عندك حلول وافكار جديدة نقدمها للمحاورات

[اغابي]

بصراحة المنتدى داه غالى علينا كلنا واقل شيء فكرت فيه هو مشاركتكم فى الاقتراحات البناءة

والافكار الجديدة التنويرية

كمان لما لاقيت الفترة الاخيرة المنتدى - فيه بعض الامور الغير مفهومة بالمرة

هل علشان عدد المشتركين قل جدا ولا هل لاختلاف الاراء وتزمت كل واحد منا لرايه

عموما

لو كل واحد عنده اقتراح او حل يتفضل بيه

ازاى نجذب الكل للمشاركات

ازاى ننزل بموضوعات مفيدة بناءاة على كل المستويات

ايه الاقتراحات التنويرية - اللى عند كل واحد ولو فى نقاط بسيطة ومختصرة عن تماسك الاعصاب مثلا

والتأنى الشديد فى كل كلمة او مشاركة قبل البدء بالطباعة

كيفه ترتيب الافكار

انا لاحظت وعن تجربة ان المشاركات هى اللى ممكن فى لحظة تخلينا ناخد قرار نسيب المنتدى لابد

انا بكرر المشاركات هى السبب مش الموضوعات اطلاقا

والدليل الموضوعات المتشابهة فى المنتدى قديما المشاركات تسير بصورة اهدى

انا عندى اقتراحات واشوف اعرضها على حضراتكم

داه غير انى اخدت شوية قرارات حابدأ تطبيقها بالفعل

اغابي

:roseop:

تم تعديل 27 أكتوبر 2010 بواسطة اغابي

[اغابي]

احترام مشاعر و فكر ومنهج الاخرين

[mekkawy]

طب كويس أهو

الحركة عامة مش فردية

و أنا من موقعي هذا بأتبنى بنتنا أغابي و بنتنا لماضة لما تسعيان لتقديمه من تطوير في المنتدى و بأقترح دمج الموضوعين بعد اذنهما !! :) .. ده أولن (لحوة أولن دي؟)

ثانياً

أنا رأيي نثري الموضوع بشكل أكتر في النواحي الحياتية شوية .. يعني:

وظايف ..

تعليم ..

فرص استثمارية صغيرة ..

تحقيق مكاسب مالية من مشروعات بسيطة ..

ورش عمل للي عنده خبرة في حاجة معينة يفيد الباقيين فيها

أخبار .. و يرجع صحافة كل يوم في موضوع واحد بدل تشتيته في مواضيع كتير

نستعيد الأعضاء المميزين .. أمثال أخونا زهيري و أخونا أحمد سيف المختفين .. و أخونا أبو عمر اللي مشاركاته قلت

و عندي أفكار تانية كتير

بس أهم حاجة إن الأمور الحياتية مش هنختلف عليها .. نظلع بيها شوية و نتلم حبة و لما نزهق من اللمة نرجع للخلاف تاني :lol: .. لا لا بهزر ربنا ما يجيب خلاف بس أنا قصدي إن دي أمور ما يختلفش عليها اتنين .. بس مش أكتر

مكاوى

[اغابي]

الحد من الموضوعات الغير مجدية والغير بناءة تحت اى مسمي

[اغابي]

لسة يا مكاوى بفكر بنفس طريقتك

فعلا فى موضوعات تفيد ناس كتير

زى اللغات وكيف تتعلم حرفة جديدة ليه لاء ما دام احنا طاقة كلنا وعندما وقت ما نثتثمره على المحاورات ونفيد بعض

تم تعديل 27 أكتوبر 2010 بواسطة اغابي

[masraweya]

المشاركات تكون واضحة ..لا مجال للبس فيها

يا ريت نقرا المشاركة كذا مرة قبل ما نبعتها و يا ريت لو منفعلين منردش في لحظتها

[اغابي]

