دورة مبسطه ومعلومات عامه عن فوركس Forex ( بورصة العملات الاجنبية )

[م تيمور المراغي]

بسم الله الرحمن الرحيم

حنبتدي ان شاء الله من خلال هذا الموضوع طرح معلومات عامه ومبسطه عن بورصة العملات الاجنبية ( الفوركس ) والتي من خلالها سنعرض ونجيب عن اي تساؤلات واستفسارات تخص هذا العالم الرائع المربح ان شاااء الله ,, وستكون طريقة تناول الموضوع من خلال اسأله واجوبه حتى تكون ابسط للفهم واسرع في توصيل المعلومه للجميع ,,

س – ما معنى فوركس !

ج – هي اختصار لكلمة فورين اكستجينج Foreign Exchange يعني تبادل العملات الاجنبيه

الكثير جداً من الناس لديهم فكرة مشوشة عن التعاملات في البورصات المحلية والدولية على حد سواء

ويظل عامة الناس بمنأى عن هذا العالم المثير الذي تدار فيه مئات مليارات الدولارات يومياً في مختلف أنحاء العالم .

فهناك الكثير من السلع والأوراق المالية التي يتم بيعها وشراءها في البورصات في مختلف أنحاء العالم .

وهناك الكثير من أساليب وأشكال هذا التداول بعضها قد يأخذ منحى أقرب للتجريد !

وهناك أساليب تتطلب منك أن تمتلك كامل ثمن السلعة التي ترغب في شراءها من البورصة وهناك أساليب لا تتطلب منك سوى امتلاك جزء بسيط من قيمة السلعة التي ترغب في شراءها !!

فليس شرطاً أن تكون مليونيراً ليسمح لك البيع والشراء في البورصات !

فبدفع جزء بسيط من السلعة يمكنك أن تشتريها ثم تبيعها مرة أخرى وتحتفظ بالربح كاملاً لك وكأنك دفعت ثمنها كاملاً مما يعطيك الفرصة للحصول على أرباح تفوق رأسمالك بأضعاف مضاعفة وبفترة قد لا تتجاوز بضع ساعات بل أحياناً بضع دقائق ! .

يسمى هذا الأسلوب بالمتاجرة بنظام الهامش .وهو أسلوب يمكنك إستخدامه في كافة الأسواق المالية وعلى مختلف أنواع السلع والأوراق المالية بما فيها العملات .

عن طريق هذا الأسلوب يمكن لأي كان أن تتاح له فرصة التداول في البورصات الدولية بما فيها بورصة العملات .

يظل العائق هو المعرفة !

فقلة هم من يعرفون كيف يمكن العمل بهذا المجال وقلة من يعرفون بوجود هذا الأسلوب أصلاً !!

ليس بعد الآن ان شاااء الله .. فمعا سوف نبحر في هذا العالم ولمن لا يريد ان يستمر في الابحار يكفيه شرف المحاوله و معرفة ثقافة الاستثمار .. ويمكنك الاستعانه بخبراء محترفين بعد ذلك !!!

فالتعامل والمتاجرة بالأسواق المالية وبنظام الهامش لا يتطلب معجزات والمتاجرون في البورصات لا يزيدون عنك ذكاءاً باي حال من الأحوال .

كل ما هنالك إنهم يعلمون ما لا تعلمه أنت !

فإذا أتيحت لك الفرصة لفهم أساسيات العمل في البورصة وبشكل تدريجي ومبسط وخالي من المصطلحات الإقتصادية المعقدة يمكنك وبكل بساطة من أن تصبح أحد المتاجرين في البورصة .

هكذا وبكل بساطة !

ستفهم مالمقصود بالمتاجرة بالعملات ؟

وستفهم كيف يمكنك أن تربح من شراء العملة وبيعها .

وستفهم كيف يمكنك أن تجنى الربح سواء ارتفع سعر العملة أم انخفض .

وستفهم كيف يمكنك أن تبيع وتشتري ما يعادل مئات الآلاف من الدولارات من العملات الدولية وأنت لا تملك سوى بضع مئات من الدولارات .

وسنستعرض العديد من الفتاوى الصادره من جهات لها ثقلها واحترامها والتي احلت فيه التداول في الفوركس وفق ظوابط شرعيه معينه سنتعرض لها بمشيئة الله تعالى ,,,

وبسم الله الرحمن الرحيم نبدأ ,, وفي انتظار اسألتكم اولا ,, ثم نكمل الشرح بعد ذلك ,,,

[akramgroup]

انا ان شاء الله اول واحد بسجل متابعه اهو

والموضوع اكيد مفيد والواحد يتعلم حاجه جديده احسن من .....

