مهم للمصرين بالسعوديه

[xlove]

السلام عليكم ورحمه الله وبركاته

اتمني الجميع يكونوا بخير

ومش هطول عليكم وادخل في الموضوع علي طول

بصراحه لغه الحوار داخل قسم المغتربين المصريين مش تمام ...... سامحوني بس حاسس كدا

الناس تنقسم الي نوعين

الاول متعقد من السعوديه

والثاني مبسوط

عاوزين يا جماعه نفض الاشكال دا يعني الوقتي اي حد بيفكر يسافر بيحصل له قلق لما يشوف الكلام دا

ياريت الي عنده موقف ايجابي يوضحه لكل الناس الجديده لان دا بيعطي تفاؤل وامل جديد

بالنسبه للناس بقي الي عندها مشاكل مع الكفيل مثلا مع صاحب العمل ؟ ياريت نوضوح المشكله بوضوح وان شاء الله الاخوه يساعدوا الكل اكيد لاننا نتمني الخير لكل المصريين بالسعوديه

اتمني كل الناس تكون فهمت انا قصدي ايه ياريت ميكونش الكلام كله في جانب واحد والي عنده مشكله او واجهته مشكله وتم حلها يقول حلها ازاي ؟

اتمني من المصريين المقيمين من فتره كبيره في السعوديه توضيح النقاط للمغتربين الجدد

مثلا :_

كيف تبدأ بنجاح في المملكه ؟

اخطاء احذر منها ؟

التعامل مع الجنسيات المختلفه ؟

ـــــــــــــــــــــــــــــــــــــــــــــــــــــ

ياريت كلنا نتشارك في شيء مهم جدا لكل المصرين باننا نحاول نوضح المشاكل وحلولها ؟ واتمني من كل شخص له تجربه جيده في المملكه ان يوضحها حتي يكون قدوه للناس تتعلم منه وتنطلق من الفكر السليم

اعتقد ان المصريين افضل شعب في العالم وعاوزين نشوف الحوار يبقي ازاي بين المصريين

وعاوزين نلغي بقي مقوله ان اوحش تعامل في الغربه مع المصريين بجد بيضايقني اوي ازاي نكون اخوات وبنكره الخير لبعض وبينقطع ارزاق بعض

يعني عاوزين نتناول كل هذه الاحداث بواقعيه بما يفيد المغتربين الحاليين وتوجيه النصائح للجدد ومين اين يبدأو جيدا

ـــــــــــــــــــــــــــــــــــــــــــــــــــــ

تحياتي لكم

واتمني من الاداره عمل سكشن خاص بكل دوله لان السكشن دا ضامم كل الدول وتحس ان الموضوع محتاج شويه تنظيم

[Mohamed Badry]

و عليكم السلام و رحمة الله و بركاته

شوف يا سيدى, أخوك بقاله 3 سنين فى المملكة

أهم حاجة(من وجهة نظرى) هى تجنب التعامل مع السعوديين الا فى اضيق الحدود

و طبعا التقيد بالقوانين و الالتزام بالقواعد العامة

الحمد لله زمايلى مصريين و مديرى مصرى و ماليش أى تعامل مع السعوديين

[moamana]

اهم شىء هنا ان تجى على عقد محترم يعنى مرتب محترم و تامين طبى عائلى و تذاكر طيران عائلية و بدل سكن 3 اشهر من المرتب

و بعدين لا تكون مقفل و لا مفتوح اوى

يعنى مش قعدة البيت هى كل حاجة و التحويش لا فسحة حلوة فى اى حته مرة فى الاسبوع هتقدى الغرض

و بلاش تعامل مع جميع الجنسيات بانفتاح زيادة حاول تتعرف على مصريين كثير و دول مفيش اكتر منهم هنا

الجو العام للسعودية الالتزام و البعد عن الاختلاط الكثير

يعنى مثلا حياتنا كالتالى نتغدى بره او نتعشى مرة فى الاسبوع

فى اى مطعم او اى مول او نروح جنينة و نجيب طعام او نحضره فى البيت مرة كل شهر نؤجر نحن و اصدقاؤنا استراحة و بنكون كتير حوالى 15 عيلة و طبعا الاستراحة فيها حمام سباحة و حديقة للاطفال و نجيب طعام من بره و ناكل و الرجال ساعات بيكون عندهم ملاعب كرة قدم او طايرة

كمان لو مرتبك كويس اشترك فى جيم هنا كل جيم فيه حمام سباحة و كل الالات و جاكوزى و ساونا