اذا كان الموضوع يحتمل الجدال الطويل وبه اراء كثيرة ونقاط متشعبة

فيرجي الابتعاد عنه فورا - لانه فخ

[اغابي]

المشاركات تكون واضحة ..لا مجال للبس فيها

يا ريت نقرا المشاركة كذا مرة قبل ما نبعتها و يا ريت لو منفعلين منردش في لحظتها

ممتاز

[اغابي]

اين الموضوعات الخفيفة وموضوعات الابتسامة

فهي على الاغلب الجميع يتفق عليها

وترسم الابتسامة

تم تعديل 27 أكتوبر 2010 بواسطة اغابي

[اغابي]

القراءة الجيدة والتاني - قبل المشاركة

[مغتربة]

انا مش عارفه انتى قصدك يا اغابى اقتراحات لينا احنا المشاركين نطبقها فى مشاركتنا و لا اقتراحات لاداره الموقع لتطوير الموقع

عموما انا عندى اقتراح ان الاداره تعمل استضافات لشخصيات سياسيه و ثقافيه و فكريه لان دا من شانه اثراء المحتوى بالتناقش معهم عن قرب و سماع وجهه نظرهم و كمان للاجابه على الاسئله الى نوجهها ليهم

و كل ما تنوعت اتجاهتهم و مجالاتهم كل ما دا ادى الى استفاده اكبر من الفكره

كمان ممكن ننشط الفاعليات شويه فى المنتدى يعنى ان الاداره تنشا اقسام تقوم على اساس التفاعل بين الاعضاء او بين الاعضاء و الاداره لان دا هيخلق جو تعاون و روح حلوه فى المنتدى

اقامه المسابقات فى المنتدى برضه شيفاها هتكون ايجابيه مش شرط يكون فى جوائز ماديه يكفى جدا جوائز معنويه كالقاب او اوسمه او ما شابهه

دا الى عندى دلوقتى و لو لقيت حاجه تانيه اكيد هحطها

[masraweya]

انا عندى اقتراح ان الاداره تعمل استضافات لشخصيات سياسيه و ثقافيه و فكريه لان دا من شانه اثراء المحتوى بالتناقش معهم عن قرب و سماع وجهه نظرهم و كمان للاجابه على الاسئله الى نوجهها ليهم

و كل ما تنوعت اتجاهتهم و مجالاتهم كل ما دا ادى الى استفاده اكبر من الفكره

اقتراح جميل .. و يبقى صالون المحاورات

[اغابي]

انا عندى اقتراح ان الاداره تعمل استضافات لشخصيات سياسيه و ثقافيه و فكريه لان دا من شانه اثراء المحتوى بالتناقش معهم عن قرب و سماع وجهه نظرهم و كمان للاجابه على الاسئله الى نوجهها ليهم

و كل ما تنوعت اتجاهتهم و مجالاتهم كل ما دا ادى الى استفاده اكبر من الفكره

اقتراح جميل .. و يبقى صالون المحاورات

اقتراح رائع وبناء جدا - اضم صوتى

[مغتربة]

لما بدخل قسم كندا بحس انى بدخل منتدى تانى غير محاورات المصريين بلاقى اسماء غريبه علينا فى باقى المنتدى و ليها مشاركات كتير جدا و عارفين بعض جدا و بينهم علاقات متينه و بالتالى برضه هيكون الى فى باقى المنتدى و الى مش بيخش قسم كندا و لا بيشارك فيه ممكن يكون مجهول بالنسبه ليهم

و كذا مره افكر افتح عندهم موضوع باسم يا اهل كندا لما لا تشاركونا فى باقى الاقسام

لكن انا عندى اقتراح برضه بهذا الخصوص و هو عدم السماح للعضو الجديد طبعا لان القديم خلاص

عدم السماح للعضو الجديد بالمشاركه فى منتدى كندا بالكتابه فيه الا بعد استيفاء عدد معين من المشاركات فى الاقسام الاخرى للمنتدى

