين سين

بالمعني....ان العضو قاصد يبعت للقاريء الرسالة دي.....و مصر عليها....و بياكد عليها في كل توبيك....بس بيختار التوبيك اللي تتحط فيه المداخلة دي

و لما السؤال بقي بيلح عليا و بخاصة في توقيت رفع موضوعات معينة و فتح توبيكات معينة

قولت....ايه الفايدة.....و كان قصدي....حد شايف اللي انا شايفاه

طب مش يمكن انا غلط

مش يمكن ده توهم مني

المهم

قولت لازم مرحلة صمت...و متابعة بهدوء جدا

و كان رد استاذ سمبا في توبيك "اضحك...اضحك طب و بعدين"....من ساعة ما اتفتح التوبيك دوت و انا هموت من الغيظ....لانه محطوط تحت هدي الاسلام....لكن انا كقاريء عادي اري انه لا يهدي للاسلام... ده بينفر اكتر ن مجرد التذكرة...مع ان اتحط فيه معلومات دينية

لكن انا لست بدارسة للعلم الشرعي....و اللي بيحصل في التوبيكات دي....اني بلاقي اللي بيخش فيها بيحصل نوع من تكسير العظام و استعراض القوي بكل واحد حافظ ايه

جه رد استاذ سمبا....(اللي عبر بوضوح تماما عن وجهة نظري...و اللي امتنعت عن اني ااقولها)

حسيت....إني بفكر صح.....مينفعشي نحط حاجة تحت هدي الاسلام....و فيه حدود للمجادلة

جه رد استاذ "نايت مير"....لما تساءل هل نحن في منتدي حوار الاديان....و الله العظيم انا كنت بسال نفسي....هو احنا في منتدي ماسك الدين الاسلامي و بيفصصه كده ليه

طب هو ليه ما فيش باب للدين المسيحي...او للدين اليهودي...او عقائد اصلا تانية..من باب الثقافة و حرية العقيدة يعني...قولا و تطبيقا

فضلت اسال.....و فضلت حالة عجز بتكبر جوايا

لاني لست دارسة للعلم الشرعي...و اخدتها من اخويا كلمة لما دخلت عليه مرة و قولتله انا بقابل ناس اجانب و انا بربنط في الانجليزي بس بقي يا وليد انا هبقي داعية ...قالي اياكي....ثم اياكي ثم اياكي.....فيه ناس مسلمين ممكن تسيء للاسلام اكتر من اي دين تاني

ع الاقل صاحب الدين الاخر يدافع عن عقيدته سواء اختلفنا او اتفقنا عليها.....لكن الذي يعرض لكي الدين الاسلامي بصورة مشوهة او مههلهلة...يسيء للدين اكتر من ان يخدمه

لما تتسالي......دلي الناس علي مكان الفتوي.....و كفي

لما تخشي في حوار...اسالي نفسك....الي اين يقودك

كنت في حالة حيرة شديدة

و استرجعت رد اخي....و حين قرات سورة الكهف بالامس وجدت تفصيلا معجز....و حتي كأنها تجيب عما تساءلت عنه

ع الاقل القران بفهمي المتواضع جدا...و الذي قد اصيب او اخيب فيه و يسامحني الله.....قالي ايه هي الحقيقة

و ازاي الاقي اجابة لتساؤلاتي

و دي كانت تاملاتي امبارح

الفرق بين الحقيقة و الحق مداخلة 54

ليه انا بقول كده

عشان ده تساؤل عندي

و ليه انا دلوقتي بكتب كل ده....و مش عارفة حد هيقرا و لا لا

بس فقط.....مش كل من كتب في هدي الاسلام.....فهو مسلم.....

فقط عزيزي القاريء...مسيحيا كنت او مسلما....من فضلك اعمل عقلك....