عموما اتفضل ابدأ بالشرح والاسئلة هاتيجى اثناء الشرح لو فى نقطه غير واضحه

بس امانه ياشيخ تحاول تبسط العملية باسلوب سهل ان اى حد يفهمه وحاول تتجنب

موضوع القص واللصق على اد ماتقدر

تحياتى

أكرم,,

[MOOOM]

جزاك الله خيراً على هذا الطرح .. بصراحة أنا من زماااااااااااان وأنا بسمع عن هذا المجال .. وكنت فاكر إنه نطام نصب في نصب خاصة إني كنت على اتصال فعلي بأحد المسوقين بأحد هذه الشركات وحسيت من كلامه أو شكيت أنه نصب خاصة بعد أن قال لي أنه لو قمت بوضع حد أدنى مبلغ 100 دولار سوف أحصل مقابلها على 150 دولار .. فرديت عليه على سبيل الدعابة .. مهو ممكن أحط مية ويتضاف عليها 150 من عندكم وبعد كدة أقوم بسحب كامل المبلغ ...

بس المهم أن النتيجة النهائية أنني لم أشترك معه .. لأني بكل أمانة وصراحة مش عارف أفهم نهائي نظام البيع والشراء ده .. مش راضية تركب معايا خالص يعني إيه أبيع وأشتري في فس الوقت .. مش عارف ده غباء مني لا سوء حظ من الآخرين B)

ورغم أني متعامل في البورصة من فترة ليست بقصيرة .. لكن الواضح إن البورصات المصرية والعربية حاجة .. والسوق ده حاجة تانية خالص ..

فياريت لو حضرتك توضح بالتفصيل الممل يعني إيه أبيع وأشتري في نفس الوقت .. مع وضع مثال مثلاً للدولار والاسترليني كمثال تجريبي على كلام حضرتك ..

وجزاك الله خيراً

[ozoozo]

من زمان كنت عايز اسألك عليه يابشمهندس كل ماشوف بروفايلك والاقيك كاتبه في الهوايات <BR><BR>بس السؤال الاهم<BR><BR><BR>هل حضرتك جربته فعلا ومن المتعاملين معاه؟؟؟؟؟؟؟؟؟؟؟؟؟؟؟؟؟؟

[م تيمور المراغي]

ماشاء الله نزلت الف شويه مع صوحابي اتفرج على جده لقيت تفاعل جميل في الموضوع والحمد لله :happy:

طيب حبدأ الان في الرد التفصيلي-زي الوصف التفصيلي كده- لكل الأسئله الكريمه المكتوبه اعلاه

والله المستعان

[م تيمور المراغي]

انا ان شاء الله اول واحد بسجل متابعه اهو

والموضوع اكيد مفيد والواحد يتعلم حاجه جديده احسن من .....

اكرم يقصد احسن من الجري ورا البنات والكلام ده :happy:

عموما اتفضل ابدأ بالشرح والاسئلة هاتيجى اثناء الشرح لو فى نقطه غير واضحه

بس امانه ياشيخ تحاول تبسط العملية باسلوب سهل ان اى حد يفهمه وحاول تتجنب

موضوع القص واللصق على اد ماتقدر

ان شاء الله حتكون بسيطه فوق ما تتخيل ومافيهاش قص ولزق حاضر ,,

تحياتى

أكرم,,

[م تيمور المراغي]

جزاك الله خيراً على هذا الطرح.. بصراحة أنا من زماااااااااااان وأنا بسمع عن هذا المجال .. وكنت فاكر إنه نطام نصب في نصب خاصة إني كنت على اتصال فعلي بأحد المسوقين بأحد هذه الشركات وحسيت من كلامه أو شكيت أنه نصب خاصة بعد أن قال لي أنه لو قمت بوضع حد أدنى مبلغ 100 دولار سوف أحصل مقابلها على 150 دولار ..