فى محاوله لجذبه لتصفح المنتديات الاخرى لعل و عسى ان يجد فيها ما يغريه بالمتابعه فيها بالاضافه لاهتمامه المشروع بمنتدى كندا

و بكدا نبقى كلنا عارفين بعضنا و بنشجع الكل فى الكتابه فى كل المنتدى

رايكم ايه

[اغابي]

لما بدخل قسم كندا بحس انى بدخل منتدى تانى غير محاورات المصريين بلاقى اسماء غريبه علينا فى باقى المنتدى و ليها مشاركات كتير جدا و عارفين بعض جدا و بينهم علاقات متينه و بالتالى برضه هيكون الى فى باقى المنتدى و الى مش بيخش قسم كندا و لا بيشارك فيه ممكن يكون مجهول بالنسبه ليهم

و كذا مره افكر افتح عندهم موضوع باسم يا اهل كندا لما لا تشاركونا فى باقى الاقسام

لكن انا عندى اقتراح برضه بهذا الخصوص و هو عدم السماح للعضو الجديد طبعا لان القديم خلاص

عدم السماح للعضو الجديد بالمشاركه فى منتدى كندا بالكتابه فيه الا بعد استيفاء عدد معين من المشاركات فى الاقسام الاخرى للمنتدى

فى محاوله لجذبه لتصفح المنتديات الاخرى لعل و عسى ان يجد فيها ما يغريه بالمتابعه فيها بالاضافه لاهتمامه المشروع بمنتدى كندا

و بكدا نبقى كلنا عارفين بعضنا و بنشجع الكل فى الكتابه فى كل المنتدى

رايكم ايه

لا- شوفى يا مغتربة - موضوع كندا داه موضوع انساني من الدرجة الاولى

خلينا بعيد عنه لان فى ناس بتدخل تستنجد لان بيكون عندهم مصيبة مثلا او كارثة فى موضوع الهجرة او الاوراق

ولا يتحمل انه يشترك فى موضوعات بمشاركات لان ما عندهمش وقت

بالاضافة اننا بكدا بنطفشهم لمنتدى تانى هو فعلا اقوي جدا فى باب كندا عننا احنا المحاورات

وكمان عندهم بيجذب اى حد وبدون شروط - بالعكس احنا مش عاوزين الناس تكره المحاورات وتحس انها سلاسل بتخنقهم

المشاركات عمرها ما تبقى اجبارى

لان الشخص اللى بيدي رايه فى المشاركة بيدى فكرة معينة - لكن لو هو عنده مشكلة عويصة فى اوراق الهجرة لكندا ازاى حيجيب دماغ ويشارك

ادخلى منتدى كندا الناس اللى هناك مساكين ربنا يعينهم

ممكن اقتراح لكندا تانى غير داه

فكري لنا تانى - لان افكارك ذكية ومتميزة

:roseop:

[president]

عندى اقتراح نثبت فيه احنا شعب نبحث عن الديموقراطيه بجد ونتمناها .

ولا بنقول كده من ورا قلبنا وماينفعش معانا غير الحديد والنار .

يعنى كل واحد فينا متقبل الرأى والراى الآخر ولا الديموقراطيه هى الرأى اللى بيكون المتفق معاه بس .

طب ياترى ممكن نختبر نفسنا ؟. و نبطل نعتبر الأداره ماما وبابا على رأى أحمد نظيف .

ويكون اصحاب القرار هم الأعضاء أنفسهم وليس الأداره .

تعالوا ناخد على سبيل المثال موضوع الساعه اللى شاغل الكل دلوقتى اللى هوا موضوع التقييم .

تعالوا نفتح موضوه ونصوت بهل يتم الغاء التقييم ام لا. - ثوانى بس الأداره ملهاش دعوه بالموضوع خلونى أكمل-

لو في اجماع بالغاؤه يبقى المشاركين انفسه يلتزموا بالقرار ده وما يستخدموش الخاصيه بمحض ارادتهم واعمالا للديموقراطيه ولو عضو جديد استخدمها حد يبعتله رساله ويشرحله الموضوع باختصار ويطلب منه انه يدلى بصوته يمكن صوته يغير الوضع..

