دورة مبسطه ومعلومات عامه عن فوركس Forex ( بورصة العملات الاجنبية )

[marselia]

طب حضرتك يا استاذ اركيتيكت بتتعامل مع شركة وساطة ايه؟ و هل التحليل المالي و الفني هيفدني... حضرتك قولت لما ينز ل الترند ل 150 الاكسبرت هيعمل ؟؟ .... هل الاكسبرت ده حاجة بنزلها و لا ملكية فكرية بتاعة حضرتك .... اخر سؤال معلش حضرتك قولت 30 زوج بنعمل الاستراتيجية الي انا اعرفه ان فية عملات محددة زي اليورو دولار امريكي الين الجنية الاسترليني و الدولار الكندي و الدولار النيزيلاندي بس... ......

[م تيمور المراغي]

طب حضرتك يا استاذ اركيتيكت بتتعامل مع شركة وساطة ايه؟ و هل التحليل المالي و الفني هيفدني... حضرتك قولت لما ينز ل الترند ل 150 الاكسبرت هيعمل ؟؟ .... هل الاكسبرت ده حاجة بنزلها و لا ملكية فكرية بتاعة حضرتك .... اخر سؤال معلش حضرتك قولت 30 زوج بنعمل الاستراتيجية الي انا اعرفه ان فية عملات محددة زي اليورو دولار امريكي الين الجنية الاسترليني و الدولار الكندي و الدولار النيزيلاندي بس... ......

اهلا مارس

حجاوب على اسالتك بالترتيب

1- انا مش حقدر اصرح هنا عن شركة الوساطة اللي بتعامل معاها ,, حيبقى اعلان رسمي فهمي نظمي والمشرفين هنا ماشاء الله التزام من حديد :happy:

لكن حقول لك على المنظمات ,, لو اي شركه في العالم مسجله فيهما تبقى شركه محترمه ,, ان شاء الله بس صرامة قوانين تلك المنظمات وتعويضها للعميل اكثر من مضمون

يعني اموالك مع الشركات المعتمده من تلك المنظمات اامن من اي بنك في مصر ,,

المنظمات هي :

اولا : National Futures Association

وهي هيئه حكوميه امريكيه تراقب اداء الشركات المسجله بها وتتعامل بكل صرامه مع اي شكوى تصلها وتحقق في الامر وتجبر الشركات على ايصال الحقوق ان وجدت للعملاء

موقعها

http://www.nfa.futures.org/

وحتلاقي علىا لموقع ده اغلب الشركات المسجلة لديها وشرح مميزات كل منها

http://www.100forexbrokers.com/nfa-registered-forex-brokers

ثانيا : The Financial Services Authority (FSA)

وهي هيئه حكوميه بريطانيه تراقب كسابقتها اداء الشركات المسجله بها

موقعها

http://www.fsa.gov.uk/

وحتلاقي علىا لموقع ده اغلب الشركات المسجلة لديها وشرح مميزات كل منها

http://www.100forexbrokers.com/fsa-regulated-brokers

ولو الشركه مسجله لدى الهيئتين طبعا بيكون لها افضليه ما ,, مع ان التسجيل في ايهما يكفي ,,

ارجوا اني اكون وفيت معاك في شرح النقطه دي ,,

بالنسبه للاكسبرت فانا مش حقدر حاليا انزله هنا في المنتدى الى ان نقوم بتسجيل براءة الاختراع ان شاء الله تعالى وستكون يا مارس من اوائل من اعطيهم النسخه المجانيه لتستفيد بها ان شاء الله تعالى ,,

انا لما فتحتا لموضوع ده كان قصدي اشرح 90% من ملامح الاستراتيجيه لكي يستفيد بها من لديه بالفعل استراتيجيته الخاصه في دعم مالديه الى مالدي ,, وبالنسبه للمبتدئين كنت عاوز اشرح لهم كل مايتعلق بخبايا الفوركس لكي يتجنبوا اي اخطاء ويبدؤوا من حيث ما انا انتهيت ,,