الموضوع ده في تفاصيل قويه يا مووم حختصرها مؤقتا الان ,,

الشركات المسجله في الهيئات الفيدراليه الامريكيه NFA او البريطانيه FSA بيكون الثقه فيها شبه مؤكده لصرامة تلك الجهات في اعطاء الترخيص اولا ثم في انها بتضمن اموال المودعين ثانيا ودي هيئات حكوميه

ادخل على موقع

http://www.nfa.futures.org

او

http://www.fsa.gov.uk/

ولو وجدت ان اسم الشركه موجود في احداهما او كلاهما يبقوا مش نصابين ان شاء الله

نيجي بقى لموضوع اغراء العملاء بوضع اموال اضافيه مع ايداعاتهم ,, الكلام ده فعلا حقيقي لكنه مشروط

والشرط هو ان تتخطى عملياتك حجم صفقات معين للحصول على هذا المبلغ وحبقى اشرح النقط دي بالتفصيل لاحقا ان شاء الله خلينا نسخن بس شويه :happy: ,,

فرديت عليه على سبيل الدعابة .. مهو ممكن أحط مية ويتضاف عليها 150 من عندكم وبعد كدة أقوم بسحب كامل المبلغ ...

بس المهم أن النتيجة النهائية أنني لم أشترك معه .. لأني بكل أمانة وصراحة مش عارف أفهم نهائي نظام البيع والشراء ده .. مش راضية تركب معايا خالص يعني إيه أبيع وأشتري في فس الوقت .. مش عارف ده غباء مني لا سوء حظ من الآخرين B)

لا ده شيئ طبيعي ماحدش بيتولد فاهم الامور دي لازملها شرح مبسط وده حنقوم بيه سويا ان شاء الله

ورغم أني متعامل في البورصة من فترة ليست بقصيرة .. لكن الواضح إن البورصات المصرية والعربية حاجة .. والسوق ده حاجة تانية خالص ..

الكونسبت - اقصد روح الفكره - لكل اسواق المال واحده ومادام انت خبير في البورصه يبقى حتفهم ان امر البيع هو عكس امر الشراء ما دمت انت بتشتري يبقى اللي قصادك بيعمل ايه ؟ بيبيع صح ؟ ,, هو ده البيع والشراء في فوركس انك بتعكس الصفقه بالتالي البايع حيكون كسبان لما السوق ينزل :happy:

تاني حقول حنرجع للتفاصيل دي قدام بتوسع اكثر من كده ان شاء الله

فياريت لو حضرتك توضح بالتفصيل الممل يعني إيه أبيع وأشتري في نفس الوقت .. مع وضع مثال مثلاً للدولار والاسترليني كمثال تجريبي على كلام حضرتك ..

حاضر ,, مع اني كنت عاوز ااجلها شويه :happy:

لو تخيلنا انك مواطن امريكي حتسافر انجلترا ,, حتتصرف ازاي ؟ ,, ستقوم بشراء 100 جنيه استرليني مثلا بما يوازي 158 دولار امريكي ,, حلو الكلام :)

طيب نفس تلك الصفقه ,, الشخص المقابل لك ماذا فعل ؟؟ ,, لقد قام هو ببيع الجنيه الاسترليني في نفس ذات الوقت اللي حضرتك اشتريت فيه ,,

طيب ,, يبقى عملية البيع والشراء هما وجهان لنفس العمله يتمان لحظيا في اي معامله ماليه في اي سوق في العالم

في الفوركس ,, سيمكنك اجراء نفس الكلام ,, يعني تشتري وتبيع نفس السلعه حسب رؤيتك انت لاتجاه السعر حيكون ازاي ,,

وطبيعي انك لو عارف ان فيه اخبار ايجابيه للدولار الامريكي مثلا ستقوم بالتخلص من كميات الجنيه الاسترليني وتسارع بشراء الدولار الامريكي صح ؟؟

لكن اسم الزوج الذي تود المتاجره فيه - اسمه باوند \ دولار - بالتي سيكون الامر الذي تعطيه للشركه هو امر بيع

بينما لو كان اسم الزوج - دولار \ باوند - كنت ستسارع الى اعطاء الشركه امر شراء

حنتعرض لاحقا بالتفصيل للاوامر واسماء الازواج ويعني ايه زوج بعد قليل ان شاء الله

وجزاك الله خيراً

[م تيمور المراغي]

من زمان كنت عايز اسألك عليه يابشمهندس كل ماشوف بروفايلك والاقيك كاتبه في الهوايات <BR><BR>بس السؤال الاهم<BR><BR><BR>هل حضرتك جربته فعلا ومن المتعاملين معاه؟؟؟؟؟؟؟؟؟؟؟؟؟؟؟؟؟؟

ايوه يا كبير اطمن الحمد لله خبرتي تعدت الاربع سنوات في المجال ده وحقدر اوفيه حقه ان شاء الله ,,

نعم انا ايضا من المتعاملين فيه بل ووكيل لاكبر شركتين في العالم بدون ذكر اسماء يعني ريح ضميرك خالص :happy:

[ozoozo]