والعكس صحيح لو ناس شايفه انه يخليه يبقى خلاص رغبة الأغلبيه تسود .

وياريت طالما الموضوع بعيد عن الناحيه التقنيه يبقى الأتفاق مابين أعضاء المحاورات ورأى الأغلبيه هو السائد . وعلى الأقليه الألتزام بالقرار بدون الشعور بالأضطهاد وأكيد هيجى تصويت تانى فى موضوع تانى ويبقى هم الأغلبيه فيه .

على الأقل نعيش روح الديموقراطيه في المحاورات ولا يعنى هيبقى بره وجوا .

طب آليات التنفيذ تكون ازاى . وايه هو اللى على أساسه ستعلن النتيجه ؟ في الحقيقه الأجابه مش حاضره في ذهنى حاليا . بس سهل جدا بعد فتره من التصويت نشوف الفرق مابين الموافق وغير الموافق وعلى اساسه نتخذ القرار .

ياريت برده كل واحد في التصويت يقول حيثيات رأيه لمجرد العلم فقط وليست مناقشة رأيه لأن الأساس هوا التصويت فقط .

أكتر واحد متضرر هو الممتنع عن التصويت .

باضيف للأقتراح ان اللى يفتح موضوع التصويت واللى يكون مشرف على الصندوق ويعلن النتيجه باختصار يعنى القاضى يبقى شخص قراره النهائى ملزم للجميع ديموقراطيا وليس اجباريا واللى عايز يخالف خلوه يغرد خارج السرب لوحده .

وياريت يكون القاضى ده الفاضل ابومحمد بصفته العضويه وليست الأشرافيه .

ولو الظروف ماسمحتش يبقى الخير والبركه في شخص يختاره الجميع .

دا كان مجرد اقترح و بالتوفيق في تجربه ديموقراطيه .

تحياتى

[akramgroup]

لما بدخل قسم كندا بحس انى بدخل منتدى تانى غير محاورات المصريين بلاقى اسماء غريبه علينا فى باقى المنتدى و ليها مشاركات كتير جدا و عارفين بعض جدا و بينهم علاقات متينه و بالتالى برضه هيكون الى فى باقى المنتدى و الى مش بيخش قسم كندا و لا بيشارك فيه ممكن يكون مجهول بالنسبه ليهم

و كذا مره افكر افتح عندهم موضوع باسم يا اهل كندا لما لا تشاركونا فى باقى الاقسام

لكن انا عندى اقتراح برضه بهذا الخصوص و هو عدم السماح للعضو الجديد طبعا لان القديم خلاص

عدم السماح للعضو الجديد بالمشاركه فى منتدى كندا بالكتابه فيه الا بعد استيفاء عدد معين من المشاركات فى الاقسام الاخرى للمنتدى

فى محاوله لجذبه لتصفح المنتديات الاخرى لعل و عسى ان يجد فيها ما يغريه بالمتابعه فيها بالاضافه لاهتمامه المشروع بمنتدى كندا

و بكدا نبقى كلنا عارفين بعضنا و بنشجع الكل فى الكتابه فى كل المنتدى

رايكم ايه

ليه بقى يامغتربه كده

داانا لسه مديكى واحده اخضر وانا بشوف المشاركات وشكل كده هاسحبها :)

مالك بقى ومال بتوع كندا ماتسيبيهم فى حالهم وبعدين انا اهو اول ماكنت بدخل

كنت بدخل بس باب كنكا وبعدين شويه شويه رجلى جت عندكم هنا ومتابع كل حاجه

بس مش شرط المشاركات يعنى المهم لما الواحد يشارك يقول حاجه جديده ميقولش نفس الكلام

زى ماانا ملاحظ وعشان كده حد زى لماضه بقت بتقول ان كل حاجه مكررة وسى السيد لما

ضرب مثل بالقصه بتاعة الجمل فى توبيك تانى wst::

الموضوع مش بعدد المشاركات والتجاوب يعنى العدد مش فى اللمون .

