متى نتغير؟ .. احترت و احتار دليلي

[masraweya]

هوامتي المصريين "كشعب" اتحركوا؟

ناخد لقطتين

ثورة 1919 و حرب أكتوبر-رمضان

في الحالتين كان فيه هدف واضح و قيادة واضحة

ثورة 1919 تميزت بوجود الزعيم الذي التف حوله الشعب و الهدف كان واضحا (ليس مجرد السماح بسفر الوفد .. فهذه خطوة على سبيل الاستقلال-الهدف الأصلي)

حرب أكتوبر-رمضان : رغم عدم وجود زعيم .. لكن القيادة القوية موجودة ..من أول السادات إلى قادة الجيش

الهدف واضح تماما .. تحرير الأرض .. استعادة الكرامة

زاد هنا -مما سمعته ممن شاركوا فيها- الحافز الديني "الله أكبر" لم تكن مجرد كلمات .. بل إيمان و يقين

[masraweya]

أماالآن .. قد يكون الهدف واضحا عند البعض .. ماذا عن باقي الناس؟

القيادة غير واضحة .. أو على الأقل غير متفق عليها

الخطاب الدينى غير متوازن .. أو فلنقل "يتحرك في الحدود المسموح له بها فقط".. إذن ما العمل؟

[عبير يونس]

االناس مفتقدة الحاضر

مفيش حاضر تعيشه

كله بيتحسر على زمان و أيام زمان

عايشين في الماضي

و نبكي على الأطلال

و اللي بيفكر في المستقبل

بيهج بولاده في أي مكان تاني

تعليم و باسبور اجنبي

بقت هي مفاتيح هذا العصر

النظرة السوداوية للحاضر بتزيده كآبة و مرارة

و لو حاولنا نرصد ايجابيات

ألف من يسفه كلامك

و يتهمك انك عايش احلام وردية أو في برج عاجي و مش دريان بحاجة

شكوى مستمرة

حتى اللي ربنا ميسرها عليهم

حب الشكوى مسيطر ع الجميع

أعراض اليأس اللي بيوصل للكفر و العياذ بالله

و اليائس ده ممكن تاخد منه أي حاجة ايجابية؟؟؟!!!!

بيقولوا معرفة المشكلة هي نصف الحل

و الواقع ان في ناس بتعيش و تموت متعرفش اصلا ان في مشكلة

زي ما الإخوة تفضلوا ان الناس اما جعانة او مرتاحة و مش في بالها

الانسان الجائع ده

ماذا ننتظر منه؟؟؟

ده ممكن يرتكب جريمة عشان ياكل

ده ممكن يبقى عنده أي طموح فوق لقمة العيش؟؟؟

لا أعتقد

نيجي للنوع التاني اللي مرتاح

منطقه بيقول انه مبيحبش المشاكل

في حد مرتاح يدور على وجع الدماغ برضه؟؟؟

ما بيقلقش غير الطبقة الوسطى

المتعلمين و المثقفين اللي ظروفهم الاقتصادية جعلتهم أقرب إلى الفقراء

همة دول اللي بيحسوا بغيرهم

و همة اللي عندهم وعي بحقوقهم

و في نفس الوقت معندهمش حاجة يخافوا عليها

بس في حالة واحدة

و همة لسه متخرجين و معندهمش ولاد

لأن الولاد بيكسروا الضهر

و يخللوا الواحد يبخل و يجبن

مش حقول خطة و مؤامرة

الموضوع أبسط من كده بكتير

مجموعة من الحرامية دخلت حقل مزدهر

و ملقتش حد واقف لها

شطحت و توغلت داخل الحقل

و برضه مفيش حد واقف لها

ركبت و دلدلت رجليها

و مبقاش حد قادر يلمهم

لا أبرئ الناس

و أولهم نفسي

كلنا بنقول و انا مالي

و كلنا عندنا أسبابنا

بس بجد با تغاظ اوي من اللي رامي كل حاجة على شماعة النظام الفاسد

و ناسي المثل المصري الشهير

قال يا فرعون ايه فرعنك

قال ملقتش حد يلمني

طب ازاي نواجه فرعون؟؟؟

تأليه الحاكم... الموروث الشعبي الشهير

من غيره حنضيع

يعمل مابداله فينا بس يتنه على راسنا

كرهنا لبعض " العصبية القبلية البغيضة"