من فضلك ...من فضلك من فضلك....اسال نفسك....الي اين يقودك هذا الموضوع

لو وداك في حتة حسيت انك بتعبد الله احسن...يبقي جزي الله صاحب الموضوع كل الجزاء

لو مكنش....من فضلك....اعد القراءة مرة و الف.....و ستجد الاجابة

ده كان كل الحوار اللي دار جوايا

ليس حوارا "شخصيا"

هو

حوار

ل "شئون المحاورات"

و الله اعلي و أعلم.....انا وجدت منهجي..(كما ذكر في سورة الكهف).....و اطمح ان يجد كل منا منهجه...لكن أرفض....اللعب بالدماغو لكم مني كل الود و التحية و الاحترام....و التقدير البالغ لكل قطرة و لكل حرف تشاركتموه معي هنا اوي في اي موضع آخر

جزاكم الله كل خير

[عبير يونس]

ايه الفايدة....لما الاقي توبيكات المفروض في ظاهرها انها بتتكلم عن الدين بجوهره الحقيقي....لكن الاقيها بقدرة قادر بقت هجوم شرس و عنيف و ناس بتلزق من هنا علي هناك....و كل واحد نصب نفسه العالم بامور الدين اكتر من غيره

متابعة من صفوف القراء.....

ممتنعة عن المشاركة الي اجل غير مسمي

السلام عليكم و رحمة الله وبركاته

الكلمات اللي بالفونت العريض اللي فوق دي هو ده سؤالي...يا اساتذتي..و يا قراء المحاورات

و اسمحولي اقول اللي في دماغي كده و ع الترابيزة

فيه موضوعات بتتفتح ظاهرها الدعوة للدين....

اول صفحتين تلاقي الحوار ماشي مؤيد تماما

بعد كده....تلاقي ظهرت مداخلة بنقول عليها بالعرف كده...قلبت الترابيزة

و قلب الترابيزة ده...ممكن يبقي ان احنا نحط حاجة مالهاش اي علاقة بالموضوع....زي اضطهاد المسيحين مثلا في مصر....و الناس تسيب الموضوع الاصلي و تمسك بقي في العركة...اللي بيبقي متخطط لها كويس اوي انها هتقوم....و مهما حصل برضه بتقوم

و بستغرب ان احنا لو اتبعنا نظرية الجمل اللي حكالنا عليها استاذنا سين سين "ليه مبنفتحشي توبيك كامل متكامل عن الاضطهاد نحو دين ما في مصر...و لكنه لم يحدث.....فقط الزج بالموضوع حيث التوقع المرجو)

و في الاخر....يبقي التوبيك.....مهلهل...(مع انه كان بيتكلم عن حاجة رائعة جدا في البداية)

السؤال اللي كان ناطط في دماغي

يا تري يا ريهام ده بيحصل في توبيك....طب في اتنين....طب في كام

رجعت لهدي الاسلام......و قارنت كل توبيك اتكتب فيه مع عنوان الباب.....يا تري هتلاقي ايه

راجعت توبيكات....اتكتبت لناس معينة بعينها في باب الموضوعات الجادة...و لقيت السيناريو هو هو نفسه

و لما قصدت الناس اللي ردودها كانت متوقعة و محفوظة....كان قصدي....كده...بس مش بالمعني اللي قال عليه استاذي سين سين

بالمعني....ان العضو قاصد يبعت للقاريء الرسالة دي.....و مصر عليها....و بياكد عليها في كل توبيك....بس بيختار التوبيك اللي تتحط فيه المداخلة دي

و لما السؤال بقي بيلح عليا و بخاصة في توقيت رفع موضوعات معينة و فتح توبيكات معينة

قولت....ايه الفايدة.....و كان قصدي....حد شايف اللي انا شايفاه

طب مش يمكن انا غلط

مش يمكن ده توهم مني

المهم

قولت لازم مرحلة صمت...و متابعة بهدوء جدا

و كان رد استاذ سمبا في توبيك "اضحك...اضحك طب و بعدين"....من ساعة ما اتفتح التوبيك دوت و انا هموت من الغيظ....لانه محطوط تحت هدي الاسلام....لكن انا كقاريء عادي اري انه لا يهدي للاسلام... ده بينفر اكتر ن مجرد التذكرة...مع ان اتحط فيه معلومات دينية

