دورة مبسطه ومعلومات عامه عن فوركس Forex ( بورصة العملات الاجنبية )

[م تيمور المراغي]

ظاهرياَ القرش - بس في الواقع سمكة البيرانا أقوى و أشد شراسة لأنها لا تهاجم بمفردها - و حضرتك تقصد تقول - على ما أظن - أن عمليات صغيرة كثيرة تكون فعالة و ناجحة أفضل بكثير من عملية كبيرة مدمرة قد تنسف الحساب بالكامل - إذا كان هذا ما تقصده حضرتك فأنا مقتنع و أفعل ذلك فعلاَ - بالنسبة لتشارت الغاز الفرص فيه كثيرة جداَ عقود شراء صغيرة و متباعدة من تحت لفوق حتى يصعد من جديد و هذا يتماشى مع النظرية

يسلم لسانك يا ساو دلوقتي بس ابتدينا ندخل في الجد

طيب بسم الله الرحمن الرحيم

خدوني دلوقتي على قد عقلي

وانسوا تماما كل قناعاتكم السابقه واحكامكم الجاهزه وتعالوا نبدأ صفحه جديده ومن اول السطر ,,

الفراكتلز fractals كلمه يقصد بها الكسور ,, او الجزيئات الصغيره ,,

وهي تشبه سمك البيرانا صغير الحجم يمكن ما يملاش حجم كف اليد الواحده ,,

ولكن لو شاء القدر ,, ان تجتمع سمكة القرش مع مجموعه من البيرانا الحمراء ,, سيتبقى من القرش هيكل عظمي ابيض ونظيف وناصع البياض جدير بوضعه في متحف الاحياء البحريه ,,

ده باختصار هو الاسلوب اللي حنشتغل بيه في فوركس ,,

حندخل بصفقات متناهية الصغر = مايكرو = النقطه تساوي 10 سنت فقط

حنفتح 30 صفقه معلقه لكل زوج وحنشتغل على 40 زوج تقريبا يعني اجمالي الصفقات المعلقه سيتعدى الالف صفقه ,,

حنعتمد على مصطلحين غايه في الاهميه والامان وهما

سلة العملات و هيدج الازواج = المثلثات

بالتالي اذا عكس السعر في مجموعه من الازواج في الواقع سيحدث توازن نسبي لاننا سنكون رابحين على الجانب الاخر تماما ,,

سيقوم الاكسبرت وقتها بغلق الصفقات الرابحه ,, ثم فتح مراكز جديده على مسافات معينه والدخول من مناطق سعريه افضل وهكذا ,,

دي نظريه انا اسميتها التفكيك = الخلخله = التشتيت

وحبدأ بعد قليل في الشرح المفصل ليها والله المستعان ,,

[م تيمور المراغي]

قبل ما اكمل يا ساو حرد على اسالتك الاول ,,

تحية طيبة؛

هل حضرتك واثق من موضوع الإكسبرت - أنا مش ميال ليه الحقيقة

عموماَ هل بيعتمد على المتوسطات و لا الفيبو و لا مؤشرات تانية - و هل حضرتك كودر (مبرمج) إكسبرتات؟

مع الشكر الجزيل

الاكسبرت هو بالفعل افضل ما يمكن الاعتماد عليه في المتاجره مع فوركس وذلك للاسباب التاليه :

1 - العامل البشري هنا تم تحييده ,, بالتالي فلا مجال للعواطف والهواجس البشريه على الاطلاق

2 - الاكسبرت بالطبع يراقب ويتابع السوق 24 ساعه في اليوم طوال اسبوع العمل يرصد كل تحرك يتم في جميع الازواج على التوازي ويتخذ الاجراء الفوري المناسب

3 - الاكسبرت رقمي بحت ,, لا يعتمد على المتوسطات ولا المؤشرات بكل انواعها ولا الفيبوناتشي ,, بل هو مبني على معادلات رقميه وخوارزميه متقدمه

