دورة مبسطه ومعلومات عامه عن فوركس Forex ( بورصة العملات الاجنبية )

[م تيمور المراغي]

نقطه تانيه يا ساو انت قلت :

أهم من كل ماسبق عمالقة الفوركس و الللي بيقولوا عليهم

BIG BOYS

بيخسروا و ممكن يفلسوا - الفوركس سوق متقلب و ليس سهل

وانا احب اطمنك واطمن كل الاخوان ان شاء الله انكم لو التزمتم بالاستراتيجيه اللي حنشرحها وبدانا بالفعل جزء منها في الدوره دي عمركم ما حتخسروا ولو عكس عليكم السوق 10 الاف نقطه يعني بقى الدولار = 2 جنيه :happy:

واللي مش مصدقني وحيقول يعني انت حتعرف اكتر من اساتذة الاقتصاد دول كلهم في العالم :happy: حقول لهم ايوه بفضل الله

وانا قابل التحدي واعطوني اي فتره زمنيه حصلت فيها كوارث وانا اثبتلكم بالتفصيل ان الاستراتيجيه قد صمدت امامها بل وخرجت بمكاسب ساحقه بفضل الله ,,

واحنا بصدد تسجيل براءة اختراعها ان شاء الله في كندا خلال كام شهر انا وصديقي مهندس محمد حواش ,,

[Ahmed Anwer]

جزاك الله خيرا علي إفادتك للناس ،،

أنا من حوالي سنة كنت مهتم جدا بالفوركس نتيجة كلام صديق ليا

و عموما ملاحظ إن المتعاملين في الفوركس أكثر رضا بكثير من المتعاملين في البورصات

وقف الموضوع إني كنت هاخد كورس الأول كان بمبلغ رمزي ب 250 جنية و بعدين ببلاش

و في الآخر مكنشي فيه أي كورس بيتنفذ ،،، الكلام ده في القاهرة

فأنا عندي شوية مبادئ بسيطة جدا للفوركس من إطلاع بسيط

ما سبق كان استهلالا لابد منه :unsure:

بخصوص حكاية المكسب حتي عند نزول السعر

أنتا بتقول هأبيع سيارتي اللي تساوي 100 جنية للمعرض فورا

و استني لما سعرها ينزل 98 جنية و اشتريها و ابيعها للمعرض ب 100 جنية

طب أيه اللي يجبر المعرض أنه يشتريها بمائة ؟؟ إذا كان سعرها حاليا 98 بس

تقريبا حاجة تكنيكال أنا مش ملاحظها

بخصوص إستراتيجية حضرتك نفسها ،،، ممكن تقولها كده في شكل نقط و بالبلدي من غير مصطلحات الفوركس عشان المبتدئين زي حالاتي يفهموما

و بعد كده نحولها لمصطلحات الفوركس و تفاصيله التقنية

___________________________________________________________________________________________

حاجة بقه بره الموضوع خالص ،،، فكرة تانية كنت بفكر فيها

هيا فكرة معتمدة علي موقف بيحصلنا كتير و أنتا مسافر السعودية مثلا يقولك أشتري ريالات من مصر

أحسن ما تشتريها من السعودية دي فيها فرق كذا ،،،

طب ما ممكن يكون الفرق ده بين أسعار العملات في البيع و الشرا في البلدان المختلفة فكرة لمكسب حتي لو بسيط

بس مضمون و مفتوح يعني ممكن كل يوم تعمله و كل يوم تكسب المكسب البسيط ده

و اعتقد هيكون أضمن و أكثر استقرارا من الفوركس

أعتقد مكاتب الصرافة السعر فيها بيكون ثابت طوال اليوم مش زي الفوركس السعر لحظي

مش هتحتاج غير طرفين واحد في بلد و التاني في بلد تاني ( أكيد يعني مش هتقعد تسافر )

التحويلات و غيره دلوقتي فيه بنوك دولية زي HSBC بيعتبروا حسابك حساب عالمي يعني تحط و تاخد منه من أي بلد من غير مصاريف تحويل

يعني مثلا تشتري دولارات أو ريالات من السعودية و تبيعها في مصر أو العكس

المشكلة قعدت أجرب كل الطرق ما بين كذا بلد كله بيؤدي للخسارة ،، مش عارف الصح فين

اسف لتشتيت الموضوع ،، بس هيا فكرة في دماغي ،، ممكن نناقشها سوا

[م تيمور المراغي]