بالنسبة للاختلاط فى حدود المعقول بكل الجنسيات بس نصيحة تجنب الاختلاط الكثير خاصة العائلى بالسعوديين

و تانى بقول الكثيييير يعنى كل حاجة فى حدود المعقول .حلوة

[xlove]

و عليكم السلام و رحمة الله و بركاتهشوف يا سيدى, أخوك بقاله 3 سنين فى المملكةأهم حاجة(من وجهة نظرى) هى تجنب التعامل مع السعوديين الا فى اضيق الحدودو طبعا التقيد بالقوانين و الالتزام بالقواعد العامةالحمد لله زمايلى مصريين و مديرى مصرى و ماليش أى تعامل مع السعوديين

شكرا اخي الفاضل علي ردك واكيد طبعا رايك يحترم وشكرا لك

اهم شىء هنا ان تجى على عقد محترم يعنى مرتب محترم و تامين طبى عائلى و تذاكر طيران عائلية و بدل سكن 3 اشهر من المرتبو بعدين لا تكون مقفل و لا مفتوح اوىيعنى مش قعدة البيت هى كل حاجة و التحويش لا فسحة حلوة فى اى حته مرة فى الاسبوع هتقدى الغرضو بلاش تعامل مع جميع الجنسيات بانفتاح زيادة حاول تتعرف على مصريين كثير و دول مفيش اكتر منهم هناالجو العام للسعودية الالتزام و البعد عن الاختلاط الكثير يعنى مثلا حياتنا كالتالى نتغدى بره او نتعشى مرة فى الاسبوعفى اى مطعم او اى مول او نروح جنينة و نجيب طعام او نحضره فى البيت مرة كل شهر نؤجر نحن و اصدقاؤنا استراحة و بنكون كتير حوالى 15 عيلة و طبعا الاستراحة فيها حمام سباحة و حديقة للاطفال و نجيب طعام من بره و ناكل و الرجال ساعات بيكون عندهم ملاعب كرة قدم او طايرةكمان لو مرتبك كويس اشترك فى جيم هنا كل جيم فيه حمام سباحة و كل الالات و جاكوزى و ساونابالنسبة للاختلاط فى حدود المعقول بكل الجنسيات بس نصيحة تجنب الاختلاط الكثير خاصة العائلى بالسعوديينو تانى بقول الكثيييير يعنى كل حاجة فى حدود المعقول .حلوة

ليه نتجنب السعوديين ؟

وكلام حضرتك كله منطقي طبعا

[yasser moustafa]

و عليكم السلام و رحمة الله و بركاته

شوف يا سيدى, أخوك بقاله 3 سنين فى المملكة

أهم حاجة(من وجهة نظرى) هى تجنب التعامل مع السعوديين الا فى اضيق الحدود

و طبعا التقيد بالقوانين و الالتزام بالقواعد العامة

الحمد لله زمايلى مصريين و مديرى مصرى و ماليش أى تعامل مع السعوديين

طيب كمل جميلك ووضح اكثر فى موضوع تجنب التعامل مع السعوديين

تحياتى

[Mohamed Badry]

و عليكم السلام و رحمة الله و بركاته

شوف يا سيدى, أخوك بقاله 3 سنين فى المملكة

أهم حاجة(من وجهة نظرى) هى تجنب التعامل مع السعوديين الا فى اضيق الحدود

و طبعا التقيد بالقوانين و الالتزام بالقواعد العامة

الحمد لله زمايلى مصريين و مديرى مصرى و ماليش أى تعامل مع السعوديين

طيب كمل جميلك ووضح اكثر فى موضوع تجنب التعامل مع السعوديين

تحياتى

منا بقول ان زمايلى و مديرى مصريين و طبيعة شغلى الحمد لله ملهاش علاقة بالسعوديين الا بعض المهندسين المتمدنين

لكن فى الحياة اليومية بشوف بعض السعوديين و تعاملتهم مع الجنسيات الأخرى بمنتهى قلة الذوق و قلة الادب و يا سلام على طريقتهم المبتكرة فى القيادة مقولكشى لازم تبقى حاطط عينك فى وسط راسك و انت سايق

[من الرباض]

لماذا يتجنب السعوديين

[المصري الحر]

السلام عليكم ورحمه الله وبركاته

شوف يا أخي العزيز دا ممكن يعتبر أو تعليق لي في المنتدى ولكن أنا متابع جيد والنسبة لرد علي موضوعك وبعد قراءة تعليقات بعض الأخوة :