انت ماشءاء الله عليك يا مارس عاوز المفيد من غير ماتشغل بالك بباقي المعلومات وده مش صحيح ,,

انا دوري زي ماقلت قبل كده اني اعلم الجميع الصيد ,, وليس ان اعطي السمك ,,

فمن اعطاني سمكه اطعمني يوما واحدا ,, ومن علمني الصيد اطعمني دول العمر ,,

بالنسبه لازواج العملات فمن اسمها يدل على انهما عملتان يتم التقايض فوريا فيما بينهما ,,

يعني تشتري استرليني باليورو ,, او دولار كندي بدولار استرالي وهكذا

العملات بالفعل هم سته رئيسين و اكثر ,,

لكن الازواج تفوق الثلاثين كتباديل بين العملات وبعضها بالاضافه طبعا للنفط والذهب والفضه والغار وغيرهم

شوف مثلا الموقع ده حيوضحلك العديد من الازواج واسمائها

http://www.fxsolutions.com/trading/forex.asp

وفي انتظار اسالتك ,,

[marselia]

شكرااااا كتيييييير يا استاذ اركيتيكت علي الاجوبة الدوا ديه... هوا ايه كلمة بيبس ديه ... و الدورة هتنتهي علي امتي ان شاء الله ؟؟

[م تيمور المراغي]

بيب = pip = نقطه

والازواج كلها في جميع منصات التداول يتم تداولها بالنقاط

والنقطه في اغلبها جزء من مئه من السنت ,,

يعني كمثال

سعر اليورو \ دولار حاليا هو

1.3626

يعني اليورو الواحد يساوي دولارا امريكيا و ستة وثلاثون سنتا و ستة وعشرون جزءا من السنت

فحركة الازواج تكون بتلك النقاط

هناك شركات تتداول بالجزء من الالف من النقاط يعني خمسة ارقام عشرية بدلا من اربعة ارقام عشريه

والدوره تنتهي عندما لا اجد اي استفسار من اي احد من الاخوان وقتها سوف اعلن نهاية الدوره

[marselia]

مشكوووووووووووووووووور علي الرد السريع يا استاذ اركيتيكت .. و متميز بردودك السريعة و الشافية... حضرتك قولت في استراتيجية حضرتك .. ان لو السعر نزل 150 نقطة مثلااا..يعني لازم ينزل و لا علي حسب الترند ؟؟؟.... سؤال اخر حضرتك قولت في استراتيجية حضرتك بتعتمد علي التحليل الفني في اتخاذ قرارتك الشرائية .. طيب خبر النهاردة زي القصف المتبادل في للكوريتين ممكن يضر بالسوق الاسيوية و كذلك الين امام العملات الاخري... هنا بقا في خبر زي ده نهتم بالتحليل الاساسي و برضة ماشيين بالتحليل الفني؟؟؟

[م تيمور المراغي]

مشكوووووووووووووووووور علي الرد السريع يا استاذ اركيتيكت .. و متميز بردودك السريعة و الشافية... حضرتك قولت في استراتيجية حضرتك .. ان لو السعر نزل 150 نقطة مثلااا..يعني لازم ينزل و لا علي حسب الترند ؟؟؟.... سؤال اخر حضرتك قولت في استراتيجية حضرتك بتعتمد علي التحليل الفني في اتخاذ قرارتك الشرائية .. طيب خبر النهاردة زي القصف المتبادل في للكوريتين ممكن يضر بالسوق الاسيوية و كذلك الين امام العملات الاخري... هنا بقا في خبر زي ده نهتم بالتحليل الاساسي و برضة ماشيين بالتحليل الفني؟؟؟

العفو يا مارس انا اللي بشكرك على اثراءك للموضوع بمداخلاتك الكريمة

انا ماقولتش يا مارس ان استراتيجيتي بتعتمد على التحليل الفني

احنا قلنا اننا بنراقب حركة السعر

ولما نلاقيه نزل او طلع

150 بيب

متواصلين بدون تصحيح

بندخل بصفقة عكس الترند

ونفضل نعزز كل 50 بيب مثلا بترتييب معين

وباحجام معينه

انا زي ماوعدتك ان شاء الله اني حعطيك نسخة مجانيه من الاكسبرت لما نسجل براءة الاختراع ,,