من زمان كنت عايز اسألك عليه يابشمهندس كل ماشوف بروفايلك والاقيك كاتبه في الهوايات <BR><BR>بس السؤال الاهم<BR><BR><BR>هل حضرتك جربته فعلا ومن المتعاملين معاه؟؟؟؟؟؟؟؟؟؟؟؟؟؟؟؟؟؟

ايوه يا كبير اطمن الحمد لله خبرتي تعدت الاربع سنوات في المجال ده وحقدر اوفيه حقه ان شاء الله ,,

نعم انا ايضا من المتعاملين فيه بل ووكيل لاكبر شركتين في العالم بدون ذكر اسماء يعني ريح ضميرك خالص :happy:

بسرعه الله يخليك ياهندسه

تخيل بقالي تلات سنين في الغربه ولسه معملتش اول مليون

دولارsmk:

[م تيمور المراغي]

ان شاء الله تعمل ادهم عشر مرات يا كبير بس خليك حريص ماتحطش قرش الا في مكانه السليم B)

طيب نكمل كلامنا

الفوركس بمنتهى البساطه مثل اي تجاره تقوم على شراء عملة ما مثل الدولار مثلا والانتظار لفترة قد تكون دقائق او حتى ايام ثم بيعها بسعر اعلى والفرق يكون هو ربحك في النهايه ,,

والميزه هنا انك في كل الحالات ربحان ,, يعني في حالة صعود العمله ربحان وفي حالة هبوطها ايضا ربحان !!! بعكس بورصة الاسهم والتي لاتربح فيها الا بصعود السهم الذي اشتريته ,,

ولنفهم كيف نربح من نزول الدولار مثلا سنتكلم قليلا عن معنى كلمة ( زوج )

فالعمله لابد ان تشتريها بعمله أخرى وده شيئ بديهي طبعا ,, حتشتري دولار بجنيهات او بفرنكات وهكذا .. ومن هنا نشأ تعريف زوج العملات ,,

مثل زوج الاسترليني ين .. والدولار فرنك .. واليورو دولار وهكذا .. وفي الازمه الاقتصادية الامريكيه التي حدثت مثلا الاسبوع الماضي هبطت معظم بورصات العالم الماليه هبوطا مروعا ,, بينما كانت فاتحة خير وارباح بالمليارات للمتداولين في الفوركس لانهم استفادوا من هبوط الدولار وقاموا بشراء العملات المقابلة له ,,

اذا لايهم اتجاه السوق او الاخبار السياسيه او الاقتصاديه السلبيه والهلع الجماعي على الاطلاق ,, بل المهم ,, ان تعرف كيف تبدأ الصفقه هل بالشراء ASK ام بالبيع BID

B)

[أشرف محمد]

بسم الله الرحمن الرحيم

أخي الفاضل / architet

تحية طيبة وبعد 000

مع تقديري الكامل لشخصكم الكريم و إحترامي لموضوعكم إلا أنني سأقدم لحضرتك نصيحة لوجه الله و لكل الأخوة الأعضاء 0

نظام تجارة العملات و المعروف عالمياً بإسم الفوركس هو نظام مقامرة به مخاطرة عالية قد تتسبب في ضياع الأموال بالكامل ، و الناس بتتعب و بتشقى حتى تدخر مبلغ يكون لها سند لمواجه متطلبات الحياة القاسية 0 فأرجوك يا أخي الفاضل أن لا تشجع ولا تجر الناس لمثل هذا النوع من التجارة الغير مشروعة التي ستتسبب في ضياع تحويشة و شقى العمر 0 فتجارة الفوركس بدعة يهودية أمريكية الهدف منها سحب ما في جيوب الناس وهناك حيتان لها تتفنن في خداع كل ما يحلم بالملايين 0

أتمنى منك أيها الأخ الكريم أن تحاول أن تعلم الناس إستثمار آمن يعود عليهم بالربح الآمن و لا تشجعهم على ضياع ما أدخروه من شقى عمرهم 0 و لا تنسى الأهم من هذا كله إن الجهات المسؤلة في مصر قد حذرت الناس من التصب عليهم عن طريق تجارة الفوركس و التي تدار بالإنترنت بل جرمت هذه التجارة لأنهاو هم و كذب و خداع 0

أرجوا أن تتقبل كلامي هذا بصدر رحب يا أخي الفاضل 0

مهندس / أشرف محمد

[م تيمور المراغي]