اشكرك يا احمد على كلامك الرقيق ومشاركتك بالفعل دسمه وحتوضح امور كثيره ,,

نتكلم عن نقطه نقطه

أنتا بتقول هأبيع سيارتي اللي تساوي 100 جنية للمعرض فورا

و استني لما سعرها ينزل 98 جنية و اشتريها و ابيعها للمعرض ب 100 جنية

طب أيه اللي يجبر المعرض أنه يشتريها بمائة ؟؟ إذا كان سعرها حاليا 98 بس

تقريبا حاجة تكنيكال أنا مش ملاحظها

لا الموضوع بسيط ,,

في المثال اللي ضربناه زمان عن وكالة السيارات ,, قلنا ان الوكاله ليها امر من اثنين يا اما تحصل على سيارتها منك او تحصل على ثمنها منك خلال فترة تعاقدك معها

فلنقل ان زمن الصفقه اسبوع ,, انت في نهاية الاسبوع قلت لهم اتفضلوا سيارتكم ,,

انت في بداية الاسبوع قمت ببيعها بمبلغ 100 جنيه ,, وفي نهاية الاسبوع اشتريتها بمبلغ 98 جنيه ورجعتها تاني للوكاله يعني بضاعتهم رجعت لهم وانت ربحت الفرق ’’

بخصوص إستراتيجية حضرتك نفسها ،،، ممكن تقولها كده في شكل نقط و بالبلدي من غير مصطلحات الفوركس عشان المبتدئين زي حالاتي يفهموما

و بعد كده نحولها لمصطلحات الفوركس و تفاصيله التقنية

حاضر

الاستراتيجيه باختصار شديد وفي كلمتين

حنفتح حساب بعشرة الاف دولار

حنشتغل على 40 زوج مختلف

حندخل بصفقات مايكرو قيمة كل نقطه = 10 سنت فقط

الصفقه التي تربح نغلقها ونفتح مكانها واحده اخرى في نفس الاتجاه

الصفقة الخاسرة ننتظر مسافه معينه ثم نفتح صفقه اخرى من مستوى سعري افضل

لو استمر النزول نفتح صفقه ثالثه وهكذا

تتغير احجام الصفقات وتزيد ,, وتتغير المسافات مع النزول وتتنوع حسب الشرح المفصل الذي سياتي لاحقا ,,

دي كانت الاستراتيجيه بكل اختصار وتبسيط ,,

يعني مثلا تشتري دولارات أو ريالات من السعودية و تبيعها في مصر أو العكس

المشكلة قعدت أجرب كل الطرق ما بين كذا بلد كله بيؤدي للخسارة ،، مش عارف الصح فين

اسف لتشتيت الموضوع ،، بس هيا فكرة في دماغي ،، ممكن نناقشها سوا

بالعكس والله ده هو ده افضل شيئ بيتم في الدوره دي ,, لان التساؤلات دي بتثري الموضوع جدا وبتفتح نقاط عديده نناقشها ونوضحها مع بعض

نتخيل ان راس مالك 150 الف جنيه

وكان لديك خبر ان سعر صرف الريال حيزيد 5 قروش مره واحده ( والرقم ده كبير جدا على فكره )

طيب ,, اولا خبر زي ده حيحصل بالكثير كل شهر ده لو ماكانش مرتين في السنه - لكن نقول مره كل شهر

قمت حضرتك اشتريت بكامل راس مالك 100 الف ريال على سعر 150 قرش طمعا في تحقيق مكسب 5 قروش عن كل ريال ,,

حصل ماكنت تتوقعه وارتفع سعر الريال 5 قروش وذهبت لتبيع الكميه

اول شيئ - شركة الصرافه لا تبيع وتشتري بنفس السعر طبعا ,, بل هناك فرق 3 قروش تقريبا بين السعرين

آدي كده 3 قروش طارت من الخمس قروش وتبقى لديك قرشين مكسب عن كل ريال

بعت كامل الرياات التي بحوزتك ,, وربحت في تلك الصفقة 200 الف قرش يعني الفين جنيه مصري بالتمام والكمال ,,

يعني راس مال 150 الف جنيه كسبك الفين جنيه يبقى ربحك الشهري - ده لو كان شهري اصلا - ربحك الشهري 1.3 % فقط