4 - اكبر ميزات الاكسبرت هو انه يعطيك نتائج الاختبار من 1999 بالتالي يمكنك الحكم على كفائته بكل دقه

5 - مبرمج الاكسبرت هو صديق عمري المهندس الجزائري محمد حواش وهو مدير تكنيكال في الكاتيل - لوسنت تكنولوجيز - اوتاوا كندا و هو اكبر اكسبرت على الاطلاق تم تكويده حيث يتالف من 3000 سطر ماشاء الله لا قوة الا بالله ,,

[م تيمور المراغي]

سلة العملات " حقوق السحب الخاصة بصندوق النقد الدولي "

قام صندوق النقد الدولي عام ‏1969 ‏بإدخال حقوق السحب الخاصة- وحدة نقدية وهمية‏ (حسابية‏)‏ وعرفت بوحدة حقوق السحب الخاصة كسلة من بعض العملات الدولية.‏

وتستعمل حقوق السحب الخاصة أصلا من أصول الاحتياطيات الدولية، وهي وحدة الحساب لدي الصندوق‏.‏

وتحدد قيمة حقوق السحب الخاصة باستعمال سلة من العملات وتراجع هذه السلة كل خمس سنوات للتأكد من أن العملات الداخلة في السلة هي المستعملة في المبادلات الدولية وأن قيمها وأوزانها تعكس أهمية هذه العملات في الأنظمة المالية والتجارية‏.‏ وتغير طريقة اختيار العملات في السلة وكذلك الأوزان المعتمدة لكل عملة كل خمس سنوات.‏

وطبقا لهذه الشروط لا بد أن يتأكد صندوق النقد الدولي بأن العملة المستخدمة في السلة تستعمل بكل حرية ولا قيود على استعمالها بمعني أنها واسعة الاستعمال في المبادلات الدولية والمدفوعات بين الدول وأنها تسوق في أسواق العملات الدولية المختلفة‏ (البورصات المالية المختلفة‏).

ويرتكز الوزن أو النسبة المئوية المنسوبة لكل عملة في سلة حقوق السحب الخاصة علي‏‏ قيم الصادرات من السلع والخدمات للأعضاء أو الاتحادات النقدية‏ وعلى مبالغ الاحتياطيات من العملات المختلفة التي يحتفظ بها الأعضاء الآخرون في صندوق النقد الدولي‏ وعلى أهمية كل عملة ودورها في التجارة الدولية وفي المعاملات المالية‏.‏

وكانت آخر مرة تم فيها تقويم حقوق السحب الخاصة هي العام 2010. وتسري هذه المدة حتى عام 2014.

وطبقا لهذا التقويم تصل مساهمة الدولار في السلة إلى 44% مقابل 34% لليورو و11% للين الياباني و11% للجنيه الإسترليني.

وتحدد وتحتسب معادلة وحدة حقوق السحب الخاصة بالدولار الأميركي يوميا بقيم العملات الأربع التي تحدد بسعر الصرف المعتمد وقت الظهيرة في سوق لندن المالي‏.

يقوم الاكسبرت يوميا بمتابعة حركة حقوق السحب وبالتالي يقوم بتوجيه صفقاته المعلقه في نفس اتجاه الترند العام لسلة العملات وهو ما يعرف بهيدج العملات ,,

[SAW]

أشكرك على المعلومة دي - أنا أعرف إن في كمان مركز أو معهد مالي في نيويورك أو واشنطن بياخد أوامر بيع و شراء ضخمة من المؤسسات و البنوك و بيكون عارف إتجاه العملات اليومي على حسب قيمة المبالغ المرصودة للصفقات

أنا متابع

[م تيمور المراغي]

أشكرك على المعلومة دي - أنا أعرف إن في كمان مركز أو معهد مالي في نيويورك أو واشنطن بياخد أوامر بيع و شراء ضخمة من المؤسسات و البنوك و بيكون عارف إتجاه العملات اليومي على حسب قيمة المبالغ المرصودة للصفقات