لازم نعرف ان كل واحد ليه اتجاهاته واهتماماته المختلفه عن التانى

يعنى مينفعش نجبر حد انه يشارك فى حاجه معينه قبل مايدخل يشارك فى الحاجه اللى مهتم بيها

وبعدين حتى باب كندا دلوقتى بقى محدش عاوز يدخله يمكن انا وكام حد تانى اللى لسه بندخل

ومن الاخر كده الباب ده بعد ماكان احسن مرجع لموضوع الهجرة ده وكان غنى جدا بموضوعاته ومشاركاته

الناس بطلت تدخل عليه وسابوا كمان المنتدى من اصله وراحوا منتديات تانيه

ومش فاكر انا قبل كده قريت ان الناس بردو مضايقه من باب كندا وعشان كده ناس كتير مشيت من

المنتدى خالص

ولعلمك بقى احنا فى باب بتاع كندا زى ماقالت اغابى نعرف بعض كويس والناس اللى معايا فى جده هنا

بنتقابل يمكن كل اسبوع واللى فى غير جده بنكون على اتصال من الوقت للتانى عارفه ليه

لان الاهتمامات مشتركه والهدف واحد والناس بتساعد بعض ( باختيارهم) وعشان كده مفيش مشاكل زى باقى الابواب

عارفه عشان ايه ؟ عشان كل واحد عارف هو داخل حاجه عشان يفيد ويستفيد لكن عكس معظم التوبيكات اللى

بتلاقى نفس الناس كل يوم بيكتبوا فيها هم هم واللى مالوش فى الموضوع اصلا ولا دى اهتماماته بردوا لازم يدخل يكتب ويشارك

طب ليه بقى هو نظام ازود عدد مشاركاتى والسلام ولا المفروض من العنوان كده ومن راس الموضوع افهم

اذا كان الموضوع ده مهم بالنسبالى وممكن استفيد منه وافهم الناس بتقول ايه او لو عندى حاجه افيدهم بيها

ادخل واضيفها فى التوبيك

بس ازاى بقى يبقى فى توبيك مفتوح من غير ماالناس تدخل تضربلها كام مشاركه حتى لو الموضوع مش فاهمين فيه حاجه

ممكن يعترضوا والسلام wst:: wst:: او يعيدوا نفس الكلام بصيغه تانيه المهم يكتبوا وخلاص عشان كده

الناس بتختلف كتير مع بعض واهى مشاركات والسلام

يعنى الافضل كل واحد يدخل يشارك فى موضوع معين يكون اما عاوز يستفيد فيسال ويسمع الرد او عاوز يفيد

فيقول اللى عنده او يدخل يتناقش ويقول رأيه ويسمع رأى الاخرين

اوعى حد يزعل منى بجد انا مقصدش حد بعينه ( وبردو خلوا بتوع كندا فى حالهم wst:: )

تحياتى للجميع

أكرم,,

[مغتربة]

لا و الله انا مش قصدى ازعل بتوع باب كندا

و انا عارفه انهم فعلا ساعات بيكون عندهم سؤال مستعجل ميحتملش تاخير

لكن انا فعلا صعبان عليا جدا انى ادخل الباب دا بالصدفه افاجىء بناس اول مره اعرفهم و الاقيهم ليهم مداخلان كتير و ربتيشن عالى

بحس انهم تجمع منفصل عنا ومش عجبنى العزله دى عن بعضنا

ففكرت بطريقه نغريهم بيها انهم يشاركوا معانا

خلاص ما دام فكرتى ملقيتش ترحيب يبقى ممكن نفكر فى حاجه تانيه

تحياتى