لكن انا لست بدارسة للعلم الشرعي....و اللي بيحصل في التوبيكات دي....اني بلاقي اللي بيخش فيها بيحصل نوع من تكسير العظام و استعراض القوي بكل واحد حافظ ايه

جه رد استاذ سمبا....(اللي عبر بوضوح تماما عن وجهة نظري...و اللي امتنعت عن اني ااقولها)

حسيت....إني بفكر صح.....مينفعشي نحط حاجة تحت هدي الاسلام....و فيه حدود للمجادلة

جه رد استاذ "نايت مير"....لما تساءل هل نحن في منتدي حوار الاديان....و الله العظيم انا كنت بسال نفسي....هو احنا في منتدي ماسك الدين الاسلامي و بيفصصه كده ليه

طب هو ليه ما فيش باب للدين المسيحي...او للدين اليهودي...او عقائد اصلا تانية..من باب الثقافة و حرية العقيدة يعني...قولا و تطبيقا

فضلت اسال.....و فضلت حالة عجز بتكبر جوايا

لاني لست دارسة للعلم الشرعي...و اخدتها من اخويا كلمة لما دخلت عليه مرة و قولتله انا بقابل ناس اجانب و انا بربنط في الانجليزي بس بقي يا وليد انا هبقي داعية ...قالي اياكي....ثم اياكي ثم اياكي.....فيه ناس مسلمين ممكن تسيء للاسلام اكتر من اي دين تاني

ع الاقل صاحب الدين الاخر يدافع عن عقيدته سواء اختلفنا او اتفقنا عليها.....لكن الذي يعرض لكي الدين الاسلامي بصورة مشوهة او مههلهلة...يسيء للدين اكتر من ان يخدمه

لما تتسالي......دلي الناس علي مكان الفتوي.....و كفي

لما تخشي في حوار...اسالي نفسك....الي اين يقودك

كنت في حالة حيرة شديدة

و استرجعت رد اخي....و حين قرات سورة الكهف بالامس وجدت تفصيلا معجز....و حتي كأنها تجيب عما تساءلت عنه

ع الاقل القران بفهمي المتواضع جدا...و الذي قد اصيب او اخيب فيه و يسامحني الله.....قالي ايه هي الحقيقة

و ازاي الاقي اجابة لتساؤلاتي

و دي كانت تاملاتي امبارح

الفرق بين الحقيقة و الحق مداخلة 54

ليه انا بقول كده

عشان ده تساؤل عندي

و ليه انا دلوقتي بكتب كل ده....و مش عارفة حد هيقرا و لا لا

بس فقط.....مش كل من كتب في هدي الاسلام.....فهو مسلم.....

فقط عزيزي القاريء...مسيحيا كنت او مسلما....من فضلك اعمل عقلك....

من فضلك ...من فضلك من فضلك....اسال نفسك....الي اين يقودك هذا الموضوع

لو وداك في حتة حسيت انك بتعبد الله احسن...يبقي جزي الله صاحب الموضوع كل الجزاء

لو مكنش....من فضلك....اعد القراءة مرة و الف.....و ستجد الاجابة

ده كان كل الحوار اللي دار جوايا

ليس حوارا "شخصيا"

هو

حوار

ل "شئون المحاورات"

و الله اعلي و أعلم.....انا وجدت منهجي..(كما ذكر في سورة الكهف).....و اطمح ان يجد كل منا منهجه...لكن أرفض....اللعب بالدماغو لكم مني كل الود و التحية و الاحترام....و التقدير البالغ لكل قطرة و لكل حرف تشاركتموه معي هنا اوي في اي موضع آخر