أنا متابع

انت قصد الماركت بروفايل تعرف يا ساو حتى البيانات السريه الرهيبه دي والفوليوم الحقيقي الموجود فيها برضوا لم يشفع لهم يوم 4 ديسمبر 2009 لما طلع خبر البطاله الامريكي وكانت شرارة انهيار الين امام الدولار يومها بحوالي 500 بيب وخرب بيوت ناس كثير يوميها كان يوم جمعه انا فاكره كويس :happy:

اقصد بكلامي ان حتى لو في جهه او افراد مطلعين على صفقات الميكر والهيدج فند الكبار المسيطرين على السوق وفتح معاهم ودخل معاهم برضوا وضعه غير امن ومعرض للمخاطره زيه زي اي حد تاني ,,

طيب ايه العمل وقتها ؟

[SAW]

المخاطر في الفوركس - على حسب معلوماتي -

risk aversion

معناها اللجوء الفوري لشراء الدولار أو السويسري أو الذهب و الفضة

و بيع كل العملات الأخرى أمام الدولار خاصة اليورو

بس في الحالة اللي حضرتك بتتكلم عليها أكيد لو في هيدج هيحمي الحساب أو لو وقف خسارة قريب

[م تيمور المراغي]

المخاطر في الفوركس - على حسب معلوماتي -

risk aversion

معناها اللجوء الفوري لشراء الدولار أو السويسري أو الذهب و الفضة

و بيع كل العملات الأخرى أمام الدولار خاصة اليورو

بس في الحالة اللي حضرتك بتتكلم عليها أكيد لو في هيدج هيحمي الحساب أو لو وقف خسارة قريب

الاكسبرت زي ماقلنا ما بيلجاش ابدا لوقف الخساره ,,

حيفتح مراكز جديده كل ما السعر ينزل وباحجام صغيره مدروسه و بمسافات محدده تتباعد او تتقارب حسب معادلاته المسبقه المصممه بداخله

السر هو في معرفة اقل عدد نقاط بيصححها الزوج قبل ان يكمل الترند مساره العظيم ,,

طيب ايه اللي يضمن لنا ,, ان الصفقه تفتح بالمللي على اول التصحيح ده وتقفل بالمللي على نهايته لاغلاق كل المراكز !!!

انت عارف يا ساو ايه هو الزوج المجنون ؟

وايه هو اسود يوم في تاريخه ؟؟

مستني اجابتك - بعد الفاصل ,,

[SAW]

طبعاَ المجنون هو الإسترليني/ين

GBP/JPY

و حضرتك يمكن تقصد شهر 10 2008

[م تيمور المراغي]

طبعاَ المجنون هو الإسترليني/ين

GBP/JPY

و حضرتك يمكن تقصد شهر 10 2008

100 % تمام عليك

طيب ,, حنروح للزوج الرهيب ده ,,الاسترليني \ ين

ونجربه في الشهر الدموي ده ,,اكتوبر 2008

ونشوف كيف ستتعامل الاستراتيجيه مع انهيار الزوج 6000 نقطه من 198.00 الى 138.00 :happy:

دقايق وحرفق نتائج الاختبار بالتفصيل ان شاء الله ,,

[م تيمور المراغي]

مرفق نتائج الاختبار ويتضح ان المخاطره المؤقته لم تتعد 13% فقط من راس المال مع ارباح تجاوزت 20% لهذا الشهر فقط ,,

gbpjpy.zip

[marselia]

انا حاسس اني دوخت..... يا ريت استذ اركيتكت و ساو يبتتدوا يشرحوا واحدة واحدة لاني حاسس ان معظم الكلام بقي اكسبرت اوي و بقي بعيد عن الكلام للمبتدئين الي زينا :]... لااني عندي رغبة قوية اني اتعلم من حضرتك و من اخ ساو

[م تيمور المراغي]

تأمر عالراس وعالعين يا مارس

بس قول لي بالظبط انهي جزئيه اللي مش واضحه وانا استطرد في شرحها ان شاء الله

المشكله يا احبه ان التواصل قليل ,, وانت يا مارس متسجل عليك غياب اسبوعين :happy:

[marselia]

معلش و الله الشغل بقي و انا مبصدق انب اقعد علي النت عشان استمتع بشرح حضرتك ... و الفترة ديه عييد و كل سنة و انت طيب فكنت عايز استغل الفرصة الكام يوم اجازة دوول ... و نستفيد من حضرتك ... حضرتك انا دلوقتي قريت عن كتاب اسمه الفوركس خطوة بخطوة من موقع الفوركس ترادينغ و بعد كده انا تووووووووووهت بمعني الكلمة توووهت.. فنصايح حضرتك ايه الخطوة الي بعدهاا...و ما هو الهبدج ده..... و علي موقع الفوركس تريد فيه ما لا يقل عن 50 استراتيجيه و دبه حاجة تلخم اوي...و سؤال اخير ايه اخبار العيد عندكم في السعودية؟؟:)

[م تيمور المراغي]

كل سنه وانت طيب يا مارس وعيد سعيد عليكم يارب

العيد هنا طبعا مش زي مصر عادي زي باقي الايام واعتقد كل المدن كده ,,

مصر فعلا مالهاش مثيل ,,

ما تشغلش بالك اوي بالاستراتيجيات الكثير الموجوده في الكتب والمنتديات ممكن تقراهم بس كمعلومات عامه انما ان شاء الله الخلاصه مش حتجدها غير هنا معانا والحمد لله

الهيدج له عدة حالات منها :

انك تفتح صفقتين عكس الاتجاه واحده شراء والثانيه بيع ده تعريفه لو على نفس الزوج

وهناك هيدج زوجين ,, وهو انك تفتح صفقه في احد الازواج ثم تفتح صفقه اخرى في زوج اخر معروف انه بيتحرك عكس الزوج الاول

وكمثال لهذين الزوجين

زوج اليورو \ دولار

وزوج الدولار \ فرنك ,,

حيث انهما متعاكسين بنسبة 80% تقريبا اغللب الوقت ,,

وكمثال ثالث هناك ما يسمى بهيدج ازواج - انا بسميه هيدج المثلث ,,

وهو انك تفتح 3 صفقات على 3 ازواج يمثلوا اضلاع اي 3 عملات مثلا

الاسترليني \ دولار

والدولار \ ين

والاسترليني \ ين

حيث ان قيمة كل زوج من الثلاثه هو حاصل حركة الزوجين الاخرين مع مراعاة اختلاف الاحجام قليلا بالطبع ,,

وهناك مايسمى بسلة العملات ,,

وقد شرحتها باختصار في مشاركة رقم 83 حيث ان تلك السله تمر هي نفسها بمراحل قمم وقيعان ولكن بحركة ابطأ تستمر شهورا بين كل قمه وقاع ,,

وتتحرك في تلك الاثناء العملات بداخلها ولكن في المجمل فان توازنا ما يكون موجودا بداخل السله ككل ودي من مزايا الاكسبرت في تقليل المخاطر

مستني منك المزيد من الاسئله لكن استاذنك ارد بعد الماتش

دعواتك مصر تغلب استراليا :egyflag:

ان شاء الله

[marselia]

الف مبروك علي الفوز اهو كابتن حسن حاتة مشيا معاااه حلاوة و كسب استراليا .. .. و متشكر علي سرعة الرد المعتادة علي الاسئلة... انا كدة فهمت الهيدج بس ايه مميزات الهبدج ؟؟.... و هل الاكسبرت ده بيتنزل عادي من اي موقع و لا لازم اعمله بنفسي عشان الاستراتيجية ... هل ابتدي انزل الديمو عشان النظريات و الاستراتيجية و كدة و لا استني عقبال ما يخلص الكورس؟؟

[م تيمور المراغي]

الله يبارك فيك يا مارس وفعلا اللعيبه بقى شكلهم احسن بكثير وربنا يسلم جدو من الاصابه