ده طبعا لو حصل زياده في سعر الصرف فما بالك لو السعر نزل ؟

طبعا ربح واحد في المئه شهريا غير مغري بالمره لاي تاجر لانه ممكن يربحهم من البنك وهو مريح باله من المخاطر - بغض النظر ان فوائد البنوك المحرمه بالطبع

اتمنى اني اكون وضحت الفكره باسلوب مناسب

ومنتظر المزيد من استفساراتك ان شاءا لله ,,

[SAW]

واحنا بصدد تسجيل براءة اختراعها ان شاء الله في كندا خلال كام شهر انا وصديقي مهندس محمد حواش ,,

أنا سعيد بهذا الخبر - مع أطيب و أرق التمنيات بالتوفيق و النجاح

[م تيمور المراغي]

ميرسي على زوقك ودعواتك الطيبه يا ساو

وجمعنا الله واياكم وكل الاخوان في مستقر رحمته ,,

[marselia]

ههههههههههه لا انا مش هغطس و لا حاجة بس بعد العيد للاسف هيبقي دخوليي قليل ... كان ليا سؤال ما هو الميت تريد و هل ده هيفدي في تداولات الفوركس و لا لا؟؟

[م تيمور المراغي]

ماتحرمناش من طلتك المميزه يا مارس ,,

الميتاتريدر ببساطه هو برنامج المتاجره الخاص بالفوركس ,,

وهو برنامج مجاني تستخدمه اغلب الشركات المقدمه للخدمه في العالم ,,

يتيح طبعا للمستخدم كل ادوات المتاجره والتحليل الفني وواجهته سهلة التطبيق ومعروفه للجميع

ومن اهم مزايا البرنامج هو اتاحة جميع اوامره للبرمجه على لغه خاصة اسمها ( MQL) مقتبسه من اللغه الاشهر ++C

مما يتيح لاي متاجر ان يحول اسلوب متاجرته الى نظام آلي ينفذ استراتيجيته بشكل آلي كامل

ويتميز البرنامج ايضا بالامان المطلق ,, فعندما تتعامل مع موضوع حساس وخاص مثل المتاجرة بالفوركس، فأنت بحاجة إلى معرفة أن حسابك لن يتعرض لخطر الهجمات والقرصنة.، فهو يستخدم نظام لتشفير البيانات بين المتاجر والسيرفر يتكون من 129 بت. أيضا عنوان الأي بي IP للمستخدم يحجب كلية

وبجانب دعمه لتداول جميع العملات فهو ايضا يتيح المتاجرة بالأسواق الأخرى مثل البضائع والعقود الآجلة والأسهم

[م تيمور المراغي]

"المركزي الأوروبي": البنوك الإسلامية قادرة على تعزيز الاستقرار المالي

قال عضو مجلس محافظي البنك المركزي الأوروبي إيف ميرش إن منتجات التمويل الإسلامي يمكن أن تعزز استقرار النظام المالي، إلا أنه تجب معالجة مواطن خلل بشأن توحيد المعايير القياسية وإدارة السيولة.

وينظر إلى الافتقار لأدوات السيولة على أنه أحد التحديات الرئيسة لقطاع التمويل الإسلامي الناشئ والذي يبلغ حجمه تريليون دولار في ظل تقييد البنوك الإسلامية فيما يرجع جزئياً إلى محدودية نطاق المنتجات التي يمكن أن تستثمر فيها.

وقال ميرش إن من المتوقع أن يؤدي عدم تعرض البنوك الإسلامية للأصول غير الواضحة والمعقدة، فضلاً عن عدم اعتمادها على الاقتراض بشكل مفرط، إلى حمايتها من الأزمات المالية، كما أن الاعتماد على الودائع بدلاً من التمويل من الشركات الكبيرة يسهم في تعزيز الاستقرار.

وأضاف أنه على الجانب الآخر يمكن لطبيعة التمويل الإسلامي التي تستند إلى الأصول وتقاسم المخاطر أن تجعل نموذج التمويل الاسلامي أكثر عرضة لمخاطر جولة ثانية من تأثيرات أزمة مالية، مشيراً إلى تعرضها بدرجة أكبر لجولات تباطؤ في الاقتصاد الحقيقي.

ولفت ميرش، في نصّ كلمة من المقرر أن يلقيها في مؤتمر مالي في فرانكفورت، إلى أن غياب التوحيد القياسي للمنتجات والافتقار إلى الانسجام بين المعايير الإسلامية بوجه عام يشكل مخاطر بشأن إدارة السيولة.