بالنسبه لخبر زي بتاع اليوم

لو رجعت للرابط اللي اعطيتهولك قبل كده

حتلاقي ان الاستراتيجيه م تتاثر على الاطلاق بالخبر رغم حركة السوق اليوم كانت قويه على كل الازواج بدون استثناء

الباوند ين مثلا نزل 400 نقطه

ورغم كده ولله الحمد مافيش اي تاثير حصل وده بسبب الالتزام بالشروط اللي قلناها قبل كده وحقولها تاني

1 - راس المال لا يقل عن 10 الاف دولار

2 - اصغر حجم للدخول هو صفقه مايكرو النقطه تساوي = 10 سنت

3 - توزيع المخاطره على كل الازواج الموجوده تحت منصة التداول

4 - الدخول بعد مرور 150 نقطه بدون تصحيح وعكس الترند

5 - الرافعه لا تقل عن 1:400 مع كفائة التنفيذ بالطبع ,,

اكرر ان الاستراتيجيه رقميه بحته لا دخل لها بالتحليل الفني او الاساسي على الاطلاق ,,

[marselia]

كالعادة مشكووووورررررررر علي ردك السرييييييييييع جدااا...معاش و الله استحمل اسئلتي الكتيرة بس يعني ايه بندخل في صفقة عكس الترند؟؟؟ .... و كلمنا عن عن حضرتك شوية يعني انا بكلم حضرتك لغاية دلوقتي و معرفش اسم حضرتك ايه... اما هقدم نفسي .. انا احمد مصطفي من القاهرة 25 سنة و شغال محاسب .. و كان نفسي اهاجر كندا بس كندا ادت دهرها للمحاسبين الي زيي:(

[م تيمور المراغي]

تشرفنا والله احمد بك ,,

وربك هو ارزاق مش كندا ولا اوروبا ,,

وانا متاكد انه بعد فتره ليست بالطويله حنسمع عنك كل خير ان شاء الله سواء في مصر او في الغربه زينا كده

انا اسمي تيمور عبد المنعم ,, مهندس معماري

السعر في اثناء حركته بشكل متواصل ,, بيسلك مسار بيسميه المتخصصين ( ترند ) ,, Trend ,, وترجمته : الاتجاه او المسار

لو سلك مساره هذا بدون ان يستريح ,, فلابد من نقطة ما ,, يبدا ما يسمى بالتصحيح يعني يريح بالمصري ثم بعد ذلك يكمل مساره او يعكس مساره ,,

احنا في شغلنا بنشتغل على كسر الترند ,, وده منطقي لانه وقتها بيكون حصل تشبع جزئي او كلي للمسار ,,

و تبدا الموجه في الانعكاس لان الرابحين بيكونوا اكتفوا بالارباح وبدؤوا فيما يسمى بجني الارباح وهي كالشراره ما ان يبداها مجموعه حتى يسارع الباقيين ببيع مالديهم خوفا من نزول السعر وبالطبع بيؤدي ذلك في النهاية الى انعكاس الترند بشكل جزي او كلي ,,

يعني ببساطه ,,

لو نزل السعر اكثر من 150 نقطه مره واحده بدون تصحيح بندخل بصفقة شراء

والعكس لو صعد السعر بندخل بصفقة بيع ,,

طبعا الارقام دي تقريبيه وبتختلف من زوج لاخر بس انا ضربت مثال للتوضيح ليس اكثر ,,

وفي انتظار اي استفسار منك في اي وقت ,,

[marselia]

طب يا استاذ اركيتيكت ... ما هي الشموع اليابانية؟؟

[م تيمور المراغي]

الشموع اليابانية هي واحدة من أشهر وسائل التمثيل البياني في أسواق المال، ولكن لا يقتصر استخدامها على ذلك فقط، فهي تعتبر تقنية فريدة من نوعها لقراءة رد فعل السعر والتعرف على نفسية المستثمرين من خلال مجموعة من النماذج التي تعطي إشارات مبكرة ذات قيمة كبيرة للمحللين.