جزاكم الله كل خير

ما قلت لك يا ريهام

في ناس قاعدين في الصالون

و ناس همة الباعة الجائلين بيعرضوا بضاعتهم تحت

في ناس بتقدر تعيش في جو الصالون و ماتسمعش غير اللي بيتقال جوة

و في ناس بتتضايق و يضيع تركيزها من الغلوشة دي

و في ناس بتنزل لهم و تحاول تسكتهم

وفي ناس بتنزل تتفرج

و ناس بتخلص لما تقوم الخناقة

و ناس بالمرة تعاين البضاعة و تفاصل ما يضرش

و ناس بتشتري و تخش تقول للموجودين و تفرجهم

في ناس بتنزل تشتري

و ناس لسه قاعدة في الصالون بتتناقش

وناس بتسمع

و ناس بتتأمل

وناس واخدين ركن عند النافذة و بيقرأوا

انتي بقى اختاري موقعك وسط الناس دي يا لماضة

تم تعديل 30 أكتوبر 2010 بواسطة مصرية متغربة

[عادل أبو عمر]

الفايدة إن فيه ناس بتتعلم منك الكلمة اللي جاية من القلب

الفايدة إن المحاورات هنا ناضجة مع ناس محترمين زي حضرتك وكثير من الإخوة و الأخوات

الفايدة في مساعدة الآخرين بمعلومة أو نصيحة لوجه الله أوحتى حكاية أو ذكرى أوموقف جميل

الفايدة إن معنى جميل هوالإخلاص يحل لك كل الألغاز أن تكون أعمالك كلها لله بدون إنتظار لشكر من أحد أوحتى زعل من من لم يقدرك

الفايدة أن نتعلم العفو الصفح و حسن المعاملة مع من نختلف معهم

قرأت ما يلي في أحد المواع و عجبني جدا لأنه هو أحسن القصص

قصة سيدنا يوسف وردت هذه الآيات على لسان سيدنا يوسف

وَقَدْ أَحْسَنَ بَي إِذْ أَخْرَجَنِي مِنَ السِّجْنِ وَجَاء بِكُم مِّنَ الْبَدْوِ مِن بَعْدِ أَن نَّزغَ الشَّيْطَانُ بَيْنِي وَبَيْنَ إِخْوَتِي إِنَّ رَبِّي لَطِيفٌ لِّمَا يَشَاءُ إِنَّهُ هُوَ الْعَلِيمُ الْحَكِيمُ

الأيه ديه بجد بحس إنها جمعت عشرات الأخلاق السامية ... كل لما أطلع درس مستفاد منها في الأخلاق ... ألاقي درس تاني وتالت ورابع ... ببقى محتار أقول إيه ولا إيه

أيه بحس فيها بعجز وتأنيب ضمير عندما أقرأها وأقارنها بنفسي

حذكر درس واحد جيه في بالي بعد الإطلاع على التفسير طبعا

من أخلاق المسلمين: العفو.......

أو بمعنى أصح خلق المنتصر أو المصيب

لما يوسف عليه السلام عندما رأى إخوته الذين كادوا له وتآمروا عليه وألقوه في غيابة الجب وقالوا {اقْتُلُواْ يُوسُفَ أَوِ اطْرَحُوهُ أَرْضاً } ... منتهى الكراهية من أخواته .... ودول مش ولاد عمه حتى ... دول من لحمه ودمه ... وملوش أي ذنب إن أبوه بيحبه أكتر منهم .... تنافسوا حتى يحصلوا على رضا أبيهم وحبه .... بس كان الحل من وجهة نظرهم إن هما يقتلوه ... وأحنهم عليه قال إرموه في غيابة البئر ..... تدور الأيام والأحداث المعروفة ... ولمّا قابلهم وقد مكّن الله له في الأرض ... شوف قال إيه {وَقَدْ أَحْسَنَ بَي إِذْ أَخْرَجَنِي مِنَ السِّجْنِ} ولم يقل إذ أخرجني من البئر, حتى لا يكسر قلوبهم, و حتى لا يذكرهم بذنبهم .... مجابش سيرة الموضوع ده تاني ... رحمة المنتصر وتواضعه

بل إنه عزى الموضوع برمته إلى الشيطان ... إخواته كان جواهم شر رهيب ... كان لازم يذكر المصدر ... الشيطان ... مقالش " أصل هما أصلا ماتربوش .... أو طول الوقت بيحقدوا عليا على شان أنا أحسن منهم .... وشوف جمايلي عليهم بقت إيه .... ودول ولاد صحراء وعاشوا بدو ... وأنا أمير وأملك خزائن الأرض وفضلي عليهم لن ينسوه" .... لاء ده قال ... من بعد أن نزغ الشيطان بيني وبين إخوتي ... طب مايقول إن الشيطان سول لإخوته بس ... أو إن الشيطان لعب بعقولهم على شان هما ضعاف ... لاء ده قال نزغ ( والنزغ هو نزغ الإبرة ووخزها ) ...