ويسعى القطاع المصرفي الإسلامي لإصلاح القواعد الحاكمة لسلوك مستشاريه الشرعيين الذين يتمتعون بنفوذ كبير في ظل ضغوط على القطاع لتبني توجيهات أوضح وأكثر اعتماداً على معايير موحدة.

ومن بين تلك التحديات الرئيسة صغر عدد المستشارين الشرعيين الذين يقدمون المشورة لعدد متنام من البنوك بشأن هياكل تمويل معقدة، فيما يثير مخاوف بشأن شفافية الأحكام واستقلالية المستشارين وكيفية تدريب مستشارين جدد. غير أن تفاوت المعايير الشرعية واختلاف التوجهات التنظيمية والتباين الشاسع في التنمية في الأسواق يقف في طريق الإصلاحات الرامية لتبسيط وتعزيز الرقابة التي تعد ضرورية من أجل نمو القطاع.

[SAW]

العزيز:أرك

لدي تساؤلات بخصوص تراكم السبريد و أيضاّ بخصوص إستراتيجية المثلت

و لكن في الحقيقة أنا منتظر لما حضرتك تكمل شرحك الممتع

[marselia]

استاذ اركيتكت..... كان ليا تساؤلات عن تجارة الذهب و الفضة و النفط ... و استفسار تاني لو سمحت حضرتك عايزين تطبيق عملي علي استراتيجية حضرتك و الهيدج و كدا يعني عشان انا شايف ان الفوركس تطبيق و كدا... و شكرااا لسعة صدرك

[م تيمور المراغي]

العزيز:أرك

لدي تساؤلات بخصوص تراكم السبريد و أيضاّ بخصوص إستراتيجية المثلت

و لكن في الحقيقة أنا منتظر لما حضرتك تكمل شرحك الممتع

بالعكس يا ساو ,,

تساؤلاتكم دي هيا اللي بتوصل المعلومه للجميع ,,

لاني مش حقدر اتكلم زي جهاز التسجيل من غير ماحد يسالني ,,

اجاوبك يا كبير ,,

بالنسبه للسبريد ,,

من الافضل من وجهة نظري التعامل مع شركه ديلنج ديسك لها سبريد ثابت ,,

لان الشركات النوديلنج بتقول لك انا بعطيك سبريد اقل وبعطيك سعر السوق

ويجي وقت الجد تلاقيها قامت رافعه السبريد الى ضعفين او ثلاثه خصوصا وقت الاخبار ويتاخر التنفيذ عندها بدعوى اعادة التسعير وانه لا يوجد مشترين ( out of quote

اما بالنسبه لتراكم السبريد من صفقات الهيدج فاطمنك ان كل صفقه منهما بتغلق مع تيك بروفيت لا يقل عن 55 بيب

يعني السبريد لا يشكل اكثر من 5% من صافي الربح وده من ابسط حقوق الشركه خصوصا لو عرفت تتفق معاهم ان لك نسبه من السبريد مقابل الصفقات التي تفتحها تقدر توصل معاهم الى 50% من قيمة السبيرد يعني نقطه مثلا وانت ربحان 55 نقطه مش حتفرق كثير ,,

حتفرق معاك لو انت بتشتغل سكالبينج على النقطه والنقطتين لكن مادمت شغال فوق 50 بيب يبقى السبريد قيمته لاتذكر بالنسبه لربحك الصافي

تفاصيل هيدج المثلثات اجلها قليلا الى ان ياتي ذكرها ان شاءا لله ’’

ومتظر اي استفسار جديد منك يا غالي ,,

[م تيمور المراغي]

استاذ اركيتكت..... كان ليا تساؤلات عن تجارة الذهب و الفضة و النفط ... و استفسار تاني لو سمحت حضرتك عايزين تطبيق عملي علي استراتيجية حضرتك و الهيدج و كدا يعني عشان انا شايف ان الفوركس تطبيق و كدا... و شكرااا لسعة صدرك

لا حيببي اسال براحتك خدمتكم شرف كبير وتقرب الى الله ,,

بالنسبه الي تجارة الذهب والفضه والنفط ,,

كل ما يخطر ببالك من سلع يا مارس تخضع لقانون العرض والطلب ,,

ومادام هناك عرض وطلب ,, حيكون فيه تشبع وعدم تشبع ,, وحيكون فيه قمم وقيعان وده سر الاستراتيجيه اللي بنشتغل عليها

اننا بندخل حسب شروط معينه ونشتري من القاع ,,

لو استمر النزول اكثر بندخل بصفقات تعزيز من مستويات سعريه افضل وبجزء يسير جدا من راس المال ,,

ولو عاوز تفاصيل ,, فان راس مالك لا يجب ان يقل عن 10 الاف دولار ,, وحجم الصفقة يكون مايكرو = 10 سنتات فقط

طيب ,, حتقول لي .. بقى انا اضع 10 الاف دولار لكي اربح بالنهايه بضعة دولارات فقط !!!