بسم الله الرحمن الرحيم

أخي الفاضل / architet

تحية طيبة وبعد 000

مع تقديري الكامل لشخصكم الكريم و إحترامي لموضوعكم إلا أنني سأقدم لحضرتك نصيحة لوجه الله و لكل الأخوة الأعضاء 0

نظام تجارة العملات و المعروف عالمياً بإسم الفوركس هو نظام مقامرة به مخاطرة عالية قد تتسبب في ضياع الأموال بالكامل ، و الناس بتتعب و بتشقى حتى تدخر مبلغ يكون لها سند لمواجه متطلبات الحياة القاسية 0 فأرجوك يا أخي الفاضل أن لا تشجع ولا تجر الناس لمثل هذا النوع من التجارة الغير مشروعة التي ستتسبب في ضياع تحويشة و شقى العمر 0 فتجارة الفوركس بدعة يهودية أمريكية الهدف منها سحب ما في جيوب الناس وهناك حيتان لها تتفنن في خداع كل ما يحلم بالملايين 0

أتمنى منك أيها الأخ الكريم أن تحاول أن تعلم الناس إستثمار آمن يعود عليهم بالربح الآمن و لا تشجعهم على ضياع ما أدخروه من شقى عمرهم 0 و لا تنسى الأهم من هذا كله إن الجهات المسؤلة في مصر قد حذرت الناس من التصب عليهم عن طريق تجارة الفوركس و التي تدار بالإنترنت بل جرمت هذه التجارة لأنهاو هم و كذب و خداع 0

أرجوا أن تتقبل كلامي هذا بصدر رحب يا أخي الفاضل 0

مهندس / أشرف محمد

اشكرك والله زميلي الكريم اولا على حرصك على اموال الاعضاء الكرام وانا معاهم وثانيا على مرورك الكريم

ولكن ,, وآه من لكن دي :)

اعتب عليك اولا انك تسرعت في الحكم على موضوعي انه حيجر الناس الى الدمار وضياع اموالها لاني خايف عليهم اكثر من اي حد ان شاء الله

والانسان فعلا عدو لما يجهل ليك كل الحق

لو انت صبور ,, استنى معانا لان فيه امور تقيله جدا حتكلم عنها ان شاء الله بس احنا لسه بنقول يا هادي

وانا معك ,, ان المخاطره في فوركس هي الاعلى على الاطلاق في مجالات استثمار الاموال اللي عارف انهم تعبوا وقضوا سنين الغربه في تكوينها وحمايتها

ولكن

زي ماقال عمرو خالد ,, السكين التي تقتل ,, تقطع الفواكه والطعام لكي يحيا الناس

اوعدني انك تتابع معايا للنهايه وارجوك تطرح لي فورا شكوكك بكل صراحه وبالترتيب وانا جاهز للرد عليها بما يناسبها ان شاء الله

لك كل الاحترام

[م تيمور المراغي]

استكمال لمشاركة المهندس اشرف اعزه الله

الفوركس هي تجاره دوليه بين البنوك المركزيه يتم تبادل العملات بكل شفافيه فيما بينها

هل الفوركس مقامره ؟؟

هل هيا محرمه شرعا ؟؟؟ ام لها ظوابط

هل هناك فتاوى حددت شروطا ما للدخول في فوركس ؟؟

هل انا بذمتكم قلت لكم يلا افتحوا حساب وتاجروا وطيروا فلوسكم ههههه

كل تلك الاسئله واكثر ,, سنجاوب عنها بكل تفصيل فانتظرونا ( الاسلوب المبتذل ده خنيق اوي والله هههههه ) :happy:

[م تيمور المراغي]

نستكمل الشرح ونسمي باسم الله ,,

في فوركس .. يكون الربح كما اتفقنا هو في فرق السعر بين الشراء والبيع ,, هو ده ربحك ,, ومن المعلوم ان الفرق بيكون سنتات قليله يعني يلزمنا مثلا 10 الاف دولار لكي يكون الربح بضعة دولارات !!! ,,

ولكن هل معنى ذلك اني لابد ان امتلك كامل ال 10 الاف دولار لكي ادخل كل صفقة من صفقات الفوركس !!! بالطبع لا

وهنا نتعرف على سر من اسرار فوركس وهو الهامش Margin وسنتطرق لتعريفه الان ان شاء الله

لنفرض انك تريد ان تتاجر في سياره .. والسياره ثمنها 100 الف دولار مثلا ,, بينما انت لاتملك في حسابك غير 10 الاف دولار ,, هنا تظهر قوة المارجن ,,