أنا هنا في السعودية بألى 13 سنة تقريبا في نفس العمل ونفس المنطقة والحمد لله

وبالنسبة لنصيحتي للراغبين للسفر إلي السعودية هي

1- بقدر المستطاع يبعد عن المؤسسات الفردية يعني مايكون كفيلك فرد يعني ما تكون مؤسسة التعامل يكون مع الكفيل مباشر

2- يكون الراتب مقعول ويكفي متطلبات الحياة في ظل الغلاء المترفع هذه الأيام

3- تكون كل الأمور واضحة ولا يوجد عليها أي خلاف قبل السفر مثل الراتب وبدل السكن وبدل السفر والتأمين ورسوم التجديد ونهاية الخدمة

4- بالنسبة لتعامل مع السعودين أو أغيرهم من الجنسيات كل الناس فيها الزين والشين يعني السعودين فيهم ناس كتير في منتهى الأدب والأخلاق وأنا علاقتي طيبة بيهم جدا بحكم عملي وفيهم ناس سيئة جدا وكذلك كل الجنسيات حتى الجنسية المصرية لأسف فأغلب المشاكل تأتي منهم

5- طريقة التعامل تكون على قدر الحاجة يعني ما تكون مغلق أوي أو منفتح أوي تكون وسط ولا تتكلم في أمور خارجة عن العمل مع أي فرد سواء كان مصري أو غير مصري

6- إجعل لنفسك مكانة في عملك ولا بد ان تكون مميز عن غيرك وذلك يكون بعملك وإجتهادك وهذا يأتي بالدراسة المتأنية لكل صغيرة وكبيرة في عملك والإستفادة من خبرات السابقين سواء كانت خبرات إيجابية أو سلبية

7- بالنسبة للعمل في المملكة يختلف من مكان للمكان أخر بمعني أن طبيعة التعامل مع السعودين تختلف من المنطقة الشرقية عنها في الغربية أو الشمالية أو الجنوبية وأنا بحكم تجاربي وخبرتي أفضل مكان ممكن تعمل فيه وتجد فيه من الأولفة والمودة هي المنطقة الغربية التي تشمل مكة وجدة والمدينة وفاهل هذه المدن الأغلبية منهم يحبون المصريين والتعامل معهم يكون فيه نوع من المرونة

الأمور كثيرة وكثيرة ولكن في النهاية السفر توفيق من عند الله عز وجل والكلام كثير وكثير ولكن في النهاية نصيحتي لكل مسافر لا تحمل حقد ولا غل ولا ضغينة وإتق الله في كل أمورك وأفعالك ولا تأكل حرام وكن خير سفير لبلدك يكون سفرك إن شاء موفق ومبارك فيه

تحياتي لكل المصريين سواء إلي في السعودية أو في أي مكان على أرض المعمورة

تم تعديل 1 أكتوبر 2011 بواسطة المصري الحر

[أم القمر فيصل]

أخى المحترم راح افيدك بالجزئية الخاصة بى وهى التعامل مع السعوديين بما انى ربة بيت وزوجى وابنى سعوديين

من وجودى هنا يكفى انى اانجبت ابنى هنا وانا بالغربة تخيلو ان جاراتى السعوديات يوميا يتبادلن بأرسال الغدا والعشا لى غير ان بعضهم تزورنى وتنظف لى المطبخ بكل ود ومحبة !!!!!!!!!

وكنت لسه ده اول تعارف بينا حتى بعضهم اتعرف عليهم لاول مرة

بس للدهشة انى عرفت ان الحما واخوات الزوج فى اى بلد لازم يكرهو الزوجة هههههههه تخيلو تخلو عنى وعن حفيدهم من الغيرة بس فى الوجه مرايا طبعا اما اللى بالقلب بالقلب وما حدش يقولى لانك مصرية

لا لانى تفاجئت انهم كمان يكرهو سلفتى يعنى زوجة اخو زوجى ويكرهو بناتها رغم انها من دمهم

بصراحة بحب السعودية وناسها لان معظمهم اقول معظهم يحكمه تقوا الله عكس بلاد كتير تحكمها المصلحة وتدفع كام او يحبوك لو معاك وبس

اما بخصوص تجنب التعامل مع السعوديين اظن لانه لو حصل بينك وبين احدهم سوؤء تفاهم لامر ما بيتسبب بترك عملك بما انه مواطن

اما لو صار لك منهم اصدقاء والله بيفيدونك بوقت الحاجة وتحس انك ببلدك

تم تعديل 1 أكتوبر 2011 بواسطة أم القمر فيصل