حقول لك نعم ,, هو ده سر قوة استراتيجيتي بفضل الله وحده

احنا سبق وقلنا اننا نبتغي هدف 60 نقطه ونغلق صفقتنا

60 نقطه ضرب 10 سنتات يعني ربح 6 دولار ,, عن كل عمليه

لو كل زوج اعطاني اسبوعيا عمليتين فقط ,, نقول ربح الزوج 10 دولار في الاسبوع

واحنا قلنا قبل كده اننا حنشتغل على مالا يقل عن 30 زوج ,, يبقى الاجمالي هو 300 دولار اسبوعيا

يعني في الشهر 1200 دولار تقريبا ,, يعني ربح شهري 12% في المتوسط ان شاء الله

وحشين ؟؟

مع مخاطره زيرو ؟

هي دي الثقافه اللي كنت عاوز انشرها بين الكل ان شاءي الله

نشتغل بمخاطره معدومه وبربح قليل جدا ,,

ونوزع المخاطره على كل الازواج

ونخرج بربج قليل جدا من كل زوج

المحصله في النهايه اكثر من 10% ربح ان شاء الله

وده رابط يوضح اثر تلك الاستراتيجيه على حساب حقيقي والحمد لله مر عليه اكثر من 10 شهور بكل امان

http://www.myfxbook.com/members/hawash78/touareg/33909

ونتقابل الغد سويا على خير ان شاء الله

ضعوا اسالتكم وحجاوب عليها كل مادخلت معلش مشغول شويه بعد العيد انتم عارفين الضغط بيكون ازاي في العمل

الله يوفقكم وايانا ,,

[marselia]

اهههه شكرااا جدااا علي المعلوماتت القيمة جدااااا .... بس مش 10 الاف كتير مينفعش اقل من كدة.... بس انا في سؤالي الي فااات اقصد مثلاااا هحتاج الميتاتير في حاجة او مثلاااا نظريات مثا الفيبوناتشي او الشموع اليابانية ... طب مثلااا يعني ايه الترند و انا اسمع ان الترند ان الناس لازم تمشي وراهههه لو كدة تخسر .......

[AhmedSalim]

مهندسنا العزيزالاخوه الافاضل

السلام عليكم ورحمة الله وبركاتة وكل سنة وانتم جميعا بخير و صحة واحسن حال

والله موضوعك جميل جدا و الله لا يسعنا الا انا نرفع القبعة لمجهودك و إصرارك على على توضيح المعلومة

ولكن.... وان كنت بصراحة اجهل موضوع اتعامل مع البورصات او اسواق العملات و ما الى ذلك إلا اننى اري انه ذلك يعود بالربح على المتعامل فقط ولم تعم الفائده على الجميع

بمعنى أخر ان اري ان الاسثمار ى فى المشاريع سواءكانت تجاريه (حقيقة وليس على الورق والنت) المشاريع الصناعية

المشاريع الزراعية سوف يكون لها مردرو اكبر على الجميع يعنى ممكن تكسب فعلا ونفس الوقت بتفيد المواطنينة والوطن عموما

قد اكون مختلف معاك فى الرائ بس بصراحةانامن اشد المعجبين بحماسك و حوارك الراقى و اتساع صدرك للاخرين وادعو الله ان يزيدك من فضلة ورحمه

تم تعديل 21 نوفمبر 2010 بواسطة AhmedSalim

[SAW]

بسم الله ماشاء الله و لا حول و لا قوة إلا بالله - أنا طبعاَ قرأت سورة الفلق قبل ما أضغط اللنك والساعة فيها55 - يعني اوكي

يبدو أن الإسترتيجية قوية فعلاَ و مربحة للغاية - بالتوفيق إنشاء الله

[م تيمور المراغي]

اهههه شكرااا جدااا علي المعلوماتت القيمة جدااااا .... بس مش 10 الاف كتير مينفعش اقل من كدة.... بس انا في سؤالي الي فااات اقصد مثلاااا هحتاج الميتاتير في حاجة او مثلاااا نظريات مثا الفيبوناتشي او الشموع اليابانية ... طب مثلااا يعني ايه الترند و انا اسمع ان الترند ان الناس لازم تمشي وراهههه لو كدة تخسر .......