اوكي

من فوايد الهيدج هو تقليل الضغط على الحساب عند حدوث حركه غير طبيعيه في السوق ينتج منها ان ينعكس السعر على احد الازواج بدرجه كبيره ,,

الازواج الاخرى التي تعاكس الزوج تخفف من تاثير الدروداون الكبير على الحساب ,,

مثلا زي ما قلنا قبل كده ان الكيبل ( الباوند - دولار ) والمجنون ( الباون - ين ) والساحر ( الدولار - ين ) يمثلون سويا هيدج متوازن نوعا باحجام معينه

فلو حدث انعكاس سعري حاد للساحر مثلا فاعلم يقينا ان الكيبل والمجنون سيكونا رابحين بالتالي المحصله الكليه خساره طفيفه ان لم تكون ربحا طفيفا ,,

الاكسبرت مش حقدر انزله هنا في المنتدى لانه ملكيه فكريه لصديقي محمد حواش لكن اللي حقدر انزله هنا هو الاستراتيجيه بالكامل ان شاء الله والتي لن تجد مثلها في اي منتدى لا عربي ولا اجنبي يقينا والحمد لله ,, اونتم تقدروا تنفذوا الصفقات مانيوال بنفسكم بعد ان نستوفي الشرح كاملا وتنتهي الدوره

احنا لسه ماخلصناش ,, وهدفي من الدوره دي 3 امور ,,

1 - اعطاء معلومات وافيه وشافيه عن اساسيات الفوركس بدرجه تنقل الاخوان من مبتدئين الى محترفين ان شاء الله

2 - كشف كل خبايا والاعيب السوق سواء كانت من الشركات او من افراد وتوثيقها في الموضوع ده لتعم الفائده لكل من يرجع اليه مستقبلا ,,

3 - شرح كامل لاستراتيجيتي الخاصه في المتاجره لتكون متاحه وموثقه وعلم ينتفع به الجميع ان شاء الله ,,

بالنسبه للحساب الديمو عاوز وقت مني والتزام يومي اخاف اني بعد اجازة العيد مش حقدر اعطيه لكم ,, لاننا لو فتحنا حساب ديمو حكون ملتزم بنقل صفقات الاكسبرت لحظيا,, فتح مثلا شراء على الكيبل عند سعر كذا وهدف كذا ,, دي عاوزالها تفرغ 24 ساعه,, وانا كان هدفي من فتح الموضوع ليس اعطاء السمكه ولكن تعليم الصيد للجميع - مش كده كويس ؟

اتوقع بعد انتهاء الدوره ان الجميع حيكون لديه القدره على المتاجره بطريقه امنه وسليمه ومربحه ان شاء الله ,,

[marselia]

مشكوووور علي سرعة ردك و علي احجاباتك الشافية و بالتوفيق ليك في حياتك و ربنا ما يحرمنا من حضرتكو في انتظار كل جديد من حضرتك و ربنا يكلل تعبك بحاجة عظيمة في المستقبل ان شاء الله

[SAW]

الموضوع من أوله لمن ليس لديه فكرة:

نعرف جميعاَ عند تبديل العملات من البنك أو الصرافة أن سعر البيع غير سعر الشراء حيث يوجد فارق بسيط بين السعرين - و هذا الفارق هو عمولة البنك و يسمى

spread -

مثلاَ:

يبيع البنك الدولار/سويسري USD/CHF

بمبلغ 1.2550 يعني العميل سوف يشتريه من البنك بهذا السعر

و يشتري منك البنك نفس العملة بمبلغ 1.2540 يعني إنت هتبيع للبنك بهذا السعر

يبقى الفارق كام بين السعرين؟ 0.0010 هذا الفارق يسمى

spread

و هو عمولة الشركة أو البروكر الي بتتعامل معاه يعني غالباَ سبريد اليورو/دولار 3 نقاط يعني أول ما بتفتح الصفقة بتكون سالب 3 و هذة تذهب للبروكر كما قلنا و بعدها إذا ذهبت الصفقة في صفك فستنقص هذة ال 3 السالب و بعدها تتحول إلى نقاط إيجابية أي مكسب.