كأن هما المفروض جسد واحد والشيطان هوا إللي فصلهم ... وربنا ذكر النزغ في القرآن مرات عديدة ... وأكد على سبب تفرقة الأمة زي " وَقُل لِّعِبَادِي يَقُولُواْ الَّتِي هِيَ أَحْسَنُ إِنَّ الشَّيْطَانَ يَنزَغُ بَيْنَهُمْ إِنَّ الشَّيْطَانَ كَانَ لِلإِنْسَانِ عَدُوّاً مُّبِيناً }

وكأن الله سبحانه وتعالى بيأكد على شان إللي يفوته المعنى إللي في سورة يوسف ... يذكره بالدرس تاني في سورة الإسراء .... القول الحسن ( إللي عمله يوسف مع إخوته ) ونزغ الشيطان ( إللي خلاهم يعملوا فيه كدة ) .... الداء والدواء

منتهى الأدب والحلم والجمال والخلق من حبيبي نبي الله يوسف عليه أفضل الصلاة والسلام

[Om Zayd]

لماضة .. لو انا فهمت قصدك

هدى الأسلام يكون للموضوعات اللي ما فيهاش جدال .. القطعية

و من يريد أن يناقش شيئا خلافيا يضعه في مكان آخر

عارفين إيه المشكلة .. ان كتير مننا غير متخصصين .. صعب نرجح رأي على آخر لأن الموضوع ليس عقلي فقط بل الدليل وتمييزه و الإحاطة بملابسات الموضوع

[لماضة مصرية جدا]

السلام عليكم و رحمة الله و بركاته

أستاذتي مصرية متغربة

الصورة اللي حضرتك تناولتيها...فهمتها...لكن انا مختلفة مع حضرتك فيها

حتي الناس اللي قاعدة في الصالون و مشغلة التكييف...و بتتامل في كتاب بتاع باولوا كويهلو.....برضه بيلفت نظري صوت بياع الروبابيكيا اللي معدي من تحت الشباك

عارفة ليه

عشان لما بيزعق.....و هو بينادي علي بضاعته....هو بيوصلك رسالة....مش بس انه يبيع.....لا انه موجود....و في وقت ما انا هشمر و هنزل و اقف اسلم عليه و لعلمك بقي بعرف منه احسن من اللي بقراه في الكتب

حضرتك نصحتيني اني اخد لقطة اكبر....و ده اللي بعمله...بس انا مش مشغولة بيا.....انا بس حبيت الناس كمان تاخد اللقطة دي....تبص لكل توبيك من زاوية اكبر شوية....تربط افكار ببعضها....تناقش...مش جوه التوبيك....لا علاقة الافكار و فين بتودي

و متهيالي هو ده الهدف من القراية او الكتابة بشكل عام

حضرتك نصحتيني برضه....إني اشوف المكان اللي "لماضة" تقعد فيه.....انا هكون هنا و هناك.....في الصالون لما تتوقعي اني ابقي في الشارع....و في الشارع لما تتوقعي إني ابقي في الصالون

و مش هحط نفسي في مكان واحد

ده لاني فاهمة نفسي كويس

و برضه هدفي.....ان الناس اللي بتقرا هي كمان تفتح مسام جديدة ...عشان تقدر تفهم أفضل

*********************

أستاذ مروان

جزي الله حضرتك كل خير

فاكر يا استاذي لما قولت لحضرتك انت نشنت و جبت قلب الدايرة

حضرتك بتعملها هنا تاني مرة

هدفي القادم بإذن الله هو "معايشات من سورة يوسف"........و خلينا نفتح مساحة إن الناس تعيش القرآن و تتنفسه