مساء الوروود مارسيليا واعذرني على التاخير بسبب انشغال الشديد والله ,,

ملغ 10 الاف دولار هو الحد الادنى الازم لتوفير ملائه ماليه ممتازه وامان مطلق للعمل في فوركس طبعا ده من وجهة نظري

هناك طرق متاجره اخرى تكتفي براس مال 500 دولار فقط للبدء واصارحك انها بتكون غاية في الخطوره ,,

انا عن نفسي مثلا حبيت اضغط على استراتيجيتي بمالي الحقيقي الخاص ,,

ووضعت متعمدا لكي اجرب 400 دولار فقط لا غير ,, وحبيت اشوف كيف سيكون تعامل الاستراتيجيه مع هذا المبلغ الضئيل

وكيف سيتعامل الاكسبرت بتكتيكاته الدفاعيه مع قلة راس المال الغير طبيعيه ,, دي اقل من واحد على عشرين من المبلغ المطلوب ,,

طيب قولوا ماشاء الله :)

في المرفقات ,, كشف حسابي الحقيقي والذي استطاع البرنامج بفضل الله خلال شهر واحد ان يحول 400 دولار الى 900 دولار يعني عمل مكسب 120% خلال شهر ,,

طبعا دي كانت مخاطره غير مسبوقه ولم اكررها بعدها بس كان لازم كصاحب استراتيجيه ان اعرف الحدود القصوى لفاعلية وكفائة البرنامج ,,

معلش اعذرني على الاسترسال لكن التحدث عن النجاح له سحر خاص :) ولله الحمد

بالنسبه لسؤالك عن الميتاتريدر طبعا احنا محتاجينه للتداول مع فوركس وهو برنامج رائع وقد ذكريت مميزاته بالتفصيل في المشاركه رقم 107

بالنسبه لسؤالك عن الترند ,, فده يعتمد على الاستراتيجيه التي تتبعها ,,

وخلينا نتكلم عن استراتيجيتنا ,, هي بتعتمد على الترند المكسور ,,

يعني بعد هبوط 150 نقطه مثلا من القمه,,

يبدء الاكسبرت بفتح شراء بهدف 60 نقطه ,,

لو طلع السعر خير وبركه واغلقنا الصفقه على ربح

لو نزل ,, حيفتح صفقه اخري على مسافه محدده بنفس الهدف ,,

يفضل الاكسبرت يفتح في صفقات شراء باحجام ومسافات معينه حتى يصحح السعر الستين نقطها لمطلوبين فيقوم باغلاق كل الصفقات على ربح ويبدأ من الصفر ,,

تعتمد الاستراتيجيه على انه لا يوجد في العالم موجه متوسطه يقل التصحيح النسبي فيها عن 5% من طول الموجه

يعني لو السعر تحرك من نقطه س الى النقطه ص بمسافة 1200 بيب

لابد ان يتكون في تلك الرحله تصحيح عكسي قيمته لا تقل باي حال عن 60 نقطه

وفي انتظار اساله اخرى ,,

DetailedStatement.htm

[م تيمور المراغي]

مهندسنا العزيزالاخوه الافاضل

السلام عليكم ورحمة الله وبركاتة وكل سنة وانتم جميعا بخير و صحة واحسن حال

والله موضوعك جميل جدا و الله لا يسعنا الا انا نرفع القبعة لمجهودك و إصرارك على على توضيح المعلومة

ولكن.... وان كنت بصراحة اجهل موضوع اتعامل مع البورصات او اسواق العملات و ما الى ذلك إلا اننى اري انه ذلك يعود بالربح على المتعامل فقط ولم تعم الفائده على الجميع

بمعنى أخر ان اري ان الاسثمار ى فى المشاريع سواءكانت تجاريه (حقيقة وليس على الورق والنت) المشاريع الصناعية

المشاريع الزراعية سوف يكون لها مردرو اكبر على الجميع يعنى ممكن تكسب فعلا ونفس الوقت بتفيد المواطنينة والوطن عموما