تمثل العملة الأولى على اليسار العملة الأساسية يعني في المثال السابق كل 1.2550 سويسري تشتري دولار واحد

و الأمر معكوس مع اليورو و الإسترليني و الأسترالي و النيوزلندي

EUR/USD GBP/USD AUD/USD NZD/USD

يعني السعر في هذة العملات هو كام دولار أو سنت يشتري هذة العملات

طيب إزاي اَخر رقمين دول بيعملوا فلوس و مكاسب

طبعاَ الناس اللي فكروا في الفوركس قالوا مش ممكن ناس هتقعد تتاجر عشان تكسب اَخر اليوم 20 و لا 30 سنت مش ممكن طبعاَ - عشان كده عملوا حاجة إسمها الرافعة

Leverage

- يعني إيه؟ يعني يعطيك 200 أو 300 ضعف لحسابك تعمل بيه عمليات - إزاي؟؟

نفرض إن حسابك فيه 500 دولار و البروكر يعطي رافعة 200 يعني 200*500= 100,000 دولار

يعني ممكن تعمل صفقات بالمبلغ ده - بس طبعاَ قليل جداَ اللي بيعمل صفقات بالمبلغ ده لو كان حسابه 500 دولار لأن في الحالة دي أول ما يفتح صفقة على اليورو مثلاَ هتكون ناقص 30 لأن هنا النقطة الواحدة ب10 دولار و لو عمل وقف خسارة 20 نقطة و السعر وصل لوقف الخسارة معناه إنه خسر 200 دولار في الصفقة و 30 في السبريد يعني طير نص الحساب في صفقة واحدة و على الجانب الاَخر ممكن تكسب الصفقة دي و لو مش حاطط

limit

يعني هدف لبلوغ الصفقة ممكن تحول ال500 دولار ل 8,000 أو 9,000 أو أكثر و في يوم أو يومين على حسب مدى

volatility

الزوج اللي عمل عليه الصفقة يعني مدى تحرك الزوج - هل يتحرك يومياَ أكثر من 100

pip

يعني نقطة - يعني لازم قبل الصفقة تعرف النقطة و قيمتها كام في الصفقة اللي هتعملها و تسمى عقد.

طبعاَ في المثال السابق لا ينصح بفتح صفقات أكثر من 5000 أو 10,000 - يعني السبريد في ال5000 بيبدأ بدولار و نصف و أعتقد معقول و ال 10,000 كل نقطة بتساوي دولار واحد.

لازم أقول إن الرافعة لها ميزة قوية عند الربح و قاسية عند الخسارة.

ياريت أكون قدرت أشرح بشكل مبسط الموضوع بيبدأ إزاي و هذة هي أساسيات الفوركس.

في ملاحظة مهمة عند إختيار البروكر لازم تعرف السبريد عنده كام و إيه طرق الدفع هل تحويل بنكي فقط أم كريدت كارد و

web money , money bookers, alertpay

- يعني يفضل يكون بيقبل أكثر من طريقة للدفع - و كذلك لسحب نقودك هل يأخذ عمولة على التحويل لحسابك البنكي و كم تبلغ - و يفضل إذا كان يحول للكريدت مباشرة.

ملاحظة أخرى يوجد مواقع تفتح من خلالها و ليس من على موقع البروكر مباشرة - و ما الميزة في ذلك؟

مثلاَ موقع:

http://www.cashbackforex.com

فهذا الموقع يعطيك عمولة على كل صفقة تفتحها و تختلف العمولة على حسب النسبة التي يحددها البروكرز اللي موجودين في موقعه و ممكن على الصفحة الرئيسية على اليمين ستجد عدد الصفقات اليومية و الشهرية اللي ممكن تعملها و تختار البروكر و تشوف المبلغ كام شهرياَ و سنويأ و لو مجرد إشتركت في الموقع بيعطيك لينك خاص بيك - و لو أي حد إشترك من خلال اللينك بتاعك إنت كمان بتاخد عمولة على كل العمليات اللي هو بيعملها.