فوكالة السيارات ترحب بان تعطيك السياره بشرط ان تحجز لديها 5000 دولار مثلا ,, وتقوم هي بالنيابه عنك بعرض السياره باسمك في السوق في الوقت الذي تحدده انت ,,

فالنفترض انك وطبقا لمعطيات معينه علمت ان السوق سيرتفع ,, وسيصل سعر السياره الى 103 الف دولار ,, ستقوم وكالة السيارات ببيع السياره واستيفاء ثمنها ال100 الف دولار التي اتفقت معك عليها وتكون انت الرابح للثلاثة الاف دولار الآخرين وطبعا ستسترد العربون الذي دفعته ال5000دولار ويصبح رصيدك 13 الف دولار من وراء تلك الصفقة ,,

ولكن ,, ماذا سيحدث اذا انخفض سعر السياره في السوق !!!!

كما قلنا ان القاعده الذهبيه هي ان وكالة السيارات كما انها لاتشاركك الربح فانها لا تشاركك الخساره ,, فماذا سيحدث ..

سيستمر سعر السياره في الهبوط ,, 99 الف ,, 98 الف ,, 97 الف ,,

لا مشكله ,, فانت قد اودعت عربون لديها يسمح لك بالاحتفاظ بالسياره حتى تتحسن الاوضاع

ولكن لنفترض ان الاوضاع لم تتحسن واستمرت الخساير .. هنا تنتبه وكالة السيارات فهي لن تسمح بالخساره ابدا فقد سبق وقلنا كما انها لا تشاركك الربح فهي لا تشاركك الخساره فتترقب نزول السوق حتى يصل سعر السياره ال 95 الف دولار هنا يأتيك تحذير يسمى نداء الهامش Margin Call تخبرك فيه الشركه بان تقوم اما بايداع عربون اضافي او ان تبيع السياره فورا ,,

فاصل .. ونواصل بعد اي استفسارات عما سبق :)

[م تيمور المراغي]

قبل مانواصل ,, حد يجاوب على الفزوره دي :happy:

بالرجوع لمثال وكالة السيارات السابق ,, لو عندك انت معلومه مؤكده ,, ان سعر السياره سوف يهبط الى 90 الف دولار خلال شهر مثلا

كيف تحقق 10 الاف دولار كارباح من انهيار السعر باستثمار تلك المعلومه ؟؟

الاجابه ستوضح لنا الفرق بين بورصة الاوراق الماليه و الفوركس

[akramgroup]

فالنفترض انك وطبقا لمعطيات معينه علمت ان السوق سيرتفع ,, وسيصل سعر السياره الى 103 الف دولار ,, ستقوم وكالة السيارات ببيع السياره واستيفاء ثمنها ال100 الف دولار التي اتفقت معك عليها وتكون انت الرابح للثلاثة الاف دولار الآخرين وطبعا ستسترد العربون الذي دفعته ال5000دولار ويصبح رصيدك 13 الف دولار من وراء تلك الصفقة ,,

هو الربح كدهه مش 3 الف وكان معاك 5 عربون يبقى ر صيدك بقى 8 مش 13

احنا هانخنسر من اولها ولا ايه :ninja:

وخلى بالك انت شكلك لسه جديد فى جده واكيد هاتعوز استشارة كده ولا كده فيبقى نصحصح مع بعض من الاول wst:: smk:

وتفهمنى ازاى 13

أكرم,,

تم تعديل 28 أكتوبر 2010 بواسطة akramgroup

[م تيمور المراغي]

انت مش مركز في الشرح يا اكرم ههههههه :happy:

اقرأ الكلام من تاني الله يبارك فيك وركز وانا تحت امرك ومتقلقش الدماغ صاحيه بفضل الله اطمن تماما

نستكمل الشرح ونسمي باسم الله ,,

في فوركس .. يكون الربح كما اتفقنا هو في فرق السعر بين الشراء والبيع ,, هو ده ربحك ,, ومن المعلوم ان الفرق بيكون سنتات قليله يعني يلزمنا مثلا 10 الاف دولار لكي يكون الربح بضعة دولارات !!! ,,

ولكن هل معنى ذلك اني لابد ان امتلك كامل ال 10 الاف دولار لكي ادخل كل صفقة من صفقات الفوركس !!! بالطبع لا

وهنا نتعرف على سر من اسرار فوركس وهو الهامش Margin وسنتطرق لتعريفه الان ان شاء الله

لنفرض انك تريد ان تتاجر في سياره .. والسياره ثمنها 100 الف دولار مثلا ,, بينما انت لاتملك في حسابك غير 10 الاف دولار ,, هنا تظهر قوة المارجن ,,