ده بلدياتي و ده لأ

الندالة الأصيلة

والجبن سيد الأخلاق

و الكترة تغلب الشجاعة

دي أخلاق أصيلة فينا و ليست مستحدثة و لا مستوردة

و أنا أول واحدة

كأم عندها عيال عايزة تربيهم...نقاط ضعفي

كل واحد فينا عنده نقاط ضعف

تحول بينه و بين الشجاعة

عدم وجود الرغبة في التغيير من أصله

بمنطق اللي نعرفه أحسن من اللي منعرفوش

و فقدان الأمل

بمنطق ما أسخم من سيدي الا ستي

و عدم التفاؤل بمن سيأتي بعده

اللي تحسبه موسى يطلع فرعون

مثلث الفقر و الجهل و المرض

موجود و متفشي فينا

و من به علة واحدة فبها و كفى

امال اللي عنده التلاتة مع بعض؟؟؟؟

طب و الحل

الحل ان كل واحد يبدأ بنفسه و يشتغل عليها كويس لحد ما يوصل و يبقى نموذج و قدوة لغيره

تبدأ من دائرة أسرته لعائلته لمجتمعه لبلده بالكامل

لازم نتمسك بالأمل في الله عز وجل

فهو القادر على تغيير حياتنا بين غمضة عين و التفاتتها

لازم نبطل نلوم الآخرين و نحاول نركز في نفسنا

التنوير مهم جدا

و زي ما ربنا نور طريقنا لازم النور يستمر عشان ينور لغيرنا

الكلام مش وحش و لا فارغ و لازم نكون على يقين أن أي مجهود بنبذله في تنوير الطريق لمن حولنا لن يضيع هباء

ما تحتاريش يا مصراوية

التغيير قادم بحول الله تعالى

لأنه سنة الله عز وجل في الكون

سبحان من يغير و لا يتغير

شوية يقين بالله

و بمعجزته المتمثلة فينا جميعا

اوعى حد يفتكر انه صوته مش حيفرق

صوتي و صوتك و صوته و صوتها

كله بيجمع

انا باتكلم من غير ترتيب

و مش حأحاول أرتب

حأسيبه كلام طالع من القلب

و يقيني انه حيوصل لكل من كان له قلب

[masraweya]

مصرية .. كلامك وصلني فعلا

اتكعبلت في دي

معليش يا أسد ... لو انا عملت كده يبقى ده مُنتهى الانانية

أبقى إنسان صالح ومحترم ورايح الجامع وجاي من الجامع .. لكنني معزول تماماً عن مجتمعي ... !!!

هل هذه إيجابية يابو أدهم ؟

الإيجابية هي ان تكون فعال وتتفاعل مع المجتمع بشكل إيجابي ..

يعني أفيد وأستفيد

أبقى إنسان صالح ... وفي نفس الوقت لا أنسى دور المجتمع تجاهي ...

الامر ليس له علاقة من بعيد او قريب بالحالة المادية ..

فيكفي أن امسك بمقشة وأكنس بها الشارع اللي انا فيه ..

يكفيني انا اكون في قريتي إنسان مبادر للخير .. وأساعد الجميع .. بدون أن أنتظر مقابل ...

يكفيني أنا أكون عضو في جمعية خيرية زي دي

عليك واحد في دي ياريس ..

مواطن صالح مش معناها كده ...

المواطن الصالح .. هو الواطن الإيجابي ..

الذي لا يدفع الرشوة . والذي لا يخالف القوانين .. والذي لا يسعى لنهب أو سرقة غيره . المواطن الصالح هو الذي يبني في وطنه .. يصحح . يرشد ..

المواطن الصالح هو الذي يحب وطنه .. ويحب الناس من حوله .. ويدعمهم ويساعدهم ويرشدهم .. ويصحح أخطاؤهم ويساعدهم ..

المواطن الصالح .. أحد صفاته هي الإيجابية .. وكلما زادت إيجابيته تجاه المجتمع زاد صلاحه ..

المواطن الصالح .. هو المواطن الذي يصلح لأن يكون مواطن .. وهوالذي يصلح لكي يكون مسئول نزيه .. وهو الذي يصلح لأن يكون جار محترم .. وتاجر شريف .. وبناء عنده ضمير .. يعمل بجد ..

المواطن الصالح إذا عمل زبالاً .. فهو يعمل بجد ونشاط وضمير .. وينظف الشارع جيداً ..

المواطن الصالح إذا عمل في شركة كهرباء .. حرص على تغطية الكابلات وأتقن عمله .. وأضاء الكهرباء ..

المواطن الصالح إذا عمل في مستشفى كطبيب أو ممرض عمل بكل جد وإخلاص في خدمة المرضى ..

لم أقصد أبداً .. المواطن الصالح هو اللي إنت وصفته ..

هناك فرق كبير بين المواطن الصالح .. والدرويش الصالح ..