قد اكون مختلف معاك فى الرائ بس بصراحةانامن اشد المعجبين بحماسك و حوارك الراقى و اتساع صدرك للاخرين وادعو الله ان يزيدك من فضلة ورحمه

اشكرك والله على كلامك الرقيق احمد بك,, ولكن حوضح لحضرتك نقطة مهمه جدا ,,وباختصار شديد

الاقتصاد العالمي يقوم على عدة قطاعات مثل الصناعه والزراعه والتجاره والسياحه وغيرهم ,,

كل قطاع من هؤلاء تمثله عدة شركات كبيره يصنف نشاطها تحت اي من القطاعات السابقه

عندما ترغب تلكا الشركات في التوسع في نشاطها او تجديد عناصر الانتاج لديها تلجأ الى طرح اسهمها في البورصة لتوفير موارد ماليه لازمه لتلك التوسعات

وانت احمد بك ,, عندما تشتري مثلا الف سهم في شركة اسمنت اسيوط ,,

انت في الحقيقه تعتبر مساهم و تقريبا شريك في راس مال تلك الشركه ,,

بالتالي انت باموالك دي وغيرك جعلتها قادره على توسيع نشاطها وزيادة انتاجها وتجديد معداتها بل وصرف رواتب عمالها ,,

طيب نيجي من جهة اخرى ,,

حضرتك استثمرت مثلا 100 الف دولار في البورصه ,,

وبعد 5 سنوات اصبح المبلغ مليون دولار ,, ماذا ستفعل ؟

ستشتري سياره جديده ,, وفيلا جديده ,, وحتجد ان المبلغ ده قد ساهم بشكل ما في الحركه الاقتصاديه عموما ,, وهلم جرا ,,

ارجوا اني قد نجحت في توصيل الفكره لحضرتك باختصار ,, ولو حبيت اني اتوسع اكثر انا تحت امرك

تقبل شكري وودي العميق لحضرتك ,,

تم تعديل 21 نوفمبر 2010 بواسطة architect

[م تيمور المراغي]

بسم الله ماشاء الله و لا حول و لا قوة إلا بالله - أنا طبعاَ قرأت سورة الفلق قبل ما أضغط اللنك والساعة فيها55 - يعني اوكي

يبدو أن الإسترتيجية قوية فعلاَ و مربحة للغاية - بالتوفيق إنشاء الله

الله يبارك فيك ويخلليك يا ساو واشكرك والله على دعائك الجميل وكلماتك الرقيقه ,,

وححاول في الموضوع ده بقدر الامكان ان ارد على كل الاستفسارات بخصوص الفوركس باجابات شافيه ومفيده للكل ان شاءا لله ,,

دمت في حفظ الله ورعايته ,,

[AhmedSalim]

مهندس العزيز

بالنسبة لموضوع الفوركس ليه سؤال

الربح الى بيحصل علية المتعامل هل يقابلة خساره لطرف أخر و لا ؟؟؟

وجزالك الله كل الخير

[م تيمور المراغي]

مهندس العزيز

بالنسبة لموضوع الفوركس ليه سؤال

الربح الى بيحصل علية المتعامل هل يقابلة خساره لطرف أخر و لا ؟؟؟

وجزالك الله كل الخير

وجزاكم كل الخير ,,

بالعكس يا احمد ,, من الممكن ان يكون الطرفان رابحان ,, او الطرفان خاسران ,, او احدهما رابح والاخر خاسر وسوف اضرب لك مثال على ذلك ,,

انت قمت ببيع شقتك مثلا ,, بمبلغ 100 الف جنيه ,,

ثم اشتريت بهذا المبلغ فورا فيلا في القطاميه ( مثلا )

طيب ,, حصل ارتفاع لاسعار العقارات ,,

ارتفعت الشقق بمقدار 50% ,, فالذي اشترى منك قد ربح

وارتفعت الفيلات ايضا بمبلغ 100 % ,, فانت قد ربحت ايضا ب وربحك اكبر من ربحه ,,

نفس المثال يحدث في البورصه ,, عندما تبيع سهمك ويكون اتجاه السوق صعودي ,, انت ربحت من البيع ,, والذي اشترى منك ربح اهو ايضا بشراءه لسهمك ,,

والعكس صحيح ايضا في كل ماسبق ,, ولعدم التكرار اترك الامر لخيالك ,,

لو هذا المثال غير كافي ارجوا ان تتكرم وتبلغني فاضرب لك امثله اخرى ,,