أهم من كل ماسبق عمالقة الفوركس و الللي بيقولوا عليهم

BIG BOYS

بيخسروا و ممكن يفلسوا - الفوركس سوق متقلب و ليس سهل و اللي مش مستعجل و نفسه طويل هيوصل و يحقق اللي هو عاوزه - يعني الفوركس زي أي حاجة في حياتنا مش بتاعة حد.

و أهم من الأهم السابقة لا ينصح بفتح حساب حقيقي حتى تعرف تماماَ كيف تسير الأمور و يتم التدريب جيداَ على حساب تجريبي و مش عشان كسبت عمليتين تقول هفتح حقيقي و أغامر بفلوسي في حاجة جديدة على. خد بالك الحساب التجريبي بيعطيك 100,000 تجربة يعني بتبيع و تشتري و مش هامك بس لما تبتدي بحساب 500 أو 1000 دولار الأمور هتختلف تماماَ.

مع أطيب التمنيات للجميع و محدش يستعجل.

[م تيمور المراغي]

ميرسي على الدعوه الكريمه يا مارس الله اجعل لنا نصيبا منها ,,

بس حاسس كده انك بتودعنا وناوي تغطس غطسه طويله ههههههه

انا عامل الدوره دي فعلا يا مارس عشان اضع فيها كل خبراتي اللي اكتسبتها السنين دي ومحتاج لكم تسالوني واجاوبكم لاني لسه ماخرجتش 10% من اللي اعرفه

جميل ان الواحد زي ما انت قلت : ( يكلل تعبك بحاجة عظيمة في المستقبل ان شاء الله ) بس مش هو ده سبب فتحي للتوبيك ,,

السبب الاساسي اني مش عاوز غيري يمر بتجارب صعبه زي اللي انا شفتها في بداياتي يعني عاوزكم تبؤوا من حيث ما انا نتهيت ,,

ماتغيبش ومستني دايما حضورك الرائع المتميز ’’

[م تيمور المراغي]

تسلم يا ساو على الشرح المتميز جدا ,,

بس خللينا ما نجيبش سيرة مواقع هنا عشان محاذير المنتدى

خللينا نتكلم بشكل عام جدا وفي نفس الاطار اللي حددناه من البدايه ,,

لي ملحوظه صغيره جدا :

مثلا انت قلت :

طبعاَ في المثال السابق لا ينصح بفتح صفقات أكثر من 5000 أو 10,000 - يعني السبريد في ال5000 بيبدأ بدولار و نصف و أعتقد معقول و ال 10,000 كل نقطة بتساوي دولار واحد.

يعني اللي رصيده 500 يفتح عقد ميني وده انا مش موافق عليه اطلاقا يا كبير ,,

احنا كنا بنقول ايه من الصبح وكلامنا عن الفراكتلز واسمالك البيرانا نسيت هههه

انا استراتيجيتي ببدأ برصيد 10 الاف دولار- حساب مايكرو - و بفتح عقد مايكرو النقطه = 10 سنت فقط

لسه التفاصيل دي بعد كده خلينا واحده واحده فيه ناس لسه حتى الان مش عارفين اصلا ابسط مباديئ الفوركس وده الهدف من الدوره ( ببطء لكن بثقة ) ,,

خليني اشرح التوبيك ده يا كبير بطريقتي والسبب انه التوبيك بتاعي وانا حر فيه بقى ههههه :happy:

لا بجد ,, السبب اني مش عاوز حد يفتح حساب 500 دولار ويشتغل بعقود ميني على الاطلاق

كده النسبه 1 :500 يعني لو الصفقه عكست عليك 400 نقطه طار الحساب على اساس ان الليفيرج حاجز 100 دولار من الاول ,,

بينما انا بشتغل بنسبة 1 : 100000 يعني لو السوق عكس الوف النقاط انت في امان ,,

مش عاوزين الاخوان يحصل لهم تشتيت بين اسلوبين مختلفين للمتاجره والا ايه رايك