و جزاك الله كل خير و نسالك صالح الدعوات

********************

أستاذتي أم زايد..(هو زايد و لا زيد...مش عارفة الفرق)

اه هو اللي فهمتيه استاذتي

باب هدي الاسلام.....مينفعشي يتحط فيه موضوعات جدلية.....عشان و لا واحد فينا متخصص....إذا كان اصلا الشيوخ اللي قضوا عمرهم في العلم الشرعي الناس بتختلف عليهم..(الرمز الديني مبينفعشي يتأله....لكن الثوابت الدينية مينفعشي تتمس)

احنا بقي....اللي يا دوب بنحاول نقرا و نتعلم و نفكر...هنيجي دلوقتي و نفتح موضوعات ارجع و اقول تاني.....بتخليني احسن عبادتي إزاي....و لا بتسيبني الف في دواير مفرغة....و يبقي الحوار فيها من نوع ازنقك في الحيط...و اقولك هات الدليل...(طب ما هو اصلا مين ادي الناس الحق انها تطرح الموضوعات دي من الاول)

عشان احنا في فضاء مفتوح

جميل

يبقي الفضا المفتوح...عايزله عقل اكثر انفتاحا.....عقل مينفعشي ينساق مع كلمة تتكتب هنا او هناك ظاهرها حق و اريد بها باطل

المنتدي مش لماضة....و لا فولان و لا علان

مع احترامي لكل فرد في الادارة...بس برضه مش مسئولية الادارة انها تحط قاعدة كده صريحة علي باب "هدي الاسلام"....مكتوب عليها عزيزي القاريء شغل عقلك

المنتدي....مساحة افكار...ملك لينا كلنا

هنفضل نكتب

و هنفضل نقرا

و هنفضل نرفع يافطة....انا معترض...لما احس انه فيه كتابة منافية للعقل

و هنفضل

مش عشان عايزين نعاند و السلام

عشان

الكلمة صدقة

و يمكن دي الي تفضل بعد ما كل حد فينا هيبقي في محطة تانية

و معذرة علي الاطالة

صباحكم...نور ربنا في الكون

[عبير يونس]

السلام عليكم و رحمة الله و بركاته

أستاذتي مصرية متغربة

الصورة اللي حضرتك تناولتيها...فهمتها...لكن انا مختلفة مع حضرتك فيها

حتي الناس اللي قاعدة في الصالون و مشغلة التكييف...و بتتامل في كتاب بتاع باولوا كويهلو.....برضه بيلفت نظري صوت بياع الروبابيكيا اللي معدي من تحت الشباك

عارفة ليه

عشان لما بيزعق.....و هو بينادي علي بضاعته....هو بيوصلك رسالة....مش بس انه يبيع.....لا انه موجود....و في وقت ما انا هشمر و هنزل و اقف اسلم عليه و لعلمك بقي بعرف منه احسن من اللي بقراه في الكتب

حضرتك نصحتيني اني اخد لقطة اكبر....و ده اللي بعمله...بس انا مش مشغولة بيا.....انا بس حبيت الناس كمان تاخد اللقطة دي....تبص لكل توبيك من زاوية اكبر شوية....تربط افكار ببعضها....تناقش...مش جوه التوبيك....لا علاقة الافكار و فين بتودي

و متهيالي هو ده الهدف من القراية او الكتابة بشكل عام

حضرتك نصحتيني برضه....إني اشوف المكان اللي "لماضة" تقعد فيه.....انا هكون هنا و هناك.....في الصالون لما تتوقعي اني ابقي في الشارع....و في الشارع لما تتوقعي إني ابقي في الصالون

و مش هحط نفسي في مكان واحد

ده لاني فاهمة نفسي كويس

و برضه هدفي.....ان الناس اللي بتقرا هي كمان تفتح مسام جديدة ...عشان تقدر تفهم أفضل

صباحكم...نور ربنا في الكون

و انا فعلا شايفاكي بتحلقي في كل مكان يا فراشة المساء

و لكن احذري ان تحترق اجنحتك

فليس كل ضوءٍ نورٌ