فوكالة السيارات ترحب بان تعطيك السياره بشرط ان تحجز لديها 5000 دولار مثلا ,, وتقوم هي بالنيابه عنك بعرض السياره باسمك في السوق في الوقت الذي تحدده انت ,,

فالنفترض انك وطبقا لمعطيات معينه علمت ان السوق سيرتفع ,, وسيصل سعر السياره الى 103 الف دولار ,, ستقوم وكالة السيارات ببيع السياره واستيفاء ثمنها ال100 الف دولار التي اتفقت معك عليها وتكون انت الرابح للثلاثة الاف دولار الآخرين وطبعا ستسترد العربون الذي دفعته ال5000دولار ويصبح رصيدك 13 الف دولار من وراء تلك الصفقة ,,

ولكن ,, ماذا سيحدث اذا انخفض سعر السياره في السوق !!!!

كما قلنا ان القاعده الذهبيه هي ان وكالة السيارات كما انها لاتشاركك الربح فانها لا تشاركك الخساره ,, فماذا سيحدث ..

سيستمر سعر السياره في الهبوط ,, 99 الف ,, 98 الف ,, 97 الف ,,

لا مشكله ,, فانت قد اودعت عربون لديها يسمح لك بالاحتفاظ بالسياره حتى تتحسن الاوضاع

ولكن لنفترض ان الاوضاع لم تتحسن واستمرت الخساير .. هنا تنتبه وكالة السيارات فهي لن تسمح بالخساره ابدا فقد سبق وقلنا كما انها لا تشاركك الربح فهي لا تشاركك الخساره فتترقب نزول السوق حتى يصل سعر السياره ال 95 الف دولار هنا يأتيك تحذير يسمى نداء الهامش Margin Call تخبرك فيه الشركه بان تقوم اما بايداع عربون اضافي او ان تبيع السياره فورا ,,

فاصل .. ونواصل بعد اي استفسارات عما سبق :)

[akramgroup]

اه واللهى شكلى انا اللى مش مركز وقال قاعد اول واحد وعامل فيها مهتم

شكلى اول واحد هايبص فى الحيط ويرفع ايده md2:

عندى دى مشيها المرة دى

أكرم,,

[م تيمور المراغي]

حبيب البي ماتقولش كده :happy:

اكثر حاجه عجبتني في السوريين واللبنانيين هنا ان بالهم طويل ,,

احنا المصريين اسبوعين في الغربه وعلى طول نشتق لمصر

الراجل المدير في بن لادن بدون ذكر اسمه بقاله 7 سنين يا مسلم ما عتبش حدود بلده وزياده في الحرص ماراحش اليلاد اللي جنبها هيا كمان :happy:

دول التجار الشطار اللي على حق قلوبهم ميته مش زينا العزيمه عزيمة اسود والحنين للوطن زي الطيور

اعذروني خرجت عن الموضوع كنا بنقول ايه ؟؟ :blush2:

[moory]

السلام عليكم،

استاذ architect الكريم والاعضاء المتابعة،

انا حابب احكيلكم على ملخص تجربتي مع الفوركس،

انا اول مرة اسمع عن الفوركس كان تقريبا فى 2005 بالصدفة عن طريق موقع اعلاني اتفتح قدامي فجأة وقريت الي فيه وبصراحة عجبني الكلام وملى دماغي واتحمست للفكرة جدا جدا،

وابتديت فعلا اعمل سيرش على النت عن الموضوع ده و قريت فيه و عرفت اسامي الشركات المشهورة و المعروفة واتأكدت ان الموضوع حقيقي 100% ومافيش فيه نصب ولا سرقة، الموضوع كلو عبارة عن بورصة انت بتخاطر فيها، بس ميزتها انها الريسك فيها عالي، وكل ما يزيد الريسك يزيد المكسب،،وكمان تزيد الخسارة