يرجع تاريخ الشموع اليابانية إلى حدود عام 1600م، حيث كان اليابانيون يتاجرون في سوق الأرز، وقام مضارب يسمى "Munehisa homma" بابتكار تقنية فنية لتمثيل سعر الأرز وتحليله وسميت هذه التقنية بالشموع اليابانية.

ومقارنة الشموع اليابانية برسم الأعمدة ظالمة جدًا، فالشموع اليابانية تتفوق إلى حد كبير فهي توضح نفس البيانات التي توضحها الأعمدة (الافتتاح، الإغلاق، الحد الأدنى، الحد الأعلى) ولكن في علاقة بين هذه الأسعار لتشكل نماذج تعطي انطباع صادق عن نفسية المستثمرينويتكون جسم الشمعة من اربعة اقسام :

سعر الإغلاق - سعر الإفتتاح - أعلى سعر - أدنى سعر

وتنقسم الشموع إلى قسمين : فارغة و مملوءة

إذا كان سعر الإغلاق فوق سعر الإفتتاح عندها تكون الشمعــة فارغـــــة وسنــــــرمز لهـا باللون الأبيــض

واذا كان سعر الإفتتاح أعلى من سعر الإغلاق عندها تكون الشمعــة مملوءة وسنرمز لها باللون الأسود

وهذا درس فيديو رائع ووافي عن كل اسرار الشموع اليابانيه وكيفية الاستفاده من المعلومات الوفيره التي تعطيها للمتداول ,,

http://www.youtube.com/watch?v=2RzgvKpZL-o

[marselia]

السلام عليكم يا استاذ اركيتيكت .. معلش و الله الواحد ملخوم في الشغل و كل فين و فين الواحد يقعد علي النت و يكلم حضرتك... الواحد كان يبدرس شوية فوركس كدة شوية من كتب و شوية من النت .. كان ليا سؤال محيرني اوي .. حضرتك قلت في استراتيجيتك انك سوف تدخل ب 30 زوج مختلف .. معني كدة انها صفقة هيدج و لا ايه ... يعني مثلااا لو دخلت دولار و يورو ... و يورو و دولار طب مهوا كدة الي هكسبه من هنا هخسره من هناك ..طب ازااااي.. يا ريت شرح شافي من حضرتك؟؟

[م تيمور المراغي]

السلام عليكم يا استاذ اركيتيكت .. معلش و الله الواحد ملخوم في الشغل و كل فين و فين الواحد يقعد علي النت و يكلم حضرتك... الواحد كان يبدرس شوية فوركس كدة شوية من كتب و شوية من النت .. كان ليا سؤال محيرني اوي .. حضرتك قلت في استراتيجيتك انك سوف تدخل ب 30 زوج مختلف .. معني كدة انها صفقة هيدج و لا ايه ... يعني مثلااا لو دخلت دولار و يورو ... و يورو و دولار طب مهوا كدة الي هكسبه من هنا هخسره من هناك ..طب ازااااي.. يا ريت شرح شافي من حضرتك؟؟

الله يوفقك يا مارس ويعينك ,,

لا انا كنت اقصد توزيع المتاجره على كل الازواج المتاحه تحت منصة التداول التي تتعامل معها ,,

لكن على مستوى الزوج الواحد ,, زي ماقلنا اننا بندخل بحجم صغير جدا ,, وبعد مسافه معينه ندخل بصفقة اخرى وفي نفس الاتجاه وهكذا ونقتنص اي تصحيح للخروج واغلاق الصفقات بالكامل ,,

[م تيمور المراغي]

مؤسس ويكيليكس: الضحية المقبل للتسريبات سيكون مصرفاً أمريكياً كبيراً

قال الأسترالي جوليان أسانج، مؤسس موقع "ويكيليكس" والمشرف على تسريباته من وراء الكواليس، إن أحد المصارف الأمريكية الكبرى سيكون الضحية المقبلة لتسريبات جديدة سينشرها الموقع قريباً.