ولو كل واحد فينا أصبح مواطن صالح كما وصفته أنا ..

ستكون مصر أعظم بلد .. وسنكون أعظم شعب ..

وحنكون ردينا كل دين علينا لمصر

نهارك أبيض ..

[masraweya]

عايزة أضيف ان ده مش رد دين بس .. يعني مش عشان اتولدت و اتعلمت في البلد دي

لأ ....

لأن ده دورنا في الأرض

ربنا قال سبحانه " إِنِّي جَاعِلٌ فِي الْأَرْضِ خَلِيفَةً

الإصلاح ما استطعنا

نفسي نفكر .. هنقول إيه لربنا على تقصيرنا و سكوتنا و اسستسلامنا؟

ليه غريزة البقاء هي المسيطرة علينا .. حتى اللي عايزين يهاجروا غريزة البقاء و حفظ النسل هي اللي بتدفعهم

عارفين .. أنا ممكن أفهم ان الهجرة تكون وسيلة أسلح نفسي و اولادي بالعلم -و جواز السفر- عشان نرجع و نصلح

لكن نبيع القضية؟

لأ

[masraweya]

السلام عليكم

نموذج إيجابي لحلاّق قي قرية

د. معتز بالله عبد الفتاح

لقد دخلت محل محمد خطاب حلاق مدينة الخطاطبة لأجد أمامى شخصا يلقى عليك التحية وكأنه جراح متمكن من مهنته، فخور بها، المحل نظيف تنبعث منه رائحة راقية تليق بأرقى الفنادق. يزول تخوفى تباعا لأكتشف أنه أنشأ حديقة صغيرة فى الجهة المقابلة لمحله، وبالنظر إليها تبين أنها محاطة من الجانبين بالقمامة المعتادة رغما عن أن بجواره صيدلية بدت لى من بعيد وكأنها مهجورة.

بدأت أسئلتى له ليتبين لى أنه يحب مهنته ويعتقد أن النظافة جزء لا يتجزأ منها، لا يقبل أن يلقى مخلفات محله فى قارعة الطريق، ويعتقد أن هذه الحديقة التى صنعها بتكلفة شخصية هى جزء من واجبه تجاه أبناء قريته حتى يروا أمامهم ما يبعث على الأمل. وقد كانت الحديقة أكبر، لكن جيرانه كانت لهم مآرب أخرى، فاضطر لأن يقتصر على الجزء الذى أمام محله مباشرة. يسأله السائلون هل أنت «حلاق أم تعمل فى البلدية؟» فيقول «أنا حلاق أعشق النظافة، وهل لازم أعمل فى البلدية كى أكون نظيفا؟»

هذا المقال رسالة من محمد خطاب إلينا جميعا بألا ننتظر الحكومة كى تنظف لنا شوارعنا، ماذا يضيرنا لو نظف كل محل أمامه وزرع زرعا أو صنع معروفا بأن تتوقف مهرجانات القبح عن أن تشوه كل ما هو متاح. هى رسالته لنا بأن نبادر بالخير وبغرس الفسيلة حتى لو كان بجوارك من يغرس الضرر. هى رسالة بأننا مقصرون فى حق بلدنا لأن منا من تحرك بلا ضجيج.

قيمة النظافة لابد أن تعود إلى القمة عساها تكون مقدمة لقيم أخرى غابت وأصبحنا أمة لديها حضارة لكنها ليست متحضرة. شكرا محمد لأنك لم تلعن الظلام وإنما أضأت حديقة وسط ظلام القمامة.

طبعا غريبة ان جيرانه لم يقتدوا به .. و الأغرب أنه لم يستسلم

[Howayda Ismail]

الاغرب اكتر ان الناس دلوقتى مش بتكتفى انها مش بتنظف بل بتلاقيها بترمى القمامة واحد من العربية تلاقيها

ايه اخر موديل وهب كيس زبالة او بقايا اكل حتى لو اولاده اللى بيعملوا كده مش هو فين كلامه هو ليهم

او كلام والدتهم وكذلك لما تكونى ماشية فى مكان ووسط المحلات تلاقى طفل بياكل ووالدته ذات نفسها تاخد

الورقة من ايده وتمسح له ايده بمنديل والاثنين تلقيهم فى الشارع او على باب المحل قبل ماتدخله

اعتقد ان سلوكيات النظافة دى بيتعلمها الانسان من صغره فى طفولته فى بيت اسرته من ابوه وامه يعنى شئ مكتسب

كذلك السلوك العكسى بيتعلمه منهم وعلى اساسه يكون سلوكه فى البيت والمدرسة والشارع