كان اغلب الكتب والمواد التعليمية الي كنت بتعلم منها ساعتها انجليزي، كان في مقالات صغيرة وكام منتدى بالعربي بس ما تعلمش قوي، وبالصدفة و انا بعمل بحث لقيت ان في كتاب بالعربي للفوركس بيبتاع فى القاهرة، كان تمنه ساعتها 140 جنيه، وفعلا رحت جبت الكتاب و قريت و اتعلمت وزادت خبرتي فى مجال الفوركس، وابتديت اقرا عن المؤشرات وانواعها و امتى اخد قرار ابيع او اشتري. ومن الميزات الحلوة قوي فى الفوركس انو بيخليك تعمل حاجة اسمها Demo Account حساب تجريبي، بيكون بالظبط زي الحساب الحقيقي بس بفلوس وهمية عشان تتدرب عليه و تاخد خبرة، قعدت اكتر من سنة اتعلم و اشتغل واعرف سوق مين الي شغال دلوقتي(امريكا ولا اليابان ولا المانيا) ومين احسن عملة اشتغل بيها دلوقتي حسب السوق الي شغال، والتحليل الفني و التحليل الاخباري، لحد ما وصلت اني عملت لنفسي نظام تحليلي من اكتر من مؤشر، وكان فى اغلب الاوقات ناجح وبيخليني اكسب.

مش عايز اقولكو بعد المرحلة دي انا كنت عامل ازاي، ابتديت ارسم الاحلام واتخيل الفلوس الي كنت بكسبها والدولارات، وفعلا عملت خطة لنفسي كيف تصل الي المليون دولار فى سنة او سنتين مش او حتة تلاتة يا سيدي المهم انى كنت متأكد اني هاقدر اوصلها بعون الله طبعا (كنت بحلم ان السما يتمطر عملات و دولارات)

واول ما حسيت انى جاهز، ابتديت اسأل على الاجراءات الي مفروض اعمل بيها اكونت حقيقي ووسائل تحويل الاموال من و الي الماركت الي كنت هاتعامل معاه،

ورحت عملت الماستر كارد الي كنت هادفع بيها (كنت اخر انشكاح بموضوع الماستر ده..انا معايا ماستر D:) وبقيت جاهز تماما اني ابتدي،،،

قلت لنفسي خلاص يا وااد، البلية هاتلعب و هاسيبنى من الشغل بتاعي ده و ابقى ملك نفسي، وبالفلوس الي انا هاجيبها ابقى اعمل مشروع خاص وابتدي احقق الي طول عمري بيحلم بييه

وقبل ما ابتدي كان في دايما حاجة بس كنت مأجلها للاخر، كنت بقول لنفسي هابقى اعملها قبل ما ابتدي على طوول، عشان لما اعملها اكون فاهم واكون عارف انا بقول ايه و بيتقالي ايه

الحاجة دي، اني قررت اني اروح اسأل هل الموضوع ده حلال ولا حرام؟؟؟

موضوع الفوركس في شبهة حرام، يعني في ناس قايله ااه، و ناس قايلة لأ، ناس قايله حلال وناس قايله حررام،

وانا كنت عارف الموضوع ده من الاول، وقريت الفتاوي الي بتحلل و بتحرم،

وكانت دايما الفتوى سواء الي بتحلل او بتحرم بيبقى مكتوب فيها ملخص او جزء من الموضوع، وعلى اساس الي مكتوب او الي اتقال للشيخ على اساس ما الشيخ بيفتي

وده موضوع فلوس، يعني اكل و شرب و حيااة، فلوس جاية هاصرف منها عليا وعلى كل الي هيكون فى مسؤوليتي،

فا انا قررت اني هاروح اسأل فى الموضوع لما افهم كل جوانب الفوركس واني لما اسأل أتحري كل التفاصيل و انا بحكيها للشيخ،

المهم، رحت فعلا داار الافتاء المصرية، وخد دوور و قابلت شيخ و حكيتلو القصة كلها، وهنا كانت المفاجأة، قالي حرااااااااام، قولتلو يا شيخ اليه الي حرام بالظبط قالي كذا و كذا وكذا،

مش عايز اقولكو على الاحباط الرهيب الي كان عندي ساعتها، انا كان نفسي الارض تتشق و تبلعني فى اللحظة دي

رجعت فعلا وانا كنت حاسس ان كل الاحلام الي بنيتها بتهد قدامي، والله من غير مبالغة،

وبعد كام يوم قعدت افكر، قلت مش يمكن اكون نسيت اقول للشيخ على حاجة، او ممكن يكون مافهمنيش كويس (وارد برضو)

فقررت اني اروح دار الافتاء تاني و اخدت رقم لحد ما جه دوري، دخلت للشيخ و سألته، قالي الموضوع ده كبير و اقتصادي و انا مافهمش فيه، انا هدخلك لكبير المشايخ النهارده، وفعلا دخلتله و شرحتله، وحاولت افصل اكتر، وكان الرد،، حرااااااااااام

برده ما سبتوش، طب حرام ليه و فيه ايه، قالي كذا وكذا وكذا،،

ومن ساعتها و انا قفلت موضوع الفوركس، وطويت صفحته