ورفض أسانج في مقابلة مع مجلة "فوربس" الاقتصادية الأمريكية بثتها الثلاثاء 30-11-2010 في موقعها على الإنترنت وستنشرها في عددها الورقي يوم 20 دسيمبر/كانون الأول المقبل، أن يذكر اسم البنك الذي وصفه بكبير، لكنه قال إن "ويكيليكس" سيبث التسريبات حوله مطلع العام الجديد

انتهى الاقتباس ,,

عارفين ان جوليان ممكن يحقق ملايين من المعلومه دي ,,

[marselia]

طب ازززززااااي جوليان هيعمل كده؟؟

[م تيمور المراغي]

سهله يا مارس ,,

الخبر عنده وهو اللي حينشره ,,

يستنى للفتره ما بين " 20 ديسمبر - 7 يناير "

و بعد افتتاح سوق نيويورك بدقايق ,,

حيدخل شورت - بيع - على سهم البنك المذكور ,,

وبعد كده الموقع ينشر الخبر السلبي ,,,

وهو يكسب ,,

[marselia]

مشكووووور اخ تيموووور علي الرذ ...ؤال كدة علي الماشي هل اسواق استراليا و طيوكيو و نيويورك و لندن مرتبطييين يعني مثلاااا لو خلصت بورصة استراليا من التداول يجي بعدها بورصة طوكيو لتكمل ما انتهت اليييه بورصة استراليا و لا هما منفصلين؟؟

[marselia]

فينكككككككككك يا استاذ تيمووووور ... في انتظار مشاركاتك و ابداعاتك

[م تيمور المراغي]

مشكووووور اخ تيموووور علي الرذ ...ؤال كدة علي الماشي هل اسواق استراليا و طيوكيو و نيويورك و لندن مرتبطييين يعني مثلاااا لو خلصت بورصة استراليا من التداول يجي بعدها بورصة طوكيو لتكمل ما انتهت اليييه بورصة استراليا و لا هما منفصلين؟؟

اعذرني يا مارس وكل المتابعين عن الغيبه معلش ,,

توقيتات الاسواق الاربعه الرئيسيه وهي - سيدني - طوكيو - لندن - نيويورك - متداخله فيما بينها ,,بحيث لاتمر ثانيه واحده الا واحدهم مفتوح ,, وذلك على مدار الاربعه والعشرين ساعه خلال 5 ايام في الاسبوع تبدأ من منتصف ليلة الاحد بتوقيت القاهره مع افتتاح سوق سيدني وتنتهي منتصف ليلة الجمعه بتوقيت القاهره مع اغلاق سوق نيويورك ,,

والجدول التالي يوضح عدد الساعات الخاصه بكل سوق ,, وتوقيت الافتتاح والاغلاق لكل منهم حسب توقيت القاهره ,,

[م تيمور المراغي]

ستاندرد تشارترد: السعودية سترفع سعر الفائدة قبل المركزي الأمريكي

توقع بنك ستاندرد تشارترد في تقرير له حول الاقتصادات الخليجية، أن تقوم مؤسسة النقد العربي السعودي "ساما"برفع أسعار الفائدة قبل أي خطوة مماثلة من الاحتياطي الفدرالي (المركزي الأمريكي).

من ناحية أخرى، توقع التقرير أن يبلغ حجم الديون الحكومية في قطر إضافة إلى ديون البنوك والشركات 103 مليارات دولار بنهاية العام الجاري.

وبالنسبة للقطاع العقاري في دبي توقع التقرير أن تتراجع أسعار المنازل بنسبة 5% وأسعار المكاتب بنسبة 10% في العام المقبل، وأضاف أن أسعار العقارات تحتاج ما بين 18 الى 24 شهراً لتصل إلى القاع.

[م تيمور المراغي]

لو معاك 100 الف ريال سعودي ,,

كيف تستفيد من هذا الخبر ؟